Ndryshimi i parë në strukturën e re të qeverisjes së PS-së, është ai i takimit të paktën një herë në javë i deputetit të zonës me qytetarët.

Këtë e ka bërë të ditur Taulant Balla në nisje të Asamblesë së PS-së, ku do të prezantohet struktura e re dhe emrat e kabinetit qeveritar “Rama 2”.

Balla lexoi raportin nga i punës për veprimtarinë parlamentare ku theksoi edhe ndryshimet që do ndodhin në këto 4 vite.

“Ndryshimi që ne duhet të bëjmë për suksesin e jashtëzakonshëm me bashkëqeverisjen me njerëzit e zakonshëm, janë zyrat e reja në Bashki, që duhet të adoptohen dhe të shndërrohen në zyrat e deputetit përkatës. 

Për këtë qëllim, në rregulloren në grupin parlamentar ne do të propozojmë ndryshimin e kësa, duke theksuar se do të bëhet takim të paktën një herë në javë me qytetarët.

Ky ka qenë në fakt si rregull, por ka qenë opsional ndërsa tashmë bëhet i detyrueshëm, ku të paktën një herë në javë deputeti do të shkojë në zonën e tij elektorale. Një tjetër gjë që do të ndryshojë është fotografia e shëmtuar e Kuvendit në këto 4 vite, që qytetarët janë mësuar të shohin në parlamentin e kaluar.” tha Balla.