Polici i dhunuar me iniciale A.L. është dërguar me urgjencë tek Spitali i Traumës në kryeqytet, ndërsa ende nuk dihet gjendja e tij.
Mësohet se autorët i kanë marrë efektivit të burgjeve armën e shërbimit dhe janë larguar.
Ende nuk dihen autorët dhe shkaku i ngjarjes së rëndë.Panorama
Moderatorja dhe ish-deputetja e Partisë Demokratike, Grida Duma ka reaguar pas dënimit me 1 vit burg nga Gjykata e Apelit e ligjvënësit demokrat, Ervin Salianji.
Grida Duma u shpreh se Ervin Salianji është bashkërrugëtari i saj, teksa theksoi se “unë e di se si e ka krijuar figurën e tij politike”.
Ish-ligjvënësja deklaroi se Salianji është protagonisti i shumë viteve betejë të sistemit të drejtësisë që opozita e quan të politizuar.
“Ervin Salianji është protagonisti i shumë viteve betejë të sistemit të drejtësisë, që opozita e quan të politizuar, ndërsa maxhoranca të pavarur. Por beteja politike, ne e kemi thënë, zhvillohet në dyert e drejtësisë. E kemi thënë që kjo fushatë zgjedhore do të përcaktohet nga fushata e ndëshkimeve apo e drejtësisë të pavarur ose të varur.
Ervin Salianji është protagonisti 5 viteve, është një proces që ka zgjatur 50 seanca. Ervin Salianji është gjithashtu bashkërrugëtari im. Si bashkërrugëtarin tim, e di se si ka zgjedhur ta krijojë dhe identitetin dhe profilin e tij politik.
Një zë denoncues, i cili ka krijuar figurën denoncimin, identitetin dhe rrugëtimi i tij do ta provojë nëse vlenin në këtë nivel ose jo, dhe si do ta përballë këtë situatë. Por identitet i krijuar përmes denoncimeve, edhe atëherë kur PD në shumë raste ka patur dyshime a duhen kryer këto denoncime”, tha Grida Duma në emisionin “Top Story”.
Demokrati Ervin Salianji, i cili po vuan dënimin me 1 vit burg në Fier, ka nisur betejën ligjore.
Mësohet se Ervin Salianji do të bëjë rekurs vendimin e Apelit në Gjykatën e Lartë.
Ai po përgatit kërkesën për ta dërguar në Gjykatën e Lartë për pezullimin e vendimit të Apelit.
Gjithashtu Salianji do të depozitojë në SPAK kallëzim ndaj ish-ministrit, Fatmir Xhafaj.
Sa i përket postit të tij, si deputet i Korçës, fillimisht Kuvendi duhet të konstatojë përfundimin e mandatit të Salianjit, por kjo ende nuk është bërë.
Më pas njoftohet KQZ dhe deputeti që merr karrigen e tij në Kuvend zgjidhet në bazë të listës shumë emërore të dorëzuar nga PD në zgjedhjet parlamentare të 2021-shit.
Ndërsa mbi pozicionin si drejtues politik i qarkut të Elbasanit, Salianji ka thënë se do ta drejtojë qarkun nga burgu, por pritet të merret një vendim nga strukturat e PD-së.Panorama
Nga Ballkani e Kosova “një realitet i pakthyeshëm”, te situata në Ukrainë dhe mbështetja ndaj saj, si dhe tensionet në Lindjen e mesme, dhe një zgjidhje me dy shtete Izrael e Palestinë, ishin temat qëndrore të fjalimit që kryeministri Edi Rama mbajti mbrëmjen e së premtes në Asamblenë e Kombeve të Bashkuara.
“Sot popujt e Ballkanit kanë një moment të një mundësie historike në kontekstin e një rreziku historik më gjerë në Europë, ku agresioni rus kundër Ukrainës duhet të na shërbejë të gjithëve si një zile e përhershme alarmi”, u shpreh zoti Rama duke vënë në dukje se Ballkani Perëndimor është sot në një pozicion shumë më të mirë sesa ka qenë ndonjëherë, “por na duhet të punojmë pareshtur dhe me durim midis vetes sonë në rajon e mbi të gjithë me aleatët e partnerët tanë për t’u siguruar që kthimi në të shkuarën të jetë, jo vetëm i pamundur, po thjeshtë i paimagjinueshëm”.
Duke qëndruar në rajon, zoti Rama tha se “Kosova është një realitet i pakthyeshëm si shtet mes 6 vendeve të Ballkanit Perëndimor me një perspektivë të qartë europiane e një aleancë të padiskutueshme ndaj komunitetit të madh demokratik të vendeve”. Sipas tij nuk mund të hiqen paralele mes saj dhe zonave të pushtuara të Ukrainës. Një gjë e tillë theksoi kryeministi shqiptar “ka për synim të shpërqendrojnë e të hutojnë këdo që është e mundur në këtë ndërtesë dhe të gjithë opinionin publik ndërkombëtar, por kurrë nuk mund t’ia arrijnë të zbehin të vërtetën që është: Kosova është tashmë një pjesë e pandashme e realitetit ndërkombëtar, një anëtare aspirante e komunitetit euroatlantik”. Ai tha më tej se Kosova “nuk duhet të mbahet peng nga askush me pretendime e justifikime të rreme, duke nisur nga grupi i 5 shteteve anëtare të BE-së që ende nuk e njohin si vend me të drejtë, në çdo organizatë e forum ndërkombëtar”.
Duke folur për agresionin rus në Ukrainë, zoti Rama, ripërsëriti mbështetjen e Shqipërisë ndaj Ukrainës “për aq kohë sa është e nevojshme dhe për aq kohë sa të arrihet një paqe e gjatë dhe e qëndrueshme”. Kryeministri shqiptar theksoi se “të gjithë ata që kërkojnë paqe, duke ndaluar Ukrainën, në vend që të ndalojnë agresionin neoimperialist të Rusisë e kanë gabim dhe duhet të jenë të vetëdijshëm për një të vërtetë shumë të thjeshtë, një paqe që është disfatë për Ukrainën do të sjellë vetëm agresion të mëtejshëm e do ta shndërrojë botën tonë në një botë që sundohet nga fuqia, jo nga e drejta”. Për zotin Rama, ajo që po ndodh në Ukrainë dhe veçanërisht udhëheqja e presidentit Zelenski “nuk është thjesht rezistencë dhe qëndresë ndaj një agresioni brutal kundër atdheut të tij, por në të njëjtën kohë është një qëndresë për vetë ekzistencën e demokracisë dhe një Evrope dhe një bote të drejtë e të mbështetur në rregulla”.
Duke u ndalur në tensionet në Lindjen e Mesme, kryeministri Rama u shpreh se “duhet të ri kalibrojmë busullën tonë morale në Lindjen e Mesme. Po, por nuk ka asnjë busull morale që të relativizojë dhe largqoftë, të normalizojë terrorin e një organizate terroriste si Hamasi si pjesë e paqes që të gjithë e duam mes Izraelit dhe Palestinës. Ta bësh këtë, do të ishte njësoj si të relativizoje murtajën e antisemitizmit e të pranoje të bashkë ekzistoje me një formë të mbrapshtë të re nazizmi, që është e keqja më e madhe që mund të kishte ndodhur për kaq shumë vjet së pari e mbi të gjitha, për vetë popullin palestinez”. Por nga ana tjetër, sipas tij “nuk është e vështirë të mos thuhet me zë të lartë e të fortë se kaq shumë dhunë e shkatërrim nuk mund të jetë zgjidhje afatgjatë si për Izraelin ashtu edhe për Palestinën dhe duhet të ndalet. Konfirmojmë edhe një herë këtu, mbështetjen kombëtare për një zgjidhje të drejtë e gjithëpërfshirëse të konfliktit izraelito-palestinez mbështetur në zgjidhjen me dy shtete”, deklaroi kryeministri Rama.
Ervin Salianji ka deklaruar se Partia Demokratike do të dorëzojë një kallëzim penal në Prokurorinë e Posaçme për falsifikim në lidhje me çështjen “Babale”.
Salianji tha se hapja e hetimit ndaj tij, ka shamgur një dënim të ri për Geron apo Fatmir Xhafajn.
“I qëndroj 1 milion herë, do ta vazhdoj dhe pas. PD do të depozitojë kallëzim penal në SPAK për falsifikimin e kësaj çështje, nesër ose të hënën.
Nesër ose të hënën me të gjitha provat. Do të dorëzohet për Fatmir Xhafën për hetimin e pasurisë sepse si subjekt i ligjit anti-mafia, për shkak se ka vëllain e vet të dënuar, ai duhet të ishte hetuar deri më tani. Thelbi i këtij diskutimi është se hapja e hetimit ndaj meje, shmang nga një dënim të ri, Geron apo Fatmir Xhafajn”, tha deputeti demokrat.bw
Kryetari i grupit parlamentar të PD-së, Gazment Bardhi në një deklaratë për mediat nga selia e PD, ka deklaruar se, vendimi ndaj deputetit Ervin Salianji, është një shpallje lufte ndaj grupit parlamentar dhe opozitës.
‘Këta gjyqtarë për llogari të një trafikanti droge, mendojnë se do ti mbyllin gojën opozitës. Kush janë këta që i mbyllkan gojën deputetëve të opozitës për tu përballur me trafikantët e drogës që Rama i ka ngritur deri në ministrinë e Brendshme.
Pse nuk i bëhet hetim pasuror ndaj Fatmir Xhafajt, siç urdhëron ligji antimafia.
Kodi mafioz që Edi Rama vendosi sot përmes këtij vendimi politik gjykate, ti japë grupit parlamentar të PD, duke dënuar dhe dërguar në burg nënkryetarin e grupit të PD, është një shpallje lufte ndaj grupit tonë parlamentar dhe opozitës në tërësi.
Kolegët kanë bërë propozime në mbledhje që shkojnë për miratim në kryesinë e sotme të partisë, që mblidhet sot në mënyrë urgjente.
Ervin Salianji është një deputet, përfaqësues i qytetarëve në Kuvendin e Shqipërisë. Beteja nuk bëhet kundër Salianjit, por kundër mandatit të Salianjit.
Prandaj është një vendim politik.
Nuk ka bërë betejë personale Ervin Salianji, nuk ka bërë as korrupsion dhe as vrasje.
Të dalë nga burgu Saimir Tahiri dhe të shkojë në burg një deputet që ka bërë denoncime.
Të dalë jashtë burgut Vangjush Dako dhe të shkojë në burg një deputet i opozitës që ka guximin të bëjë denoncime’, tha ndër të tjera për gazetarët, Gazment Bardhi. sn
Partia Demokratike ka reaguar pas vendimit të Gjykatës së Apelit që dënoi me 1 burg deputetin Ervin Salianji.
Selia blu e konsideron vendimin një hakmarrje të verbër politike ndaj deputetit demokrat për shkak të denoncimeve të tij ndaj kryeministrit Edi Rama dhe segmenteve të qeverisë. Sipas PD-së, sot opozitës iu shpall luftën.
“Sot Ervin Salianji u dënua nga Edi Rama, Geron dhe Fatzi Xhafa në një akt hakmarrje të verbër politike për faktin e vetëm se deputeti Salianji vërtetoi lidhjen dhe veprimtarinë kriminale të narko-trafikantit ndërkombëtar vëllait të Fatmir Xhafës, ministër trafikant, dhe Edi Ramës kreu i narko-shtetit shqiptar“, thuhet në deklaratën e PD.
Deklarata
Sot në luftën e shpallur ndaj opozitës, Edvin Kristaq Rama dënoi me burgim politik deputetin e opozitës Ervin Salianji për betejën e tij guximtare kundër Edi Ramës dhe narko-shtetit të tij. Sot Ervin Salianji u dënua nga Edi Rama, Geron dhe Fatzi Xhafa në një akt hakmarrje të verbër politike për faktin e vetëm se deputeti Salianji vërtetoi lidhjen dhe veprimtarinë kriminale të narko-trafikantit ndërkombëtar vëllait të Fatmir Xhafës, ministër trafikant, dhe Edi Ramës kreu i narko-shtetit shqiptar. Dënimi i sotëm i Ervin Salianjit dëshmon se në këtë vend droga dhe krimi i lidhur me qeverinë janë vendim-marrësit kryesorë në narko-shtetin shqiptar. Partia Demokratike dënon me forcën më të madhe këtë akt politik të shëmtuar të Edi Ramës dhe narko-shtetit të tij kundër Partisë Demokratike, opozitës dhe pluralizmit politik në Shqipëri si dëshmi e terrorit të egër ndaj opozitës për Partinë Demokratike, për çdo demokrate dhe demokrat, për çdo opozitare dhe opozitar, ky akt është një kushtrim, është një SOS të ngrihemi në mosbindje civile: “O sot, o kurrë” kundër Edi Ramës dhe narko-diktaturës së tij.bw
Gjykata e Apelit ka dhënë vendimin në lidhje me dënimin e deputetit, Ervin Salianji.
Mësohet se, gjykata ka vendosur të lejë në fuqi dënimin prej 1 viti burg, të dhënë nga gjykata e shkallës së parë.
Deputeti Salianji u dënua se denoncoi përfshirjen e vëllait të Fatmir Xhafajt në trafik ndërkombëtar droge dhe se ishte dënuar në Itali.
Deputeti demokrat u paraqit në gjykatë, ndërsa në mbështetje të tij ishin edhe grupi parlamentar i PD-së.
Në seancën e sotme avokati i Jetmir Olldashit Indrit Sefa tha se ‘paraqitja e vendimit të pushimit nga krimet e rënda, vetëm tani në lidhje me këtë çështje, tregon se vendimi i shkallës së parë është i paligjshëm, dhe nuk duhet që të merret parasysh. Nuk mund të administrohet ky vendim si prove e dorëzuar nga avokati i viktimës së veprës penale, Geron Xhafa’.
Apeli pranoi një kërkesë të avokatëve të Geron Xhafës për të marrë si provë një vendim për pushimin e hetimeve të dhënë nga gjykata e krimeve të rënda për klientin e tyre.
Pas tërheqjes për vendim, trupa gjykuese vendosi të lërë në fuqi vendimin e shkallës së parë, e cila e ka dënuar atë me burg për kallëzim të rremë. sn
Mbrojtësi shqiptar, Maldini Kaçurri, ka debutuar me ekipin e parë të Arsenalit.
18-vjeçari u aktivizua nga trajneri Mikel Arteta në Kupën e Anglisë në sfidën ndaj Boltonit.
Kaçurri mori vendin e Kalafiorit në minutën e 70-të. Talenti shqiptar është pjesë e të rinjve të Arsenal-t, por për shkak të mungesave të mëdha, Arteta e ka marrë në ekipin e parë.
Pas disa ndeshjeve në stol, mbrojtësi shqiptar bëri sot debutimin me ekipin e parë.
Një moment i veçantë për Kaçurrin, që po jeton në ëndërr.
Ai numëron 5 ndeshje me Kombëtaren U-19 të Shqipërisë dhe 2 ndeshje me Kombëtaren U-17.
‘Partia Demokratike dhe lideri i saj Sali Berisha, kurrë nuk do të dorëzohen’, tha gjatë fjalës në protestën tek bashkia e Tiranës, Koordinator i Rajonit të Tiranës dhe Shef i Organizimit në selinë blu, Klevis Balliu.
Gjatë fjalës së tij në protestë, Balliu u shpreh se Skapi i partisë mbron Erion Veliajn, Olta Xhaçkën, burrin e kësaj të fundit nga arrestimet.
‘Sot më shumë se kurrë, ka nevojë që ne të qëndrojmë përballë aferave kriminale dhe korruptive, sepse sot nuk ka drejtësi, sepse sot gjyqtar, nuk ka prokuror që i del përballë pushtetit, sepse Skapi i partisë dhe partia janë një.
A e patë se si Skapi shpëtoi Olta Xhaçkën dhe burrin e Oltës. A e patë sesi Spaki nuk e heton Ballukun, nuk e heton për asnjë gjë, edhe pse ka 75% të buxhetit të shtetit, a e keni parë se si Skapin, ky vemja i bashkisë i quan kolegë, a e keni parë se si Skapi arreston çdo punonjës të bashkisë përvec kryetarit të tyre, Erion Veliaj.
Këta kanë hallin të shpëtojnë paratë. Shikoni pavarësisht arrestimeve të bëra për inceneratorin, a është konfiskuar ndonjë lek, a i kemi marrë paratë ne që shkojnë 80 mijë euro në ditë për Erion Veliajn, pronarin faktit, për Edi Ramën.
Çfarë është ky dënim, kjo burgosje dhe paratë nuk janë. Ato janë veç për sy e faqe, që të dalin disa pseudo analistë që paguhen nga pushteti dhe të thonë se, ja u bë drejtësia sepse janë arrestuar nga PS dhe prandaj po arrestohet lideri i opozitës.
Po lideri i opozitës, a ka shqiptarë apo të huaj në Shqipëri, që njeh ABC e politikës, që nuk e di që Sali Berisha nuk ka qenë kurrë kryetar i bashkisë së Tiranës.
Skapi i partisë e akuzon se, e ke ndryshuar ti me firmë, sepse ke qenë kryetar bashkie, kryetar i KKRT.
Ja ku janë këta efektive policie këtu, a e kuptoni se çfarë po mbroni, çfarë mashtrimesh, falsifikimesh, që e kanë mbushur Shqipërinë me plehra në institucionet tona, sa nuk kanë lënë hajdutë pa futur në shtet.
PD dhe lideri i saj Sali Berisha nuk do të dorëzohen kurrë’, tha Klevis Balliu në protestën tek bashkia e Tiranës.sn
Deputeti i PD Ervin Salianji në një intervistë në rubrikën Opinion në News 24 tha se Partia Demokratike kërkon qeveri teknike, me qëllim që të ketë zgjedhje të lira e të ndershme.
Salianji tha se përse Rama shqetësohet nëse qeveria nuk merret me zgjedhjet. Ai tha se shumë shpejt do të ketë protestë kombëtare deri në qeveri teknike. Po ashtu, Salianji saktësoi se gjithsesi PD do marrë pjesë në zgjedhje.
Ervin Salianji: Nëse i marrim emër për emër drejtuesit e qarqeve, funksionarët e PS kanë akuza mbi shpinë. Drejtuesit e PS në qarqe janë njerëz të akuzuar për afera të ndryshme. Do të ketë valë protestash, derisa të arrihet që në Shqipëri të ketë zgjedhje të lira e të ndershme. Qeveria teknike është mekanizëm, për të pasur zgjedhje të lira e të ndershme. Jo qeveria që merret me zgjedhjet, pse shqetësohet Rama?
Në 2017 nuk ka pasur qeveri teknike, por bashkëqeverisje, ka qenë një gafë e madhe e PD. Ata në PS e ngrenë në qiell Edi Ramën, i thonë dhe Zeus, i thonë dhe Skënderbe. Është më e lehtë për PS që të pranojë qeveri kujdestare deri në zgjedhje, ku pastaj kush parti fiton, krijon qeverinë. Protesta e parë kombëtare do të mbahet shumë shpejt. Do provojmë të gjitha format e mosbindjes civile deri në pasjen e qeverisë teknike.bw
Kryetari i Partisë Demokratike Sali Berisha është thirrur të mërkurën në SPAK për të firmosur mbylljen e hetimeve për dosjen “Partizani”, ku ai dhe dhëndri i tij, Jamarbër Malltezi u morën te pandehur.
Ndërkohë lideri i opozitës ka denoncuar procesin si politik dhe akuzat si të sajuara nga prokurorë që janë në urdhërat politke të Edi Ramës
Sipas burime nga SPAK, të mërkurën është bërë thirrja e mbrojtjes së Berishës dhe Malltezit në SPAK për firmosjen e mbylljes së hetimeve dhe marrjen e akteve të plota. sn
Çfarë është një vend demokratik? Po Shqipëria? Nga Aurel Dasareti, USA, ekspert i shkencave ushtarake-psikologjike
Agustin Mirakaj: Këta qenkan më keq se Enver Hoxha – E falenderoj Gjykatën Federale
Ervin Dine: Gjykata Amerikane vonon por nuk harron: Lidërshipi i Vatrës duhet të kenë harruar se ku jetojmë….
HOROSKOPI E DIEL 22 SHTATOR 2024
21- VJET NGA VDEKJA E SHKRIMTARIT TË PAHARRUAR ODHISE K. GRILLO- Nga XHAHID BUSHATI
FOTOT- Marinella rrëzohet gjatë interpretimit në skenë, në gjendje kritike për jetën
UGSHPD: JETLAG-u DIASPORIK I RAMËS ME DITËT NË NJU JORK DHE LUFTA PËR PUSHTET
Artikulli bombë- Media gjermane skaner Rilindjes: Rama kontrollohet nga krimi i organizuar dhe mafia
Lideri suprem i Iranit zhvendoset në një vend të sigurt, nën masa të larta sigurie
U vra nga sulmet izraelite në Bejrut, kush ishte lideri i Hezbollahut, Hassan Nasrallah?
Grabitja e pronave në Jug- Ambasadori i BE shuplakë Ramës te DW: I gjithë procesi që çon në përzgjedhjen e investitorëve strategjikë jotransparent dhe klientelist
‘Shpresoj që beteja ime të frymëzojë shqiptarët’- Salianji nis dënimin
Komentet