Deklarata mbi krimet e komunizmit është një deklaratë e nënshkruar më 25 shkurt 2010 nga disa politikanë të shquar evropianë, ish të burgosur politikë, veprimtarë të drejtave të njeriut dhe historianë, që bën thirrje për dënimin e komunizmit në konferencën ndërkombëtare për Krimet e Regjimeve Komuniste që u zhvillua në Senatin e Çekisë dhe nga Zyra e Qeverisë së Republikës Çeke nga 24 deri më 26 shkurt 2010.

Deklarata përsëriti shumë nga sugjerimet e parashtruara në Deklaratën e Pragës për Ndërgjegjen e Europës dhe Komunizmin, e cila u nënshkrua më 3 qershor 2008. Deklarata e Pragës për Ndërgjegjen e Europës dhe Komunizmin, ishte një deklaratë e iniciuar nga ana e qeverisë çeke dhe e  nënshkruar nga politikanë të shquar evropianë, ish të burgosur politikë dhe historianëve, në mesin e tyre Václav Havel dhe Joachim Gauck, ish president i Gjermanisë, i cili bëri thirrje që “Evropa e gjerë t’i dënojë krimet e komunizmit dhe dënimi ndaj tyre të edukohet.”

Deklarata për Krimet e Komunizmit

Deklarata bën thirrje si për dënimin e komunizmit, edukim rreth krimeve të komunizmit, të ndjekjes penale të kriminelëve komunistë me krijimin e një gjykate ndërkombëtare në kuadër të BE–së për krimet komuniste, ashtu edhe për ndërtimin e një memoriali për viktimat e komunizmit botëror, si dhe uljen e pensioneve dhe përfitimeve të sigurimeve shoqërore për autorët dhe përgjegjësit e krimeve komuniste. Deklarata thotë se:

· “Ne nuk duhet të mohojmë të drejtën e atyre dhjetra milionëve viktimave të komunizmit për drejtësi“

· “Pasi që krimet kundër njerëzimit nga ana e regjimeve komuniste nuk kanë qenë nën juridiksionin e gjykatave ekzistuese ndërkombëtare, ne bëjmë thirrje për krijimin e një gjykate të re për krimet e kryera gjatë komunizmit në kuadrin e BE. Krimet komuniste kundër njerëzimit duhet të dënohen nga kjo gjykatë në mënyrë të ngjashme, ashtu si Krimet naziste u dënuan nga Gjykata e Nurembergut, si dhe ashtu si janë gjykuar e dënuar krimet e kryera në ish–Jugosllavi “.

· “Mos ndëshkimi i kriminelëve komunistë do të thotë mosrespektim dhe dobësim i së drejtës ndërkombëtare“

· “Si një akt të riparimit dhe të kthimit, vendet europiane duhet të paraqesin një legjislacionin që barazon pensionet e sigurimeve shoqërore dhe përfitimet e atyre që kanë kryer krime komuniste mënyrë që ato të janë të barabarta ose më të vogla se ato të viktimave të tyre“

· “Demokracia duhet të mësojë të mbrojë veten, dhe Komunizmi duhet të dënohet njëlloj si u dënua Nazizmi. Ne nuk jemi duke i barazuar krimet përkatëse të nazizmit dhe komunizmit, përfshirë Gulag, Laogai dhe kampet naziste të përqendrimit. Ata duhet të studiohen dhe gjykohen për mënyrën e tmerrit si u kryen. Ideologjia komuniste dhe regjimi komunist bie në kundërshtim të hapur me Konventën Evropiane të të Drejtave të Njeriut dhe Kartën e të Drejtave Themelore të BE–së. Ashtu sikur ne nuk duam të relativizojmë krimet e Nazizmit, ne nuk duhet të pranojmë relativizmin e krimeve të Komunizmit.

· “Ne i bëjmë thirrje shteteve anëtare të BE–së për të rritur ndërgjegjësimi dhe edukimi për krimet e komunizmit; ne u kujtojmë atyre nevojën e implementimit, pa vonesë, të Rezolutës të Parlamentit Europian (2 prill 2009) për të shënuar 23 Gushtin si Ditën e Përkujtimit të Viktimave të të gjitha regjimeve totalitare dhe autoritariste. “

· “Ne i bëjmë thirrje Komisionit Evropian dhe Këshillit Evropian të Drejtësisë dhe Çështjeve të Brendshme të miratojnë Kornizën e një Vendimi pan–Europian që ndalon mohimin apo i zvogëlon apo i bën të parëndësishme krimet e komunizmit.”

· “Krijimi i Platformës së Kujtesës dhe Ndërgjegjes Evropiane dhe ndërgjegjes, imbështetur nga Parlamentit Evropian dhe Këshilli i BE–së në vitin 2009, dujhet të jetë i kompletuar në nivelin e BE–së. Qeveritë, individualisht duhet të japin kontributin e tyre sa i përket Platformës.”

· “Si një akt i njohjes së viktimave dhe respek për vuajtjet e mëdha që ka përjetuar gjysma e kontinentit europian, Evropa duhet të ngrejë një memorial për viktimat e epokës të Komunizmit, duke patur si model memorialin e SHBA, në Uashington, DC“/Përktheu: Elida Buçpapaj