Voal – Gradat dhe Dekoratat e Enver Hoxhës?

Diktatori Hoxha vijon të mbajë dekoratat edhe titujt, paçka se thuhet se kemi çerek shekulli që kemi rrëzuar diktaturën, ndërsa diktatori vijon të mbetet Hero i Popullit, i këtij populli që e shtypi me grushtin e hekurt të diktaturës të proletarialit, të luftës të klasave, që nxiti vëllavrasjen, që ia vrau elitën, të këtij populli që e burgosi, internoi, që ia persekutoi familjet shqiptare, që e depersonalizoi kombin, që i la fëmijët e të përndjekurve pa shkolla, që i shpronësoi pronarët, që i eleminoi bashkëpunëtorët, që nuk la gjë pa bërë dhe ende vijon të mbajë titujt, gradat e dekoratat.

Ja disa nga dekoratat që mban ende diktatori:

“Heroi i Popullit”,
“Heroi i Punes Socialiste”,
“Ylli Partizan” nga Jugosllavia
“Heroi i Popujve te Jugosllavise”, në vitin 1946
“Heroi i Popujve te Bashkimit Sovjetik”, Suvorov

Enver Hoxha nuk është i vetmi anëtar i lartë i ish-Byrosë Politike që i ka ende ligjërisht gradat dhe dekorimet. Zyrtarisht, dekoratat dhe medaljet e arta të akorduara në emër të shtetit shqiptar i kanë ligjërisht edhe shtetas të huaj, madje edhe persona të tillë si ish-gjeneralë të Titos.

Kur të shfuqizohen këto dekorata, atëherë do të fillojë demokratizimi i parlamentit dhe shtetit shqiptar.

Por pyetja është se kur do të ndodhë kjo ?!