ERICH FRIED 1921 – 1988

Erich Fried ka lindur në Vjenë në vitin 1921.

Në vitin 1938 ai la Austrinë dhe u transferua në Londër. Ndër vëllimet e tij me poezi: Gjermani (Deutschland, 1944), Kundërshtimi (Anfechtungen, 1967), Njëqind poezi pa vend (100 Gedichte ohne Vaterland, 1978). Ndër romanet dhe tregimet e shkurtra: Fëmijë dhe budallenj (Kinder und Narren, 1957), Një ushtar dhe një vajzë (Ein Soldat und ein Mädchen, 1960), Pothuajse asgjë, 1975  (Fast alles Mögliche, 1975). Me tekstet  e  tij eksperimentale, formale, bashkohet edhe angazhimi i tij politik. Në vitin 1988 ai botoi një libër me poezi: “Kjo është ajo që është”. frika e zemërimi i poezive të dashurisë, i cili pati sukses të madh në botimin italisht. Nga ky libër janë marrë  poezitë që po botojnë.

_____________________________________________

Gjëja që më goditi më shumë te ky poet është përdorimi me mençuri i anaforën: përsëritja nuk është një përsëritje e zbrazët, por një pretekst për të thelluar pikëpamjet, për të eliminuar të tepërtat, për të mbërritur në thellësi.

AJO QË ËSHTË

Është absurde

thotë arsyeja

është ajo që është

thotë dashuria

Është trishtim

thotë llogarija

s’është tjetër veçe dhimbje

thotë frika

është kotësi

thotë gjykimi

është ajo që është

thotë dashuria

është qesharake

thotë krenaria

është pamaturi

thotë maturia

është pamundësi

thotë eksperienca

është ajo që është

thotë dashuria

LEXOJ  POEZI

Ai që 

nga poezia

pret shpëtimin

do të duhet më mirë

të mësojë

të lexojë poezi

Ai që

nga poezia

nuk pret ndonjë shpëtim

do të duhet më mirë

të mësojë

të lexojë poezi.

GJITNJË MË  E VESHTIRË

duke të parë vetëm një herë

dhe pastaj kurrë më

duhet  të jetë më e lehtë

se sa të të shoh ende dhe një herë

dhe pastaj kurrë më

duke të parë ende dhe një herë

dhe pastaj kurrë më

duhet të jetë më e lehtë

se sa të të shoh ende dhe dy herë

dhe pastaj kurrë më

duke të parë ende dy herë

dhe pastaj kurrë më

duhet të jetë më e lehtë

se sa të shihja ende tre herë

dhe pastaj kurrë më

Por unë jam budalla

dhe dua të të shoh

akoma shumë herë

më parë

që të mos mund të të shoh

kurrë më.

KUR PUTH

Kur unë të puth

nuk është vetëm buza jote

nuk është vetëm kërthiza jote

nuk është vetëm barku yt

që puth.

Unë puth edhe pyetjet tuaja

dhe dëshirat tuaja   

puth reflektimin tënd

dyshimet tuaja

dhe guximin tënd

dashurinë tënde për mua

dhe lirinë tënde nga unë

këmbën tënde

që Mbërriti këtu

dhe iku përsëri

unë të puth ty

kështu siç je

dhe siç do të jesh

nesër dhe ende më larg

dhe kur koha ime do të bëhet e shkuar.

Përktheu: Faslli Haliti