Dr. Besnik Jakaj, i ftuar sot në emisionin Kafe Shqeto në SYRI TV, ka dhënë mendimin e tij mbi korrupsionin e mjekëvë te Spitali Onkologjik që ka nxitur nisjen e hetimeve.

“Më çudit fakti që është ngritur e gjithë media shqiptare, i gjithë opinioni publik në këtë ngjarje, – tha dr. Jakaj ndër të tjera. – Kjo është një ngjarje banale. Nëse vërtetohet në gjykatë, është makabritet. Duhet të marrin dënimin maksimal. Minimalisht nuk mund të punojnë ata njerëz në institucione publike në asnjë kohë dhe asnjëherë kur të dalë me vendim gjykate.

Por, për të gjithë dështimin e sistemit shëndetësor, të gjitha ato që kemi thënë, fryhet opinioni publik dhe i hidhet kjo lloj gjëje për t’u debatuar në mënyrë ekstreme, sikur çfarë ka ndodhur.

Duhet të kuptojmë një gjë: në çdo lloj institucioni, në çdo lloj vendi në botë, në çdo lloj grupi profesional ka njerëz abuzivë, të papërgjegjshëm, jo korrektë profesionalisht.

Marrim të mirëqenë rastin e një apo dy mjekëve tek spitali Onkologjik e të koordinatorëve, të të gjithë zinxhirit që prokuroria ka nxjerrë në media, por nuk është ky problemi. Problemi është se i gjithë sistemi shëndetësor i kalbur, i degraduar dhe i shkatërruar ka çuar në largimin masiv të mjekëvë.

Në një studio një gazetar ngriti një hipotezë: Pse nuk reagojnë mjekët?! -Jo, zotëri, mjekët kanë reaguar dhe kanë reaguar në mënyrë të vazhdueshme. Është rasti i Ilir Allkjas. Reagoi në pandemi, largohet nga puna, largohet nga sistemi publik, nuk punon sot e kësaj dite.

E njëjta histori është me zotin Vargu: reagon, kalon kalvarin e gjyqeve, fton gjyqin, merr paratë e kthehet në punë e nuk mban përgjegjësi askush.

Është rasti i dr. Hotit te Onkologjiku, që ka ngritur shqetësime, por të ngrihet gjithë kjo tymnajë për një abuzues (nëse është e vërtetë e nëse është e vërtetë meriton ndëshkimin maksimal që përmban ligji e neverinë publike ndaj atij lloj profesionisti) por këtu janë dhënë me dhjetëra raporte të KLSH, janë ngritur me qindra probleme dhe …”

Ndiqni reagimin e plotë në videon në vazhdim të dr. Besnik Jakajt.