U.S. Embassy Tirana për ju fjala!
What’s up in Albania?

Edhe sot e si për vit e mbi një dekade rresht, Tirana, kryeqyteti i shqiptarëve, gdhiu me këtë makabritet pamjesh e dhune kombëtare sic përcjell kjo foto.

Një ditë më parë u festua pavarësia kombëtare sot glorifikohet fatkeqësia kombëtare.

Tirana kryeqyteti i vendit aspirues për në BE, anëtar i Nato-s, gdhiu me imazhet si të viteve ’80.
Dear Ambasadorë të BE, të SHBA, përfaqësues të Osbe, ju që promovoni e mbroni shëndetin e sistemit demokratik në Shqipërinë tonë si do reagonit sikur një fakt i tillë të ndodhte në vendin tuaj?

Çdo të ndodhte në Itali sikur një qytetar të manifestonte me portretet e Musolinit?

Çdo të ndodhte në Gjermani sikur një qytetar të shëtiste në rrugët e Berlinit me fotografitë e Hitlerit?

Çdo të ndodhte në cdo kryeqytet vendi demokratik sikur varrezat e heronjve të kombit të mbusheshin me kryqin nazist o me benda e sopata e fashiste?

E padiskutueshme se e gjithë shoqëria civile, politika, rinia, elita e profesionistët me influencë në jetën e kombit do ishin bërë padia akuzuese ndaj shtetit që lejon një ngjarje të tillë e njëherësh palë mbrojtëse e mijëra viktimave që këto simbole e në emër të tyre u cuan në vdekje, persekutim, burgim.

Tirana gdhiu sot me këto fotografi, një dëshmi mizore e evokimit të diktaturës e harresës kombëtare ndaj dhimbjeve që kjo histori ka shkaktuar.

Derisa ylli komunist stampohet në kravata kryeministrore ndërsa jep “leksione” globalizmi e “strategji” europeiste, e shallat e kuq valëviten në kuti picash me poza diktatorësh, fotot e diktatorit kanë premisa e justifikime të varen dhe në mes të sheshit.

Shumë prej manifestuesve që i mbajnë në duar kanë statusin veteran e marrin pensionin e luftës dhe pse llogaritja matematikore thotë se ai më i riu që mund të ketë qënë në luftë ka sot moshën 95-97 vjecare.

Kjo është Shqipëria e 2024 ku si krimineli e hajduti nderohen me bekimin e qeverisë e me heshtjen hipokrite të elitës e shoqërisë civile.

U.S. Embassy Tirana për ju fjala!
What’s up in Albania?

29 nëntor 2024!
Poshtë diktatura komuniste!