VOAL

VOAL

Copyright © 2022

VOAL

Dokumentet – Si i refuzuan ndërkombëtarët emrat e zgjedhur në KLGJ e KLP

January 25, 2018

FATION BINJAKU/ “Panorama” zbardh rekomandimet e Operacionit Ndërkombëtar të Monitorimit për kandidatët e përzgjedhur me short, për të qenë pjesë e trupës së Këshillit të Lartë të Prokurorisë dhe Këshillit të Lartë të Gjyqësorit.

Procesi i përgatitjes së raporteve për kandidatët, që vijnë nga radhët e avokatëve, profesorëve dhe shoqërisë civile ka kaluar në duart e tre sekretarëve të përgjithshëm të Kuvendit dhe secili prej tyre ka trajtuar në mënyrë të ndryshme raportin.

Në raportin e firmosur nga ish-sekretari i përgjithshëm i Kuvendit, Alban Brati, jepen vlerësime shumë të ulëta për kandidatin e zgjedhur nga avokatët për në KLP, Kozma Jano. Për këtë të fundit, Kuvendi ka vlerësuar se nuk ka qenë ish-bashkëpunëtor i Sigurimit të Shtetit, ndryshe nga dokumentet që PD publikoi se ky i fundit kishte pasur pseudonimin “Telefoni”.

Por ai dhe përgatitja e tij vlerësohen nën mesataren, platformë të dobët dhe të paplotë dhe pa vizion. Alban Brati ka vlerësuar dhe kandidaten tjetër të KLP-së, Floreta Gjini, por për asnjë nga kandidatët nuk ka paraqitur vlerësimet e ONM-së. Ndërsa ishsekretarja e përgjithshme e Kuvendit, Albana Shtylla, ka bërë vlerësimin e kandidatëve të Avokaturës, por për KLGJ.

Ajo ka zbuluar se Sokol Lamaj ka pasur detyrime në Tatime dhe ato i janë falur nga amnistia e vitit 2017. Ndërsa për kandidatët e tjerë ka dhënë vlerësime pozitive, pa cituar në raporte vlerësimet e ONM-së.

Ndërsa raportet e fundit, për Ilir Pandën, Mirela Bogdanin, Erjon Muharremajn, Alfred Ballën janë hartuar nga Genc Gjonçaj, sekretari aktual i përgjithshëm i Kuvendit dhe për ta ka dhënë dhe vlerësimet e ONM-së. Vëzhguesit ndërkombëtarë kanë kërkuar skualifikimin e Alfred Ballës që fitoi garën në KLP dhe kanë evidentuar se Ilir Panda ka qenë në funksione shumë të larta politike.

KANDIDATËT E ZGJEDHUR ME GOGLA PËR KËSHILLIN E LARTË TË PROKURORISË

Kandidatët e zgjedhur nga avokatët

KOZMA JANO

(VLERËSIMI I SEKRETARIT TË PËRGJITHSHËM TË KUVENDIT)

-Për sa i takon nivelit të studimeve akademike rezulton se kandidati ka përfunduar ciklin 4-vjeçar të studimeve të larta në Fakultetin e Drejtësisë, Universiteti i Tiranës, me rezultate nën mesataren.

-Platforma e paraqitur nga kandidati është e dobët dhe e paplotë. Në përmbajtjen e saj nuk paraqitet një vizion i qartë i detyrave dhe përgjegjësive, që do të ketë kandidati si anëtar i mundshëm i KLP-së.

– Kandidati nuk ka vërtetuar me dokumentacion njohuri të gjuhës së huaj. -Kandidati nuk ka paraqitur asnjë certifikatë për trajnime, brenda apo jashtë vendit.

FLORETA GJINI

(VLERËSIMI I SEKRETARIT TË PËRGJITHSHËM TË KUVENDIT)

-Për sa i takon nivelit të studimeve akademike rezulton se kandidatja ka përfunduar ciklin 4-vjeçar të studimeve të larta në Fakultetin e Drejtësisë, Universiteti i Tiranës, me rezultate mesatare.

-Platforma e paraqitur nga kandidatja është një platformë bazë, e cila nuk ofron një panoramë të qartë mbi rolin dhe përgjegjësi institucionale që ka institucioni i KLP-së.

-Testi i anglishtes është kryer nga ekspertët e Komisionit Ad hoc.

-Referuar shkresës së DPT-së, rezulton se kandidatja nuk ka detyrime tatimore të papaguara.

Kandidatët e zgjedhur nga profesorët për KLP

ENEIDA SEMA(VLERËSIMI I ONM)

– Platforma e paraqitur nga kandidatja konsiston më shumë nga një letër motivuese dhe deklaratë parimesh dhe vlerash.

-Angazhimi akademik/shkencor duket të jetë mbi mesataren.

MIRELA BOGDANI

(VLERËSIMI I ONM)

-Platforma tregon dijeni të mirë për problemet që prekin gjyqësorin/prokurorinë dhe sfidat me të cilat ballafaqohet KLP, si dhe një qasje të mjaftueshme pragmatike.

-Jetëshkrimi tregon se kandidatja është përfshirë në mënyrë intensive në veprimtarinë e shkollës së Magjistraturës.

– Për fat të keq, nuk ishte e mundur nga jetëshkrimi i kandidates të krijohet një pasqyrë e plotë e arritjeve të saj shkencore/akademike.

Kandidati i zgjedhur nga Shoqëria Civile për KLP

ALFRED BALLA (VLERËSIMI I ONM)

-Përveç faktit që ky kandidat nuk plotëson kriteret ligjore të përmendura në nenin 152.d, vëzhguesit ndërkombëtarë kanë konstatuar se platforma e paraqitur nga ky kandidat është pothuajse plotësisht një plagjiaturë e një platforme të paraqitur nga një kandidat tjetër (Plarent Ndreca), aplikimi i të cilit u refuzua në fazat e mëparshme të procesit, duke qenë se nuk i plotësonte kriteret formale.

– Për këtë arsye, vëzhguesit ndërkombëtarë janë të mendimit se ky kandidat nuk ka integritet të lartë moral që shpresohet në një anëtar të Këshillit të Lartë të Prokurorisë.

* * *

KANDIDATËT E ZGJEDHUR ME GOGLA PËR KËSHILLIN E LARTË TË GJYQËSORIT

Kandidatët e zgjedhur nga profesorët për KLP

ILIR PANDA (VLERËSIMI I ONM)

-Platforma është një përshkrim i përgjithshëm i detyrave të anëtarit të KLGJ-së, pa dhënë ndonjë përshkrim objektivave, prioriteteve ose strategjisë personale.

– Jetëshkrimi nuk pasqyron pozitën e rëndësishme të kandidatit në bordin e drejtorëve të një banke ndërkombëtare.

– Kontributi akademik/shkencor i kandidatit është mesatar

– Ka qenë i angazhuar politikisht në nivel shumë të lartë në të kaluarën.

ERJON MUHARREMAJ (VLERËSIMI I ONM)

-Platforma tregon një ekuilibër të mirë midis motivimit dhe vizionit, me referencë specifike në disa fusha të ndërhyrjes dhe dijeni për instrumentet kryesore ndërkombëtare.

-Dokumentacioni i ofruar nuk jep ndonjë informacion të vlefshëm për kontributin shkencor/akademik të kandidatit.

Kandidatët e zgjedhur nga avokatët për KLGJ

SOKOL LAMAJ (VLERËSIMI I SEKRETARIT TË PËRGJITHSHËM TË KUVENDIT)

-Sekretari i Përgjithshëm i është drejtuar me shkrese zyrtare nr. 1450/5, datë 17.05.2017 dhe Drejtorisë së Përgjithshme të Tatimeve, për të kërkuar informacion për shlyerjen e detyrimeve tatimore nga secili prej kandidatëve.

-Drejtoria e Përgjithshme e Tatimeve me shkresën nr. 11086/3, datë 25.5.2017, ka informuar se Studio Ligjore “Lamaj” ka detyrime tatimore të pashlyera në shumën 32 276 lekë, prej të cilave 20 mijë lekë falen në bazë të ligjit nr. 33/2017 dhe shuma prej 12 276 lekësh ka afat pagese deri më 20.07.2017.

– Studio Ligjore “Lamaj: me detyrime tatimore një pjesë e të cilave falen sipas ligjit 33/2017, ndërsa pjesa tjetër ka afat pagese deri ne datën 20.07.2017. Për këtë arsye, nga rivlerësimi i ulën 3 pikë.

Vlerësimi përfundimtar është 75.6- 3= 72, 6 pikë.

Kandidati i zgjedhur nga Shoqëria Civile për KLGJ

ALTIN HAZIZAJ (VLERËSIMI I SEKRETARIT TË PËRGJITHSHËM TË KUVENDIT)

-Për sa i takon nivelit të studimeve akademike rezulton se kandidati ka përfunduar ciklin 4-vjeçar të studimeve të larta në Fakultetin e Drejtësisë, të Universitetit të Tiranës me rezultate të larta dhe studimet pasuniversitare “master”, në fushën e studimeve europiane.

-Kandidati ka marrë pjesë në trajnime profesionale të organizuara nga organizata të shoqërisë civile jo vetëm si trajnues, por edhe si lektor.

– Ka paraqitur një platformë të mirëstrukturuar dhe të kompletuar, e cila tregon për vizion dhe njohuri për angazhimet që do të ketë në kuadër të ushtrimit të funksionit, për të cilin kandidati po aplikon.

  • twitter
  • facebook
  • linkedin
Fjalë kyçe: ,

Komentet

Lajme të ngjashëm

Blushi: 8 nëntori, ditëlindja e SPAK, dita më e zezë në historinë e kombit! Një institucion, në shërbim të instalimit të diktaturës!

Sekretari i Përgjithshëm i PL, Tedi Blushi e ka cilësuar këtë ditë, si më të zezën në historinë  e kombit shqiptar, teksa iu referua krijimit të institucionit të SPAK. Në fjalën e tij në protestën e organizuar për të disatën javë përpara Bashkisë së Tiranës, Blushi tha se 8 nëntori është ditëlindja e një institucioni që sipas tij, po shërben me verbëri për instalimin me dhunë të diktaturës në vendin tonë.

Sipas Blushit, SPAK mbyll sytë përpara krimeve dhe korrupsionit të dyshes Rama-Veliaj, ndërsa kërkon me ngulm dhe ka si mision, dënimin e liderëve të opozitës dhe burgosjen e tyre.

Simboli më i urryer i korrupsionit dhe krimit të organizuar, sot është ditëlindja e SPAK, dita më e zezë në historinë e këtij kombi. Më 8 nëntor, është në fakt edhe ditëlindja e këtij institucioni që po shërben me verbëri për të instaluar me dhunë diktaturën. Është ditëlindja e Arben Krajës ish hetuesi i komunizmit, mercenarit Altin Dumani që ka marr përsipër si idhujt e tij të instalojë diktaturën, dhe të shërbejë si vrasës me pagesë i pluralizmit politik, duke u përpjekur të asgjësojë opozitën e demokracinë.

Faktet për korrupsionin e përbindshëm Rama-Veliaj janë si drita e diellit, këto kulla droge, që SPAK s’i sheh, firma e Veliajt që i hapi rrugën incineratorit që Dumani s’e sheh, faktet e firmosura nga Rama për incineratorin që Dumani s’i sheh, koncesionet, PPP, rrugët e florinjta që gllabërojnë miliona euro.

Dumani ka një mision, të burgosë liderin e PL, Meta pa prova e fakte, të burgosë Berishën, pa fakte, prova e dëshmi, qëllimi i tij është të asgjësojë opozitën. Dhe as guxon të përmedëe ermin Rama-Veliaj, por të burgosë deputetët zemërluanë të opozitës, si Salianji.

Kjo ditë nisi me 2 lajme të zeza për vendin, importi i mbetjeve toksike. Për Ramën ky vend është një kosh për mbeturinat e botës.

Lajmi i 2, ardhja e emigrantëve në vendin tonë. Kjo është agjenda e shpopullimit të Ramës.

Si mudn të lejojmë këtë bandë, narko-regjim që ka krijuar precedent, duke themeluar në Evropë një narko-shtet e kjo falë Ramës. E vetmja zgjidhje, është aksioni, përballja për t’iu thyer dhëmbët banditëve që guxojnë të marrin peng jo vetëm drejtuesit e opozitës, por të ardhmen  tonë. sn

Zbulohet peshkaqeni fantazmë në Shqipëri, befasohen shkencëtarët

Zbulimi i një peshkaqeni fantazmë pranë Sazanit në Shqipëri ka befasuar shkencëtarët.

Sipas LIVE Science, bëhet fjalë për një peshkaqen të bardhë që jeton në ujërat e thella.

Peshkaqeni këndor ‘Oxynotus centrina’ është një specie e rrezikuar.

Ai është i pari nga speciet e tij me leuçizëm, një çrregullim gjenetik që prish prodhimin e melaninës, duke shkaktuar një reduktim të pigmentit, raportojnë shkencëtarët në një studim të ri.

Ndryshe nga albinizmi, në të cilin kafshëve u mungon plotësisht melanina dhe kanë iris të kuqe, peshkaqenë leuçistikë kanë pigment normal të irisit, edhe nëse duken plotësisht të bardhë.

“Me leuçizëm, një krijesë mund të prodhojë ende melaninë, por i mungon në rajone të caktuara ose në të gjithë trupin”, tha autori kryesor i studimit, Andrej Gajić, drejtor i Sharklab ADRIA.

Ky peshkaqen ishte leuçist dhe jo albin, sepse “ishte dukshëm i zbehtë me njolla pothuajse të bardha në bisht, por sytë tregonin pigmentim normal të retinës,” tha Gajić.

Image

GJKKO pranon kërkesën e SPAK, kalon për gjykim 7 të pandehur të dosjes “Metamorfoza”

Gjykata e Posaçme Kundër Korrupsionit dhe Krimit të organizuar ka pranuar kërkesën e SPAK duke kaluar në gjykim 7 të akuzuar të dosjes “Metamorfoza”.

Të pandehurit e çështjes biznesmeni Pëllumb Gjoka, Behar Brajovic, Edmond Preka, Astmer Bilali, Ardit Hasanbegaj, ish shefi i Operacionales, Oltion Bistri dhe ish-drejtuesi i Prokurorisë së Kukësit Xhevahir Lita kaluan për gjykim në seancën e kësaj të premte.

Vendimi u mor nga gjyqtarja Elsa Ulliri, ndërsa çështja u kalua për gjykim pa debat nga palët.

Gjatë shqyrtimit paraprak këta tre të pandehur kanë kërkuar edhe gjykim të shkurtuar, vendim për të cilin gjykata do të shprehet në seancën e parë të gjykimit në themel.

Avokatët e biznesmenit Pëllumb Gjoka kanë kundërshtuar në të gjitha seancat marrjen si provë të komunikimeve Sky Ecc, për te cilën i janë drejtuar Gjykatës Kushtetuese, e cila do ta marrë në shqyrtim kërkesën më 19 nëntor në orën 10.00. bw

Inceneratori i Tiranës- Alqi Bllako merret i pandehur për korrupsion

Ish-deputeti socialist Alqi Bllako merret i pandehur për “korrupsion” kryer në dy raste, edhe për inceneratorin e Tiranës.

Disa ditë më parë, prokurori Dritan Prençi i ka komunikuar akuzën Bllakos, i cili prej më shumë se dy vitesh ndodhet në qeli për inceneratorët.

Në muajin prill të këtij viti, SPAK çoi për gjykim një pjesë të të akuzuarve për inceneratorin e Tiranës. Konkretisht ish- ministrin e Mjedisit, Lefter Koka, Pëllumb Abeshin, Erjon Muratajn, Bledar Karolin, Taulant Tushën, Namik Simixhiun, Etleva Kondin, Alba Thomain, Valbona Ballgjinin, Sidita Koplikun, Jetmir Llapajn si dhe Silena Tolën.

Organi i akuzës u komunikoi atyre akuzën “shpërdorim detyre”.

Koka, Bllako, Tusha dhe Karoli ndodhen në masën “arrest në burg”, ndërsa Alba Thoma, Ballgjini, Temali, Kondi, Abeshi dhe Tola në masën “arrest në shtëpi”.

Namik Simixhiu ka masën “detyrim paraqitje”.

Për inceneratorin e Elbasanit, Alqi Bllako u shpall i pafajshëm nga shkalla e parë, ndërsa për inceneratorin e Fierit ai u dënua me 4 vite, dënim i cili zbriti në 2.8 vite burg për shkak të gjykimit të shkurtuar. sn

Protesta- “Mbroni jetën e fëmijëve”, me foton e 8-vjeçarit që humbi jetën në aksident, banorët e Pajovës bllokojnë qarkullimin e makinave

PEQIN

Bllokohet nga protestuesit qarkullimi i mjeteve në Pajovë. Dhjetëra banorë të fshatit Pajovë në Peqin kanë dalë sot në protestë, për të kërkuar masa nga autoritetet për shkak të aksidenteve të shumta rrugore.

Me foton e 8-vjeçarit që humbi jetën pak ditë më parë në një aksident rrugor, protestuesit kanë kërkuar reagimin e autoriteteve.

Ata mbanin në duar parulla “Mbroni jetën e fëmijëve”, “Kufizues bordure në rrugë”, “Na siguroni jetën”, “Të merren masa për kufizimin e shpejtësisë”, etj.

Protestuesit kerkojnë gjithashtu që në zonen e banuar të vendosen urgjent kufizues shpejtësie dhe të ketë polici në hyrje të rrugës pranë shkollë.bw

Anija “Moliva” me 102 konteinerë me mbetje të rrezikshme futet në portin e Durrësit për shkarkim

Anija Moliva me 102 konteinerë futet për shkarkim në portin e Durrësit.

Gazetarja Klodjana Haxhiaj raportoi për “BalkanWeb” se ankorimi i anijes “Moliva” ka nisur dhe pritet të kryhet procedura e shkarkimit të 102 kontejnerëve në kalatë dhe transportimi i tyre jashtë hapësirave portuale, në një zonë të konsideruar të sigurt nga autoritetet. Vendimi është marrë pas një mbledhjeje të autoritetit portal me policinë të zhvilluar dje.

Sipas disa burimeve nga porti dhe kapiteneria ” është parashikuar qe 102 kontejnerët me mbetjet e rrezikshme do transportohen në një zonë në Porto Romano, ku do të mbahen të mbikëqyrura 24 orë siç ka kërkuar edhe Prokuroria e Durrësit.

Pas vendosjes së tyre në këtë hapësirë të sigurt, pritet të procedohet me marrjen e kampionëve nga secili kontejner dhe dërgimin e tyre në një laborator të specializuar.

Anija me mbetjet e refuzuara nga autoritetet tajlandeze mbërriti në Durrës më 28 tetor. Prej më shumë se 10 ditësh anija ndodhej në radën e portit.

“Gjysma e qeverisë e përfshirë në skandalin e mbetjeve toksike”- Agron Shehaj i kërkon shpjegim ministrit të Brendshëm

Deputeti Agron Shehaj ka kërkuar sqarime nga ministri i Brendshëm, Ervin Hoxha se çfarë po ndodh me kontejnerët me mbetje toksike.

Nga Kuvendit, Shehaj hodhi akuza duke thënë se gjysma e qeverisë është e përfshirë në këtë skandal të trafikut të mbetjeve toksike.

Si përgjigje, ministri i Brendshëm u shpreh se shumë shpejt kontejnerët dot zbresin në një hapësirë publike.

Agron Shehaj: Ka 11 ditë që një anije me kontejnerë me mbetje toksike të trafikuara nga porti i Durrësit ndodhet përballë Portit të Durrësit dhe ministri i Brendshëm duhet të japë përgjigje se çfarë po bëhet. Ka një interes, publiku do të dije se çfarë po ndodh me mbetjet toksike? Gjysma e qeverisë është e përfshirë në këtë skandal, në trafikimin e mbetjeve toksike. Duhet të informoni qytetarët, çfarë po ndodh me mbetjet toksike.

Ervin Hoxha: I nderuar zoti Shehaj në lidhje me informacionin që kërkuar, Prokuroria Durrës ka bërë një njoftim publik në bashkëpunim me policinë, agjencinë2 doganore dhe autoritetet portuale po ekzekuton urdhrin dhe vendimin e marrë. Shumë shpejt kontejnerët dot zbresin në një hapësirë publike, e cila po krijon kushtet dhe mundësinë sipas kapaciteteve dhe infrastrukturës për çështjet e sigurisë në ambientet e Durrësit. gsh

Përplasje në Kuvend, Bardhi-ministrit Hoxha: Yt vëlla do të marrë në qafë veten dhe Belinda Ballukun!

Kreu i Grupit të PD-së, Gazment Bardhi është përplasur në Kuvend me ministrin e Brendshëm, Ervin Hoxha.

Teksa ministri i Brendshëm e quajti Gazment Bardhin “një gënjeshtar përsëritës”, kreu i Grupit të PD-së iu drejtua duke thënë që “yt vëlla do të marrë në qafë veten dhe Belinda Ballukun”.

“Do ta mësosh shumë shpejt pse po ta them këtë”, tha Bardhi, duke hedhur akuza se vëllai i ministrit “është një hajdut atje në OSHEE, që vjedh paratë e qytetarëve dhe energjisë”.

Pjesë nga replika:

Ervin Hoxha: Më dëgjo një sekondë, i nderuar deputet në pikëpamjen e analizës psikokriminale që unë kam për shkak të detyrës, tek njerëzit recidivist, përsëritës gënjeshtar. E dyta që t’i gënjen, akuzon dhe u beson atyre që akuzon kjo është shumë e vërtetë. Policia bëri detyrën, nuk ka hyrë në Kuvend, turma që drejtohet nga ty po sillet drejt institucioneve Kushtetuese. Policia mbrojti Kuvendin.

Gazment Bardhi: Së pari, turmë je ti dhe çeta e hajdutëve që të rrethon ty duke përfshirë dhe tët vëlla që do të marrë në qafë veten dhe Belinda Ballukun, bashkë me të, Do ta mësosh shumë shpejt pse po ta them këtë. Është një hajdut atje në OSHEE, që vjedh paratë e qytetarëve dhe energjisë, Ju jeni tufë, jo deputetët e opozitës. gsh

Harris: Duhet të pranojmë rezultatin e zgjedhjeve, por lufta nuk ndalet këtu

VOA/Marrë nga Associated Press

Kamala Harris tha të mërkurën se “duhet të pranojmë rezultatin e zgjedhjeve” pasi inkurajoi mbështetësit që të vazhdojnë të luftojnë për vizionin për vendin pas humbjes ndaj ish-Presidentit Donald Trump.

Nënpresidentja demokrate tha se beteja do të vazhdojë “në kutitë e votimit, në gjykata dhe në sferën publike”.

“Ndonjëherë beteja zgjat. Kjo nuk do të thotë se nuk do të fitojmë”, tha zonja Harris në fjalën e saj ku pranoi humbjen që e mbajti në Universitetin Howard, ku ka ndjekur studimet, një nga shkollat më të njohura të afrikano-amerikanëve, ku ajo shpresonte të mbante fjalimin e fitores.

“Megjithëse e pranoj humbjen në këto zgjedhje, nuk heq dorë nga beteja që e nxiti këtë fushatë,” tha zonja Harris. Guvernatori i Minesotës Tim Walz, kandidati për nënpresident, ishte i pranishëm, ashtu si edhe ish-kryetarja e Dhomës së Përfaqësuesve Nancy Pelosi dhe ligjvënësja Barbara Lee, të dyja nga Kalifornia, shteti i lindjes i zonjës Harris.

Para fjalimit të saj, Kamala Harris telefonoi Presidentin e zgjedhur Donald Trump të mërkurën për të pranuar humbjen në garën presidenciale dhe për ta uruar atë për fitoren, sipas një këshilltari të lartë të nënpresidentes. Këshilltari, i cili nuk pranoi të identifikohej në mënyrë që të diskutonte për një bisedë private, tha se zonja Harris foli për nevojën për një transferim paqësor të pushtetit.

Nënpresidentja Harris u konsiderua si shpresa e Partisë Demokrate për fitore pas tërheqjes së Presidentit Joe Biden nga gara por ajo u përball me refuzimin e votuesve amerikanë në zgjedhjet presidenciale të këtij viti.

Ajo humbi tek të gjitha shtetet që ishin vendimtare për rezultatin e zgjedhjeve ndaj ish-Presidentit Trump të cilin ajo e përshkroi gjatë fushatës si një rrezik ekzistencial për institucionet themelore të vendit.

Zoti Trump duket se po fiton edhe votën popullore, për herë të parë në tre fushatat e tij për Shtëpinë e Bardhë – edhe pas dy proceseve që synonin shkarkimin e tij, shpalljes fajtor për krime dhe përpjekjes së tij për të përmbysur rezultatin e zgjedhjeve të kaluara.

Nënpresidentja Harris planifikon të mbanjë një fjalim për të pranuar humbjen të mërkurën pasdite, siç njoftoi zyra e saj. Ajo do të flasë në Universitetin Howard në Uashington, ku ka kryer studimet dhe ku mbështetësit e saj ndoqën të martën në mbrëmje shpalljen e rezultateve për çdo shtet, përpara se të njoftohej që zonja Harris nuk do të fliste atë natë dhe zoti Trump po dilte në epërsi në shtetet vendimtare.

Zoti Biden planifikon të flasë para kombit për rezultatin e zgjedhjeve të enjten. Shtëpia e Bardhë tha se ai kishte folur me zonjën Harris dhe zotin Trump të mërkurën dhe ftoi presidentin e zgjedhur për një takim në Shtëpinë e Bardhë së shpejti.

David Plouffe, një këshilltar i lartë i zonjës Harris, tha se ekipi i fushatës “u përpoqën me mish me shpirt për vendin e tyre”.

“Ne u ngritëm nga një pikë shumë e ulët, por mesa duket jo mjaftueshëm,” tha ai. “Një humbje e dhimbshme”.

Tani si nënpresidente në detyrë, ajo pritet të drejtojë seancën e certifikimit të zgjedhjeve nga Kongresi. Është i njëjti rol që luajti Mike Pence katër vjet më parë, kur zoti Trump i nxiti mbështetësit e tij të shkonin drejt Kapitolit.

Megjithëse kritikët thanë se ajo ngjarje nxorri në pah kërcënimin që paraqet zoti Trump për demokracinë amerikane, kjo nuk i shkurajoi votuesit që ta rizgjidhnin atë.

Zonja Harris u bë kandidatja demokrate pasi zoti Biden pati një paraqitje të dobët në debatin presidencial të 27 qershorit përballë ish-Presidentit Trump. Ai u tërhoq nga gara më 21 korrik dhe mbështeti nënpresidenten e tij e cila bashkoi me shpejtësi Partinë Demokratike rreth kandidaturës së saj.

Amerikanët shpjegojnë zgjedhjen që bënë në ditën e votimeve

Votuesit ndërsa prisnin për të hedhur votën e tyre në Universitetin Shtetëror të Arizonas (5 nëntor 2024)

 

VOA/Scott Stearns

Votuesit në Shtetet e Bashkuara iu drejtuan të martën kutive të votimit për të zgjedhur presidentin e ardhshëm të vendit, në një garë që mendohej të ishte e ngushtë mes republikanit Donald Trump dhe demokrates Kamala Harris. Gazetarët e Zërit të Amerikës biseduan me votuesit në qendrat e votimit në mbarë vendin dhe na sjellin mendimet e tyre për përzgjedhjet.

Pensilvania është një ndër shtetet që përcaktuan rezultatin e zgjedhjeve presidenciale. Votuesja Mariah Johnson thotë se mbrojtja e të drejtave të riprodhimit e motivoi atë të merrte pjesë në zgjedhje.

“Unë jam grua dhe do të doja të votoja për të drejtat e mia. Do të doja t’i mbaja këto të drejta për fëmijët e mi dhe për të ardhmen e botës”, Mariah Johnson, votuese në Pensilvani.

Në Virxhinia, votuesi Sameet Mitter thotë se ai votoi për kandidaten Kamala Harris.

“Platforma e saj në tërësi, mendoj se krijon një të ardhme më të sigurt për vajzën time, dhe sinqerisht dua që vajza ime të rritet në një botë ku të jetë nomale që një grua të bëhet presidente”, thotë Sameeti.

Votuesi nga Florida, Ricky Suyono, thotë se mbështeti ish-Presidentin Donald Trump.

“Në ekonomi mendoj se po humbasim shumë vende pune tani. Mendoj se Trumpi u dha stimuj kompanive të punësojnë amerikanë dhe jo ta largonin punën drejt vendeve të tjera”, thotë Ricky.

Votuesja në Nju Jork, Keisha Marcellin, tha se votoi për Nënpresidenten Harris.

“Meqenëse jam grua afrikano-amerikane, është paksa e qartë se për kë duhet të votoj pasi bëhet fjalë për jetën e të gjithëve; janë jetët e afrikano-amerikanëve, shëndeti riprodhues i grave; vendoset për jetën e të gjithëve dhe kjo është e rëndësishme”, thotë Keisha.

Votuesi në Xhorxhia, Michael Geisler thotë se votoi për një mandat të dytë për ish-Presidentin Trump.

“Thjesht mendoj se është alternativa më e mirë për Amerikën. Ai është kandidati mesazhi i të cilit zuri vend tek unë. Nuk isha ende në moshën e duhur për të votuar kur ai u zgjodh herën e parë, por më pëlqyen politikat e tij, politikat e tij ekonomike dhe se si ishte jeta ime kur ishte ai president. Dhe pastaj gjatë katër viteve në vazhdim me Biden-in, u bë e vështirë financiarisht. Nuk më pëlqen drejtimi që ka marrë vendi”, thotë Michael Geisler.

Votuesja në Teksas, Tinashe Makoni gjithashtu mbështeti zotin Trump.

“Ai ka mangësitë e tij. Dua të them për karakterin. Nuk ka nevojë të futemi në detaje, pasi janë shumë gjëra. Por, kur bëhet fjalë për ta lëvizur vendin përpara, që vendi të rifitojë pozitën dhe statusin dominues, ai është zgjedhja ime”, thotë votuesja Tinashe.

Këtë vit, një numër rekord amerikanësh votuan që përpara Ditës së Zgjedhjeve.

Vendimi- Gjykata shfuqizon dënimin, deputetët e përjashtuar të PD mund të kthehen në Kuvend

Gjykata Administrative ka marrë sot vendimin në lidhje me ankimimin e deputetëve të Partisë Demokratike mbi dënimin nga Këshilli i Etikës për periudha të ndryshme kohore, që variojnë nga 40 deri në 60 ditë.

Gazetari osman Stafa raporton se Administrativja shfuqizoi masat disiplinore, ndërsa vendimi u dha me ekzekutim të përkohshëm, pra aplikohet menjëherë.

Mësohet se për deputetët Gazment Bardhi, Flamur Noka dhe Bledion Nallbati, është vendosur shfuqizim i pjesshëm duke lënë në fuqi përjashtimin me vetëm 10 ditë, pra nga data 3 deri me 13 tetor; ndërsa për deputetët e tjerë është lënë në fuqi përjashtimi me 5 ditë nga data 3 deri më datë 8 tetor.

 

Ndërkohë ka ardhur edhe reagimi nga Grupi Parlamentar i PD.

“Gjykata Administrative ka shfuqizuar vendimin e Elisa Spiropalit, e cila në shkelje të Kushtetutës dhe rregullores se kuvendit përjashtoi opozitën nga Kuvendi. Vendimi u dha me ekzekutim te përkohshëm, pra aplikohet menjëherë”, thuhet në vendim.

Capture
BW

Berisha uron fitoren e Trumpit: Amerikanët votuan kundër përpjekjeve për t’u diktuar udhëheqësin dhe kundër mafies së Sorosit

Kryetari i opozitës, Sali Berisha, reagoi pas fitores së Donald Trumpit në zgjedhjet presidenciale.

POSTIMI I PLOTË

Donald Trump triumfoi!

Kombi i madh amerikan në zgjedhjet e tij më historike riktheu madhërishëm në Shtëpinë e Bardhë, President të 47-të të SHBA, Zotin Donald Trump.

Me votën e tyre plebishitare, qytetarët amerikanët u ngritën mbi hipokrizinë, mashtrimin, përpjekjet për t’ iu diktuar me të gjitha mjetet udhëheqësin e tyre dhe rikthyen, zgjodhën për të ardhmen e ndritur që meritojnë, Donald Trump President të 47-të të vendit të tyre.

Ata votuan për vlerat themelore të njeriut dhe njerëzimit që ndajnë dhe mbrojnë njerëzit e lirë në mbarë botën, votuan për begatimin e tyre dhe paqen në botë. Me Presidentin Donald Trump, SHBA, aleatët dhe partnerët e tyre në këtë kohë luftërash janë më të sigurtë se kurrë më parë.

Por qytetarët amerikanë votuan gjithashtu për shpëtimin e vendit të tyre dhe jo vetëm atij nga mafia më e rrezikshme e kohërave, mafia e George Soros.

Në emër të Partisë Demokratike të Shqipërisë, parti simotër prej tre dekadash e Partisë Republikane, uroj përzemërsisht fitoren historike të Presidentit të 47-të të SHBA Donald Trump, kandidatëve të kësaj partie në drejtimin e Kongresit të SHBA dhe shpreh besimin se marrëdhëniet tradicionale midis dy vendeve dhe dy partive do të njohin zhvillime të shkëlqyera.

Zoti i bekoftë SHBA, kombin dhe Presidentin e tyre! sn

Lajmet me interesante

Lajmet e fundit

ARKIVA E LAJMEVE

Kliko këtu për të parë arkivën e lajmeve

Send this to a friend