VOAL – ANSA – Edhe Dielli feston fillimin e verës dhe e bën në mënyrën e tij, me shpërthimet marramendës të cilat vazhdojnë që nga dita e parë e solsticit veror, 21 qershori, dhe që kanë lëshuar vrullshëm në stuhi të dendur magnetike mbi Tokë.

Klasifikuar si një stuhi e vrazhdë, ajo ka shkaktuar blackout radio në rajonet polare dhe në Amerikën e Veriut. Shpërthimi, i kapur nga sateliti Solar Dynamics Observatory (SDO) i Nasa-s, është i klasit M, dhjetë herë më pak i fuqishëm se shpërthimet e klasit X, të cilët janë më të fuqishmit. Nëse grimcat godasin Tokën, “është e vështirë të parashikosh pasojat, por edhe në këtë rast mund të ketë blackout radioje në rajonet polare”, shpjegon fizikani Mauro Messerotti, nga Observatori i Triestes i Institutit Kombëtar të Astrofizikës (Inaf) e anëtar i Këshillit Drejtues të SWICO (Space Weather Italian Community).