SARAJEVË – Hetimiu më i ri i Rrjeti Ballkanik të Gazetarisë Hulumtuese (BIRN) ka treguar se nga rajoni i Ballkanit rreth 900 veta kanë shkuar në konfliktet në Irak dhe Siri, prej të cilëve më së shumti nga Kosova.

Para fillimit të konferencës rajonale “Xhihadistët ballkanikë”: radikalizimi dhe rekrutimi i luftëtarëve për në Siri dhe Irak”, gazetari i BIRN-it, Denis Dzhigiç për AA deklaroi se shkuarja e luftëtarëve të ashtuquajtur nga Ballkani në konfliktet e huaja –është një problem i madh.

“BIRN para disa muajve bëri një hulumtim për numrin e personave që kanë shkuar në konflikte të huaja, në rajonin e Sirisë dhe Irakut, nga rajoni i Ballkanit, vendet e ish-Jugosllavisë. Nga ky rajon kanë shkuar rreth 900 persona për të luftuar në konflikte të huaja, ndërsa rreth 300 persona janë kthyer. Numri më i madh i personave janë nga Kosova, Shqipëria, rreth 300, pastaj nga Bosnjë e Hercegovina rreth 200, kurse pak më i vogël është numri nga Maqedonia, Serbia dhe Mali i Zi”, tha Dzhigiç.

Siç pohon ai, të ndryshme janë shkaqet për shkak të të cilave njerëzit vendosin të shkojnë në konflikte të huaja në Lindjen e Afërt, ndërsa në të shumtën e rasteve ato janë mungesa e perspektivës në vend.

“Korrupsioni, papunësia, thjeshtë, kjo ndjenjë e pashpresës, ndërsa motivet janë edhe të natyrës religjioze. Ne fillimisht jemi marrë me atë se si janë përgjigjet e shtetit ndaj këtij fenomeni. Një segment është përgjigjja e aparatit represiv, prokuroria, policia, ndërsa tjetri është risocializimi i të tillëve në shoqëri, që është problem i madh”, tha Dzhigiç.

Në BeH momentalisht janë 18 persona në procedurë gjyqësore të akuzuar për shkuarje në konflikte të huaja apo nxitjen e personave për shkuarje. Dënimet përfundimtare për vepra të tilla ndëshkimore janë, siç konsideron Dzhigiç, relativisht të vogla.

“Kemi parë dënim prej një viti, që këta persona relativisht shpejtë do ta vuajnë. Çfarë do të bëjë shteti për risocializimin e tyre. BeH në vitin 2015 miratoi strategjinë e procesit të parandalimit dhe deradikalizimit, megjithatë deri tani në implementimin e saj punohet shumë pak. Dënimet me burg ndryshojnë, ndërsa e shohim se Prokuroria e BeH-së është e gatshme për marrëveshje, ndërsa gjatë dy javëve kemi pasur dy marrëveshje me të cilat është paraparë dënimi në kohëzgjatje prej një viti. Ky është dënimi mesatar të cilët dënohen personat e tillë”, theksoi Dzhigiç.