Projektet kulturore, kurimi i artit, janë disa nga mënyrat që kanë përfituar njerëzit e Erion Veliajt nga fondet e dhëna nga Bashkia e Tiranës, por dhe nga qeveria.
CNA ka raportuar me dhjetëra materiale në lidhje me Ajola Xoxën, bashkëshorten e Erion Veliajt, e cila nga profesioni i saj si juriste është kthyer në kuratore arti.
Ka disa qendra për të tilla evente. Në investigimin e sotëm, CNA do të sjellë fakte dhe prova se si Erion Veliaj ka paguar familjarët e bashkëshortes së tij, Ajola Xoxës.
DAJA I AJOLA XOXËS ME QENDRËN “EVENTUS” DHE “ART LAB”
Në vitin 2021 në Shqipëri hapet qendra “Eventus”, e cila përfshin aktivitete në fushën e kulturës, gjithashtu dhe kompania “Art Lab”.
Sipas të dhënave që CNA ka mundur të mbledhë, rezulton se qendra “Eventus” e dajës së Ajola Xoxës ka të njëjtën adresë që kanë dhe kompanitë e mbesës, pra te rruga “Ibrahim Rugova”, Sky Tower, Tiranë.
![Image](https://www.syri.net/uploads/syri.net/images/2024/June/21/auto_-640-0-1718792851xadresaqendra-eventus-logo-6291718974448.jpg)
![Image](https://www.syri.net/uploads/syri.net/images/2024/June/21/auto_-640-0-1714416743xajola-xoxa-123-7851718974466.png)
![Image](https://www.syri.net/uploads/syri.net/images/2024/June/21/auto_-640-0-1714465081x640-0-1714415129xajola-xoxa-280-8991718974486.png)
Pra, qendra kulturore “Eventus”, e hapur në vitin 2021, aktivitetin e saj e ushtron pikërisht në të njëjtën adresë, rrugë dhe godinë me Ajola Xoxën.
Shkojmë më tej.
SKEMA, ERION VELIAJ PAGUAN DHJETËRA MIJËRA EURO DAJËN E AJOLA XOXËS
Sipas të dhënave që ka nxjerrë CNA, Erald Simixhiu është bashkëshorti i Linda Kazanit, e cila është drejtore zyrtare e qendrës “Eventus”.
Ndërkohë Erald Simixhiu hap dhe kompaninë “Art Lab”, të cilën e ka në emër të tij në QKB sipas këtij dokumenti.
![Image](https://www.syri.net/uploads/syri.net/images/2024/June/21/auto_-640-0-1718792712xart-lab-qkb-logo-3281718974540.jpg)
![Image](https://www.syri.net/uploads/syri.net/images/2024/June/21/auto_-640-0-1718792710xart-lab-qkb-1-logo-1931718974568.jpg)
Deri këtu janë dy artistë që zhvillojnë evente kulturore, gjithashtu në Tiranë kanë dhënë dhe intervista, kanë bërë dhe koncerte muzikale dhe kanë ushtruar aktivitetin e tyre.
![Image](https://www.syri.net/uploads/syri.net/images/2024/June/21/auto_-640-0-1718793148xlinda-kazani-lajm-logo-2991718974604.jpg)
![Image](https://www.syri.net/uploads/syri.net/images/2024/June/21/auto_-640-0-1718793149xlinda-kazani-lajme-logo-3651718974624.jpg)
Por shkojmë më tej. Qendra “Eventus”, sipas të dhënave që ka siguruar CNA, ka marrë pagesa me dhjetëra mijëra euro nga Bashkia e Tiranës.
Pra, Erion Veliaj ka paguar direkt dajën e Ajola Xoxës për të zhvilluar aktivitetin e tij, por këtu jemi përballë një KONFLIKTI TË PASTËR INTERESI.
5 PAGESA NGA BASHKIA E TIRANËS PËR DAJËN E AJOLA XOXËS
Sipas të dhënave zyrtare të siguruara nga CNA, janë 5 pagesa, të cilat shkojnë në vlerën mbi 90 milionë lekëve nga Bashkia e Tiranës, drejtpërdrejt dhënë qendrës “Eventus” nga Bashkia e Tiranës në kohë të ndryshme.
Menjëherë pas hapjes së kësaj kompanie figuron se deri më tani në këto 5 pagesa, dy fatura i përkasin vitit 2022, dy fatura i përkasin vitit 2023 dhe 1 faturë i përket vitit 2024. (FOTO, PAGESA NGA BASHKIA TIRANË)
![Image](https://www.syri.net/uploads/syri.net/images/2024/June/21/auto_-640-0-1718793149xlinda-kazani-lajme-logo-3651718974666.jpg)
Ajo që bie në sy është fakti se pagesa e vitit 2024, në një të vetme është sa dy fatura të vitit 2022-2023.
Gjithashtu qendra “Eventus” ka pasur edhe përfitime të vogla nga Ministria e Kulturës.
![Image](https://www.syri.net/uploads/syri.net/images/2024/June/21/auto_-640-0-1718793595xministria-e-kultures-pagesa-5191718974699.jpg)
(*Të dhënat të marra nga Pagesa Thesari nga Spending Data Albania databazë e AIS)
Pra, në total janë 7 pagesa për qendrën “Eventus” të dajës së Ajola Xoxës, bashkëshortes së Erion Veliajt, 5 pagesa nga Bashkia Tiranës dhe 2 pagesa nga Ministria e Kulturës.
Këto të vërtetuara edhe nga dokumentet më lart.
Pra, çfarë ndodh?! Përveç qendrës “Eventus”, e cila merr pagesa direkt nga Bashkia e Tiranës, Erion Veliaj paguan bashkëshorten dhe dajën e Ajola Xoxës.
THELLOHET INVESTIGIMI
CNA shkon më tej. Përveç qendrës “Eventus”, i shkuam një detaji që ka të bëjë me kompaninë “Art Lab” në emër të Erald Simixhiut.
Sapo vjen në Shqipëri në vitin 2021, në pak muaj deklaron një fitim rreth 90 milionë lekë dhe në 30 qershor të vitit 2023 deklaron në Qendrën Kombëtare të Biznesit raportin vjetor të llogarive të kompanisë.
![Image](https://www.syri.net/uploads/syri.net/images/2024/June/21/auto_-640-0-1718793149xlinda-kazani-lajme-logo-3651718974739.jpg)
![Image](https://www.syri.net/uploads/syri.net/images/2024/June/21/auto_-640-0-1718793149xlinda-kazani-lajme-logo-3651718974765.jpg)
Dhe, çfarë ndodh me “Art Lab”-in?
Sapo vjen në Shqipëri, vetëm një vit më pas, kompania e dajës së Ajola Xoxës, Erald Simixhiut rezulton me një fitim rreth 93 milionë lekë, rreth 93 mijë euro.
![Image](https://www.syri.net/uploads/syri.net/images/2024/June/21/auto_-640-0-1718793768xpagesa-93-milione-leke-pasqyra-financiare-logo-6631718974801.jpg)
Dhe, e gjitha sipas dokumentit që CNA po sjell, i gjithë fitimi do të kalohet si investim.
![Image](https://www.syri.net/uploads/syri.net/images/2024/June/21/auto_-640-0-1718793768xpagesa-93-milione-leke-pasqyra-financiare-logo-6631718974837.jpg)
Skema është mjaft e qartë. Daja i Ajola Xoxës vjen në Shqipëri nëpërmjet dy subjekteve, një Sh.p.k. dhe një OJF.
Qendra “Eventus”, e cila merr pagesa direkt nga Bashkia e Tiranës, që drejtohet nga Linda Kazani, bashkëshortja e Erald Simixhiut, daja i Ajola Xoxës.
Dhe Erald Simixhiu hap një sh.p.k., e cila quhet “Art Lab” dhe vetëm në vitin 2022 regjistron fitim 93 milionë lekë (93 mijë euro), të cilin e kalon të gjithin si investim.
Skema duket qartë se si Erion Veliaj ka paguar dajën e Ajola Xoxës, sipas të dhënave të marra nga thesari dhe se si daja i Ajola Xoxës nëpërmjet sh.p.k. deklaron fitimin rreth 93 mijë euro në vit.
TË TJERA FAKTE NË VIJIM, PËRFSHIRJA E FAMILJARËVE TË TJERË TË AJOLA XOXËS NË SKEMA PAGESASH
![Image](https://www.syri.net/uploads/syri.net/images/2024/June/21/auto_-640-0-1718793857xerald-simixhiu-dhe-linda-kazani-5401718974871.png)
CNA ka thelluar investigimin për familjarët e Erion Veliajt dhe mesa duket, jo vetëm Ajola Xoxa, por dhe të tjerë në rrethin e saj janë përfshirë në skemat e fitim të fondeve apo zhvillimit të aktiviteteve duke marrë pagesa nga projekte të ndryshme aktivitetesh kulturore në Shqipëri.
Bashkia e Tiranës si financues kryesor, por edhe Ministria e Kulturës, me pagesa që janë më të pakta. Pas Ajolës që kishte hapur disa qendra për kurimin e artit, daja i saj ka hapur një qendër dhe një sh.p.k. në lidhje me muzikën.
Gjithashtu CNA do të sjellë të tjera fakte për të tjerë familjarë, por dhe lidhjet më të thella të Erald Simixhiut me Ajola Xoxën, por dhe nënës së saj, Valbona Simixhiut, ku dhe kjo e fundit është përfshirë në disa skema pagesash apo aktivitetesh të ndryshme në fushën e kulturës.
THEKSOJMË SE:
Ne kontaktuam në numrin e telefonit që është publik i qendrës “Eventus” për të marrë edhe një qëndrim të zonjës Linda Kazani Simixhiu apo të dajës së Ajola Xoxës, Erald Simixhiu, por deri në publikimin e këtij shkrimi nuk morëm përgjigje./ CNA