Për të kujtuar dhe gëzuar “Ditën e Babait”, ngjarje e shënuar për familjen dhe shoqërinë amerikane që fetstohet të Dielën e tretë të muajit Qershor (që prej vitit 1910), Djemtë e Shën Marisë një degë e veprimtarisë së Kishës Orthodokse Shqiptare “Fjetja e Shën Marisë”, së qytetit të Usterit kishin vendosur mbajtjen e një koncerti të vogël për banorët e Qendrës për të Moshuarit “Trinia e Shenjtë” përmes grupit “Mall” me këngëtaren Brunilda Sota-Hoxha, muzikantin dhe instrumentistin Rik Hoxha dhe Arian Papa.

Veçanërisht kjo periudhë e tre-katër muajve të fundit që ka sjellë një izolim të madh dhe mungesë kontaktesh mes familjarëve dhe moshës së tretë ishte një rast më shumë për të sjellë pranë tyre respektin, kujdesin dhe gjallërinë. Dana, punonjëse me programet e të moshuarve të qendres spjegoi se:”- kjo ishte një fundjavë ndryshe dhe e këndëshme për atë pjesë të të moshuarve që kanë shëndet të qendrueshëm dhe përfshihen në aktivitete fizike dhe mbahen në lëvizje.

Një bashkëpunim i tillë me Djemt e Shën Marisë dhe një nderim për Bill Johns që ata sollën në “ditën e baballarëve” tregon shumë. Një orë këngë dhe muzikë instrumentale prej grupit “Mall” përcolli një gëzim dhe respekt që nuk u shkëput nga ajo që ata morën. Njëra prej banoreve të moshuara u shpreh se do ta hedh në vizatim mbresën e kësaj dite. Një festë e thjeshtë dhe gëzim kur ndjehet pranë gjallëria e njerzve që kujdesen dhe ngrohtësia si e familjes.