TIRANË- Ish-kryeministri Sali Berisha, i pari që denoncoi publikisht Emiljano Shullazin, deklaron se “Vollgën” ia dhuroi kushëriri i një prej ministrave aktual.

Berisha publikon mesazhin e një qytetari dixhital, që sipas tij tregon se kjo pronë iu dhurua Shullazit nga djali i xhaxhait të ministrit Ilir Beqaj.

“Arapi bamirës i Shullazit që i dhuroi Vollgën, është Ylvi Beqja, djali i xhaxhait të Ilir Beqës! Qytetari dixhital informon se:

Arapi, bamirësi i madh që e bëri të lumtur Milin e Partisë duke i dhuruar Hotel Vollgën, është fiks Ylvi Beqja, djali i xhaxhait të Ilir Beqës. Qytetari informon se arabët e vërtetë, të paktën prej 10 vitesh nuk janë dukur në Shqipëri. Këtu na del një tjetër Shullaz në qeveri. I bëj thirrje prokurorisë të hetoje lidhjen mafioze të Beqajve me Milin e Partisë!”, shkruan Berisha duke publikuar edhe mesazhin nga qytetari dixhital.

“Doktor përshëndetje, përfaqësuesi i arabëve tek Vollga është Ylvi Beqja, djali i xhaxhait të Ilir Beqës. Dhe arabët nuk kanë shkelur të paktën prej 10 viteve në Shqipëri. Dhuruesi real është djali i xhaxhait të Beqajt se arabët kanë deleguar tek ky pronën dhe nuk vijnë kurrë në Shqipëri”, thuhet në mesazhin, të cilit i referohet Berisha.