TIRANË

Presidenti i Republikës Ilir Meta i ka dërguar një mesazh të rinjve, atyre që votojnë për herë të parë në zgjedhjet parlamentare të 25 prilli.

Meta deklaron se pjesëmarrja e tyre në zgjedhje dhe vota është oksigjen për demokracinë dhe të ardhmen e vendit.

“Të dashur të Reja dhe të Rinj, të cilët votoni për herë të parë!
Shqipëria i ka sytë te Ju!
Pjesëmarrja Juaj masive në zgjedhje dhe vota juaj më 25 Prill është oksigjen për demokracinë dhe të ardhmen e vendit.
Është Ripërtëritja dhe Energjia, që i duhet Shqipërisë të prekur rëndë nga shpopullimi, për t’u ringritur dhe ecur drejt Europës.
Është vendosmëria për përkushtim ndaj vendit me pasion, integritet dhe dashuri!
Është e ardhmja juaj, në Shqipërinë tuaj! 🇦🇱”, deklaron Meta.

Vetëm një orë përpara se Lulzim Basha të mbante mitingun përmbyllës të fushatës në Elbasan, një aksion blic i FNSH-së pasditen e sotme, pranë zyrës së shtabit elektoral të PD-së që kishte objektiv kontrollin e makinave që ishin parkuar pranë, solli irritimin e drejtuesit politik të PD-së, Gazment Bardhi, i cili u përplas me efektivët duke u kërkuar llogari se për shkuan dhe cfarë gjetën?

Efektivët i kërkuan që të mbajë distancë, por Bardhi këmbënguli duke kërkuar llogari ndërsa në fund i akuzoi se do të mbajnë përgjegjësi dhe u kërkoi që të shkonin të luftonin bandat.

Debati mes Gazment Bardhit dhe policëve

Gazment Bardhi: Procesverbal, cfarë gjete në makinë? Këtu, këtu nuk ke për të ikur, cfarë gjete në makinën që kontrollove? Se atje në shërbim mund të shënosh cfarë të duash ti?

Polici: Mbaj distancën

Gazment Bardhi: Jam në të drejtën time, ke ardhur ti në shtabin tim. Për cfarë e kontrollove makinën? Për cfarë erdhe në shtabin e drejtuesit të forcës më të madhe opozitare? Bandat, bandat, shkoni atje, jo në shtabin tim. Kush të tha thënë dhe cfarë informacioni. Makina është e pastër. Shkoni te bandat.

Polici: Ec çuna, ec

Gazment Bardhi: Do të mbani përgjegjësi secili prej jush që vini në shtabin tim, shkoni te bandat.

Dy ditë pas vrasjes së Pjerin Xhuvanit dhe dy ditë para zgjedhjeve të 25 Prillit situata në Elbasan është më e tensionuar se kurrë më parë.

Policia e Dibrës ka arrestuar dy persona që u kapën dje me një shumë prej 5 milionë lekësh në Maqellarë.

Bëhet fjalë për juristin e bashkisë Denis Gjoli dhe shtetasi me inicialet A.C., të cilët akuzohen për ‘Korrupsion aktiv në zgjedhje’.

NJOFTIMI I POLICISE
Specialistët për Hetimin e Krimit në Drejtorinë Vendore të Policisë Dibër, nën drejtimin e Prokurorisë, bënë arrestimin në flagrancë, për veprat penale “Korrupsioni aktiv në zgjedhje” kryer në bashkëpunim dhe “Përdorimi i funksionit publik për veprimtari politike ose zgjedhore” të shtetasve:

A. C., 25 vjeç dhe D. Xh., 36 vjeç, banues në Maqellarë, Dibër.

Më datën 22.04.2021, rreth orës 14:00, në segmentin rrugor Maqellarë-Peshkopi, në automjetin me të cilin udhëtonin shtetasit e lartpërmendur, Policia sekuestroi një shumë lekësh, modelar për të orientuar zgjedhësit për mënyrën e votimit si dhe fletëpalosje të një subjekti politik.

Gjithashtu ka filluar procedimi penal në gjendje të lirë për veprën penale “Pengimi i qarkullimit të mjeteve të transportit automobilistik”, për shtetasit A. S. dhe G. H., banues në Dibër, pasi u kanë bllokuar rrugën dy shtetasve të arrestuar, në afërsi të rrethrrotullimit të Maqellarës, duke bllokuar rrugën Peshkopi – Maqellarë.

Materialet procedurale në ngarkim të shtetasve të lartpërmendur iu referuan Prokurorisë Pranë Gjykatës së Shkallës së Parë Dibër, për veprime të mëtejshme.

Avokatja e Popullit Erinda Ballanca ka reaguar në lidhje me karantinën dy javore të shtetasve shqiptarë që vijnë nga Maqedonia dhe Greqia për zgjedhjet e 25 prillit.

Avokati i popullit përmes një postimi në rrjetin social Facebook, kërkon anulimin e karantinës së shtetasve që vijnë nga Greqia dhe nga Maqedonia e Veriut për të ushtruar të drejtën kushtetuese të votës.

Sipas një ankese të paraqitur nga shoqata të ndryshme të emigrantëve pranë institucionit të Avokatit të Popullit theksohet se masa e propozuar së fundmi nga ministria e Shëndetësisë dhe Komiteti teknik,  pengon dhe në fakt u mohon të drejtën e votës atyre emigrantëve që duan të ushtrojnë këtë të drejtë themelore në zgjedhjet e 25 Prillit.

Nisur nga një shqyrtim i hollësishëm i kuadrit të të drejtave të njeriut dhe praktika ndërkombëtare, Avokati i Popullit ka rekomanduar fillimin dhe përfundimin e menjëhershëm, të procedurës administrative për anulimin e karantinës dhe lejimin e emigrantëve të ushtrojnë të drejtën e tyre Kushtetuese.

Postimi i plotë:

Avokati i Popullit kerkon anullimin e karantinimit te shtetasve qe vijne nga Greqia dhe Maqedonia e Veriut

Avokati i Popullit kërkon anullimin e urdhërit që pamundëson pjesëmarrjen e qytetarëve shqiptarë që vijnë nga Greqia ose Maqedonia e Veriut për të ushtruar të drejtën kushtetuese të votës.

Në një rekomandim dërguar Ministrisë së Shëndetësisë, KQZ-së dhe Komitetit Teknik të Ekspertëve, Avokati i Popullit ka kërkuar anullimin tërësisht e menjëherë të Urdhërit nr.219 datë 19.04.2021 “Për karantinimin e personave që vijnë në Republikën e Shqipërisë nga Republika e Maqedonisë së Veriut dhe Greqia”.

Pranë institucionit të Avokatit të Popullit, një grup shoqatash të emigrantëve shqiptarë në Greqi kanë paraqitur një ankesë, në të cilën shprehet shqetësimi për propozimin më të fundit të Komitetit Teknik të Ekspertëve (Komiteti i Përkohshëm për Infeksionin e Përhapur nga Coronavirus i ri) , për vendosjen e një periudhe prej 2 javësh për emigrantët shqiptarë që jetojnë në Greqi, nëse ata do të vijnë në Shqipëri gjatë kësaj kohe.

Sipas ankesës, kjo masë e propozuar pengon dhe në fakt u mohon të drejtën e votës atyre emigrantëve që duan të ushtrojnë këtë të drejtë themelore në zgjedhjet e përgjithshme parlamentare, që do të zhvillohen në datën 25 Prill 2021. Në ankesë, kjo masë e propozuar shihet edhe si një trajtim diskriminues ndaj tyre, pasi emigrantët shqiptarë që jetojnë në vende të tjera lejohen të hyjnë pa u karantinuar në Shqipëri, ndërsa emigrantët shqiptarë në Greqi, jo.

Nisur nga një shqyrtim i hollësishëm i kuadrit të të drejtave të njeriut dhe praktika ndërkombëtare, Avokati i Popullit ka rekomanduar fillimin dhe përfundimin e menjëhershëm, të procedurës administrative për anulimin kryesisht, nëpërmjet nxjerrjes së një akti të ri me shkrim, që anulon tërësisht  Urdhërin nr.219 datë 19.04.2021 “Për karantinimin e personave që vijnë në Republikën e Shqipërisë nga Republika e Maqedonisë së Veriut dhe Greqia”, si dhe marrjen e masave për të mos penguar në menyrë sproporcionale qytetarët shqiptarë që jetojnë apo punojnë në Republikën e Greqisë apo Republikën e Maqedonisë së Veriut nga e drejta kushtetuese e votës./abcnews.al

Presidenti i vendit Ilir Meta, ka reaguar në lidhje me deklaratat e Avokatit të Popullit, që më herët kishte vlerësuar se duhet të hiqet karantina për të kthyerit nga Greqia.

Meta thekson se mbështet tërësisht deklaratat e Avokatit të Popullit, duke thënë se të kthyerve nga Greqia iu është kërkuar të nënshkruajnë formular me detyrim.

Reagimi i presidentit Ilir Meta:
bështes plotësisht gjetjet, vlerësimet dhe Rekomandimet e Avokatit të Popullit, për anulimin e menjëhershëm të Urdhërit nr. 219, datë 19.4.2021, të ministrit të Shëndetësisë dhe Mbrojtjes Sociale “Për karantinimin e personave që  vijnë  në Republikën e Shqipërisë nga Republika e Maqedonisë së Veriut dhe Greqia”.

Ministria e Shëndetësisë dhe Mbrojtjes Sociale, dhe institucionet përgjegjëse shtetërore, përfshirë dhe pikat kufitare, jo vetëm duhet të anulojnë çdo vendimmarrjeje, që rëndon pozitën e shtetasve shqiptarë në mënyrë jo proporcionale, por kanë përgjegjësinë të hulumtojnë dhe të marrin vendime që njëkohësisht me garantimin e sigurisë shëndetësore, të respektojnë edhe të drejtat dhe liritë themelore, siç është e drejta për të zgjedhur.

Është për të ardhur keq, që emigrantëve në kufi, që kanë hyrë në territorin e Republikës së Shqipërisë, u është kërkuar nënshkrimi i një formulari me detyrim, për vetëkarantinimin 14 ditor.

Kjo kërkesë ka ardhur mbi bazën e një akti që nuk kishte hyrë ende në fuqi, pasi Urdhri nr. 219, datë 19.4.2021, i ministrit të Shëndetësisë dhe Mbrojtjes Sociale, si një akt me karakter normativ, në përputhje me nenin 117, pika 1, të Kushtetutës, merr fuqi juridike vetëm pasi botohet në Fletoren Zyrtare.

Akoma më i keqardhur ndihem për faktin se, në situatën pandemike, vijon mosbotimi i akteve zyrtare në kohë dhe një urdhër që pasohet me sanksione administrative, zbatohet pa hyrë ende në fuqi, e publikohet 2 ditë pas miratimit e zbatimit.

I bëj thirrje Ministrisë së Shëndetësisë dhe Mbrojtjes Sociale, Drejtorisë së Përgjithshme të Policisë së Shtetit, përmes Departamentit për Kufirin dhe Emigracionin, dhe çdo organi tjetër kompetent për dhënien e masave administrative, të kenë kujdes nga dalja e Rekomandimit të Avokatit të Popullit për anulimin e Urdhrit 219, datë 19.4.2021, të ministrit të Shëndetësisë dhe Mbrojtjes Sociale.

Merrni masa të reagoni me përgjegjshmëri, objektivitet, dhe jashtë ndikimeve politike! Mos cenoni të drejtën e votës së bashkatdhetarëve tanë!
Edhe 48 orë nis llogaridhënia për shkelësit e Kushtetutës dhe të ligjit!

Presidenti I Republikës Ilir Meta komentoi në një intervistë për televizionin lokal në Vlorë, ngjarjen e shënuar një ditë më parë në Elbasan, me një të vdekur e 4 të plagosur. Meta fajësoi kryeministrin Rama si të vetmin përgjegjës sipas tij, për ngjarjen dramatike.

“Konfliktin ne Elbasan e stisi Edi Rama, i cili eshte i vetmi pergjegjes per ate situate dhe per te gjitha zhvillimet dramatike aty. Ngjarja e rende ndodhi ne pranine e policise, qe tregon se ky eshte nje shtet i kapur nga krimi.

Struktura per mbrojtjen e votes eshte nje e drejte legjitime e opozites, ne kushtet kur Damiani ne vend qe te ishte sot ne burg eshte kandidat per deputet, kur struktura kriminale te Rilindjes vazhdojne me manovra per blerjen e votes dhe presione ndaj qytetareve.
Per kete oferte te tyre poshteruese, Rilindja do ndeshkohet ne menyren me shembullore me 25 Prill.” u shpreh Meta.

Kandidati i Partisë Demokratike në Dibër, Luan Haka, i katërti në listë, flet për bllokimin e makinës me lekë në Maqellarë.

Gazetari Enver Doçi sjell në redaksinë e “BalkanWeb” mesazhin e Hakës, i cili thotë se brenda mjetit të bllokuar nga përfaqësues të PD janë gjetur 5 milionë lekë, që sipas tij, do të shpërndaheshin për blerje votash.

Ai thekson se kanë pasur edhe raste të tjera, ku kanë marrë informacione se PS po shpërndan lekë dhe kanë ndërhyrë.

“Kishim tre ditë që ndiqnim të gjitha makinat. I dimë kush shpërndan lekë, të njëjtat persona që kanë fituar përherë zgjedhjet me mashtrime. Para këtij momenti që të bllokonim këtë makinë, ishim në fshatin Kllupcisht, atje po bëhej gati shpërndarja e lekëve. Në atë moment, morëm informacion për këtë makinë dhe erdhëm e bllokuam. U gjetën 5 milionë lekë në makinën e bllokuar dhe lista me të gjitha fshatrat që do shpërndanin, por nuk është vetëm ky, janë tre-katër tjetër, i kanë të ndara zonat. Kjo është e Milaimit, tjetri Dionisi, etj., se këta janë specialistë. Këta mendojnë se do të poshtërojnë popullin e Maqellarës.

Ne jemi 24 orë në vëzhgim, pa gjumë fare. Nuk është vetëm ky moment, mbrëmë patëm probleme në Luzni. Në 3 të natës kemi shkuar 40 veta në Luzni. I futën po të njëjtat persona nëpër shtëpi dhe u mbyllën brenda. Grupet tona janë të gatshme gjithandej, nuk i lëmë tolerim fare. Ne jemi jetë a vdekje këtu, nuk fitohet vota me lekë”, tha Haka.

MAQELLARË

Zbardhen detaje të reja nga ngjarja e denoncuar këtë pasdite nga kandidati i PD në Dibër, Xhelal Mziu, ku përfaqësues të Partisë Demokratike bllokuan një makinë në Maqellarë, pas dyshimeve se po shpërndante lekë për fushatë.

Gazetari Enver Doçi raporton për “BalkanWeb” nga vendngjarja se demokratët kanë bllokuar për rreth një orë mjetin, duke kërkuar që të hapet për të parë se çfarë ka brenda. Me urdhër të Prokurorisë, makina është hapur dhe brenda është gjetur një shumë parash, por nuk dihet ende sa janë.

Nga ana tjetër, siç raporton gazetari Doçi, kreu i Policisë së Dibrës kanë dërguar në vendngjarje edhe forcat speciale, të cilat po numërojnë shumën e parave të gjetur në mjet.

Në videot që gazetari Doçi sjell në “BalkanWeb”, shihet momenti kur po numërohet shuma e gjetur në mjet, ndërsa dëgjohen edhe zëra qytetarësh, që thonë “Dosja e dytë 184 është sot”. Nuk dihet ende se kush ishte brenda makinës, ku u gjet paratë, por pritet që në vijim të zbardhen të tjera detaje.

Gazetarja Klodiana Lala e ftuar në emisionin ‘’Pika mbi i’’ të Ola Brukos në News24 ka zbuluar detaje të reja nga vrasja e djeshme në Elbasan.

Lala thotë se i është konfirmuar nga burime zyrtare se janë hequr kamerat në dy biznese pranë vendngjarjes. Ajo thotë se dyshimet janë tek personat e përfshirë në këtë ngjarje që mund të kenë bërë këtë akt.

Më tej ajo thotë se Pjerin Xhuvani, viktima ka qenë mbështetës i ish-deputetit Aqif Rakipi ndërsa kohët e fundit ishte mbështetës i PS.

‘’Mund të jem pak më praktike. Elbasani prej shumë vitesh kontrollohet nga banda. Ka pasur vrasje mafioze deri tek avokatët, janë ekzekutuar njerëz të botës së krimit, janë kryer atentate mafioze, janë fshirë kamera, janë fshehur prova. Ajo çfarë ka, dy momente, ambasadorja amerikane ka shkuar në Elbasan, britanik, i BE. Prej sinjaleve. Policia e Shtetit ka bërë nj sy qorr e një vesh shurdh. Segmente të caktuara nga Policia i shërbejnë politikës, janë nën presionin e grupeve kriminale.

Dua ta ndalem pak tek Pjerin Xhuvani. Faktet janë të tilla, në këtë moment, punonjësit e Policisë, më është konfirmuar zyrtarisht, nga burimet që unë kam, në dy biznese, edhe kur kam insistuar për dorëzimin e Arbër Papleka, që është i konfirmuar përtej çdo dyshimi. S’mund të akuzoj Policinë, por mund t’i kenë hequr personat e përfshirë. Pjerin Xhuvani është personazh që ka qenë afër Aqif Rakipit, dhe kohët e fundit ishte mbështetës i PS. Duhet t’i themi hapur, prisja të më thuhej kjo nga Policia. Nuk pajtohem me qëndrimin e PD, pata debat me Bardhin për Strukturën e Votës. Çdo subjekt do të bëjë fushatën, por jo deri tek përdorimi i armës. Çfarë është kjo Strukturë e Votës? Sot Policia ka ndaluar një grup ish-ushtarakësh, ish-policë. PS ka pranuar në gjirin e saj persona me të shkuar kriminale, dhe PD që ka mbledhur ish-policë për të mbrojtur votën.’’- tha Klodiana Lala.

Analisti Artur Zheji, i ftuar në emisionin “Pika mbi i”, duke komentuar ngjarjen në Elbasan, deklaroi se jeta e njerëzve është më e rëndësishme sesa politika.

Zheji theksoi se opozita nuk demoralizohet, duke shtuar se kush ka dashur mandat të tretë në këtë vend, ka thyer qafën.

“Policia e pafuqishme ose bashkëpunëtore. Dëshmitarët gënjejnë e policia ka frikë nga ky rast. E vërteta del vetëm nga e vërteta analitike. Më vjen keq që u përgjak fushata. Në djall të vejë politika para jetës së njerëzve.

Janë kokat e hajvanëve ata që mendojnë ndryshe, sepse jeta jepet vetëm njëherë. Do doja që palët ta lënë pas krahëve këtë që ndodhi, nuk besoj tek policia, më mirë mos të dalë sesa të dalë. Opozita nuk demoralizohet. Policia duhet të vihet në shërbim të fatit. Kush ka dashur mandat të tretë ka thyer qafën. Edhe Nano, edhe Berisha nuk mori një mandat të tretë”, deklaroi Zheji.

Drejtori i Pergjithshem i Policise se Shtetit Ardi Veliu se bashku me Prokurorin e Rrethit kanë dalë në Konference per shtyp në ambientet e Drejtorise Vendore te Policise Elbasan, pas konfliktit të armatosur një ditë më parë.

DEKLARATA E PLOTË E DREJTORIT TË PËRGJITHSHËM TË POLICISË ARDI VELIU
Sot, më datë 22.04.2021, shërbimet e Policisë Gjyqësore të Drejtorisë Vendore të Policisë Elbasan, në kuadër të hetimit në lidhje me procedimin penal nr. 477 të vitit 2021, ekzekutuan urdhrat e ndalimit për shtetasit:

Arbër Paplekaj, i dyshuar për kryerjen e veprave penale “Vrasja në rrethana të tjera cilësuese kundër dy ose më shumë personave dhe në mënyrë të rrezikshme për jetën e shumë personave”, “Vrasja e punonjësve të Policisë së Shtetit, e mbetur në tentativë”, “Heqja e paligjshme e lirisë e kryer me dhunë” në bashkëpunim;

Arjan Hoxha, Pavlo Vuksani, Emiljan Prenga, Juljan Mataj, Erald Guga, Erjon Demushi, Taulant Ymeri, Roland Xhepa, Nuredin Kasma, të dyshuar për kryerjen e veprës penale “Heqja e paligjshme e lirisë së personit e kryer me dhunë” në bashkëpunim.

U shpall në kërkim shtetasi Klement Xhaferri, i dyshuar për kryerjen e veprës penale “Vrasja në rrethana të tjera cilësuese në mënyrë të rrezikshme për jetën e shumë personave, mbetur në tentativë” dhe vijon puna intensive për kapjen e tij.
Si dhe u arrestua në flagrancë shtetasi Eldjo Beko, për veprën penale “Veprime që pengojnë zbulimin e të vërtetës”

Nga tërësia e veprimeve hetimore të deritanishme ka rezultuar se:
Më datë 21.04.2021, rreth orës 14:00, janë njoftuar shërbimet e Drejtorisë Vendore të Policisë Elbasan, nga shtetasi Arjan Hoxha, i prezantuar si përgjegjës i sigurinë për shtabin elektoral të subjektit politik Partia Demokratike për qarkun Elbasan, së në rrugën ”Lef Nosi”, në qytetin e Elbasanit, kishte një incident me disa persona.

Nga ana e Policisë është vlerësuar informacioni dhe menjëherë kanë shkuar në adresën e dhënë një patrullë e Forcës së Posaçme “Shqiponja”, dhe dy zv.drejtorët e Policisë së qarkut, ai i Hetimit dhe ai i Sigurisë.

Në vendngjarje, shtetasi Arjan Hoxha është shkëputur nga grupi i personave që e shoqëronin
dhe ka komunikuar me punonjësit e Policisë, duke u thënë se ai bashkë me disa persona të tjerë kishin bllokuar një person, për të cilin pretendonin se po kryente veprime për blerje votash për një subjekt politik.

Po kështu grupi i personave të ndaluar kanë bllokuar qarkullimin e automjetit fuoristradë ML
të drejtuar nga shtetasi M. G., duke i prerë rrugën, marrë çelësin e automjetit. Ndaj këtij shtetasi dyshohet se janë kryer veprime të kundërligjshme të heqjes së paligjshme të lirisë, nëpërmjet dhunës të kryer në bashkëpunim.

Shtetasi Arjan Hoxha ka qenë i shoqëruar nga shtetasit Arbër Paplekaj, Pavlo Vuksani, Emiljan Prenga, Juljan Mataj, Erald Guga, Erjon Demushi, Taulant Ymeri, Roland Xhepa dhe Nuredin Kasma, pjesa më e madhe e të cilëve janë ish-ushtarakë dhe ish-punonjës policie dhe nuk janë banorë të qarkut Elbasan.

Gjithashtu këta shtetas kanë deklaruar se janë vullnetarë të mbrojtjes së votës për Partinë Demokratike. Ata qarkullonin me tre furgonë të bardhë dhe të loguar me siglën e kësaj force politike.

Pas mbërritjes së forcave të Policisë, konflikti i nisur më parë u përshkallëzua deri në përdorimin e armëve dhe për pasojë ka mbetur i varrë shtetasi Pjerin Xhuvani dhe janë plagosur shtetasit Emiljan Prenga, Pavlo Vuksani, Eltjon Bodinaku dhe punonjësja e policisë e forcës së posaçme “Shqiponjat”, Xh. S.

Nga këqyrja e vendit të ngjarjes janë sekuestruar në cilësinë e provës materiale 20 gëzhoja të kalibrave 9 dhe 11.1 milimetra, 4 predha, tre furgonë me logo të subjektit politik Partia Demokratike, automjeti fuoristradë ML pa targa dhe një automjet tjetër tip Benz, 11 telefona celular, pamje filmike etj.

Gjithashtu, në cilësinë e provës materiale shtetasit Arbër Paplekaj i është sekuestruar edhe një armë zjarri e tipit “Glock” .

Nga këqyrja e automjetit tip ML Benz pa targa, i gjetur në vendngjarje, grupi hetimor nuk ka konstatuar sende të kundërligjshme apo të dyshuara se mund të përdoreshim për shitblerje të votës.

Këto prova po i nënshtrohen ekzaminimeve të mëtejshme në Institutin e Policisë Shkencore.

Nën drejtimin e Prokurorisë së Rrethit Gjyqësor Elbasan, nga grupi i posaçëm hetimor vijon puna intensive për zbardhjen dhe dokumentimin e plotë ligjor të kësaj ngjarjeje, si dhe për identifikimin dhe arrestimin e personave të tjerë të përfshirë në këtë ngjarje.

Policia e Shtetit do vijojë me forcën e ligjit për të mbajtur nën kontroll të plotë territorin, do të reagojë ligjërisht dhe proporcionalisht ndaj kujtdo që kërcënon, intimidon apo shkel ligjin dhe do të krijojë të gjitha kushtet që qytetarët shqiptarë të votojnë të lirë.

Gjykata Evropiane e të Drejtave të Njeriut vendosi të urdhërojë Shqipërinë të mos zbatojë vendimin kontrovers të gjyqtares Iliriana Olldashi për sekuestrimin e kompjuterëve dhe pajisjeve të tjera elektronike të gazetarëve te Lapsi.al, në një masë pezullimi që është përdorur rrallë dhe në raste ekstreme nga kjo gjykatë, bëri të ditur avokati Dorian Matlija.

Gjykata njoftoi Matlijan përmes postës elektronike për vendimin, pasi ai dorëzoi kërkesën për llogari të gazetarëve të Lapsi.al, të cilët kanë apeluar vendimin e Olldashit.

“Më 21 prill 2021, Gjykata (gjyqtari në detyrë), vendosi, në interes të palëve dhe të kryerjes së përshtatshme të procesit para saj, t’i tregojë Qeverisë së Shqipërisë nën Rregullin 39 se autoritetet duhet të ndalojnë zbatimin e vendimit nr. 131, dt. 18 Prill të Gjykatës së Shkallës së Parë të Strukturës së Posaçme Kundër Krimit të Organizuar dhe korrupsionit për sekuestrimin e pajimeve të magazinimit të të dhënave dhe kompjuterëve/të dhënave elektronike që i përkasin aplikantit”, shkruhet në letër.

Matlija i tha BIRN se vendime të tilla merren nga Gjykata e Strasburgut vetëm në rrethana ekstreme kur rrezikohet jeta apo të drejtat shumë thelbësore në mënyrë të rëndë dhe të pariparueshme.

“Në dijeninë tonë, ky është vetëm rasti i dytë që Gjykata jep një vendim të tillë për çështje të lirisë së shprehjes. E para më 2018 kundër Ukrainës dhe e dyta kjo sot,” tha Matlija.

SPAK çuditi ekspertët e lirisë së shprehjes kur të dielën pranoi një kërkesë të prokurorisë për sekuestrimin e pajimeve të gazetarëve, si pjesë e hetimit për databazën masive që supozohet se i përket Partisë Socialiste, në të cilën mbahen të dhëna personale të të gjithë votuesve të Tiranës. Lapsi.al publikoi fillimisht lajmin për ekzistencën e databazës, e cila më pas rrodhi në internet deri sa u bë një sekret që e dinë të gjithë.

Megjithatë, pavarësisht se databaza qarkullon në internet, SPAK kërkoi ta merrte atë dhe burimin se nga kishte rënë në duart e gazetarëve, duke e kërkuar te Lapsi.al. Drejtuesit e Lapsit, Andi Bushati dhe Armand Shkullaku refuzuan me qëllim që të mbronin burimin e tyre të informacionit.

E drejta Evropiane i jep të drejtë gazetarëve të mos tregojnë burimin e një informacioni para prokurorëve apo gjykatës dhe i kërkon autoriteteve të ezaurojnë të gjitha mjetet e disponueshme hetimore para se të pretendojnë të kenë akses te të dhënat e gazetarëve.

Në diten e sotme të 22 prillit 2021, Ali Daci- kryeredaktori i “Gazeta e Alpeve” për Malin e Zi e Sanxhak, po i  nënshtrohet një sprove mjekësore, një ndërhyrje kirurgjikale të dytë në Spitalin e Përgjithshëm të Pejës, në të tretën javë të shtrimit të tij spitalor, pas atij operimit të parë për gurë në tamth përplot 11 ditë ma herët.

Ali DACI është publicist, analist, studiues, veprimtar politik e shoqëror, mësues nga Rrozhaja në Malin e Zi; njiherit Drejtor i Manifestimit Tradicional Kulturor PanShqiptar “Ora e Maleve” (XII) në Rrozhajë; Nënkryetar i Shoqatës Kombëtare “Kosova për Sanxhakun”; “Qytetar Nderi” i Pejës në Kosovë; nënkryetar i të pares parti shqiptare-LDSH në Malin e Zi; i dekoruar nga Presidenti i Shqipërisë Ilir Meta me Urdhrin e lartë “Naim Frashëri të Artë”; autor me libra poetik, studimor e publicistik si monografia “Shtigjet e Përgjakura”, vëllim me poezi “Shtigjeve të rinisë”, etj., i nderuar dhe me disa çmime (ndër)kombëtare, mësues i gjuhës shqipe në të vetmen shkollë shqipe në komunën e Rrozhajës në Malin e Zi.

Për kryerjen e ndërhyrjes kirurgjikale ndaj mikut tonë të nderuar Ali Daci, ka ardhun nga Italia (Venecia) një doktor i mirë e humanist i madh, do të jenë dhe dy nga doktorët e caktuar të Spitalit të Përgjithshëm të Pejës, stafi përkatës mjekësor ndihmës për operacionin.

Duke e faleminderuar  Spitalin e Përgjithshëm të Pejës për kujdesin që po tregon veçmas këto ditët e fundit për mos-rrezikimin e jetës të gazetarit, poetit, studiuesit, veprimtarit atdhetar e kulturor, Ali Daci i Rrozhajës, nisur nga problematikat e operacionit të parë po detyrohemi shumanshmëisht që t’iu bajmë thirrje të përseritur ndërgjegjes e përgjegjësive profesionale e njerëzore të drejtuesve e personelet mjekësor të këtij spitali rajonal që në emër të Betimit tuaj të shenjtë të Hipokratit,  të kryejnë një diagnostikim realitetor (analiza plotore mbi përhapjen e shkallën, rrezikshmëinë e shërimin e infeksionit/helmimit në mushkri, stomak etj.), të ketë një protokoll të rreptë mjekësor të operacionit të sotëm, etj., sepse po të ketë një herë të tretë përgjegjësia morale, profesionale e deri penale do të jetë e pashmangshme.

Në ditën e sotme të operacionit të pacientit e personalitetit të shquar panshqiptar e ndërballkanik, Ali Daci, mirëpritet çdo interesim apo prani në Pejë e niveleve të larta shtetërore e diplomatike në treshtetshin ballkanik Kosovë-Mali i Zi-Shqipëri, si: kryetari i komunës së Pejës, z. Gazmend Muhaxheri, kryetari i komunës së Rrozhajës, Rahman Husović, Ministri i Shëndetësisë së Kosovës, z. Arben Vitia, nga Trupi Diplomatik në Kosovë e Malin e Zi), etj. si dhe televizione, radio, portale e gazeta të Kosovës, etj.

Ndoshta duhet të theksojmë se në shëndetin e Ali Dacit kanë ndikuar dhe angazhimet e tij të shumta e të mëdha për interesat kombëtare për shkollen shqipe, për librat, mediat, veprimtaritë e ndryshme kulturore-atdhetare (nga Rrozhaja në Prishtinë-Tiranë-Tuz, Prizren, Sanxhak-Gjakovë, etj.),si p.sh., kur një dorë kriminale e djegi shkollën shqipe në Rrozhajë, teksa botonte e promovonte librin e tij studimor – monografinë “Shtigje të Përgjakura” për Masakren serbo-malazeze të 18 prillit 1999 në Husaj të Rrozhajës ndaj 22 refugjatëve shqiptarë të Kosovës; teksa po botonte shkrime në media e përgadiste dy libra (botime) për Shqiptarët e Sanxhakut;  etj.

“Gazeta e Alpeve”- gazetë Rajonale-PanShqiptare-NdërBallkanike (Shqipëri-Kosovë-Mali i Zi-Lugina e Preshevës-Sanxhak-Maqedoni e Veriut) i dëshiron e uron  sukses të plotë ekipit mjekësor shqiptaro-italian në kryerjen e këtij operacioni të dytë, që kërkon profesionalizëm të lartë e përgjegjësi të madhe; i urojmë kryeredaktorit tonë për Malin e Zi e Sanxhak, gazetarit e veprimtarit të mirënjohur Ali Daci që të shërohet sa ma shpejt dhe t’iu kthehet familjes e punëve të arsimit, masmediave, krijimtarisë letrare, studimeve, veprimtarive të Shoqërisë Civile etj.

Qoftë e Bekuar kjo Ditë për mikun tonë të mirë, Ali Daci i Rrozhajës dhe Zoti e Mjekësia e ndihmoftë për shëndet të plotë, se punë e detyra të tjera të reja, edhe ma të mira, ma të shumta e ma të mëdha na presin në ditët, muajt e vitet, për ardhmërinë panshqiptare e ndërballkanike, për Kohën e Kombin.

Ramiz LUSHAJ

Tiranë, 22 prill 2021

Ngjarja kriminale që tronditi dje Elbasanin dyshohet se nuk ka katër të plagosur, por pesë. Gazetari Spartak Koka deklaroi se një person tjetër është plagosur dhe po mjekohet fshehurazi.

“Janë 5 persona deri më tani të shpallur në kërkim, njëri prej tyre dyshohet të ketë mbetur i plagosur në vendngjarje dhe po merr mjekim, sipas informacionit operativ, po merr mjekim fshehurazi. Po punohet nga strukturat e policisë për ta kapur, por dyshohet se po mjekohet në mënyrë të fshehtë” tha Koka./dita

Rindërtohet skena e ngjarjes së armatosur në Elbasan që solli vrasjen e 56-vjeçarit Pjerin Xhuvani dhe plagosjen e 4 personave. Gazetarja Dorjana Bezat raportoi për “BalkanWeb” se policia ka mundur të rindërtojë ngjarjen pas pyetjes së disa prej personave të pranishëm gjatë konfliktit.

Ashtu siç u deklarua dhe më herët, 20 minuta para krimit strukturat e PD në Elbasan kanë njoftuar policinë se një mjet pa targa po shpërndante para dhe po blente vota.

Me furgonat me logon e PD i është bllokuar rruga kësaj makine dhe palët kanë qenë në pritje të policisë. Më pas drejtuesi i mjetit pa targa është sharë me fjalë banale me ish-punonjësin e policisë dhe situata precipitoi në përdorimin e armëve të zjarrit. Dëshmitarët kanë parë Paplekajn të pozicionohet me një gju në tokë dhe të kryejë qitje.

Gjithçka ka ndodhur pak minuta pasi ka mbërritur policia dhe ngjarja u zhvillua në pak sekonda.
Policja e plagosur Xhensila Sota ka qenë e pozicionuar në krah të rrugës së bashku me dy zëvendës drejtorët dhe dyshohet se është plagosur nga një plumb rikoshet.
Arma e ish-policit Paplekaj është sekuestruar nga policia ndërsa pistoleta tjetër nga e cila dyshohet se është kryer qitje nuk është gjendur dhe nuk dihet nga kush është përdorur.

Ndërkaq janë sekuestruar dhe mjetet në vendngjarje, ndërsa nga kontrolli i mjetit pa targa janë gjetur vetëm postera. Veprimet hetimore për krimin që tronditi Elbasanin, por jo vetëm po kryhen në drejtim të Prokurorisë Elbasan.

Gazmend Bardhi, drejtues politik i Partisë Demokratike në qarkun e Elbasanit ka folur për vrasjen e ndodhur pasditen e së mërkurës në këtë qytet.

Duke folur për ekzistencën e një strukture të ngritur nga PD për mbrojtjen e votës, Bardhi tha ndër të tjera në emisionin “Opinion”, se një anëtar i kësaj strukture, ka filmuar persona që japin para dhe mbledhin karta.

“Ne kemi të filmuar faktin që personi është filmuar nga grupi i mbrojtjes së votës duke dhënë para dhe duke mbledhur karta. Personi që ka këtë celular ka shkuar për të dëshmuar në polici”, u shpreh Bardhi.

I pyetur nga gazetari Spartak Koka, se prej sa kohësh personat që ishin pjesë e strukturës së mbrojtjes së votës ishin atashuar pranë tij, Bardhi tha se ai punonte me stafin e tij, ndërkohë që kjo strukturë ka operuar e pavarur prej tij.

ELBASAN

15 persona janë shoqëruar deri më tani për vrasjen e Pjerin Xhuvanit, ish-kreu i LSI në Elbasan ditën e djeshme.

Në kërkim është shpallur Klement Xhaferri, ndërkohë që në vendin e ngjarjes Policia ka gjetur 18 gëzhoja plumbash të kalibrit 9 mm dhe 11 mm, raporton gazetarja Dorjana Bezat për BalkanWeb.

Dyshohet se të shtënat kanë ardhur nga dy pistoleta të ndryshme, dhe se ngjarja është zhvilluar në pak sekonda. Ditën e djeshme Pjerin Xhuvani u vra në Elbasan, teksa dyshohet se ngjarja ka motive politike.

Ai u qëllua nga Arbër Papleka, një ish-efektiv policie. Ndërkohë PD dhe PS kanë hedhur akuza ndaj njëra-tjetrës për ngjarjen. Të plagosur mbetën edhe 4 persona, një prej të cilëve dhëndri i viktimës, si dhe një efektive policie, Xhensila Sota.

Arbër Papleka është autori i vrasjes së Pjerin Xhuvanit ditën e sotme në qytetin e Elbasanit, ndërsa nga shkëmbimi i zjarrit mbetën edhe 4 të plagosur, mes tyre një efektive policie. Gazetari i ABC, Artan Hoxha rrëfeu të gjithë lëvizjen e Paplekës nga momenti i ekzekutimit të Xhuvanit dhe deri te largimi nga Elbasani për në zyrën e komandantit të RENEA-s në Tiranë duke u dorëzuar vetë. Gjithashtu Artan Hoxha zbuloi edhe karrierën e pasur të Paplekës nga Afganistani deri edhe pjesë e stafit të sigurisë së ambasadës amerikane në Tiranë, pak muaj më parë.

“Arbër Papleka ka qenë në Afganistan për të trajnuar policinë afgane. Papleka është nga policët më të mirë që mund të ketë pasur RENEA, 36 vjeç, baba i  4 fëmijëve, me origjinë nga Tropoja, ka qenë shef i njësisë së posaçme në policinë e shtetit në Tiranë, dy herë efektiv i RENEA. Përpara se të shkëputej ka qenë për më shumë se dy vite pjesë e grupit të sigurisë, ambasadës amerikane, në 2018 u largua nga RENEA, fitoi konkursin atje, ka pasur përgatitje shumë të mirë, prandaj u përzgjodh nga ambasada amerikane. 3 muaj më parë u largua nga stafi i ambasadës amerikane, ka shërbyer si shoqërues i një biznesmeni në Tiranë.

Para fushatës i është kërkuar të mbështesë këtë grup. Zoti Bardhi nuk ka trupëroja nga garda, por cdo kandidat zgjedh një grup njerëzish. Në Elbasan qarkullonte fjala se Bardhi është ministër i Brendshëm i ardhshëm. Në Elbasan shumica ka mbështetës shumë të fortë dhe ata morën masa, dhe morën këtë ish-pjesëtar policie dhe njerëz si Papleka, pasi janë me armë me leje.

Papleka nuk ka qenë në konfliktin e drejtpërdrejtë, ka pasur një distancë, pak të shkëputur, 1-2 meta, ai qëlloi kur konstatoi një rrezikshmëri të lartë për jetën dhe reagoi në atë formë dhe për shkak të zjarrit të hapur nga Papleka gjeti vdekjen Xhuvani. Në momentin që ka pasur përplasje, nuk rezulton që policia ka qëlluar. Papleka pasi ka qëlluar është larguar në këmbë, pasi e ka ndjekur një makinë edhe në distancë, ka vrapuar. Ai diku 700-800 metra ndaloi një mjet të rastit i drejtoi armën dhe iu mori makinën dhe u largua nga Elbasani.

Kur RENEA ka qenë duke shkuar nga Tirana në Elbasan, ai bënte rrugën e kundërt. Papleka ka ardhur nga Elbasani ka shkuar drejt te reparti RENEA ka kërkuar takim me komandantin, ndërkohë nuk dihej që ishte autori. Ka shkuar në zyrën e komandantit të RENEA-s, i ka shkuar në zyrë pa ditur gjë dhe i ka thënë ”unë jam filani, kam qëlluar në kushtet e vetëmbrojtjes, pash rrezikshmëri të lartë, pasi isha i rrezikuar dhe hapa zjarr.

Arma ime është kjo”. Ai dorëzoi armën pistoletë tip Glock. Armën e ka me leje, por autorizimi është që të qëndrojë në shtëpi. Kur deklaroi këtë dhe i dha disa sqarime, menjëherë komandanti njoftoi drejtorinë e policisë dhe i kërkoi të shkonte ta merrte dhe policia i ka thënë më mirë se ju nuk ka njeri që ta sjellë. I është marrë arma, është prangosur dhe është çuar me pranga në Tiranë. Pra autori nuk është arrestuar, por është dorëzuar” tregoi Artan Hoxha.

Sot në ngjarjen e rëndë në Elbasan katër nga gjashtë personat e përfshirë janë ose punonjës ose ish-oficerë policie. Artan Hoxha kishte një apel për efektivët. “Nuk duhet të pranojë të shkojnë mish për top për një klasë të tillë politike”.

Por si ndodhi ekzekutimi në Elbasan?

Mesditën e sotme rreth orës 14:00 në lagjen “5 Maji” përpara zyrës elektorale të PD-së në Elbasan ndodhi përplasja me armë me prapavijë politike. Në përfshirë ishin dy grupe, PS dhe PD. Nga grupi i PS-së, si pasojë e shkëmbimit të zjarrit humbi jetën Pjerin Xhuvani dhe u plagos dhëndri i tij Eltjon Bodinaku.

Ndërkohë që nga grupi i PD-së u plagosën Emiljan Prenga 39 vjeç dhe Pavlo Vuksani 50 vjeç. Autori i vrasjes së Xhuvanit sipas policisë është Arbër Papleka, gjithashtu pjesë e PD-së në Elbasan. Konflikti mes palëve nisi pas denoncimit të grupit të PD-së se në zonën e “5 Majit” po lëvizte një makinë ku socialistët po shpërndanin lekë për zgjedhjet. Në kërkim për ngjarjen është shpallur Kelmend Xhaferri i njohur edhe si Kel Çami.

Detaje të reja janë mësuar nga vrasja e Pjerin Xhuvanit pasditen e sotme në qytetin e Elbasanit.

Një automjet tip “ML” pa targa shumë pranë vendit të ngjarjes thuhet se i përket viktimës Pjerin Xhuvani.

Lidhur me këtë makinë kandidati i PD-së në Elbasan, Gazmend Bardhi është shprehur se i përket Xhuvanit ndërsa e ka cilësuar si një eksponent kriminal.

Kandidati për deputet i Partisë Demokratike, Gazmend Bardhi  tha automjeti me të cilin udhëtonte Pjerin Xhuvani ishte e mbushur me para dhe karta identiteti ku dyshohej se do bëheshin pazare për të blerë votat në qytetin e Elbasanit.

Forcat e policisë kanë hapur makinën e zezë, nga pamjet e siguruara nga Abcnews.al në vendin e ngjarjes duket se në makinë ka disa dokumente dhe fletë të bardha por për shkak të distancës dhe sekretit hetimor ende nuk është saktësuar se çfarë janë ato.

Nga përplasja në Elbasan mbetën të plagosur edhe katër persona, një prej të cilëve efektive e forcave Shqiponja.

Arbër Papleka, autori i vrasjes pas dorëzimit në polici ka pohuar se ka qëlluar për vetëmbrojtje dhe nuk kishte qëllim të ekzekutonte aktivistin e PS.

Bëhet me dije se Papleka ka thënë se personat që po lëviznin me makinën me para dhe karta identiteti kanë qëlluar me arme ndaj tyre, pasi i kanë ndaluar për ti denoncuar në polici.

ELBASAN

Sekretari i përgjithshëm i PD Gazment Bardhi, ka reaguar në një prononcim për mediat pak pas vrasjes në Elbasan.

“Aty i kishit, pse s’i kapet, kapeni me median (u drejtohet policeve). Nuk kam shumë informacion, makina që shikoni atje është e mbushur me karta identiteti dhe para e drejtuar nga prej ekspenontëve të krimti të organizuar dhe vendngjarjen e shikoni vetë. Kaq kam për të thënë, janë një grup personash, shtabi elektoral i vetëm elektoral i Taulant Ballës në qytetin e Elbasanit.”- u shpreh Bardhi.

Një furgon është pikasur si i dyshimtë dhe që shpërndante para dhe për këtë arsye është njoftuar policia e Elbasanit. Gazetarja Klodiana Lala raportoi për “BalkanWb” se sot rreth mesditës PD ka sinjalizuar policinë se një automjet pa targa që sipas tyre po shpërndante para dhe në këtë automjet kishte karta ID të votuesve dhe fletë votimi po qarkullonte në qytet.

Më pas Arbër Paplekaj i ngarkuar me punë nga PD për të mbrojtur votën dhe pjesë e shtabit të PD në Elbasan ka shkuar për të ndaluar furgonin dhe më pas ka ndodhur konflikti.

Arbër Papleka, autori i vrasjes së Pjerin Xhuvanit pas dorëzimit në polici ka pohuar se ka qëlluar për vetëmbrojtje dhe nuk kishte qëllim të ekzekutonte aktivistin e PS.

Bëhet me dije se Papleka ka thënë se personat që po lëviznin me makinën me para dhe karta identiteti kanë qëlluar me arme ndaj tyre, pasi i kanë ndaluar për ti denoncuar në polici.

Papleka nuk ka pranuar të ketë qëlluar me dashje në drejtim të Xhuvanit dhe ka thënë se e gjitha ka filluar pas një denoncimi për shpërndarje parash.

“Ne shkuam për ti ndaluar se morëm një denoncim që një makinë shpërndante para. Shkuam për t’i ndaluar por ata qëlluan me armë zjarri ndaj nesh,” ka thënë ai.

Ngjarja ndodhi në lagjen “5 Maj” të Elbasanit. I vrarë mbeti aktivisti i Partisë Socialiste për Elbasanin, Pjerin Xhuvani ndërsa të plagosur kanë mbetur një efektive policie, Kelmend Xhaferri si edhe një tjetër person, ende i paidentifikuar.

Policja Xhensila Sota ka marrë një plumb në këmbë, ndërsa në gjendje të rëndë në spital ndodhet një tjetër person, i cili dyshohet se është dhëndri i viktimës Pjerin Xhuvani.

Nga të dhënat paraprake mësohet se përplasja me armë ka ndodhur për shkak të zgjedhjeve, ku dyshohet se një makinë e shtabit të PS-së është kapur nga mbështetësit e PD-së duke shpërndarë para në këmbim të votës.

Fjalori i madh i Gjuhës shqipe është një prej projekteve më të mëdha të Akademisë së Shkencave. Profesor Jani Thomai ka dhënë detaje mbi grupin e punës dhe pritshmëritë.

Ndërsa promovoi Fjalorin e Xhuvanit, për te cilin tha se është ripunuar dhe përfshin leksikun e pas ‘90-es, ai ju pergjigj pyetjeve per fjalorin e madh të gjuhës shqipe.

“Fjalori i madh do të ketë rreth 100 mijë njesi gjuhësore e leksiko- frazeologjike” tha ai.

Ai bëri me dije grupin e punës që sipas tij do të jetë bashkëpunim i Akademisë së Shkencave të Shqipërisë, Akademisë së Shkencave të Kosovës, Institutit Albanologjik të Prishtinës, Akademisë së Studimeve Albanologjike ne Shqipëri, universitetet, etj.

Puna për Fjalorin e madh sapo ka filluar, me informatizimin e skedave. Ai theksoi se në fjalorin e ri, se shpjegimet ideologjike të bartura do të eliminohen.

Policia e Kavajës ka arrestuar tre autorët e plagosjes së aktivistit të Partisë Demokratike në Kavajë, Bledar Okshtuni.

Në pranga kanë rënë shtetasi Ndriçim Jonuzi (Tahiri), i cili plagosi me armë zjarri në këmbë brenda zyrës elektorale të PD Okshtunin, si dhe dy autorët e tjerë, Dorjan Troplini dhe Markel Shtylla, të cilët nisën të parët konfliktin, duke e qëlluar atë me grushte.

Incidenti i rëndë u rregjistrua mbrëmjen e së hënës në Kavajë, në një nga zyrat elektorale të Partisë Demokratike në Kavajë.

Personi që ka qëlluar me armë, Ndriçim Jonuzi, rezulton me të kaluar kriminale.

Të tre personat e arrestuar ndodhen në Komisariatin e Kavajës, dhe akuzohen si autorë të plagosjes me armë të aktivistit të PD-së, Bledi Okshtuni.

“Nga specialistët për Hetimin e Krimit në Komisariatin e Policisë Kavajë u arrestuan shtetasit: N. T.(J.), 45 vjeç, për veprat penale “Armëmbajtja pa leje” dhe “Plagosja e rëndë me dashje”, dhe D. T., 29 vjeç dhe M. Sh., 29 vjeç për veprën penale “Moskallëzim i krimit”. Këta shtetas ishin të shpallur në kërkim, pasi më datë 19.04.2021, shtetasi N. T. ka plagosur me armë zjarri në këmbë shtetasin B. O., ndërsa shtetasit D. T dhe M. Sh. nuk kanë kallëzuar për krimin”, thuhet në njoftimin e policisë.

Presidenti i Republikës Ilir Meta tha në konferencën e pasdites së sotme se patronazhistët kanë mbërritur deri tek vajza e tij. Meta tha se patronazhistët i thonë t’i thotë babit të mos pijë, të jetë i qetë dhe të ruajë figurën e Presidentit.

Por, tha Meta, – si mund ta ruajë figurën e Presidentit kur i gjithë shtetit është në survejim, duke përmendur prokurorë, gjykatës.

”Patronazhistët më ngacmojnë edhe vajzën e vogël, që e kam pikë të dobët. Para pak ditësh kur thashë një intervistë, i kishin çuar një lajm që sikur unë kisha sulmuar gruan e zotit Damian dhe më thotë “Babai mos pi më të lutëm, nuk ke pse merresh me gruan e tjetrit”.

Kur shikoj lajmin unë, thashë mos kam bërë ndonjë lapsus, “Jo mo thash unë thashë gurunë, jo gruan dhe marr Tendin (zëdhënësin). Kur më thotë Tedi do ta korrigjojmë se është gabim. Dhe i çojnë gocës patronazhistët, thuaj babit të qetësohet, se paska pirë shumë, paska pirë shumë, të jetë i qetë. Të ruaj figurën e presidentit”.

Të ruajë figurën e Presidentit kur i gjithë shteti është në survejim. Se ka problem fare presidenti se është në survejim.” u shpreh presidenti Meta.

Jemi në disa ditë mjaft historike për 100 vitet që vijnë. Ndaj i ftoj të gjithë deri më 25-26 prill të ndjekin Facebook-un tim sepse nuk mund t’i bëj sponsor se jam president dhe nuk më shkon se mund të mbyten në reklama”, deklaroi Meta.

TIRANË

Presidenti Ilir Meta shkruan në një postim në “Facebook” se 25 prilli është referendum kundër “fuks-shtetit”.

Sipas Kreut të Shtetit, “punësimi nga Partia-Shtet i 10 mijë vetëve më shumë se një vit më parë në administratën publike, qëllimisht në prag të zgjedhjeve, është ndërhyrje flagrante në procesin zgjedhor”.

Teksa publikon një shkrim të “Monitor” për fenomenin e shit-blerjes së votave, Meta thekson se këto vende pune paguhen me taksat e qytetarëve duke e rënduar edhe më shumë gjendjen e tyre ekonomike.

Mesazhi i Metës:

25 PRILLI, REFERENDUM KUNDËR FUKS-SHTETIT! 🇦🇱
Punësimi nga Partia-Shtet i 10 mijë vetëve më shumë se një vit më parë në administratën publike, qëllimisht në prag të zgjedhjeve, është ndërhyrje flagrante në procesin zgjedhor.
Këto vende pune, të cilat nuk kanë asnjë ndikim në zhvillimin shoqëror dhe ekonomik të Shqipërisë, paguhen me taksat e qytetarëve duke e rënduar edhe më shumë gjendjen e tyre ekonomike.
Ndërsa shteti i kapur, hap 10 mijë vende pune në administratën publike, pa asnjë vlerë, për të “rehatuar” kryesisht patronazhistët, dhjetëra mijëra vende pune humbin në sektorët prodhues dhe mijëra biznese mbyllen dhe falimentojnë.
Mirë që na survejojnë, por edhe t’i mbajmë me rroga për këtë!
Prandaj 25 Prilli, është referendum popullor kundër FUKS-SHTETIT, i vënë tërësisht në shërbim të survejimit dhe patronazhistëve.
Me votën e tij plebishitare Sovrani më 25 Prill, rivendos rendin kushtetues dhe shtetin e së drejtës. 🇦🇱

Presidenti Ilir Meta ka publikuar letrën e politikanes gjermane Rezarta Reimann, nënkryetare e Grupit Socialdemokrat në Këshillin Bashkiak të Schuabach në Gjermani, që i ka shkruar Ramës, për përdorimin e të dhënave personale. Politikania gjermane shprehet se e gjitha sjell një shije shumë të keqe dhe imazh të pariparueshëm për qeverisjen në Shqipëri.

Meta, duke komentuar letrën e politikanes gjermane dërguar Ramës, nënvizon se përdorimi i të dhënave personale të qytetarëve, është një lajm tronditës dhe se organet e drejtësisë duhet që të veprojnë me shpejtësi. Kreu i Shtetit shton se më 25 prill, regjimi i fuksave do të marrë fund.

Postimi i presidentit Ilir Meta:

Vjedhja nga sistemi digjital kombëtar dhe përdorimi politik i të dhënave personale, përmes metodave diktatoriale, është një lajm tronditës për çdo shqiptar por dhe për çdo europian.

Ndaj të njëjtin shqetësim të thellë dhe u bëj thirrje organeve të drejtësisë të veprojnë me shpejtësi duke nxjerrë para përgjegjësisë ligjore ideatorët dhe ekzekutorët e këtyre praktikave survejimi e përndjekjeje, që e kthejnë vendin vite pas dhe i nxijnë faqen Shqipërisë kudo në botë.

Pyetjet legjitime të ngritura nga përfaqësuesja e SPD duhej në fakt të kishin alarmuar Komisionerin për Mbrojtjen e të Dhënave Personale, Avokatin e Popullit dhe çdo institucion shtetëror, që e kanë detyrë kushtetuese dhe ligjore mbrojtjen e lirive dhe të drejtave të njeriut, demokracisë dhe shtetit ligjor.

Më 25 prill regjimi i fuksave do të marrë fund njëherë e përgjithmonë! 🇦🇱

TIRANË

Presidenti i Republikës, Ilir Meta, i përgjigjet me tone të ashpra kryeministrit Edi Rama, lidhur me deklaratat e këtij të fundit se “patronazhistët e dinë është që Presidenti do dalë nga kjo fushatë i rruar dhe i qethur”.

Përmes një postimi në “Facebook”, Kreu i Shtetit e cilëson ramën “Kryefuks”, ndërsa thekson se regjimi i fuksave ka mbaruar. Sipas Metës, referendumi ër rivendosjen e Demokracisë do triumfojë shumë bindshëm!

Reagimi i Metës:

Të dashur “patronazhistë”,
Mos e dëgjoni Kryefuksin se regjimi i fuksave ka mbaruar!
Kryefuksi e di më mirë se kushdo tjetër.
Nga djali i atij, që firmosi varjen e poetit Havzi Nela dhe për të cilin u shpreh krenar, që ishte në anën e duhur të historisë, shqiptarët nuk mund të presin asnjë reflektim dhe garanci për respektimin e shtetit ligjor dhe të drejtave të tyre kushtetuese.
Të gjithë me qetësi dhe vendosmëri drejt 25 Prillit!
Referendumi për rivendosjen e Demokracisë do triumfojë shumë bindshëm! 🇦🇱

TIRANË

Analisti Artur Zheji ka folur në “Pikat mbi i” në News24 për çështjen e fundit të hedhur në skenën politike, përdorimi i të dhënave personale të qytetarëve shqiptarë, për të cilat akuzohet partia Socialiste.

Zheji ka zbërthyer ‘skemën’ se si funksionon database me të dhënat e votuesve, duke e cilësuar një krim kushtetues dhe një lojë ankth itë partisë në pushtet që ndjen se po humb pushtetin.

“Të mundohemi të bëjmë një shpjegim për publikun e gjerë që të kuptojnë çfarë është për opinionin e gjerë.
Është zbuluar papritur e pakujtuar një skandal i barabitshëm me atë të Ëatergate, që rrëzoi presidentin Bush Senior. U zbulua që shërbimet sekrete të Presidentit në pushtet kishin depërtuar në selitë partiake të Partisë Demokratike amerikane të asaj kohe për të marrë të dhënat e kundërshtarit politik në fushatë elektorale. Kjo u zbulua dhe Bushi i vjetër dha dorëheqjen.

Patronazhisti është një personazh me siguri me të kaluar ish-spiun ose shumë i talentuar për të çështje spiunazhi, i cili këqyr 10 zgjedhës potencialë për të nuhatur nëse kanë si target votimi partinë që kanë pasur, një parti të re apo janë të lëkundur. Është shpikja më e re e shqiptarëve, e kanë quajtur patronazhist, dikur në kohën e komunizmit quhej i plotfuqishmi i lagjes. Ai ishte në fakt për të kapur krimet. Këta e kanë transformuar një pozicion të sigurimit në proces elektoral që ky është një krim kushtetues padiskutim, pa diskutim. Mënyra e organizimit është me celula. Ky këqyr 10 dhe raporton. Për shembull kishte dhe emra shumë të shquar, si Ardit Gjebra. Në 2013 Ardit Gjebrea ka votuar PD-në, por tani sipas patronazhistit ka një orientim majtas. Dhe ti dhe ne jemi futur në database-in paralel të patronazhistëve, që nuk është më një database…
Është e njëjta skemë e huazuar në sigurimin e shtetit, të gjitha institucionet kishin një personazh që ishin rekrutuesi, bazisti, nuk i mbaj mend të tjerët, në 10-15 veta ishte njëri që i mbikëqyrte. Ka devijacione, kanë thënë gjë. bënin një material të madh informativ dhe e çonin për përpunim për të distiluar atë që quhet identikiti i personit. Është një tentativë për të distiluar identikitin e votuesit dhe unë them që e gjitha kjo është një lojë ankthi e partisë shtet në pushtet që e ndjen se po i rrëshqet pushteti. ”, deklaroi Zheji.

Sipas Zhejit patronazhisti kushton dhe gjithçka varet nga financat e një partie.

“Patronazhisti bën dy funksione. Ai dedekton dhe me ata që ai mund të mbyll vetë ndonjë ‘deal’, e mbyll. Është strukturë militariste, që vjen nga diktatura. E-Albania i duhet për të update-uar informacionet. Po të ishin zgjedhjet në shator, djali im do të votonte, por tani jo pasi e ka ditëlindjen në gusht. E-Albania të jep brezin e parë të votuesve. Nëse babai nuk voton PS, nuk merren me djalin. Djalin e llogarisin si votë kundra potenciale. Patronazhisti kushton. Kush ka më shumë lekë nga partitë, ai ka më shumë patronazhist. Ai është strukturë qelizore. Ky kujdestari do të marrë diçka, një lekë shtesë dhe një rrogë misterioze shtesë. Problemi është se kush i paguan këta? Një dorë misterioze. Partia më me lekë dihet se kush është. Aty nuk ka liri, por metodë. Metoda është kalkulim.”, tha ai.

“Patronazhimi”/ Murati: S’besoj se do zbardhet, partitë bashkëfajtore. Zheji: Jo simetrike

Më tej Zheji tha se vepra penale është sheshit dhe se është finalizimi i një krimi, tentativë e kapjes së zgjedhjeve, por se opozita nuk ka pse të trembet.
“Këtu ka aq shumë paudhësira, sa vepra penale është sheshit. Gjykatat tona nuk e zgjidhin. Këtu ekstremet e veprës penale janë interpretim i standardit mizerabël që kemi. Boll fakti që një person do mbikëqyrë 10 persona. Është një lojë obskurantiste që e çon aq mbrapa Shqipërinë. Mund të tundohen ta përdorin të gjitha partitë, por nuk ia dali ndot.
E përdor kush është i pasur, kush ka çuna problematikë, kush ka buxhet. Është deduksioni i një krimi që vjen shkallë-shkallë. Është kaskada e një krimi, është finalizimi. Është tentativa e kapjes së zgjedhjeve. Nuk ka pse të trembet opozita nga kjo. Kjo tregon trembjen e maxhorancës”, tha Zheji.

Për Erl Muratin të gjitha partitë janë bashkëfajtore, duke sjellë shembull si ka ndodhur patronazhimi në 2011.
“Në zgjedhjet vendore të vitit 2011 unë kam miq që jetojnë jashtë, kanë ardhur në Shqipëri me bileta të paguara dhe kanë votuar dhe kanë ikur. ky është patronazhim. Pa diskutim është korrupsion, t’i thuash dikujt që unë do të sjell në vend, të paguaj biletën dhe të vish të votosh për mua.
Standardi i drejtësisë shqiptarë është shumë i ulët. Vijon të jetë i ulët. Reforma në drejtësi nuk po jep rezultatet e veta. Mendoj se është e vonuar.
Nuk besoj se çështja e përdorimit të të dhënave nuk do të zbardhet. Partitë politike e kanë të lehtë ta kamuflojnë. Këtu janë të gjithë bashkëfajtorë në këtë pikë. Të gjitha partitë politike e përdorin në një farë mënyre patronazhimi. I takon drejtësisë”, deklaroi Murati.

Ndërsa Zheji e kundërshtoi duke thënë se nuk është simetrike dhe se patronazhimin e bën kush ka para.
“Nuk mendoj që janë të gjitha partitë njësoj. Asnjëherë nuk ka ndodhur një detajizim, një përpjekje kaq skrupuloze për të shkuar si ajo vaditja izraelite. Këta të maxhorancës janë në shkretëtirë fryme dhe mundohet të marrin metodat e sigurimit. Kanë bërë një planizim ushtarako-securitade. Kjo gjë shënon frikë. Është krejtësisht e paligjshme, por fitimtari nuk gjykohet. Nuk do funksionojë. Nuk është simetrike, nuk janë të gjitha partitë kështu. E para se nuk i kanë mundësitë. PS po bëhet trashëgimtare e partisë së punës. Është regres, po rikthen partinë e re socialiste në partinë e vjetër të punës. Nuk mendoj që do ndikojë, është reagim disproporcional”, deklaroi Zheji.

Kryeministri Edi Rama, në një takim me të rinjtë e Tiranës, shpjegoi kuptimin e fjalës “patronazhist”, fjalë kjo e lakuar së shumti javët e fundit.

Ai tha se patronazhisti është shkolla e parë e politikës dhe është një mision që i dërgon ata shtëpi më shtëpi dhe i pyet për problematikat e tyre.

Rama, iu përgjigj dhe deklaratave të presidentit Ilir Meta, i cili ditën e djeshme tha se “patronazhistët janë fuksa”. Rama tha se mesazhi i tij është i qartë: “Patronazhistëve u marrshin të keqen”.

“Përfshirja në një parti politike është sfida më e madhe që një njeri zgjedh në moshën tuaj, pasi aty janë përtalljet më të forta, drejtpërdrejta dhe ndikuese për të nesërmen. Ju jeni patronazhistë, si ju ka dhe plot të tjerë. Në këto ditë fjala patronazhist është lakuar shumë, por prej disave përdoret si fjalë për të krijuar idenë e një gogoli që ka dalë në Tiranë dhe kontrollon njerëz. Patronazhisti nuk është figurë që u shpik në Shqipëri, s’e krijuam ne. Patronazhisti është figura kyçe e historisë së zgjedhjeve dhe historisë së përballjeve mes dy partive më të mëdha të botës, Partisë Republikane dhe Demokratike në SHBA. Patronazhisti kotnribuon aty ku i takohet, të kontaktojë me një numër të caktuar familjesh, të komunikojë me kategori të ndryshme dhe të mbajë shënim, se çfarë perceptimi ka për ata që takon, janë majtas, djathtas, janë të vendosur, të lëkundur. Kështu që, le të thonë ç’të duan ata. Patronazhimi është klasa e parë e shkollës së madhe politike, ku kush ka ambicien, dëshirën, këmbënguljen për të shkuar në klasa më të mëdha e fillon nga patronazhisti. Mund të jenë dhe 60 vjec dhe vijon të jetë patronazhist, si aktivist i partisë politike.

Mesazhi për patronazhistët duke filluar nga Ilir Meta, patronazhistëve t’u merrni të keqen. Edhe mos harroni asnjëherë, patronazhistët ju njohin kush jeni. Ne ju njohim dhe me 25 prill do e shihni kush jemi. Kur votat të numërohen do e kuptoni se përse ne juve ju mundim, do ju mundim. Edi Rama është vetëm patronazhisti më i gjatë. Edhe pjesa tjetër, ana tjetër e medaljes, patronazhistët tanë s’kanë makina të shtrenjta. Nuk ka patronazhist me Hummer, Bently, Ferrari, Toyota. Ata kujtojnë se po ikin përpara duke u futur në karvan me Lamburgini dhe duke bredhur nëpër Shqipëri, patronazhistët tanë nuk bredhin, ata ecin. Ecin dhe ndalojnë. Sepse në çdo hap, marrin shënim, kush je? Si e ke emrin? Si të duket situata? Për kë ke votuar më përpara? Kë do të votosh këtë herë? Po mamin? Babi c’thotë? Ndërkohë që ata mendojnë se Shqipëria është rrugëve duke pritur në çdo cep”, u shpreh Rama.

(BalkanWeb)

Covidi i ka marrë jetën pasditen e të premtes ish-futbollistit të njohur të qytetit të Cërrikut, Ndriçim Beshiri.

Ai njihej si një nga futbollistët më të shquar të Turbinës së Cërrikut. Beshiri u nda nga jeta në moshën 61-vjeçare pasi pësoi trombozë pasi kaloi Covid. Të gjithë besonin se e fitoi betejën me Covid, por tromboza i mori jetën.

Ai u dërgua në spital por mbijetoi dot. Çimi ose Gurashi siç njihej ndryshe nga miqtë dhe shokët e tij, ka luajtur me Turbinën që me moshat e deri tek ekipi i parë në vitet 1977-1990.

Më pas ka shërbyer për disa kohë si zv/trajner i ekipit të Turbines, detyrë që e kreu më së miri. Klubi i Turbinës i ka shprehur ngushëllimet më të sinqerta, fëmijëve të tij dhe njerëzve më të dashur të familjes Beshiri.

Presidenti i Shqipërisë, Ilir Meta ka paralajmëruar se detyrimi i shtetit shqiptar ndaj biznesmenit Francesco Becchetti është vetëm fillimi.

Për Metën, zbrazja e buxhetit për të paguar Becchetti-n është shpërdorim kriminal i parave të shqiptarëve.

Ai thotë se janë edhe 235 milionë euro me probabilitet të lartë për t’u paguar si dëmshpërblim, prandaj 25 prilli është referendum popullor për të çuar para drejtësisë shpërdoruesit e parave.

STATUSI NGA ILIR META

Zbrazja e buxhetit për të paguar Becchetti-n është shpërdorim kriminal i parave të shqiptarëve.

Është një grabitje e të ardhurave buxhetore më të ulëta në rajon në raport më PPB (27%) të cilat janë 10 pikë më poshtë se mesatarja europiane.

Dhe nuk është vetëm Becchetti. Ai është vetëm fillimi, sepse në radhë janë edhe plot 235 milionë euro me probabilitet të lartë për t’u paguar si dëmshpërblim nga papërgjegjshmëria dhe shpërdorimi.

Prandaj 25 Prilli është referendum popullor për të çuar para drejtësisë, shpërdoruesit e parave të shqiptarëve. 🇦🇱

Ipeshkvi i Dioqezës së Rrëshenit, Dom Gjergj Meta në emër të Kishës Katolike të Shqipërisë ka përcjellë një mesazh qytetarëve shqiptarë për zgjedhjet e 25 prillit.

Dom Gjergj Meta thotë se Kisha kërkon zgjedhje transparente dhe të ndershme.

Ai bën thirrje që mos votohen për deputetë kandidatët me të kaluar të dyshimtë, teksa thekson se kush shet votën për para s’ka zë për të kërkuar llogari, kurse ai që shfrytëzon varfërinë për të blerë vota, s’ka të drejtë të ulet në parlament.

FJALA NGA DOM GJERGJ META

Faleminderit! Privilegj të komunikosh me ju. Këtë herë në zgjedhjet e përgjithshme Ipeshkvitë e kemi ndarë mesazhin tonë në dy pjesë, do t’ju them skematikisht për pjesën e parë të këtij mesazhi që caktohet tek sfidat që presin qeverinë e ardhshme. Sfidae parë është ajo e pandemisë, sidomos krijimi i strategjive gjatë dhe post-covid, që kanë të bëjnë me pasojat.

Sfida e dytë është Rindërtimi, sa më shpejt i shtëpive të rrënuara nga tërmeti i 2019. Kërkohet një proces zgjedhjet transparent dhe të ndershme.

Sfida tjetër themelore është forcimi i institucioneve. Kemi një Reforëm në Drejtësi në letër, duhettë aplikohet shpejt.

Nëj tjetër është braktisja e vendit nga të rinjtë dhe të rejat, lufta ndaj varfërisë, zhvillimi i vendit në zona urbane dhe rurale. Arsimi, kjo pandemi por dhe në përgjithësi, arsimi në zonat e thella.

E fundit por jo për nga rëndësia, është lufta ndaj korrupsionit, plagë akute e shoqërisë tonë.

Prandaj neve mendojmë që këto janë sfidat e rëndësishme me të cilat duhet të përballen në muajt në vazhdim, vitet në vazhdim. Do doja t’ju lexoja pjesën e dytë, që ka të bëjë me rreziqet që mund të ketë ky proce zgjedhor.

Në vigjilje të këtyre zgjedhjeve do të donim të ftonim gjithë qytetarët të marrin pjesë në këtë moment të jetës dmokrtike. Është e drejtë dhe detyrë e çdo qytetari. Pjesëmarrja në votime është detyrim moral. Së dyti, ashtu sikurse e kemi ritheksuar edhe në deklaratat e mëparshme, është fenomeni i shitblerjes së votës, plagë e madhe që duhet zhdukur. Kush shet votën me para, s’ka zë për të kërkuar llogari. Kush e blen votën me para nuk është i denjë për karrigen e deputetit.

Bashkëngjitur shitblerjes është betimi mbi libër të shenjtë, beja është e papranueshme në këtë rast. I papranueshëm votimi mbi kërcënim, puna është fryt i aftësisë, jo i partisë.

Nuk është rasti të votohen kandidatë me të kaluar të dyfishtë. Integriteti duhet të jetë kusht i domosdoshëm. Qytetari të votojë kandidatët transparentë dhe me integritet.

Duhet të theksojmë se qytetarët kanë të drejtë dhe detyrë të votojnë. Mos keqpërdorin votën, mos shiten. Do ishte dëm i madh. Urojmë më 25 prill secili të ushtrojë të drejtën e votës. I lutemi zotit që me ndërmjetësim të nënës së Këshillit të Mirë, të ndihmojë shqiptarët për jetën e vendit. Ju falënderoj për punën e madhe që bëni. Shpresoj që vendi ynë të dalë më i mirë nga zgjedhjet e 25 prillit.

Këshillii Ministrave ka miratuar marrëveshjen për blerjen e vaksinës ruse kundër COVID-19 “Sputnik V”. Vendimi është publikuar në fletoren zyrtare, ku thuhet se marrëveshja është lidhur ndërmjet “Human Vaccine” LLC dhe Ministrisë së Shëndetësisë dhe Mbrojtjes Sociale të Shqipërisë, ministrit të Shtetit për Rindërtimin të Shqipërisë dhe Institutit të Shëndetit Publik, për furnizimin e Republikës së Shqipërisë me vaksinën “Sputnik V”, të zhvilluar nga Instituti Kombëtar i Kërkimit Gamaleya për Epidemiologjinë dhe Mikrobiologjinë në Rusi”.

Ndër të tjera, neni 1 i aktit normativ, pika 2 thekson se kjo marrëveshje për shkak të sekretit tregtar dhe kërkesës së shprehur në marrëveshje nga “Human Vaccine” LLC nuk do të publikohet në asnjë website të institucioneve apo në fletoren zyrtare dhe institucionet e përfshira në dhënien e mendimit e të miratimit apo që janë pjesë e procesit kanë detyrimin të mos bëjnë publike marrëveshjen bashkëlidhur këtij akti normativ apo pjesë të saj.

AKTI NORMATIV
Akt normativ nr.16, datë 7.4.2021 për miratimin e tekstit të marrëveshjes ndërmjet “Human Vaccine” LLC dhe Ministrisë së Shëndetësisë dhe Mbrojtjes Sociale të Shqipërisë, ministrit të Shtetit për Rindërtimin të Shqipërisë dhe Institutit të Shëndetit Publik, për furnizimin e Republikës së Shqipërisë me vaksinën kundër COVID-19 “Sputnik V”, të zhvilluar nga Instituti Kombëtar i Kërkimit Gamaleya për epidemiologjinë dhe mikrobiologjinë në Rusi në mbështetje të nenit 101 të kushtetutës, me propozimin e ministrit të shëndetësisë dhe mbrojtjes sociale dhe Ministrit të Shtetit për Rindërtimin, Këshilli i Ministrave Vendosi:

Neni 1
Miratimi i tekstit të marrëveshjes
1. Miratimin e tekstit të marrëveshjes ndërmjet “Human Vaccine” LLC dhe Ministrisë së Shëndetësisë dhe Mbrojtjes Sociale të Shqipërisë, Ministrit të Shtetit për Rindërtimin të Shqipërisë dhe Institutit të Shëndetit Publik, për furnizimin e Republikës së Shqipërisë me vaksinën “Sputnik V”, të zhvilluar nga Instituti Kombëtar i kërkimit Gamaleya për epidemiologjinë dhe mikrobiologjinë në Rusi.

2. Marrëveshja për furnizimin ndërmjet “Human Vaccine” LLC dhe Ministrisë së Shëndetësisë dhe Mbrojtjes Sociale të Shqipërisë, ministrit të Shtetit për Rindërtimin të Shqipërisë dhe Institutit të Shëndetit Publik për shkak të sekretit tregtar dhe kërkesës së shprehur në marrëveshje nga “Human Vaccine” LLC nuk do të publikohet në asnjë website të institucioneve apo në fletoren zyrtare.

3. Të gjitha institucionet e përfshira në dhënien e mendimit e të miratimit apo që janë pjesë e procesit kanë detyrimin të mos bëjnë publike marrëveshjen bashkëlidhur këtij akti normativ apo pjesë të saj.

4. Detyrimet e organeve shtetërore dhe përjashtimet nga detyrimet për furnizimin e vaksinës anticovid, të përcaktuara në aktin normativ nr.1, datë 10.1.2021, të Këshillit të Ministrave, të ndryshuar, janë të njëjta edhe për furnizimin e vaksinës kundër COVID-19 “Sputnik V”, të zhvilluar nga Instituti Kombëtar i Kërkimit Gamaleya për epidemiologjinë dhe mikrobiologjinë në Rusi, furnizuar për Shqipërinë nga “Human Vaccine” LLC, sipas kushteve të tekstit të marrëveshjes bashkëlidhur këtij akti normativ.

Neni 2
Efektet financiare
Efektet financiare, që rrjedhin nga marrëveshja bashkëlidhur këtij akti normativ, përballohen nga fondi rezervë i buxhetit të shtetit, për vitin 2021.

Neni 3
Hyrja në fuqi
Ky akt normativ hyn në fuqi menjëherë dhe botohet në fletoren zyrtare.
Zëvendës kryeministër Erion Braçe

Prokuroria e Posaçme ka nisur hetimet në lidhje me përdorimin e të dhënave personale të qytetarëve, të cilat qarkulluan dje në media, në kuadër të zgjedhjeve të 25 prillit.

Hetimi nisi pasi në media u publikuan të dhëna e E-Albania për qytetarët.

Kreu i SPAK, Arben Kraja theksoi se po bëhen verifikime. “Po bëjmë verifikime, por nuk ka ende denoncime”, tha ai.

Ditën e djeshme reagoi dhe Partia Demokratike, duke e cilësuar çështjen si skandal, ndërsa bëri me dije se do i drejtohej SPAK me një padi, duke akuzuar kështu PS-në. Në database, janë të dhënat për 910 mijë qytetarë të Tiranës, ku tregohet numri ID i kartës së identitetit apo vendi i punës etj.

DEKLARATA E PD
“Përdorimi i të dhënave personale të portalit E-Albania, nga Rama dhe PS është një shkelje flagrante e privatësisë së qytetarëve. Në mënyrë të paprecedentë, në selinë e PS janë vendosur kompjutera dhe servera që përgjojnë dhe përdorin të dhëna personale të qytetarëve, të marra nga portali E-Albania. Është arritur të sigurohet databaze. Në të ka të dhëna konfidenciale të plot 910 mijë votuesve të Tiranës, nga 19 deri në 99 vjeç.

Dokumenti përmban të dhënat personale të secilit prej nesh, si numrat e telefonit, numrin e ID, numri i qendrës së votimit, vendi i punës, dhe përshkrim të përkatësisë politike për secilin prej qytetarëve të Tiranës. Përdoren të dhënat që ne ia kemi besuar shtetit. Përdorimi i databazës nga Rama dhe PS përbën vepër penale. PD po përgatit padi, që do dorëzohet në SPAK. PD do ta ndjekë hap pas hapi në rrugë ligjore këtë çështje, shqiptarët duan të ndihen të sigurt. Rama nuk kursen as të vjedhë e të përdorë të dhënat e qytetarëve. Më 25 prill, shqiptarët do kenë qeveri që kujdeset për ta”, deklaroi dje Enkelejd Alibeaj.