Ka mbërrijtë çertifikata e riaktivizimit të regjistrimit origjinal të Vatrës, “REVIVAL CERTIFICATE” dhe mban datën 23 prill 2014.

Siç dihet, për arsye historike kemi insistue që të mos bajmë regjistrim të ri, por të riaktivizojmë regjistrimin e vitit 1912, që kështu të pasqyrohet jeta pa ndërpremje e kësaj organizate famëmadhe, prej lindjes deri në ditët tona dhe, pa ndërpremje, të eci drejt së ardhmes.

Riaktivizimi asht ba me efekt si të mos ishte nderpre kurrë veprimtaria e saj: “….said corporation is revived for all purposes and without limitation of time with the same powers, duties, and obligations as if the corporation had not been revoked or dissolved.” – ….”…“… Kjo shoqëri, ky bashkim ringjallet për të gjitha qëllimet dhe pa kufizim kohor me të njëjtat kompetenca, detyra dhe detyrime sikur  të mos ishte revokuar ose shpërbërë.”

Më 28 prill 1912 – VATRA U THEMELUA ZYRTARISHT

Më 28 prill 1912 –  Vatra u themelua zyrtarisht. Takimi i parë për të sjellë së bashku të gjitha organizatat shqiptare amerikane në një federatë ishte zhvilluar më 24 dhjetor 1911 në Boston me nismën e shoqatës “Besa – Besë”. Në këto takime ishin të pranishëm: Faik Konica, Fan Noli, Kristo Floqi, Marko Adams, dhe Paskal Aleksi. Të dhënat zyrtare të komisionit të bashkimit citojnë: “Ne bëjmë thirrje për të formuar Federatën Pan Shqiptare të Amerikës nga bashkimi i shoqatave të mëposhtme: “Besa – Besë”, “Flamuri i Krujës”, “Shoqëria Kombëtare” dhe “Dallandyshja”.

Vatra u regjistrua si shoqatë në shtetin Masaçusets dhe mori çertifikatën e njohjes më 13 qershor 1912. Çertifikata tregon këto emra, citim: Faik Konica, Lambi Chikozi, Fan S. Noli, Kristo Floqi, Elia Tromara, Naum Cere, Kosta Kotta.