Elon Musk ka bërë deklarata që kanë tejkaluar imagjinatën e njerëzve, por asnjë nuk është më e çuditshme se kjo: “Do të doja të vdisja në Mars.” Ai e tha këtë për herë të parë në vitin 2013 gjatë një ngjarjeje në South by Southuest, dhe më shumë se një dekadë më vonë, vazhdon të jetë i vendosur për këtë qëllim.

Obsesioni i Musk për mbijetesën ndërplanetare është më shumë se një dëshirë për të shpëtuar nga një katastrofë kozmike – është pjesë e një vizioni më të gjerë për një të ardhme që vlen të presësh. Siç shprehet ai në faqen e internetit të SpaceX, “Ju dëshironi të zgjoheni çdo mëngjes dhe të mendoni se e ardhmja do të jetë e mrekullueshme – dhe ky është koncepti i qytetërimit hapësinor.”

Ai shpjegon më tej: “Ka të bëjë me besimin në të ardhmen dhe mendimin se ajo do të jetë më e mirë se e kaluara. Nuk mund të mendoj asgjë më emocionuese se të jem atje, mes yjeve.”

Por kjo nuk është thjesht një fantazi e një miliarderi. SpaceX është në një projekt aktiv për të realizuar këtë. Së fundmi, Musk njoftoi se Starship do të niset për në Mars deri në fund të vitit të ardhshëm, dhe do të transportojë vetëm robotin humanoid të Teslës, Optimus.

Nëse ky mision ka sukses, njerëzit mund të jenë në Mars nga vitet 2029-2030. Por për Musk, kjo nuk është thjesht për të vizituar planetin, por për të jetuar atje. Pse? Ai argumenton se mbijetesa në Tokë është e rrezikuar nga fatkeqësitë klimatike, ndikimet e asteroideve dhe avancimi i Inteligjencës Artificiale. Për Musk, Marsi nuk është një opsion rezervë – është një çështje mbijetese. bw