“Nëse nuk zhvillojmë marrëdhënie miqësore me Turqinë dhe nëse Turqia hap kufijtë këto refugjatë përsëri do të fillojnë të vijnë në Evropë”, tha Berlusconi

ROMË – Ish-kryeministri i Italisë, Silvio Berlusconi, tërhoqi vërejtjen Bashkimit Evropian për të pasur marrëdhënie të mira me Turqinë, në të kundërtën refugjatët përsëri do të fillojnë të vijnë në BE. Berlusconi, lider dhe ish-kryeministër i partisë Forza Italia mbrëmë ka qenë i ftuar në programin “Porta a Porta” në televizionin shtetërorë Italian RAI 1, ku ka folur në lidhje me çështjet e brendshme dhe të jashtme.

Ai ka deklaruar se destabiliteti në Libi dhe në Lindjen e Mesme është pasojë e politikave të SHBA-së dhe BE-së. “SHBA dhe BE përkrahën Pranverën Arabe, por sot jemi në gjendje të tillë ku qeveria e përkrahur nga perëndimi në Libi nuk bën funksionin e qeverisë”, deklaroj ish-kryeministri italian.

Ai theksoi se Tunizia si vend fqinj i Libisë është e detyruar të pranojë rreth 1 milion e 400 mijë refugjatë të cilat kanë ikur si pasojë e destabilitetit të brendshëm dhe Evropa është në një rrezik shumë të ngjashëm. “Sot ka një rrezik serioz. Në Turqi ka 2 milion e 400 mijë refugjatë. Nëse nuk zhvillojmë marrëdhënie miqësore me Turqinë dhe nëse Turqia hap kufijtë këto refugjatë përsëri do të fillojnë të vijnë në Evropë”, tha Berlusconi.

I pyetur në lidhje me nënshkrimin e marrëveshjes ndërmjet Turqisë dhe BE-së për parandalimin e fluksit të refugjatëve, Berlusconi është shprehur se “Sigurisht që ne i paguam Turqisë një çmim të caktuar që ajo të mbaj këto refugjatë. Nëse prishen marrëdhëniet me Turqinë, ajo mund të vendos ti hap kufijtë”.

Nga ana tjetër ish-kryeministri i Italisë tha se asnjë shtet i Lindjes së Mesme sot nuk është i gatshëm për demokraci dhe shtoi se këto vende kanë nevojë të udhëhiqen nga një diktator, mbret apo lider i fortë.

Referendumi në Itali

Berlusconi po ashtu foli edhe mbi referendumin e 4 dhjetorit që do të organizohet në Itali me qëllim të rregullimit të kompetencave të organit të lartë të parlamentit, Senatit. Edhe përkundër që Silvio Berlusconi është në opozitë dhe ka bërë thirrje që qytetarët të votojnë “jo” në referendum, udhëheqësit e lartë të kompanisë mediatike e cila është në pronësi të tij bëjnë thirrje që qytetarët të votojnë “pro” në referendum.

Berlusconi po ashtu theksoi se udhëheqësit e lartë të kompanisë janë të shqetësuar sepse pas referendumit qeveria e re mund të merret me Mediaset.

Në lidhje me skenarët që qeveria e kryeministrit Matteo Rezmi ka mundësi bashkë me referendumin në 4 dhjetor të ndahet me humbje ai tha se “Nuk mendoj që do të rrëzohet qeveria. Do të formohet një shumicë e re në parlament, por nuk do të jetë bindëse” tha ai.

Ai ka kritikuar qeverinë e Renzit duke thënë se ai ka premtuar shumë gjëra, por se deri më sot nuk ka mbajtur asnjë premtim. aa