Pas akzuave të ish kryeministrit Berisha dhe më pas edhe të Forumit Rinor Demokrat,për përfshirjen e FRESSH në trafikun e drogës me autobus drejt Turqisë ka reaguar kryeministri Edi Rama.

“Kur mendon se horrlleku i baltes s’ka ku shkon me tutje, ka prape edhe me tutje!… Sulmi i baltes sot ndaj Fresshit shembulli me i fresket!”- shkruan Rama në profilin e tij në FB.

Berisha shkroi sot se Micko, ishte i besuari i Ramës dhe udhëheqës i trafikut të drogës. Kurse kryetari i FRPD Belind Këlliçi, deklaroi se “Drejtori i Shërbimit Kombëtar të Punësimit, njëkohësisht zv. Kryetar i FRESSH, gjen mënyra të reja të punësimit të të rinjve socialiste…. Trafikant droge profesioni më i pëlqyer i drejtuesve socialist. Mesa duket dekriminalizimi duhet shtrirë edhe më gjerë”.

Nënkryetari i FRESSH, Micko sqaroi sa kishte ndodhur, duke treguar se të rinjtë ishte thjesht pasagjerë në autobusin e zgjedhur me agjenci dhe nuk kishin asnjë lidhje me drogën e gjetur. Policia e Turqisë nga ana e ka arrestuar dy guidtat e udhëtimit dhe dy shoferët si të akuzuar, duke lënë të lirë të vijojnë udhëtimin gjithë të tjerët.