Tiranë

Kandidati për deputet i LSI-së Lefter Maliqi, i ftuar në emisionin “Front line” në “News 24” nga gazetarja Marsela Karapanço, deklaroi se Rama në zgjedhjet e 25 prillit nuk mori as 55 mandate, pasi të tjerat ishin të vjedhura.

“LSI pretendonte 20 mandate, por kjo organizatë kriminale goditi aktivistët e Lëvizjes Socialiste për Integrim. PD-në e lanë pak a shumë të lirë. Kjo sepse dihej se LSI kishte rol kyç në fitore. Besoj se Rama nuk do ta gëzojë mandatin. Rezultati përfundimtar do të hetohet, do nisë numërimi fletë për fletë i votave. Presim edhe ndryshim rezultati, edhe pse me blerje votash. U vodh demokracia.

U bë krimi më makabër, edhe në 1996 nuk ka ndodhur kjo gjë. Rama nuk mori as 55 mandate të pastra, sepse pjesa tjetër është grabitje votash. Do të bëhet numërimi i votave fletë për fletë, do të shkojë në të gjitha organizmat ndërkombëtarë, të jeni të bindur se reagimi do jetë i madh. Duhen bërë edhe protesta për situatën e rëndë ku jemi. Këtë vjedhje të madhe nuk e pranoj. Rama është djall në shpirt. Meta është problem për Rilindjen, është “kafshë politike” po të jetë në bazë. Thirrjet e tij janë për mbrojtje të të drejtave të njeriut”, tha Maliqi.

Lefter Maliqi nënvizoi se zgjedhjet ishin një vjedhje e hapur, duke shtuar se votat u fituan nga krimi e bandat.

“Banditët me paratë e pista të PPP dhe të drogës, e lekëve të marra borxhe në Europë, i bën presion administratës së shtetit,  duke blerë votat. Zgjedhjet nuk i njoh dhe opozita nuk i njeh zgjedhjet. Kjo ishte një vjedhje e hapur. Votat erdhën nga krimi e bandat. Mund të themi se nuk ka Prokurori dhe polici, më saktë nuk funksionojnë. Krimet elektorale të Dibrës dhe të Durrësit dihen shumë mirë e nuk ndodh asgjë, s’ka procedime a arrestime. Rama ka shtrydhur Majkon dhe Lleshajn, duke i nxjerrë në rrugë. Kemi banda, policë, përdorën legalizimet, përdorën lekët e shtetit, shantazhimi që u bë, u rritën listat e përkrahjes sociale në muajt e fundit, nuk ka ndodhur kurrë grabitje kaq e madhe votash. Nëse opozita pranon këtë rezultat, ta gëzojë diktaturën. Në këto zgjedhje u vodh e ardhmja”, u shpreh Maliqi. bw

Akademia e Shkencave ka ngritur grupin e punës për rishkrimin e historisë së shqiptarëve. Në të përfshihen edhe trevat jashtështetërore, sikundër do rishqyrtohen debatet e mëdha për të sjellë një tekst sintetik me qëllim përkthimin në gjuhën angleze. Nga antikiteti në ditët tona, debatet do rihapen per Esat Pashen, luftën a trajtimin e komunizmit.

Historiani Beqir Meta thotë se “duhet parë gjithë kostelacioni i dokumenteve për të parë se çfarë roli luajti Esat Pashë Toptani në luftën e Shkodrës. Përpara ka qenë trajtuar në këndvështrim negativ” tha ai. I pyetur për qasjen mbi komunizmin dhe vetë kampin e Tepelenës, Meta sqaroi: “se Kampi i Tepelenës ka qenë një kamp pune i detyrueshëm ku kanë vuajtur shumë njerëz e familje por ku edhe kanë vdekur fëmijë. Kjo periudhë ka një memorie të gjallë historike”.

Nga Meta te Paskal Milo, Pëllumb Xhufi, Neritan Ceka, Muzafer Korkuti, Mareglen Verli, Apollon Baçe e Luan Përzhita, me projektin do të merren emrat e konsoliduar në shkencë, ndërsa më të rinjtë janë pak, duke lënë jashtë autorët e diasporës. Ndarja me ballistë e partizanë duket se do vazhdojë përmes dokumenteve të reja.

Profesor Paskal Milo flet për risi. “Do të fillojmë me një fakt historik të panjohur. Që ka të bëjë me Mithat Frashërin, i cili 1-3 maj 1944 ka takuar Napolon Zerven, një nga përgjegjësit kryesorë të shfarosjes së popullsisë çame dhe kryetari i Ballit Kombëtar është ulur në bisedime me të për të bashkëpunuar në kohën e luftës”, tha Milo, duke cituar mandej një letër të një ushtari që shkruan nga Shkodra më 29 nëntor, çka rikthen debatin e çlirimit.

Projekti madhor do të zgjasë deri më 2023. Historia bashkë me Fjalorin e Madh dhe Enciklopedinë kushtojnë 100 mln lek të reja, ose një miliard dollarë, duke bërë që secili më vete të kushtojë rreth 300 mln lekë të vjetra.

Çështja e Teatrit Kombëtar do të shqyrtohet së shpejti nga Gjykata Kushtetuese. Gazetarja Klodiana Lala raportoi për “BalkanWeb” se Kushtetuesja ka caktuar 3 qershorin datën e seancës kur do të shqyrtohet padia e Presidentit të Republikës për Teatrin Kombëtar, i shembur një vit më parë me vendim të Këshillit Bashkiak, një vendim i kundërshtuar nga opozita dhe shoqëria civile.

Teatri Kombëtar u shemb mëngjesin e 17 majit, ngjarje që solli protesta dhe përplasje mes policisë dhe aktivistëve për mbrojtjen e Teatrit, me të cilët ishte rreshtuar dhe opozita.

TIRANË

Presidenca i përgjigjet kreut të Grupit Parlamentar të PS, Taulant Balla, i cili sulmoi sot nga foltorja e Kuvendit Presidentin Ilir Meta, teksa tha se nisma për shkarkimin e këtij të fundit nuk është tentativë për të kapur institucionin e Kreut të Shtetit, por për të zgjedhur një President mbi palët për rrugën europiane të Shqipërisë.

Zëdhënësi i Metës, Tedi Blushi, shkruan në “Facebook” se vëmendja ndaj Parlamentit me zero opozitë është zero, ndërsa bën thirrje që të hapen kutitë e zgjedhjeve të 25 prillit.

“Zero vëmendje ndaj Parlamentit me Zero opozitë. Ndryshimi është brenda në kuti. Hapni kutitë! Numëroni dhe rinumëroni me transparencë çdo votë sipas Kodit Zgjedhor. Çdo shkelje dhe manipulim të evidentohet me qetësi deri në fund të procesit! Shqiptarëve nuk mund t’ju grabitet kurrsesi vota dhe vullneti i shprehur përmes saj. 🇦🇱”, shkruan Blushi.

Deputeti i sapozgjedhur i PD, pedagogu Agron Gjekmarkaj, me anë të një statusi në “Facebook” shkruan se zgjedhjet e 25 prillit ishin më të trukuarat në histori.

Gjekmarkaj thekson se nëë këto zgjedhje, shteti, Rilindja e “të fortët” vepruan sikur të jenë struktura mafioze. Sipas tij, “në Shqiperinë e vitit 2021 zgjedhjet ranë dhe ato i vrau Edi Rama me urdinë e vet, por bashke me to edhe qetësinë e tij makbethiane”.

Postimi i Agron Gjekmarkajt:

Rënia e Zgjedhjeve
Zgjedhjet e 25 Prillit do të mbahen mend si zgjedhjet më të trukuara në histori! Shteti, “Rilindja” dhe “të fortët” u bënë një! Të gjithë bashkë vepruan si strukturë mafioze! Ata me një inxhinjeri të sofistifikuar manipulimi ndryshuan verdiktin popullor! Admistrata u vu në presion prej muajsh ku gjithkujt ju dha një formular patronazhi, mjetet e saj të gjitha në sherbim të Partisë! Policia dhe Prokuroria siç deshmuan me ngjarjen e rënde të Elbasanit po edhe kudo tjeter u bënë palë! Buxheti i shtetit u shpernda siç qe rasti i Durrësit si ylyfe zgjedhore tre dite para votimit diku 45 milionë euro si ndihme për Termetin  duke jua futur në bankë dhe lajmeruar me sms -dilni merrni bakshishin që Xhajë Edi ka menduar për ju! Njesoj ndodhi edhe kudo tjeter ku ka patur pasoja termeti duke ofruar 5 milion lek te vjetra edhe për një plasaritje! ! Diten e premtë e të shtunë para votimit u shperndanë tollona nafte per bujqit pikerisht në atë moment ! Me legalizimet si mënyrë e favorizimit në këmbim të votes është bërë tjeter maskaradë.

Mijëra vete u punesuan perkohesisht nga bashkitë e uzurpuara pa zgjedhje ( të cilet tani një nga një do dalin në fresk)! Një makineri e tërë sondazhesh antiopozitare u financua per muaj të tërë kunder opozites !! Patronazhimi i mbi 900 mije vetave një fakt e projekt makaber ky për shantazhimin e shoqerisë! Atentati ndaj kushtetutes me të cilin ndryshoi kodin zgjedhor e si produkt mori 5-6 deputetë me shume duke lëne pa perfaqesim mijera vota! Partizat e vogla që u krijuan me ngut e nxitim të sponsorizuara nga pushteti megjithese dolen si rruar qethur sherbyen sa munden me zell e pervujtni ! Në fund qershia mbi torte shit – blerja masive nga grupet kriminale në ato zona ku mjerimi dhe frika bëjnë llogari ditore e jo më gjatë!  Në Lezhë një qytetar që denoncoi u arrestua dhe ndryshoi deshmine prove kjo e trysnisë!

Gati 80 mijë vota u shpallen të pavlefshme ngaqë fleta e votimit u bë si leter bizhozi në të cilen të ngaterrohej dreqi e i biri! Në disa vende permes pamjesh filmike u shfaqen cucat e inceneratorve që nxirrnin të pavlefshme fletet e votimit! E megjithatë Edi Rama mblodhi vetem 35 mijë vota më shumë sesa opozita pas kesaj masakre! Pushtetit i intereson të bëjë zhurnë rreth opozites, rreth Presidentit që të spostohet vemendja! Por zgjedhjet nuk harrohen ato janë aty të vdekura, një kufome që qelb e ndyn ! Maskarada e masakra po faktohen ditë pas dite duke prezantuar para opinionit publik dhe atij nderkombetar Rënien e Zgjedhjve dhe krizen me të madhe ku jemi perfshirë në keto 30 vjet ! PD nuk do ti lënë qytetaret vetem as kauzen e zgjedhjeve skutave të harreses!

Ne jemi krenar per betejen që bëmë! Mund të qortohemi per naivitet se pranuam betejen e pabarabartë me korrupsionin dhe krimin ! Për këtë marrim pergjeqsi! Por shumë shpejt Edi Rama dhe kasta që e rrethon me një ekonomi të falimentuar, lundertar mes genjeshtrash elektorale do ju tregojë gishtin e mesit siç bëri në Shkoder se asgjë nuk realizon! Të gjitha i ka genjeshtra si në 2013 ashtu në 2017 e ku e ku me shumë në 2021! Kerkojani rruget dhe aeroportet, rrogat dhe pensionet, kerkojani e shumëçka tjeter qe premtoi në kembim do merrni talljet e tij!! Shqiperia sot është në udhekryq dhe prej tij duhet ta nxjerrin demokratë e socialistë të gjithë ata që aspirojnë një jetë normale në një vend normal pasi ta pranojnë rënien e ketyre zgjedhjeve! Kulari i zgjedhjeve të vjedhura do jua rëndonë qafen edhe të majtve. Kush mendon se demokratet do ta ulin koken, do t’i binden verdiktit të manipuluar nuk ka kuptuar asgjë nga historia e ketij vendi që reagon duke i djegur  etapat!!! Edi Rama mund të krenohet që vodhi zgjedhjet! Por nuk do ti gezohet gjatë dhe si çdokush që vjedh nuk është i qete por shqetesimi i tij do të rritet ditë pas ditë ! Si Lezha, Mirdita dhe Kurbini jo larg  e gjithë Shqiperia do të jetë zonë e lirë! Demokratet sot janë të vjedhur, qytetaret e tjerë po ashtu! Ata do ta rimarrin voten e tyre për ta ndryshuar këtë vend dhe historinë e tij bashkohore me cuba e hajdutë zgjedhjesh! Në Shqiperinë e vitit 2021 zgjedhjet ranë! Ato i vrau Edi Rama me urdinë e vet por bashke me to edhe qetesinë e tij makbethiane! Shumë është nxituar për të bërë feste!

Zbardhen detaje nga takimi i kryedemokratit, Lulzim Basha me strukturat drejtuese të Partisë Demokratike. Gazetari Osman Stafa ka siguruar për ‘BalkanWeb’ qëndrimin e Bashës para sekretarëve dhe krerëve të degëve të PD-së, ku deklaroi se nuk e njihte rezultatin e zgjedhjeve të 25 prillit, ku PS-ja fitoi 74 mandate, pasi sipas tij nuk ishin të lira e të ndershme dhe jashtë standardeve.

Duke iu referuar burimeve, Stafa tha se javën e ardhshme, Basha do të zhvillojë ture nëpër në çdo degë të PD-së, për të mbledhur prova për manipulimet. Mes të tjerash ai iu delegoi një porosi krerëve të PD-së në rrethe që të mbledhin prova që dëshmojnë vjedhjen e zgjedhjeve.

“PD nuk mund të njohë një proces zgjedhor si ai i 25 prillit. Mos bini në kurthin e kundërshtarit. Mblidhni faktet e manipulimeve. Ne jemi duke grumbulluar fakte në rrugë ligjore për të mos njohur procesin e 25 prillit. Javën e ardhshme do të nis tur në çdo degë të PD-së”, u shpreh Basha para drejtuesve të PD-së në rrethe.

“Është e rrezikshme të jesh gazetar në kohët e sotme.”.

Kështu deklaron ambasadori i OSBE-së në Tiranë, Vincenzo Del Monaco dhe ajo e Suedisë, Elsa Håstad në kuadër të Ditës Botërore të Lirisë së Shtypit. Sipas tyre, gazetarët janë më të ekspozuar ndaj ngacmimeve, ndërsa shtojnë se të gjitha qeveritë duhet të garantojnë sigurinë e tyre.

“Është e rrezikshme të jesh gazetar në kohët e sotme. Gazetaret janë më të ekspozuara ndaj ngacmimeve. Media e sigurt është oksigjen për çdo demokraci. Të gjitha qeveritë duhet të garantojnë sigurinë e gazetarëve. Në Shqipëri, ne punojmë çdo ditë për këtë”, thanë ata.

BalkanWeb

Ish-presidenti Bamir Topi, i ftuar në ‘Kjo Javë’ në ‘News24’ komentoi zgjedhjet e 25 prillit dhe humbjen e Partisë Demokratike.

Topi tha se pa gjate fushatës nga një krah liderin e PD-së, Lulzim Basha shumë optimist për rezultatin që do të vinte pas zgjedhjeve, dhe një PS bëri një fushatë të dobët.

Duke u ndalur tek kërkesa brenda PD-së e disa zërave për dorëheqjen e Bashës, Topi iu ka dalë kundër. Mes të tjerash ai tha se tek kjo palë ka mungesë sinqeriteti dhe hipokrizi, pasi ata shkojnë e hedhin shigjetat diku tjetër, por sipas tij vatra është Berisha.

PS merr një mandat të tretë qeverisës. Si e patë si proces zgjedhor?
Pashë dy kampe ku njëri kamp që konsiderohet fitues ishte një shtrat inercie e një fushatë të zakonshme, pashë dhe një optimizëm të një lideri opozitë. Në fakt ja ku jemi sot, historia është ndryshe. Kemi një konfirmim për herë të tretë të zotit Rama, i cili vjen në pushtet pa asnjë lloj mundimi. Madje dy fushatat e para kanë enë si simbolikë timoni dhe tepsia. Kjo e treta dëshmon se gjerat edhe këtu në Shqipëri janë në llojin e vetë. Nga kampi i opozitës një sjellje politike që demonstrohet me veprime in-ekstremes dhe nuk mbrohet. Ja ku jemi sot, rikonfirmim për herë të tretë dhe humbje për herë të katërt.

Si ishte fushata e PD?
Jo gjithmonë grumbullimet janë indikatorë të fitores. Është tipar i takimeve të PD dhe i së djathtës, që sjell entuziazëm, e bazon tek aparenca e anës psikologjike. Sot mbas gati 30 vitesh jemi në të njëjtën shfaqje. Gjerat sipas meje duhet të kishin ndryshuar, edhe nga pikëpamja e demonstrimit. Sikurse është lidershipi i ri, forma dhe përmbajtja e fushatës duhet të jetë tjetër gjë. Është e njëjta skenë. Dy gishta lartë, hip mbi makinë. 50 njerëz që të krijojnë atmosferën sikur janë 5 mijë njerëz dhe asgjë më shumë. Vijmë në fushatën e tretë të socialistëve, ku pakënaqësia e shoqërisë është e qartë, e dukshme dhe këtu vjen rezultati paradoksal. Fushatë e dobët e Edi Ramës dhe ai vjen prapë. Fitorja nuk bëhet me fjalë.

Pse humbi PD? I kujt është faji?
Unë do të kërkoj në një farë mënyrë që të përdor një metaforë nga fusha e mjekësisë. Bëhet fjalë për një organizëm të sëmurë, zoti Basha përfaqëson shenjën e dhimbjes, ndërsa vatra e dhimbjes është diku tjetër. Kam parë te PD, tek njerëzit që kanë dalë pas humbjes, që janë grupuar në dy drejtime, nga njëra anë për të rrëzuar Bashën. dhe e dyta; nxitimi i një pjesë për të mbrojtur apriori Bashën. Të dy palët, qoftë ata që janë përjashtuar në 20017, qoftë ata që s’janë pjesë e listës tani, kanë mungesë sinqeritet, hipokrizi, shkojnë e hedhin shigjetat diku tjetër. Vatra është Berisha. Do ishte gabim nga unë nëse do rrëshqisja në planin personal. Vetë zoti Berisha e di, se di kush më mirë se ai. E di sepse është një njeri që e ka ndërtuar vetë atë klimë. E di fare mirë se nuk mjafton që të jesh i gëzuar që të kesh qeverinë. Në rast se sot do të them se cilat janë institucionet me më rëndësi në Shqipëri? Është kryeministri dhe kryetari i opozitës. Janë gati ekuivalent në fuqinë politike. Ndaj kjo është arsyeja e betejës së madhe për ruajtjen e pozitës së kreut të opozitës.

Partia Demokratike deklaroi sot se gjatë muajve mars dhe prill, bashkitë e kontrolluara nga Partia Socialiste dhanë 40 milionë euro për familjet e prekura nga tërmeti.

Oerd Bylykbashi tha sot se në javën zgjedhore bashkia e Durrësit ndau 6 milionë euro për familjet e dëmtuara nga tërmeti, 89 herë më shumë se sa ka shpërndarë në 15 muajt e fundit.

Sipas PD, gjatë 2 muajve të fundit, bashkitë e kontrolluar nga Rama kanë rritur në mënyrë fiktive vlerën e dëmeve të shkaktuara nga tërmet me qëllim blerjen e votave të familjeve të prekura.

DEKLARATË E PARTISË DEMOKRATIKE, OERD BYLYKBASHI
Ditë pas dite dalin në dritë fakte, prova dhe dëshmi të veprimeve të Rama-Doshit dhe bandave të tyre për të vjedhur zgjedhjet.

Media dhe organizata te shoqërisë civile kanë zbuluar dokumenta dhe të dhëna që provojnë se qeveria përdori dhjetëra miliona euro fonde publike për të blerë votën e qytetarëve në zonat e prekura nga tërmeti.

Sipas këtyre fakteve Edi Rama në bashkëpunim me të emëruarit e tij në bashkitë e Durrësit, Tiranës, Kavajës, Kamzës, Lezhës, Rrogozhinës, Vorës, Krujës, Laçait dhe Mirditës ka shpërndarë 40 milion euro edhe 2 ditë përpara datës së zgjedhjeve.

Gjate dy muajve të fundit, bashkitë e kontrolluara 100% nga Rama kanë rritur në mënyrë fiktive vlerën e dëmeve të shkaktuara nga tërmeti me qëllim që të blejnë votën e familjeve të prekura.

Objekte të vlerësuara sipas kategorisë DS1 u rivlerësuan si të kategorisë DS2 dhe objekte të vlerësuara sipas kategorisë DS2 u rivlerësuan si objekte të kategorisë DS3.
Gjatë 2 muajve të fundit Rama miratoi 20 VKM për të lejuar disbursimin e paligjshëm të këtyre shumave marramendëse në llogaritë e qytetarëve të targetuar nga makineria qeveritare e manipulimit të votës.

Gjatë muajit mars, bashkitë e kontrolluara nga Rama disbursuan në llogaritë e familjeve të këtyre zonave 14 milion euro. 26 milion euro të tjera u disbursuan në llogaritë e qytetarëve gjatë muajit prill.

Vetëm gjate javës zgjedhore Bashkia e Durresit ndau 6 milion euro për procesin e rindërtimit, 89 herë më shumë se sa ka shpërndarë në 15 muajt e fundit.

Kodi elektoral e ndalon qeverinë të përfshihet në veprimtari të tilla të influencimit dhe orientimit të votës duke përdorur fondet publike gjatë 4 muajve të fundit përpara zgjedhjeve. Për këtë rast flagrant prokuroria nuk ka nisur ende asnjë hetim.

Këto janë disa prova të tjera të manipulimit dhe shtrembërimit të vullnetit të shqiptarëve më 25 prill nga regjimi Rama-Doshi. PD edhe në ditët e ardhshme do të vijojë të denoncojë prova që faktojnë përfshirjen e Edi Ramës në makinerinë kriminale të blerjes së votës.

Një gjë është e sigurtë. Ne do të luftojmë me gjithë fuqinë dhe besimin e madh që qytetarët na dhanë në këto zgjedhje, që ta rrëzojmë regjimin Rama-Doshi.

DURRËS

Dhjetëra milionë dollarë dolën para zgjedhjeve nga arka e buxhetit të shtetit, drejt llogarive e mijëra familjeve në Durrës, Shijak, Kamzë, Vorë, Rrogozhinë, Kavajë, Mirditë, Lezhë dhe në të gjitha zonat e prekura nga tërmeti. Fondet ishin pjesë e të ashtëquajturit program rindërtimi. Përdoruesja më e madhe e fondeve rezulton bashkia e Durrësit me rreth 13,7 milionë dollarë, ndërkohë që përmes disa mbledhjeve seri të këshillit bashkiak janë përpiluar listat e përfiuesve. Kështu sipas dokumenteve zyrtare:

Në datën 4 shkurt, kryetarja e komanduar e Bashkisë së Durrësit, Emirjana Sako dhe këshilli bashkiak i këtij qyteti miratuan me urgjencë listën e parë me 806 familje, të cilat do të përfitonin mbi 2,5 milionë dollarë transferta cash nga qeveria si kompensim për dëmet e tërmetit.

Në 22.shkurt u miratua një tjetër listë me 1896 përfitues, ndërsa fondi i kompesimit llogaritet mbi 5,9 milionë dollarë. Në 14 prill, Bashkia miratoi listën e radhës me 1351 familje të tjera, të cilave në ditët e fundit para zgjedhjeve iu derdhën 4,5 milionë dollarë cash në llogaritë e tyre. Por nuk përfundon këtu 6 në ditë më vonë në 20 prill është miratuar lista tjetër me 241 familje të prekuara nga tërmeti, dhe që do të përfitonin rreth 800 mijë dollarë.

Madje jo vetëm kaq, por përmes disa vendimeve të javëve të fundit, bashkia e Durrësit ka ndryshuar kategorinë e dëmtimit për qindra familje durrsake, duke i ngjitur nga DS1 në DS2 apo nga DS2 në DS3, çka rrit automatikisht dhe vlerën e parave që ato përfitojnë nga qeveria.

Po ashtu sipas dokumenteve zyrtare, para zgjedhjeve bashkia u Durrësit ka shpërndarë 1,7 milion dollarë të tjera si grante për rindërtimin, për banorë të Manzës, Ishmit, Katundit të Ri dhe Rrashbullit me vlera nga 25 mijë dollarë deri në 34 mijë dollarë për familje, për një total prej 62 familjesh. Fonde të tilla kanë dalë dhe nga bashkitë e tjera që patën dëme nga tërmeti i 26 nëntorit 2019.

Përmes një postimi në facebook, dega e PD në Kavajë, shpreh mbështetjen për kryedemokratin Lulzim Basha sic shprehen ata në betejën e triumfit të moralit të politikës, në betejën për të ardhmen evropiane të Shqipërisë.

“Duke ju falenderuar te gjitheve, qytetare te Kavajes, Golemit, Helmesit, Synejit dhe Luzit per voten qe na dhate duke perbuzur blerjen me parate e krimit dhe duke sfiduar fuqine e makinerise se shtetit te vene ne dispozicion te Partise Socialiste, Partia Demokratike Kavaje ju eshte mirenjohese dhe do te vijoje betejat e saj perkrah lidershipit te Partise Demokratike ne çmontimin e farses elektorale dhe rikthimin e shpreses per shqiptaret.

Ne u beme pjese e nje fushate model te Partise Demokratike dhe lidershipit i saj Lulzim Basha, nje fushate me strategji pozitiviste, nje fushate qytetare qe ofroi nje program qe synonte rritjen e mireqenies se cdo qytetari ne Shqiperi.

E percollem kete program dere me dere me te rinjte e mrekullueshem qe iu bashkuan kesaj fushate dhe qe jane garanci e vijueshmerise se idealit tone demokratik.

Faleminderit ne menyre te vecante heronjve tane komisionere , numerues e vezhgues qe ndoqen deri ne voten e fundit, votën tuaj.
Jemi serish ne beteje; ne betejen e triumfit te moralit te politikes, ne betejen per te ardhmen evropiane te Shqiperise.”- thuhet në postim. bw

TIRANË

Presidenti i Republikës Ilir Meta ka reaguar pas lajmit se një kandidat në Fier është kërcënuar, pasi deklaroi se i kanë vjedhur votat në zgjedhjet e 25 prillit.

Presidenti Meta bën apel të mbrohen denoncuesit e krimeve zgjedhore dhe që të vijojë me transparencë të plotë procesi deri në rinumërimin e votës së fundit të sovranit.
“Të mbrohen denoncuesit e krimeve zgjedhore!
Të vazhdojë procesi me transparencë të plotë deri në rinumërimin e votës së fundit të Sovranit! 🇦🇱”, deklaron Meta.

Andi Turhanaj kandidat për deputet i partisë Aleanca Demokracia e Re e drejtuar nga Myslim Murrizi në zgjedhjet e 25 prillit në qarkun e Fierit ka kryer kallëzim penal në Policinë e Fierit.

Shkak për këtë është bërë një kërcenim që ai ka marrë mesditën e së premtes, pasi ishte shprehur se do t’i shkojë deri në fund zbardhjes se manipulimit të vjedhjes së votave të tij në këto zgjedhje.

Ai ka deklaruar se 2 ditë me parë është kërcënuar nga dy persona të panjohur pranë shtëpisë së tij. Sipas Turhanajt shkak mund të jenë bërë deklaratat e tij ku pretendon se janë manipuluar votat për partine që ai përfaqësoi në zgjedhjet e 25 prillit. Turhani është shprehur se çështjen do ta çojë edhe në prokurori. bw

Kreu i PD Fier, Luan Baçi ka falënderuar me një mesazh të gjithë mbështetësit, demokratët, koordinatorët dhe të gjithë ata që punuan gjatë fushatës dhe e votuan PD. Baçi shkruan se këto ishin zgjedhje pa zgjidhje dhe se misioni vazhdon, duke i dhënë mbështetje kreut të PD Lulzim Basha.

Teksa akuzon maxhorancën për vjedhjen e zgjedhjeve, ai thekson se rezultati në qarkun Fier, ishte inkurajues, me rikuperim të ndjeshëm, dy mandate më shumë nga 2017, pavarësisht presioneve.

POSTIMI I PLOTË
Zgjedhje pa zgjidhje!
Shumë të dashur bashkë qytetarë të Qarkut Fier!
Falënderim dhe mirënjohje, për çdo demokrat, për çdo simpatizant dhe votues të Partisë Demokratike.
Nderim për ju drejtues të Grup seksioneve dhe seksioneve, ju ishit gjeneralët e betejës!
Falënderim dhe respekt, për komisionerët, vëzhguesit, numëruesit dhe koordinatorët për punën e pa lodhur, korrektësinë dhe përkushtimin.
Nuk gjej fjalë falënderimi për ju të mrekullueshëm të forumit rinor, nuk ka më të mirë se ju!
Jeni të pa krahasueshme ju zonja të nderuara të LDG, jeni heroina të vërteta!
Respekt dhe mirënjohje për ju miq, dhe kolegë të biznesit dhe qytetarë të pa angazhuar, kontributi juaj është vlerë e shtuar!
Faleminderit qytetarë të Fierit, të Dërmenasit, Frakullës, Mbrostarit, Cakranit, Topojës, Libofshës, Qendrës, Portëzës, Levanit!
Mirënjohje, qytetarë të Lushnjës, Divjakës, Patosit, Roskovecit dhe Mallakastrës!
Rezultati në qarkun Fier, ishte inkurajues, me rikuperim të ndjeshëm, dy mandate më shumë nga 2017!
Zgjedhjet mbaruan, zgjidhje nuk ka!
Zgjidhje nuk ka, se zgjedhjet u vodhën përsëri, i filluan përgatitjet dy vjet para!
Administrata nën presion!
Drejtuesit e korruptuar rilindas, vunë shtetin në shërbim të pushtetit!
Punësime të shumta të pa ligjshme me militantë!
Investime elektorale gjatë fushatës!
Policia në shërbim të fushatës së Ramës!
Para të shumta në shumë familje të varfra, që shpërndaheshin nga drejtues të institucioneve, natën!
Ndihma dhe çdo lloj shërbimi, në shkëmbim të votës.
Vaksina e Covid-19 në funksion të votës!
Pushtetin me çdo çmim!
Zgjedhjet u bënë, zgjidhje nuk ka!
MISIONI VAZHDON, NE NUK NDALOJME!
Ne do të vazhdojmë të luftojmë, për demokracinë, për lirinë e votës dhe për një Shqipëri Europiane!
PARTIA DEMOKRATIKE DEGA FIER dhe unë personalisht si KRYETAR i saj, do të vazhdojmë betejën nën drejtimin e KRYETARIT tonë LULZIM BASHA!
Misioni i LULZIM BASHËS, vazhdon, ne jemi këtu të gjithë bashkë, ne nuk ndalojmë, ne do të vazhdojmë betejën deri në fitoren e Partisë Demokratike!
I ftojmë të gjithë të na bashkohen!
Pavarësisht se janë pak, por përsëri vlejnë!
Edhe ata që gjatë 8 viteve opozitë, bënin opozitën e opozitës!
Edhe ata që nuk folën një fjalë të vetme kundër Ramës!
Edhe ata që u gëzuan për rezultatin dhe kanë si qellim të vetëm të marrin drejtimin e partisë!
Edhe ata që emërohen përkohësisht dhe interesoheshin më shumë për ofiqet që do të merrnin në pushtetin e pritshëm dhe jo punën që duhej bërë!
Edhe të ngjashmit e tyre në degët e rretheve!
Këto zgjedhje nuk dhanë zgjidhje, nuk janë të pranueshme!
Misioni vazhdon me Lulzim Bashën, ne jemi bashke me të!
MISIONI VAZHDON!

Përmes një postimi në facebook, nënkryetari i PR-së Blendi Sulaj, shkruan se pas rezultatit në zgjedhje nuk është koha për të gjetur fajtorët, por për t’u bashkuar.

Ndërsa mbështet kreun e PD, Sulaj thekson se Lulzim Basha si askush tjetër ka luftuar krimin e organizuar, korrupsioni ka propozuar programin më të mire përpara shqiptarëve.

Postimi i plotë:

Lulzim Basha si askush tjetër ka luftuar krimin e organizuar, korrupsionin, ka propozuar programin më të mire përpara shqiptarëve dhe personalisht mendoj që është i vetmi lider apo individ i cili mund ta udhëheqi opozitën në luftën e fortë që e pret kundra këtij pushteti të egër i cili cdo ditë dhe më shumë do ta varfëroj Shqipëërinë dhe shqiptarët.

Nuk është koha të gjejmë fajtorët është koha të bashkohemi dhe vetëm të bashkuar mund dhe do t’ja shkurtojmë jetën kësaj qeverie. bw

Presidenti i Shqipërisë, Ilir Meta ka përcjellë një mesazh ngushëllimi për 45 viktimat e tragjedisë në festivalin Lag B’Omer në Izrael.

Meta thotë se tragjedia është një trishtim dhe hidhërim i madh, teksa thekson mbështetjen për popullin mik të izraelit.

Ai gjithashtu i uron shërim të shpejtë 150 të plagosurve të tjerë.

STATUSI NGA ILIR META

Trishtim dhe hidhërim i madh për tragjedinë e rëndë, që ndodhi gjatë festivalit Lag B’Omer në Mount Meron, në Izrael.

Ngushëllimet më të ndjera për familjet dhe të afërmit e viktimave.

Bashkë me lutjet tona i gjendemi pranë popullit mik izraelit dhe urojmë shërim të shpejtë dhe të plotë të të plagosurve.

Analisti Genc Burimi i ftuar në rubrikën ‘’Opinion’’ në News24 ka komentuar rezultatin e zgjedhjeve të opozitës, lëvizjet e fundit të PS, PD dhe LSI apo ndikimin amerikan.

Burimi thotë se Meta po luan si Trump, duke fituar kohë nëpërmjet rinumërimit të votave. Ai thotë se PS u nxitua me nismën për të shkarkuar Metën, pasi humbi një ‘aleat’ që do të njihte zgjedhjet.

Sipas tij nëse PS nuk e heq tani Metën ng President, nuk ka për ta bërë dot me parlamentin e ri të shtatorit.

‘’Jemi në situatë të cilën e prisnim, e prisnin këtë situatë disa analistë, kështu edhe ambasadorja amerikane, thirrjet, dukej se e kishte parashikuar që PS do të fitonte, dhe opozita do të refuzonte. Kjo po ndodh.

U pa në një fare mënyre se një ditë pas zgjedhjeve, Ilir Meta kërkoi të luajë kartën e qetësimit, por të nesërmen kur PS u hodh në mësymje, sot Meta hoqi maskën dhe tha që zgjedhjet

Po kërkon si Trump, që gjithçka të rinumërohet. PD është pak më e tërhequr. Basha ishte i qartë kur tha se beteja vijon, zgjedhjet u vodhën, u ndryshuan në mënyrë të pandershme Kodi Elektoral, u përdorën koncesionet për blerje votash. Basha priti momentin e deklarimit të humbjes nga KQZ për të thënë që zgjedhjet s’janë të ndershme. PD e tërhequr, nuk e di nëse do luajë kartën e mosnjohjes së zgjedhjeve duke hyrë në konflikt me SHBA, apo do të kërkojë rinumërim.

Jemi apo s’jemi në krizë politike. Nëse PD nuk nje zgjedhjet, do të thotë që mos hyjë më në parlament, të shtyhet sërish tryeza e parë ndërqeveritare për çeljen e negociatave. Kjo mund të jetë drama e radhës.

E qartë që kur themi opozitë, janë 3, PD, LSI, dhe brenda PD është Basha. Është opozita e Bashës që thotë zgjedhjet u vodhën, si Rama më 2009 që thoshte asojkohe dhe Blushi i kujtonte se nëse do humbte zgjedhjet do largohej.

Këtë kartë po luan Basha, nuk i humba zgjedhjet, por mi vodhën. Ke brenda PD që i thonë ti humbe, largohu, dhe PD të bëjë një Kryesi të re për të përballuar Ramën në 2025.

Thelbësore është ngutja e PS që të largojë sa më parë Ilir Metën. Po u mblodh parlament i ri, s’ka shans të largojë Metën. Nuk i ka 2/3 e votave me parlamentin e ri. PS nëse e humb dritaren, goditjen për të hequr Metën e humb atëhere. S’ka më vota për të hequr Metën, tani mund ta heqë.

PS duke u nxituar të heqë Metën, humb një aleat. Meta tregoi se i njihte zgjedhjet, por pas kësaj jo.

Rama s’ka nevojë për aleat, ka rezultatin e zgjedhjeve. Ka aleatin numër 1 që është SHBA. Problemi i vetëm i Ramës është hapja e negociatave. Konfrontimi me këto dy parti do e çojë Shqipërinë në fazë të rrezikshme.

Po nuk u hapën negociatat tani, ashtu siç e ka ngutshmërinë PS për të hequr Metën, ashtu e ka dhe Franca me Gjermaninë për të futur tani Shqipërinë.’’- tha Burimi.

Analisti thotë se SHBA e dinin rezultatin e këtyre zgjedhjeve, dhe madje janë të kënaqura prej tyre, teksa shton se nëse PD dhe LSI njohin zgjedhjet atëhere hapen negociatat me BE.

‘’Nëse PD dhe LSI vendosin mos njohin këto zgjedhje, nëse i njohin këto zgjedhje hapen negociatat. As ju, as unë, nuk e kanë marrë ende vendimin, prandaj ishte veprimi shumë i zgjuar i Ilir Metës, vetë SHBA numëroi votat.

Meta po luan bukur në drejtimin e tij, të numërohen votat. S’po thotë as PD, s’po thotë as nuk njoh zgjedhjet. Duhet të mbarojë numërimi, të dalë rezultati, të vijojnë ankesat. Imagjinoni rinumërim, do 2-3 muaj. Këto do shërbejnë për negociatat, Meta do negociojë me ndërkombëtarët, ok do njoh zgjedhjet por më lini President, edhe PD për njohjen e zgjedhjeve do të vendosë ndonjë kusht.

SHBA janë të kënaqur. Amerikanët janë mbrapa, i çuan mesazhe opozitës që jemi të gatshëm për bashkëqeverisje. Nuk doli nga hiri, jo nga Rama, ishte Palmer dhe amerikanët mbrapa. Ishte ide e bukur, mund të vijë prap në tavolinë.

Presionin e ka Rama, ose thotë s’më bëhet vonë fare hapen apo jo negociatat. SHBA duan patjetër negociatat, pasi Shqipëria ngelet preh e joshjeve ruso-kineze.

Duhet se s’bën, përndryshe është e rrezikshme. Kjo luhet tani deri në maj.

S’ka nevojë për rezistencë, që të jetë Biden apo Trump në fuqi, politika amerikane është shumë e atashuar në Shqipëri. Është tepër e rëndësishme për amerikanët. Nuk lejojnë më amerikanët këto njohim apo jo zgjedhjet.

Këtë po luan Meta, nuk bën negociata thotë, zbatoj ligjin si në Amerikë, siç donte Trump rinumërim dhe denoncoi. Meta fiton kohë 2-3 muaj, dhe amerikanëve kjo iu përshtatet.

Për amerikanët është e përshtatshme, do të donin të njiheshin menjëherë, por mjafton. Basha e ka marrë një kërcënim, vendi po hyn një krizë politike. Basha dha një mesazh të qartë që nuk i njeh këto zgjedhjet. Por tani është tërhequr, PD dhe LSI duan rinumërim, kanë dyshime, por nuk ia heq njeri këtë të drejtë. ‘’- tha ai.

Më tej, Burimi shprehet i sigurt se PS do të tërhiqet edhe kësaj radhe nga nisma për të shkarkuar Metën, teksa kërkon që Basha të largohet nga drejtimi i PD si fajtor i humbjeve në këto 8 vite.

‘’Për mendimin tim PS do të tërhiqet edhe këtë herë nga shkarkimi i Metës. Pasi pastaj Meta s’hyn në parlament. Por pikëpyetja është a do e ndjekë Basha apo jo. Se LSI 4 deputetë ka.

PD duhet të fillojë reformimin e brendshëm, Basha duhet të largohet. Ai është fajtor i humbjes. Nëse kjo parti nuk ndahet nga e kaluara, si Rama me Nanon në 2005. Kur Rama mori në dorë PS, u distancua nga Nano.’’- përfundoi Burimi.

(BalkanWeb)

Presidenti Ilir Meta ripërsërit thirrjen për hetimin e votave të pavlefshme të 25 prillit, ku dolën mbi 83 mijë fletë të pavlefshme.

Përmes një mesazhi në “Facebook”, Meta thekson se hetimi i këtyre votave me qetësi dhe transparencë maksimale është më i vlefshëm se kurrë.

Sipas Kreut të Shtetit, “Çdo votë të numërohet dhe rinumërohet deri në fund sipas Kodit Zgjedhor!”

Mesazhi i Metës:

Falenderoj të gjithë qytetarët shqiptarë, të cilët morrën pjesë masivisht në zgjedhjet e 25 prillit.
Referuar të dhënave zyrtare të institucioneve shtetërore, përllogaritet që nga rreth 2.242.147 qytetarë me të drejtë vote, kanë votuar 1.661.885 qytetarë.
Duke patur parasysh pamundësimin e ushtrimit të së drejtës së votës edhe përmes akteve të njëanshme normative, pjesëmarrja rekord më 25 prill e mbi 74% të qytetarëve rezidentë në Shqipëri me të drejtë vote, është shprehje e qartë e përgjegjësisë së lartë qytetare për fatet e vendit.
Ndërkohë që procesi zgjedhor vazhdon, e gjithë vëmendja duhet të jetë e përqendruar në evidentimin dhe hetimin e çdo parregullsie, që ka cenuar procesin dhe deformuar vullnetin e shprehur të qytetarëve.
Numri rekord i më shumë se 5% të votave të pavlefshme, nga të cilat shumica absolute qartësisht nuk ka qenë e shprehje e vullnetshme e pavlefshmërisë, kërkon një hetim urgjent dhe serioz.
Asnjë zhvendosje fokusi, deri në fund të procesit!
I vetmi hetim i vlefshëm tani është hetimi i votave të pavlefshme!
Shashkat e provokatorëve kanë vetëm një qëllim, shpërqëndrimin nga ajo që ka ndodhur në kutitë e votimit dhe gjatë numërimit.
Më i vlefshëm se kurrë, hetimi i votave të pavlefshme, me qetësi dhe transparencë maksimale!
Çdo votë të numërohet dhe rinumërohet deri në fund sipas Kodit Zgjedhor! 🇦🇱

Sekretari i Përgjithshëm i LSI, Endrit Braimllari, tha në një deklaratë për media se “po faktohet moment pas momenti masakra zgjedhore që ka ndodhur në 25 prill me autori mafien e Rilindjes në pushtet”.

Lidhur me këtë, Braimllari tha se ka depozituar kallëzim në SPAK “për manipulime të rënda të procesit zgjedhor nga komisionerët dhe drejtorët e Rilindjes që manipulonin votat duke bërë shënime dhe duke i bërë të pavlefshme”.

Deklaratë për mediat e Sekretarit të Përgjithshëm të LSI, Endrit Braimllari:

Të nderuar qytetarë është shume e qartë dhe po faktohet moment pas momenti masakra zgjedhore që ka ndodhur në 25 prill me autor mafian e Rilindjes në pushtet.
Të gjitha manipulimet, e pafund të procesit zgjedhor janë evidentuar dhe po evidentohen një për një.

Ndonëse KQZ nuk ka nxjerrë akoma rezultatet përfundimtare pas të cilit lind edhe e drejta e ankimimit kemi bërë tashmë gati një sërë denoncimesh.
Këto denoncime do të depozitohen menjëherë pas daljes së rezultatit përfundimtar.
Por, ndërkohë kemi depozituar kallëzim në SPAK për manipulime të rënda të procesit zgjedhor nga komisionerët dhe drejtorët e Rilindjes që manipulonin votat duke bërë shënime dhe duke i bërë të pavlefshme.
Do të depozitohet ankimimi për përsëritjen e zgjedhjeve në Qarkun e Gjirokastrës, për përjashtim antikushtetues dhe të paligjshëm, masiv të zgjedhësve nga e drejta për të votuar.
Do të depozitohet ankimimi për pavlefshmërinë të një sërë qendrash votimi në Berat.
Do të depozitohet ankimimi për Qarkun e Durrësit ne respect te parashikimeve ne kodin zgjedhore.
Do te depozitohet kërkesa për rinumërim në disa qarqe të vendit për shkak të manipulimeve dhe parregullsive të rënda në procesin e numërimit.
Si dhe vlerësimin e pavlefshmërisë së votave që lidhen me këtë process.
Kërkojmë nga KQZ, administrim me përgjegjësi absolute të të gjithë materialeve të votimit. Kërkojmë bllokimin e të gjitha materialeve të votimit dhe ruajtjen e tyre në respekt të ligjit dhe nën vëzhgim dhe monitorim me kamera.
Ndërkohë, do të vijojnë ankimimet në të gjitha qarqet pas kqyrjes së pamjeve filmike.
Ky evidentim dhe ky proces do të vazhdojë më përgjegjësi deri në fund për të zbardhur të vërtetën të masakrës dhe manipulimit që i është bërë vullnetit të shqiptarëve dhe votës së tyre.
Faleminderit.

TIRANË

Sekretari i përgjithshëm i PD-së Gazment Bardhi akuzoi sot kryeministrin Edi Rama dhe ministren e Infrastrukturës Belinda Balluku si personat në krye të operacionit kriminal të vjedhjes së zgjedhjeve duke përdorur legalizimet ne këmbim të votave.

Bardhi publikoi foto të bisedave të një grupi në whatsapp, i hapur sipas tij me urdhër të Belinda Ballukut drejtuar nga Këshilltarja e saj në Kabinetin e Ministrit Laureta Omeri.

“Përmes këtij personi, Belinda Balluku ekzekuton skemën e blerjes së votave, duke legalizuar banesa në këmbim të votave.” u shpreh Bardhi, ndërsa theksoi se ndonëse këto prova i janë vënë në dispozicion prokurorisë prej darës 12 prill, organi i akuzës nuk ka vepruar.

Deklarata e plote: 

Çdo ditë dalin në pah fakte, prova dhe dëshmi të veprimeve të Ramës/Doshit dhe bandave të tyre për të vjedhur zgjedhjet.

Provat që do të ekspozojmë sot faktojnë masakrën zgjedhore. Ato janë vënë në dispozicion të Prokurorisë prej datës 12 Prill dhe ajo deri në këtë moment nuk ka vepruar.

Kjo që shikoni në ekran është grupi i whatsapp i hapur me urdhër të Belinda Ballukut dhe drejtuar nga Këshilltarja e saj në Kabinetin e Ministrit Laureta Omeri. Përmes këtij personi, Belinda Balluku ekzekuton skemën e blerjes së votave, duke legalizuar banesa në këmbim të votave.

Kjo bisedë në whatsapp fakton se për më shumë se 1 muaj administrate publike është vënë në funksion të blerjes së zgjedhjeve.  Provat tregojnë se si PS jep leje legalizimi në këmbim të votës.

Në këtë bisedë ka detaje të ndërtesave dhe adresave përkatëse për të cilat shtabet elektorale të Partisë Socialiste urdhërojnë legalizimin e menjëhershëm para zgjedhjeve, në këmbëim të votës. Aty dalin në pah hartat e banesave, emrat e punonjësve të administratës publike në vënë në shërbim të kësaj skeme kriminale të blerjes së votës, emrat e votuesve, por edhe shumë informacione të tjera.
PD ka bërë kallzim kundër ministres Balluku dhe stafit të saj për krime elektorale, shpërdorim detyre dhe grup të strukturuar kriminal që prej datës 12 prill 2021.

Prokuroria nuk ka bërë asgjë as për ta ndalur, as për ta parandaluar dhe as për ta ndëshkuar këtë skemë të pastër kriminale të blerjes së votës në këmbim të legalizimit të banesës.

Kjo është një provë flagrante që provon se si Edi Rama dhe Belinda Balluku janë në krye të operacionit kriminal të vjedhjes së zgjedhjeve, duke shkelur ligjin dhe duke përdorur burimet shtetërore për të deformuar vullnetin e qytetarëve dhe rezultatin e zgjedhjeve.

Të gjithë shqiptarët janë të vetëdijshëm se se si kanë vepruar Rama-Doshi dhe bandat e pushtetit për të vjedhur dhe blerë rezultatet e zgjedhjeve të 25 prillit. Të tjera fakte dhe të dhëna do të publikohen në ditët në vijim.

Deklaratat sa për të larë gojën se prokurorët duhet të hetojnë krimet zgjedhore nuk mjaftojnë. Sot Prokurori i Përgjithshëm dhe Drejtuesi i SPAK kanë përpara tyre një krim të dyfishtë, atë të vjedhjes së zgjedhjeve dhe atë të mosveprimit të organit të prokurorisë për të parandaluar e ndëshkuar krimet zgjedhore të provuara. Ky rast flagrant është një provë sesa të përkushtuar janë vërtëtë këto organe për të përmbushur detyrën e tyre, sic pret opinion publik shqptar dhe partnerët tanë ndërkomëbtarë.

Një gjë është e sigurtë. Ne do të luftojmë me gjithë fuqinë dhe besimin e madh që qytetarët na dhanë në këto zgjedhje, që ta rrëzojmë regjimin Rama-Doshi.

TIRANË

Sapo kanë mbërritur 25 mijë doza të vaksinës ruse Sputnik V.

Prej fillimit të vaksinimit janë kryer në total 453,255 doza të vaksinës ndaj COVID-19, prej të cilave 353,491 vaksinime për persona mbi 60 vjeç. bw

Kryeministri i Kosovës, Albin Kurti, pretendon se dokumentet “non paper” të publikuara në ditët e fundit nga mediat në Ballkan, mund ta kenë prejardhjen nga Beogradi dhe Moska.

“Nuk besoj që autorët e këtyre janë kryeqytetet perëndimore, sigurisht që jo SHBA-ja dhe as ato evropiane. Besoj që kjo vjen nga Beogradi dhe verilindja. Është interes i Federatës Ruse ta përdor Ballkanin Perëndimor për të sulmuar Bashkimin Evropian dhe NATO-n”, tha Kurti në një intervistë për një grup gazetarësh të cilët po e përcjellin vizitën e tij në Bruksel.

Që nga mesi i muajit prill e deri më tash, në media janë publikuar dy të ashtuquajtur “non-paper”, si dokumente të pretenduara, në të cilat flitet për qasje të ndryshme për zgjidhjen e kontestit Kosovë-Serbi. “Non-paperi” i parë, i publikuar më 15 prill, pretendohet të jetë i kryeministrit të Sllovenisë, Janez Jansha, i dërguar për Këshillin e Evropës. Ai përmban propozimin e supozuar për ricaktimin e kufijve në Ballkanin Perëndimor, si një mënyrë për të zgjidhur problemin kronik ndërmjet gjashtë vendeve në rajon.

Këto pretendime janë hedhur poshtë nga Jansha, por edhe nga zyrtarë të Bashkimit Evropian.

Më 27 prill, në disa media në Kosovë është publikuar një “non-paper” tjetër, i cili është pretenduar të jetë hartuar nga Gjermania dhe Franca dhe i cili flet për themelimin e të ashtuquajturit “distriktit autonom të Kosovës së Veriut” dhe për njohjen e integritetit dhe sovranitetit territorial mes Kosovës dhe Serbisë.

Gjermania e ka hedhur poshtë vërtetësinë e “non-paperit” që u tha se është hartuar nga ajo dhe Franca.

I pyetur lidhur me këto dokumente, Përfaqësuesi i Lartë për Politikë të Jashtme dhe Siguri i Bashkimit Evropian, Josep Borrell tha se ai nuk punon me ‘non paper’ dhe i quajti dokumente fantazmë.

Borrell këto komente i bëri të enjten pas takimit me kryeministrin e Kosovws, Albin Kurti në Bruksel.

Në anën tjetër, presidenti i Serbisë, Aleksandar Vuçiq, ka deklaruar më 27 prill se “non-paper” i publikuar nga mediat në Prishtinë, e ka bërë dikush që është “shumë shumë i mençur”.

“Ka gjëra të cilat do iu kishin pëlqyer serbëve, por aty është edhe një gjë, të pranohet pavarësia e Kosovës, e që është shumë e keqe për serbët”, ka deklaruar Vuçiq gjatë një vizitë në jug të Serbisë.

Ai po ashtu shtoi se publikimi nuk është bërë pa arsye. Vuçiq tha se do t’i analizojë porositë për palën serbe dhe palën tjetër, por shtoi se për Serbinë është e papranueshme njohja e pavarësisë së Kosovës.

Çfarë është “non-paper”?
Në gjuhën e institucioneve evropiane, “non-paper” është dokument joformal, zakonisht pa theksim të qartë, i cili ekspozohet në negociata të mbyllura brenda institucioneve të BE-së, veçanërisht në Këshillin e Ministrave, në mënyrë që të kërkohet marrëveshja për ndonjë çështje të kontestuar procedurale ose politike.

“Non-paper” është formë e zakonshme komunikimi e një ose më shumë anëtareve të BE-së rreth një çështjeje të caktuar./REL/

Analisti Arjan Vasjari, i ftuar në emisionin “Real Story” në “News 24” deklaroi se kauzat e Ramës, të tilla si pandemia dhe rikuperimet nga tërmeti ranë.

Vasjari thekson se zonjat e nderuara në krye të listës së PS nuk u votuan sa duhet, duke shtuar se në fushatë janë involvuan personazhë të krimit.

“Shikoj konfuzitet në këto zgjedhje. Kryetarët e partive kanë dështuar në listat që kanë hartuar. Kauzat e Ramës si pandemia dhe tërmeti kanë rënë. Dy zonjat e nderuara nuk u votuan aq sa duhet. Rama u tregua i rafinuar, duke besuar se kauzat e tij do fitojnë, duke besuar se zonjat do merrnin vota, por nuk ndodhi kështu.

Nga këta zgjedhje ne si votues morën vetëm pikëpyetje. Elektorati ka asgjësuar kauzat që na promovoi Rama. Zonjat e nderuara nuk janë ata që Rama i vendosi aty, në sytë e elektoratit. Në fushatë janë involvuar shumë personazhë të krimit. Lehtësia për të korruptuar pjesë shumë të mëdha të shoqërisë është alarmante. Si ka mundësi që këta kandidatë marrin kaq shumë vota? Kjo gjë mua më shqetëson”, u shpreh Vasjari.

TIRANË

Fatos Lubonja ka sjellë sot në “Real Story” në News24 analizën e tij për fitoren e disa kandidatëve në zgjedhjet e 25 prillit dhe humbjen e disa të tjerëve. Lubonja tha se analiza e votës tregon që fiton kush ka më tepër para. Duke u ndalur tek fitorja e Fatmir Xhafajt në Tiranë, e parë në referimin si një njeri simbol i PS, sipas tij nuk qëndron, pasi e tregon humbja e Pandeli Majkos.

“Disa fenomene që janë për t’u komentuar. Gjëja që më tërhoqi më shumë vëmendjen ishte fakti se Ervin Bushati kryetar i PS të Tiranës, njeri që e kemi pasur nëpër studio, njeri që e njeh publiku është i rrezikuar.
Analizat më çojnë tek disa konkluzione. Konkluzioni i parë është që këtu kemi të bëjmë me fitoren e një partie socialiste dhe social demokrate, në kuptimin e programeve politike nënkupton partitë e pjesës së brishtë të shoqërisë. E djathta konsiderohet parti e më të pasurve dhe e majta përgjithësisht janë parti që përfaqësojnë shtresat më të brishta, ose dhe administratë, shkollat, mësuesit. Këta personazhet që më dalin këtu përgjithësisht janë njerëz të pasur. Analiza e votës tregon që fiton kush ka më tepër para. Paratë janë dy llojesh, para private të fituara privatisht, për mendimin tim ka dhe para të krimit sepse kemi ca personazhe në Durrës, të përfolur.
Kjo çon e para tek një parti që nuk përfaqëson atë që duhet të përfaqësojë si parti. E dyta tek momenti i diskutueshëm nëse këto zgjedhje kanë qenë të lira apo të blera. E treta, po marr dhe një fenomen tjetër që prapë është interesant. Pashë Fatmir Xhafën, thanë që fitoi kaq shumë se është vërtetë nga socialistët. Dhe unë kështu e mendova në fillim. Por edhe ne hetojmë. Hetimi i parë vjen nga një pikëpyetje, ore po ky Pandeli Majko pse kaq pak? Për mua lepuri fshihet pas tij. Unë e hedh si ide, po bëj analizë, ti ma shpjego mua. Ose ka marrë kaq shumë sepse ishte njeri simbol i PS ose ka diçka tjetër. Për simbol nuk më rri sepse është Majko më simbol i PS. Për mua lepuri fle diku tjetër. Le të hetojë OFL, unë nuk jam OFL. Unë i mëshoj tezës sime që këtu ka skema kush ka më shumë para, është organizuar, ka mobilizuar paratë dhe ka fituar, favore, tenderime, nuk e di. Edhe Luçiano Boçin unë nuk e njoh. Me logjikën që kam unë, me njohjen që kam unë, me aparencën që kam unë mund të ishte më mirë Bardhi se sa Boçi. Dyshimi im, mund të shkojë prapë tek kjo skema. Duhet gjetur diku se nga buron leku dhe për mua kjo është një gjë që është evidente.
Kush ka fituar më shumë dhe po të bësh një hetim të thjeshtë, ore çfarë biznesi ka ky, do gjesh shumë gjëra, për mua.
Unë kam parë ujkun ti më flet për gjurmën. Unë kam parë duke shpërndarë paratë me lista. Doli lista e Elbasanit, fenomen i përhapur tek të gjitha partitë”, tha Lubonja.

Duke u ndalur tek tkurrja e LSI, Lubonja bëri një shpjegim tjetër.
“LSI kishte 20 deputetë, mori 4. U kthye thonë në origjinë, kur lindi. Pse mori 20 LSI, sepse ishte parti pushteti, kishte drejtorë, kishte pas lidhje. Tani që iu hoqën të gjitha këto me operacione kirurgjikale nga PS dhe këta shkuan tek këta të tjerët, tek pushteti. Kjo shpjegon 20 në 4”, tha ai.

Jozefina Topalli njoftoi se do të largohet nga drejtimi i partisë Lëvizja për Ndryshim që krijoi pak kohë para zgjedhjeve të 25 prillit.

“Lëvizja për Ndryshim nuk ia doli për t’u bërë faktor në këto zgjedhje. 

Por unë dëshiroj të falënderoj stafin, secilin prej kandidatëve që sfiduan klasën politike aktuale; të falënderoj të gjithë ata që besuan.
Duke u larguar nga drejtimi i kësaj Lëvizje uroj që njerëz patriot dhe të pakorruptuar të vazhdojnë Lëvizjen për reformimin e së djathtës shqiptare”, shkruan Topalli.

Partia Lëvizja për Ndryshim nuk arriti të kalonte pragun në zgjedhjet parlamentare, duke marrë 7049 vota, ose 0.45% në rang vendi.

TIRANË

Presidenti i Republikës ka reaguar sot pas disa denoncimeve nga ish-deputetë dhe persona të tjerë për mesazhe fyese të marra nga Kreu i Shtetit. Zëdhënësi i Presidentit Meta, Tedi Blushi tha se këto akte vënë në rrezik sigurinë kombëtare dhe do kërkohet hetim i menjëhershëm.

Në një deklaratë për mediat, Blushi tha se këto akte të dëshpëruara, kanë për autor të gjithë ata që i blenë dhe i vodhën mandatet e deputetëve më 25 Prill dhe tani nuk po i gëzojnë dot.

Duke ju kërkuar ndjesë të gjithë qytetarëve, të cilët kanë marrë mesazhe të tilla, Presidenca iu kërkon ta venë në dijeni menjëherë.

“Në emër të Presidentit të Republikës Sh.T.Z Ilir Meta dënoj me forcë konsumimin e veprës penale të keqpërdorimit të mesazheve telefonike, gjoja në emër të Kryetarit të Shtetit, nga disa persona të identifikuar, që sipas të dhënave të siguruara, kanë dërguar këto ditë mesazhe me përmbajtje fyese dhe kërcënuese në adresë të disa qytetarëve.
Këto akte të dëshpëruara, kanë autorësinë e atyre të cilët i blenë dhe i vodhën mandatet e deputetëve më 25 Prill dhe tani nuk po i gëzojnë dot.
Duke ju kërkuar ndjesë të gjithë qytetarëve, të cilët kanë marrë mesazhe të tilla, ju lutemi të na venë dijeni menjëherë.
Për këtë skandal kriminal të keqpërdorimit të numrit të Presidentit të Republikes do kërkohet hetim i menjëhershëm edhe ndërkombëtar, pasi nëse institucionet tona do të ishin funksionale askush nuk do të guxonte të bënte akte të tilla të çmendura dhe të dënueshme ligjërisht, që mund të venë në rrezik serioz edhe sigurinë kombëtare të Republikës së Shqipërisë, vend anëtar i NATO-s.
Falenderojmë ish-kryetarin e Bashkisë Berat, z.Petrit Sinaj, ish-kryetarin e Bashkisë Skrapar z.Nesim Spahiu, deputetin Lefter Maliqi, ish-deputeten Silva Caka dhe shumë të tjerë, që na informuan menjëherë.
Edhe njëherë ju kërkojmë ndjesë të gjithë qytetarëve për shqetësimet, që u kanë krijuar mesazhe të tilla, që kanë vetëm një përgjegjës: Organizatën Rilindja.
Është pikërisht kjo organizatë, që në mënyrë mafioze dhe të paligjshme rrëmbeu të dhënat personale të të gjithë qytetarëve për qëllime survejimi politik elektoral dhe shantazhimi.
Kur guxojnë të bëjnë një krim të tillë duke guxuar të fabrikojnë numrin zyrtar të telefonit të Presidentit të Republikës, ç’mund t’u bëjnë këta banditë qytetarëve të thjeshtë?”, deklaroi Blushi.

Ambasadorja e SHBA, Yuri Kim i bashkohet thirrjes së Prokurorit të Përgjithshëm që prokurorët të hetojnë krimin zgjedhor.

Znj.Kim, thotë se SHBA e mbështet fort thirrjen e Çelës, teksa thekson se askush nuk është mbi ligjin.

Ajo po ashtu thekson se Reforma në Drejtësi kërkon që prokurorët të kryejnë detyrën me pavarësi e integritet.

Sot Prokurori i Përgjithshëm i bëri thirrje të gjithë prokurorëve të rretheve që të nisin hetimet për kallëzimet e bëra pranë KQZ e institucioneve të tjera lidhur me zgjedhjet e 25 prillit.

STATUSI NGA YURI KIM

Prokurori i Përgjithshëm Çela u ka kërkuar të gjithë prokurorëve në Shqipëri që të intensifikojnë hetimin dhe ndjekjen penale të krimeve zgjedhore. Supports e mbështet fuqimisht këtë thirrje. Reforma në Drejtësi kërkon që prokurorët të kryejnë detyrën e tyre me pavarësi dhe integritet. Askush nuk është mbi ligjin.

Kryeprokurori Oslian Çela i ka kërkuar të gjitha Prokurorive të Rretheve Gjyqësore në vend që të hetojnë çdo krim zgjedhor.

Kryeprokurori Çela thekson që prokurorët të marrin në trajtim të gjitha kallëzimet e bëra pranë KQZ apo institucionet e tjera dhe të nisin hetimet e nevojshme.

Shkrimi i plotë:

Në fazën e hetimeve paraprake, vlerësimi dhe trajtimi me prioritet dhe në afate optimale i cdo referimi apo kallëzimi për veprat penale që prekin zgjedhjet e lira dhe sistemin demokratik të zgjedhjeve, ose çdo vepre tjetër penale që dëmton procesin zgjedhor, i ekzistencës së kushteve/kritereve ligjore për regjistrimin e procedimit penal, i bashkërendit me KQZ për kallëzimet e paraqitura prej tij, dhe/ose me agjencitë ligjzatuese të specializuara për kryerjen e hetimeve proaktive, duke përdorur mjetet e posaçme të hetimit dhe rritjen e interesit të hetimeve për këto vepra penale.

1.1. Prokurorët i delegojnë veprimet hetimore të oficerëve të policisë gjyqësore të seksionit dhe/ose të shërbimeve policore në strukturat hetimore përkatëse, duke urdhëruar, si kryerjen e veprimeve intensive hetimore të nevojshme, ashtu dhe përcaktojnë afate kohore të përshpejtuara për kryerjen e tyre dhe mbikëqyrin periodikisht zbatimin e urdhërimeve të tyre, deri në përfundim të hetimeve paraprake për secilin procedim për këto vepra penale.

2. Prokurorët të rrisin prioritetin dhe intensitetin e veprimet procedurale, për të siguruar: -hetime të plota, gjithëpërfshirëse dhe afate sa më të shkurtra të çështjeve;- ngritjen e akuzës së në gjykatë bazuar në rrethanat e faktit të provuara dhe në ligjin material penal, e procedural të zbatueshëm, – përfaqësimin e akuzës/çështjes në gjykatë me pavarësi, profesionalizëm dhe integritet, duke garantuar mbrojtjen e zgjedhjeve të lirua dhe sistemin demokratik të zgjedhjeve, ashtu dhe liritë personale dhe interesat e ligjshme të shtetasve

3. Prokurorët në kërkesat për caktimin e masave të sigurimit personal dhe për caktimin e masave të dënimit për këto grupvepra penale, të ashpërsojnë kërkimet, si për llojin e masave të sigurimit personal, ashtu edhe për llojin e masat e dënimit për veprat penale, në fushën e zgjedhjeve më të përhapura me tendencë në rritje në shkallë vendi, apo në njësitë administrative në kompetencë tokësore të gjykatës pranë të cilës ushtron funksionet prokuroria.

4. Drejtuesi i prokurorisë, i cili përgjigjet për mbarëvajtjen e hetimeve të këtyre veprave penale, kur e vlerëson të nevojshme për mbarëvajtjen e ecurisë së procedimit/çështjes nxjerr udhëzim jo të detyrueshëm për shkarkim për prokurorin përkatës, për kryerjen e detyrave specifike për të garantuar një hetim të plotë e të gjithanshëm dhe në afate të përshpejtuara në kuadrin e procedimit të drejtë dhe të rregullt ligjor, si dhe ndjek në dinamikë veprimtarinë e procedimeve, duke kërkuar informacion nga prokurorët për ecurinë e procedimeve dhe verifikuar përfundimin e secilës çështje, dhe/ose duke nxjerrë udhëzime me shkrim sipas ligjit në rastet kur vlerësohet e nevojshme kryerja e veprimeve të mëtejshme procedurale, përpara se të merret vendimi për mënyrën e përfundimit të hetimeve paraprake nga prokurori.

5. Struktura përkatëse në Prokurorinë e Përgjithshme, drejtuesit e prokurorive dhe prokurori për marrëdhëniet me publikun, të marrin të gjitha masat administrative të nevojshme për bashkërendim dhe koordinim institucional, për të siguruar dhe shkëmbyer informacionet dhe dërgimin Komisionit Qendror të Zgjedhjeve, sipas ligjit dhe udhëzimit të përgjithshëm nr.3/2019 i ndryshuar. Me këtë qarkore të njihen të gjithë prokurorët, drejtuesit e prokurorive me juridiksion të përgjithshëm dhe oficerët e policisë gjyqësore të seksioneve të shërbimeve që ushtrojnë funksionet pranë strukturave hetimore përkatëse. Drejtuesit e prokurorive me juridiksion të përgjithshëm dhe struktura përkatëse në Prokurorinë e Përgjithshme, të marrin masat e duhura organizative dhe ligjore për zbatimin, mbikëqyrjen dhe informacionin për zbatimin e kësaj qarkore e lidhur me udhëzimin e përgjithshëm nr.4/2019 i ndryshuar.

Kandidati për deputet në listën e PD, Mark Marku ka paralajmëruar se ditën e nesërme do të dalin përgjime për blerjen e votës në zgjedhjet e 25 prillit. Marku tha se votat janë blerë me para në dorë ndërsa ka pasur edhe dhunim të komisionerëve e personave të administratës publike.

“Ka 3 deputetë të blerë të futur në parlament. Mos e bëni me përdhunimin, fakti është brenda. Na kërkoni neve faktet, i kemi të gjitha faktet. Ju mendoni se PSD mund të merrte 3 deputetë. 4 i ka marrë në kohën e Gjinushit dhe duke ia falur. Ajo është parti e shitur, ia ka blerë Skënder Gjinushit. E dinë sa lekë, 400 deri në 1000 euro familja. Do dalin të gjitha të përgjuara dhe të faktuara.

Kemi video që ua kemi marrë policëve. Votat janë blerë me vende pune, janë blerë me para në dorë, nesër dalin videot. Para Ka dhunim të komisionerëve, ka pushime nga puna të personave të administratës publike” – tha Marku në emisionin “Open”. ©LAPSI.al

TIRANË

Kryetari i KQZ-së Ilirjan Celibashi, ka deklaruar se cenimi i votës së çdo kandidati do të ketë për pasojë, sanksion penal, me një dënim prej shtatë vjet burgim.

Celibashi thekson se KQZ disponon pamjet filmike të vlerësimit e çdo vote, të bërë në fazën e nxjerrjes së rezultatit për partitë dhe koalicionet.

“Cënimi i votës së çdo kandidati do të ketë si pasojë sanksion penal deri në 7 vite burgim, për këdo nga numëruesit apo komisionerët e përfshirë.

KQZ disponon pamjet filmike të vlerësimit e çdo vote, të bërë në fazën e nxjerrjes së rezultatit për partitë dhe koalicionet”, deklaroi Celibashi. bw

25 prilli, dite e zeze ne historine e demokracise ne Shqiperi!

Zgjedhjet jo demokratike!

Mandat mbi drogen, krimin, blerjen dhe abuzimin me pushtetin!

Vota e lire e shqiptareve u ekzekutua para se te hidhej ne kuti!

Te dashur miq, zgjedhjet apo me sakte farsa e tyre perfundoi. Gjate fushates dhe keto dite me eshte rikujtuar viti 2000. Ne tetor te atij viti do zhvilloheshin zgjedhjet lokale. Ish presidenti i SHBA Xhimi Karter dergoi nga Qendra e tij, qe ne gusht te atij viti, nje mision faktmbledhes per te marre persiper vezhgimin e zgjedhjeve.

Misioni i Presidentit Karter pas dy jave qendrimi u largua nga Shqiperia dhe vendosi te mos i vezhgonte zgjedhjet pasi konstatoi se qeveria socialiste i kishte ekzekutuar ato para se te zhvilloheshin.

E njejta gje ndodhi pas 20 vitesh me zgjedhjet e 25 prillit te vitit 2021. Vota e lire e shqiptareve u dhunua para se te hidhej ne kuti per asrsyet qe vijojne.

1- Nga droga

Viti 2020, pra viti para zgjedhor ishte viti ne te cilen me ftese te kreut te narkoshtetit Shqiperia u mbulua me kanabis de juro medicinalis kurse de facto ‘electoralis’.

Ne keto zgjedhje me shume se ne te gjitha tjerat vetem droga medicinale u kthye te pakten ne 12 mandate dhe mandatet ne nje rreth vicioz do kthehen ne droge.

2- Narkoshteti

Ne keto zgjedhje me shume se ne çdo fushate tjeter narkoshteti u shnderrua ne makineri elektorale te Kreut te Meduzes.

Parlamenti ne shkelje te konsensusit te vendosur mes forcave politike beri ndryshime kushtetuese ligjore, me te cilat favorizohej me disa mandate partia e qeverise.

KQZ, Kolegji, Policia e shtetit, Porkuroria dhe gjykatat e partise ne 98% te vendimeve qendruan besnike te palekundura te partise shtet. Po ndalem ketu vetem ne ngjarjen tragjike te 14 Marsit ne Elbasan.

Banda e personave ne shoqerim te Edi Rames sulmoi shtazerisht e keqtrajtoi fizikisht para kamerave dhe ne prani te bossit te tyre mbeshtetes te opozites.

Asnje nga keta bandite nuk u penalizua nga policia, prokuroria e partise sepse duheshin te vazhdonin misionin tyre kriminal te terrorizimit te popullates dhe blerjes se votes.

Ndaj dhe me 21 Mars kjo bande kishte dale publikisht dhe e armatosur per blerje votash, gje qe solli pergjakjen e Elbasanit.

Pas ngjarjes narkopolicia dhe narkoprokuroria fshehen ne menyre kriminale provat qe faktonin se ne makina u gjeten materiale per blerje te votes.

Perveç kesaj, dispozitat e kodit elektoral por dhe nenet e Kartes se Kopenhegenit per zgjedhjet e lira qe ndalojne perdorimin e burimeve te qeverise dhe shtetit per ndikim ne procesin zgjedhor, u shkelen me urdhera, ligje, vendime dhe akte te gjitha publike me qindra here nga Edi Rama dhe zyrtaret e tij.

Nuk po ndalem ketu ne perdorimin e mjeteve shteterore dhe administrates per fushate nga Edi Rama dhe ministra e narkozyrtaret e tij as tek qindra tendera dhe prokurime publike ne funksion te zgjedhjeve, as ne dhjetra e dhjetra inaugurime elektorale po po jap ketu vetem nje fakt;

Vetem bashkia e Durresit ka levruar pas dates 25 Mars transferta nga Thesari per individin (te demtuarit nga termeti) 83 here me shume se sa ka levruar nga 1 dhjetori i vitit 2019 deri me 25 Mars te vitit 2021.

Pengmarrja e votes me te dhenat personale te qytetareve

Dergimi nga Edi Rama i te dhenave personale te 1 milion qytetarve mbrojtura me ligj dhe kushtetute ne çdo vend demokratik te botes nga e-Albania ne seline e partise socialiste perben megakrimin elektoral me te madhin ne histori, perben aktin me te rende pas burgosjes politike qe nje shtet mund te kryej ndaj qytetareve te tij.

Ky akt de fakt shenon jo vetem deligjitimin e zgjedhjeve por edhe te shtetit bandit qe kryen ate.

Edi Rama pajisi patronazhistet e tij me te dhena qe dikur sigurimi i shtetit pajiste patronazhistet e partise shtet qe te merrnin peng dhe te konfiskonin voten e qytetareve shqiptar.

Po ne kete kontekst, narkoshteti me kontrollin e tij te rrepte ndaj mediave dhe blerjen e polleve per manipulimin e opinionit, shenon ne çdo aspekt nje rekord te zi ne pabarzine e paraqitjes se fushtes elektorale te paleve ne gare.

Keshtu, me shnderrimin e narkoshtetit ne makineri elektorale u asgjesua barazia midis paleve, kushti i te gjitha kushteve per zgjedhje te drejta sipas standarteve nderkombetare dhe vota e lire u fut ne agoni.

3-Blerja e votes ne zgjedhjet e 25 Prillit ishte me masive se kurre me pare

Ajo u shnderrua ne nje mega treg pothuaj publik.

Partia Doshi eshte vetem nje shembull i “industrializimit” te blerjes se votes per llogari te Edi Rames sepse makineria me e madhe e blerjes se votes e ketij megakrimi elektoral qendron ne Partin Socialiste.

Keshtu nga klanet Gjici, Frroku, Beqaj, Sterkaj, Ndreu, Ndreca, Malaj, Rraja, Ahmeti, Manstirliu, Balluku, Koka, Çyrbja, Balla, Gjiknuri, Brace, Peleshi, Klosi, Çuçi, etj jane shpenzuar per blerje votash me euro, ushqime, dhe favore te tjera se paku dhjetfishi i shumave te shpenzuara nga Doshi per kete qellim.

Me keto shuma jane blere me se paku 10-12 mandate.

Per te gjitha sa me siper dhe te tjera per te cilat nuk po ndalem, dua te them se vota e lire si shprehje e vullnetit te qytetareve te lire vdiq pa u futur ne kuti dhe natyrisht ne kuti nuk mund te kishte fat tjeter nga ai para kutise.

Ne keto rrethana, me te drejte shtrohet pyetja: A duhej opozita te ndiqte kete farse elektorale? Pergjigja ime eshte e prere Po.

Kjo sepse ajo duhet ti permbahet e palekundur parimit te saj themelor te ardhjes ne pushtet me voten e qytetareve dhe se dyti duke mos marre pjese ne zgjedhje ajo humbiste te drejten per te qene avokate e besueshme e votes se lire tek shqiptaret dhe miqte dhe partneret tane nderkombetar.

Keshtu qe pavaresisht nga te gjitha mendoj se ajo veproj drejte qe mori pjese ne keto zgjedhje.

Duke mos mohuar rendesine e padiskutueshme dhe detyrimin e pashmengshem e nje analize te thelle per nxjerrjen e pergjegjesive per rezultatin e ketyre zgjedhjeve nga cilido dhe te drejten e pamohueshme te gjithsejcilit per te kerkuar ne gje te tille, mendoj se e nje rendesie jetike per qytetaret, opoziten, militantet dhe mbeshtetesit e saj qe sakrifikuan aq shume ne keto zgjedhje si dhe per vendin ne teresi eshte mbledhja, administrimi dhe sistemimi i çdo dokumenti, fakti, argumenti dhe pregatitja me seriozitet e objektivitet e Librit te Zi te zgjedhjeve jo demokratike te vitit 2021 ne Shqiperi.

Ky liber duhet ne kohen me te shkurter tju dergohet institucioneve te shtetit njepartiak, OSBE ODHIR, misioni vezhgues i te cilit ka bere nje raport paraprak te paanshem dhe objektiv per keto zgjedhje.

Libri duhet tju dergohet dhe te gjitha institucioneve nderkombetare, Keshillit te Europes, Komisionit Europian, Parlamentit Europian, Kongresit te SHBA, Bundestagut, parlamenteve, ministrive te jashtme, qeverive te vendeve anetare te BE dhe NATO-s dhe menjehere per te gjitha shkeljet e tmerrshme te Konventes Europiane te te Drejtave te Njeriut te paprecedent ne historine e Keshillit te Europes duhet drejtuar Gjykates Nderkombetare te te Drejtave te Njeriut ne Strasburg. Kjo nuk eshte nje beteje e lehte por nisur dhe nga precedenti eshte beteje qe fitohet plotesisht.

Zyrtaret, qeveritaret qe qendrojne per voten e lire mirepresin Librin e Zi te zgjedhjeve 2021 te Shqiperise si nje perpjekje serioze, legjitime te opozites shqiptare. Ky eshte nje mision i larte sa shqiptar aq dhe nderkombetar per te gozhduar para botes Lukadrogen e Shqiperise dhe per tju rikthyer shqiptareve voten e lire. sb

TIRANË

Presidenti Ilir Meta reagon pas paralajmërimit të Taulant Ballës se PS do të nisë procedurat për shkarkimin e tij.

Me tone të ashpra, Kreu i Shtetit thekson se kërcënimi që vjen nga Balla, bandat e Elbasanit dhe të gjithë Shqipërisë ka vetëm një përgjigje: Presidenti do të firmosë dekretin për mbrojtjen e vendit.

Reagimi i Metës:

Kërcënimi i fundit, që vjen përmes Tao Taos, nga bandat e Elbasanit dhe të gjithë Shqipërisë ka vetëm një përgjigje: Presidenti, gati për të firmosur Dekretin për mbrojtjen e Republikës!
Shqipëria e Shqiptarëve! 🇦🇱 Vdekje tradhëtarëve! 👎