Uruguai mposhti Egjiptin me rezultatin 1-0 në takimin e dytë të Botërorit. Një gol në minutat e fundit nga Himenez i dha fitoren skuadrës së Tabrezit, e cila e kërkoi më ngulm golin e avantazhit, por forma e shkëlqyer e portierit El Shanau, i mohoi në disa raste golin Uruguait.
Goli i mbrojtësit të Atletikos së Madridit me kokë, i siguroi 3 pikë të arta skuadrës së kaltër, e cila në takimin e radhës do të ndeshet me Arabinë Saudite.
Mungesa e Momo Salah, u ndje në radhët e Egjipitit, e cila në rast të një tjetër rezultati negativ ndaj Rusisë, do t’i thoshte lamtumirë Kupës së Botës.
LIVE | Egjipt-Uruguai 0-1
Himenez 90′
90′ Akordohen 5 minuta shtesë.
90′ GOOOL Uruguai 0-1. Zhbllokohet më në fund rezultati, Himenez, shënon me kokë, pas krosimit nga e djathta.
88′ Pa fat Uruguai. Kavani provoi me një gjuatje nga goditja e dënimit, topi stampohet në shtyllë.
87′ Zëvendësim i tretë te Uruguai, largohet Vesino, vendin e tij e zë Torreira.
83′ Fantastik portieri El Shanau, i cili është i pamposhtur, duke ndalur predhën e Kavanit, që po i drejtohet rrjetës.
81′ Pranë golit Egjipti me Eleni. Gjuatja e mesfushorit të Arsenalit ka përfunduar jashtë kuadratit.
74′ Nuk është dita e Suarezit. Sulmuesi ka humbur një tjetër rast flagrant i vetëm përballë portierit.
71′ Pranë golit Egjipti me anë të kapitenit Fatih, topi ka përfunduar në duart e Muslerës.
65′ Uruguai më kërkues në këto minuta, teksa i afrohet rrezikshëm portës së Egjiptit.
57′ Uruguai kryen 2 zëvendësime largohen Nandez dhe Arraskaeta, në fushë, Sançez dhe Rodriguez.
50′ Egjipti kryen zëvendësim e parë, largohet Hamed, vendin e tij e zë Morsai
46′ Nisje fantastike për Uruguain. Suarez, ka dalë i vetë përballë portierit, por ky i fundit, ka bërë mrekullinë duke i mohuar një gol të sigurt.
Mbyllet pjesa e parë, Egjipt-Uruguai 0-0.
40′ Minuta të qeta dhe pa rrezik në portat kundërshtare.
32′ Suarez gjuan nga goditja e dënimit, topi përplaset në murrin mbrojtës, largohet rreziku.
29′ Vesino provon me një gjuajtje nga jashtë zonës, topi përfundon jashtë kuadratit.
24′ E pabesueshme çfarë ka humbur Suarez, ku i vetë shumë pranë portës, ka bërë të pamundurën duke e dërguar topin jashtë kuadratit.
23′ Provon përsëri Kavani me një goditje në hyrje të zonës, topi devijohet me kokë nga mbrojtësit e Egjiptit në goditje nga këndi.
14′ Provon edhe Suarez, por goditja e menjëhershme e sulmuesit ishte e gabuar.
11′ Kundërpërgjigjet Egjipti me Trezege, gjuajtja e sulmuesit në hyrje të zonës është ndalur nga Muslera.
8′ Sinjali i parë i rrezikshëm, Kavani provon me një gjuajtje nga jashtë zonës, topi është ndalur nga portieri El Shanaui.
3′ Probleme për Kavanin, sulmuesi merr një goditje në mesfushë, por arrin të ngrihet.
1′ Ka nisur takimi, Uruguai shkelmon topin e parë nga qendra.
FORMACIONET ZYRTARE:
Egjipti: Muhamed El Shanaui; Fathi, Gabr, Hijazi, Shafi; El-Neni, Hamed; Elsaid, Hasan, Trezege; Mohsen.
Trajner. Hektor Kuper
Uruguai: Muslera, Varela, Godin, Gimenez, Kaseres, Nandez, Bentakur, Vesino, Arraskaeta, Suare, Kavani. Trajner. Oskar Tabarez
Komentet