Në Koprin piktoresk, buzë bregdetit slloven, apo siç i thonë ndryshe Istria sllovene, prej shumë vitesh (nga viti 1998) funksionon shoqata shqiptare me emrin mjaft përmbajtësor ILIRIA, që ngërthen në vete historinë e gjatë shekullore  të ekzistencës së shqiptarëve në këtë pjesë të Ballkanit.

Shoqata ILIRIA prej themelimit të saj, ka dhënë kontribut të çmuar në organizimin e mërgatës shqiptare në këtë pjesë të Sllovenisë, në veqanti gjatë luftës së fundit çlirimtare ka ndërmarrë aksione të shumta humanitare, për grumbullimin e mjeteve financiare ashtu edhe të artikujve ushqimor dhe mjeteve tjera të nevojshme ekzistenciale për popullatën e pastrehë të pasluftës në Kosovë.

Pas ardhjes në krye të kësaj shoqate të veprimtarit të orëve të para të themelimit të saj, nënkryetarit disa vjeqar, zotit Heset Ahmeit, tani kryetar i shoqatës,…gjithçka ka marrë pamje tjetër, energji pozitive dhe kreativitet të veprimtarisë organizative.

Sikurse herave tjera, edhe kësaj radhe shoqata kulturore ILIRIA nga Kopri, me 28 Nëntor në “Hotel Acquapark Žusterna” organizoi një mbrëmje të hareshme festive për nderë të 103 vjetorit të pvarësisë së Shqipërisë dhe ditës së flamurit kombëtar.

Manifestimi si zakonisht filloi me intonimin e himnit kombëtar. Me pas moderatorja z. Anila Zaimi, e cila e udhëhoqi në mënyrë të shkëlqyeshme manifestimin, fillimisht ju dëshiroj mirëseardhje në festën kombëtare të pavarësisë të gjithë bashkatdhetarëve dhe mysafirëve të nderit.

Më pas, moderatorja e programit për një fjalë rasti e ftoi kryetarin e shoqatës ILIRIA, zotin Heset Ahmeti, i cili të pranishmit i falenderoi për pjesmarrje duke ua uruar festën e flamurir kombëtar dhe ditën e pavarësisë së shtetit shqiptar.

Moderatorja e programit për fjalë rasti i ftoi edhe mysafirët special të kësaj mbrëmje, ambasadorin e Shqipërisë në Slloveni, zoti Pëllumb Qazimi dhe përfaqësuesin e Ambasadës së Kosovës Gani Mulliqi.

Në këtë manifestim, përveq shqiptarëve të Istrias sllovene, muarën pjesë edhe bashkatdhetar nga Lubjana, Postojna, Celje dhe pjesë tjera të Sllovenisë,…pastaj disa delegacione nga Italia (Treviso, Padova dhe Trieste).

Prezent në këtë manifestim madhëshor ishin vprimtar dhe figura të shquara nga fusha e krijimtarisë letrare si; Hasan Elshani (poet) Beqir Cikaqi (publicist dhe shkrimtar), Florim Zeqa (gazetar dhe analist i pavarur), Gëzim Muqolli (gazetar), Selim Musaj (shkrimtar) dhe Besnik Besimi (donator dhe sponzorizues i shumë aktiviteteve të mërgatës në Itali).

Në festën e pavarësisë nuk munguan as miqët slloven, si Peter Štoka nga biblioteka qendrore e qytetit të Koprit.

Për nderë të ditës së pavarësisë, kryetari i shoqatës ILIRIA, zoti Heset Ahmeti, me mirënjohje nderoi zotin Peter Štoka për kontributin e dhënë në simpoziumin e mbajtur në shtator të këtij viti rreth familjeve fisnike shqiptare për tubimin e materialeve, pastaj zotin Gani Llalloshi për ekspoziten e organizuar me rastin e simpoziumit të shtatorit dhe zonjën Mirna Buič për bashkëpunim shumëvjeqar në shum projekte të përbashkëta kulturore.

Programi artistik vazhdoi me grupin e të rinjëve të shoqatës me një shfaqje artistike të përgaditur enkas për Ditën e Flamurit. Performanca briliante e të rinjëve dhe të rejave shqiptare me veshjet popullore të përgaditura enkas për këtë mbrëmje i mahnitën të pranishmit në këtë manifestim.

Shkëlqyen me recitalet e tyre nxënësit e mësimit plotësues të shkollës shqipe Sevdije Fangu, Jetmire dhe Ylber Cakiqi.

Vallja e mrekullueshme “Kuq e zi”e shoqatës LILIRIA, ngjalli emocione të papërshkruara, e cila u përcjellë me duartrokitje të gjata nga bashkatdhetarët e shumtë në sallën e madhe të “Hotel Acquapark Žusterna” buzë adriatikut.

Mandej të pranishmit janë argëtuar nën tingujt e muzikës popullore shqiptare interpretuar nga këngëtarët  e ardhur nga Kosova; Selim Llumnica , Dafina Morina dhe Dino Murtezani.

Programi artistik me kengë dhe valle të bukura shqipe nga valltarët e shoqatës ILIRIA të Koprit, nën koreografinë e Suela Hoxhaj dhe Bedrije Bytyçi vazhdoi deri në orët e vona të 28 nëntorit, për t’u përmbyllur në orët e para të 29 Nëntorit me prezantimin dhe ndarjen simbolike të Tortës së Flamurit.