Gjykata Kushtetuese ka caktuar datën se ku do të zhvillohet seanca plenare për zgjedhjet lokale të 30 qershorit 2019.

Gazetarja Klodiana Lala raporton për “BalkanWeb”, se Kushtetuesja ka caktuar datën 23 qershor, për seancën plenare ku do të shqyrtohen zgjedhjet lokale.

Kujtojmë që Partia Demokratike dhe Lëvizja Socialiste i bojkotuan zgjedhjet, duke mos marrë pjesë në asnjë bashki të vendit.

Këta të fundit e kanë çuar çështjen në Gjykatën Kushtetuese, duke i kërkuar këtyre të fundit, shpalljen e pavlefshmërisë së tyre dhe ripërsëritjen.

“Subjekt i interesuar: Presidenti Republikës së Shqipërisë, Kuvendi i Republikës së Shqipërisë, Këshilli i Ministrave, Avokati i Popullit, Komisioni Qendror i Zgjedhjeve dhe Partia Bindja Demokratike.

Objekti: “1. Konstatimin antikushtetues të zgjedhshmërisë/procesit zgjedhor të zhvilluar në 30 qershor 2019 për zgjedhjen e organeve të qeverisjes vendore, të kryetarëve të bashkive dhe anëtarëve të këshillave bashkiakë, dhe si rrjedhojë konstatimin antikushtetues të zgjedhjes së anëtarëve të këtyre organeve. 2.

Verifikimin e kushtetutshmërisë së veprimtarisë së partisë Bindja Demokratike në lidhje me regjistrimin e saj në gjykatë dhe zgjedhjet e datës 30 qershor 2019”.

Data e seancës: 23.06.2021, ora 10:00”, thuhet nw njoftimin e siguruar pwr “BalkanWeb”, nga gazetarja Klodiana Lala.

TIRANË

Nënkryetari i PD-së, Edi Paloka shkruan përmes një statusi në facebook se personat që janë denoncuar në SPAK për shit-blerje votash në Durrës, sot Komisioni i Ankesave dhe Sanksioneve i ka vendosur numërues dhe vëzhgues.

Ndërsa  publikon dokumentet, njëri i PS me emrat e vëzhguesve dhe tjetri është kallëzimi i PD, po me këto emra, Paloka shkruan se këta persona sot janë në shërbim të Ramës.

Postimi i plotë:

Drejtues te administrates ne Durres, pikerisht ata qe jane denoncuar nga PD ne SPAK per krime zgjedhore, nderkohe qe duhej te ishin ne punen e shtetit per te cilen paguhen me parate e shiptareve, jane prape sot ne sherbim te partise ne rinumerimin e votave ne KQZ!

Sherbetoret e Rames ne KAS nderkohe pyesin se ku jane provat qe administrata eshte perdorur ne kundershtim me ligjin per zgjedhjet !!!

Une e kam shprehur publikisht , qe nje dite perpara se KAS te filloj shqyrtimin e ankimimeve te opozites, se sherbetoret e Rames aty , njesoj si shefi i tyre, nuk do te pyesin as per ligjin e as per faktet per te zbuluar te verteten e masakres zgjedhore te 25 prillit! Kjo per fat te keq po vertetohet cdo dite! Te turpshem e te shpifur si shefi i tyre, ca si kameleon e ca zvarranik te llojeve te tjera, kane hedhur poshte gjithshka.

Sot po jap nje fakt te vogel per te treguar se sa groteske eshte ajo qe po ndodh ne KAS! Behet fjale per Durresin .

Pasi hodhen poshte gjithe kerkesat e PD per terheqjen e provave nga institucionet ( sic i detyron ligji ) pranuan nje kerkese per rinumerim te LSI-se. Si edhe ne disa raste te tjera, kjo behet per tu perdorur si justifikim qe gjoja jo te gjitha kerkesat e opozites nuk u pranuan…Pranojne rinumerim sepse dihet nga te gjithe qe manipulimi dhe krimet zgjedhore qe kane vendosur rezultatin, jane kryer ne proceset para numerimit perfshi ketu ato qe jane publike dhe lehtesisht te verifikueshme.

Praktikisht ne Durres, pervec shit-blerjes “klasike” te votes , me para ne dore, ka ndodhur nje megablerje me parate e shtetit dhe te BE. Perdorimi i administrates dhe aseteve publike , ne kundershtim dhe shkelje te ligjit, ne Durres eshte evidente dhe vertetohet lehtesisht me dokumenta. Jane pikerisht ato dokumenta e prova qe sherbetoret e Rames ne KAS nuk pranojne as t’ju a kerkojne institucioneve megjithese jane te detyruar ta bejne…!

E per ta çuar deri ne fund maskaraden, ja se cfare ndodh sot pikerisht ne sy te KAS-it;

PD ka denoncuar perdorimin e administrates ne funksion te manipulimit te votave. Ka denoncuar me emra ne SPAK edhe disa zyrtare ne Durres.

Sot , si per te treguar cinizmin dhe arrogancen ndaj ligjit deri ne fund, PS con si vezhgues ne rinumerimin e votave ne KAS , drejtues dhe punonjes te administrates, pjesa me e madhe e te cileve jane ne listen e denoncuar nga PD ne SPAK…! Keta minimalisht duhej te ishin ne pune sot se paguhen me parate e shqiptareve per punet e shtetit. Po ata edhe sot po bejne punen e partise dhe zvarraniket e KAS, kerkojne prova nga opozita ne se u perdor apo jo administrata ne zgjedhje ne sherbim te “rilindjes”!!!

Nënkryetari i LSI, Petrit Vasili, reagon pas vendimit të Gjykatës Kushtetuese lidhur me kompetencat mes kryeministrit Edi Rama dhe presidentit Ilir Meta për mosdekretimin e Gent Cakajt si ministër i Jashtëm.

Teksa Gjykata Kushtetuese theksonte se “kompetencat për emërimin dhe shkarkimin e ministrit ndahet ndërmjet tre organeve, Kryeministrit, Presidentit dhe Kuvendit”, Vasili shkruan në “Facebook” se vendimi i Kushtetueses tregoi se qëndrimi i presidentit Meta ishte plotësisht kushtetues lidhur me mosemërimin e Cakajt si ministër i Jashtëm.

“Gjykata Kushtetuese rrezon Edi Ramen! Qendrimi i Presidentit Meta plotesisht kushtetues lidhur me mosemerimin e Gent Cakes si Minister i Jashtem. Gjykata Kushtetuese pushoi sot ankimin e Rames ne Kushtetuese sepse mosmarrveshja nuk ekziston. Mosmarrveshjet i shpik vetem Edi Rama per te rrembyer pushtet qe nuk i takon. Matuflleku i Rames mori shuplaken, qe meriton si cdo sharlatan, qe kerkon ne menyre halucinante te rrembeje çdo pushtet”, shkruan Vasili.

Agron Shehaj ka mbajtur një konferencë për shtyp lidhur me vendimin e tij për të qenë një nga 4 kandidatë në PD për kryetar.

Shehaj thekson qartë se ai është barazdistancuar nga PD dhe gjithë kandidatët në këtë moment teksa thekson qartazi se me të në krye të PD nuk ka bashkëqeverisje.

Ai thotë se përballë Ramës duhet një lider krejt ndryshe nga ai teksa shton se e ka bindje personale tashmë që Basha nuk e çon dot PD drejt fitores.

PYETJA: Keni deklaruar që distancoheni nga PD?

SHEHAJ: Më vjen keq që është interpretuar si distancim, nuk është distancim. Jemi të gjithë kandidatë dhe duhet të jemi neutralë në raport me PD. Jo zgjedhja e PD për të bërë konferencë, por një barazdistancim nga PD.

Nëse unë zgjidhem kryetar i PD në asnjë mënyrë nuk do të ketë bashkëqeverisje.

Nuk besoj se Basha është lider i korruptuar. Një gjë duhet të shpjegoj. Çështja është kjo. Përballë Ramës duhet një lider krejt ndryshe nga Rama. Duhet të jetë i pakorruptuar, por dhe që njerëzit ta shohin ashtu. Nuk mjafton ta themi, por dhe të dukemi ashtu siç themi.

PYETJA: Do e largoni Berishën nga grup parlamentari pas shpalljes non grata?

SHEHAJ: Jemi të vetëdijshëm që lideri historik ka kontribut në orientimin drejt perëndimit të PD. Personalisht nuk dua të jap asnjë koment mbi këtë çështje.

PYETJA: Zërat kundra jush?

SHEHAJ: E drejta e tyre të kenë këtë mendim që kanë. Mendoj se është pikërisht kjo na ndan me një pjesë, dhe me stilin e lidershipit. Mendoj që një kandidat i PD mund të ketë vota personale. Kandidatët duhet të shtyheshin të merrnin vota personale. Kjo ka të bëjë me stilin e drejtimit të PD duke mos ndjekur parimin e meritokracisë, ku promovohet më i zoti. Meqë sulmohem për këtë çështje, unë mendoj se në zgjedhjet e kaluara jo vetë u duhej thënë që kush do dalë mirë do ndëshkohet, por kush del më mirë do promovohet. Një nga problemet kryesore të PD është mungesa e meritokracisë. Vlerësohen ata që punojnë. Vetëm në këtë mënyrë mund të mposhtim Edi Ramën.

PYETJA: Jeni i promovuar nga Basha, më 2017 në Vlorë dhe më pas në Tiranë. Cila është arsyeja që garoni?

SHEHAJ: Nuk ka asnjë arsye personale që të më shtyjë mua të garoj për kryetar? Jam bindur se Basha fatkeqësisht nuk e çon drejt fitores. Është bindje personale, nuk ka lidhje me të. E kuptoj që shumë prej jush mund të kërkojnë arsye por është shumë e thjeshtë. Nëse duam që PD të fitojë zgjedhjet dhe pastaj të ndryshojë Shqipërinë duhet me se s’bën të ndryshojmë lidershipin. Kjo është e vetmja arsye.

PD duhet të jetë e hapur, realisht e hapur, s’duhet të më pëlqejë mua, s’ka me mua, vendimet duhet ti marrin anëtarët. Që të jesh kryetar është privilegj, nder i madh. Të fitojë zgjedhjet e të largohet. PD është e demokratëve. Do të vendosin, PD duhet jetë e hapur. Dhe demokratët do të vendosin kush ecën në PD dhe kush jo.

Ditën e sotme në Tiranë, është zhvilluar një manifestim qytetar kundër abuzimit seksual ndaj të miturve.

Shkak për këtë është bërë rasti i disa ditëve më parë të raportuar në media, ku një 15-vjeçare nga Mirdita, u përdhunua në grup nga pesë persona, më i madhi prej tyre 44 vjeç.

Sakaq, manifestimin e bërë sot e ka vlerësuar e përshëndetur edhe vetë Presidenti Ilir Meta. Teksa publikon foto nga tubimi qytetar, ai shkruan:

“Dënoj me forcë rastet e fundit të abuzimit seksual të vajzave në Shqipëri dhe solidarizohem në mbështetje të protestave qytetare kundër këtij krimi, që meriton ndëshkim të rëndë ligjor”.

Kujtojmë që pesë personat janë identifikuar nga policia, si dhe është bërë e mundur arrestimi dhe burgosja e tyre.

TIRANË

Kryetari i PD-së Lulzim Basha ka reaguar pas shpalljes “non grata” të ish-kryeministrit Sali Berisha nga SHBA. Basha shpreh keqardhje për vendimin e Sekretarit të Shtetit dhe bënthirrje për transparencë të plotë mbi çdo fakt e dokument që ka lidhje me këtë vendim.

Basha shprehet më tej se Dr. Berisha është padyshim udhëheqësi shqiptar që ka dhënë kontributin më të çmuar për zhvillimin e vendit dhe forcimin e demokracisë, dhe çoi miqësinë dhe aleancën strategjike të Shqipërisë me SHBA në nivelet më të larta. Kreu i PD thekson se vendimi i sotëm i Sekretarit të Shtetit nuk cënon arritjet madhore të Shqipërisë nën drejtimin e Sali Berishës, kontributin e tij madhor në demokratizimin e Shqipërisë dhe reformat që e afruan vendin me partnerët tanë Euro-Atlantikë, dhe aq më pak marrëdhënien e shkëlqyer të Partisë Demokratike me Shtetet e Bashkuara të Amerikës.

“U njoha me keqardhje me vendimin e Sekretarit të Shtetit për ish-Presidentin dhe ish- kryeministrin Sali Berisha.
Duke nënvizuar qëndrimin e z. Berisha, i cili pasi shpreh keqardhjen për vendimin dhe e konsideron atë pa asnjë bazë konkrete, bëj thirrje për transparencë të plotë mbi çdo fakt e dokument që ka lidhje me këtë vendim.
Dr. Berisha është padyshim udhëheqësi shqiptar që ka dhënë kontributin më të çmuar për zhvillimin e vendit dhe forcimin e demokracisë, dhe çoi miqësinë dhe aleancën strategjike të Shqipërisë me SHBA në nivelet më të larta.
Gjatë kohës që z. Berisha ishte Kryeministër, Shqipëria përmbushi të gjitha reformat e nevojshme për anëtarësimin në NATO, si dhe marrjen e statusit të vendit kandidat për në Bashkimin Europian, ku lufta ndaj korrupsionit dhe krimit të organizuar ishin kryekushte. Në të gjitha këto arritje partner kyç i Qeverisë Shqiptare ishin Shtetet e Bashkuara të Amerikës.
Për fat të keq, ndryshe ka ndodhur në këto 8 vite, ku për shkak të korrupsionit masiv në çdo sektor dhe lidhjeve të pushtetit me krimin e organizuar, Shqipëria ka mbetur në vendnumëro në zbatimin e reformave që i duhen vendit, si anëtar i NATO-s dhe aspirant për vend anëtar i Bashkimit Europian.
Vendimi i sotëm i Sekretarit të Shtetit nuk cënon arritjet madhore të Shqipërisë nën drejtimin e Sali Berishës, kontributin e tij madhor në demokratizimin e Shqipërisë dhe reformat që e afruan vendin me partnerët tanë Euro-Atlantikë, dhe aq më pak marrëdhënien e shkëlqyer të Partisë Demokratike me Shtetet e Bashkuara të Amerikës.
Ne i konsiderojmë SHBA aleatin tonë strategjik më të rëndësishëm për Shqipërinë, dhe luftën ndaj krimit të organizuar dhe korrupsionit si prioritet absolut kombëtar.
Partia Demokratike është e vendosur të vazhdojë pa asnjë kompromis luftën kundër korrupsionit dhe krimit të organizuar, në dobi të demokracisë, shtetit të së drejtës, transparencës dhe mirëqenies së Shqipërisë dhe kombit shqiptar”, deklaron Basha.

Vjen reagimi i parë nga Partia Demokratike, në lidhje me vendimin e DASH që shpalli ‘non grata’ në SHBA ish-kryeministrin Sali Berisha dhe familjen e tij.

Ka qenë nënkryetari i PD-së, Edi Paloka ai që ka thyer heshtjen, duke postuar dy foto, ku shihen ish-kryeministri Sali Berisha me presidentin e SHBA-ve, George Bush si dhe kryeministri Edi Rama me presidentin serb, Aleksandër Vuçiç, duke ironizuar vendimin.

Lajmi per shpalljen ‘non grata’ u bë i ditur nga Sekretari i Shtetit, Antony Blinken, i cili shkruoi në një mesazh në “twitter” se Berisha dhe familja e tij u shpallen zyrtarisht të papërshtatshëm, ndaj dhe iu ndalohet hyrja në SHBA.

“Akte korrupsioni të ish-Presidentit të Shqipërisë, Sali Berisha, minojnë demokracinë në Shqipëri. Unë shpall publikisht Sali Berishën dhe anëtarët e familjes së tij si të papërshtatshëm për hyrjen në Shtetet e Bashkuara. Ne mbetemi bashkë kundër korrupsionit me partnerët tanë në Shqipëri”, shkruante Sekretari Amerikan i Shtetit. bw

Kreu i PD, Lulzim Basha ka denoncuar një rast në Shkodër gjatë zgjedhjeve të 25 prillit.

Basha thotë se në Shkodër ka ndodhur e pamendueshmja, pasi një ambasadoreje perëndimore iu mbyll mbledhja dhe u largua nga bandidtët.

Ai thekson se në këtë rast ka pasur gisht Tom Doshi, pasi banditët rrëmbyen një të ri i cili guxoi të ngrihej në këmbë dhe të thoshte ‘’Këtu po blen vota Tom Doshi’’.

‘’Dhe në fakt e pamendueshmja ndodhi këtu në Shkodër, ku për herë të parë në 30 vite Tom Doshi dhe banditët e tij detyruan të largohet dhe të mbyll mbledhjen një ambasadore perëndimore, pasi grabitën në sy të saj një të ri shkodran i cili pati guximin të ngrihej në këmbë dhe të thoshte: këtu po blen vota Tom Doshi.’’- tha Basha.

Gjykata e Posaçme për Korrupsionin dhe Krimin e Organizuar ka dhënë sot vendimin për grupin e Habilajve të dënuar për disa vepra penale si trafik droge, grup të strukturuar kriminal etj. Gazetarja Klodiana Lala raportoi për “BalkanWeb” se Moisi Habilaj është dënuar me 15 vite burg dhe për shkak të gjykimit të shkurtuar i ulet dënimi në 10 vite.

Ndërsa Nezar Seiti, Fatmir Minaj e Meridian Sulaj dënohen me nga 13 vite e 6 muaj burg dhe me gjykim të shkurtuar masa ulet ne 9 vite. Vendimi është dhënë sot nga Gjykata e Posaçme por nga gjyqtarë të caktuar nga gjykata e Tiranës dhe rretheve.

SPAK kërkoi dënimin me 63 vite burg në total për të katërt. Konkretisht, SPAK kërkoi për Moisi Habilajn 18 vite burg, Nezar Seitin 15 vite burg, Meridian Sulajn 15 vite burg dhe Fatmir Minajn 15 vite burg.

Tiranë

Në letrën drejtuar kreut të Kuvendit, Gramoz Ruçi, Presidenti Ilir Meta thekson se Komisoni Hetimor Parlamentar i ngritur për të shqyrtuar kërkesën e PS për shkarkimin e tij është në shkelje të Kushtetutës.

Meta sqaron arsyet pse, sipas tij, ky komision nuk mund të marrë vendime, duke theksuar se “ky Kuvend tashmë pas zgjedhjeve të zhvilluara më 25 prill 2021, ndodhet në një periudhë tranzitore, që i duhet të qëndrojë në detyrë si një detyrim kushtetues, por nuk ka as kohë dhe as legjitimitet të ndërmarrë iniciativa për asnjë lloj veprimtarie hetimore, ndaj askujt, dhe për asnjë arsye”.

Pjesë nga letra e Metës:

Për sa më sipër, në cilësinë e Kryetarit të Kuvendit të Republikës së Shqipërisë, me qëllim që veprimtaria e institucionit që ju kryesoni të realizohet brenda kufijve që i përcakton Kushtetuta dhe ligji, si President i Republikës, ndihem i detyruar t`ju sjell në vëmendje se:

1. Kushtetuta e Republikës së Shqipërisë, në nenin 4 parashikon se:
“E drejta përbën bazën dhe kufijtë e veprimtarisë së shtetit dhe se Kushtetuta është ligji më i lartë në Republikën e Shqipërisë.”

Formulimi i këtyre parimeve të shtetit të së drejtës në kushtetutën tonë, mbart njëkohësisht detyrimin se, për të zbatuar këto parime, nuk mund të përjashtohet askush, përfshirë dhe Kuvendin e Shqipërisë.

2. Kushtetuta e Republikës së Shqipërisë, në nenin 7, parashikon se:
“Sistemi i qeverisjes në Republikën e Shqipërisë bazohet në ndarjen dhe balancimin ndërmjet pushteteve ligjvënës, ekzekutiv dhe gjyqësor.”

3. Kushtetuta e Republikës së Shqipërisë, në nenin 65, pikat 1 dhe 4, parashikon se:
“1. Kuvendi zgjidhet çdo 4 vjet. Mandati i Kuvendit fillon me mbledhjen e parë të tij pas zgjedhjeve dhe përfundon në të njëjtën datë të të njëjtit muaj të vitit të katërt nga data e mbledhjes së parë. Në çdo rast, Kuvendi qëndron në detyrë deri në mbledhjen e parë të Kuvendit të ri të zgjedhur.
4. Kuvendi nuk mund të nxjerrë ligje gjatë periudhës 60 ditë para mbarimit të mandatit të tij deri në mbledhjen e parë të Kuvendit të ri, me përjashtim të rasteve të vendosjes së masave të jashtëzakonshme.”

4. Kushtetuta e Republikës së Shqipërisë, në nenin 66, parashikon se:
“Mandati i Kuvendit zgjatet vetëm në rast lufte dhe për aq kohë sa vazhdon ajo. Kur Kuvendi është i shpërndarë, ai rithirret vetiu.”

5. Kushtetuta e Republikës së Shqipërisë, në nenin 75, pika 2, parashikon se:
“Kuvendi organizohet dhe funksionon sipas rregullores së miratuar nga shumica e të gjithë anëtarëve.”

6. Kushtetuta e Republikës së Shqipërisë, në nenin 77, parashikon se:
“1. Kuvendi zgjedh nga gjiri i tij komisione të përhershme, si dhe mund të caktojë komisione të posaçme.
2. Kuvendi ka të drejtë dhe, me kërkesë të një të katërtës së të gjithë anëtarëve të tij, është i detyruar të caktojë komision hetimi për të shqyrtuar një çështje të veçantë. Përfundimet e tyre nuk janë detyruese për gjykatat, por mund t’i njoftohen prokurorisë, e cila i vlerëson sipas procedurës ligjore.
3. Komisionet e hetimit veprojnë sipas procedurës së parashikuar me ligj.”

7. Ndërsa neni 90, i Kushtetutës së Republikës së Shqipërisë, parashikon se:
“1. Presidenti i Republikës nuk ka përgjegjësi për aktet e kryera në ushtrim të detyrës së tij.
2. Presidenti i Republikës mund të shkarkohet për shkelje të rëndë të Kushtetutës dhe për kryerjen e një krimi të rëndë. Propozimi për shkarkimin e Presidentit në këto raste mund të bëhet nga jo më pak se një e katërta e anëtarëve të Kuvendit dhe duhet të mbështetet nga jo më pak se dy të tretat e të gjithë anëtarëve të tij.
3. Vendimi i Kuvendit i dërgohet Gjykatës Kushtetuese, e cila, kur vërteton fajësinë e Presidentit të Republikës, deklaron shkarkimin e tij nga detyra.”

8. Bazuar edhe në këto parime e parashikime kushtetuese, Kuvendi ka hartuar e miratuar dhe ligjin nr. 8891, datë 2.5.2002, “Për organizimin dhe funksionimin e komisioneve hetimore”, ku në nenin 4 të tij ka parashikuar pikërisht ngritjen dhe funksionimin e komisioneve hetimore konform parimeve kushtetuese.

9. Paraprakisht duhen evidentuar disa momente proceduriale që lidhen me ushtrimin e veprimtarisë (A) së një komisioni hetimor në përgjithësi, dhe (B) një komisioni hetimor në veçanti, sipas kërkesës së nenit 112, të Rregullores së Kuvendit:

A: Rregullat e përgjithshme për ushtrimin e veprimtarisë së një komisioni hetimor në përgjithësi, përcaktojnë se:
9.1 Komisionet e hetimit duhet të ngrihen dhe të veprojnë gjithnjë në respekt të parimeve kushtetuese dhe sipas procedurës së parashikuar me ligj.
9.2 Përfundimi i nxjerrë nga veprimtaria, gjithnjë e ligjshme e një komisioni hetimor, nuk është detyruese për gjykatat.
9.3 Kuvendi i Shqipërisë, për këtë qëllim ka miratuar ligjin nr. 8891, datë 2.5.2002 “Për organizimin dhe funksionimin e Komisioneve Hetimore të Kuvendit”, ligj ky që është referuar edhe në shkresat e sipërcituara, si mbështetje ligjore për kryerjen e njoftimeve.
9.3.1 Ligji nr. 8891/2002, parashikon në nenin 4, pika 6, se: “Komisionet hetimore nuk mund të ngrihen gjatë 4 muajve para mbarimit të mandatit të Kuvendit.”
9.3.2 Neni 8, pika 2, i ligjit nr. 8891/2002, parashikon se: “Vendimi i Kuvendit duhet të përmbajë qëllimin e krijimit të komisionit, objektin e hetimit, numrin dhe anëtarët e tij, sipas përkatësisë politike, si dhe kryetarin e zëvendëskryetarin.”
9.3.3 Neni 9, i ligjit nr. 8891/2002, parashikon se:
“[…] 2. Komisioni përbëhet nga deputetë të partive të pozitës dhe të opozitës, në raporte sa më të afërta përfaqësimi, por diferenca të jetë jo më shumë se një anëtar.
3. Kryetari i komisionit i takon atij grupimi politik, deputetët e të cilit janë nismëtarë të krijimit të komisionit. Në këtë rast zëvendëskryetari i takon grupimit tjetër.
4. Emrat e deputetëve anëtarë të komisionit, raportet e përfaqësimit në komision, si dhe përkatësia politike e vendit të kryetarit dhe zëvendëskryetarit, diskutohen në Byronë e Kuvendit, të cilat i propozohen Kuvendit për miratim.
5. Anëtarët e komisionit kanë të drejtë të tërhiqen nga komisioni në çdo kohë që ata e çmojnë të arsyeshme, me përjashtim të momentit kur komisioni do të marrë vendimin përfundimtar.
6. Anëtarët e larguar zëvendësohen nga grupimi politik që ato përfaqësojnë, jo më vonë se 3 ditë nga data e deklarimit të tërheqjes së tyre. Anëtari i ri miratohet në seancën plenare më të parë të Kuvendit, me propozim të grupimit politik përkatës.
7. Në rastet e mungesave të anëtarit të komisionit të hetimit, pa shkaqe të përligjura në më shumë se 3 mbledhje radhazi, komisioni vendos që të kërkojë zëvendësimin e tij në seancën plenare më të afërt të Kuvendit. Anëtari i ri ka të drejtë të njihet me përmbajtjen e të gjithë veprimtarisë së zhvilluar nga ana e komisionit.
8. Kur një grupim politik tërheq anëtarët e tij nga komisioni, atëherë Kuvendi i zëvendëson ata me deputetë të tjerë. Në rast se anëtarët e tërhequr të komisionit i takojnë grupimit politik ku bëjnë pjesë nismëtarët e komisionit, Kuvendi vendos pushimin e veprimtarisë së mëtejshme të komisionit. […]”.
9.3.4 Neni 10, pika 1, e ligjit nr. 8891/2002, parashikon se: “Kryetari dhe zëvendëskryetari i komisionit drejtojnë të gjithë veprimtarinë e tij në përputhje me këtë ligj, si dhe me Rregulloren e Kuvendit. Në mungesë të kryetarit, detyrat e tij kryhen nga zëvendëskryetari.”

B: Ndërsa një komision hetimor i posaçëm, si ai që mund të duhet të shqyrtojë një kërkesë të ngritur mbështetur në nenin 90/2, të Kushtetutës, sipas kërkesës së nenit 112, të Rregullores së Kuvendit:

5.4 Përveç parashikimeve të mësipërme, që gjejnë zbatim edhe për rastin që sanksionon neni 90, pika 2, e Kushtetutës (sipas nenit 3, pika 3, e ligjit nr. 8891/2002), kur bëhet fjalë për Kreun e Shtetit, Rregullorja e Kuvendit, në nenin 112 të saj, parashikon se:
“1. Jo më pak se një e katërta e të gjithë anëtarëve të Kuvendit mund të propozojë shkarkimin nga detyra të Presidentit të Republikës për shkaqet e parashikuara në nenin 90, pika 2, të Kushtetutës. Kërkesa duhet të paraqitet me shkrim te Kryetari i Kuvendit dhe të përmbajë në mënyrë të motivuar dhe konkrete shkeljen e rëndë të Kushtetutës ose kryerjen e një krimi të rëndë. Me paraqitjen e propozimit, Kryetari i Kuvendit vë menjëherë në dijeni Kuvendin dhe Presidentin e Republikës.
2. Kryetari i Kuvendit ia përcjell kërkesën dhe dokumentet shoqëruese të saj Komisionit për Çështjet Ligjore, Administratën Publike dhe të Drejtat e Njeriut, i cili brenda 15 ditëve i paraqet Kuvendit raportin dhe propozimin e tij për ngritjen ose mosngritjen e një komisioni hetimor. Në rast se kërkohet nga Presidenti i Republikës për t’u shprehur në Komision, Komisioni është i detyruar ta dëgjojë atë, duke i lënë një kohë të mjaftueshme për përgatitjen e mbrojtjes dhe dhënien e sqarimeve.
3. Kuvendi zhvillon debat në seancë plenare jo më vonë se 7 ditë nga data e paraqitjes së raportit të Komisionit për Çështjet Ligjore, Administratën Publike dhe të Drejtat e Njeriut e në përputhje me kohën e përcaktuar nga Konferenca e Kryetarëve, sipas nenit 48 të kësaj Rregulloreje. Në rast se Kuvendi rrëzon nëpërmjet votimit raportin dhe propozimin e paraqitur, procedura për shkarkimin e Presidentit të Republikës ndërpritet. Kuvendi për të njëjtin motiv nuk mund të vendosë përsëri, edhe nëse kërkesa paraqitet nga një grup tjetër deputetësh. Në rast se Kuvendi pranon nëpërmjet votimit raportin dhe propozimin e Komisionit për Çështjet Ligjore, Administratën Publike dhe të Drejtat e Njeriut, ngre brenda 2 ditëve një komision hetimor për këtë çështje. Komisioni hetimor është i detyruar të thërrasë dhe të dëgjojë mendimin e Presidentit të Republikës në lidhje me propozimin e paraqitur. Në përfundim të hetimit, komisioni hetimor duhet t’i paraqesë Kuvendit në mënyrë të arsyetuar, nëse ekzistojnë shkaqet për shkarkimin e Presidentit të Republikës.
4. Kuvendi shqyrton raportin e komisionit hetimor në një seancë të veçantë brenda 20 ditëve nga paraqitja e tij. Konferenca e Kryetarëve përcakton datën e votimit në Kuvend të kërkesës për shkarkim të Presidentit të Republikës dhe kohën e debatit, sipas nenit 48 të kësaj Rregulloreje. Në rast se kërkohet nga Presidenti i Republikës për t’u dëgjuar në seancë plenare, Kuvendi është i detyruar ta dëgjojë atë. Kuvendi vendos për shkarkimin e Presidentit të Republikës me jo më pak se dy të tretat e të gjithë anëtarëve të tij dhe me votim të fshehtë. Vendimi i Kuvendit për shkarkimin e Presidentit të Republikës i dërgohet Gjykatës Kushtetuese nga Kryetari i Kuvendit brenda 5 ditëve nga marrja e tij.
5. Në rast se kërkohet shpallja e pamundësisë për të ushtruar detyrën e Presidentit të Republikës, komisioni hetimor cakton jo më pak se 5 mjekë, specialistë në fushën përkatëse mjekësore, për t’u shprehur për gjendjen shëndetësore të Presidentit të Republikës. Kuvendi, me dy të tretat e të gjithë anëtarëve, vendos dërgimin e çështjes në Gjykatën Kushtetuese, e cila vërteton përfundimisht faktin e pamundësisë. Në rast të vërtetimit të pamundësisë, vendi i Presidentit mbetet vakant dhe zgjedhja e Presidentit të ri fillon brenda 10 ditëve nga data e vërtetimit të pamundësisë.”

Nisur nga kërkesat që sanksionojnë dispozitat e sipërcituara, ky Komision Hetimor, është ngritur në shkelje të Kushtetutës, ligjit, dhe Rregullores së Kuvendit, si produkt i një veprimtarie të tërë parlamentare fiktive, duke krijuar një strukturë hetimore që nuk ka tashmë as legjitimitet për të vepruar. Për më tepër:

1. Në asnjë paragraf të kërkesës së deputetëve iniciues; në asnjë paragraf të diskutimeve të Komisionit për Çështjet Ligjore, Administratës Publike dhe të Drejtat e Njeriut; në asnjë paragraf të secilit prej diskutimeve të Raportit të këtij komisioni në seancën plenare; në asnjë prej fjalëve të deputetëve të partisë së vetme që gjen përfaqësim në Kuvendin pa opozitë; nuk është arritur të artikulohet një dispozitë e vetme e Kushtetutës, qoftë dhe tërthorazi, e cila është shkelur apo dhe mund të justifikojë iniciativën konkrete partiake të ndërmarrë në shkelje të Kushtetutës dhe ligjit.

2. Nga ana tjetër, Presidenti i Republikës, në datën 4 maj 2021, ora 13:17, është njohur me komunikimin e përcjellë në rrugë elektronike me lëndë: “Njoftim për mbledhjen e Komisionit të Ligjeve, datë 05.05.2021, ora 12:00”.

2.1 I njëjti njoftim është administruar më pas edhe shkresërisht, kur përmes shkresës nr. 1081/3 prot., datë 4.5.2021, të Sekretarit të Përgjithshëm të Kuvendit është përcjellë shkresa me nr. prot. 1081/3, datë 4.5.2021, e Kryetarit të Komisionit për Çështjet Ligjore, Administratën Publike dhe të Drejtat e Njeriut, me lëndë “Vënie në dijeni”, e që njësoj si komunikimi elektronik i sipërcituar, bën me dije se: “Komisioni për Çështjet Ligjore, Administratën Publike dhe të Drejtat e Njeriut do të mblidhet për shqyrtimin e kësaj kërkese ditën e mërkurë, datë 05.05.2021, ora 12:00.”

2.2 Në asnjë prej këtyre njoftimeve nuk jepej asnjë sqarim mbi arsyet se pse dërgohej, apo çfarë kërkohej prej Presidentit të Republikës, qoftë dhe referuar kërkesave proceduriale të detyrueshme për respektim nga ana e Komisionit të Ligjeve, sipas Kushtetutës dhe Rregullores së Kuvendit të Shqipërisë.

2.3 Pavarësisht mungesës së objektit të këtyre komunikimeve, që kishin natyrë thjesht njoftuese dhe aspak sqaruese apo parashtruese të ndonjë kërkese, duke respektuar të njëjtën rrugë komunikimi, me shkresën me nr. prot. 1520/2, datë 5.5.2021, Institucioni i Presidentit të Republikës ka përcjellë veç të tjerave, edhe qëndrimin, e duke bërë njëkohësisht me dije se:
“[…] Presidenti i Republikës përgjatë gjithë veprimtarisë së Tij, me qëllim mbrojtjen dhe respektimin e parimeve kushtetuese, ruajtjen e integritetit të këtij procesi zgjedhor, ka ndërmarrë të gjitha veprimet e nevojshme për trajtimin e çdo denoncimi, fakti, apo rrethane që lidhet me ndërhyrjet e paligjshme në procesin zgjedhor, apo që përbën krim zgjedhor.
Presidenti i Republikës, në mbrojtje të këtij procesi zgjedhor me qëllim vënien para përgjegjësisë të autorëve të krimit zgjedhor, ka denoncuar në organin e Prokurorisë dhe institucionet e tjera ligjzbatuese, mbi 28 denoncime, ndërkohë që ka bashkëpunuar dhe ka informuar në mënyrë të vazhduar misionin e OSBE/ODIHR, trupin diplomatik në Tiranë, për të gjithë këto kallëzime, si dhe për problematikat e tjera, apo shkeljet e ligjit të shfaqura apo të konstatuara përgjatë procesit zgjedhor dhe fushatës elektorale.
Gjithashtu, Presidenti i Republikës ka bashkëpunuar me shoqërinë civile, organizatat ndërkombëtare dhe të gjithë ata që kanë për detyrë mbarëvajtjen apo monitorimin e procesit zgjedhor, për të sensibilizuar dhe për të garantuar se çdo fenomen negativ që përbën vepër penale apo shkelje të ligjit, të evidentohet, rregjistrohet, dhe hetohet brenda një afati të arsyeshëm.
Presidenti i Republikës, për çdo rast, fenonem apo ngjarje që tregonte për rritje të konfliktit, ka mbajtur qëndrime të prera, të menjëhershme, me qëllim normalizimin e situatës, dhe realizimin e një procesi zgjedhor sa më të qetë e në interes të qytetarëve shqiptarë.
Sa më sipër, dhe duke mbajtur në konsideratë volumin e informacionit që duhet diskutuar, Presidenti i Republikës, mbetet në pritje të reflektimit dhe përgjigjes suaj për sa më sipër, dhe është i gatshëm për t`u takuar, diskutuar e për t’u shprehur me Komisionin e Ligjeve edhe pse virtualisht nëpërmjet platformës CISCO-WEBEX, në datën 10 maj 2021, datë kjo që përkon edhe me Ditën Kombëtare të Drejtësisë Shqiptare.
Nëse ky ka qenë qëllimi i njoftimit tuaj, lutemi të na konfirmohet paraprakisht, orari i takimit, në rrugë shkresore dhe elektronike.”

3. Presidenti i Republikës, në datën 5 maj 2021, ora 14:06, është njohur me komunikimin e përcjellë në rrugë elektronike me lëndë: “Njoftim për pjesëmarrje në seancë dëgjimore, ditën e enjte, datë 6.5.2021, ora 11:00.”

3.1 I njëjti njoftim është administruar më pas edhe shkresërisht, kur përmes shkresës nr. 1081/6 prot., datë 5.5.2021, të Sekretarit të Përgjithshëm të Kuvendit, është përcjellë shkresa me nr. prot. 1081/6, datë 5.5.2021, e Kryetarit të Komisionit për Çështjet Ligjore, Administratën Publike dhe të Drejtat e Njeriut, me lëndë “Njoftim për pjesëmarrje në seancë dëgjimore”, e që njësoj si komunikimi elektronik i sipërcituar, bën me dije se, “[…] në zbatim të nenit 112, pika 2, të Rregullores së Kuvendit, Komisioni për Çështjet Ligjore, Administratën Publike dhe të Drejtat e Njeriut, në mbledhjen e datës 5.5.2021, vendosi që të zhvillojë një seancë dëgjimore me Presidentin e Republikës, ditën e enjte, datë 6.5.2021, ora 11:00.”

3.2 Me shkresën me nr. prot. 1533/2, datë 6.5.2021, Institucioni i Presidentit të Republikës ka përcjellë qëndrimin, duke bërë me dije veçanërisht se:
“Procese apo nisma të kësaj natyre, megjithëse janë iniciuar përmes urdhrave politikë që synojnë të shmangin vëmendjen nga parregullsitë që partia në pushtet ka shkaktuar në këtë proces zgjedhor, ju si Komisioni i Ligjeve, keni detyrimin që të qëndroni në lartësinë e detyrës që mbani, e që të kujdeseni që asnjë garanci dhe kërkesë e Kushtetutës dhe e ligjit të mos shkelet, por të respektohet.
Ky nxitim i Komisionit të Ligjeve, sidomos në këtë situatë pas realizimit të zgjedhjeve të 25 prillit, përveçse reflekton qartë se po realizon me urgjencë përmbushjen e porosisë politike për të krijuar një proces fiktiv për shmangien e vëmendjes nga gjendja reale post zgjedhore dhe zbardhja e krimeve zgjedhore, mbart dhe rrezikun evident për të konsumuar shkelje kushtetuese dhe ligjore që natyrshëm, prodhojnë shpërdorim të veprimtarisë së deputetëve të Kuvendit, që për pasojë ka vetëm pavlefshmërinë e gjithë kësaj nisme fiktive.
Pikërisht rëndësia e kësaj çështjeje, duke ditur synimin siç më sipër cituam, kërkon reflektim dhe vlerësim të thelluar së pari nga ju, si dhe kohë të mjaftueshme për të gjithë. Harku kohor prej më pak se 24 orësh, kurrësesi nuk mund të klasifikohet si “kohë e mjaftueshme”.
Rregullorja e Kuvendit (neni 112) ju njeh të drejtën për të kryer një vlerësim dhe të hartoni një raport brenda një harku kohor prej (15) pesëmbëdhjetë ditësh, afat i cili përfundon në datën 15 maj 2021.
Edhe për këtë arsye, nuk keni pse të nxitoheni për ta realizuar këtë proces brenda një dite, duke shkelur jo vetëm çdo normë në fuqi, por edhe duke “vendosur”, siç citoni në njoftimin tuaj, kur në fakt sipas nenit 112, pika 2, të Rregullores, jeni “të detyruar”.
Presidenti i Republikës, siç ju është bërë me dije edhe në shkresën tonë nr. prot. 1520/2, datë 5.5.2021, edhe para se ju të shprehnit kërkesën në mënyrë eksplicite, ka shprehur gatishmërinë e tij për t`u takuar, diskutuar e për t`u shprehur me dhe në Komisionin e Ligjeve.
Sigurisht që agjenda e Presidentit të Republikës është e paracaktuar, dhe i mundëson zhvillimin e këtij takimi apo mbajtjen e bashkëbisedimit e bashkëdëgjimit me anëtarët e këtij Komisioni, në datën 10 maj 2021.
Kjo datë, 10 maj 2021, përveçse përkon me një ditë të lirë në agjendën e tij, përkon edhe me Ditën Kombëtare të Drejtësisë Shqiptare. Nuk do të kishte një moment më të përshtatshëm që një aktivitet i tillë i përbashkët, të zhvillohej në një ditë kaq të rëndësishme për Shqipërinë, që evokon përpjekjet e parreshtura të shtetit shqiptar për shtetin e së drejtës!
Duke ju garantuar se kjo datë e lirë në agjendën e Presidentit nuk përmban asnjë qëllim për t`ju penguar në ushtrimin e misionit të paligjshëm që ju është ngarkuar, ju bëjmë me dije se, Presidenti i Republikës nuk mund të anulojë apo të shmangë agjendën e Tij, të datës 6 maj 2021, ditë kjo në të cilën tashmë janë të planifikuara prej kohësh, realizimi i takimeve me rëndësi, edhe për proceset e integrimit të vonuar evropian të vendit.
Në funksion të transparencës, dhe nëse dëshironi ta ndiqni, pasi do të bëhet publike, Presidenti i Republikës, pikërisht sot ditë e enjte, datë 6 maj 2021, do të presë në takime, për bisedime e takime zyrtare, protokollare, personalitete të larta të huaja, si:
– Ministren Federale për Çështjet Evropiane dhe të Kushtetutës së Republikës së Austrisë znj. Karoline Edtstadler;
dhe
– Presidentin e Republikës së Sllovenisë, Sh.T.Z. Borut Pahor.

Pikërisht nisur nga agjenda zyrtare dhe e ngjeshur e Presidentit të Republikës, si dhe duke marrë në konsideratë volumin e informacionit që mund dhe duhet diskutuar me Komisionin e Ligjeve, çështje këto që përfshijnë pyetjet, rastet, verifikimet dhe të dhënat, të cilat i kemi evidentuar në shkresën tonë nr. 1520/2 prot., datë 5.5.2021, dhe për të cilat kemi pritur reflektimin tuaj, kemi shprehur gatishmërinë e Presidentit për t`u takuar, diskutuar e për t`u shprehur me Komisionin e Ligjeve, qoftë dhe virtualisht nëpërmjet platformës CISCO-WEBEX, në datën 10 maj 2021.
Ndërsa zhvillimi i këtyre takimeve zyrtare protokollare shtetërore paraqitet me shumë rëndësi për Presidentin e Republikës, Sh.T.Z. Ilir Meta, pasi lidhet me marrëdhëniet dypalëshe të Republikës së Shqipërisë dhe procesin e integrimit evropian, akoma me më shumë rëndësi për anëtarët deputetë të Komisionit të Ligjeve, do të ishte që pavarësisht porosive misionare partiake të ngarkuara, të respektohej për çdo lloj nisme të ndërmarrë, procedura kushtetuese dhe ligjore.
Dhe kjo procedurë, që referohet edhe në dispozitën e Rregullores që vetë keni cituar në njoftimin e përcjellë, kërkon kohë të mjaftueshme. Ndërsa Presidenti i Republikës vlerëson se, nuk ka arsye të bëjë mbrojtje, për çështje që lidhen në mënyrë të drejtpërdrejtë me mungesën e legjitimitetit të Kuvendit në këtë nismë, nga ana tjetër, lidhur me pretendimet partiake të ngritura, në funksion të transparencës me qytetarët e Shqipërisë, Presidenti i Republikës vlerëson se mund të japë informacione tepër interesante pikërisht mbi fenomenet e shfaqura në mënyrë të shëmtuar përgjatë këtij procesi zgjedhor.
Po në kuadër të trajtimit dhe hedhjes dritë mbi këto fenomene, nga shqyrtimi i shkresës tuaj nr. prot. 1081/6, datë 5. 5.2021, rezulton se, pyetjet e Kreut të Shtetit të përcjella me shkresën tonë nr. prot. 1520/2, datë 5.5.2021, mbeten ende pa përgjigje.
Në përfundim,
– duke qenë se mbartni detyrimin të zhvilloni seancën e diskutimit me Presidentin e Republikës që ka shumë për të thënë, mbi krimin zgjedhor në veçanti;
– duke qenë se, kjo çështje, faktet e grumbulluara mbi të, kërkojnë kohë përpunimi me qëllim sintetizimin e tyre sa më qartë për ju dhe publikun;
– duke qenë se pyetjet e bëra përmes shkresës tonë nr. prot. 1520/2, datë 5.5.2021, mbeten ende pa përgjigje, por kërkojnë kohë të shqyrtohen dhe vlerësohen nga gjithësecili prej jush, para diskutimit “ballë për ballë”, qoftë në rrugë virtuale;
vazhdojmë t`ju bëjmë me dije se Presidenti i Republikës do të vlerësonte të diskutonte me kënaqësi me ju dhe të dëgjohej jo vetëm nga ju, por nga të gjithë qytetarët e Republikës së Shqipërisë, unitetin e të cilëve ai përfaqëson, ditën e hënë, datë 10.5.2021, në orarin më të përshtatshëm për ju, brenda orarit zyrtar.”

4. Me sa duket, sipas akteve të Kuvendit të administruara më pas , Komisioni për Çështjet Ligjore, Administratën Publike dhe të Drejtat e Njeriut, në shkelje të nenit 112, pika 2, të Rregullores së Kuvendit, nuk e ka përmbushur detyrimin që të dëgjojë Presidentin e Republikës, sipas kërkesës së tij, e duke vijuar kështu me zhvillimin e mbledhjes, dhe miratimin e Raportit të njëanshëm të datës 6.5.2021, në Seancën Plenare të datës 7.5.2021, që po në mënyrë të njëanshme, partiake, subjektive, ka miratuar Raportin dhe ka ngritur Komisionin Hetimor.

4.1 Komisioni i Çështjeve Ligjore, në shkelje të çdo norme, arriti deri aty, sa përmes disa anëtarëve dhe Kryetarit të tij zoti Ulsi Manja, publikisht në mbledhjen e Komisionit por dhe jashtë saj, të deklarojë se kërkesat zyrtare të Presidentit të datës 5 dhe 6 maj 2021, për t`u takuar në datën 10 maj 2021, synonin që të nxirrnin jashtë afateve punën e Kuvendit.

4.2 Kjo deklaratë e Kryetarit të Komisionit të Ligjeve, zotit Ulsi Manja, në fakt, vërteton edhe një herë tjetër faktin se, ky Kuvend tashmë pas zgjedhjeve të zhvilluara më 25 prill 2021, ndodhet në një periudhë tranzitore, që i duhet të qëndrojë në detyrë si një detyrim kushtetues, por nuk ka as kohë dhe as legjitimitet të ndërmarrë iniciativa për asnjë lloj veprimtarie hetimore, ndaj askujt, dhe për asnjë arsye.

4.3 Ndërsa sa i takon afatit, dhe kërkesës së Presidentit të Republikës, mazhoranca, nuk ka dashur të thellohet, sepse referuar kuadrit ligjor në fuqi, mazhoranca e dinte shumë mirë se, mund të ngrinte një komision hetimor; për të hetuar, dhe duhet ta përfundonte çdo lloj veprimtarie hetimore ndaj kujtdo, deri më datë 10 maj 2021.

4.4 Megjithatë, në dijeni të plotë të mungesës së kohës dhe legjitimitetit, për ta mbyllur këtë proces si më sipër, vijoi në shkelje të Kushtetutës, ligjit dhe Rregullores së Kuvendit, vetëm me artikulime politike dhe akuza gjithmonë të pabaza e të pavërteta.

5. Lidhur me mungesën e legjitimitetit të Kuvendit për ngritjen e Komisionit hetimor dhe mungesën e kohës për të përmbyllur procesin brenda afateve, më duhet t`ju sjell në vëmendje se:

5.1 Kushtetuta, në nenin 65, përcakton se Kuvendi zgjidhet çdo 4 vjet. Ndërkohë që mandati i Kuvendit fillon me mbledhjen e parë të tij pas zgjedhjeve dhe përfundon në të njëjtën datë, të të njëjtit muaj, të vitit të katërt, nga data e mbledhjes së parë. Neni 66 i Kushtetutës, parashikon se mandati i Kuvendit zgjatet vetëm në rast lufte dhe për aq kohë sa vazhdon ajo.

5.2 Në mbështetje të nenit 67, pika 1 dhe 93 të Kushtetutës së Shqipërisë, Presidenti i Republikës, përmes Dekretit nr. 10 599, datë 29.08.2017 , ka dekretuar se “Mbledhja e parë e legjislaturës së IX të Kuvendit të Republikës së Shqipërisë, thirret ditën e shtunë, datë 9 shtator 2017, ora 10.00.”

5.3 Referuar mbledhjes së parë të këtij Kuvendi të zgjedhur përmes zgjedhjeve të qershorit 2017, dhe sipas parashikimeve kushtetutese, mandati i këtij Kuvendi përfundon në datën 9 shtator 2021, ndërkohë që më 25 prill 2021, Shqipëria zhvilloi zgjedhjet për Kuvendin e ri. Më datë 30 prill 2021, Komisioneri Shtetëror i Zgjedhjeve, shpalli publikisht rezultatet paraprake të zgjedhjeve të zhvilluara për Kuvendin e Shqipërisë për legjislaturën e re, ndërkohë që më datë 4 maj 2021 , Komisioneri Shtetëror i Zgjedhjeve, miratoi me vendim (vendimet nr. 339 – 349) tabelat përmbledhëse për rezultatin e votimit për çdo zonë zgjedhore, për subjektet zgjedhore dhe kandidatët për deputetë në zgjedhjet për Kuvendin e Shqipërisë, të datës 25 prill 2021.

Tashmë ky rezultat po ndjek procedurat ankimore në organet respektive administrative në KQZ dhe gjyqësore, ndërkohë dhe çështjet penale të hapura si rezultat i denoncimeve për krimet zgjedhore të konsumuara nga administrata publike dhe funksionarët e lartë drejtues, politikë ose jo, po ndiqen në organet respektive nga subjektet denoncuese të tyre.

9.4 Siç u citua edhe më sipër, përpos nenit 4, ku përcaktohet se, e drejta përbën bazën dhe kufijtë e veprimtarisë së shtetit, parim ky i shtetit të së drejtës nga zbatimi i të cilit nuk mund të përjashtohet askush, Kushtetuta gjithashtu, në nenin 77, parashikon se: “3. Komisionet e hetimit veprojnë sipas procedurës së parashikuar me ligj.”

9.5 Mbi bazën e këtyre parimeve dhe parashikimeve kushtetuese, Kuvendi ka miratuar ligjin nr. 8891, datë 2.5.2002 “Për organizimin dhe funksionimin e komisioneve hetimore”, ligj ky që rregullon veprimtarinë e Kuvendit për ngritjen dhe funksionimin e Komisioneve Hetimore dhe që në nenin 4 të të cilit, ka parashikuar pikërisht ngritjen dhe funksionimin e këtyre komisioneve konform parimeve kushtetuese. Në pikën 6, të këtij neni 4, parashikon shprehimisht se:

“6. Komisionet hetimore nuk mund të ngrihen gjatë 4 muajve para mbarimit të mandatit të Kuvendit”.

9.6 Ky parashikim i ligjit që buron si detyrim prej Kushtetutës në nenin 77/3, nuk kërkon vetëm që të respektohet afati i ngritjes së një Komisioni, pra jo me vonë se data 10 maj 2021, por kërkon gjithashtu edhe respektimin e disa parimeve të rëndësishme kushtetuese, që risillen në vëmendjen tuaj dhe që nuk lejojnë kryerjen e veprimtarisë hetimore parlamentare apo vendimmarrje të Kuvendit mbi bazën e tyre, përgjatë periudhave tranzitore që përkojnë me 4 mujorin e fundit të përfundimit të mandatit të Kuvendit aktual dhe fillimit të mandatit të Kuvendit të sapozgjedhur më 25 prill 2021.

9.7 E megjithatë, duke qenë se ky afat 4 mujor përkonte me ditën e dielë, datë 9 maj 2021, në përputhje me rregullat proceduriale të përllogaritjes së afateve, në procedurën administrative, kur dita e fundit e afatit bie ditë pushimi, si në rastin konkret, ditë e dielë, afati shtyhet për të nesërmen. Ndaj dhe afati që përkonte me datën 9 maj 2021, shtyhej për ditën e hënë, datë 10 maj 2021.

9.8 Pra, nëse Kuvendi e kishte merak këtë çështje, sipas rregullave të përllogaritjes së afateve, ai e kishte mundësinë dhe ishte në afat për të zhvilluar një bashkëbisedimin dhe dëgjesë me Presidentin e Republikës, sipas kërkesës së tij, edhe në datën 10 maj 2021, dhe nuk kishte pse shqetësohej, dhe as të artikulonte një mori shpifjesh e qasjesh të pavërteta.

Pra, qartazi, i gjithë nguti dhe akuzat e hedhura nga deputetët e Komisionit të Ligjeve, për t`u shprehur dhe finalizuar veprimtarinë e tyre në datën 6 maj 2021, meqë Presidenti synonte “t`i digjte afatet”, nuk qëndrojnë!

Por nga ana tjetër, Kuvendi i Shqipërisë dhe deputetët iniciues, vlerësues, dhe vendimmarrës të kësaj nisme fiktive, e dinin dhe dinë shumë mirë se ky Kuvend, të cilit po i përfundon mandati, kishte si afat maksimal dhe fundor datën 10 maj 2021, për të përmbyllur të gjitha hapat: – paraqitjen e kërkesës, – vlerësimin e kërkesës, – ngritjen e komisionit hetimor, – kryerjen e hetimeve, – hartimin e raporteve, – nxjerrjen e rezultateve, – dhe miratimin e përfundimeve.

Pas kalimit të datës 10 maj 2021, Kuvendi aktual i Republikës së Shqipërisë hyn në një periudhë tranzitore, midis dy lesgjislaturave (IX–X), ku Kushtetuta dhe Ligji parashikojnë kufizimin e veprimtarisë së tij, dhe në të cilën kuvendi nuk mund të kryejë asnjë veprim hetimor si më sipër, dhe nëse e ka nisur, ka detyrimin ta ndërpresë menjëherë atë.

Me veprimtarinë e tyre të zhvilluar në shkelje të parashikimeve të detyrueshme për zbatim, ata humbën dhe mundësinë e dhënë nga Presidenti i Republikës për të respektuar Kushtetutën, Ligjin dhe Rregulloren e Kuvendit, por me dashje e të urdhëruar, i shkelën ato.

5.8, Qëllimi i ligjvënësit, përmes parashikimit të nenit 4, pika 6, të ligjit nr. 8891/2002, nuk ka qenë thjesht dhe vetëm përcaktimi i një afati 4 mujor para mbarimit të mandatit të Kuvendit, brenda të cilit nuk mund të ngrihet një komisioni hetimor, por qëllimi i dispozitës është që asnjë Komision Hetimor mos të ushtrojë veprimtarinë (dhe jo thjesht të “mos ngrihet”) gjatë 4 muajve të fundit të ushtrimit të mandatit të Kuvendit.

Kjo dispozitë edhe pse nuk përmban shprehje shtesë veç fjalës “nuk mund të ngrihen gjatë 4 muajve”, është e natyrshme që ashtu si nuk mund të ngrihet, ashtu dhe rrjedhimisht, as nuk mund të funksionojë.

Kjo sepse qëllimi i normës është që këto komisione hetimore nuk mund të funksionojnë në një periudhë kohore, e cili përkon me fundin e vet mandatit të Kuvendit, pasi nëse kjo realizohet, atëherë ekziston mundësia e keqpërdorimit dhe shpërdorimit të këtyre mekanizmave të kontrollit të posaçëm parlamentar.

Rrjedhimisht, kur ligjvënësi ndalon ngritjen e një komisioni brenda 4 muajve nga mbarimi i mandatit, atëherë automatikisht është e ndaluar funksionimi i këtyre strukturave të posaçme përgjatë kësaj periudhe, dhe asnjë veprimtari hetimore e kësaj natyre nuk mund të ushtrohet në këtë periudhë tranzitore.

Pra në këtë mënyrë, duke pasur për detyrim respektimin e urdhërimit kushtetues (neni 77/3), që këto komisione hetimore duhet të ushtrojnë veprimtarinë sipas procedurave të përcaktuara në ligjin specifik, atëherë një komision i posaçëm hetimor, është në pamundësi për të vepruar, nëse do të hyjë pa mbyllur veprimtarinë e tij, në këtë periudhë tranzitore që përkon me shprehjen e vullnetit të ri të popullit përmes zgjedhjeve të reja të datës 25 prill, për të legjitimuar një trup tjetër ligjvënësish përfaqësues të tyre në Kuvend.

9.9 Asnjë veprimtari hetimore parlamentare apo kontroll parlamentar, nuk mund të funksionojë dhe as të prodhojë akte e vendimmarrje, përgjatë 4 muajve të fundit të mandatit të Kuvendit. Ky detyrim vlen edhe për vetë seancën plenare të Kuvendit, e cila nuk mund të marrë të tilla vendime, për çështje të kësaj natyre, ndërkohë që legjitimiteti përballë popullit në këtë periudhë post zgjedhore e tranzitore, thuajse ka rënë, pasi sovrani tashmë është shprehur për përfaqësuesit e tij të rinj.

9.10 Kuvendi i Shqipërisë, nuk mund të pretendojë se po ngre një komision një ditë përpara skadimit të afatit, apo në të njëjtën ditë me mbarimin e tij, dhe të bëjë sikur ka respektuar parimet e parashikimet Kushtetuese e ligjore, ndërkohë që veprimtaria hetimore, do të kryhet nga një strukturë që nuk duhet të ekzistojë, dhe nuk duhet të veprojë përgjatë periudhës post zgjedhore, tranzitore midis dy organeve legjislative një i zgjedhur për legjislaturën e “X”dhe tjetri në detyrë legjislatura e “IX”, legjitimiteti i të cilit, ka rënë në dukje, dhe sipas Kushtetutës, do të pakësohet dita ditës deri në shuarje.

Këto ndalime janë vendosur, pikërisht për të shmangur çdo mundësi, të çdo ish-shumice apo pakice parlamentare, që në një situatë politike me legjitimitet të rënë si produkt i zgjedhjeve të zhvilluara, apo/dhe drejt fundit të mandatit përfaqësues, të ndërmarrë nisma hetimore, me karakter ndëshkues apo hakmarrës, përkundrejt funksionarëve të lartë të shtetit, apo kundërshtarët, që kanë denoncuar/kundërshtuar veprimet e tyre abuzuese me pushtetin, në dëm të interesave të shtetit apo të shtetasve.

Duke i shtuar kësaj situate, veprimtarinë e Komisionit të Ligjeve, i cili shkeli në mënyrë flagrante, rregulloren e Kuvendit të Shqipërisë, duke mos dëgjuar Presidentin e Republikës, atëherë rezulton e provuar se çdo veprim i Kuvendit dhe i deputetëve të tij, ka qenë i diktuar dhe urdhëruar politikisht, dhe ka prodhuar këtë nivel të lartë shkeljesh, antikushtetutshmërie në funksionimin e tij.

Pikërisht referuar këtyre standardeve kushtetuese, ka folur gjatë Gjykata Kushtetuese e Republikës së Shqipërisë, e cila në shumë raste ka evidentuar ndër të tjera se veprimtaria e kontrollit parlamentar nuk duhet të shpërdorohet.

Një hetim parlamentar i iniciuar pa asnjë lidhje me qëllimet e këtij Kuvendi dhe përbërjen e tij, dhe që për çdo arsye nuk i përket veprimtarisë së kësaj legjislature, nuk konsiderohet në përputhje me parimet kushtetuese.

Ky instrument i rëndësishëm nuk mund të përdoret në këtë mënyrë abuzive dhe tej hapësirës kontrolluese që Kushtetuta dhe ligji i njeh Kuvendit. Kontrolli parlamentar duhet zhvilluar në mënyrë të atillë, që të mos ndërhyjë pa kufizim në veprimtarinë e pushteteve të tjera. bw

Gjykata Kushtetuese nis sot shqyrtimin e çështjes së mosdekretimit të Gent Cakajt si ministër i jashtëm i Shqipërisë dy vite më parë.

Gazetarja Klodiana Lala raporton në BalkanËeb s Gjykata Kushtetuese do mbajë sot seancë në orën 10:00 nën masat antiCovid.

Dy vite më parë Meta nuk e dekretoi propozimin e kryeministrin Rama për të emëruar Gent Cakajn ministër të jashtëm.

Rama më pas propozoi veten si ministër të jashtëm dhe Meta e dekretoi kurse Cakaj mbeti ministër i jashtëm në detyrë derisa dha dorëheqjen vitin e kaluar.

Cakaj tashmë nuk është më me asnjë post në Shqipëri, por beteja për të vijon në Gjykatën Kushtetuese pasi Këshilli i Ministrave e depozitoi si çështje kundër Presidentit Meta. bw

Kryqëzimi i të dhënave të shenjave të gishtave ka faktuar votimin e parregullt në qarkun e Beratit. 19 persona kanë votuar 53 herë, mes të cilëve 2 persona kanë votuar 2 herë.

Sipas PD-së, kjo e dhënë është shumë e rëndësishme, sepse verifikon që persona të ndryshëm kanë mashtruar duke votuar në emrin e zgjedhësve të tjerë. Në Qarkun e Beratit diferenca për mandatin e pestë të PS dhe mandatit të LSI është vetëm 77 vota. Ky dokument u pranua të merret nga KAS.

PD theksoi se nëse KAS do të kishte pranuar të kërkonte edhe prova të tjera për blerjen e votës mes legalizimeve, punësimeve, përdorimit të shtetit për përfitim elektoral, masakra zgjedhore do të ishte shfaqur e plotë para shqiptarëve. PD akuzon KAS se po pengon transparencën e zgjedhjeve.

Bie suvaja e teatrit “Migjeni” në Shkodër, ku si pasojë ka mbetur i lënduar aktori Nikolin Ferketa.

Mësohet se ngjarja ka ndodhur paraditen e sotme, gjatë interpretimit të një drame, pasi trupa po jepte shfaqje në zonën muzeale të qytetit.

Deri tani është bërë me dije se aktori ka marrë lëndime në shpinë, por asnjë serioze, ndërsa i ka bërë thirrje autoriteteve që të ndërhyjnë.

Grup-moshat e reja 15-29- vjeç, pjesë e popullsisë në moshë pune, u tkurrën me shpejtësi përgjatë vitit të kaluar.

INSTAT raportoi se popullsia në moshë pune 15-64 vjeç u tkurr me 16.2 mijë persona në raport me janarin 2020 ose me 0.8 për qind. Por në grupet e reja, rënia ishte më e fortë. Popullsia në grup moshën 15-29 vjeç shënoi tkurrje më të madhe me rreth 18 mijë persona. Në këtë interval moshe pakësimi më i madh ishte për të rinjtë 15-19 vjeç me mbi 8 mijë persona.

Reduktimi në grupet më të reja të popullsisë në moshë lidhet me dy faktorë themelorë: rënia drastike e lindjeve pas vitit 2000 dhe niveli i lartë e emigracionit në moshat e reja. Gjatë vitit të kaluar INSTAT raportoi se emigruan nga vendi rreth 24 mijë persona, shumica e të cilëve ishin mosha të reja.

Rënia e popullsisë po ushtron presion tek forca e punës, e cila është në një cikël tkurrës pa kthim për shkak të lindshmërisë së ulët, por emigracioni i lartë e ka përkeqësuar më shumë trendin.

Popullsia në moshë pune shënoi rritje për grup-moshën 30-39 vjeç me rreth 10 mijë persona, por rënie është vërejtur në grup-moshën 40-49- vjeç me rreth 11 mijë persona, teksa shihet se në grup-moshën 60-64-vjec ka një rritje me mbi 3 mijë persona në krahasim me janarin 2021.

Teksa forca e punës në grup-moshat e reja po tkurret me shpejtësi, bizneset në të gjithë vendin po ndejnë vështirësitë që po krijon mungesa e punonjësve. Njësitë e shërbimeve, hotele dhe restorante në të gjithë vendin sidomos në zonat turistike, sektori fason dhe call center po ndjejnë mangësitë.

Kriza pandemike e cila erdhi edhe si një krizë ekonomike pritet të ketë ndikim negativ në treguesit demografike, sidomos në drejtim të emigracionit.

Ilir Gëdeshi, ekspert i njohur i çështjeve të emigracionit, tha se krizat ekonomike në Shqipëri janë pasuar nga valë emigracioni. Krizat e vitit 1990, 1997, 2008 e kanë vërtetuar këtë fakt. Edhe kriza pandemike, sipas zotit Gëdeshi, rrezikon të përshkallëzojë emigracionin në vend.

Në vitet e ardhshme, pritet që fenomeni të përkeqësohet pasi do të tentojnë të ikë pjesa që kishte planifikuar dhe nuk emigroi gjatë pandemisë. Përkeqësimi i kushteve të ekonomisë mund të nxisë të tjerë emigrantë që para pandemisë nuk kishin planifikuar të largoheshin, tha zoti Gëdeshi. Të dhënat ndërkombëtare tregojnë se kriza e pandemisë ka kthyer tendencat e vjetra të emigracionit. Në planin afatshkurtër, pandemia mbylli kufijtë dhe kufizoi udhëtimet, duke shkaktuar rënie të ndjeshme të emigrimit. Sidoqoftë, goditjet që pandemia ka dhënë në ekonominë e vendeve të varfra dhe atyre në zhvillim lajmërojnë valë të reja emigracioni. Ekspertët ndërkombëtarë lajmërojnë se vala e emigrimit ndodh dy ose tre vjet pas krizave që tronditin jetën e njerëzve.

Shkalla e emigrimit pas vitit 1990, në raport me popullsinë shqiptare, ka qenë më e larta në Europë dhe një nga më të lartat në botë. Sipas të dhënave të INSTAT nga 1990-2019 stoku i emigrantëve jashtë vendit kanë arritur në 1.6 milionë persona, ose 59% e popullsisë banuese në vend. Anketa e madhe e emigracionit, e zhvilluar më 2019 nga INSTAT, në rreth 20 mijë familje në të gjithë vendin, ka gjetur se, gjatë periudhës 2011-2019, ka emigruar jashtë 13% e popullsisë banuese e vitit 2011, ose mbi 360 mijë persona/Monitor

Kryesia e PD ka propozuar emrat për Komisionin që do të jetë përgjegjës për zgjedhjet për kryetarin e demokratëve.

Jemin Gjana është propozuar për kryetar ndërsa për anëtarë Albana Vokshi, Belind Këlliçi, Eno Bozdo, Mimoza Hasekiu, Albert Avduli dhe Gjokë Vuksani, raporton gazetari Osman Stafa për BalkanWeb.

Ndërkohë që Ervin Minarolli dhe Lulzim Omuri janë propozuar për të qenë ndihmës/anëtarë në këtë Komision që do të ketë rolin e një ‘’KQZ’’-je në këto zgjedhje të brendshme të PD.

PD do të shkojë në zgjedhje për kryetarin e ri më 13 qershor, duke afruar datën nga korriku me një muaj më herët.

Sekretari i Përgjithshëm, Gazment Bardhi ka propozuar për Këshillin Kombëtar që procesi të hapet më 16 maj deri më 22 maj, më 23 zyrtarizohet kandidaturat dhe më 13 qershor është dita e zgjedhjeve.

Ndërkohë fushata do të jetë mes datave 24 maj dhe 11 qershor. Basha do të rikandidojë për kryetar të PD ndërkohë përballë deri më tani ka Fatbardh Kadillin që ka zyrtarizuar kandidaturën.

‘Të analizojme punën e secilit në nje mbledhje të vecantë në Kryesi dhe më pas në cdo QV.

Në këtë parti nuk ka asnjë njeri të padobishëm. I propozoj Kryesisë fillimin e procesit zgjedhor për kryetar të PD. Secili prej anëtarëve të Kryesisë që ka shpallur ambicien të ketë mundësine ta shpjegojë vizionin tij në institucione, pa paragjykuar askënd, një garë të drejtë e të barabartë, kur demokratët të gjykojnë lidershipin aktual dhe

16-22 maj paraqitja e kërkesës për kandidim nga ata që përmbushin kriteret
24 maj – 11 qershor fushatë në të gjithë strukturat.
13 qershor – zgjedhjet sipas parimit një anetar-nje votë”– ka deklaruar Bardhi.

Përveç propozimit për zgjedhjet për kryetarin e ri, Bardhi ka propozuar edhe analizën e punës në mbledhje të veçantë në Kryesi dhe më pas në çdo qendër votimi. bw

Kryetari i Këshillit Kombëtar të PD, Bujar Nushani ka deklaruar se sot është një ditë shumë e rëndëishme për demokratët.

Nishani i kërkon gazetarëve që të jenë prezent në mbledhje dhe të ketë transparencë dhe informim.

‘’Duke qenë se është ditë e rëndësishme, dëshiroj që të përmbushni misionin tuaj, transparencë dhe informimi. Si kryetari i Këshillit dhe drejtues i kësaj mbledhje, ju ftoj të jeni në mbledhjen e Këshillit Kombëtar.’’- tha Nishani. bw

Kreu i PD, Lulzim Basha ka deklaruar se në zgjedhje nuk ka lejuar të bashkëpunojë me bandat.

Ai thotë se këtë e ka parim, dhe se mban përgjegjësi që nuk ka bashkëpunuar me bandat.

Ndërkohë ai kërkon që të vijohet rruga që është nisur edhe pse të zemëruar për masakrën zgjedhore të 25 prillit, por shton se demokratët janë gati qv zemërimin ta kthejnë në energji për të luftuar dhe fituar betejën.

‘’Bashkëpunimi me bandat nuk u lejua nga unë në zgjedhje. Dhe keto janë parimet e mia. Kjo është përgjegjësia ime nëse njihet si përgjegjësi, që me bandat s’kam bashkëpunuar. 

Unë jam i bindur në drejtësinë e betejës tonë. E di se si unë ndihet shumica dërrmuese e demokratëve, e ndjej zemërimin e tyre për masakrën zgjedhore të 25 prillit, e di që ata janë gati që këtë zemërim ta kthejnë në energjinë e nevojshme për ta luftuar betejën tonë deri në fitore.

Prandaj ju kërkoj të vazhdojmë rrugën që kemi nisur. Të bashkuar në këtë moment përcaktues për të ardhmen e betejës tonë dhe për fatet e vendit dhe të përmirësojmë, bashkarisht, ato gjëra që sigurisht mund dhe duhet të përmirësojmë.’’- tha Basha. bw

Kreu i PD, Lulzim Basha si përgjigje për debatet në Kryesi ka ftuar të gjithë që ti bashkohen betejës për ndryshim.

Basha thotë se shqiptarët e duan edhe më shumë sot ndryshimin. Sipas tij fushata e fundit e provoi se PD mund t’i bëjë ballë propagandës.

”Kjo fushatë e provoi se ne edhe propogandës se tyre mund ti bëjme ballë— ne mundemi ta shkaterrojmë atë: me zemër, me shpresë!!!

Dhe këtë ne e bëmë—shqiptaret dolën me gëzim ne zemër dhe votuan ndryshimin në 25 prill!!!

Ata dje e donin me gjithë shpirt ndryshimin!

ATA E DUAN NDRYSHIMIN EDHE ME SHUME SOT!!!

Ndaj të bashkuar ju ftoj ti prijmë me gjithë forcën tonë betejës për ndryshim për gjithë demokratët dhe gjithë shqiptarët.”- tha Basha.

Në debat në mbledhjen e Kryesisë së PD. Siç paralajmëroi, Kadilli i ka kërkuar Bashës dorëheqjen e parevokueshme.

Burime për BalkanWeb zbulojnë se Kadilli i ka thënë Bashës që të japë dorëheqjen e parevokueshme pasi PD ka njerëz shumë të mirë dhe kryetari aktual nuk është i pazëvendësueshëm.

Po ashtu Kadilli i ka bërë disa kritika Bashës duke i thënë se është humbës i përsëritur prej defekteve personale dhe se drejtoi gjithë fushatën vetëm, pa forume e pa përfshirë askënd.

Kadilli i drejtohet Bashës duke i thënë se nuk ndërton më asgjë të re në PD, teksa deklaron se ai vetë është bartës i një projekti të ri politik.

”Nuk je i pazëvendrësueshrëm. PD ka shumë njerëz të mirë. Jep dorëheqjen e parevokueshme. Je humbës i përsëritur prej defekteve personale. Drejtove çdo gjë vetëm dhe pa forume, pa përfshirë askënd. Nuk je aspak i nevojshëm për luftën institucionale për votën. Kemi ekipin më të mirë dhe ekspertizë të shkëlqyer.

Ata që na dhanë fitoren tënde në 2011. Luftën politike e bëjmë me një koncept të ri, me qasje te re dhe me frymëzim të ri, me besushmërinë, me vërtetësinë dhe me vendosmërine si tipare që ty të kanë munguar. Humbja është e jotja, përgjegjësia e jotja. Të kemi mbështetur duke sakrifikuar identitetin tonë dhe profilin politik, karrierën dhe çdo gjë.

E ndërtove opozitën me kauza rastësore dhe ishe i destinuar të dilje humbës. Braktise shumë kauza duke korruptuar besimin e mbështetjes.

Nuk ndërtove raport të qartë dhe besimi me aleatët strategjik; mbete peng i lobimeve private dhe nuk patë asnjëherë një qasje solide dhe strategjike. Mos u fshih pas mbështetjes që kërkon lart e poshtë në Parti. Edhe Berisha kishte mbeshtetje absolute në parti, por kishte realizmin te ikte.

Ti nuk mund të ndërtosh më asgjë të re. Në qoftë se unë jam bartës i një projekti te ri, ti je kujtesa e projektit të shteruar dhe humbjes.”- tha Kadilli ndaj Bashës.

Kryetari i PD, Lulzim Basha ka deklaruar në mbledhjen e Kryesisë se brenda partisë ka vend për të gjithë, konfirmojnë burime për BalkanWeb.

Nga ana tjetër Basha thotë se nuk mund të ketë brenda PD vizione të ndryshme për vjedhjen e zgjedhjeve të 25 prillit.

Ai thotë se nëse është e qartë se zgjedhjet e 25 prillit ishin masakra më e madhe zgjedhore, atëhere gishti s’duhet drejtuar në këtë sallë, por tek kundërshtari përballë.

Basha ka pranuar në mbledhje se po mban peshën kryesore të sulmeve dhe fushatën denigruese ndaj tij, por thekson se ai ende beson tek ndryshimi dhe jo tek një hajdtur dhe ortak të bandave e mafies.

”Në këtë parti ka vend për të gjithë, ka vend për idetë e gjithsecilit mbi mënyrën se si duhet cuar përpara beteja me regjimin Rama-Doshi. Megjithatë, kam bindjen dhe ndjesinë e fortë se nuk mund të kemi vizione të ndryshme mbi 25 prilllin. Sepse nëse zgjedhjet e 25 prillit janë një episod që do të mbulohet nga turpi në historinë e pluralizimit, nëse e kemi të qartë se 25 prilli ishte masakra më e madhe zgjedhore në historinë e pluralizimit, atëherë nuk mund të pranojmë që gishti duhet drejtuar në këtë sallë, përpara se ta drejtojmë te kundërshtari që kemi përballë.

Përndryshe nuk bëjmë gjë tjetër veçse i japim një dorë kalçifikimit të antivlerave të ndërtuara me poshtërsi nga ata që kemi përballë, sipas të cilës hajduti quhet i suksesshëm dhe vjedhja fitore.

E di që është e vështirë, e di sepse e provojë në lëkurën time përditë, këtë përmbysje djallëzore vlerash, pasi jam shënjestra e parë e kësaj fushate denigruese që mbahet në këmbë nga një makineri propagandistike e madhe. Por unë e mbaj peshën e këtyre sulmeve sepse besoj tek Shqipëria dhe sepse besoj që Shqipëria ka nevojë për ndryshim dhe jo, kurrë për një HAJDUT tjetër më të madh, apo një ortak më të zotë të bandave dhe mafias.”– tha Basha.

Në fjalën e hapjes, Basha ka thënë se alternativa e PD është çmontimi i regjimit. Sipas tij, regjimi Rama-Doshi ka legjitimuar përdorimin e krimit, ku bandave i përgjigjet me banda, vjedhjes me vjedhje e antivlerave me antivlera.

”Regjimi Rama-Doshi ka zgjedhur nje sistem qe i përmbys vlerat, që mjetet e të keqes i konsideron më të vlefshem se mjetet e të mirës. Që legjitimon përdorimin e krimit dhe që nuk lë shteg tjetër vecse futjen e vendit në një spirale vicioze, ku bandave i duhet përgjigjur me banda, vjedhjes me vjedhje, antivlerave me antivlera.

Por a është ky misioni ynë? A është kjo ajo që ne duam për Partinë Demokratike? Ajo që ne duam për të ardhmen e këtij vendi?

Përgjigja ime është jo. Jo dhe prapë jo! Kjo nuk mund të jetë alternative jonë për Shqipërinë. Prandaj nuk do ndalemi asnje çast derisa të çmontojmë këtë regjim dhe vlerat që i ndajmë me shumicën dërrmuese të shqiptarëve të triumfojnë.”– theksoi Basha.

PD është drejt zgjedhjeve për kryetar partie pas zgjedhjeve të 25 prillit, teksa deri tani përballë Bashës qëndron Fatbardh Kadilli i cili ka shpallur kandidaturën si dhe një ”Grup për PD” që kërkon dorëheqjen e parevokueshme të kryetarit aktual duke e akuzuar për humbjen më 25 prill.

Deputeti i zgjedhur i PD-së, Agron Gjekmarkaj, i ftuar në ‘Real Story’ në ‘News24’ se nuk ka besim tek vendimi i gjykatave sa i takon padive të PD-së, e cila pretendon se zgjedhjet e 25 prillit u vodhën.

Sipas Gjekmarkajt, PD po përgatit dosjen për të bindur opinionin publik dhe ndërkombëtar, për çështjen se si janë manipuluar zgjedhjet.

“Nuk kam besim tek gjykatat. Ato do veprojnë të gjitha kundër opozitës. Shoh se si në mënyrë të turpshme përdridhen disa dhe i bashkohen fitimtarit. Unë druaj shumë se nëse nuk ka rezistencë, jo thjesht asaj në formën klasike, këtu do të ketë rënie të elitave, rënie të universiteteve. Që ditën e parë pas zgjedhjeve kam qenë partizan i rezistencës së qytetarëve. Kam besim që dosja kaq e madhe që po përgatitet në mënyrë të shpejtë, do të bëjë që të ndryshojnë qëndrim ndërkombëtar. Jam skeptik se zgjidhja do të na vijë nga ndërkombëtarët. Ajo duhet të vijë nga qytetarët. PD ka zgjedhur strategjinë e faktimit. PD po përgatit dosjen për të bindur opinionin publik dhe ndërkombëtar, për çështjen se si janë manipuluar zgjedhjet. Kjo është strategji. Beteja do të jetë kudo, në parlament, në rrugë, kudo.”, tha Gjekmarkaj.

TIRANË

Analisti Fatos Lubonja e sheh situatën në vend drejt një përshkallëzimi të frikshëm për të gjithë shqiptarët. Lubonja tha në “Real Story” në News24 se problemi kryesor është se njerëzit bëjnë sikur nuk ka ndodhur asgjë në këtë vend. Sipas tij asnjëherë drejtësia dhe policia nuk kanë qenë kaq të kapura pas një partie.

“E kanë pyetur Primo Levin si u bë holokausti. Është përgjigjur ‘duke bërë sikur s’ka ndodhur asgjë njerëzit’. Kështu erdhi. Unë mendoj që kemi shumë kohë që bëjmë sikur nuk ndodh asgjë këtu në këtë vend ku krimi lulëzon, bashkëpunon me politikën, hyn në parlament, tani ndihmohet dhe nga policia. Ajo që ndodhi në Elbasan ishte metaforë e një partie që ka kapur policinë, ka kapur drejtësinë, ka kapur krimin dhe i përdor këto për të grabitur vota. Ajo që ka ndodhur me patronazhistët është po ashtu një krim shumë i madh dhe çudia që kam unë është që bëjmë sikur nuk ka ndodhur asgjë. Ai na ka përdorur shtetin, na ka marrë të dhënat që gjithë bota do kishte ulëritur, vetëm këtu tek ne nuk ndodh asgjë. Unë mendoj që vetëm këto dy fakte, Elbasani dhe patronazhistët të cilëve, të dyve çuditërisht kryeministri ynë iu çoi mesazhin unë jam krenar për ju para zgjedhjeve, që ajo partia që e ka bërë, po të kishim vend normal, nëse do përdorja një metaforë futbollistike, duhet të dilte në kategorinë e dytë jo vetëm që duhet të ishin përsëritur zgjedhjet, por kjo parti nuk do të ishte lejuar fare të futej në zgjedhje. Do të ishte përpara një ndëshkimi, nuk i lejohet, është e paligjshme si parti që bën këtë. Në këtë vendin tonë, meqenëse të gjithë kanë bërë kështu, se themi kështu ka bërë dhe Berisha, dhe ky, dhe ai neve bëjmë sikur nuk ka ndodhur asgjë. Kjo na ka çuar në një situatë që është dhe më e rëndë se më herët. Pas ’96 është hera e parë që i kemi të gjitha rreth një partie. Asnjëherë nuk ka qenë drejtësia kaq e kapur rreth një partie sa të heshtë për atë që ndodhi në Elbasan dhe të dezinformojë. As drejtësia as policia për mendimin tim. Pse? Sepse kanë qenë më të shpërndara këto parti, bandat rreth partive, interesat e këtyre partive banda. Në qoftë se do kishim prokuror Llallën që ishte i Berishës, ose i Metës, apo dhe disa prokurorë të Metës, apo dhe Rama në pushtet që do kishte të vetët, do kishin frikë. Do kishin frikë t’i bënin këto sepse mund të qëllonte një nga ata prokurorët atje që më hapte procesin, ndërsa tani nuk kanë më frikë fare. Kjo është një hap shumë i rrezikshëm që kemi hedhur që duhet ta bëjë shoqërinë që të mendojë se ku mund të çojë abuzimi me pushtetin.
Pyetja që kam unë është ore kush është limiti që zgjedhjet quhen gabim? I ngre atij komisioni atij? Çfarë duam ne.
Vetëvendosja ka dalë me prova të qarta, 5-10-15, ore kush është prova që ty të anulon zgjedhjet? Ka ligje këtu apo nuk ka ligje? Nuk mund të shkosh ti, këto zgjedhje janë mirë për Shqipërinë. Na bëjnë disa standarde që thonë nuk ndalohet shteti nga partia, patronazhistët dhe pastaj thonë zgjedhjet ishin të mira, vazhdoni. Nuk arrij ta kuptoj këtë gjuhë. Po na çon një situatë që abuzimi i pushtetit i Edi Ramës që thotë jam krenar për patronazhistët dhe për policët dhe kriminelët në Elbasan, më çon një situatë shumë të frikshme për të gjithë ne”, deklaroi Lubonja.

Sipas tij, në një vend normal ajo e patronazhistëve nuk kalonte, nuk shkoje dot në zgjedhje. Do vepronte drejtësia. Është katastrofë morale për këtë popull, përtej zgjedhjeve. Njerëzit pranojnë që të vjedhë partia e vetë. Është dhe rrezik shumë i madh sepse kur ai sot bën këtë, nesër asnjë garanci nuk kam që me këta prokurorë që kemi, Agron Gjekmarkaj dua ta përgjoj dhe të përdorë gjithë mjetet për të shkuar drejt një partie shtet. Si ndalohet kjo kur nuk kemi ndjeshmëri?”, tha Lubonja.

Analisti i njohur Fatos Lubonja, i ftuar në rubrikën “Opinion”, në “News 24”, komentoi pretendimet e opozitës për zgjedhjet e 25 prillit, në atë që ato e quajnë “masakër elektorale”.

Lubonja tha se në këto kushte zgjedhjet duhet të përsëritet, nëse vendi synon të futet në Evropë, e do të instalojë standarde evropiane.

Për këtë ai mori shembullin e Austrisë, ku zgjedhjet presidenciale të 2016-ës sipas tij, u ripërsëritën vetëm se dy qendra votimi u mbyllën para afateve të paracaktuara.

Nga deklarata e sotme e zotit Rama që është shprehur i bindur për largimin e Metës nga Presidenca, ka shpallur synimin për një mandat të katërt. Çfarë është kjo ofertë e Ramës sipas jush?

Fatos Lubonja: Kjo është ofertë për të na bërë ne që ta quajmë normale atë që ndodhi, që ishte masakër elektorale. Të mos merremi me përgjegjësitë që ka Rama. Është pjesë e një ndryshimi teme. Pra, unë jam legjitim, do të pastrojmë disa të këqij e do ta bëjmë më të mirë politikën. Do të kemi një opozitë që do e drejtoj unë, është nënteksti. Edhe njëkohësisht sikur po të rrini urtë gjithçka do të shkojë mirë për shqiptarët. Diskursi i sotëm duhet të jetë tjetër, kjo është sikur, i kanë vjedhur shtëpinë diku në lagje, një bandë që merret me vjedhje dhe të gjithë diskurs i lagjes është: Po sikur e latë derën hapur ju, po çelësat, pse s’keni vendosur kamera sigurie, po përgjegjësia e njerëzve, e askush nuk merret me hajdutin. Për të mos ndodhur këto, duhet më shumë besim, kamera sigurie e të terja. Ky, pasi e ka vjedhur shtëpinë i thotë lagjes merremi me këta. Përgjegjësia kryesore vjen nga mediat tona, që nuk janë lëshuar në këtë debat që kush e ka fajin. Ka përgjegjësi Basha, por legjitimimi i këtij sistemi, i blerjes së votës, do të na çojë në blerjen e shqiptarëve më keq njerëz. Nga një regjim korruptivo, mediatiko, më shumë me fjalë, me presione, nesër do të kalosh në një regjim policor, ku policia bëhet më aktive. Nga ajo hiqeni xhaketat dhe futuni në fushatë elektorale, e deri këtu, merrni pendrek dhe bjerini me pendrek. Unë kështu e shoh mandatin e katërt.

E gjithë kjo që thatë, çështja e blerjes së votës, është një gjë që e kemi parë dhe PD e ka denoncuar këtë gjë. Por mesa duket tani edhe në KAS, KQZ, ka të bëjë me këtë mekanizëm, s’kemi ankesa konkrete siç ka Vetëvendosja, s’kemi me procesin teknik, janë gjëra që kanë ndodhur përpara. A nuk dihej kjo?

Fatos Lubonja: Janë shumë elementë, elementi i rreth 40 mln eurove në fushatë elektorale është i paligjshëm. Është ky argument i mjaftueshëm për të anuluar zgjedhjet, unë them se po. Për dy qendra votimi që u mbyllën para kohe në Austri, u përsëriten zgjedhjet. Kemi përdorim të madh të lekut dhe administratës që është skandal. Lexova që ka një ankesë në Shkodër, që është kapur nga shefi i policisë një njeri i inkriminuar me këto karta ID, me lekë, etj, e sipas lajmit që pashë, është ndërhyrë nëpërmjet kandidatit të PS, tek kryeministri që ka marrë në tel shefin e policisë dhe ka liruar personin në fjalë. Nëse kjo vërtetohet që është e vërtetë, mendoj që nuk mjafton ky fakt? Fakti i Elbasanit që u vërtetua që kishte materiale, nuk mjaftojnë këto nëse marrim standardin evropian. 84 mijë votat e pavlefshme, në Shkodër dilte që janë 6 mijë vota të pavlefshme.

Ka dy gjëra, ajo që ka ndodhur para zgjedhjeve me njerëzit dhe ajo gjatë. Nëse ka ndodhur gjatë numërimit, sepse të gjithë partitë kanë numëruesit e tyre?

Fatos Lubonja: Janë të rëndësishme të dyja, nëse do të vendosësh standarde, t’i thua që janë forca kryesore dhe kanë vendosur t’i heqin votat. Nëse Vetëvendosjes i janë marrë votat, këto standarde që fola më herët hynë në standarde të papranueshme. Logjika jonë është kjo, që edhe PD e PS ka vjedhur Vetëvendosjen. Zotëri, nga ana formale nëse janë bërë këto vjedhje e prishje votash, mjafton për t’i bërë zgjedhjet e pabesueshme. Duhet ta shohim veten në pasqyrë, tek standardet evropiane që thashë.

Aktiviteti elektoralo ka ndodhur edhe më para, opozita hyri në zgjedhje me standarde të papranueshme. Tha që pjesëmarrja ishte e jashtëzakonshme, thanë që fitorja është brenda kutive, e më pas thanë që kjo ishte masakër elektorale. Pse hyri në këto zgjedhje, e çdo të ndodhë më vonë?

Fatos Lubonja: Opozita ka përgjegjësitë e tjera pse hyri. Të isha unë e të kisha provën e Elbasanit, Shkodrës, që këto thonë e kanë çuar në SPAK para kohe, fare mirë thoja nuk hy. Teoria e Lulzim Bashës që është kaq i madh vrulli i njerëzve që nuk ka ç’të bëjë vjen nga naiviteti, vjen pjesërisht nga presionet e të huajve që po nuk hyre në zgjedhje, ky hy vetëm. Të gjitha këto janë përgjegjësi.

TIRANË

Partia Demokratike vijon të denoncojë me emra dhe të publikojë pjesë të kallëzimit në SPAK për atë që e cilëson ‘skema kriminale e blerjes së votës nga aleanca kriminale Rama-Doshi-Rakipi në Vaun Dejës’.

Sekretari i Përgjithshëm i PD Gazment Bardhi tha sot se prej më shumë se një muaji, Partia Demokratike ka dorëzuar në SPAK kallëzimin penal për veprën penale të “Shpërdorimit të detyrës”, “Mbajtjes pa leje dhe prodhimit të armëve, armëve shpërthyese dhe municionit”, “Korrupsionit aktiv në zgjedhje” dhe “grupit të strukturuar kriminal” për shtetasit Edi Rama, Frrok Gjini, Niko Ibrahimaj, Ilir Babaj/Baba, Basri Babaj/Baba dhe çdo person tjetër të paidentifikuar nga ana e jonë.

Sipas Bardhit, Basri Babaj/Baba që qarkullonte me makinë të blinduar në Laç, Vau Dejës është ndaluar dhe shoqëruar në Drejtorinë Vendore të Policisë Shkodër nga vetë drejtori i Policisë së Qarkut Shkodër Niko Ibrahimaj ditën e mërkurë, 3 ditë përpara datës së zgjedhjeve. Ai deklaroi se në makinë janë gjetur, në cilësinë e provës materiale 2 armë zjarri, shuma të mëdha parash që përdoreshin për të blerë vota si dhe materiale zgjedhore dhe lista të banorëve të zonës, por se me ndërhyrjen e kryeministrit Edi Rama, Basri Babaj është lënë i lirë në mesnatën e po asaj dite.

DEKLARATË E PARTISË DEMOKRATIKE, GAZMENT BARDHI
Çdo ditë, Partia Demokratike po bën publike gjithnjë e më shumë fakte, prova dhe të dhëna rreth vjedhjes më të madhe të zgjedhjeve në histori kryer nga regjimi Rama-Doshi-Rakipi.
Viktimat e masakrës elektorale Rama-Doshi-Rakipi janë qytetarët shqiptarë të cilët nuk u lejuan të sjellin me votë masive ndryshimin që i nevojitej vendit.
Prej më shumë se një muaji, Partia Demokratike ka dorëzuar në SPAK kallëzimin penal për veprën penale të “Shpërdorimit të detyrës”, “Mbajtjes pa leje dhe prodhimit të armëve, armëve shpërthyese dhe municionit”, “Korrupsionit aktiv në zgjedhje” dhe “grupit të strukturuar kriminal” për shtetasit Edi Rama, Frrok Gjini, Niko Ibrahimaj, Ilir Babaj/Baba, Basri Babaj/Baba dhe çdo person tjetër të paidentifikuar nga ana e jonë.

Në krye të kësaj skeme të manipulimit kriminal të zgjedhjeve që po denoncojmë sot qëndron personalisht Edi Rama dhe pjesë e saj janë Drejtori i Policisë së Qarkut Shkodër, Niko Ibrahimaj, Frrok Gjini kandidat për deputet i Partisë Socialiste në Shkodër dhe vëllezërit Ilir e Basri Babaj/Baba.
Basri Babaj/Baba që qarkullonte me makinë të blinduar në Laç, Vau Dejës është ndaluar dhe shoqëruar në Drejtorinë Vendore të Policisë Shkodër nga vetë drejtori i Policisë së Qarkut Shkodër Niko Ibrahimaj ditën e mërkurë, 3 ditë përpara datës së zgjedhjeve.

Në makinë janë gjetur, në cilësinë e provës materiale 2 armë zjarri, shuma të mëdha parash që përdoreshin për të blerë vota si dhe materiale zgjedhore dhe lista të banorëve të zonës. Me ndërhyrjen e kryeministrit Edi Rama, Basri Babaj është lënë i lirë në mesnatën e po asaj dite. Ndërhyrjen e Edi Ramës e ka ndërmjetësuar një telefonatë e Frrok Gjinit, i renditur i pesti në listën e Partisë Socialiste në qarkun e Shkodrës.
Mënjeherë pas lirimit, Edi Rama ka zhvilluar një telefonatë me Ilir Babajn, person me të shkuar kriminale dhe njëkohësisht Drejtor i Ujësjellës Kanalizimeve Vau i Dejës ku i ka kërkuar atij të punojnë sa më fort për fitoren e Partisë Socialiste.

Janë dhjetëra përfaqësues të Partisë Socialiste, drejtues të administratës qendrore dhe lokale, njerëz të krimit të organizuar që janë identifikuar nga Partia Demokratike në veprimtarinë kriminale të blerjes së votës dhe shantazhimit të votuesve.
SPAK është në provë edhe për këtë operacion kriminal të blerjes dhe tjetërsimit të votës, për shkrirjen e shtetit me Partinë Socialiste dhe për nënshtrimin e policisë përpara krimit të organizuar.
Partia Demokratike nuk do ta ndalë luftën për rikthimin e demokracisë. Beteja jonë do të zhvillohet në të gjitha frontet, mënyrat dhe mundësitë që ekzistojnë dhe përfundimi i saj do të jetë i qartë: përmbysja e regjimit Rama-Doshi-Rakipi dhe kthimi i Shqipërisë shqiptarëve.
Kjo betejë nuk ka të bëjë me PD-në por me të ardhmen tonë, të fëmijëve tanë dhe të demokracisë. Shqipëria sot ka humbur, por nëse ne do të kishim fituar me banda, Shqipëria do të kishte humbur edhe nesër, jo vetëm sot. Detyra jonë është të qëndrojmë të vendosur dhe të luftojmë fort për kthimin e demokracisë në vend.

Ilirian Agolli

Në Tiranë, nisi sot punën një komision i posaçëm parlamentar për hetimin e veprimtarisë së Presidentit të Republikës, Ilir Meta, para dhe gjatë procesit zgjedhor të muajit prill.

Tre anëtarë të familjes Haliti nga Gjilani kanë vdekur në Gjirin e Lalit në banesën e tyre. Dyshimet e para janë se ata vdiqën pas helmimit me këpurdha. Ndërkaq lidhur me vdekjen e tyre, familjarët nga Gjilani sot do të mbajnë konferencë për media, raporton Express

Konferenca e familjes Haliti do të mbahet në rrugën “Hamdi Pogragja” në Gjilan, në orën 11:00.

“Familja Haliti nga Gjilani mban konferencë për media lidhur me vdekjen e tre anëtarëve të saj në Shqipëri. (Rruga Hamdi Pogragja, nr 34-Gjilan, ora 11:00), ka njoftuar KP.
Ndryshe, tre anëtarët të familjes Haliti nga Gjilani, kanë vdekur në Gjirin e Lalzit në banesën e tyre.

Tvklan.al ka dhënë detaje më shumë për këtë rast, për të cilin ka raportuar se të ndjerët kishin konsumuar kërpudha dhe pas disa orësh kishin shfaqur probleme shëndetësore.

“Të tre shkuan për mjekim në Spitalin e Durrësit dhe u mjekuan për helmim. Pas disa orësh dolën dhe u kthyen në banesën e tyre në Gjirin e Lalzit. Por ata ndjenë sërish shqetësime shëndetësore dhe gjendja e tyre u rëndua”.

“Të tre u dërguan sërish në Spitalin e Durrësit, por për fat të keq njëri prej tyre ndërroi jetë e pas disa orësh ndërruan jetë edhe dy të tjerët. Paraprakisht mendohet se shkak i vdekjes së 3 anëtarëve të familjes Haliti ka qenë helmimi nga kërpudhat”, ka shkruar Tvklan.al

Partia Demokratike ka denoncuar sot një rast të blerjes së votës në qarkun e Durrësit. Në një dalje publike, Belind Këlliçi theksoi se ka pasur raste deri në 1 mijë euro për familje.

Mes të tjerash Këlliçi tha se “PD kallëzoi në SPAK 3 herë para zgjedhjeve ushtrinë me mbi 70 mercenarë të Ramës për blerjen e votës, por SPAK heshti.”.

DEKLARATA E PARTISË DEMOKRATIKE
Skema kriminale e blerjes së votës nga aleanca Rama-Doshi-Rakipi ka qenë kapilare, në të gjithë vendin.
Qarku i Durrësit, ku kandidonte vetë Edi Rama, përbën modelin kryesor të skemës së blerjes së votave përmes njerëzve kyçë në administratën shtetërore dhe krimit të organizuar.

3 javë para ditës së zgjedhjeve, Partia Demokratike ka kallëzuar në SPAK të gjithë personat kryesorë të përfshirë në skemën e blerjes së votave, ku në krye qendron drejtori i Operatorit të Shpërndarjes Ardian Çela dhe deputetët Lefter Koka, Jurgis Çyrbja, Rrahman Rraja dhe kryebashkiaku i Krujës Artur Bushi.

Kundër këtyre dhe një ushtrie nëpunësish që shpërndanin para dhe favore të tjera, që mblidhnin kartat e identitetit për të mos lejuar votimin e mbështetësve te opozitës, Partia Demokratike ka bërë 3 kallëzime penale në Prokurorinë e Posaçme Antikorrupsion, duke nisur me kallëzimin e parë në 2 prill.
Megjithëse pati 3 javë në dispozicion, SPAK heshti duke lejuar mercenarët e aleancës Rama-Doshi-Rakipi të zbatojnë skemën kriminale të blerjes së votave. Sot, ne po vëmë në dijeni opinionin publik se kush janë personat e përfshirë në masakrën elektorale të 25 Prillit në Qarkun e Durrësit duke përfshirë të treja kallëzimet e dorëzuara në SPAK përpara ditës së zgjedhjeve.

Ardian Çela qëndron në krye të skemës kriminale për blerjen e votave, duke siguruar para për personat e tjerë që kanë në patrinazh blerjen e banorëve në zona të ndryshme të Durrësit, ndërsa vetë është përgjegjës për Rrashbullin. Përmes të deleguarit të tij, Artur Fetaj, me precedent kriminal, Ardian Çela ka paguar 1 mijë euro për familje në këmbim të votës. Bashkëpunëtor në skemën kriminale për blerjen e votave në Rrashbull ka qenë edhe Alion Hyska, drejtor i Ndërmarrjes së Rrugëve Durrës, Ruzhdi Murtini, punonjës i OSHEE, Mariglen Mullai, si dhe Albert Bugaçi, administrator i njësisë Rrushbull. Artur Fetaj, ka qenë përgjegjës edhe për blerjen e votës në zonën e Shkallnurit.
Një nga personat më aktivë për blerjen e votës, direkt nën varësinë e Ardian Çelës është drejtori i OSHEE Durrës, Plator Mehmeti.

Në Shijak, skema kriminale e shpërndarjes së parave për blerjen e votës është zbatuar përmes Altin Hajrit. Ky është një personazh i njohur i krimit të organizuar, aktualisht i shpallur në kërkim për vrasje. Megjithëse në kërkim, krimineli Hajri ka lëvizur lirisht për të blerë vota për pushtetin e Edi Ramës. Kontaktet kyçe të tij janë Ardian Çela i OSHEE-së dhe deputeti socialist, Jurgis Çyrbja.
Në Shijak, ishte shumë aktiv në blerjen e votave edhe Durim Keçi. I dënuar në Itali për disa vepra të rënda penale, ai është pjesë e mekanizmit për blerjen e votave për të mbajtur në pushtet Edi Ramën.
Blerja e votës në zonën e Spitallës në Durrës mbulohet nga Arbër Koka, djali i deputetit të Partisë Socialiste, Lefter Koka. Ai bashkëvepron me Gentian Thartorin, Roni Shqopën, Fetah Mataj dhe Emilian Lakon, persona me rekorde kriminale.

Në Sukth, u angazhua për blerjen e votave Bert Hoxha, i cili ka mbajtur detyrën e Administratorit të Sukthit. Bashkë me të ashtuquajturin Rumi dhe Gëzim Hoxhën njihen në zonë si persona të dhunshëm, që, në zgjedhjet e mëparshme, kanë kërcënuar me armë përfaqësuesit dhe mbështetësit e Partisë Demokratike, duke i larguar nga procesi i votimit.

Në Krujë, Thumanë dhe Fushë-Krujë është aktivizuar banda e fisit Rraja, me në krye Xhelal Rrajën, person me disa precedente penalë dhe vëlla i kandidatit të PS, Rrahman Rraja. Në këtë zonë, kryesisht në Thumanë, ka qenë aktiv në blerje votash dhe presione Kryetari i Bashkisë së Krujës, Artur Bushi.
SPAK është vënë në dijeni të skemës kriminale që në 2 Prill, por nuk bëri asgjë. SPAK heshti edhe kur Partia Demokratike dorëzoi kallëzimin e dytë në 14 Prill. Kjo strukturë e re e drejtësisë, që ka për detyrë të hetojë e të çojë para drejtësisë ata që manipuluan rezultatin zgjedhor heshti edhe pas kallëzimit të tretë për të njëjtën bandë që blinte vota në të gjithë Qarkun e Durrësit për të nxjerrë Edi Ramën deputet dhe për ta mbajtur atë në pushtet.
Përveç Ardian Çelës në skemën kriminale të blerjes së votës kanë marrë pjesë drejtorët më të rëndësishëm të administratës nga qeveria qendore dhe bashkia e Durrësit.
Roni Shqopa, Drejtor AKU Durrës
Alfred Mullaraj, Kryetar i Këshillit të Qarkut Durrës
Ledion Lako, Drejtor i Agjencisë Kombëtare të Bregdetit
Alban Çela, Zv.Drejtor i Përgjithshëm në Drejtorinë e Përgjithshme të Tatimeve
Spartak Kovaçi, Drejtor i Ujësjellesit Durrës
Ardian Iljazi, Drejtor Shërbimesh në Bashkinë Durrës
Arben Isaku, Drejtor Juridik në Bashkinë Durrës
Emiljan Jani, Drejtor i Shërbimeve të Transportit Rrugor, Drejtoria Rajonale Durrës
Jolanda Mustafaraj, Drejtor i Rezedencave Qeveritare Durrës
Dorian Baba, Drejtor OSHEE, Sukth
Indrit Cerloi, Drejtor i Inspektoriatit Shendetesor, Durrës
Petrit Ismailati, Drejtor i Sherbimit Social Shteteror, Durrës
Agim Karaj, Drejtor i Formimit Profesional Durrës
Gerald Ceka, Kancelar i Universitetit tå Durråsit
Eljo Jani, Autoriteti Portual Durrës
Ermal Pronjari, përgjegjës për Zyrën e Rindërtimit
Elvis Pengili, përgjegjës Agjencia Shtetërore e Kadastrës
Albert Bugaçi, administrator i njësisë Rrushbull
Soren Dedja Njala, Bashkia Durrës
Denis Shkodra, OSHEE
Ruzhdi Murtini, OSHEE
Mariglen Mullai
Radon Qerreti
Ilir Lleshi
Edlir Topçiu
Oliver Xhamuça
Bledar Metalla
Edlir Topçiu
Gëzim Prenga
Gerald Dautit
Zakarel Zake
Readian Kalastra
Jurgen Zaza
Kastriot Xhangoli
Ermal Kapllani
Fredi Dhuli
Denis Gjoni
Sulejman Ibrahimi
Mand Cërri
Ed Cërri
Xhemo Sula
Janë mbi 70 përfaqësues të Partisë Socialiste, drejtues të administratës qendrore dhe lokale, njerëz të krimit të organizuar që janë identifikuar nga Partia Demokratike në veprimtarinë kriminale të blerjes së votës. Prej më shumë se 1 muaji, SPAK-ut i janë vënë në dispozicion numrat e tyre të telefonit dhe zona ku veprojnë për ta shpërndarë para për blerjen e votave, por ata u lanë te lire të deformojnë vullnetin e zgjedhësve.
Beteja jonë për të çrrënjosur aleancën e së keqes Rama-Doshi-Rakipi, që mban Shqipërinë në vendnumëro, nuk do të ndalet derisa t’ia ketë arritur qëllimit. Shqiptarët e ndershëm janë shumica. Ata nuk kanë votuar për një regjim kriminal, por kërkojnë sundimin e shtetit ligjor, zgjedhje të lira e të ndershme dhe një qeveri që sjell ndryshimin real të vendit.

Prokuroria e Fierit ka regjistruar procedimin penal për kryebashkiaken e Roskovecit Majlinda Bufi pas kallëzimit të bërë nga dega e Partisë Demokratike në Roskovec.

Në një njoftim publik në rrjetet sociale, PD Roskovec deklaron se ka depozituar me fakte dhe prova më 7 prill kallëzim penal ndaj Kryetares së Bashkisë pranë Prokurorisë së Rrethit Gjyqësor Fier.

Akuza e ngritur nga PD Roskovec është ajo e “Përdorimit të funksionit publik për veprimtari politike ose zgjedhore”, konkretisht “punësime të paligjshme në kohë elektorale”, të parashikuar nga neni 328/a i kodit penal.

Ndërsa pak ditë para zgjedhjeve Prokuroria e rrethit gjyqësor Fier bën me dije se ka hapur procedim penal ndaj Majlinda Bufit për të njëjtën akuzë.

POSTIMI I PLOTË

Partia Demokratike Dega Roskovec ju bën me dije se pas masakrës zgjedhore që ju jeni dëshmitarë të gjithë se si Edi Rama dhe bandat e tij në 25 prill morën një fitore të vjedhur me shantazhe për bukën e gojës dhe vendin e punës, presione, blerje votash dhe çdo formë tjetër dhune e ushtruar ndaj qytetarëve, ka depozituar me fakte dhe prova kallëzim penal ndaj Kryetares së Bashkisë Roskovec, Majlinda Bufi, pranë Prokurorisë së Rrethit Gjyqësor Fier.

PD Roskovec ka dorëzuar shkresën në datë 07/04/2021 me akuzën “Përdorimi i funksionit publik për veprimtari politike ose zgjedhore, saktësisht: punësime të paligjshme në kohë elektorale”, të parashikuar nga neni 328/a i kodit penal.

Prokuroria e rrethit gjyqësor Fier nëpërmjet shkresës zyrtare datë 20/04/2021 me nr.prot 441/1 bën me dije se ka hapur procedim penal ndaj Majlinda Bufit për të njëjtën akuzë.

Procedimi Penal mban nr: 309 dhe date 08/04/2021. Ne, inkurajojmë dhe mbështesim Prokurorinë dhe të gjitha organet ligjzbatuese që t’i shkojnë deri në fund kësaj çështjeje dhe të vihen përpara drejtësisë me pranga në duar, të gjithë ata që kanë futur duart në zgjedhje për të deformuar vullnetin e qytetarëve me manovra të paligjshme. bw

Analisti Agron Gjekmarkaj, i ftuar në emisionin “Front line” në “Neës 24”, nga gazetarja Marsela Karapanço deklaroi se zgjedhjet në Shqipëri kanë rënë.

Gjekmarkaj thekson se Rama ka fituar mandat hajduti. Ai shton se nëse votimi do të bëhej i lirë dhe i ndershëm, do të fitonte opozita.

“Këto zgjedhje nëse do ishin të lira dhe të ndershme do i fitonte opozita, nëse nuk do kisihte inxhinierii elektorale, di t’i fitonte opozita. PD nuk e ka traditë të blejë votat. Janë dhënë para për ndihma për njerëzit para zgjedhjeve. U trukuan numrat e zgjedhjeve. Zgjedhjet janë trukuar dhe te trukimi ka edhe vjedhje e çdo gjë tjetër. Zgjedhjet shënuan regres historik të kombit shqiptar. Shumë i kanë kërkiuar opozitës që të sillej si maxhoranca, por nuk do kishte asnjë moral, sepse do kishim dy anë të kriminalizuara të jetës shqiptare. Ka ende shpresë. Opozita është institucion moral, sepse është jashtë botës së krimit. Zgjedhjet në Shqipëri kanë rënë. Opozita do përgatisë dosje të vjedhjes së votave dhe nëse maxhoranca nuk reflekton, do ketë protesta masive në vend”, tha Gjekmarkaj.

Agron Gjekmarkaj nënvizon se Basha në zgjedhje normale, do të bëhej kryeministër.

“Kudo ka valë të madhe zemërimi. Edhe socialistët e dinë se janë blerë vota edhe brenda PS-së. Është bërë kërdia në vjedhje të votave. Njerëzit duhet të jenë vigjilent. Shteti dhe policia deri më tashmë janë bërë një që të mos dalë e vërteta. Zoti Basha ka bërë një fushatë ekselente, ka pasur program konkret të konsultuar me CDU-në gjermane dhe ka marrë shifrën më të lartë të votave, edhe se më 2009. Nuk u lejuan që të ketë zgjedhje të ndershme në Shqipëri edhe këtë herë. Sfida e Bashës dhe e PD-së është që të kthejmë zgjedhje të ndershme. I vjedhuri nuk mund të urojë hajdutin. Basha në zgjedhje normale do bëhej kryeministër. Rama nuk mund t’ja japë në kushte vasaliteti Bashës, atë që ia ka vjedhur. Duhet që të negociohej për përsëritje të zgjedhjeve, me qeveri teknike. Rama ka mandat hajduti. ne nuk do ia lëmë bosh parlamentin Edi Ramës. Do bëjnë betejën sy për sy e dhembë për dhëmbë, për fatet e Shqipërisë”, u shpreh Gjekmarkaj.