Analisti Genc Burimi ka komentuar zhvillimet e fundit lidhur me pezullimin e ndihmave nga Shtetet e Bashkuara.
Në një intervistë për emisionin “Kafe Shqeto” në SYRI TV, ai theksoi ndikimin e madh të këtij pezullimi, jo vetëm për shoqatat ndërkombëtare, por edhe për institucionet që përfitojnë nga ndihmat financiare.
Burimi u ndal gjithashtu te lidhja e këtyre masave me politikën e brendshme të Shqipërisë, duke përmendur ndikimin që fondacioni Soros dhe SPAK kanë në këtë proces.
Burimi:
Është një pezullim për 90 ditë i 70 miliardë dollarëve që japin amerikanët, janë 70 miliardë dollarë që taksapaguesi amerikan jep ndihmë në botë. Rreth 45 miliardë jepen nga USAID, është një fondacion amerikan që shpërndan këto ndihma.
Është një masë shumë e rëndë, dhe me ndërprerjen e ndihmës ndërkombëtare kanë shumë shoqata në botë që janë në vështirësi, janë shumë amerikanë në vështirësi dhe ka shumë amerikanë që punojnë, kjo është e para.
Vijmë në Shqipëri. Impakti i kësaj gjëje në radhë të parë SPAK është fundi, impakti i parë në Shqipëri është fondacioni Soros, sepse fondacioni Soros, emrin kishte filantropik, por bëheshe filantropik me paratë e taksapaguesve amerikanë dhe jo me paratë e George Sorosit.
Domethënë taksapaguesi amerikan ja jepte USAID-it, USAID me pas i jepte një çek të bardhë fondacionit Soros që t’i shpërndante këto ndihma, por ishin ndihma të popullit amerikan dhe Soros prej kohësh e mbante veten si filantrop.
Dhe SPAK-ut Soros i jepte sepse Soros e bëri në Shqipëri reformën në drejtësi, pra USAID-i ja çonte paratë Sorosit dhe Sorosi pastaj i shpërndante dhe rriste reputacionin e tij në Shqipëri dhe kudo në botë.