Dëbimi në mes të natës i një familjeje shqiptare, e cila ka dhe një fëmijë të vogël të sëmurë është kthyer në çështje debati brenda parlamentit të Islandës.

Familja kishte emigruar nga Shqipëria për në Islandë me qëllim marrjen e statusit të azilantit. Ajo u nxoi nga shtëpia në mesnatë për t’u dërguar me autobus në aeroportin Keflavik.

Mediat lokale raportojnë se ata kanë marrë kërcënime për vdekje si dhe djali i vogël nuk mund të marrë trajtim mjekësor.

Ndërsa Drejtoria e Emigracionit e cila ka autoritetin për të dhënë azil për arsye humanitare, aplikimin e tyre e refuzoi.

Gjatë diskutimeve në parlament, ministrja e Brendshme ka përjashtuar vetën nga çdo përgjegjësi në këtë çështje.

Deputetja Social Demokrate, Olina Porvaroardottir tha se pavarësisht se anëtarët e parlamentit kanë marrë qindra letra nga publike për familjen shqiptare, pavarësisht se ata kërcënohem me jetë në Shqipëri nga një grup kriminal dhe pavarësisht se kanë një fëmijë të vogël në gjendje të keqe shëndetësore, sërish u dëbuan.

Olina tha se ka një hendek të madh mes opinionit publik për azilkërkuesit dhe trajtimit që u bëjnë autoritetet atyre. Deputetja kërkoi rishikimin e politikave të azilit.

Ndërkohë, deputeti i Partisë së Pavarur, Brynjar Nielsson duke folur për këtë çështje është shprehur se nëse familja shqiptare do të merrte trajtim të veçantë do të kishte pasoja.

Por, deputetja Social Demokrate, Katrin Juliusdottri nuk është dakord me këtë pikëpamje duke thënë se çdo çështje duhet të trajnohet mbi bazën e meritave. Ajo gjithashtu shtoi se Islanda ka autoritetin ligjor për t’u dhënë njerëzve azil për arsye humanitare.

“Po flasim për njerëz me mish dhe gjak, për një numër të vogël që zgjedhin të udhëtojnë për në Islandë”, tha Juliusdottri.

Afërsisht 6 mijë persona kanë firmosur një peticion për Ministren e Brendshëm, Olof Nordal që të japë dorëheqjen, pasi është ky dikaster që mbulon Drejtorinë e Emigracionit.

Por, duke folur për mediat lokale. Nordal thotë se nuk ka pushtet mbi këtë drejtori.

“Është një çështje shumë e vështirë, ndoshta më e vështira që Drejtoria e Emigracionit ka kaluar”, tha ajo.