VOAL.CH – Në një portret të plotë që Voal-online.ch ia bënte gjashtë vjet më parë futbollistit shqiptarozviceran, pasi bënte bilancin e deriatëhershëm, parashikonte të ardhmen e tij të mrekullueshme në skenën zvicerane dhe evropiane e më gjerë:
Xherdan Shaqiri është një futbollist shqiptaro zviceran që luan për ekipin e gjigantëve të Klubit Futbollistik të Bazelit (FC Basel). Roli më i përshtatshëm i tij në fushë është si anësor, por mund të luajë edhe në qendër. Meqë luan me këmbën e majtë, do të parapëlqente më shumë të luante në krahun e majtë, por ai luan edhe në krahun e djathtë.
FC Basel ka formuar shumë talente si Frei, Petric, Inler, Degen, Derdiyok, Rakitic etc. Tani një talent i ri me emrin Xherdan Shaqiri po dëshmohet si një nga talentet më të mëdhenj që vjen nga akademia e FC Basel
Vitet e hershme dhe karriera në futboll
Xherdani ka lindur në Kosovë (10 tetor 1991, Gjilan) dhe familja e tij, për shkak të luftës, emigroi kur ai ishte fëmijë. Kur ishte tetë vjeç, më 1999, ai u aktivizua nga klubi i tij lokal SV Augst. Talenti i tij nuk mund të mos binte në sy. Më vonë talenti i tij do të çmohej nga zbuluesit e talenteve, the scouts, nga një klub i madh që donte të kishte shërbimet e tij. Me gjigantët e FC Basel Xherdani firmosi më 2001. FC Basel kishte një besim të madh se Xherdani do të bëhet një lojtar i mirë në të ardhmen dhe me ndihmën e trainerëve të të rinjve të klubit FC Basel, do të formohej një lojtar i madh edhe në ekipin e të rriturve.
Periudha me të rinjtë e FC Basel
Periudha e tij me të rinjtë e FC Basel ishte tejet e suksesshme. Ka shumë gjëra që meritojnë të komentohen për këtë periudhë, por një nga sukseset më të mëdha me ekipin e të rinjve të FC Basel ishte ai i majit 2007, kur ai ndihmoi në fitoren e tretë radhazi të kampionatit nga ana e FC Basel, duke shënuar gjashtëmbëdhjetë gola në kampionat, në një kohë kur ishte vetëm 15 vjeç, çka e dëshmonte sa i talentuar është. Një nga sukseset e tij ishte kur u shpall lojtari më i mirë i turneut në Nike Premier Cup më 2007, turne që u mbajt në Republikën Çeke. Që në këtë kohë ai do të kërkohej nga një numër ekipesh të tjera zvicerane. Në Kupën e të Rinjve të FIFA-s ai do të luante rol të madh në fitoren e turneut nga FC Basel. Ai e shënoi golin e fitores kundër rivalëve, Grasshopper Club Zurich. Në Ligën Superiore të nën 21 ai do të ishte një ndër lojtarët më të suksesshëm golashënues dhe krijues të situatave për gola. Ai luajti dy herë në stinorin 2007/2008, ndërsa në stinorin 2008/2009, luajti shtatëmbëdhjetë herë dhe shënoi tetë gola.
Kontrata e parë profesionale dhe përfshirja e parë në ekipin e parë të futbollit të të rriturve
Në janar 2009, manaxheri Christian Gross vendosi t’ia japë kontratën e parë Xherdanit dhe disa lojtarëve të tjerë.Kjo kontratë e mban atë në Bazel deri më 2011. Në dimrin e vitit 2009, kur FC Basel po stërvitej në Spanjë, ai donte t’i bënte përshtypje manaxherit në mënyrë që ta bindë për të luajtur në ekipin e parë. Ai tha: “Këto ditë do të takohem me trainerin e FC Basel, Christian Gross, nëse mund të jem me ekipin e parë në përgatitjet që po bëhen në Spanjë, besoj se talenti im do ta bindë që të më krijojë më shumë hapësirë në ekipin e parë.” FC Basel ishte në garë të vështirë me Zyrihun, prandaj Gross donte lojtarin e tij më të mirë në lojërat vendimtare, por Xherdan kishte qenë disa herë në prag të rasteve të shkëlqyera që të përfshihej, pa ia arritur kësaj. Christian Gross u pushua nga detyra e trainerit dhjetëvjeçar të FC Basel. Ai u zëvendësua nga ish mesfushori i Bayern Munich, Thorsten Fink. Xherdani do të shijonte për herë të parë ekipin e parë të të rriturve. Ai la shumë përshtypje te Thorsten. Thorsten e mori në ekipin e tij të parë dhe ia dha numrin 17 në bluzë.
Stinori 2009/2010 Xherdan luajti lojën e parë të tij kundër St. Gallen. Ishte ndeshja e parë e stinorit të ri për FC Basel. Ai u fut në minutën e 62-të të lojës në vend të Stocker si anësor i majtë. Loja mbaroi 2-0 për St. Gallen. Ai bëri figurë të mirë, duke marrë pjesë në sulme dhe duke bërë një vëllim të mirë loje. Pas lojës, ai tha: “Ishte një ndjesi e mrekullueshme kur hyra në fushë. Ishte përmbushje e ëndërrës së jetës sime të luaj në një stadium plot shikues. Por nga ana tjetër humbja më la shije të keqe.” Loja e dytë ishte loja e parë evropiane e tij. Ai luajti kundër skuadrës andorase FC Santa Coloma në Ligën e UEFA. Prapë do të ishte zëvendësues në minutën e 69-të, por ai prapë bënte figurë të mirë. Ishte edhe shumë pranë golit me kokë, por topi doli mbi shtyllën e sipërme të portës (traversën). Bazeli fitoi 3-0. Loja e dytë në Axpo Super League ishte kundër FC Aarau ku Bazel fitoi 2-1. Prapë do të ishte zëvendësues, por si lojtar qendre. Ishte i mrekullueshëm në lojë.
Stili i lojës Xherdan është teknikisht i fortë dhe lëviz shumë shpejt. Ai bën edhe shumë volum loje. Atij i pëlqen të mashtrojë një varg lojtarësh dhe ta kurorëzojë aksionin deri në fund. Ai ka tipare të Aaron Lennon në shpejtësinë, stilin e lojës dhe në paraqitjen fizike. Ai luan rol vendimtar në çdo lojë. Edhe pse nuk është shtatlartë, ka një kërcyeshmëri të madhe në ajër.
Karriera ndërkombëtare
Xherdan Shaqiri e ka përfaqësuar Zvicrën në kampionatet ndërkombëtare nën 17 vjeç dhe nën 21 vjeç. Ai mori pjesë në Uefa U-17 Championship në Turqi më 2008. Ai thotë se synon ekipin kombëtar të të rriturve dhe traineri Ottmar Hitzfeld duket se ia ka vënë syrin, pasi ka filluar ta aktivizojë në ndeshjet miqësore parapërgatitore për në finalet e Afrikës së Jugut që mbahen në qershor 2010.
Ertjan Kofsha ka spikatur në Europianin e Peshëngritjes U-23, ndërsa garoi në kategorinë e peshës 96 kg. Peshëngritësi shqiptar i skuadrës së Shtërmenit u shpall nënkampion Europe, ndërsa fitoi 1 medalje ari dhe 2 argjendi.
Medaljen e arit 19-vjeçari e fitoi në stilin e shkëputjes me 162 kg. Në dy garësh ndërkohë pati 354 kg në total duke u renditur i dyti. Ndërkohë vetëm 1 kilogramë më tepër pati vendi i parë.
Prej disa ditë në Raszyn të Polonisë ka nisur Kampionati Europian U-20 dhe U-23 i peshëngritjes, një aktivitet ku po garojnë talentet më premtues të shtangës.
Franko Ferra, sportist i Elbasanit, do të matë forcat në kategorinë e peshave 109 kg. Po ashtu dhe prej tij pritet rezultat pozitiv.
Lamine Yamal vazhdon të thyejë rekord pas rekordi. Ai vazhdon të djegë çdo etapë të mundshme, duke lënë kohën pas siç bëri para tij Lionel Mesi.
Yamal dhe Barcelona pushtuan “Bernabeun”, pasi kishte dështuar në 4 përpjekje me radhë. Dhe e ka bërë si protagonist, duke shënuar një nga 4 golat e fitores së madhe të blaugranave. Dhe ndonëse vetëm 17 vjeç, spanjolli “kërcënon” të thyejë çdo rregull në futbollin botëror.
Thyerja e rekordeve duket se është bërë diçka e përjavshme për 17-vjeçarin. Që nga debutimi i tij vetëm 15 vjeç kundër Betisit nën drejtimin e Xavit, ai ka nisur një aventurë ndoshta të parakohshme dhe unike.
33 rekordet
Lojtari më i ri që shënon me fanellën e Barcelonës: 16 vjeç e 87 ditë (kundër Granadës);
Lojtari më i ri që shënon në La Liga: 16 vjeç e 87 ditë (kundër Granadës);
Lojtari më i ri që shënon një dygolësh në La Liga: 16 vjeç e 213 ditë, po ashtu ndaj Granadës;
Lojtari më i ri që shënon në një Klasike; të shtunën kundër Realit;
Lojtari më i ri që shënon në Kupën e Mbretit: Kundër Bilbaos me 16 vjeç e 195 ditë;
Lojtari më i ri që shënon në Superkupën e Spanjës: Kundër Osasunës 2024;
Lojtari më i ri që shënon me kombëtaren spanjolle: 16 vjeç e 57 ditë kundër Gjeorgjisë;
Lojtari më i ri që shënon në një Europian: 16 vjeç e 362 ditë kundër Francës;
Lojtari më i ri që jep asist me Barcelonën: 16 vjeç e 45 ditë;
Lojtari më i ri që jep asist me Barcelonën: 16 vjeç e 45 ditë;
Lojtari më i ri që jep asist në Champions: 16 vjeç e 153 ditë, duke lënë pas Bojan Kërkiç;
Lojtari më i ri që jep asist në Europian: 16 vjeç e 339 ditë kundër Kroacisë;
Lojtari më i ri që jep asist në finalen e një turneu madhor: Për Niko Uilliams kundër Francës;
Lojtari më i ri që arrin 10 gola e 10 asiste në La Liga;
Lojtari më i ri që shënon dhe jep asist në një turne madhor;
Lojtari më i ri në një Klasike: 16 vjeç e 280 ditë në tetor 2023;
Lojtari më i ri në fazën eliminatore të Champions;
Lojtari më i ri në Superkupën e Spanjës;
Lojtari më i ri që ka debutuar me Spanjën: 16 vjeç e 57 ditë;
Lojtari më i ri në një Europian;
Lojtari më i ri në fazën eliminatore të Europianëve;
Lojtari më i ri në finalen e një turneu madhor;
Lojtari më i ri që ka luajtur 50 ndeshje zyrtare me Barcelonën: 16 vjet, 10 muaj e 6 ditë;
Lojtari më i ri që ka luajtur 10 ndeshje në Champions: 16 vjeç e 278 ditë;
Lojtari më i ri titullar në La Liga: 16 vjeç e 38 ditë;
Lojtari më i ri titullar në Champions: 16 vjeç e 83 ditë;
Lojtari më i ri titullar në Europianë: 16 vjeç e 339 ditë;
Lojtari më i ri që fiton çmimin më i miri i ndeshjes në një Europian;
Lojtari më i ri fitues i një Europiani;
Lojtari më i ri fitues i një turneu madhor;
Lojtari më i ri që ka fituar çmimin si lojtari i ri më i mirë në një Europian;
Lojtari më i ri që e mbyll mes 10 më të mirëve në “Topin e Artë”. sn
Rodri është fitues i “Topit të Artë” për vitin 2024. Mesfushori spanjoll shpërblehet në mënyrën më të mirë të mundshme, për paraqitjet fantastike me Manchester Cityn dhe me kombëtaren e Spanjës.
Ai dha një kontribut të jashtëzakonshëm për Cityn në fitimin e titullit rekord të katërt radhazi në Angli. “Qytetarët” nuk humbën asnjë ndeshje në Premier League me Rodri në fushë sezonin e kaluar. Shifrat janë më të vërtetë të frikshme, sa i përket golave dhe asisteve (2023/2024), futbollisti është përfshirë në 17 gola.
Për Spanjën aktualisht kampione Europe, 28-vjeçari luajti 13 ndeshje në sezonin 2023/24, duke shënuar tre gola. Rodri, mposhti Vinicius në garën për “Topin e Artë”, duke “rrëmbyer” kështu këtë trofe të rëndësishëm. bw
Një ngjarje e papritur ka ndodhur, teksa Real Madrid ka anuluar pjesëmarrjen e delegacionit të tij në ceremoninë e “Topit të Artë”.
Sot ishte planifikuar që një avion me 50 delegatë të nisej drejt Parisit në orën 15:00, për të marrë pjesë në këtë ceremoni ku shumë prej madrilenëve pritej të ishin protagonistë me çmime. Por Reali ka anuluar gjithçka dhe në Spanjë janë të bindur se kjo ka ndodhur pasi kanë informata se Vinicius nuk do të jetë fituesi i këtij edicioni.
Në fakt, të 50 personat ishin të pranishëm në ambientet e klubit që në orën 14:00, të gatshëm për t’u nisur drejt Francës.
Por më pas u mësua vendimi i klubit madrilen, për të bojkotuar këtë ceremoni, siç raportojnë mediat spanjolle. sn
Gjithçka është gati, sonte në mbrëmje, në orën 20:00 në Paris në “Théâtre du Châtelet” do të zhvillohet ceremonia e “Topit të Artë” për vitin 2024, çmimi që kurorëzon lojtarin më të mirë të vitit.
Çmimi i dhënë nga “France Football” është ëndrra e çdo futbollisti, ndërsa në edicionin e kaluar ishte Mesi ai që fitoi, pasi fitoi siguroi suksesin në Botërorin 2022 në Katar me Argjentinën.
Me këtë rast, favorit i madh për suksesin është Vinicius Junior, pasi fitoi Champions League dhe La Ligan me Realin e Madridit, duke luajtur një rol themelor.
Në rast se kishte ndonjë dyshim, në javën para dorëzimit të trofeut ai shënoi një trigolësh kundër Dortmundit që sugjeron se braziliani do të jetë ai i zgjedhuri për të hënën në mbrëmje.
Kandidatë të tjerë potencialë që mund ta rrezikojnë atë janë Bellingam (Real Madrid), Rodri (Mançester Siti) ose Karvahal (Real Madrid). sn
Edon Zhegrova ka postuar dy foto në “Insta Story” pas triumfit 1-3 të Lilës në transfertë ndaj Atletiko Madridit, në duelin e vlefshëm për Champions Leaguen. Ylli shqiptar i Kosovës, shihet duke festuar në dhomat e zhveshjes, teksa mban në kokë një plis me shqiponjën dykrenare.
Ndërkohë në pamjet e publikuara nga klubi i Lilës në faqen zyrtare, në dhomat e zhveshjes shikohet edhe flamuri shqiptar, teksa edhe shokët e skuadrës së Zhegrovës nuk ngurojnë të bëjnë shqiponjën!
Ylli i Kosovës nuk e nisi këtë takim nga fillimi, por që u fut në minutën e 16-të në fushë në vend të të dëmtuarit Kabela. Zhegrova regjistroi një tjetër paraqitje mbreslënëse, duke nxjerrë nga repertori i tij një gol spektakolar, teksa la të shtangur portierin Oblak.
Ky gol i Zhegrovës vendosi baraspeshën e përkohshme, ndërkohë që Xhonathan Dejvid realizoi dopietën që i dha fitoren Lilës.
Deklarata e FSHF-se pas fyerjes së simboleve kombëtare të Shqipërisë dhe Kosovës që iu bë në Pragë të Çekisë ishte krejt e shpëlarë për të mos thënë patetike.
Si mundet që FSHF të reagojë me kaq vonesë e jo gjatë ndeshjes?
Si mundet një kapiten skuadre si Elseid Hysaj të mos reagojë në fushë dhe ndaloje skuadrën të vazhdojë ndeshjen deri sa flamujt me fyerje skandaloze ndaj Shqipërisë dhe Kosovës të hiqen!
Edhe sa kohë do vazhdojnë këto skena të shihen në stadiumet e futbollit dhe Federatat përkatëse të Shqipërisë dhe Kosovës të mos reagojnë!
Këto fyerje të simboleve shqiptare janë bërë krejt rutine kudo ku luajnë futbollistë shqiptarë por sidomos të Kosovës!
Ajo që më la shije shumë të keqe në deklaratën protestë si kofini pas të vjelit të FSHF-së ishte fakti që nuk thoshte absolutisht asnjë fjalë për dhunimin e simboleve shtetërore të Kosovës anipse gjysma e lojtarëve të Kombëtares Shqiptare janë me origjinë nga Kosova dhe trojet e tjera shqiptare!
A nuk e ka detyrim FSHF ti mbrojë këta lojtarë nga fyerjet brutale që ju bëhen!?
Justifikimet se ato simbole i përkasin një shteti tjetër kur fyrjet janë direkte ndaj lojtarëve tanë në fushë nuk qëndron e ky argument është i pambrojtshëm!
Sigurisht që FFK-ja dhe qeveria e Kosovës duhet ta marrin seriozisht dhe të ndermarrin hapa serioze ligjorë në instancat ndërkombëtare por këtë duhet të bëjë edhe FSHF sepse kur dalin flamuj serbë me hartën e shqyer tē Kosovës këta lojtarë sigurisht që fyhen rëndë e kjo ndikon në performancën e tyre në fushën e lojës.
Heshtja e Dukës dhe FSHF dhe mosreagimi e injorimi i gjysmës së ekipit kombëtar duke i lënë ata djem pa mbrojtje e si jetimë është e papranueshme.
Armando Duka dhe FSHF e kanë detyrim ti mbrojnë të gjithë lojtarët e ekipit kombëtar pa përjashtim!
Armando Duka duhet ta nxjerrë kokën nga rëra e të tërhiqet nga organizimi i kampionatit europian të moshave në bashkëpunim me Serbinë Gjenocidale para se dëmi të bëhet i pariparueshëm.
Ambicjet e Dukës për karrierë të mëtejshme në organizmat europiane e botërore nuk duhet të kenë çmim heshtjen ndaj fyerjeve skandaloze që tifozët dhe shteti serb ju bëjnë shqiptarëve kudo ku jetojnë.
Duka në krye të FSHF-se është të mbrojë në radhë të parë interesat tona e pastaj të pasurojë karrierën e tij personale!
Kosova siguroi fitoren e tretë radhazi në Ligën e Kombeve, duke mposhtur Qipron me rezultatin 3-0, në duelin e dominuar totalisht nga “Dardanët”. Një fitore spektakolare për përfaqësuesen e Franko Fodës, që ngjitet në kuotën e 9 pikëve në 4 ndeshje.
Një gol “alla Kvaraskhelia” i kapitenit Amir Rrahmani, i cili braktisi mbrojtjen, zhbllokoi sfidën në minutën e 30-të. Pjesa e parë u mbyll me rezultatin 1-0, teksa në fragmentin e dytë “Dardanët” shënuan edhe 2 herë të tjera, me Krasniqin dhe Emir Sahitin në minutat 52 dhe 71.
Vlen të theksohet fakti se për Sahitin ky ishte goli i parë me fanellën e Kosovës. Futbollisti që aktivizohet me Hamburgun në Gjermani, u hodh nga stoli në minutën e 67-të në vendin e Zhegrovës.
Ndërkohë në 88-të, miqtë nga Qipro shënuan golin e nderit me Sotiriu, por goli u anulua për faull në sulm. Duelin e radhës Kosova do e luajë në transfertë ndaj Rumanisë në datën 15 nëntor.
Shqipëria triumfon 0-1 ndaj Gjeorgjisë, duke marrë 3 pikë të rëndësishme në Nations League. Sfida nisi me ritëm të lartë, teksa kuqezinjtë u shfaqën të rrezikshëm që në fillim. Laçi provoi nga distanca, duke lëshuar kështu sinjale të qarta.
Të besuarit e Sagnol u kundërpërgjigjën menjëherë me Zivzivadze, që shkaktoi “drithërima” te ekipi i Sylvinhos.
Në minutën e 12-të, Strakosha u thirr në apel, portieri i tha “jo” Davitashvilit. Pas çerek ore lojë, Tuci “flirtoi” me golin, gjuajtja e tij u prit nga “gardiani” Mamardashvili.
Në minutën e 29-të, një gabim në një top të dhënë keq nga Strakosha mund të ishte fatal, nëse Mikautadze do tregohej më i saktë.
Kvara u fut bukur në zonë në të 44-tën, duke detyruar prapavijën kuqezi që të ndërhyjë, për të dërguar sferën jashtë.
Në fillimin e pjesës së dytë, Asllani ndezi festën mysafire, duke kaluar në avantazh Shqipërinë.
Kvara me shokë shtuan presionin dhe zhvendosën përfaqësuesen tonë në gjysmëfushën e vet. Në kundërsulm Shqipëria mund të mbyllte llogaritë, por e majta e Seferit ishte e dobët.
Me këtë sukses, kombëtarja renditet në vendin e 3-të me 6 pikë, po aq sa Çekia dhe Gjeorgjia kryesuese, por që penalizohemi për çështje golavarazhi.bw
VOAL- Jannik Sinner (1) i frymëzuar, në finalen e Masters 1000 në Shangai mposhti serbin me rezultatin 7-6 (7/4) 6-3, duke fituar nga ana e tij trofeun e shtatë këtë sezon. Pas një seti të parë shumë të ekuilibruar, në të cilin rezistenca më e madhe e tirolit të jugut gjatë barazimit bëri diferencën, në të dytin italiani nuk e humbi mundësinë e parë që pati për të thyer shërbimin e serbit, duke marrë pak më pak se gjysmë ore në 4- 1.Pavarësisht përqindjes së mirë të serviseve të para (75%), 37-vjeçari nuk arriti kurrë të vërë në vështirësi Sinner, i cili jo vetëm konfirmon kështu formën e tij të shkëlqyer, por edhe i heq një titull rivalit të tij Carlos Alcaraz (2) – i cili ka 16 suksese – i pranishëm sot përkrah Federerit. RSI
Parada e futbollistëve shqiptarë në hapje të Ballkaniadës, më 6 tetor 1946.
Jetmira Delia-Kaci
Kombëtarja shqiptare e futbollit luajti të premten kundër Çekisë në kuadër të Ligës së Kombeve.
Ndeshja përfundoi me rezultat 2:0, në të mirë të Çekisë.
Kjo ishte ndeshja më e fundit ndërkombëtare, në kuadër të turneve të ndryshme, ndërsa e para e dokumentuar në Shqipëri daton nga viti 1913.
Ajo nuk ishte një ndeshje mes dy skuadrave, por mes ekipit të Shkodrës atëkohë, që quhej “Indipendenca”, dhe ushtrisë austriake.
Kjo është, po ashtu, një prej shumë të dhënave dhe dokumenteve e objekteve me rëndësi, që flasin për zanafillën e kësaj loje kaq popullore në Shqipëri.
Të gjitha gjenden në Muzeun e Futbollit në zyrat e Federatës Shqiptare të Futbollit (FSHF) në Tiranë.
Muzeu u hap në vitin 2011, por, prej dy vjetësh, është i hapur për vizitorët që duan të njihen me historinë e futbollit.
Muzeu i Futbollit në Shqipëri.
Prifti anglez zëvendësoi topin prej lecke me top të vërtetë
Sipas të dhënave të grumbulluara nga Federata Shqiptare e Futbollit, historia e futbollit i ka fillimet e saj në dekadën e parë të shekullit XX.
Vitet 1905-1908 thuhet se u përshkuan me përpjekjet e “djemënisë” shkodrane për të shijuar dhe provuar lojën e re, që në atë kohë njihej si “topkëmbë”.
Loro Boriçi ngre kupën e fituesit në Ballkaniadën e vitit 1946. Ai ka qenë një nga futbollistët më të mirë. Stadiumi i Shkodrës mban emrin e tij.
Topi ishte prej leckash të trasha dhe ruante formën e rrumbullakët.
Më 1908, pastaj, Kolegjin Saveran në Shkodër e vizitoi një prift anglez, i quajtur John Ruter, i cili solli me vete një top dhe disa rregulla bazike, që u bënë pikënisje për zhvillimin e mëtejshëm të lojës së futbollit.
Pamela Ndocaj, specialiste e marrëdhënieve me publikun në Federatën Shqiptare të Futbollit, tregon për Radion Evropa e Lirë se të gjitha këto janë të dhëna të mbledhura gojarisht, ndërsa dëshmia e parë është një fotografi e ndeshjes së “Indipendencës” me ekipin e ushtrisë austriake, që ndodhej në Shkodër.
“Kemi fotografinë që e zyrtarizon këtë ndeshje, që u luajt me kohë të plotë, me rregulla loje, me gjyqtarë dhe me topin e vërtetë që e solli prifti anglez”, tregon Ndocaj.
Pamja nga ndeshja e vitit 1913. Fotografi e siguruar nga Muzeu i Futbollit Shqiptar.
“Më pas, më 1919, kemi bashkimin e disa shoqërive, nëpërmjet të cilave u themelua shoqëria ‘Vllaznia’. Ky moment njihet në historinë e futbollit si pikënisje e formimit edhe të shoqërive të tjera në Shqipëri. Efektet e formimit të tyre filluan të ndiheshin në Tiranë, Elbasan, Durrës, Vlorë, Korçë etj.”, shpjegon Ndocaj.
Ajo shton se në atë kohë u luajtën disa ndeshje ndërkombëtare me ekipe si “Cernagora”, “Cetinja”, “Podgorica” etj., që për nga emrat duket se vinin nga Mali i Zi.
Në Muzeun e Futbollit në Tiranë gjenden edhe dëshmi të tjera, siç është dekreti mbretëror i 6 qershorit të vitit 1930, për krijimin e Federatës Sportive, ku Federata e Futbollit ishte e para.
Top futbolli i viteve ’30.
Gjithashtu, gjendet dokumenti i Kongresit të Federatës Botërore të Futbollit – FIFA, që u mbajt në maj të vitit 1932 në Stokholm të Suedisë, ku Shqipëria u pranua me të drejta të plota në FIFA, si dhe dokumenti i pranimit të Shqipërisë në UEFA – Federatën Evropiane të Futbollit – si anëtare themeluese në vitin 1954.
Uniforma e ekipit kombëtar të Shqipërisë në vitet ’50.
Objektet e veçanta në muze
Specialistja e FSHF-së, Ndocaj, thotë se kultura e ruajtjes së objekteve historike në Shqipëri është pak e kultivuar.
Megjithatë, në këtë muze ka disa objekte me vlerë.
“Mund të përmendim disa, si topat origjinalë të viteve ‘30, ‘40, ‘50, këpucë origjinale, madje edhe ato të prodhuara në Shqipëri nga Ndërmarrja e Mjeteve Mësimore. Pastaj, medalje origjinale të fituara nga ekipi ‘Shpresa’ si kampion i Ballkanit në vitin 1978 dhe më pas më 1981…”, tregon Ndocaj.
Këpucë futbolli të viteve ’50-’60.
“Në muze kemi këpucët origjinale të golashënuesit më të mirë të kombëtares, Erion Bogdani, me 18 gola. Po ashtu të Alban Bushit, që është golashënuesi i dytë më i mirë, me 14 gola”, thotë ajo.
Përgjatë historisë së futbollit shqiptar ka edhe disa data me rëndësi, të dokumentuara me fotografi, si viti 1946, kur kombëtarja fitoi Lojërat Ballkanike, apo viti 1967 kur kombëtarja barazoi me Republikën Federale të Gjermanisë, në atë kohë nënkampione e botës.
Datat me rëndësi përfshijnë edhe fitore të tjera të kombëtares, ashtu si edhe zgjedhjen e Armand Dukës anëtar i komitetit ekzekutiv të UEFA-s në vitin 2019 dhe, pesë vjet më vonë, zëvendëspresident i këtij komiteti.
Vizita nga fëmijët deri te delegacionet e huaja
Muzeu i Futbollit vizitohet kryesisht nga delegacione të huaja, që për arsye pune e vizitojnë Federatën Shqiptare të Futbollit, si dhe grupe interesi, si skuadra futbolli dhe akademi të ndryshme futbollistike.
“Në fokusin tonë kanë qenë fëmijët, pasi janë e ardhmja e vendit, prandaj kemi mirëpritur nxënës nga shkolla dhe qendra edukimi, kryesisht gjatë verës”, thotë, po ashtu, Ndocaj.
Pamela Ndocaj, duke u shpjeguar fëmijëve historinë e futbollit shqiptar.
Ajo tregon se edhe qytetarë shqiptarë që jetojnë jashtë vendit, zgjedhin ta vizitojnë muzeun, kur gjenden në pushime në Shqipëri.
“Por, ka ndodhur që kanë ardhur edhe turistë të huaj”, thotë ajo.
Statistika për numrin e vizitorëve thotë se nuk ka, pasi hyrja është e lirë dhe nuk ka biletë.
Rikonstruksioni i Muzeut të Futbollit, sipas saj, është një proces i vazhdueshëm, pasi historia e futbollit shqiptar vijon të shkruhet çdo ditë.
“Suksesi i fundit ishte kualifikimi në Kampionatin Evropian këtë vit dhe sigurisht që e meriton një stendë më vete. Gjithashtu, duhen përfshirë bluzat origjinale, suvenirët, flamujt e kapitenëve që këmbehen gjatë ndeshjeve”, thotë Ndocaj.
Vitin e ardhshëm, në Shqipëri organizohet Kampionati Evropian për moshat nën 17 vjeç, ndërsa Shqipëria ka aplikuar edhe për të organizuar Kampionatin Evropian për moshat nën 21 vjeç. REL
Federata Shqiptare e Futbollit dënon me forcë aktet e turpshme që ndodhën gjatë ndeshjes së sotme kundër Çekisë. Koret raciste dhe përdhosja e flamurit shqiptar janë të patolerueshme dhe nuk i takojnë fushës së futbollit. Ky akt i rëndë përbën një sulm të hapur ndaj vlerave të futbollit dhe respektit midis kombeve.
Federata Shqiptare e Futbollit dënon fuqimisht çdo formë të racizmit dhe fyerjes ndaj simboleve kombëtare dhe do të dërgojë një notë proteste në UEFA, duke kërkuar masa të menjëhershme disiplinore. FSHF reagoi menjëherë që në pushimin e pjesës së parë duke u kërkuar organizatorëve marrjen e masave të menjëhershme ndaj këtyre akteve për të mos radikalizuar veprimet me ndërprerjen e lojës.
Futbolli është një lojë që bashkon dhe unifikon gjithë popujt duke promovuar barazinë dhe respektin për të gjithë, pavarësisht kombësisë apo përkatësisë etnike. Shqiptarët, si pjesë e familjes së madhe futbollistike, do të qëndrojnë gjithmonë në mbrojtje të këtyre vlerave dhe nuk do të tolerojnë asnjë formë racizmi apo urrejtjeje duke dënuar me forcë çdokënd që tenton të përdhosë bukurinë e këtij sporti.
Pavarësisht ndeshjes së sotme, Kombëtarja jonë ka treguar gjithmonë forcë dhe guxim për të përballuar çdo vështirësi duke u ngritur pikërisht atëherë kur lind nevoja. Bashkë me tifozët do të lëmë pas këtë ndeshje dhe bëhemi gati për të shkuar në Gjeorgji për një rezultat pozitiv.bw
Komentet