Voal – Nën kushte të rënda të represionit, figurat më të ndritura shqiptare, atëhere kur dukej dhe ishte diçka e pamundur, luftonin me mjete demokratike në zemër të Evropës për kauzat shqiptare, siç ishte pavarësia e Kosovës. Midis këtyre emrave të shquar ndrit ai i diplomatit dhe veprimtarit të shquar Gani Azemi që i mungon sot Kosovës dhe diasporës:

Bashkëshortja dhe bashkëpunëtorja e tij e ngushtë, gazetarja e njohur Mejreme Azemi, duke sjellë një foto historike nga ajo kohë shkruan në rrjetin social si më poshtë:

“Diplomati dhe Veprimtari GANI AZEMI gjatë një manifestim për të mbrojtur të drejtat e shqipëtarëve të Kosoves përara Këshillit të Bashkimit Evropian në Bruksel gjatë vitëve 90.

Ganiu gjithmonë arriti të bindëte kryetarin e komunes qe të organizonte manifestimet pikërisht m’u përpara Këshillit të Bashkimit Evropia kur të gjithë ministrat të punëve të jashtme ishin aty të mbledhur dhe policija belge ishte e pa frikë se aty mund të po ndodhnin probleme.

Ganiu ju thoshte: “Unë ju garantoj se derisa unë organizoj manifestime, nuk do të keni kurrë probleme”.

Ashtu ishte.