Nigel Farage, lideri i partisë euroskeptike në Britani, Partia e Pavarur e Britanisë (UKIP) ka njoftuar sot se do të jap dorëheqje prej kryetarit të partisë.

Sipas mediave britanike, Farage, e ka marrë këtë vendim pasi në referendumin e 23 qershorit britanikët votuan për dalje nga BE-ja.

“Asnjëherë nuk kam qenë dhe as që dua të jem një politikan i karrierës. Qëllimi im në politikë ka qenë që ta nxjerrë Britaninë nga Bashkimi Evropian”, ka thënë ai.

“Prandaj e ndjejë se është e drejtë të dorëhiqem tash si lider i UKIP-ut”, ka thënë Farage.