VOAL – LOS ANXHELOS, 18 SHTATOR – Një grup aksionerësh i Korporatës McDonald përsëriti thirrjen e tij ndaj rrjetit të ushqimit të shpejtë për të ndaluar blerjen e çdo mishi nga kafshët e rritura me antibiotikë si jetike për luftën kundër infeksioneve njerëzore.

Ky veprim nga Kongregacioni i Motrave Benediktine të Boernes, Teksas, vjen në mes shqetësimit në rritje nga ekspertët e shëndetit publik se përdorimi i tepruar të barnave të tilla është duke kontribuar në rritje e numrit të infeksioneve të rrezikshme për jetën e njeriut nga bakteret rezistente ndaj antibiotikëve të koduara “superbugs”.

Motrat iu dërguan një rezolutë të ngjashme aksionerëve menjëherë pasi McDonald në SHBA njoftoi në mars se brenda dy viteve do të heqë nga përdorimi pulat e prodhuara me antibiotikë të rëndësishëm për shëndetin e njeriut.

Ndërsa McDonald është duke bërë një hap përpara, ai është ende larg qëllimit të kongregacionit, tha Motra Susan Mika. Ajo përfaqësonte murgeshat në takimin vjetor të McDonaldit më 21 maj, ku njoftoi se rezoluta ishte rrëzuar, edhe pse ende përmendi shqetësimin lidhur me mish derri dhe të viçit me të cilët furnizohet McDonald.

Rreth 70 për qind e antibiotikëve të rëndësishëm për shëndetin e njeriut janë shitur për përdorim në prodhimet e mishit dhe qumështit.

Përdorimi veterinar i antibiotikëve është i ligjshëm. Megjithatë, pasi numri i infeksioneve të njeriut nga bakteret rezistente ndaj antibiotikëve rritet, avokatët e konsumit dhe ekspertët e shëndetit publik janë bërë shumë më kritikë ndaj praktikës së ushqimit në mënyrë rutinore me antibiotikë të shpezëve, gjedheve, derrave.