Voal – Presidenti kukull apo presidenti hiç në largim e sipër hedh helmin e fundit si gjarpëri kundër poetit Visar Zhiti, personalitet i shquar i kulturës shqiptare dhe ish i burgosur i diktaturës.

Kur Visar Zhiti vuante nëpër burgje dhe gulagët e Shqipërisë komuniste, Bujar Nishani i betohej për besnikëri diktaturës komuniste si oficer i ushtrisë të Enver Hoxhës.

Dhe i tillë mbeti pesë vjet sa qendroi në pushtet, një mbetje e diktaturës dhe puthador e shërbëtor  i atij që e zgjodhi, por asnjëherë nuk përfaqësoi unitetin kombëtar, veç ndau dhe përçau sa mundi duke i shitur dekoratat në tregun e shumicës.

Bujar Nishani  i ka akredituar të gjithë ambasadorët, qofshin këta bijtë e ish-nomenklaturës të kuqe apo pjesë e shërbimit partiak të diplomacisë shqiptare.

Ai nuk e ka dekretuar vetëm Visar Zhitin dhe kaq mjafton që Bujar Nishani të mbetet presidenti i njollosur i Shqipërisë në tranzicion.

Jo vetëm që gënjen në intervistën që jep për Panoramën, por edhe shpif monstruozite duke e paraqitur poetin Visar Zhiti “të paqëndrueshëm psiqikisht” apo “spiun në burgun e Spaçit, kur ishte i burgosur”, metoda krejt të vjetra këto të përdorura nga regjimet më të egra staliniste, pjellë e të cilit është edhe Bujar Nishani.

Visar Zhiti ka shkruar disa libra ku tregon ferrin që vuanin të burgosurit e ndërgjegjes. Vepra e Visar Zhitit është një dokument historik i krimeve të diktaturës, pasi në Shqipëri gjatë këtyre 25 viteve nuk ka asnjë muzeum ku të kujtohen krimet e tmerrshme të regjimit barbar.

Bujar Nishani gënjen kur flet për procedura ligjore, ai është shkelës ligji, sepse Visar Zhiti është pranuar nga Vatikani dhe Vatikani ka dalë publikisht duke deklaruar se e mirëpret Visar Zhitin si një figurë e shquar e kulturës shqiptare por edhe dëshmitar i vuajtjeve dhe torturave të diktaturës mizore.

Duke e fyer Visar Zhitin, Bujar Nishani provon verdiktin që i ka dhënë poeti, se ai është hiç president që e luftoi  Visar Zhitin njëlloj sikur diktatura e Enver Hoxhës.