VOAL

VOAL

Copyright © 2022

VOAL

Festivali i tretë i shkollave shqipe në Amerikë një aktivitet madhështor dhe kombëtar – Nga Keze Kozeta Zylo

June 11, 2016

Festivali i tretë i shkollave shqipe në Amerikë një aktivitet madhështor dhe kombëtar

Në ishullin e bukur Staten Island që lidhet me Brooklinin dy nga lagjet e njohura të Shtetit të Nju Jorkut nëpërmjet urës së famshme Verazano Bridge e cila është e vetmja urë në botë që mbahet në bazë të forcës së tërheqjes u zhvillua Festivali i tretë i Shkollave Shqipe në Amerikë, ide e hedhur 4 vite më parë nga ish Konsulli i Përgjithshëm i Kosovës në New York, z.Bekim Sejdiu.

Shkolla publike amerikane: Ps 48 dukej sikur kishte hapur krahët për të mirëpritur, nxënësit, mësuesit, prindërit dhe gjithë mysafirët që kishin ardhur për të marrë pjesë në këtë Festival të mahnitshëm.  Edhe pse natyra derdhi gjithë paraditen e saj shiun me shtama dukej sikur ishte në harmoni perfekte me hapjen e diellit në orën 2 mbasdite orë kur filloi kënga dhe vallja shqiptare të interpretuar aq profesionalisht nga nxënësit e Shkollave Shqipe të cilat ishin pjesëmarrës në këtë festival.

Nxënësit vinin grupe grupe të shoqëruar nga prindërit dhe mësuesit e tyre, ndërsa në hyrje të derës i mirëpriste çifti Adelina dhe Imer Lacaj si dhe Elda Rama, ndërsa zotërinjtë si Safet Doçi, Agim Pira dhe Përparim Likollari merreshin me sigurimin dhe lëvizjet me radhë të nxënësve të Festivalit të Shkollave Shqipe si: Shkolla Shqipe ne Clifton, New Jersey, me drejtor z.Shaban Gjoka, Shkolla Shqipe të Qendrës Kulturore në Riverdale, New Jersey, me drejtor z.Zulfi Alla dhe n/drejtor z.Nebi Kaba, Shkolla Shqipe “Hasan Prishtina” në Waterberry, Connecticat, me drejtor z.Rakip Hetemi,  Shkolla Shqipe ne Bronx, New York, me drejtor z. Mustaf Qosja, Shkolla Shqipe “Alba Life” që vepron në tri lagje të Nju Jorkut si në Staten Island, Brooklyn dhe Manhattan,  me drejtor z.Qemal Zylo, kishin bërë një punë të shkëlqyer për te arritur rezultate të epërme, rezultate që cuan në vlerësime dhe mirënjohje nga të gjithë prindërit qëI sjellin me aq dashuri fëmijët e tyre.

Drejtor organizativ i Fesivalit ishte z.Qemal Zylo, drejtor artistik z.Petrika Melo dhe regjisore znj.Lindita Mezini Lole.

Festivali filloi ekzaktësisht në orën 2 mbasdite në atë orë që ishte vendosur fillimi i programit pasi vetëm me korrektësi dhe punë serioze edukohen nxënësit nëse ke vendosur të punosh në këtë mision nga më fisnikët.
Prezantuesit e programit zonjusha simpatike Drenica Qelia një gazetare me plot sharm, veshur plot shije, me përvojë në TV-t në Shqipëri dhe z.Marko Kepi President i organizatës “Rrënjët shqiptare” dhe aktivist i shquar i Diasporës në Amerikë prezantuan Festivalin e tretë të Shkollave Shqipe në Amerikë.

Të dy iu uruan mirëseardhjen të gjithë pjesëmarresve ne edicionin e tretë të festivalit të Shkollave Shqipe në Diasporë që këtë vit organizohet këtu në ishullin e bukur të Nju Jorkut, Staten Island, në këtë sallë moderne, ku Nju Jorku do të ushtojë SHQIP!  Salla shpërtheu nga duartrokitjet kur në skenë u shfaqën 200 nxënës shqiptarë të lindur dhe rritur në Amerikë me ngjyrat e Flamurit kuq e zi.  Ishte një pamje e hatashme, një pamje që do të magjepste dhe Van Gogun në se do të ishte gjallë dhe pjesëmarrës në këtë festival i cili me siguri që do kishte krijuar pikturën më të bukur në botë me Engjëj Shqiptarë në Diaspore.

Pamja mrekulluese rrëmbeu pjesëmarrësit me duartrokitje kur filluan të këndoheshin të dy hymnet shqiptare dhe amerikane interpretuar përsosmërisht nga artistja e vogël e Diaspoërs që premton shumë Kristina Melo, nxënëse e shkollës shqipe “Alba Life”, New York.

Skena rrezëllinte e tëra, ndërsa Flamuri Kombëtar i Shqiperise, Amerikës dhe flamuri i shtetit të Kosovës mbaheshin dhe valëviteshin me krenari nga duartë e flamurtarëve të cilët ecën përgjatë skenës për të nderuar kombet përkatëse.

Hapja zyrtarisht e Festivalit dhe përshëndetjet

Të dy prezantuesit Qelia dhe Kepi ftuan në skenë drejtorin organizativ të festivalit dhe mikpritësin e këtij aktiviteti z.Qemal Zylo themelues i Shkollës Shqipe “Alba Life” dhe i TV “Alba Life”, New York për të hapur zyrtarisht Festivalin e tretë të shkollave shqipe në Amerikë, hapje që u mirëprit me duartrokitje të përzemërta nga të gjithë pjesëmarrësit në sallë.

Z.Qemal Zylo në përshëndetjen e tij koncentrat tha:
Të dashur, prindër, mësues, dashamirës dhe të ftuar në Festivalin tone të tretë të Shkollave Shqipe në Amerikë!  Kam kënaqësinë sot, t’ju përshëndes e mirëpres në emër të Këshillit Organizativ të Festivalit dhe t’ju uroj mirëseardhjen në këtë aktivitet shumë të rëndësishëm e të larmishëm të shkollave tona shqipe dhe shpresoj se do të kaloni një kohë të këndshme duke dëgjuar këta 200 nxënës të vegjël. Këta nxënës megjithëse janë lindur këtu në Amerikë e larg trojeve ku u lindën e u rritën prindërit e tyre, kanë mësuar jo vetëm të flasin e të shkruajnë shqip, por edhe të këndojnë këngët e bukura folklorike e të vallëzojnë vallet popullore që janë pjesë e kulturës sonë Kombetare shqiptare.
Ne jemi krenar që kemi ulur numrin e nxënësve që nuk flasin shqip, sepse siç thote Rilindasi i shquar Sami Frashëri:   “Viktimat e gjuhës, janë më të shumta, se viktimat e shpatës”.  Prandaj le t’ju dhurojmë një duartrokitje për paraqitjen me sukses sot në Festival.  Më lejoni që me këtë rast të falënderoj të gjithë prindërit që na kanë mbështetur në këtë mision të vështirë, por mjaft fisnik, të falënderoj të gjithë mësuesit dhe drejtuesit artistik që me nje perkushtim të madh kanë ditur të punojnë dhe të përballojnë edhe vështirësi që kanë të bëjnë me nivele të ndryshme të të njohurit të gjuhës shqipe dhe të moshave të ndryshme.
ë lejoni të falënderoj përfaqesuesen e Ambasadës së Shqipërië në Washington znj.Irena Daji, Konsullin e Përgjithshëm të Republikës së Kosovës, z. Ylber Kryeziu, dhe gjjithashtu falënderoj të gjithë kryetarët e shoqatave që sot ndodhen në këtë festival.  Një falënderim të veçantë për të gjithë këshillin organizues, drejtorin artistik, z.Petrika Melo, si dhe të gjithë drejtuesit artistik të shkollave, koreografët e stafin për përgatitjen e zhvillimin  me sukses të këij Festivali.  Falënderoj të gjithë mediat, të cilat do ta bëjnë të mundur ta përçojnë këtë tek ata që nuk patën mundësi ta ndjekin nga afër këtë festival.  Pa dashur t’ju marrë shumë kohë le t’ju lë tani të ndiqni programin e Festivalit të tretë të shkollave Shqipe këtu në Amerikë.  Zoti e bekoftë Amerikën!  Zoti e bekoftë Shqipërinë dhe Kosovën, të cilave ju uroj një bashkim sa më të shpejtë në një Shtet Etnik Shqiptar, me një Gjuhë dhe një Flamur.

Pas përshëndetjes së z.Zylo fjalën e ka marrëz.Ylber Kryeziu, Konsull i përgjithshëm i Kosovës i cili tha:
Të dashur bashkëkombas, vëllezër dhe motra, Është nder i madh për mua dhe kënaqësi të jem këtu me ju të gjithë me rastin e Festivalit të 3-ë të fëmijëve.
Ky festival më jep privilegjin e rrallë për të parë dhe shijuar momentet magjike të krijuara nga zemrat e guximshme të fëmijëve tanë, që njëherësh jane kujdestarët e ardhshëm të vlerave tona tradicionale.  Ne kemi përgjegjësinë e dorëzimit të vlerave tona kulturore të brezit të sotëm për të mbajtur gjallë zakonet dhe traditat e pasura të kombit tonë me anë të aktiviteteve të ndryshme kulturore siç është Festivali i Shkollave Shqipe.  Unë do të doja të falënderoj dhe të njoh përpjekjet e palodhshme të drejtorëve të shkollave shqipe, të cilët përmes punës angazhimit dhe guximit të tyre kanë dhënë kontribut të jashtëzakonshëm në ruajtjen dhe promovimin e gjuhës dhe kulturës shqipe ndër vite. Andaj, zgjerimi me sukses i aktiviteteve tuaja, është dëshmi për fuqinë e diasporës shqiptare këtu në New York dhe unë si përfaqsues i shtetit të Kosovës, jam krenar të qëndroj para jush.  Për vite me radhë fëmijët e komunitetit tonë kanë fituar njohuri në trashëgiminë e pasur të artit tonë, kulturës, gjuhës, letërsisë, zakonit dhe traditës tonë.  Eshtë inkurajuese për të parë fëmijët tanë, që përkundër largësisë nga kanë ardhur prindërit dhe gjyshërit e tyre, tek këndojnë, vallëzojnë, flasin e mendojnë shqip.  Ata, kanë krijuar tanimë lidhje shpirtërore me rrënjët e tyre.  Kjo i ndihmon ata të zhvillojnë një personalitet shumë dimensional, duke bërë të mundur edhe fuqizimin e tyre për t’u përballuar nesër në mjedise konkuruese.  Sot unë jam i bindur se përpjekjet e këtyre shkollave kanë ndihmuar jashtëzakonisht në transformimin e së ardhmes se fëmijeve tanë.  Sot, unë jam i bindur se përpjekjet e këtyre shkollave kanë ndihmuar jashtëzakonisht në transformimin e së ardhmes së fëmijëve tanë.  Kjo është e qartë nga fytyrat rrezatuese që ata japin në skenë, por dhe nga numri I prindërve që jeni ulur dhe shijoni suksesin e fëmijëve tuaj.
Si Komunitet ne duhet të përparojmë së bashku.  Ne duhet të përpiqemi për një të nesërme më të mirë.  Ne duhet të ëndërrojmë për një të ardhme më të mirë.  Ky bashkëpunim është i mundur me anë të projekteve të tilla të bashkëpunimit me institucione.  Për më shumë, plotësimi i dëshirave të fëmijës duhet të inkurajohen nëpërmjet institucioneve të cilat mund të eksplorojnë potencialet dhe aftësitë e tyre të fshehura.  Ne kemi nevojë për t’i dhënë fëmijëve liri të plotë për të shprehur emocionet dhe kreativitetin e tyre dhe ne nuk duhet të vrasim dëshirën e tyre për të bërë gjëra që ata duan të bëjnë.  Përkundrazi ne duhet të inkurajojmë fëmijët për të përmbushur dëshirat e tyre krijuese.  I uroj të gjithë fëmijëve tanë suksese më të mira,  duke shpresuar dhe uruar që shoqëria jonë të mbetet e sigurt në duart e brezave tanë të ardhshëm.  Zoti ju bekoftë!

 

Pas fjalës se z.Kryeziu e mori fjalën Konsullja e përgjithshme e Republikës së Shqipërisë në New York znj.Irena Dai e cila tha:
Të nderuar organizatorë të Festivalit të tretë tëshkollave shqipe, të dashur të ftuar dhe performues të festivalit,   Jam sot këtu t’ju përcjellë përshëndetjet dhe urimet më të mira të ambasadës së Republikës së Shqipërisë në Shtetet e Bashkuara të Amerikës znj.Floreta Faber e cila për shkak të një angazhimi zyrtar të rëndësishëm e pati të pamundur të vinte këu.  Ju përcjell përgëzimet e saj të përzemërta duke ju uruar suksese të të gjitha shkollave shqipe.  Mirënjohje të thellë dhe respekt për të gjithë mësuesit e gjuhës shqipe për përkushtimin e tyre në realizimin e një qëllimi unik të ruajtjes dhe mësimit të shqipes.  Një falënderim të vecantë e përcjell prej saj për prindërit të cilët mbëshetën dhe inkurajuan fëmijët e tyre të mësojnë gjuhën shqipe.  Festivali i tretë është finalizimi i një pune të palodhur të mësueseve, organizatorëve, fëmijëve që padyshim janë një inspirim për cdo kënd dhe mesazhi që transmetojnë është tepër i çmuar dhe për brezat e rinj.
Mësojeni dhe duajeni gjuhën tonë shqipe!  Suksese të gjitha shkollave!
Programi i Festivalit të tretë të Shkollave Shqipe në Amerikë

 

Pas duartrokitjeve prezantuesit Kepi dhe Qelia kanë paraqitur programin sipas radhës

Pë të hapur Festivalin e pati nderin Shkolla Shqipe në Clifton, New Jersey me drejtuesa artistik: koreografi Arjana Cele dhe këngëtari Fatjon Krasniqi, ndërsa muzika e përpunuar nga Fadil Sahatciu.  Ata u paraqitën denjësisht në Festival cka fliste për një punë serioze të të gjithë organizatorëve dhe mësuesëve dhe nxënësve.
Shkolla Shqipe në Clifton, New Jersey u paraqit me këtë program ku nxënësit performuan mjeshtërisht:
“ E dua vendin tim”  kënduar nga Dielleza  Zendelli/ “Kuq e zi je ti”, këndon kori i shkollës nën drejtimin e Fatjon Krasniqit me muzikë tëpërpunuar nga Fadil Sahatçiu/ Kolazh vallesh nga krahinat e Devollit, Tropojës, Librazhdit,  Kukësit  dhe Tiranës përgatitur nga koreografia Arjana Cela.
Pas shkollës së Cliftonit në skenë erdhën nxënësit e Shkollës Shqipe në Bronx, New York me drejtues artistic Beqir Dedushi të cilët u paraqitën me këtë program si: Kolazh me melodi dhe valle folklorike luajnë Leart Dedushaj, Denis Zadriaj dhe Ëngjëll Juncaj/ “Nina – Nana,” kompozitor  Pjeter Gaci, luajtur ne flaut nga Leart Dedushaj/ “O sa mirë me kenë Shqiptar” këndon grupi i shkollës/ Melodi nga Limoz Dizdari luan në piano Erind Rugova/ “Vallja e Logut”, vallëzojne grupi i valltarëve të shkollës / “Shqipëri o Nëna ime “këndon Engjëll Juncaj dhe grupi.
Të gjithë nxënësit u përcollën me duartrokitje të nxehta çka fliste për një debutim serioz dhe përgatije profesionale nga ana e drejtuesve artistik dhe mësuesëve të kësaj shkolle.
Në radhën e tretë erdhën nxënësit e Shkollës Shqipe të Qendrës Kulturore në Riverdale, New Jersey me Drejtuese Artistik znj.Majlinda Kaba.
Nxënësit erdhën në skenë dhe interpretuan me një nivel të lartë sikur të ishin vallet e Ansamblit shtetëror.  Ata u paraqitën me këtë program:  Vallja  “Amaneti” me koreografi të Majlinda Bajraktarit  vallëzuar nga grupi i më të vegjëlve/ Vallja “Shpresa” me motive nga Shqipëria e Mesme, vallëzojne grupi i valltarëve me Koreografi të Filloreta Hoxha/ “Pse jemi të ndarë” kënduar nga Erion dhe Erlinda Zhaku /Vallja “Rrënjët tona” me motive nga Malësia e Madhe vallëzuar nga grupi I nxënësve më të rritur me koreografi të Shkëlqim Fetahut dhe Majlinda Bajraktari/
Në radhën e katërt dhe të pestë ishin nxënësit e Shkollës  Shqipe “Alba Life” në New York me Drejtues Artistike Sopranon Dëshira Ahmeti Kërliu dhe nxënësit e Shkollës Shqipe “Hasan Prishtina” në Waterbary, Connecticat me Drejtues Artistik koreografin Lulzim Kica ku nxënësit prezantuan vetë programin e tyre.
Shkolla Shqipe “Alba Life” u paraqit me këtë program:  “Valle e këngë Shqiptare” kompozuar nga Aleksander Vezuli.  vallëzojnë grupi i valleve të shkollës “Alba Life” në Staten Island me koreografi të nxënëses Kristina Melo këndon Eneo dhe Kevin Rustani shoqëruar nga kori i shkollës “Alba Life “ në Brooklyn nën drejtimin e sopranos Dëshira Ahmeti Kerliu.
Vazhdoi me shkollën “Hasan Prishtina” me Lekë Pecnikaj. “Valle me motive Kosovare”  vallëzojne grupi i valltarëve të shkollës “Hasan Prishtina” ne Waterberry Connecticat me koreografi nga Lulëzim Kica.
Kolazh i Shqipërisë së Mesme vallëzojne grupi i valltarëve të shkollës “Alba Life” në Brooklyn me koreografi të Afërdita Kacupaj/ “Dhuratë për ditëlindjen”  orkestacioni Tom Lleshi këndon Kristina Melo dhe shoqëron Kori i Shkollës Shqipe “Alba Life” në Staten Island.
Liri Tahiri, Kolazh me valle të Tiranës vallëzojnë grupi i valltarëve të shkollës “Hasan Prishtina” në Waterberry, Connecticat me koreografi të Lulëzim Kica/ “Mora fjalën” kënduar nga vogëlushja Eliana Dani gjithashtu nga shkolla Shqipe “Hasan Prishtina”
Vallja e Napolonit  vallëzojnë grupi i valleve të shkollës shqipe “Alba Life” në Staten Island me koreografi nga Entela Muda.
Ilir Shaqiri  “Zëri I Atdheut” Valle për Flamurin vallëzojnë grupi i valltarëve të shkollës “Hasan Prishtina” në Waterberry Connecticat me koreografi të Lulëzim Kicës.
Kënga e Abetares u këndua nga Dea Kerliu dhe Dea Watkins shoqëuar nga kori i shkollave shqipe “Alba Life” në New York nën drejtimin e sopranos Dëshira Ahmeti Kerliu dhe me koreografi të Afërdita Kacupaj.
Prezantuesit Kepi dhe Qelia kanë ftuar në skenë të 200 nxënësit e shkollave shqipe që  morën pjesë në këtë festival për të mbyllur programin me këngën: “Gjuha Shqipe Gjjuha Jonë” me tekst nga Kozeta Zylo, muzika Petrika Melo dhe orkestracion të Tom Lleshaj, kënduar nga Kristina Melo dhe kori i të gjithë shkollave shqipe pjesëmarrëse në  Festivalin e tretë .
Mbyllja e programit ishte me duartrokitje të stuhishme nga të gjithë pjesëmarrësit, ata të cuar në këmbë dhe shumë prej tyre me lot në sy falënderonin përzemërsisht nxënësit, mësuesit, prindërit dhe të gjithë stafin që punuan aq shumë për realizimin me madhështi tëkëtij programi.
Me të drejtë Marko Kepi gjatë prezantimit tha se shkollat shqipe janë shumë tërëndësishme, nxënësit e tyre janë e ardhmja e Kombit, drejtuesit dhe mësuesit punojnë shumë, ata vinë përherë gjatë javës, kurse organizatat e tjera mund tëmblidhen njëherë në muaj apo në vit për aktivitete të ndryshme, por me shkollat është më e vështirë, shumica janë te vegjel, prandaj ne të gjithë ju shprehim mirënjohjen e pakufishme.
Zonjusha Qelia ftoi Drejtuesin organizativ të Festivalit tëtretë z.Qemal Zylo dhe Drejtuesit e Shkollave Shqipe për të dhuruar Trofetë e Festivalit dhe medaljet për pjesëmarrësit, ndërkohë në skenë u ftuan dhe komisioni organizues si: Irena Dai, Ylber Kryeziu, Zulfi Alla, Shaban Gjoka, Mustaf Qosja, Rakip Etemi, drejtori artistik Petrika Melo dhe drejtuesit artistik si dhe regjisorja artistike sopranoja Lindita Mezini Lole.
Gjithë programi kishte për operator të qendres së zërit, muzikantin dhe dezinjatorin Andrea K.Lole, Odise Salillari inxhinier në sistemimin e zëit, Shpëtim Bardhi teknik për ndricimin dhe ndihmës në qendrën e zërit.
Festivali u filmua nga “Arb TV” dhe studio “Tirana” me producent Xhevdet Bacova si dhe nga Todd Watkins kameraman në TV “Alba Life” dhe Drena Qelia gazetare pranë TV “Alba Life”.   Aparatet private s’pushuan shkrap e shkrup duke marrë foto ku ndermjet tyre dha ndihmë dhe dalloheshin profesionalisht z.Esat Ahmeti I shkolles shqipe në Riverdale dhe Shpëtim Bardhi nëshkollën Shqipe “Alba Life”.
E diela e parë e qershorit, 2016 në Staten Island, ishte një ndër ditët e bukura për të gjithë pjesëmarrësit ishte një ndër ditët që s’do të harrohet kurrë, ngase nxënësit e shkollave shqipe në Amerikë u mblodhën së bashku në Festivalin e tretë për nga radha dhe kënduan dhe vallëzuan shqip.  Ata janë e ardhmja e Diasporës, janë e ardhmja që ve ne mendime këdo që i do shkollat shqipe dhe i frymëzon ata që të bashkëpunojnë me themeluesit, drejtuesit, mësuesit, prindërit për të përhapur këtë fjalë hyjnore: MËSONI SHQIP!

Qershor, 2016
Staten Island, New York

IMG_9272aIMG_9457aIMG_9520aIMG_9529aIMG_9673aIMG_9663akzvzkzvz2kzvz3kzvz5kzvz6kzvz9

  • twitter
  • facebook
  • linkedin
Fjalë kyçe: , , ,

Komentet

Lajme të ngjashëm

Topalli viziton kishën shqiptare në New York: E drejta juaj për të votuar është një mundësi për të ndikuar në të ardhmen e Shqipërisë

Drejtuesja politike e PD për diasporën, Jozefina Topalli, vijon turin e takimeve me shqiptarët e Amerikës.

Së fundi, Topalli ka njoftuar se ka vizituar kishën shqiptare në Neë York, ‘kisha e Zojës së Shkodrës’.

Me shqiptarët  e diasporës në kishën e Zojës së Shkodrës në Nju Jork.

Topalli ka theksuar se e drejta e emigrantëve për të votuar është një mundësi për të ndikuar në të ardhmen e Shqipërisë.

“Pavarësisht ku jetojmë, zëri ynë ka rëndësi për atdheun tone.”,- është shprehur ajo.

Fjala e plote:

Me shqiptarët në kishën e Zojës së Shkodrës në Neë York:

Të dashur bashkëkombës të diasporës,

Sot, ndërsa gjendem mes jush, zemra më mbushet me krenari dhe emocion. Të jem në këtë kishë, Zojën e Shkodrës, një vend që jo vetëm që është simbol i besimit të thellë , por edhe një strehë shpirtërore.per te gjithe shqiptaret.

Ju keni ndërtuar këtu, larg atdheut, një vend ku Zoti takohet me shpirtin shqiptar, një vend ku lutjet tuaja ngrihen jo vetëm për familjet dhe të dashurit tuaj, por edhe për Shqipërinë, tokën që gjithmonë e mbani të shenjtë në zemrat tuaja.

Ne shqiptarët, që nga kohërat më të lashta, kemi qenë një popull i lidhur fort me besimin dhe kulturën. Malësia e Shkodrës, prej nga vij edhe unë, është dëshmi e kësaj lidhjeje të pandashme, ku feja dhe kombësia kanë ecur gjithmonë krah për krah.

Të jesh shqiptar në mërgim nuk është e lehtë. Ju e dini më mirë se kushdo tjetër sfidat e të ndërtuarit të një jete të re në një vend të huaj. Por ju keni treguar se, me punë të palodhur, sakrificë dhe dashuri për njëri-tjetrin, mund të ruhet identiteti ynë i pasur edhe larg atdheut.

Kisha e Zojës së Shkodrës është më shumë se një vend adhurimi. Është një urë që lidh të shkuarën tonë me të tashmen dhe të ardhmen, që bashkon traditën tonë të shenjtë me sfidat e përditshme të jetës në emigracion. Ajo është një vend ku fëmijët tuaj mësojnë jo vetëm gjuhën e prindërve të tyre, por edhe vlerat që na bëjnë ne shqiptarë të veçantë: mikpritjen, bujarinë, dhe besën.

Jam këtu sot jo vetëm për të përçuar përshëndetjet dhe dashurinë nga vendlindja, por edhe për të dëgjuar historitë tuaja, për të mësuar nga përvojat dhe përkushtimi juaj. Më lejoni të falenderoj secilin prej jush që keni bërë të mundur që komuniteti shqiptar në New York të jetë kaq i fortë dhe i respektuar.

Gjithashtu, dua t’ju inkurajoj të vazhdoni ta mbani të gjallë lidhjen me Shqipërinë. Kombi ynë ka nevojë për ndihmën dhe mbështetjen tuaj, jo vetëm financiarisht, por edhe shpirtërisht. Kemi nevojë për zërin tuaj, për idetë dhe vizionin tuaj, që Shqipëria të ecë përpara si një vend i denjë për historinë dhe kulturën e saj.

Ne shqiptarët kudo që jemi jemi të bashkuar nga një zemër e përbashkët, një dashuri për njëri-tjetrin dhe për Shqipërinë. Në këtë kishë, ku kombësia jonë takohet me besimin, më lejoni të them se të gjithë ju jeni ambasadorët më të mirë të kombit tonë.

Të dashur bashkëkombës të diasporës,

E drejta për të votuar është një mundësi për të ndikuar në të ardhmen e Shqipërisë. Pavarësisht ku jetojmë, zëri ynë ka rëndësi për atdheun tonë. Le të tregojmë dashurinë dhe përgjegjësinë tonë duke marrë pjesë në votime. Shqipëria na pret, dhe çdo votë është një hap drejt një të ardhmeje më të mirë për të gjithë ne.

Votoni për Shqipërinë!

Ju faleminderit për gjithçka që bëni, për familjet tuaja, për komunitetin dhe për Shqipërinë. Zoti ju bekoftë ju, familjet tuaja, dhe vendlindjen tonë të dashur. sn

Shkrimtarët kur flasin për vdekjen- Nga Skënder Karaçica

Letërsi
 
Të gjithë shkrimtarët botërorë dhe shqiptarë,kanë shkruar në botën e letërsisë për vdekjen.Në një kohë,shkrimtarit Ismail Kadare,i është bër pyetja :Ju tremb ikja e viteve dhe vdekja?
Shkrimtari është përgjigjur se e kam përfytyruar në mënyrë krejt të lehtë e pa dramacitet.Nuk më tremb,thoshte I.Kadare.vdekja bën pjesë te jeta e shkrimtarit,është e pandarë dhe është e kuptueshme,nuk  është figurë artistike,është jeta  jote pa praninë  tënde në botë,që shumica e njerëzve nuk e kanë.Ka një aleancë të letërsisë  me vdekjen  në jetë,në ndërhyrjen e tyre[1].
Serbia është një vejushë e keqe
Shkrimtari Ismail Kadare ishte i lidhur me frymën e Kosovës dhe të shqiptarëve të ndarë në orët e padrejtësive historike.Në shkrimet e tij shkrimtari i përmasave evropiane,pati shkruar e ka folur hapur për mitin e serbëve për Kosovën…
Këtë mit ata e kanë ndërtuar për të keqën e tyre,duke e quajtur  vetën të ndarë nga Kosova,pohon I.Kadare.Duhet të futemi në kokën e tyre për ta kuptuar këtë mit dhe, në kokën e tyre Serbia është një vejushë fatkeqe,që ka humbur,o bijën e saj Kosovën,o zemrën  e saj,Kosovën.

Letër e hapur për Jozefina Topallin- Nga Augustin M. Mirakaj

E nderuar Znj. Topalli,
Federata Pan Shqiptare Vatra, është e kapur peng nga patronazhistët e Edi Rames. Ju e dini.. por, përmes lëvizjes tuaj, në vend që të mbështesni integritetin e VATRËS dhe të patriotëve që e kanë ndërtuar, ju keni zgjedhur të qëndroni krah përkrah me individë të vetëshpallur si “lidership” i VATRËS, që në të vërtetë nuk janë gjë tjetër veçse shërbëtorë të politikës së pistë të Tiranës të partisë punës.
Në gazetën “Dielli” dhe përmes platformave të tjera, këta persona kanë përdorur një gjuhë të papranueshme dhe denigruese ndaj vatranëve patriotë, duke i etiketuar si:
• Armiq
• Gjakprishur
• Tradhtarë të kombit
• Kriminelë
• Sharlatanë
• Maskarenj
• Banditë
• Vagabondë
(4 vatran janë në gjyq nga ata që ju takuat sot)
Është për të ardhur keq që një figurë që dikur ishte një zë i fuqishëm opozitar dhe mbrojtëse e vlerave demokratike sot i jep legjitimitet këtij degradimi.
Këta individë, të cilët keni në krah sot, nuk po i shërbejnë VATRËS, por po i shërbejnë një politike që synon të shkatërrojë çdo institucion shqiptar që guxon të jetë i pavarur dhe patriotik në diasporë. Me gjuhën e tyre përçmuese dhe përpjekjet e tyre për të përçarë, ata po veprojnë në të njëjtën linjë me ata që infektuan edhe opozitën shqiptare, përfshirë Partinë Demokratike.
Në vend që të përkrahni VATRËN si një institucion të pavarur dhe të fortë, ju po mbështesni një grup individësh të jashtëligjshëm që kanë bërë çdo përpjekje për të kapur VATRËN dhe për të dobësuar frymën e saj të patriotizmit. Çdo veprim i juaji për t’i dhënë legjitimitet këtyre njerëzve është një tradhti e hapur ndaj atyre që për vite me radhë kanë luftuar për mbrojtjen e vlerave kombëtare dhe për të ruajtur VATRËN nga ndikimet e huaja.
VATRA duhet të qëndrojë e bashkuar dhe e pavarur nga çdo përpjekje për t’u shërbyer interesave të ngushta politike të Tiranës. VATRA nuk i takon atyre që kërkojnë përçarje dhe pushtet personal, por i përket çdo shqiptari që beson në liri, integritet dhe në vlerat e kombit tonë. Çdo përpjekje për të shkatërruar unitetin e VATRËS është një tradhti ndaj të kaluarës dhe një dëm ndaj të ardhmes së shqiptarëve në diasporë.
Në këtë moment historik, VATRA duhet të mbrojë integritetin dhe pavarësinë e saj dhe të përfaqësojë vlerat e vërteta kombëtare, për të cilat ju dikur keni pretenduar se luftonit.
Për t’i shërbyer të mirës së VATRËS dhe kombit, ju bëjë thirrje të distancoheni nga individët që kërkojnë të përçajnë VATRËN (nga individë që kërcenojnë vatranë me gjyqe e burgë sikur të ishin perkurorët e diktatures komundiste) dhe të ruani respektin për një organizatë që, pavarësisht sfidave, ka qëndruar gjithmonë si simbol i bashkimit dhe i patriotizmit shqiptar.
STOP NJOHJES SË ILEGJITIMËVE
Me keqardhje,
Agustin Mirakaj

Open Hand Association. Inc/ Topalli: Diaspora shqiptare në rresht të parë për t’i shërbyer kauzave që lidhen me vendlindjen

Jozefina Topalli, Drejtuese Politike e PD-së për Diasporën, nëpërmjet një postimi në Facebook ka risjellë në vëmëndje mbështetjen dhe bashkëatdhetarizmin e shqiptarëve në 10 vjetorin e Shoqatës së Bamirësisë Open Hand Association. Inc në Brox, Nju Jork.

Topalli është shprehur në postim për vlerat e mëdha që kanë shqiptarët jo vetëm në vend por në të gjithë botën duke treguar traditat, kulturën, solidaritetin dhe bujarinë.

Ndër të tjera në postim ajo përmendi dhe emra të cilët janë si një referencë për komunitetin shqiptarë në Bronx.

Postimi i plotë:

Në 10 vjetorin e shoqatës së bamirësisë Open Hand Association. Inc në Bronx.

Si kudo në botë edhe në Nju Jork shqiptarët janë të njohur për zemrën e tyre të madhe dhe përkushtimin e tyre të palodhur ndaj komunitetit dhe traditave. Ata kanë sjellë me vete një ndjenjë të veçantë krenarie dhe solidariteti, të rrënjosur në historinë dhe vlerat e shoqerise shqiptare, duke i përçuar këto vlera tek gjeneratat e reja dhe tek shoqëria që i rrethon.

Diaspora shqiptare, eshte e pranishme dhe e angazhuar, shpesh në rresht të parë për t’i shërbyer bashkatdhetarëve dhe për të mbështetur kauza që lidhen me vendlindjen. Ata ruajnë gjallë traditat e tyre të veçanta, duke organizuar festat, ceremonitë dhe aktivitetet kulturore që pasqyrojnë kulturën e pasur të malësisë shqiptare.

Përveç kësaj,shqiptarët edhe në Nju Jork janë të njohur për bujarinë dhe solidaritetin e tyre në ndihmë të të tjerëve. Në raste krizash apo fatkeqësish, ata janë ndër të parët që mobilizohen për të mbledhur ndihma dhe për të mbështetur ata që kanë nevojë, qofshin në Shqipëri, Kosovë apo kudo ku ka shqiptarë në botë. Ata përfaqësojnë një shpirt të madh komuniteti dhe një zemër të hapur për bamirësi, duke qenë gjithmonë të gatshëm të sakrifikojnë për mirëqenien e të tjerëve.

Shqiptarë si Aleksandër Nilaj, Toni Musaj e Vera Markaj janë pika reference për komunitetin shqiptar në Bronx, New York me veprat e tyre, dashurinë, përkushtimin e tyre të palodhur e dedikimin profesional e shpirtëror në shërbim të komunitetit shqiptar.

Nje falenderim te vecante per Viktorin, Luigjin ,Saimirin per punen e dashamiresine e tyre

sn

MË SHUMË KAMERA PËR BIG BROTHER, MITINGU I POEZISË NË GJAKOVË I LËNË PAS DORE- Nga Skënder Karaçica

Tej e tej lajmit
Manifestimi Big Borther,tarishta e turpit për Kosovën,përditë kamerat e televizioneve inçizojnë,përcjellin (d)ebatët e mysafirëve të përdalur e, të dalldisur si kuajt e pelat në livadhe,ndërsa  për ngjarjet e jetës kulturore me kod të jubileut të 60-vjetorit të themelimit të Mitingut të Poezisë në Gjakovë e kanë lënë pas dore(!).
Këso kohe,ngjarjet e tubimeve shkencore,kulturore dhe të fushave të botimit të librit të krijuesve tanë në Kosovë,RTK-ja si medium  publik, kamerat e saj nuk shkojnë për të inçizuar e për të bër lajm të ditës.Dikur,në këtë medium publik(RTP)ngjarjet në fushë të kulturës,të  gjuhës,të historisë dhe të botimit të librit shkencor e letrar,i pati përcjellë me përkushtim me kodet e gazetarisë së kohës Shaqir Foniqi me ekipin e tij.
Në manifestimin letrar të 60-vjetlorit të themelimit të Mitingut të Poezisë në Gjakovë,.nuk pati kamera,nuk pati gazetar të fushës së kulturës  dhe,kjo ngjarje jubilare e frymës së letërsisë e të artit të poezisë që krijohet në nënqiellin e Kosovës,mbeti pa lajm,mbeti në errësirën e sheshit plot zhurmë e,pa asnjë interesim nga RTK-ja në Prishtinë,që për ne këndej ekranit dhe me taksat tona të na afrojë lajmin e jubileut të poezisë shqipe në Kosovë!
Duhet theksuar se në ekranet e RTK-së nuk defilojnë emra të gazetarëve që i përcjellin ngjarjet,shih për këtë,në ekran do të dalin emra të pozitës(lexo:redaktor i emsionit) e gazetarët dhe ekipi i RTK-së po mbetët në terrin informativ të kohës…!
RTK pse nuk pati emision më të zgjeruar të rubrikës së kulturës(nëse e kanë në redaksinë e këtij mediumi)për manifestimin jubilar të 60-vjetorit të themelimit të Mitingut të Poezisë në Gjakovë…?!
Për fund në shënjë proteste kulturore e kundër Big Brother,nuk ka  ditë me diell të Kosovës,që nuk i shohim kamerat e televizioneve në tarishtën e hamshorëve duke lozur lojën e djallit e të turpit për kombin tonë!
RTK kthehuni më kohë në ngjarjet e jetës kulturore në Kosovë e mos hezitoni nga pozitat kolektive,më shumë redaktorë të lajmeve se sa gazetarë  të(pa)rubrikave për kulturë,të gjuhësisë,të shkencës,të historisë e të fushave të këtij rrafshi kombëtar…!
Çikago,më 13 nëntor 2024

MAKE ALBANIA GREATER – TA BËJMË SHQIPËRINË MË TË MIRË… Nga Dr. Jani Gjoni, Chicago

 

“Ta Bejme Shqipëri Me të Mirë! – “Make Albania Greater”? – Ky duhet të jetë një nga mesazhet më të forta në zgjedhjet e ardhshme të Shqipërisë. Zgjedhjet e fundit në SHBA dëshmuan edhe një herë se vota e lirë e njerëzve të lirë ka fuqinë të përcaktojë fatin e vendit, pavarësisht presioneve dhe përpjekjeve për të ndikuar votuesit, ashtu siç ndodhi në vitin 2020.
Në analizat pas zgjedhore në SHBA, analistët shpesh përpiqen të shpjegojnë shkaqet e humbjes së të majtës dhe triumfin e presidentit Trump. Megjithatë, përpjekjet për të fshehur të vërtetën janë të dukshme. Në vend të marrjes së përgjegjësive për situatën ekonomike dhe politike, elita politike e mediatike po perpiqet tia hedh fajin popullit që nuk “kupton” interesat e larta te elites se majte e nje pjese te djathte, nuk “kupton” rreziqet e politikave te presidentit Trump. Kjo arrogance e klasës politike që kërkoi të paraqiste Trump si një kërcënim të demokracise dhe nuk u fokusua në problemet konkrete si: çmimet e larta të jetesës, sigurinë publike, emigracionin masiv, ndasitë racore dhe pasigurinë globale të krijuar nga konflikte si ai në Ukrainë dhe përballja izraelito-palestineze, solli tronditjen e papritur, largimin e tyre nga pushteti.
Trump dhe Republikanët u fokusuan në këto çështje qe prekin ndjeshem jeten e njerezve, duke propozuar politika për zgjidhjen e tyre, dhe kështu arritën një mbështetje të madhe popullore. Mesazhi më i qartë i këtyre zgjedhjeve për politikanët është: mos luani me popullin. Ata kanë votën dhe mund t’ju largojnë nga pushteti që ju është dhënë po prej tyre.

Kjo është pamja e zgjedhjeve në Amerikë. Po si pasqyrohet kjo ngjarje në Shqipëri?

Duket qartë se të dy krahët e politikës shqiptare përpiqen të fitojnë simpatinë e presidencës Trump. PS dhe Rama besojnë se do të jenë në favor të bashkëpunimit të ri, ndërsa PD dhe aleatët e saj shpresojnë që me një presidencë Trump, Berisha të largohet nga statusi “non-grata”.
Nga njëra anë, pushteti përpiqet të ofrojë imazhin e një Shqipërie në rritje ekonomike, ndonëse për pensionistët rritja e pensioneve nga 120 dollarë njëzet vite më parë në 180 dollarë sot duket qesharake. Nga ana tjetër, opozita, duke mos gëzuar mbështetje popullore të mjaftueshme, përpiqet të nxisë protesta të papjekura që nuk japin rezultate.
Në këtë kohë, të dy forcat kryesore, me listat e mbyllura ose gjysmë të hapura dhe kontrollin e medias, janë duke kufizuar çdo mundësi për alternativa të reja. Përballja e liderëve të tyre në SPAK e tregon qartë në sytë e publikut: elita politike është e korruptuar dhe ka bllokuar progresin e vendit. Europianizimi i Shqipërisë nuk mund të kërkohet në dyert e kancelarive europiane, por duhet të realizohet përmes përmirësimit të mirëqenies së popullit, emancipimit shoqëror dhe konsolidimit të një shteti të dinjitetshëm.
Duket qartë se e vetmja gjë perëndimore që ka mbetur janë ekrani dhe spektaklet televizive, të cilat shpesh ofrojnë mesazhe dezinformuese për t’u shërbyer interesave të elitës. Telenovelat që pushtojnë ekranet, “Big Brother”, “Dancing with the Stars” dhe spektaklet e tjera janë vetëm një mjet për të shpërqendruar popullin nga problemet reale.
Shembulli amerikan është një mësim i vlefshëm për Shqipërinë. Trump sfidoi të dyja partitë politike duke i quajtur “kënetë” që pengonte progresin. Situata në Shqipëri është e ngjashme, me PS dhe PD që mbajnë peng shoqërinë.
Mund ta mashtrosh popullin një herë, mbase edhe disa herë, por jo përgjithmonë. Vjen një ditë kur populli zgjohet dhe ngrihet përballë iluzioneve të rreme që i janë imponuar gjatë një tranzicioni të tejzgjatur e të lodhshëm.
Por, a do të kemi një “Trump” shqiptar që të thërrasë me forcë : “Ta Bejme Shqipëri Me të Mire” – “Make Albania Greater”?
Besoj se PO.

VATRA 2024: Gradacela e Re e Nocrrokut në New York!- Nga Agustin M. Mirakaj

Në këtë serial të ri komik të quajtur “Vatra e Nocrrokut,” turma prej tetë vetash po përpiqet të ngrejë gradacelën më të lartë të ëndrrave, duke kërkuar miliona për një godinë… që ekziston vetëm mbi re. Lideri, i cili po e merr misionin me seriozitetin e një regjisori të kinostudios “Shqipëria e Re,” ka nisur një fushatë që përbëhet nga premtime aq të mëdha, saqë edhe bankat në Wall Street janë në shok.
Në gazetën e njohur “Dielli i Zi” një burim anonim njofton për donacione të majme: një zotëri nga Shqipëria premton 1 milion dollarë – virtuale, natyrisht; një zonjë nga Queens jep bujarisht 2,000 dollarë për projektin e “nocrrokut,” ndërsa nga Michigan-i, Florida, Bostoni, e deri në Upstate NY, do të shfaqen edhe aktorë e njohur, të cilët garojnë për vendin e parë në maratonën e miliona-dollarëve.
Gazetari që nxorri lajmin në gazetën “Dielli i Zi” është tipik matrapaz, nga ata te viteve 93-94 te valuta ne qender te Tranes, ku matrapazët luanin me 3 karta dhe iu merrnin lekët fshatarëve. Loja e nocrrokut tani është Live në rrjetet sociale interrnet, ku çdo ditë shtohen milionat e dollarve imagjinar. Njëri jep një milion, tjetra 2 mijë dollar, tjetri dy milion, një tjetër plot 4 milion dollarë!
Por për ta bërë sa më magjepsëse këtë estradë, askush nuk fton vatranët për të diskutuar këtë fenomen që po ndodh! Ndaj, lideri i vetëshpallur ka vendosur që t’i zbukurojë vetë faqet e gazetës “Dielli Zi” me emrat e dhuruesve të mistershëm dhe premtime marramendëse.
Në fund, ajo që mbetet nga ky mal premtimesh është nocrroku, dhe një Vatrë mbi re.

Vatra Manhattan Branch: Vatra nuk është për shitje !

Breaking News: Shitja e Vatrës ka ngritur shqetësime të mëdha për shqiptarët në Amerikë dhe diasporën në tërësi, duke vënë në pikëpyetje transparencën dhe legjitimitetin e atyre që po marrin vendime për të. Pyetja e natyrshme që shtrohet është: Kush janë individët dhe grupet brenda rrjetit të biznesit që po kërkojnë të shesin Vatrën, dhe çfarë lidhje kanë këta individë me Elmi Berishën?

Kush Janë Ata që Po Kërkojnë Shitjen e Vatrës?

Disa zëra sugjerojnë se individë të lidhur me rrjetin e biznesit janë përfshirë në plane për shitjen e Vatrës, një ndërtesë historike që ka një rëndësi të thellë për komunitetin shqiptar. Pyetja më e rëndësishme është nëse këta individë kanë mbështetjen apo mandatin e komunitetit dhe të anëtarëve të Vatrës për të ndërmarrë një hap kaq drastik.

Elmi Berisha i vetëshpallur si kryetar është një figurë që përmendet shpesh në këtë diskutim, duke ngritur pyetjen nëse ai dhe individët afër tij kanë ndonjë interes apo lidhje me planet për shitjen e Vatrës. Nëse po, është e nevojshme që të ketë transparencë dhe qartësi mbi rolin e tij dhe motivet që qëndrojnë pas këtyre vendimeve.

Pse Po Diskutohet Shitja e Vatrës?

Vatra është më shumë se një ndërtesë; ajo është një simbol i trashëgimisë kombëtare dhe një kujtesë e përpjekjeve të patriotëve si Noli dhe Konica që e ndërtuan atë për t’i shërbyer komunitetit shqiptar. Pra, pyetja është: A është shitja e Vatrës një vendim që ka për qëllim përfitime personale të individëve, apo ka një arsye më të thellë?

Në disa raste, sugjerohet se shitja mund të jetë një përpjekje për të përfituar financiarisht nga vlera e lartë e ndërtesës. Një shitje e tillë, pa miratimin e komunitetit dhe pa mbrojtjen e historisë, do të ishte një tradhti e pastër ndaj Vatrës dhe ndaj të gjithë atyre që kanë kontribuar për ekzistencën e saj.

A Janë Këta Individë të Votuar nga Anëtarësia dhe të mandatuar nga kuvendi për të Shitur Vatrën?

Një çështje thelbësore është legjitimiteti i këtyre individëve për të marrë një vendim të tillë. A kanë këta individë një mandat të qartë nga anëtarësia e Vatrës dhe kuvendi për të diskutuar apo vendosur për shitjen e saj? Nga faktet aktuale, duket se nuk ka pasur një proces transparent dhe të hapur të votimit apo miratimit nga anëtarët e Vatrës për këtë lidership. Kjo nënkupton që ata që po mendojnë për shitjen mund të veprojnë në mënyrë të paligjshme ose të pabazuar në statutet e organizatës.

Çfarë Do të Thotë Shitja e Vatrës për Trashëgiminë dhe Komunitetin Shqiptar?

Shitja e Vatrës do të ishte një humbje e madhe për komunitetin shqiptar. Vatra ka funksionuar për më shumë se një shekull si qendër kulturore dhe historike për shqiptarët në Amerikë. Ajo është një muze që mbart kujtimet e një brezi të tërë patriotësh dhe duhet të ruhet me çdo kusht për brezat e ardhshëm.

Nëse individët të cilët përpiqen ta shesin Vatrën janë të lidhur me interesa të ngushta biznesi dhe nuk kanë përkrahjen e anëtarësisë, atëherë duhet të ndërmerren hapa ligjorë dhe institucionalë për të ndaluar këtë proces. Vatra i përket komunitetit shqiptar dhe jo individëve të veçantë.

Në përfundim: Është koha që diaspora shqiptare dhe të gjithë anëtarët e Vatrës të kërkojnë llogari dhe të sigurojnë që Vatra të mbetet e paprekur dhe të vazhdojë të jetë një simbol i bashkimit dhe identitetit shqiptar. Ata që përpiqen të shesin shtëpinë e Vatrës duhet të përballen me ligjin dhe me zërin e bashkuar të shqiptarëve.

Vatra Manhattan Branch


#diaspora #albania #NYC #boston #florida #Michigan #usa

Letër e hapur: VATRA MBAHET PENG nga aktorë të kinostudios Shqipëria e Re! “Njeri Ri”

Vatra është mbushur me aktorë të Hollywood-it, kinostudio Shqipëria e Re.

Janë bërë qesharakë. Doktorë, profesorë, me lloj-lloj titujsh.

Gjeneralë, kolonelë.

Duken si baza e Byrosë Politike të Enver Hoxhës, e stacionuar si një pikë strategjike ndërmjetëse midis Departamentit të Punëve të Kota dhe qeverisë Rama.

Kanë lënë kokrrën e namit jo vetëm në Shqipëri, por në mbarë planetin.

Shpresoj që ky fenomen të mos shkojë deri në Mars, se atëherë do ta gjejë belanë Elon Musk.

Kjo perlë (Vatra) është kthyer në një vegël të qeverisë Rama, duke promovuar censurë dhe kërcënuar anëtarët e saj se, po hapën gojën, do t’i hedhin në gjyq dhe do t’i fusin në burg, ashtu siç gjykata ka dënuar (z. Miraka, z. Lumaj, znj. Veliu dhe z. Mernacaj – Te gjitha shpifje nga pengmarrësit)

Kjo është Vatra sot, e kthyer në bazë të prokurorëve të regjimit komunist që erdhën si fara e fidhësit dhe sot mbajnë Federatën Vatra peng.

Duhet ekspozuar e vërteta; krerët e shtetit të Kosovës duhet të kuptojnë se ata që paraqiten si drejtues të Vatrës nuk janë të votuar dhe as të certifikuar si lidership. Vini Re Vini Re – Mos u mashtroni.

Ky grup uzurpues janë vegla të qeverisë socialiste Rama, të zbarkuar me mision shkatërrimin e Federatës Pan Shqiptare Vatra.

“I bëj thirrje Presidentes Vjosa Osmani dhe Kryeministrit Albin Kurti që të mos pranojnë takime me individë që prezantohen si lidership i Vatrës. Kjo është thirrja ime kjo është thirrja e vatranëve”.

E vërteta vonon, por nuk harron! a.m

Mitingu i Poezisë në Gjakovë të bëhet me adresë ndërkombëtare- Nga Skënder Karaçica

Nismë
Në shenjë nderimi të 60-vjetorit të themelimit të Mitingut të Poezisë në Gjakovë nga një grup shkrimtarësh të trevës  shqiptare të Dukagjinit,ky manifestim i poezisë  në këtë jubile të bëhet me adresë ndërkombëtare.
Për nismën do të ishte mirë që në kuadër të këtij jubileu të 60 pranverave të rrugëtimit të artit të poezisë bashkëkohore të brezave të poetëve e shkrimtarëve,në përkrahje të Shoqatës së Shkrimtarëve e të Ministrisë për Kulturë e Kosovës,të bëhet pjesë e ardhjes së poetëve nga rrafshet evropiane,amerikane dhe nga bota.
Arti i poezisë shqiptare  tashmë e ka krijuar hisën e vet poetike dhe,përmes participimit të vlerave të artit shqiptar në hapësirën e botës, ka  ardhur koha që të hapën të gjitha portat e bashkëpunimit me poetë,shkrimtarë e artistë të fushave të rrafsheve ndërkombëtare.
Kjo nismë të bëhet pjesë e tërë krijuesve tanë në Shqipërinë tjetër në Kosovë(term i Dritëro Agolli-nënvizimi im)dhe në Shqipërinë zyrtare,që Manifestimi Kulturor,,MITINGU I POEZISË,,në Gjakovë të bëhet fryma e përbashkët e poetëve nga Evropa,Amerika dhe kontinentët tjera.
E paçim me fat artin e poezisë shqiptare  në dritën e arenës ndërkombëtare!
Çikago,më 8 nëntor 2024

Shqiptarja Florida Doçi në krye të hulumtimeve për inteligjencën artificiale në Microsoft

Florida Doçi është një tjetër histori suksesi shqiptare, që ka arritur në një prej kompanive më të mëdha të teknologjisë në botë – Microsoft.

Ajo ka përfunduar studimet e larta në universitetin e Windsor-it, ku u diplomua në dy fusha: Shkenca Politike dhe Shkenca Biologjike e Bioteknologji. Aktualisht, ajo është një nga hulumtueset kryesore të inteligjencës artificiale (AI) në Microsoft, duke luajtur një rol të rëndësishëm në zhvillimin dhe implementimin e teknologjive të AI për produktet e kësaj kompanie globale.

Në një postim në Linkedin ajo është shprehur:

“Nuk mund ta përshkruaj me fjalë se sa e emocionuar jam që po bashkohem me Microsoft si hulumtuese kryesore, ku do të ndihmoj në sjelljen e inteligjencës artificiale në hapësirat bashkëpunuese të Microsoft. Microsoft u mundëson miliarda njerëzve anembanë botës të jenë produktivë, krijues, të qëndrojnë të lidhur dhe të arrijnë më shumë dhe nuk mund të mendoj për një mënyrë më të mirë për të bërë një ndikim në botë dhe për të ndryshuar jetët e njerëzve sesa përmes një produkti kaq gjithëpërfshirës! Nga kompjuteri im i parë, te llogaria ime e parë në Hotmail (që akoma e përdor!), nga ‘winks’ dhe ‘nudges’ në MSN Messenger te telefonatat pa fund në Skype me familjen dhe miqtë, nga detyrat e shumta dhe punimet akademike të konceptuara në Word, te projektet e kërkimit të analizuar në Excel dhe të gjitha posterat, prezantimet dhe portofolët e ilustruar në PowerPoint, produktet e Microsoft kanë qenë një shoqërues i vazhdueshëm i ëndrrave, ambicieve dhe arritjeve të mia gjatë jetës.”

Ajo tregoi për fëmijërinë e saj, ku nuk ka pasur kompjuter dhe i është dashur të vizatojë ekranet.

“Kështu që bashkimi me Microsoft është jo vetëm një arritje profesionale për mua, por edhe një moment i jashtëzakonshëm për atë vajzën e vogël që u rrit pa kompjuter dhe mësoi MS Office duke vizatuar e memorizuar ekranet dhe komandat. Jam shumë mirënjohëse për të gjithë ata që e kanë bërë përvojën time të intervistimit dhe punësimit në Microsoft të paharrueshme dhe veçanërisht falenderoj Davis Wanless, i cili ka qenë pranë meje në çdo hap! Mezi pres të shkruaj këtë kapitull të ri të karrierës sime në Microsoft”, përfundoi ajo.

Kontributi i saj në fushën e inteligjencës artificiale dhe përkushtimi për të zhvilluar produkte që përmirësojnë përditshmërinë e miliona njerëzve është një shembull frymëzues për të gjithë ata që ëndërrojnë të ndikojnë në botë përmes teknologjisë. sn

Vatra Manhattan Branch: Our heartfelt congratulations to you, Donald J. Trump

On behalf of the Vatra Manhattan Branch and the Albanian-American community, we extend our heartfelt congratulations to you, Donald J. Trump on assuming the office as the 47th President of the United States. Your leadership brings renewed hope and optimism for a brighter future for all Americans. We are confident that you will uphold the values of freedom, justice, and prosperity upon which this great nation was founded.
Our community stands ready to support your efforts to strengthen the United States, and we look forward to a presidency that prioritizes the well-being of all citizens, values hard work, and honors the sacrifices of past generations. May God bless you, Mr. President, and guide you in your journey to lead this nation toward peace, unity, and continued greatness.
Donald Trump’s freedom of speech faced major challenges when his social media accounts were suspended, limiting his ability to directly communicate with millions. This unprecedented move sparked concern over the power of tech companies to silence voices, raising questions about the right to free speech for all Americans. With freedom of speech at the core, Donald Trump stands firm, championing every American’s right to be heard.
BIG WIN! Congratulations!
God Bless the United States Of America 🇺🇸❤️

Lajmet me interesante

Lajmet e fundit

ARKIVA E LAJMEVE

Kliko këtu për të parë arkivën e lajmeve

Send this to a friend