Lu, ka deklaruar sot se SHBA-të po shpenzojnë miliona dollarë për realizimin e Reformës në Drejtësi në Shqipëri. Ambasadori beri me dije se policet e kesaj strukture do te trajnohen nga FBI. Mandej, Lu theksoi se llogarite bankare te punonjesve te Byrose do te jene nen kontroll te vazhdueshem.

“Kjo është ajo që ne shpresojmë se do të krijohet në Shqipëri: Një drejtësi e pavarur për të luftuar korrupsionin dhe krimin e kryer nga zyrtarët e lartë. Ka një propozim që kjo do të jetë pjesë e Byrosë së Pavarur të Hetimit, bërë sipas modelit amerikan.
Pse të besojnë shqiptarët se ajo do të funksionojë? Për shkak se SHBA-ja do të investojë që ajo të jetë e tillë. Ne kemi vënë menjanë miliona USD për të paguar pajisjet dhe trajnimet e këtyre policëve.
Trajnimi i tyre do të zhvillohet në Akademinë e FBI-së në SHBA-së. Një njësi e pavarur hetimore për të luftuar korrupsionin dhe krimit kryesuar nga zyrtarë të lartë dhe shpresojmë të arrestohen të paprekshmit. Kjo do jetë pjesë e BKH-së e bërë sipas modelit të FBI-së amerikane. Këta polic duhet të jenë përtej ndikimit dhe korrupsionit, për shkak se FBI do i trajnojë.”, tha Lu.

“Të gjithë policët e BKH-së do të futen përmes testeve. Llogaritë e tyre bankare do të mbikëqyren për të parë nëse ata po arrin apo jo ryshfet, apo po punojnë për krimin. Drejtori për antikorrupsionin, do të jetë një oficer i gjyqësorit, që do raportojë në prokurori. Ky prokuror do të japë llogari para popullit shqiptar”.

Ambasadori permendi dhe politikanet shqiptare.
“Udhëheqësit politik po përpiqen që ta përdorin debatin për motive politike”.
Por shtoi ai, Byroja do te behet dhe solli dhe nje shembull te nje filmi amerikan, bazuar ne historine e vertete, per kapjen e mafiozit, Al Kapone.

Byroja Kombëtare e Hetimit duhet të jetë një institucion jetik për antikorrupsionin, i pavarur dhe llogaridhënës para popullit shqiptar. Iu kërkoj atyre të dallojnë se ky institucion të krijohet në të njëjtën kohë me Reformën në Drejtësi… Më lejoni ta përfundoj me një citim nga një film i quajtur (The Untouchables), shqip, “Te paprekshmit”:
Njëri prej policëve elitarë të luajtur nga Sean Connery pyet Eliott Ness, Kevin Kostner luan prokurorin që është kreu i të paprekshmëve, ju më thatë që doni të kapni Al Kaponen, (Roberto De Niro) a doni ta kapni atë me të vërtetë? Ajo që dua të them është se cfarë jeni të përgatitur të bëni?
Dhe prokurori i përgjigjet; Gjithçka sipas ligjit”.
Duke sjelle kete shembull nga filmi amerikan, ne kete pike ambasadori amerikan i drejtohet auditorit shqiptar: Duhet të siguroheni që Shqipëria të ketë ligjin e duhur për një njësi të pavarur e të paepur.