VOAL

VOAL

Copyright © 2022

VOAL

Elmi Berisha loboi në SHBA për Top Channel edhe për reformën në drejtësi Nga Elida Buçpapaj

July 14, 2022

Kam në dorë një dokument zyrtar që është domen publik i regjistruar më 11 gushtin e vitit 2016 nga Foreign Agents Registration Act (FARA) në SHBA. Fjala është për një lobim të Top Channel-it me një firmë shumë të njohur lobiste Amerikane, partner i së cilës ishte edhe Elmi Berisha, aktualisht kryetar i Federatës Panshqiptare Vatra.

Sot kur jam duke e shkruar këtë shkrim, sipas opencorporates.al – aksionerë të Top Channel janë pesë anëtarë të familjes së Dritan Hoxhës, me pjestarë të bordit Bjorn Xhokaxhiun, Filip Çakulin dhe Ledion Liçon ndërsa në vitin 2016 kur është firmosur dokumenti në fjalë aksionerë kryesorë me 60 % të aksioneve ishin Albert Sino dhe Aurel Baci.

Të dy aksionerët me shumicë aksionesh të Kompanisë Top Channel në gushtin e vitit 2016 kontraktojnë në Amerikë me firmën Alexandria Group International me qendër në Washington D.C.

Menjëherë të shkon mendja se zotërinjve Sino dhe Baci dikush ua ka rekomanduar

Alexandria Group International, një firmë lobuese me një profil shumë të lartë dhe me shumë kredibilitet në administratën Amerikane.

AGI drejtohet nga Marshall Freeman Harris, ekspert i shkëlqyer i së drejtës ndërkombëtare, diplomat kariere, Asistent Special i Sekretarit të Shtetit James Baker II. Më 1993 Marshall Harris jep dorëheqjen në formë proteste për mos veprim të SHBA në Bosnje dhe me një grup ekspertësh të shquar midis tyre edhe Ambasadorin Menzies drejtoi Këshillin e Veprimit Ballkanik, duke kërkuar ndalimin e genocidit në Bosnje. Ai po ashtu ka qenë president i Freedom House, ka shërbyer si këshilltar kryesor i ish liderir të shumicës të Senatit, Senatorit Bob Dole. Marrshall Harris ka një histori të shkëlqyer kontributi në Ballkan dhe Kosovë, ai ishte në grupin e Bisedimeve të Paqes të Dejtonit; pastaj këshilltar i delegacionit të Kosovës në Rambuje, këshilltar i Presidentit Rugova e shumë e shumë kontribute të tjera me shumë vlerë, prandaj Kosova e ka shpallur Qytetar Nderi të saj.

Të njëjtin profil të shkëlqyer ka tashmë i ndjeri Ambasadori John Menzies. Ai shërbeu si Ambasador në Bosnje dhe pasi NATO i dha fund agresionit të Serbisë kundër Kosovës, ai shërbeu si shef i Misionit të SHBA në Prishtinë. Ambasadori Menzies kishte profilin e një think tank, ai ishte pjesë e stafeve të disa Universiteteve në SHBA. Po ashtu ka qenë në grupin e punës gjatë Bisedimeve të Dejtonit, një zyrtar i lartë me profil të shkëlqyer në Departamentin e Shtetit. Presidenti Rugova e ka nderuar me Medaljen Presidenciale të Kosovës, nderimi më i lartë civil.

Pra siç shihet AGI është një firmë lobuese e drejtuar nga figura te shquara të diplomacise Amerikane, të cilēt nuk kanë pranuar të konformohen me veprime të administratës Amerikane kur kanë menduar se nuk janë konform vlerave dhe parimeve të demokracisë.

Firma me profil të lartë integriteti si AGI natyrisht e kanë si kusht që edhe palët e kontraktuara që ata përfaqësojnë të jenë me integritet. Në rastin e Kompanisë Top Channel, me orientim të majtë politik, ndryshe nga orientimi Republikan i AGI, supozoj se duhet të jetë bërë garant partner i kësaj firme që në vitin 2016 rezulton të ishte Elmi Berisha, kryetari aktual i Vatrës.

Lind pyetja e si e qysh është përfshirë Elmi Berisha në këtë firmë shumë të rëndësishme lobiste?

Opinionit shqiptar duhet t’i kujtohet se aktivisti i shquar Shqiptaro-Amerikan Xhim Xhema e zgjodhi Elmi Berishën midis viteve 1998-1999 si ndërmjetës midis Senatorit Bob Dole dhe Presidentit Rugova. Ky fakt, mendoj se ka shërbyer si garanci që Elmi Berisha të përfshihet në grupin lobues AGI sepse edhe Marshall Harris, edhe Ambasadori Menzies kanë bashkëpunuar ngushtë me Presidentin Ibrahim Rugovën.

Ndërsa sa për Elmi Berishën është e kotë të kërkosh një profil të tij, nuk ekziston askund, as në Wikipedia. Veçse njihet si aktivist, se ka disa piceri në New York, se ka drejtuar Shoqatën e Rrjetit të Biznesmenëve të Diasporës për SHBA dhe se i ka luajtur të gjitha gurët për të marrë kreun e Vatrës, duke shkuar deri aty sa të ndryshojë edhe Kanunoren për të zgjatur mandatin e tij!

E përsëris e presupozoj që Elmi Berisha është bërë garant tek AGI me orientim Republikan për Kompaninë e Top Channel me orientim majtas që dallohet si mbështetëse e kryeministrit Edi Rama. Mjafton ky ndryshim kahesh për të vënë re një anomali.

Por nëse e sheh veprimtarinë e Elmi Berishës si kryetar i Vatrës prej 2020, do të konstatosh se Elmi Berisha e ka mbështetur hapur qeverinë e majtë të Tiranës, aq sa duket sikur Vatra e kryesuar prej tij të jetë kapur nga Edi Rama, pasi ka ndryshuar orientimin tradicional të Etërve që ishte antikomunist, patriotik dhe proAmerikan e proPerëndimor. Elmi Berisha sapo u zgjodh kryetar shkoi në Tiranë dhe pa i pyetur fare Vatranët u takua dhe shtrëngoi duart me Gramoz Ruçin, të fundit minister te brendshëm te diktaturës hoxhiste, që simbolikisht i vinte vulën orientimit politik të Elmi Berishës dhe Vatrës së tij; Elmi Berisha priti në Vatër Hashim Thaçin, kur ishte bërë anullimi i vizitës në Shtëpinë e Bardhë dhe pas pak e morën në Hagë; Elmi Berisha e ka mbyllur Vatrën për opozitën reale ne Shqipëri, mbështet hapur opozitën fake në krah të Edi Ramës, si dhe ka ngritur murin e censurës tek Dielli duke shkelur Amendamentin e parë të Kushtetutës Amerikane dhe tash së fundi me rekomandim të tij, Presidenti i Republikës Ilir Meta dekoroi nje ish oficer të famëkeqit Sigurim të Shtetit. Pra nuk është rastësi që Elmi Berisha presupozohet të jetë bërë garant për dy ish aksionerët kryesore të Kompanisë Top Channel me orientim të qartë të majtë ndryshe nga AGI e thekësoj që ka orientim Republikan.

Duke e presupozuar në rolin e garantit, lind edhe një pyetje tjetër, nëse Elmi Berisha mund të ketë pasur një honorar të veçante nga dy aksionerët e Top Channel.

 

Vështrim rreth kontratës së bashkëpunimit midis AGI dhe individëve Sino dhe Baci

 

Tani le t’i hedhim një vështrim kontratës. Duke mos qenë eksperte e fushës, do të mjaftohem me rreshtimin vetëm të fakteve.

Firma AGI me qendër në Washington DC pranon të lobojë për dy aksionerët kryesorë të Top Chanel, që asaj kohe ishin Sino dhe Baci. Pagesa e kontratës fillimisht ishte 50 mijë $ por në kontratë është edhe një klauzolë ku shkruhet se do të ketë rritje të pagesës pas rezultateve pozitive, ndërkaq të gjitha shërbimet, përfshi edhe udhëtimet e tjerë bërë nga ana e firmës lobuese do të faturoheshin në adresë dhe paguheshin paraprakisht nga dy aksionerët e Top Channel.

Ajo që bie në sy në kontratën në fjalë është se dy aksionertët e Top Channel kërkojnë shërbime lobuese nga AGI sikur të përfaqësonin një institucion qeveritar dhe jo dy persona privatë.

Në kontratën e firmosur prej tyre më 2 gusht 2016 po rreshtoj disa nga shërbimet në vija të përgjithëshme që firma lobuese AGI do të ndërmerrte për dy aksionerët e Top Channes që janë si më poshtë:

“Promovim të objektivave specifike të aksionerëve Sino dhe Baci në lidhje me bërjen e kompanisë (Top Channel) një prioritet më të lartë në axhendën politike të administratës amerikane;

Rritje të ekspozimit të aksionerëve Sino & Baci dhe çështjeve të tyre përpara administratës së SHBA, Kongresit, mediave dhe komuniteteve të tjera përkatëse;

Asistencë në programimin e caktimin e takimeve të aksionerëve Sino dhe Baci me drejtuesit dhe zyrtarë të administratës, anëtarë Republikanë dhe Demokratë të Senatit dhe Dhomës së Përfaqësuesve të Shteteve të Bashkuara, si dhe politikanë të tjerë e drejtues të opinionit në Shtetet e Bashkuara dhe më gjerë;

Asistencë në dërgimin e mesazheve në emër të aksionerëve Sino dhe Baci, duke përfshirë përgatitjen e deklaratave të tyre publike dhe private;

T’ju vihen në dispozicion analiza të zhvillimeve politike, të biznesit dhe të tjera të rëndësishme në SHBA etj.”

Siç e shihni dy aksionerët në fjalë kanë patur ambicie shumë të larta. Firma lobuese, partner i së cilës ishte Elmi Berisha, kryetari aktual i Vatrës, kishte një axhendë shumë sinjifikative për të plotësuar dhe dy aksionerët e Top Channel Sino dhe Baci do t’i kishte zili çdo parlamentar apo ministër i qeverisë shqiptare të cilët pothuaj kanë një veprimtari zero me administratën e SHBA, dmth gati s’kanë fare. Aq më tepër kur lobizmi në SHBA i komunitetit shqiptaro-amerikan lë shumë për të dëshiruar. Lobisti më i sukseshëm dhe më me kredite ish kongresmeni Joe DioGuardi në vend që të mbështet nga komuniteti Shqiptaro-Ametikan, përkundrazi pengohet dhe i vihen gozhda nën rrota. Ish Kongresmeni Joe Dioguardi dhe LQShA kanë një eksperiencë mbi tre dekada dhe roli i tij ka qenë i jashtëzakonshëm.

Por le të kthehemi tek përmbajtja e kontratës, të cilën kur e lexon të nxit të pyesësh: E përse do të takoheshin dy aksionerët e televizionit privat Top Channel me administratën e lartë të SHBA? Pēr të ndikuar tek ata? Për çfarë?

Një seri pyetjesh të tjera janë: Sa individë si Sino dhe Baci, dmth Kompani biznesi etj kanë aktivitet lobues në SHBA, a ka djeni Komisioni i Politikës së Jashtme i Parlamentit të Shqipërisë, kjo pyetje i takon edhe Shërbimit Informativ të Shqipërisë? Duke e ditur se në Shqipëri qarkullon pare e zezë që ka në fokus dhe synon të ketë ndikim apo t’i kompromentojë metropolet e politikës në Perëndim.

Sa i përket kronikave të mbulimit të takimeve të zyrtarëve më të lartë të shtetit shqiptar, shohim se vizitat e tyre në SHBA dhe takimet me Senatorë e Kongresmenë Amerikanë janë shumë të rralla. Pra duket qartë se administrata Amerikane nuk e përfill elitën politike, por edhe administrata shqiptare e futur në krye të listave për korrupsion nëpër të gjithë analizat e institucioneve ndërkombëtare nuk e ka fare problem. Për politikanët e korruptuar shqiptarë thuhet: E përse të shkojnë në Amerikë, kur Amerikën e kanë gjetur në Shqipëri.

Për të mos u larguar nga tema, e përsëris rishtas pyetje e pērse këta dy ish aksionerët e Top Channel, përmes firmës lobiste AGI në administratën dhe institucionet në SHBA kērkojnë të kenë akses më tepër se institucionet e qeverisë shqiptare ?

Por interesantja vjen më poshtë. Sepse në dokumentin që shoqëron kontratën përfshihet një formular me dy pyetësorë i plotësuar nga vet firma lobuese duke reflektuar të dhënat nga pala e kontraktuar, dmth nga dy aksionerët kryesorë me shumice të Top Channel.

Në pikēn 5 të pjesës së parë të pyetësorit kërkohet të preçizohet se çfarë përfaqëson pala e kontraktuar, nëse Sino dhe Baci janë përfaqësues: të një qeverie të një vendi të huaj, të një partie politike të një vendi të huaj, apo të një organizate të huaj e llojit, korporatë, asosacion, grup vullnetar apo individë – dhe në dokument vērtetohet se dy ish aksionerët e Top Chanel i janë paraqitur firmës lobuese si individë me shtetësi shqiptare që mbulonin 60 % të aksioneve të Kompanisë. Individë me pretendime shumë ambicioze.

Në pjesën e dytë të pyetësorit ku përshkruhet se marrëveshja midis palëve është konkretizuar përmes një kontrate formale me shkrim, në pikat 7-8 i kërkohet kontraktuesit të përshkruajë natyrën, metodën dhe qëllimin e marrëveshjes. Dhe firma kontraktuese lobuese e përcakton me shkrim se ajo do të ndihmojë në promovimin e interesave të palës së kontraktuar, konkretisht:
në veprimtari politike me politikëbërësit dhe opinionbërësit amerikanë; në kontakte me zyrtarë të administratës Amerikane, anëtarë të Kongresit dhe stafit të tyre, përfaqësues të mediave, think-tank etj. etj.

Ndërsa qershia mbi tortë vjen në pikën 9 të pyetësorit, ku kontraktuesit i kërkohet të shpjegojë nëse lobimi do të përfshijë edhe aktivitete politike në emër të palës së kontraktuar. Dhe përgjigja është se firma lobuese synon të informojë politikbërësit dhe opinionbërësit Amerikanë për interesat e pronarëve kryesorë të Top Chanel si dhe për preokupimet e Kompanisë Top Chanel në lidhje me politikat aktuale të SHBA në mbrojtje të reformës kushtetuese, gjyqsorin si dhe sundimit të ligjit në Shqipëri!

Opps! Pra dy aksionerët e Top Channel paskan qenë të interesuar deri tek reforma për drejtësi! E kanë egzagjeruar pak si tepër apo jo! E çfarë interesi ka një Kompani multimediale me politikat e SHBA në lidhje me reformat e drejtësisë në Shqipëri?! A nuk mund të presupozohet si përpjekje e pastër e dy aksionerëve të Kompanise Top Channel si ndërhyrje në administratën e SHBA? Në çfarë konteksti apo nënteksti dy aksionerët kryesorë të Top Channel kërkojnë kontakte me administratën Amerikane në lidhje me reformën në drejtësi ?

Siç e vura re që në krye Top Channel është një televizion i majtë që mbështet hapur kryeministrin e Shqipërisë Edi Rama dhe me këtëcrast nuk ka si të mos të krijohet dyshimi se Edi Rama e ka përdorur kompaninë private, në dukje e pavarur nga politika dhe qeveria, për të arritur qëllimet e tij politike. A ka përgatitur Top Channel informacione me përmbajte në interes të së majtës dhe pm Edi Rama dhe a janë përcjellë kēto informacione, të presupozojmë dokumentarë përmes firmës lobuese tek DASH dhe tek administrata Amerikane ?

Me këtë rast e vë re edhe një herë rolin e presupozuar garantues tek AGI të Elmi Berishës për dy ish aksionerët e Kompanisë Top Channel, televizion dhe multimedia në krahun e majtë dhe pro Edi Ramës. Në kontratë Marrshall Harris e përmend eksplicitivisht partnerin e firmës AGI, pra Elmi Berishën, të cilin presupozohet se e ka besuar si ish-bashkëpunëtor i Ibrahim Rugovës. Por Elmi Berisha ka ndryshuar timon majtas, pro qeverisë socialiste dhe pm Edi Rama.

Dhe këtu qendron halli, kur individë të deklaruar në kontratë si privatë dhe de jure ashtu janë, por de facto operojnë si zëdhënës të qeverisë së majtë, duke arritur të kenë akses lobues në administratën Amerikane për të ndërhyjrë deri në sistemin e drejtësisë! E këtu kemi shkelje të hapur të ligjit, kur kemi parasysh pavarësinë e institucioneve në një sistem demokratik, diçka që nuk mund as të imagjinohet për sistemin politik në Shqiperi, ku pm i ka kapur të gjitha institucionet.

Ajo që duhet theksuar është se interesat e dy aksionerëve në fjalë tejkalojnë cakun e interesave të dy personave privatë, aq më tepër, kur gjithçka është mbajtur e fshehur dhe nuk ka përbërë as lajm nga vetë televizioni Top Channel që jep lajme. Pra kjo kontratë midis AGI dhe Sino e Baci është mbajtur sekret në Shqipëri, ndryshe nga pala Amerikane, AGI e cila ka operuar me transparencë të plotë.

Si konkluzion i përgjithshëm, nisur nga rasti konkret, mendoj se transparenca e lobizmit, për rëndësinë që ka, lidhet direkt me interesin kombëtar, prandaj duhet të kalojë përmes Parlamentit të Shqipërisë.

 

Ja linku i kontratës midis AGI dhe dy aksionerët e Topp Channel regjistruar nga Foreign Agents Registration Act (FARA) në SHBA.

https://efile.fara.gov/docs/6347-Exhibit-AB-20160811-2.pdf

  • twitter
  • facebook
  • linkedin
Fjalë kyçe: , , , , , , , , , , , , , , , , , , , ,

Komentet

Lajme të ngjashëm

Topalli viziton kishën shqiptare në New York: E drejta juaj për të votuar është një mundësi për të ndikuar në të ardhmen e Shqipërisë

Drejtuesja politike e PD për diasporën, Jozefina Topalli, vijon turin e takimeve me shqiptarët e Amerikës.

Së fundi, Topalli ka njoftuar se ka vizituar kishën shqiptare në Neë York, ‘kisha e Zojës së Shkodrës’.

Me shqiptarët  e diasporës në kishën e Zojës së Shkodrës në Nju Jork.

Topalli ka theksuar se e drejta e emigrantëve për të votuar është një mundësi për të ndikuar në të ardhmen e Shqipërisë.

“Pavarësisht ku jetojmë, zëri ynë ka rëndësi për atdheun tone.”,- është shprehur ajo.

Fjala e plote:

Me shqiptarët në kishën e Zojës së Shkodrës në Neë York:

Të dashur bashkëkombës të diasporës,

Sot, ndërsa gjendem mes jush, zemra më mbushet me krenari dhe emocion. Të jem në këtë kishë, Zojën e Shkodrës, një vend që jo vetëm që është simbol i besimit të thellë , por edhe një strehë shpirtërore.per te gjithe shqiptaret.

Ju keni ndërtuar këtu, larg atdheut, një vend ku Zoti takohet me shpirtin shqiptar, një vend ku lutjet tuaja ngrihen jo vetëm për familjet dhe të dashurit tuaj, por edhe për Shqipërinë, tokën që gjithmonë e mbani të shenjtë në zemrat tuaja.

Ne shqiptarët, që nga kohërat më të lashta, kemi qenë një popull i lidhur fort me besimin dhe kulturën. Malësia e Shkodrës, prej nga vij edhe unë, është dëshmi e kësaj lidhjeje të pandashme, ku feja dhe kombësia kanë ecur gjithmonë krah për krah.

Të jesh shqiptar në mërgim nuk është e lehtë. Ju e dini më mirë se kushdo tjetër sfidat e të ndërtuarit të një jete të re në një vend të huaj. Por ju keni treguar se, me punë të palodhur, sakrificë dhe dashuri për njëri-tjetrin, mund të ruhet identiteti ynë i pasur edhe larg atdheut.

Kisha e Zojës së Shkodrës është më shumë se një vend adhurimi. Është një urë që lidh të shkuarën tonë me të tashmen dhe të ardhmen, që bashkon traditën tonë të shenjtë me sfidat e përditshme të jetës në emigracion. Ajo është një vend ku fëmijët tuaj mësojnë jo vetëm gjuhën e prindërve të tyre, por edhe vlerat që na bëjnë ne shqiptarë të veçantë: mikpritjen, bujarinë, dhe besën.

Jam këtu sot jo vetëm për të përçuar përshëndetjet dhe dashurinë nga vendlindja, por edhe për të dëgjuar historitë tuaja, për të mësuar nga përvojat dhe përkushtimi juaj. Më lejoni të falenderoj secilin prej jush që keni bërë të mundur që komuniteti shqiptar në New York të jetë kaq i fortë dhe i respektuar.

Gjithashtu, dua t’ju inkurajoj të vazhdoni ta mbani të gjallë lidhjen me Shqipërinë. Kombi ynë ka nevojë për ndihmën dhe mbështetjen tuaj, jo vetëm financiarisht, por edhe shpirtërisht. Kemi nevojë për zërin tuaj, për idetë dhe vizionin tuaj, që Shqipëria të ecë përpara si një vend i denjë për historinë dhe kulturën e saj.

Ne shqiptarët kudo që jemi jemi të bashkuar nga një zemër e përbashkët, një dashuri për njëri-tjetrin dhe për Shqipërinë. Në këtë kishë, ku kombësia jonë takohet me besimin, më lejoni të them se të gjithë ju jeni ambasadorët më të mirë të kombit tonë.

Të dashur bashkëkombës të diasporës,

E drejta për të votuar është një mundësi për të ndikuar në të ardhmen e Shqipërisë. Pavarësisht ku jetojmë, zëri ynë ka rëndësi për atdheun tonë. Le të tregojmë dashurinë dhe përgjegjësinë tonë duke marrë pjesë në votime. Shqipëria na pret, dhe çdo votë është një hap drejt një të ardhmeje më të mirë për të gjithë ne.

Votoni për Shqipërinë!

Ju faleminderit për gjithçka që bëni, për familjet tuaja, për komunitetin dhe për Shqipërinë. Zoti ju bekoftë ju, familjet tuaja, dhe vendlindjen tonë të dashur. sn

Shkrimtarët kur flasin për vdekjen- Nga Skënder Karaçica

Letërsi
 
Të gjithë shkrimtarët botërorë dhe shqiptarë,kanë shkruar në botën e letërsisë për vdekjen.Në një kohë,shkrimtarit Ismail Kadare,i është bër pyetja :Ju tremb ikja e viteve dhe vdekja?
Shkrimtari është përgjigjur se e kam përfytyruar në mënyrë krejt të lehtë e pa dramacitet.Nuk më tremb,thoshte I.Kadare.vdekja bën pjesë te jeta e shkrimtarit,është e pandarë dhe është e kuptueshme,nuk  është figurë artistike,është jeta  jote pa praninë  tënde në botë,që shumica e njerëzve nuk e kanë.Ka një aleancë të letërsisë  me vdekjen  në jetë,në ndërhyrjen e tyre[1].
Serbia është një vejushë e keqe
Shkrimtari Ismail Kadare ishte i lidhur me frymën e Kosovës dhe të shqiptarëve të ndarë në orët e padrejtësive historike.Në shkrimet e tij shkrimtari i përmasave evropiane,pati shkruar e ka folur hapur për mitin e serbëve për Kosovën…
Këtë mit ata e kanë ndërtuar për të keqën e tyre,duke e quajtur  vetën të ndarë nga Kosova,pohon I.Kadare.Duhet të futemi në kokën e tyre për ta kuptuar këtë mit dhe, në kokën e tyre Serbia është një vejushë fatkeqe,që ka humbur,o bijën e saj Kosovën,o zemrën  e saj,Kosovën.

Letër e hapur për Jozefina Topallin- Nga Augustin M. Mirakaj

E nderuar Znj. Topalli,
Federata Pan Shqiptare Vatra, është e kapur peng nga patronazhistët e Edi Rames. Ju e dini.. por, përmes lëvizjes tuaj, në vend që të mbështesni integritetin e VATRËS dhe të patriotëve që e kanë ndërtuar, ju keni zgjedhur të qëndroni krah përkrah me individë të vetëshpallur si “lidership” i VATRËS, që në të vërtetë nuk janë gjë tjetër veçse shërbëtorë të politikës së pistë të Tiranës të partisë punës.
Në gazetën “Dielli” dhe përmes platformave të tjera, këta persona kanë përdorur një gjuhë të papranueshme dhe denigruese ndaj vatranëve patriotë, duke i etiketuar si:
• Armiq
• Gjakprishur
• Tradhtarë të kombit
• Kriminelë
• Sharlatanë
• Maskarenj
• Banditë
• Vagabondë
(4 vatran janë në gjyq nga ata që ju takuat sot)
Është për të ardhur keq që një figurë që dikur ishte një zë i fuqishëm opozitar dhe mbrojtëse e vlerave demokratike sot i jep legjitimitet këtij degradimi.
Këta individë, të cilët keni në krah sot, nuk po i shërbejnë VATRËS, por po i shërbejnë një politike që synon të shkatërrojë çdo institucion shqiptar që guxon të jetë i pavarur dhe patriotik në diasporë. Me gjuhën e tyre përçmuese dhe përpjekjet e tyre për të përçarë, ata po veprojnë në të njëjtën linjë me ata që infektuan edhe opozitën shqiptare, përfshirë Partinë Demokratike.
Në vend që të përkrahni VATRËN si një institucion të pavarur dhe të fortë, ju po mbështesni një grup individësh të jashtëligjshëm që kanë bërë çdo përpjekje për të kapur VATRËN dhe për të dobësuar frymën e saj të patriotizmit. Çdo veprim i juaji për t’i dhënë legjitimitet këtyre njerëzve është një tradhti e hapur ndaj atyre që për vite me radhë kanë luftuar për mbrojtjen e vlerave kombëtare dhe për të ruajtur VATRËN nga ndikimet e huaja.
VATRA duhet të qëndrojë e bashkuar dhe e pavarur nga çdo përpjekje për t’u shërbyer interesave të ngushta politike të Tiranës. VATRA nuk i takon atyre që kërkojnë përçarje dhe pushtet personal, por i përket çdo shqiptari që beson në liri, integritet dhe në vlerat e kombit tonë. Çdo përpjekje për të shkatërruar unitetin e VATRËS është një tradhti ndaj të kaluarës dhe një dëm ndaj të ardhmes së shqiptarëve në diasporë.
Në këtë moment historik, VATRA duhet të mbrojë integritetin dhe pavarësinë e saj dhe të përfaqësojë vlerat e vërteta kombëtare, për të cilat ju dikur keni pretenduar se luftonit.
Për t’i shërbyer të mirës së VATRËS dhe kombit, ju bëjë thirrje të distancoheni nga individët që kërkojnë të përçajnë VATRËN (nga individë që kërcenojnë vatranë me gjyqe e burgë sikur të ishin perkurorët e diktatures komundiste) dhe të ruani respektin për një organizatë që, pavarësisht sfidave, ka qëndruar gjithmonë si simbol i bashkimit dhe i patriotizmit shqiptar.
STOP NJOHJES SË ILEGJITIMËVE
Me keqardhje,
Agustin Mirakaj

Open Hand Association. Inc/ Topalli: Diaspora shqiptare në rresht të parë për t’i shërbyer kauzave që lidhen me vendlindjen

Jozefina Topalli, Drejtuese Politike e PD-së për Diasporën, nëpërmjet një postimi në Facebook ka risjellë në vëmëndje mbështetjen dhe bashkëatdhetarizmin e shqiptarëve në 10 vjetorin e Shoqatës së Bamirësisë Open Hand Association. Inc në Brox, Nju Jork.

Topalli është shprehur në postim për vlerat e mëdha që kanë shqiptarët jo vetëm në vend por në të gjithë botën duke treguar traditat, kulturën, solidaritetin dhe bujarinë.

Ndër të tjera në postim ajo përmendi dhe emra të cilët janë si një referencë për komunitetin shqiptarë në Bronx.

Postimi i plotë:

Në 10 vjetorin e shoqatës së bamirësisë Open Hand Association. Inc në Bronx.

Si kudo në botë edhe në Nju Jork shqiptarët janë të njohur për zemrën e tyre të madhe dhe përkushtimin e tyre të palodhur ndaj komunitetit dhe traditave. Ata kanë sjellë me vete një ndjenjë të veçantë krenarie dhe solidariteti, të rrënjosur në historinë dhe vlerat e shoqerise shqiptare, duke i përçuar këto vlera tek gjeneratat e reja dhe tek shoqëria që i rrethon.

Diaspora shqiptare, eshte e pranishme dhe e angazhuar, shpesh në rresht të parë për t’i shërbyer bashkatdhetarëve dhe për të mbështetur kauza që lidhen me vendlindjen. Ata ruajnë gjallë traditat e tyre të veçanta, duke organizuar festat, ceremonitë dhe aktivitetet kulturore që pasqyrojnë kulturën e pasur të malësisë shqiptare.

Përveç kësaj,shqiptarët edhe në Nju Jork janë të njohur për bujarinë dhe solidaritetin e tyre në ndihmë të të tjerëve. Në raste krizash apo fatkeqësish, ata janë ndër të parët që mobilizohen për të mbledhur ndihma dhe për të mbështetur ata që kanë nevojë, qofshin në Shqipëri, Kosovë apo kudo ku ka shqiptarë në botë. Ata përfaqësojnë një shpirt të madh komuniteti dhe një zemër të hapur për bamirësi, duke qenë gjithmonë të gatshëm të sakrifikojnë për mirëqenien e të tjerëve.

Shqiptarë si Aleksandër Nilaj, Toni Musaj e Vera Markaj janë pika reference për komunitetin shqiptar në Bronx, New York me veprat e tyre, dashurinë, përkushtimin e tyre të palodhur e dedikimin profesional e shpirtëror në shërbim të komunitetit shqiptar.

Nje falenderim te vecante per Viktorin, Luigjin ,Saimirin per punen e dashamiresine e tyre

sn

MË SHUMË KAMERA PËR BIG BROTHER, MITINGU I POEZISË NË GJAKOVË I LËNË PAS DORE- Nga Skënder Karaçica

Tej e tej lajmit
Manifestimi Big Borther,tarishta e turpit për Kosovën,përditë kamerat e televizioneve inçizojnë,përcjellin (d)ebatët e mysafirëve të përdalur e, të dalldisur si kuajt e pelat në livadhe,ndërsa  për ngjarjet e jetës kulturore me kod të jubileut të 60-vjetorit të themelimit të Mitingut të Poezisë në Gjakovë e kanë lënë pas dore(!).
Këso kohe,ngjarjet e tubimeve shkencore,kulturore dhe të fushave të botimit të librit të krijuesve tanë në Kosovë,RTK-ja si medium  publik, kamerat e saj nuk shkojnë për të inçizuar e për të bër lajm të ditës.Dikur,në këtë medium publik(RTP)ngjarjet në fushë të kulturës,të  gjuhës,të historisë dhe të botimit të librit shkencor e letrar,i pati përcjellë me përkushtim me kodet e gazetarisë së kohës Shaqir Foniqi me ekipin e tij.
Në manifestimin letrar të 60-vjetlorit të themelimit të Mitingut të Poezisë në Gjakovë,.nuk pati kamera,nuk pati gazetar të fushës së kulturës  dhe,kjo ngjarje jubilare e frymës së letërsisë e të artit të poezisë që krijohet në nënqiellin e Kosovës,mbeti pa lajm,mbeti në errësirën e sheshit plot zhurmë e,pa asnjë interesim nga RTK-ja në Prishtinë,që për ne këndej ekranit dhe me taksat tona të na afrojë lajmin e jubileut të poezisë shqipe në Kosovë!
Duhet theksuar se në ekranet e RTK-së nuk defilojnë emra të gazetarëve që i përcjellin ngjarjet,shih për këtë,në ekran do të dalin emra të pozitës(lexo:redaktor i emsionit) e gazetarët dhe ekipi i RTK-së po mbetët në terrin informativ të kohës…!
RTK pse nuk pati emision më të zgjeruar të rubrikës së kulturës(nëse e kanë në redaksinë e këtij mediumi)për manifestimin jubilar të 60-vjetorit të themelimit të Mitingut të Poezisë në Gjakovë…?!
Për fund në shënjë proteste kulturore e kundër Big Brother,nuk ka  ditë me diell të Kosovës,që nuk i shohim kamerat e televizioneve në tarishtën e hamshorëve duke lozur lojën e djallit e të turpit për kombin tonë!
RTK kthehuni më kohë në ngjarjet e jetës kulturore në Kosovë e mos hezitoni nga pozitat kolektive,më shumë redaktorë të lajmeve se sa gazetarë  të(pa)rubrikave për kulturë,të gjuhësisë,të shkencës,të historisë e të fushave të këtij rrafshi kombëtar…!
Çikago,më 13 nëntor 2024

MAKE ALBANIA GREATER – TA BËJMË SHQIPËRINË MË TË MIRË… Nga Dr. Jani Gjoni, Chicago

 

“Ta Bejme Shqipëri Me të Mirë! – “Make Albania Greater”? – Ky duhet të jetë një nga mesazhet më të forta në zgjedhjet e ardhshme të Shqipërisë. Zgjedhjet e fundit në SHBA dëshmuan edhe një herë se vota e lirë e njerëzve të lirë ka fuqinë të përcaktojë fatin e vendit, pavarësisht presioneve dhe përpjekjeve për të ndikuar votuesit, ashtu siç ndodhi në vitin 2020.
Në analizat pas zgjedhore në SHBA, analistët shpesh përpiqen të shpjegojnë shkaqet e humbjes së të majtës dhe triumfin e presidentit Trump. Megjithatë, përpjekjet për të fshehur të vërtetën janë të dukshme. Në vend të marrjes së përgjegjësive për situatën ekonomike dhe politike, elita politike e mediatike po perpiqet tia hedh fajin popullit që nuk “kupton” interesat e larta te elites se majte e nje pjese te djathte, nuk “kupton” rreziqet e politikave te presidentit Trump. Kjo arrogance e klasës politike që kërkoi të paraqiste Trump si një kërcënim të demokracise dhe nuk u fokusua në problemet konkrete si: çmimet e larta të jetesës, sigurinë publike, emigracionin masiv, ndasitë racore dhe pasigurinë globale të krijuar nga konflikte si ai në Ukrainë dhe përballja izraelito-palestineze, solli tronditjen e papritur, largimin e tyre nga pushteti.
Trump dhe Republikanët u fokusuan në këto çështje qe prekin ndjeshem jeten e njerezve, duke propozuar politika për zgjidhjen e tyre, dhe kështu arritën një mbështetje të madhe popullore. Mesazhi më i qartë i këtyre zgjedhjeve për politikanët është: mos luani me popullin. Ata kanë votën dhe mund t’ju largojnë nga pushteti që ju është dhënë po prej tyre.

Kjo është pamja e zgjedhjeve në Amerikë. Po si pasqyrohet kjo ngjarje në Shqipëri?

Duket qartë se të dy krahët e politikës shqiptare përpiqen të fitojnë simpatinë e presidencës Trump. PS dhe Rama besojnë se do të jenë në favor të bashkëpunimit të ri, ndërsa PD dhe aleatët e saj shpresojnë që me një presidencë Trump, Berisha të largohet nga statusi “non-grata”.
Nga njëra anë, pushteti përpiqet të ofrojë imazhin e një Shqipërie në rritje ekonomike, ndonëse për pensionistët rritja e pensioneve nga 120 dollarë njëzet vite më parë në 180 dollarë sot duket qesharake. Nga ana tjetër, opozita, duke mos gëzuar mbështetje popullore të mjaftueshme, përpiqet të nxisë protesta të papjekura që nuk japin rezultate.
Në këtë kohë, të dy forcat kryesore, me listat e mbyllura ose gjysmë të hapura dhe kontrollin e medias, janë duke kufizuar çdo mundësi për alternativa të reja. Përballja e liderëve të tyre në SPAK e tregon qartë në sytë e publikut: elita politike është e korruptuar dhe ka bllokuar progresin e vendit. Europianizimi i Shqipërisë nuk mund të kërkohet në dyert e kancelarive europiane, por duhet të realizohet përmes përmirësimit të mirëqenies së popullit, emancipimit shoqëror dhe konsolidimit të një shteti të dinjitetshëm.
Duket qartë se e vetmja gjë perëndimore që ka mbetur janë ekrani dhe spektaklet televizive, të cilat shpesh ofrojnë mesazhe dezinformuese për t’u shërbyer interesave të elitës. Telenovelat që pushtojnë ekranet, “Big Brother”, “Dancing with the Stars” dhe spektaklet e tjera janë vetëm një mjet për të shpërqendruar popullin nga problemet reale.
Shembulli amerikan është një mësim i vlefshëm për Shqipërinë. Trump sfidoi të dyja partitë politike duke i quajtur “kënetë” që pengonte progresin. Situata në Shqipëri është e ngjashme, me PS dhe PD që mbajnë peng shoqërinë.
Mund ta mashtrosh popullin një herë, mbase edhe disa herë, por jo përgjithmonë. Vjen një ditë kur populli zgjohet dhe ngrihet përballë iluzioneve të rreme që i janë imponuar gjatë një tranzicioni të tejzgjatur e të lodhshëm.
Por, a do të kemi një “Trump” shqiptar që të thërrasë me forcë : “Ta Bejme Shqipëri Me të Mire” – “Make Albania Greater”?
Besoj se PO.

VATRA 2024: Gradacela e Re e Nocrrokut në New York!- Nga Agustin M. Mirakaj

Në këtë serial të ri komik të quajtur “Vatra e Nocrrokut,” turma prej tetë vetash po përpiqet të ngrejë gradacelën më të lartë të ëndrrave, duke kërkuar miliona për një godinë… që ekziston vetëm mbi re. Lideri, i cili po e merr misionin me seriozitetin e një regjisori të kinostudios “Shqipëria e Re,” ka nisur një fushatë që përbëhet nga premtime aq të mëdha, saqë edhe bankat në Wall Street janë në shok.
Në gazetën e njohur “Dielli i Zi” një burim anonim njofton për donacione të majme: një zotëri nga Shqipëria premton 1 milion dollarë – virtuale, natyrisht; një zonjë nga Queens jep bujarisht 2,000 dollarë për projektin e “nocrrokut,” ndërsa nga Michigan-i, Florida, Bostoni, e deri në Upstate NY, do të shfaqen edhe aktorë e njohur, të cilët garojnë për vendin e parë në maratonën e miliona-dollarëve.
Gazetari që nxorri lajmin në gazetën “Dielli i Zi” është tipik matrapaz, nga ata te viteve 93-94 te valuta ne qender te Tranes, ku matrapazët luanin me 3 karta dhe iu merrnin lekët fshatarëve. Loja e nocrrokut tani është Live në rrjetet sociale interrnet, ku çdo ditë shtohen milionat e dollarve imagjinar. Njëri jep një milion, tjetra 2 mijë dollar, tjetri dy milion, një tjetër plot 4 milion dollarë!
Por për ta bërë sa më magjepsëse këtë estradë, askush nuk fton vatranët për të diskutuar këtë fenomen që po ndodh! Ndaj, lideri i vetëshpallur ka vendosur që t’i zbukurojë vetë faqet e gazetës “Dielli Zi” me emrat e dhuruesve të mistershëm dhe premtime marramendëse.
Në fund, ajo që mbetet nga ky mal premtimesh është nocrroku, dhe një Vatrë mbi re.

Vatra Manhattan Branch: Vatra nuk është për shitje !

Breaking News: Shitja e Vatrës ka ngritur shqetësime të mëdha për shqiptarët në Amerikë dhe diasporën në tërësi, duke vënë në pikëpyetje transparencën dhe legjitimitetin e atyre që po marrin vendime për të. Pyetja e natyrshme që shtrohet është: Kush janë individët dhe grupet brenda rrjetit të biznesit që po kërkojnë të shesin Vatrën, dhe çfarë lidhje kanë këta individë me Elmi Berishën?

Kush Janë Ata që Po Kërkojnë Shitjen e Vatrës?

Disa zëra sugjerojnë se individë të lidhur me rrjetin e biznesit janë përfshirë në plane për shitjen e Vatrës, një ndërtesë historike që ka një rëndësi të thellë për komunitetin shqiptar. Pyetja më e rëndësishme është nëse këta individë kanë mbështetjen apo mandatin e komunitetit dhe të anëtarëve të Vatrës për të ndërmarrë një hap kaq drastik.

Elmi Berisha i vetëshpallur si kryetar është një figurë që përmendet shpesh në këtë diskutim, duke ngritur pyetjen nëse ai dhe individët afër tij kanë ndonjë interes apo lidhje me planet për shitjen e Vatrës. Nëse po, është e nevojshme që të ketë transparencë dhe qartësi mbi rolin e tij dhe motivet që qëndrojnë pas këtyre vendimeve.

Pse Po Diskutohet Shitja e Vatrës?

Vatra është më shumë se një ndërtesë; ajo është një simbol i trashëgimisë kombëtare dhe një kujtesë e përpjekjeve të patriotëve si Noli dhe Konica që e ndërtuan atë për t’i shërbyer komunitetit shqiptar. Pra, pyetja është: A është shitja e Vatrës një vendim që ka për qëllim përfitime personale të individëve, apo ka një arsye më të thellë?

Në disa raste, sugjerohet se shitja mund të jetë një përpjekje për të përfituar financiarisht nga vlera e lartë e ndërtesës. Një shitje e tillë, pa miratimin e komunitetit dhe pa mbrojtjen e historisë, do të ishte një tradhti e pastër ndaj Vatrës dhe ndaj të gjithë atyre që kanë kontribuar për ekzistencën e saj.

A Janë Këta Individë të Votuar nga Anëtarësia dhe të mandatuar nga kuvendi për të Shitur Vatrën?

Një çështje thelbësore është legjitimiteti i këtyre individëve për të marrë një vendim të tillë. A kanë këta individë një mandat të qartë nga anëtarësia e Vatrës dhe kuvendi për të diskutuar apo vendosur për shitjen e saj? Nga faktet aktuale, duket se nuk ka pasur një proces transparent dhe të hapur të votimit apo miratimit nga anëtarët e Vatrës për këtë lidership. Kjo nënkupton që ata që po mendojnë për shitjen mund të veprojnë në mënyrë të paligjshme ose të pabazuar në statutet e organizatës.

Çfarë Do të Thotë Shitja e Vatrës për Trashëgiminë dhe Komunitetin Shqiptar?

Shitja e Vatrës do të ishte një humbje e madhe për komunitetin shqiptar. Vatra ka funksionuar për më shumë se një shekull si qendër kulturore dhe historike për shqiptarët në Amerikë. Ajo është një muze që mbart kujtimet e një brezi të tërë patriotësh dhe duhet të ruhet me çdo kusht për brezat e ardhshëm.

Nëse individët të cilët përpiqen ta shesin Vatrën janë të lidhur me interesa të ngushta biznesi dhe nuk kanë përkrahjen e anëtarësisë, atëherë duhet të ndërmerren hapa ligjorë dhe institucionalë për të ndaluar këtë proces. Vatra i përket komunitetit shqiptar dhe jo individëve të veçantë.

Në përfundim: Është koha që diaspora shqiptare dhe të gjithë anëtarët e Vatrës të kërkojnë llogari dhe të sigurojnë që Vatra të mbetet e paprekur dhe të vazhdojë të jetë një simbol i bashkimit dhe identitetit shqiptar. Ata që përpiqen të shesin shtëpinë e Vatrës duhet të përballen me ligjin dhe me zërin e bashkuar të shqiptarëve.

Vatra Manhattan Branch


#diaspora #albania #NYC #boston #florida #Michigan #usa

Letër e hapur: VATRA MBAHET PENG nga aktorë të kinostudios Shqipëria e Re! “Njeri Ri”

Vatra është mbushur me aktorë të Hollywood-it, kinostudio Shqipëria e Re.

Janë bërë qesharakë. Doktorë, profesorë, me lloj-lloj titujsh.

Gjeneralë, kolonelë.

Duken si baza e Byrosë Politike të Enver Hoxhës, e stacionuar si një pikë strategjike ndërmjetëse midis Departamentit të Punëve të Kota dhe qeverisë Rama.

Kanë lënë kokrrën e namit jo vetëm në Shqipëri, por në mbarë planetin.

Shpresoj që ky fenomen të mos shkojë deri në Mars, se atëherë do ta gjejë belanë Elon Musk.

Kjo perlë (Vatra) është kthyer në një vegël të qeverisë Rama, duke promovuar censurë dhe kërcënuar anëtarët e saj se, po hapën gojën, do t’i hedhin në gjyq dhe do t’i fusin në burg, ashtu siç gjykata ka dënuar (z. Miraka, z. Lumaj, znj. Veliu dhe z. Mernacaj – Te gjitha shpifje nga pengmarrësit)

Kjo është Vatra sot, e kthyer në bazë të prokurorëve të regjimit komunist që erdhën si fara e fidhësit dhe sot mbajnë Federatën Vatra peng.

Duhet ekspozuar e vërteta; krerët e shtetit të Kosovës duhet të kuptojnë se ata që paraqiten si drejtues të Vatrës nuk janë të votuar dhe as të certifikuar si lidership. Vini Re Vini Re – Mos u mashtroni.

Ky grup uzurpues janë vegla të qeverisë socialiste Rama, të zbarkuar me mision shkatërrimin e Federatës Pan Shqiptare Vatra.

“I bëj thirrje Presidentes Vjosa Osmani dhe Kryeministrit Albin Kurti që të mos pranojnë takime me individë që prezantohen si lidership i Vatrës. Kjo është thirrja ime kjo është thirrja e vatranëve”.

E vërteta vonon, por nuk harron! a.m

Mitingu i Poezisë në Gjakovë të bëhet me adresë ndërkombëtare- Nga Skënder Karaçica

Nismë
Në shenjë nderimi të 60-vjetorit të themelimit të Mitingut të Poezisë në Gjakovë nga një grup shkrimtarësh të trevës  shqiptare të Dukagjinit,ky manifestim i poezisë  në këtë jubile të bëhet me adresë ndërkombëtare.
Për nismën do të ishte mirë që në kuadër të këtij jubileu të 60 pranverave të rrugëtimit të artit të poezisë bashkëkohore të brezave të poetëve e shkrimtarëve,në përkrahje të Shoqatës së Shkrimtarëve e të Ministrisë për Kulturë e Kosovës,të bëhet pjesë e ardhjes së poetëve nga rrafshet evropiane,amerikane dhe nga bota.
Arti i poezisë shqiptare  tashmë e ka krijuar hisën e vet poetike dhe,përmes participimit të vlerave të artit shqiptar në hapësirën e botës, ka  ardhur koha që të hapën të gjitha portat e bashkëpunimit me poetë,shkrimtarë e artistë të fushave të rrafsheve ndërkombëtare.
Kjo nismë të bëhet pjesë e tërë krijuesve tanë në Shqipërinë tjetër në Kosovë(term i Dritëro Agolli-nënvizimi im)dhe në Shqipërinë zyrtare,që Manifestimi Kulturor,,MITINGU I POEZISË,,në Gjakovë të bëhet fryma e përbashkët e poetëve nga Evropa,Amerika dhe kontinentët tjera.
E paçim me fat artin e poezisë shqiptare  në dritën e arenës ndërkombëtare!
Çikago,më 8 nëntor 2024

Shqiptarja Florida Doçi në krye të hulumtimeve për inteligjencën artificiale në Microsoft

Florida Doçi është një tjetër histori suksesi shqiptare, që ka arritur në një prej kompanive më të mëdha të teknologjisë në botë – Microsoft.

Ajo ka përfunduar studimet e larta në universitetin e Windsor-it, ku u diplomua në dy fusha: Shkenca Politike dhe Shkenca Biologjike e Bioteknologji. Aktualisht, ajo është një nga hulumtueset kryesore të inteligjencës artificiale (AI) në Microsoft, duke luajtur një rol të rëndësishëm në zhvillimin dhe implementimin e teknologjive të AI për produktet e kësaj kompanie globale.

Në një postim në Linkedin ajo është shprehur:

“Nuk mund ta përshkruaj me fjalë se sa e emocionuar jam që po bashkohem me Microsoft si hulumtuese kryesore, ku do të ndihmoj në sjelljen e inteligjencës artificiale në hapësirat bashkëpunuese të Microsoft. Microsoft u mundëson miliarda njerëzve anembanë botës të jenë produktivë, krijues, të qëndrojnë të lidhur dhe të arrijnë më shumë dhe nuk mund të mendoj për një mënyrë më të mirë për të bërë një ndikim në botë dhe për të ndryshuar jetët e njerëzve sesa përmes një produkti kaq gjithëpërfshirës! Nga kompjuteri im i parë, te llogaria ime e parë në Hotmail (që akoma e përdor!), nga ‘winks’ dhe ‘nudges’ në MSN Messenger te telefonatat pa fund në Skype me familjen dhe miqtë, nga detyrat e shumta dhe punimet akademike të konceptuara në Word, te projektet e kërkimit të analizuar në Excel dhe të gjitha posterat, prezantimet dhe portofolët e ilustruar në PowerPoint, produktet e Microsoft kanë qenë një shoqërues i vazhdueshëm i ëndrrave, ambicieve dhe arritjeve të mia gjatë jetës.”

Ajo tregoi për fëmijërinë e saj, ku nuk ka pasur kompjuter dhe i është dashur të vizatojë ekranet.

“Kështu që bashkimi me Microsoft është jo vetëm një arritje profesionale për mua, por edhe një moment i jashtëzakonshëm për atë vajzën e vogël që u rrit pa kompjuter dhe mësoi MS Office duke vizatuar e memorizuar ekranet dhe komandat. Jam shumë mirënjohëse për të gjithë ata që e kanë bërë përvojën time të intervistimit dhe punësimit në Microsoft të paharrueshme dhe veçanërisht falenderoj Davis Wanless, i cili ka qenë pranë meje në çdo hap! Mezi pres të shkruaj këtë kapitull të ri të karrierës sime në Microsoft”, përfundoi ajo.

Kontributi i saj në fushën e inteligjencës artificiale dhe përkushtimi për të zhvilluar produkte që përmirësojnë përditshmërinë e miliona njerëzve është një shembull frymëzues për të gjithë ata që ëndërrojnë të ndikojnë në botë përmes teknologjisë. sn

Vatra Manhattan Branch: Our heartfelt congratulations to you, Donald J. Trump

On behalf of the Vatra Manhattan Branch and the Albanian-American community, we extend our heartfelt congratulations to you, Donald J. Trump on assuming the office as the 47th President of the United States. Your leadership brings renewed hope and optimism for a brighter future for all Americans. We are confident that you will uphold the values of freedom, justice, and prosperity upon which this great nation was founded.
Our community stands ready to support your efforts to strengthen the United States, and we look forward to a presidency that prioritizes the well-being of all citizens, values hard work, and honors the sacrifices of past generations. May God bless you, Mr. President, and guide you in your journey to lead this nation toward peace, unity, and continued greatness.
Donald Trump’s freedom of speech faced major challenges when his social media accounts were suspended, limiting his ability to directly communicate with millions. This unprecedented move sparked concern over the power of tech companies to silence voices, raising questions about the right to free speech for all Americans. With freedom of speech at the core, Donald Trump stands firm, championing every American’s right to be heard.
BIG WIN! Congratulations!
God Bless the United States Of America 🇺🇸❤️

Lajmet me interesante

Lajmet e fundit

ARKIVA E LAJMEVE

Kliko këtu për të parë arkivën e lajmeve

Send this to a friend