Sindikatat italiane po shndërrohen në paterica për të ndihmuar Partinë Socialste Shqiptare në votën e majit të 2025.

Sindikata Italiane CGIL e Riminit është vënë në dispozicion të Kryetarit të Partisw Socialste shqiptare dega Itali, ish dipliomatit , i shndërruar në kryetar shoqate, Edmond Kumaraku.

Ky i fundit prej nëntorit 2016 deri në mars 2019, pra për 2 vite e 5 muaj ka qënë Konsull në Ambasadën e Romës, i shkarkuar për motive të pa zbardhura nga Ministri i atëhershëm Genc Cakaj.

CGIL e Riminit po përdor betejën prej 3 dekadash të emigrantëve shqiptarë për të drejtën kushtetuese të njohjes sê pensioneve, që ende pritet të aprovohet në Dhomënn e Senatit Italian.

E jo vetëm.

Sindikatat italiane janw vënë në shërbim të plotë të Partisë Socialiste shqiptare duke publikuar në faqen e tyre zyrtare, takimet e Taulant Ballës e Ermiona Sakës (kryetares së Bashkisë së Durrësit) me diasporën shqiptare në Itali.

Tradicionalisht sindikatat janë të majta por historikisht sindikatat janë në opozita të përheshme me cdo qeveri ku misioni i tyre është të apelojnë për cdo ligj, normativë, propozim, akt e veprimtari që cënon sistemin e punës, të drejtat e punonjësve e cdo formë diskriminimi social.

“Konfederata e Përgjithshme Italiane e Punës (CGIL), një organizatë e përgjithshme sindikale e natyrës programore, unitare, laike, demokratike, plurietnike, e grave dhe burrave” sic lexohet në statutin e saj, dega Rimini, ka publikuar në portalin e saj takimin e radhës së Partisw Socialiste në Itali duke qasur marrëveshjen e pensioneve me prezencën e eksponentëve socialistë e votën e 2025.

Në statutin e CGIL lexohet se kjo sindikatë “hedh poshtë fashizmin dhe racizmin, mbështet vlerat dhe parimet e ligjshmërisë dhe lufton me të gjitha mjetet shoqatat mafioze, terroriste dhe kriminale”.

E në emër të këtyre parimeve këto sindikata duhet të jenë të paanshme sidomos kur flitet për zgjedhjet e një vendi të huaj, ku nuk kanë informacionin e duhur.

CGIL, nga një vend europian, i lirë e demokratik si Italia, vihet në dispozicion për të ndihmuar qeverinë shqiptare me rekorde kriminale, me ministra nw burg, me megaskandale korruptive, me drejtues nën akuzë për krime tw rënda penale, me kryetarë bashkie në dosje hetimore për bashkëpunime mafioze, e që ka larguar mbi 1 milionë shqiptarë nga shtëpitë e tyre dhe e denoncuar në 3 rezoluta ndërkombëtare për krime elektorale.

Nga CGIL, shqiptarët në Shqipëri e shqiptarët në Itali presin të dëgjojnë pyetjet;

Pse gjatë mandateve socialiste është shtuar kaq shumë numri i shqiptarëve që largohen nga atdheu?

Pse Kryeministri shqiptar krenohet se “në Shqipëri nuk ka sindikata”?

Si paguhen e në c’kushte punojnë gratë shqiptare në fasoneritë italiane?

A respektohen të drejtat e punonjësve, kotnratat e punês, standarti i jetës, i pagës në Shqipëri?

Aksioni pro Partisë Socialiste i CGIL, ka vepruar dhe përmes kontakteve në adresat elektorinike ku shpërndan të njëjtin informacion pêr llogari të Shoqatës së Riminit e drejtuar nga ish Konsulli i pushuar nga puna për motive ende të pa zbardhura, Edmond Kumaraku, e njëherësh Kryetar i Partisë Socialiste dega Itali, detyrë që e ka mbajtur dhe gjatë kohës kur ishte diplomat duke shkelur cdo normë deontologjie, kod etik e akt kushtetues në detyrimet e një punonjësi të Ambasadës.

E numri i punëtorëve emigrantê shqiptarê në data base e Cgil nuk êshtë i pakët.

Për analogji kujtoj se pak javë më parë u thirr në votë populli rumun e emigrantët rumunë në Itali janë rreth 1 milionë me të drejtën e votës në diasporë prej disa kohe.

Me mijëra prej tyre votuan në Itali, por një thirrje të tillë nga CGIL nuk u pa e as u lexu kund.

As oêrmes portalesh sindakate e as në thirrjet pêrmes email.

CGIl mos e bëni pis votën e diasporës.

Respektoni statutin tuaj mbroni vlerat e luftoni krimin, padrejtwsinë e mafian.

Liria e votës është një detyrim kushtetues, po ashtu dhe garancia e saj.

E ndërhyrja në votë, manipulimi, e përdorimii halleve të emigrantëve për të orientuar votën dënohet me ligj, kudo ndodhtë.

Mos e bëni pis votën e diasporës shqiptare!