Aktorja franceze Madeleine Lenear, aktorja e fundit e mbetur gjallë e trupës së filmit klasik “Casablanca” të vitit 1942, ka vdekur në moshën 92-vjeçare. Lajmin e dha familja e saj.

Thjeshtri i saj, producenti Carko Alberto Pinelli, tha për Holliwood Reporter se ajo ka vdekur në 1 maj në Spanjë.

Në filmin Casablanca, Lebeau luante të dashurën e përçmuar të Humprey Bogard.

Në një skenë që është bërë e famshme, me lot në sy ajo thërret “Viva la France” kur klientela në kafen e Rikut, në një betejë nervash me nazistët, këndoi Marsejezën me qëllim që të mposhte himnin që ata po këndonin në kafene.

E lindur në vitin 1923, në afërsi të Parisit, ajo iku nga nazistët që pushtuan Francën me burrin e saj të athershëm, aktorin e njohur Marcel Dalio, në vitin 1940.

Çifti përfundoi në Hollywood dhe të dy luajtën në Casablanca.

Në film, Bogard luan një pronarin e një kafeneje amerikane në Marok, një territor i kontrolluar nga bashkëpunëtorët e regjimit nazist. Ai duhet të zgjidhte ndërmjet dashurisë së tij për një grua dhe ndihmës për burrin e saj që të arratisej nga Cablanca për të vazhduar luftën kundër nazizmit.

Lebeau luajti në më shumë se dy filma amerikanë para se të kthehej në Francë pas luftës./Syri.net