Këtë 7 mars, festa e mësuesit nuk pritet me entuziazmin e viteve më parë. Bajram Dymleku nga Shkodra dhe Moza Vardhami nga Gjirokastra, mësues matematike në profesion, tregojnë historinë e tyre të jetës, ndërsa shprehin keqardhjen për gjendjen ku ka përfunduar arsimi në Shqipëri.

SYRI TV

Edhe këtë 7 mars, vendi festoi festën e mësuesit. Por ky profesion sot nuk është më në shkëlqimin e tij. Këtë 7 mars, SYRI TV sjell historinë e dy mësuesve, Bajram Dymleku, ish-mësues matematike në Shkodër, tashmë në pension, dhe Moza Vardhami, mësuese matematike në Gjirokastër, e cila pret të dalë në pension vetëm pas dy muajsh.

Dy mësuesit e matematikës tregojnë me nostalgji copëza nga karriera e tyre e gjatë.

Brezat kanë ndryshuar dhe sot matematika nuk është më lënda e preferuar në shkolla. Për dy mësimdhënësit e kësaj lënde, me gati një shekull përvojë së bashku, ka edhe keqardhje.

Vlerësimi i dijedhënësve nuk është aty ku duhet; këtë e pranojnë edhe dy mësuesit, të cilët bëjnë krahasim me kolegët e tyre në vende të tjera.

“Mora frymë thellë. Madje edhe ajri dallon jashtë burgut”, tha Tequila, e veshur në uniformën e saj ushtarake dhe e ulur në shtratin metalik në një kazermë ushtarake.

Ajo është në mesin e më shumë se 100 grave të dënuara në Ukrainë, të cilat kanë vendosur ta zëvendësojnë kalimin e kohës në burg me shërbim në ushtri dhe lirim me kusht.

Ato mbërrijnë në fushën e betejës mu në kohën kur Ushtria e Ukrainës po përballet me një mungesë të madhe të ushtarëve në përpjekje për t’i frenuar trupat pushtuese ruse.

Ukraina ka hasur në vështirësi për t’i ripërtërirë radhët e ushtrisë, pasi është dërrmuar nga lufta tashmë trivjeçare. Rishtazi, Ukraina e ka sjellë një plan i cili ua hap rrugën të rriturve nën moshën e thirrjes në ushtri, 25 vjeç, për t’iu bashkuar ushtrisë.

Tequila, e cila kërkoi të identifikohej vetëm përmes nofkës së saj ushtarake, nuk tregoi se erdhi puna që ajo të përfundonte në burg në verilindje të qytetit Harkiv.

“Ta themi kështu: Unë u dënova për çfarë kam bërë. Veprimet e mia të jashtëligjshme i lava me dy vjet të jetës sime në burg”, tha ajo.

Tequia tha se i kaloi gati gjashtë muaj për të vendosur se a t’i bashkohej apo jo ushtrisë. Ajo madje e pranoi se kishte dyshime dhe druajtje.

Gjendja e saj fizike ishte e dobët – sepse ajo ditën në burg e kalonte duke qepur rroba – dhe stërvitjet ushtarake ishin gjë e vështirë për të.

Tani, ajo shërben në një njësit sulmues në linjën e frontit.

“Roli im kryesor është komunikimi”, tha ajo. “Unë i bart komandat nga një radio te tjetra. Djemtë janë në pozicion, komandantët diku tjetër. Unë jam në mes, duke përçuar komandat”.

“Kisha dyshime, por edhe nëse do të më urdhëronin të shkoja në një mision sulmi tani, do të shkoja. Gjëja më e rëndësishme është që na trajtojnë si njerëz normalë. Ata madje ndiejnë keqardhje për ne”, shtoi ajo.

Dmytro Andreyev, zëdhënës i Shërbimit Shtetëror të Burgjeve të Ukrainës, tha se gjithnjë e më shumë gra të burgosura po zgjedhin ta lënë burgun për t’iu bashkuar ushtrisë.

“Më shumë se 7.000 ish të burgosur po luftojnë. Mes tyre, mbi 100 gra janë aktualisht në njësitë luftarake të Forcave të Armatosura të Ukrainës. Është një paradoks që gratë po zgjedhin të ndërrojnë një institucion penal, ku kanë tre shujta në ditë dhe ngrohtësi, me llogoret ku ekziston një kërcënim i drejtpërdrejtë për jetën”, tha ai.

Të dënuarat në vijën e frontit

Brux është oficere e operacioneve dhe komunikon me operatorët e dronëve, njësitë e mortajave dhe mitralozave, si dhe me grupet luftarake në vijën e frontit.

Brux, e cila gjithashtu kërkoi të identifikohej vetëm me nofkën e saj ushtarake, u lirua nga burgu për t’iu bashkuar ushtrisë pasi shprehu vullnetin për të luftuar.

“Gjithmonë kam qenë e përgatitur për skenarin më të keq, por na u tha se gratë nuk do të dërgoheshin në misione sulmi. Gjithmonë kam tentuar të mësoj mirë dhe të përvetësoj të gjitha informatat për të qenë e gatshme”, tha ajo.

Komandanti i njësitit, i njohur me nofkën ushtarake Hedgehog, tha se të burgosurave nuk u mungon motivimi.

“Liria, kjo është mundësia për të ndryshuar diçka në jetën e tyre”, tha ai. “Këtu, ato mund të shndërrohen papritur në heroina pas burgut, të ndërtojnë karrierë, të mësojnë diçka të re. Kjo i motivon ato”.

Gra të tjera të burgosura janë në pritje për t’iu bashkuar ushtrisë.

Halyna, 36 vjeçe, po vuan një dënim prej pesë vjetësh për vjedhje në një institucion korrektues në rajonin qendror të Poltavës në Ukrainë.

Halyna, e cila e dha vetëm emrin e saj të parë, punon aty si kuzhiniere, e veshur me një përparëse të bardhë dhe një kapele në kuzhinën e institucionit.

“Dua të shkoj në luftë sepse djali im vdiq në moshën 25-vjeçare dhe tre muaj më vonë burri im vdiq në front në Bahmut”, tha ajo, duke iu referuar qytetit lindor ukrainas që u pushtua nga forcat ruse në vitin 2023.

“Mund t’i kryej dy punë [në ushtri]”, tha Halyna. “Kam studiuar për pesë vjet në shkollën e mjekësisë dhe kam diplomuar në Kiev. Kam punuar me një ekip ambulance dhe kam studiuar gjithashtu për pastiçeri”.

“Dua të shkoj për t’i mbrojtur Ukrainën dhe fëmijët tanë të ardhshëm, të luftoj dhe t’i ndihmoj djemtë”, shtoi ajo.

Zëvendëskryetarja e institucionit korrektues, Anastasia Vodinchuk, thotë se nuk ushtrojnë trysni mbi askënd për t’iu bashkuar ushtrisë.

“[Ne] themi, për shembull, ‘sot erdhi një brigadë e caktuar. Kushdo që dëshiron të bashkohet me radhët e Forcave të Armatosura të Ukrainës me kontratë, ju lutemi të afrohet.’ Ata bisedojnë. Ne jemi aty vetëm për ta organizuar logjistikën”, shpjegoi ajo.

Përgatiti: Ekrem Idrizi

Gazetarja e kulturës, Elsa Demo, e ftuar në emisionin “Të Paekspozuarit” në MCN TV, ka folur për blerjen e artistëve nga Erion Veliaj, ku tha se i ka paguar me projekte të shtrenjta nga taksat e qytetarëve, pa procedurë dhe meritë, por thjesht për të marrë mbrapsht “lëpirjen” e tyre. Demo u ndal edhe te dosja Veliaj dhe lidhjet e artistëve me Harabelin e Ajola Xoxës.

“Ishte shumë e rëndësishme, që duke marrë pak shembuj, që nga vlera financiare nuk ishin bombastik si rasti i Driant Zelenli, ishte e rëndësishme për të provuar anën tjetër, që nuk ka përfituar shuma finacniare por një karrierë.

Driant Zeneli, është drejtori ekzekutiv i Qendrës Harabel, qendra mëmë nga dolën qendrat e tjera. Rasti i tij ishte e rëndësishme për të thënë deri në ç’pikë kemi arritur. Ai ka përfaqësuar Shqipërinë në Bienalen e Vencias pa garë. Ajola Xoxa e gjeti gati folenë e korrupsionit tek ky person. Nuk i ka korruptuar Ajola të gjithë, kanë qenë të dëshiruar për tu korruptuar.

Rasti i Driant Zenelit është i rëndësishëm për të kuptuar që të bësh karrierë në një vend të varfër si Shqipëria, që nuk është mbi bazën e meritave… Rasti i dytë është Ergys Krisiko, që lëshon fatura si person fizik. Ai është artist, pedagog. Rasti i tij është flagrant, Veliaj i ka dhënë për një vepër arti 63 milionë lek të vjetra”, tha Demo.

Demo tha se paratë që ka shpenzuar Bashkia kanë vajtuar kryesisht te aktivitete masive dhe jo te kultura cilësore.

“Duhet të kujtoj raportin që ka nxjerrë SPAK në 2021 mos gaboj, që për periudhën 2016-2020, kishte dhënë 12 miliard lek të vjetra, që përfshin pagesat në sektorin e kulturës dhe të sportit. Midis tyre ke një mori artistësh, po i quajmë për konvencion artistë. Ne po i quajmë të tillë, sepse nuk janë në fakt të tillë. Te kjo listë dalin zbuluar shumë persona të spektrit të koncerteve, aktiviteteve masive, jo të kulturës cilësore. Kësaj i ka mëshuar Veliaj.

Aq shumë i ka mëshuar, sa edhe në rastet kur ka financuar për art cilësor, vetë Basha ka rënë në një banalitetit të të bërit art, të realizosh pesë shfaqje në vit, është e pamundur…”, tha ndër të tjera Demo.

Zgjedhjet e ardhshme në Shqipëri mund të instalojnë një pikëmbështetje pro-amerikane në Europën Lindore

“Kthimi i Trump-it shënon fundin e përdorimit të kontributit të taksapaguesve amerikanë dhe të fuqisë amerikane kundër partive opozitare konservatore nëpër botë,” thotë lideri konservator Sali Berisha.

Pas dy zgjedhjeve të para europiane këtë vit në Kosovë dhe Gjermani, dy të tjera të rëndësishme po afrojnë. Ato janë tregues për ndryshime të mëdha në kontinent, mes përpjekjeve të SHBA-së për të zgjidhur luftën midis Rusisë dhe Ukrainës.

Zgjedhjet parlamentare në Shqipëri janë planifikuar për me 11 maj 2025 dhe, pasi zgjedhjet e Rumanisë të nëntorit 2024 u anuluan, ato u riplanifikuan për në maj 2025. Për të dyja vendet, shqetësimet për integritetin zgjedhor mbeten të larta. Ajo që po ndodh në Shqipëri mund të ndihmojë për të hedhur dritë mbi vendet europiane dhe ato të Europës Lindore.

Zgjedhjet parlamentare në Shqipëri kanë një rëndësi ndërkombëtare. Shqiptarët po votojnë kundër korrupsionit, kontrollit total të qeverisë dhe ndikimit të George Sorosit në vend. Fondacioni Shoqëria e Hapur e Sorosit ka eksperimentuar me “reformën në drejtësi” që e ka kthyer vendin në një terren të lirë për lojëra ligjore dhe prokuroriale. Dollarët e taksapaguesve amerikanë përmes Agjencisë Amerikane për Zhvillim Ndërkombëtar (USAID) gjithashtu kanë financuar politikat e Sorosit në Shqipëri, të cilat kanë shkaktuar një krizë demokratike.

Qeveria aktuale shqiptare është në pushtet prej 12 vitesh dhe kërkon një mandat të katërt nën kryeministrin Edi Rama, liderin e Partisë Socialiste të Shqipërisë. Lufta për “reformën në drejtësi” e ka kthyer vendin në një teatër të gjallë për lojëra politike dhe përndjekje. Të rinjtë po largohen nga Shqipëria pasi këto sulme të motivuara politikisht kanë zbehur shpresën për demokraci të vërtetë dhe mundësi.

Pas pretendimeve të opozitës se zgjedhjet e vitit 2021 ishin të manipuluara, Departamenti i Shtetit i Joe Biden-it ndihmoi qeverinë socialiste të Shqipërisë duke sulmuar opozitën konservatore. Sekretari i Shtetit, Antony Blinken, sanksionoi Sali Berishën, liderin historik të Partisë Demokratike, dhe ia ndaloi atij dhe familjes së tij hyrjen në Shtetet e Bashkuara. Mbretëria e Bashkuar ndoqi të njëjtën rrugë. Konservatorët shqiptarë i kanë kërkuar administratës së re të Trump-it të heqë atë përcaktim.

Akuzat për “korrupsion” ndaj Berishës, të cilat njihen në Shqipëri si të motivuara politikisht, u kujtojnë shqiptarëve të kaluarën jo aq të largët komuniste kur përndjekja politike, censura dhe fabrikimi i provave ishin norma. Në një kuvend të dhjetorit 2021, Partia Demokratike e Shqipërisë zgjodhi Berishën për ta drejtuar përsëri. Ai është tani lideri i opozitës konservatore.

“Akuzat kundër meje ishin krejtësisht politike,” tha Berisha në një intervistë të fundit. “Që nga viti 2021, i kam kërkuar z. Blinken të ofrojë dhe të bëjë publike çdo provë që mbështet akuzën kundër meje. Ai nuk e ka bërë kurrë. Pas katër vitesh hetime të dështuara, makineria politike u përpoq të fabrikonte prova dhe në vitin 2024, shteti prokurorial shpiku një akuzë për ‘korrupsion pasiv’ kundër meje.”

Berisha paditi Blinken-in për shpifje në vitin 2021. Ai u vendos në arrest shtëpie nga dhjetori 2023 deri në nëntor 2024, nën mbikëqyrje të plotë dhe me komunikim të kufizuar. Këshilli i Ambasadorëve Amerikanë deklaroi se sanksionet kundër tij ishin të paligjshme dhe pa prova. Në dhjetor 2024, Gjykata e Lartë e Shqipërisë hoqi akuzat kundër Berishës.

Për 11 muajt e arrestit të tij shtëpiak, shqiptarët protestuan nën banesën e Berishës. Lajmet për këto protesta nuk arritën kurrë në median korporative amerikane. Megjithatë, pavarësisht përpjekjeve të përbashkëta për të ndryshuar opinionin publik kundër tij, njerëzit qëndruan përkrah Berishës sërish.

Për Berishën, kjo mbështetje është gjithçka. Ai thotë: “Përcaktimi im në SHBA si persona non grata ishte dizajnuar për të më larguar nga politika. Por në fund, njerëzit zgjodhën ndryshe.”

Berisha dhe mbështetësit e tij thonë se provat kundër tij ishin të fabrikuara. Në vitin 2024, çështja e tij u hodh poshtë nga Gjykata e Lartë e Shqipërisë. Doli se vetë Rama, kur ishte kryetar i Bashkisë së Tiranës, kishte firmosur dokumentet që u përdorën për të inkriminuar Berishën për “korrupsion pasiv”.

Berisha është i shqetësuar për kthimin e censurës në mbarë Europën: “Censura është mënyra se si nis çdo diktaturë. Censura filloi të lavdërohej sërish, ashtu si në komunizëm, si rezultat i nismave prokuroriale dhe propagandës së Sorosit. Kjo është e rrezikshme. Kompani të mëdha, të cilat sollën teknologji të jashtëzakonshme dhe të dobishme për komunikimin në shoqëri, filluan të aplikojnë censurë.”

E pyeta Berishën për zgjedhjet e ardhshme.

“Në rrezik janë zgjedhjet e lira dhe të ndershme,” tha ai. “Raportet e BE-së tregojnë se qeveritë socialiste nuk i kanë respektuar normat ndërkombëtare për zgjedhje të lira dhe të ndershme. Në këto zgjedhje, shumë më tepër se në vitin 2021, qeveria aktuale po përdor ‘shtetin elektoral’, buxhetin e shtetit, punonjësit shtetërorë, gjithë administratën, dhe kartelet e drogës për të siguruar një mandat të katërt.”

Konservatorët shqiptarë e shohin kthimin e presidentit Donald Trump në Shtëpinë e Bardhë si një mundësi për Shqipërinë dhe rajonin. Berisha e quajti kthimin e Trump-it një mrekulli për njerëzimin dhe një ngjarje historike.

“Zoti ia shpëtoi jetën për një arsye dhe kombi i tij e zgjodhi atë si president në zgjedhje të lira dhe të ndershme,” tha Berisha. “Kthimi i Trump-it shënon fundin e përdorimit të kontributit të taksapaguesve amerikanë dhe të fuqisë amerikane kundër partive opozitare konservatore nëpër botë. Ai shënon fundin e ndikimit të Sorosit, i cili ka munduar botën, veçanërisht Europën Lindore, dhe tani ka zhvilluar rrënjë me partinë ish-komuniste që aktualisht qeveris Shqipërinë. Kthimi i Trump-it shënon fundin e kontrollit të Sorosit mbi organizatat joqeveritare në rajon përmes super-censurës, super-korrupsionit dhe super-spekulimit për të kthyer sistemin e drejtësisë në një vegël të degës ekzekutive të qeverisë.”

Berisha është i bindur se Trump do të mbrojë lirinë e fjalës dhe të mendimit, do të inkurajojë festimin e traditave dhe kulturave historike kombëtare dhe do të ndihmojë në ruajtjen e dinjitetit familjar dhe njerëzor.

Me Trump-in president, Berisha parashikon se demokracia në rajonin e Europës Juglindore do të mbizotërojë kundër partive socialiste, të cilat sipas tij janë në të vërtetë parti komuniste të rimarkuara. Berisha shpjegoi se si në vitin 2016, si një anëtar i shqetësuar i Kuvendit të Shqipërisë, ai i kërkoi Kongresit Amerikan të ndalonte angazhimin politik të Sorosit jashtë Shteteve të Bashkuara. Ai gjithashtu i kërkoi zyrtarisht Parlamentit të Bashkimit Europian të shpallte financimin masiv të politikanëve të majtë nga Sorosi si një aktivitet kriminal.

“Soros u bë një lojtar kyç në politikën e jashtme të administratës Biden, veçanërisht në Ballkan,” tha Berisha. “Në mënyrë të çuditshme, politika e jashtme e Sorosit për Ballkanin përkonte me politikën e Ministrit të Jashtëm të Rusisë, Sergey Lavrov. Përveç projektit për reformën në drejtësi, projekti më i famshëm i Sorosit ishte ai për ndryshimin e kufijve dhe shkëmbimin territorial në rajon, i cili do të ndante Kosovën mes Shqipërisë dhe Serbisë. Millosheviçi propozoi të njëjtin projekt disa herë gjatë viteve 1992-93, përmes personave të tretë, por ai u refuzua si nga Shqipëria ashtu edhe nga komuniteti ndërkombëtar.”

Duke marrë parasysh zhgënjimin e shqiptarëve me qeverinë aktuale, shanset për fitoren e opozitës janë shumë të larta. Megjithatë, shqetësimet për integritetin zgjedhor mbeten po aq të larta. Shqiptarët që jetojnë jashtë vendit mund të votojnë për herë të parë përmes një sistemi votimi me postë.

Çështjet që shqetësojnë votuesit shqiptarë janë korrupsioni i përhapur, censura, përndjekja politike, feja dhe politika e jashtme. Shqiptarët po votojnë gjithashtu mbi përndjekjen e mbështetur nga Sorosi kundër Berishës. Le të shpresojmë që vota e diasporës shqiptare të parandalojë që zgjedhjet në Shqipëri të bëhen si ato në Venezuelë. / The Federalist – Syri.net

Blogeri i njohur, Olti Curri ka parlajmëruar se fondet e projektet e Bashkisë së Tiranës, që dikur firmoseshin nga kryebashkiaku i arrestuiar Erion Veliaj, për llogari të atyre që i serviloseshin, duke bërë propagandë dhe ngitur në ´pediastal´ punën e tij, tashmë do të kalojnë në bordorotë e një tjetër ministre në kabinetin qeverisës të Ramës.

Një ministri që është e njohur për afërsinë e saj politike dhe klanin me Veliajn, dhe bëhet fjalë për Mirel Kumbaron.

Përmes një postimi në rrjetet sociale, blogeri Olti Curri shkruan se armata e ´mbrojtësve´ të  Veliajt, tashmë të mbetur ekonomikisht jetimë nga taksat që u jepte kryebashkiaku i arrestuar Erion Veliaj, do të kalojnë në borderotë e Ministrisë së Turizmit dhe Mjedisit, të Mirela Kumbaros.

Statusi

Nuk te le Mirela jote ty ne balte (vetem po e mori vesh Edi na dhjeve)…

Gjithe armata kengetareve, gazetareve, analisteve te mbetur ekonomikisht jetime nga taksat tona qe Erion Veliaj i paraburgosur ne burgun e Durresit me akuza per korrupsion i jepte pa kursim, flitet e ka marre lajmin e mire se do kalojne me bordero (fonde e projekte) nga ministria e Mirela Kumbaros…Me tu arrestuar zonja Kumbaro per ato “piken e vogel ” ne harten e bregdetit ne jug, per artistet e lekut, do te dale nje njoftim i ri. sn