Presidenti i Këshillit Evropian Charles Michel, i cili bëri një vizitë të papritur në Odesa më 9 maj 2022, u detyrua të ndërpresë një takim dhe të strehohet kur raketat goditën përsëri qytetin jugor të Ukrainës. [Llogaria në Twitter e Presidentit të Këshillit]

Tirani i Kremlinit, Vladimir Putin vazhdon të qëllojë mbi civilët e pafajshëm në Ukrainë. Mesa duket një nga objektivat e tij të rinj është qyteti-port i Odesës në Ukrainën jugore.

Të hënën në mbrëmje pati sulme masive me raketa- mes tyre edhe me raketat e frikshme hipersonike ‘Kinzhal’ të Putinit. Të paktën një person humbi jetën dhe pesë të tjerë u plagosën. Kjo u raportua nga agjencia Unian, duka cituar udhëheqjen ushtarake lokale.

“Armiku ruan presionin e tij psikologjik dhe vazhdon sulmet e tij histerike kundër civilëve paqësorë dhe infrastrukturës civile,” thuhet në deklaratë.

Ushtria ukrainase konfirmoi për BILD: Një raketa Kinzhal goditi Odesën të dielën në mbrëmje. Ajo goditi një hotel buzë detit dhe ndërtesat përreth.

Përdorimi i armëve hipersonike

Se sa seriozisht e ka diktatori pushtimin e këtij qyteti, që është strategjikisht i rëndësishëm për të, e tregon fakti se ai tani po përdor armët e tij më efektive dhe më të shtrenjta: raketat hipersonike jashtëzakonisht të shpejta.

Sipas ushtrisë ukrainase, forcat ajrore ruse qëlluan disa raketa në Odesa të hënën në mbrëmje. Disa objekte turistike u goditën dhe të paktën pesë godina u shkatërruan, njoftoi Ukrajinska Pravda.

E veçanta e armëve vrasëse të Putinit është se raketat hipersonike janë ekstremisht të shpejta, të lehta për t’u manovruar dhe të vështira për t’u pikasur.

Me fjalë të tjera, raketat do të jenë në gjendje të ndryshojnë lartësinë dhe drejtimin edhe me shpejtësi ekstreme- duke iu shmangur kështu mbrojtjes ajrore të armikut. Megjithatë, fuqia e tyre shkatërruese në vetvete nuk është më masive se ajo e bombave që Putini po i përdor tashmë në Ukrainë.

Që në fund të marsit kishte raportime se Putini po përdor raketat hipersonike në Ukrainë- megjithatë kjo nuk mund të konfirmohej në mënyrë të pavarur. Madje një video e një sulmi të supozuar ngriti dryshime se diçka nuk shkonte. Prandaj është e mundur që të ishte propagandë.

Presidenti i Këshillit të BE u dërgua në një strehë të sigurt

Një gjë është e sigurt: Odesa u trondit nga shpërthime të shumta në mbrëmje, si nga goditja e raketave, ashtu edhe nga reagimet e mbrojtjes ajrore. Sipas raportimeve të medieve, ndër të tjera është goditur një qendër tregtare dhe një magazinë.

Fakt eksploziv është se edhe presidenti i Këshillit të BE-së, Charles Michel, që po vizitonte Odesën, u desh të dërgohej në një strehë të sigurt gjatë sulmeve me raketa.

Michel ndërpreu një bisedë me kryeministrin ukrainas Denys Schmyhal të hënën për të kërkuar mbrojtje kur raketat goditën përsëri Odesën, tha një zëdhënës i BE.

Kjo tregon gjithashtu se sulmi i Rusisë në Odesa ka marrë një dimension krejtësisht të ri. Presidenti Volodymyr Zelensky komentoi në mbrëmje se Rusi po tregon qëndrimin e saj të vërtetë ndaj Europës. syri.net