Ekipi i Skënderbeut është vënë për herë të katërt këtë sezon nën shënjestrën e institucionit hetues për trukimet e ndeshjeve  Federbet.

Dyshimet e Federbet kanë lindur pasi koeficentët e vendosur nga kompanitë e basteve ishin shumë të çuditshëm.

Në minutën e 77′, ndërsa ndeshja ishte 0-1, lart me 2.5 gola  koeficenti ishte 1.75, shumë i ulët për minutat e mbetura që do të luheshin.

Në minutën e 87′, kur rezultati vijonte 0-1, koeficenti shënohet edhe 1 gol, pra  lart me mbi 1,5 gola ishte me koeficentin 1.6, shumë i ulët ndërsa kishte edhe 3 minuta nga koha e rregullt.

Sipas kësaj logjike Federbet ka arritur në konkluzione se kush vinte baste e kishte të sigurtë që do të shënoheshin edhe 2 gola të tjerë. Po sipas Federbet , dy golat e fundit të shënuar nga Lokomotiva e Moskës në minutat 89 dhe 90 kanë ardhur si pasojë e gabimeve të dukshme në mbrojtjen e ekipit të Skënderbeut.

Më poshtë është edhe  videoja e publikuar nga Federbet të dy golave të pësuar në minutat e fundit nga Skënderbeu.

Kjo është hera e katërt për këtë sezon që Federbet ngre dyshime për trukime të ndeshjeve nga Skënderbeu. Rastet e mëparshme janë gajtë eleminatorëve për në Champions League Crusaders-Skënderbeu e luajtur më 23 gusht dhe Skënderbeu -Dinamo Zagrebit e luajtur më 25 gusht dhe ndeshja e Europa League Sportingu i Lisbonës-Skënderbeu e luajtur më 22 tetor.