Qindra shqiptaro-amerikanë janë drejtuar drejt Shqipërisë në mbështetje të Kuvendit të 11 Dhjetorit të thirrur nga ish-kryeministri Sali Berisha.
Në autokolonë me flamurë të Shqipërisë, atë Amerikan dhe të Partisë Demorkatike, shqiptaro-amerikanët pritet të japin kontributin e tyre në një prej datave më historike të Partisë Demokratike dhe shoqërisë shqiptare.
Deri tani nuk dihet sa mund të jetë dëmi i shkaktuar, ndërsa njëherësh nuk dihet edhe nëse shembja ka ndodhur vetëm në hyrje apo ka vazhduar edhe në brendësi të tunelit.
Kryeministri Edi Rama publikoi pamje nga momentet e hapjes së tunelit të Skërficës në rrugën Kardhiq-Delvinë në 31 korrik, ku tha se përfundimi i kësaj vepre infrastrukturore shkurton me 3 orë rrugën nga Tirana në Sarandë, por nga fotot e shkrepura nga vendi i ngjarjes, tregojnë se si hyrja e tunelit është mbuluar nga dherat. syri.net
Ambasadori gjerman në Tiranë, Peter Zingraf, jep një mesazh me rastin e Ditës Ndërkombëtare për të Drejtat e Njeriut, duke theksuar se Gjermania angazhohet t’i mbrojë këto të drejta në mbarë botën.
Sipas kryediplomatit gjerman, që të drejtat e njeriut të mund të garantohen për të gjithë, nevojitet një shtet i qendrueshëm, një kornizë politike që respekton llogaridhënien ndaj qytetareve dhe qytetarëve të saj, vepron me transparencë si dhe mbron të drejtat e tyre
“Të drejtat e njeriut janë universale dhe të panegociueshme. Ne angazhohemi për t‘i mbrojtur këto të drejta në mbarë botën. Kjo është një përgjegjësi, e cila del nga kapitulli i errët i historisë gjermane. Kjo përgjegjësi është sot një pjesë e vetëkuptueshme e politikës sonë të jashtme. Që të drejtat e njeriut të mund të garantohen për të gjithë, nevojitet një shtet i qendrueshëm, një kornizë politike që respekton llogaridhënien ndaj qytetareve dhe qytetarëve të saj, vepron me transparencë si dhe mbron të drejtat e tyre. Për këtë arsye ne angazhohemi bashkërisht me partnerët tanë evropianë, brenda dhe jashtë Bashkimit Evropian, për strukturat demokratike dhe luftën kundër korrupsionit. Por shtetet demokratike kanë nevojë dhe për një shoqëri të hapur dhe një opozitë të fortë si korrigjues. Prandaj ne jemi duke monitoruar me vëmendje situatën aktuale. Është e rëndësishme që të gjitha partitë të përfshihen në mënyrë konstruktive në punën parlamentare dhe të punojnë për zgjidhjen e problemeve paqësisht dhe brenda kuadrit të strukturave ligjore”, thekson Zingraf.
Për të folur dhe për të treguar më shumë detaje në lidhej me ‘Foltoren ‘ e 11 dhjetorit ku 5000 delegatë të Partisë Demokratike kanë nënshkruar praninë e tyre ishte e ftuar në emisionin e mëngjësit ‘Kafe shqeto’ deputetja e kësaj partie Albana Vokshi.
Si fillim deputetja Vokshi u pyet nga moderatorët në lidhje me vizitën e Gabriel Escobarit ditën e djeshme në Tiranë, për të cilën u shpreh:
‘’Nuk besoj se do të kishte ndonjë ndikim në cilin do rast. Ishte një vizitë rajonale para se të vinte në Tiranë z. Eskobar ka ndaluar dhe në Shkup për më tepër se dje ishte dhe Dita Ndërkombëtare e luftës ndaj korrupsionit, pra kishte një ngjarje ndërkombëtare për të folur me aleatin tonë më të madh amerikën për luftën ndaj korrupsionit që ka qënë objektivi i qeverisë dhe në kohën që qeverisej nga PD dhe hapa të mëdha janë bërë në këtë drejtim në tetë vjeçarin e kryesuar nga Partia Demokratike me kryeministër z. Sali Berisha. Opozita ka takuar përfshirë edhe z. Basha kanë takuar vazhdimisht zyrtar të lartë mund të përmendim këtu, e mbani mend dhe foto me Trumpin , apo kanë takuar Palmerin. Por demokratët në fund të fundit nuk është se kanë përfituar ndonjë gjë direkte nga këto takime. Në fund të fundit këto lloj takime nuk është se sjellin vota, apo jo? Vizitat nuk janë përkthyer në vota reale ndaj puna siç ka qënë para vizitës së Escobarit po vazhdon për tu konkluduar nesër në orën dhjetë me Kuvendin më të madh ndonjëherë, me Kuvendin historik të Partisë Demokratike në Air Albania’’
Ndërsa pyetjes se si ajo i ka përjetuar këto tetë vite në Partinë Demokratike, znj. Vokshi tha:
‘Unë kam qënë pjesmarrëse të diskutimeve ose të mbledhjeve të grupit parlamantar . Mund t’ju konfirmoj që duke filluar që nga futja në çadër i cili ishte një vendim i marrrë pa transparencë , apo dalja nga çadra, apo lënia e mandateve, pavarësisht se është bërë një diskutim i gjatë në grupin parlamentar, por ishte marrë vendimarrja nga z.Basha ditë më parë ishte lançuar në media. Dhe si kryetar i Partisë Demokratike ai i kishte marë vendimin që do liheshin mandatet dhe mbasi e ka bërë fakt të kryer më tej është mbledhur grupi parlamentar në të cilin dua t’ju informojë edhe njëherë që grupi parlamentar ka qënë uniform për lënien ne mandateve përveç z.Berisha i cili theksoi me shqetësimin më të madh se nëse merret kjo masë ekstreme, lënia e mandateve ka ndodhur vetëm njeherë në Itali në vitin 1923 nga opozita italiane , ndaj tha se që duhet të sigurohemi që nëse merret ky vendim ekstrem duhe të vazhdohet me protesta dhe me aksione të forta opozitare. Por gjithësesi ishte marrë vendimi para se të shkonim të bënim mbledhje në grupin parlamentar. Po ashtu dhe për mospjesmarrjen në pushtetin lokal e kështu me radhë nuk ka pasur transparencë në vendimmarrje, nuk ka pasur koligjialitet në vendimmarrje, shpesh herë janë bërë thjesht fakte të kryera, pasojat e të cilave ne tashmë po i shohim. Dalja nga parlamenti ka rezultuar që ishte një nga vendimet më të këqia të opozitës sepse doli jashtë çdo institucioni, apo mospjesmarrja në zgjedhjet lokale, pra janë vendime të cilat jo ne që jemi në kryesi apo në grupin parlamentar të Partisë Demokratike, por demokratët e thjeshtë ato që na kanë mbështetur që në krijimin e Partisë Demokratike deri më sot kanë më shumë se tetë vite tashmë që i vuajnë .
Znj. Vokshi iu përgjigj dhe pyetjes në lidhje me mediat të cilat janë pro Edi Ramës por që së fundmi kanë dalë në mbrotje të kryetarit të Partisë Demokratike Lulzim Bashës, duke u shprehur ndër të tjera se për këto media e rëndësishme është të mos kenë një opozitë të fortë.
‘Ishte e pritshme. Unë personalisht nuk kam asnjë çudi që mbështetet nga të gjithë analistët apo mediat që mbështesin kryeministrin Rama apo të majtët. Për këta analistë apo gazetar apo media të cilat i shërbejnë Edi Ramës e rëndësishme është të mos kenë një forcë politike pra një opozitë të fortë, një opozitë e cila do të çojë Partinë Demokratike në pushtet, ndaj janë bërë të gjithë bashkë edhe mesazhi shpeshherë është i rakorduar i gjithë atyrëve për të sulmuar ‘Foltoren’ për të hedhur akuza të pa baza, apo mashtrime apo fakenews kundrjet ‘Foltores’ apo mbështetësve të ‘Foltores’, por kjo nuk na prish asnjë punë , ne po vazhdojmë punën , demokratët janë të entuziazmuar. Për herë të parë pas tetë vjetësh ju është rikthyer optimizmi, është rikthyer shpresa që në datën 11 do të bëhet rithemelimi i Partisë Demokratike, ngritja e Partisë Demokratike për një Parti Demokratike më të fortë më të hapur dhe më të bashkuar’ është shprehur Vokshi.
Dori: A mund të na thoni më shumë në lidhje me mënyrën se si do të organizohet ku Kuvend në datën 11. Si do të jetë axhenda dhe çfarë pritet të dalë në fund të tij?
Vokshi: Do të jetë Kuvendi i demokratëve. Janë vetë anëtarët delegatët e Kuvendit Kombëtar të cilët kanë kërkuar tashmë kanë shkuar mbi 5000 numri i atyre që kanë firmosur por tashmë do të vijnë dhe shumë prej tyre që nuk kanë firmosur . Është bërë me dije që do të fillojë në orën 10 në stadiumin Air Albania. Ishte e pamundur në asnjë prej ambiente të tjera të futeshin qoftë delegatët mbi 5000 apo anëtarët, apo të ftuarit e Partisë Demokratike. Do të jenë delegatë e vendosur në një ambjentë krejt të ndarë nga pjesa tjetër e të ftuarëve. Do të ketë transparencë të plotë për numrin e delegatëve, për forumin për votimet që do bëhen atje, do të ketë votime shumë të rëndësishme të cilët do të ndërmerren nga vetë antarësia dhe së fundmi do të jetë më tej një hapësirë e lirë për çdo demokrat që do të dojë të marrë pjesë.
Z. Basha është në pikën më të ulët të mbështetjes brenda Partisë Demokratike. Përderida demokracia është votë ,unë e kam ftuar dhe e ftoj dhe njëherë z.Basha të vijë nesër në Kuvendin e thirrur nga delegatët. Le të përballet me votën e demokratëve. Demokracia është 50+1. Nëse z. Basha nuk e ka më këtë mbështetje 50+1 atëherë z.Basha duhet të ikë në shtëpi, ta lëshoj karrigen. Dhe mëqënëse më pyetët pak më parë nga Air Albania në Partinë Demokratike? Po në PD sepse do të jetë anëtarsia që do të vendosi. Është anëtarsia që ka marrë në dorë fatet e Partisë Demokratike. Është anëtarsia që do të votojë nesër ndryshimet statutore. Çdo gjë është bërë e bazuar në statut , çdo gjë do të bëhet e bazuar në statut dhe z. Basha do të jetë i detyruar që t’i bindet vullnetit të demokratëve.
Flavio: A është ky vullnet dhe në grupin parlamentar 50+1apo mendoni se do të keni një vështërsi me grupin parlamentar sigurisht të dalë nga lista Basha.
Vokshi: Nuk kemi asnjë vështirësi. Unë si kryetare e Lidhjes Demokratike të gruas sigurisht ndjek vullnetin, dëshirën e mbi 50 përqind të delegatëve të Lidhjes Demokratike të gruas si dhe do të jem prezent nesër në Kuvend. Nuk arrij t’i kuptoj ato kryetar apo kryetare apo dhe ato deputet që kanë marrë votat e demokratëve dhe sot janë pa demokratët, pa mbështetësit e tyre. Nuk i kuptoj dot ato kryetar që kanë 70, 80, 90% të anëtarsisë që kanë shkuar në ‘Foltore’ apo që kanë firmosur për të ardhur në Kuvendin e 11dhjetorit dhe nuk i ndjekin ato, pra nuk arrij t’i kuptoj këta deputet. Çfarë përfaqëson ky deputet në qoftëse nuk përfaqëson dëshirën dhe vullnetin e demokratëve të cilët kanë punuar, kanë bërë fushatën, janë përballur me krimin, janë përballur me bandat, janë përballur me shantazhet, kanë dalë nga puna nuk e kanë marrë ndihmën ekonomike, pra ku janë këta deputetë që kërkonin votat më përpara dhe ju premtonin qytetarëve që do ishin me ata në ditë të mira dhe në ditë të vështira. Por ka shpresë nesër do të rilindë, do të kemi një Parti Demokratike që në bazë të statutit të ri do ta forcojë vendimarrjen, vendimarrje reale jo atë virtual të Lulzim Bashës. Do të jenë anëtarët e Partisë Demokratike që do të vendosin më tej për drejtuesit e tyre qoftë lokal por qoftë dhe qëndror.
Duke vetpublikuar kartën e tij të delegatit , futbollisti i njohur Agustin Kola deklaron pjesmarrjen e tij me dëshirë të plotë në Kuvendin e 11 dhjetorit.
Në gjuhën e një futbollisti nesër premton shumë gola…. Se çfar do ta zbulojmë nesër, shkruan ai.
Zëvendës Ndihmës Sekretari i Shtetit i SHBA për Çështjet Europiane dhe Euroaziatike dhe i Dërguari i Posaçëm për Ballkanin Perëndimor Gabriel Escobar shkeli sot në zyrën e kryetarit të Partisë Demokratkike, Lulzim Basha, në një moment kritik për këtë parti dhe vetë zotin Basha.
Vendimi i muajit maj i Departamentit amerikan të Shtetit, për t’i ndaluar hyrjen në SHBA, ish kryeministrit Sali Berisha e familjes së tij, duke e futur atë në listën e zyrtarëve “të përfshirë në korrupsion në nivel të lartë”, ishte një goditje e rëndë për forcën kryesore të opozitës. Ndërsa vendimi që pasoi në shtator, nga zoti Basha, për ta lënë ish kreun e partisë jashtë grupit parlamentar, nxiti një lëvizje të ashpër ndaj tij. Prej atij moment zoti Berisha ju drejtua bazës së partisë në një përpjekje për të rimarrë drejtimin e PD. Pasnesër ai dhe mbështetësit e tij kanë thirrur një Kuvend të demokratëve, i cili megjithatë nuk njihet nga zoti Basha, që po ashtu ka njoftuar mbajtjen e Kuvendit, një javë më pas, më 18 dhjetor.
Takimi i sotëm me zyrtarin amerikan ishte parë gjerësisht si një shenjë mbështetje ndaj tij, dhe në fakt zoti Escobar e shprehu hapur një gjë të tillë, kur në përfundim të takimit ai zgjodhi dhe të japë një deklaratë të shkurtër për mediat, përmes së cilave paralajmëroi një vizitë të ardhshme të kreut demokrat në Uashington. “Pres me kënaqësi të vijojmë marrëdhëniet me Partinë Demokratike, e po ashtu të shihemi me zotin Basha në Uashington, sa më shpejt që ai ta ketë të mundur”, u shpreh i Dërguari i Posaçëm për Ballkanin Perëndimor.
Pas tij, zoti Basha konfirmoi se po planifikonte një vizitë në Shtetet e Bashkuara e po ashtu dhe faktin se gjatë takimit ishte folur dhe për rastin e zotit Berisha. “Padiskutim që çështja e pandëshkueshmërisë sikundër politikat e sanksioneve “non grata”, ishin pjesë e diskutimit”, tha ai në përjigje të një pyetjeje nga gazetarët.
Zoti Escobar po zhvillon dhe një takim me ministren e Jashtme Olta Xhaçka, ndërsa më vonë do të bisedojë dhe me kryeministrin Edi Rama. Siç edhe njoftonte dy ditë më parë ambasada amerikane në Tiranë, temat e bisedimeve me përfaqësuesit shqiptar do të ishin ndër të tjera “rikonfirmimi i mbështetjes së palëkundur të Shteteve të Bashkuara për demokracinë e Shqipërisë, integrimin në BE, bashkëpunim më të fortë në mbrojtje dhe mundësi për tregti e investime. Ashtu siç shkruhet në Urdhrat Ekzekutivë të Presidentit Biden, Escobar do të diskutojë gjithashtu edhe mbi vendosmërinë e Shteteve të Bashkuara për të luftuar korrupsionin, pandëshkueshmërinë dhe përpjekjet për të minuar demokracinë në Ballkanin Perëndimor”.
Nga ana e tij zoti Escobar ndërsa vuri në dukej “përpjekjet tona të forta kundër korrupsionit, përfshirë dhe sanksionet”, nënvizoi se kjo “kërkon një angazhim të vazhdueshëm nga institucionet shqiptare që ta bëjnë atë një realitet”.
I dërguari i Shteteve të Bashkuara të Amerikës për Ballkanin Perëndimor, Gabriel Escobar në një intervistë me mediat e huaja në SHBA, dhënë në tetor përgjigjet edhe rreth mbështetjes Amerikane në Shqipëri.
Në një konferencë për shtyp nga Presidenca, këshilltari juridik i presidentit Ilir Meta, Bledar Dervishaj deklaroi se Gjykata Kushtetuese me vendimin e saj që la në fuqi 30 qershorin i zhgënjeu të gjithë.
Gjykata, tha ai, cenoi rëndë parimet e transparencës, duke theksuar se shoqatës së bashkive iu mohua e drejta për përgjigje, ndërsa mosmarrja e një vendimi përfundimtar duke shpallur moskompetencë, e la çështjen të pazgjidhur dhe i hapi dyert antikushtetutshmërisë.
“Siç të gjithë jeni në dijeni Presidenti i Republikës ishte pjesë e këtij procesi, e mbështeti kërkesën e shoqatës së bashkive duke kërkuar pranimin e saj. Presidenti si palë e interesuar i kërkoi gjykatës, kontrollin e akteve apo vendimeve të marra nga pushteti vendor, për të përmbushur rolin, misionin që kushtetuta i ka dhënë. Vetëm përmes një vendimmarrje të themelit, Gjykata Kushtetuese do i rikthehet popullit shqiptar, votën e lirë, për të zgjedhur përfaqësuesit e tij.
Përkundër kësaj pritshmërie, kjo gjykatë i zhgënjeu të gjithë. Gjykata Kushtetuese për interesa që nuk përkojnë me ato të shqiptarëve hoqi dorë nga kompetencat për të mbrojtur liritë për shqiptarët. Për fat të keq, Gjykata Kushtetuese me vendimmarrjen e saj, e ka lënë çështjen pa zgjidhje përfundimtare. Ajo nuk mori guximin të shpjegonte apo të merrte përgjigjen e këtyre pyetjeve.
A iu mohua mbi 3 mln shtetasve shqiptarë e drejta për të zgjedhur në mënyrë të drejtë? A mundet sipas Kushtetutës të zhvillohen zgjedhje pa një datë të përcaktuar nga presidenti? A ishin votimet më 30 qershor, në përputhje me parimet, vlerat dhe liritë themelore që parashikon Kushtetuta jonë. A mundet që data e zgjedhjeve të diktohet juridikisht nga rezoluta? A para shikon Kodi Zgjedhor zgjidhjen e situatës ku në zgjedhje merr pjesë një kandidat?
Është e qartë që me vendimmarrjen e saj Gjykata nuk kishte vullnet për të zgjidhur çështjen, por ia la sërish çështjen juridiksionit politik. Për ta bërë veten jo kompetente, Gjykata Kushtetuese ka cënuar rëndë parimet e transparencës. Më datë 23 qershor, Gjykata Kushtetuese, në mënyrë të papritur vendosi të pezullojë shqyrtimin çështjes dhe ti drejtohet Venecias. E vetmja palë në proces që i adresoi pyetje gjykatës ishte pala kërkuese, Shoqata e Bashkive.
Nëse Gjykata nuk do të kishte anashkaluar pyetjet, sot do të kishin një vendim në themel. Ia la sërish çështjen juridiksionit politik. Për të shmangur themelimin e çështjes dhe për ta bërë veten jo kompente, Gjykata Kushtetuese ka cenuar parimet e tranparencës dhe të një procesi të rregull ligjor.
Gjykata Kushtetuese i zhgënjeu të gjithë. Gjykata Kushtetuese me vendimin e saj e la çështjen pa zgjidhje. Gjykata Kushtetuese dhe Qeveria janë në të njëjtën linjë arsyetimi. Gjykata Kushtetuese nuk përmbushi misionin e saj sublim”, u shpreh Dervishaj.
Në datë 11 dhjetor, Sali Berisha do të mbledhë Kuvendin Kombëtar. Dy ditë përpara mbledhjes së Kuvendit, Shqipërinë do ta vizitojë zyrtari i lartë amerikan Gabriel Escobar, i cili do të ketë takime me kryeministrin Edi Rama dhe kreun e PD-së, Lulzim Basha. Vizita e Gabriel Escobar në Tiranë vjen edhe në një moment kur SHBA ka njoftuar masat e reja që do të ndërmarrë kundër korrupsionit.
Deputeti demokrat Oerd Bylykbashi, i ftuar në studion e “ABC LIVE”, u shpreh se ai për çështjen e Sali Berishës di aq sa Lulzim Basha, dhe sipas tij, SHBA nuk ka kërkuar përjashtimin e ish-kryeministrit nga grupi i PD-së.
“Kjo narrativë që i kanë kërkuar heqjen nga grupi parlamentar nuk është e vërtetë. Nuk e kanë kërkuar. Mbi këtë çështje unë di po aq sa zoti Basha. Është më komplekse se kaq, por nuk mund ta detajojmë këtu. Le të themi diçka, korrupsioni nuk mund të përdoret si armë, ka prova për këtë, dhe ato dërgohen në gjykata. Asnjë shtet nuk ndërhyn në zhvillimet e brendshme të një partie”.
“Përpjekja është edhe në interes të zotit Basha. Nuk ka PD të Bashës, partia është e jona. Nuk mund të ndërhyhet për të prishur një lëvizje që synon demokratizimin e PD-së. Kjo është një lëvizje që bazohet te vullneti i individëve që janë pjesë e kësaj”, tha ai.
Por përpos Sali Berishës a rrezikojnë edhe njerëzit që janë në mbështetje të tij? Bylykbashi nuk mendon kështu. “Ja ku jam unë që kam mbajtur qëndrime shumë të forta në këtë çështje, i jam bashkuar lëvizjes jo për shkak të PD-së, por asaj që besoj se është kriza e rëndë dhe kjo që po ndodh tregon që sistemi imunitar i partisë reagoi, nuk është shembulli i vetëm i autokratizimit të Bashës për atë që bëri në 9 Shtator, që ishte përpjekja e fundit”.
“Ata me të cilët dialogoj përfshirë në ambasadën e SHBA nuk i kam dëgjuar këto. Mund t’ju them që përfaqësues të komunitetit ndërkombëtar inkurajojnë këtë përpjekje për demokratizim të PD-së. Përfaqësues të rëndësishëm të komunitetit ndërkombëtar”, tha ai. syri.net
Në vitet 80’ SHBA-të ishin bërë praktikisht një vend i majtë. Në gjysmëshekullin e fundit, Shtëpia e Bardhë ishte qeverisur plot 35 vjet nga demokratët, ndërkohë që në Kongres dominimi i tyre kishte qenë edhe më absolut.
Ne qarqet e elitës intelektuale amerikane, në atë kohë, mbizotëronte konsensusi se konservatorizmi kishte vdekur dhe tashmë ishte një rrymë e parëndësishme në jetën politike. Prova më e fundit ishte dështimi i Barry Goldëater në primaret brenda Partisë Republikane.
Kriza politike e së djathtës dhe monopartitizmi nuk janë ngjashmëria e vetme e Amerikës së viteve ‘80 me Shqipërinë e sotme. Qeverisja e gjatë e së majtës kishte avancuar një sërë politikash, që kishin shkundur jetën sociale të vendit, veçanërisht axhenda gay dhe politikat feministe. Këto ndryshime kishin shkaktuar pakënaqësi të mëdha te komunitetet fetare të SHBA-ve.
Nga ana tjetër, taksat e larta dhe shtrëngimi i darës rregullatore kishin mërzitur jo pak elitën koorporatiste amerikane dhe biznesin në tërësi. Së fundmi, në atë kohë Shtetet e Bashkuara vuanin nga një kriminalitet i lartë, veçanërisht krimet e natyrës ordinere mbi qytetarët dhe familjet amerikane.
Me pak fjalë, pakënaqësia ndaj qeverisjes të së majtës ekzistonte, por ishte e fragmentarizuar dhe deri në atë kohë askush nga e djathta politike nuk kishte arritur ta kanalizonte këtë pakënaqësi në votë popullore.
Në vitin 1975, Ronald Reagan tentoi të siguronte kandidimin për në Shtëpinë e Bardhë, por humbi në primare ndaj Gerald Ford. Baza republikane mendoi se Reagan ishte i moshuar dhe nuk mund të arrinte t’i siguronte Partisë fitoren. Por 5 vjet më vonë, aktori i dalë në pension u rikthye.
Presidenca e Jimmy Carter kishte qenë problematike. Kriza e ekonomisë amerikane i ishte mbivendosur pakënaqësive të tjera sociale. Reagan arriti të merrte besimin e republikanëve në primare, por mbi të gjitha arriti të siguronte mbështetjen e të gjitha grupeve të rëndësishme të interesit, që ishin të lodhur nga politikat e majta duke filluar nga komunitetet fetare, biznesi, por edhe familjet e trembura nga kriminaliteti dhe të terrorizuara nga “forcat satanike të liberalizmit”. Ajo që ndodhi më pas, dihet.
Ronald Reagan është ndoshta presidenti më i suksesshëm i SHBA-ve pas Luftës së Dytë Botërore. Ai arriti t’i jepte fund krizës ekonomike duke e rikthyer ekonominë amerikane në kapacitet të plotë, reduktoi kriminalitetin e brendshëm dhe forcoi ndikimin e SHBA-ve në arenën ndërkombëtare. Por arritja më e madhe e presidencës së Reagan-it ishte se ajo shpëtoi SHBA-te nga monopartitizmi faktik. Reagan e ktheu Amerikën djathtas. Jo vetëm duke rihapur sërish garën, por duke e detyruar edhe Partinë Demokratike që të zhvendosej më djathtas.
Shqipëria është sot në një situatë identike me atë të SHBA-ve në vitet 80’. Kjo ngjashmëri është e dukshme në avancimin e politikave liberale me karakter ateist, që sulmojnë familjen tradicionale. Së dyti është e dukshme në politikat antibiznes dhe antitreg, që ndryshe nga SHBA-të, në Shqipëri shfaqen përmes crony-kapitalizmit dhe kapjes së shtetit. Po kështu, kriminaliteti dhe korrupsioni janë probleme madhore, që me gjasa do të përkeqësohen më shumë nga mungesa e garës politike. Por ngjashmëria më e madhe është sigurisht ambienti politik.
Me Partinë Socialiste prej 12 vitesh në pushtet dhe opozitën në krizë të thellë, Shqipëria po lundron në ujërat e rrezikshme të monopartitizmit. Për një demokraci hibride, ky është rreziku më i madh i mundshëm. Dhe është një rrezik që dikush do të duhet ta thyejë. A është Sali Berisha njeriu me i përshtatshëm për ta bërë këtë? Ndoshta jo. A mundet ai ta bëjë dot? Ndoshta jo. Por të gjithë ne duhet të shpresojmë që të paktën lëvizja e Berishës të arrije të shkundë ambientin politik. Përndryshe, sic thonë amerikanët, “we’re all fucked up”. Fundja, kjo është Shqipëria. Reagan-ët nuk kemi ku t’i gjejmë.
Kur u konfirmuan emrat e grupit të maskuar, që terrorizoi me armë disa të rinj në një fshat të Lezhës, policia kuptoi se personazhet ishin jashtë vendit. Ramazan Rraja i njohur si nip i deputetit të PS, Rrahman Rraja dhe dy shokët e tij Roan Brahimi dhe Alesio Dobrozi kishin arritur në Dubai, mijëra kilometra larg Shqipërisë, kur policët zbardhën ngjarjen e rëndë. Rraja ka folur për mediat duke deklaruar se ditën që ka ndodhur ngjarja ai ishte në shtëpi, në një sebep familjar.
“Nëse Policia dhe Prokuroria e Lezhës kanë qoftë edhe një provë për mua dhe dy personat e tjerë që janë shpallur në kërkim, jam i gatshëm të vij dhe të përballem me drejtësinë duke pranuar edhe burgimin e përjetshëm”, deklaroi ai nga arratia.
Nga kontrolli i të dhënave doli se fillimisht Rraja kishte udhëtuar drejt Italisë dhe më pas drejt Dubait.
Një nga qendrat e turizmit botëror është shndërruar në strehën e fundit të kriminelëve shqiptarë, që duke përfituar nga lehtësitë që krijojnë Emiratet e Bashkuara kanë një shans të dytë në këtë qytet të famshëm për hotelet me pesë yje dhe jetën e shtrenjtë që ofron.
Ramazan Rraja nuk është i pari që ka shkelur këtë destinacion për t’i shpëtuar drejtësisë.
Në maj të këtij viti në Dubai u arrestua Florenc Çapja. Ai u akuzua për vrasje të mbetur në tentativë ndaj Fadil Memës në vitin 2006. Sipas policisë autor i këtij atentati ka qenë Florenc Çapja, i cili në të shkuarën është akuzuar edhe për vrasjen e Memës – ekzekutuar më 13 mars 2015 në Torino, Itali – dhe Gentian Beqirit. Të dy këta akuzoheshin nga familja Çapja për vrasjen e Sokol Çapjes në dhjetor 2005.
Ndërkohë në shtator të vitit të kaluar në Dubai u vu në pranga edhe Eldi Dizdari, pas një hetimi ndërkombëtar të nisur prej 2015-s për trafikun ndërkombëtar të drogës, si anëtar i “KOMPANIA BELLO” i finalizuar në 10 shtete të ndryshme.
Në 11 dhjetor u arrestua po në Dubai Plaurent Dervishaj, kunati i Lul Berishës. Ai u shpall në kërkim nga SPAK për vrasjet e Vajdin Lames dhe Klodian Saliut në vitin 2005, por nuk u ekstradua në Shqipëri duke shpëtuar. Në 6 shkurt ai u lirua nga qelia në Emiratet e Bashkuara Arabe./Lapsi.al
Anëtarësimi i Shqipërisë në Bashkimin Europian mbetet ende në udhëkryq si një proces i gjatë që nuk është e qartë sa kohë do të marrë. Por vetvetiu qëndrimi statik për të qenë pjesë e kësaj familjeje shtron para pikëpyetjen nëse për situatën me të cilin do të përballet biznesi në një mjedis krejt të ri operimi. Një studim i ndërmarrë me nismën e e projektit “Mbështetje për Negociatat e Anëtarësimit në kapitujt ekonomik te Legjislacionit Evropian“, SANECA* financuar nga Qeveria Gjermane, zbatuar nga GIZ përmes Qendrës Shqiptare për Konkurrencën dhe Tregtinë Ndërkombëtare (ACIT) hedh dritë mbi disa prej çështjeve më të rëndësishme të lidhura me biznesin dhe anëtarësimin në BE.
Referuar studimit 43% e bizneseve nuk e dinë nëse do të jenë të aftë të përballojnë kostot që parashtron për ta anëtarësimi ndërkohë që 19 % janë të bindur që nuk do të mund t’i përballojnë. Vetëm 38 % e bizneseve të anketuara kanë bindjen se mund të përballojnë kostot.
Koha e përgatitjes për anëtarësimin e BE-së cilësohet e nevojshme për bizneset dhe shumica prej tyre , të paktën 59% gjykojnë se do t’ju duhet 4-7 vite ndërkohë që 26% më shumë se 8 vite. Një pakicë prej 8 për qind llogarisin 1-3 vite dhe më pak se një vit 7 % e bizneseve.
Sa i takon përfitimeve në afatgjatë dhe nëse ato do të tejkalojnë kostot vetëm 45 % janë të bindur që po ndërsa 38 % nuk e dinë dhe 17 % nuk mendojnë se do të tejkalohen.
Anëtarësimi dhe koha për këtë proces është një tjetër pyetje e anketës ku 48% e bizneseve janë shprehur se kjo do të ndodhë brenda 2030 ndërsa 25% brenda 2040, 27 për qind parashikojnë që kjo të ndodhë pas 2040 ose kurrë.
Në këtë kontekst sa i takon problematikave që pengojnë Shqipërinë bizneset kanë renditur si arsyen kryesore institucionet e dobëta(34%), kultura politike (32%), ekonomia dhe standardet e dobëta 30% dhe diskriminimi kundër Shqipërisë 4 për qind.
Në rast anëtarësimi bizneset shohin se sektorët që do të përfitonin më shumë do të ishin turizmi me 33 për qind dhe bujqësia me 31 %. Më pas vijnë prodhimi industrial me 28 % dhe shërbimet me 8 %.
Tek përfitimet kryesore të anëtarësimit bizneset vlerësojnë se mbrojtja dhe siguria ligjore janë kryesoret me 34 % dhe më pas vijnë rritja e xhiros dhe eksporteve me 31 për qind, rritja e cilësisë së produktit me 24 % dhe 11% ulja e kostove të prodhimit.
Tek kostot kryesore të anëtarësimit me nivel më të lartë cilësohet ajo e përshtatjes me rregulloret dhe standardet e BE-së me 47%ndërsa e dyta është presioni dhe konkurrenca r produkteve europiane me 28% dhe investimet në teknologji të reja me 16 për qind.
Informimi mbi procesin dhe vetë Bashkimin Europian në pjesën më të madhe bëhet nga partnerët europianë të kompanive dhe më pas nga media tradicionale. Shteti është i katërti sa i takon kanalit të informimit.
ACIT kreu anketën me një kampion prej 188 biznesesh përmes intervistave të thelluara. Bizneset ushtrojnë aktivitetin në 7 qarqe dhe i përkasin sektorëve të ndryshëm dhe kanë në përbërje numër të ndryshëm të punësuarish dhe xhirosh vjetore.
* Projekti SANECA po mbështet Ministrinë e Financave dhe Ekonomisë për t’u përgatitur për bisedimet e anëtarësimit në kapitujt 1, 3, 20 dhe 28 që kanë të bëjnë me tregun e përbashkët europian dhe lëvizjen e lirë të mallrave, politikat industriale dhe të drejtën e themelimit të kompanive, si dhe me mbrojtjen e konsumatorit dhe shëndetit publik.
Në vitet e fundit, ky studim është i pari që targeton në mënyrë specifike komunitetin e biznesit dhe mëton të vlerësojë në detaje nivelin e njohurive lidhur me procesin e integrimit europian. Studimi mëton të vleërsojë edhe nevojat që ky komunitet ka për të rritur kapacitetet e veta, me qëllim që të mund të kthehet në një partner real të qeverisë në përgatitjet e bisedimeve për anëtarësim me BE-në.
/Monitor
Pjesa e shtatëmbëdhjetë
Publikohet një dosje arkivore voluminoze të nxjerrë nga institucioni i Autoritetit për Informimin e Dosjeve të ish-Sigurimit të Shtetit, ku ndodhen me qindra dokumente me siglën “Tepër sekret” që i përket ish-të dënuarit politik, Xhavit Qesja, me origjinë nga qyteti i Krujës, familja e të cilit gjatë periudhës së pushtimit të vendit, 1939-1944, u lidh ngushtë me Lëvizjen Antifashiste, duke qenë një ndër bazat kryesore të saj dhe vuri në dispozicion të gjithë pasurinë që kishte, pasi Xhaviti ishte një ndër anëtarët e parë të Partisë Komuniste Shqiptare për rrethin e Krujës, duke drejtuar batalionin partizan Krujë-Ishëm dhe Brigadën e 22 Sulmuese. Karriera politike e Xhavit Qeses pas mbarimit të Luftës, ku ai u emërua dhe shërbeu në detyra të larta në Ushtrinë Shqiptare, aparatin e Komitetit Qendror të PPSh-së, e disa rrethe të vendit, nga ku u dërgua me studime në Bashkimin Sovjetik, ku qëndroi deri në vitin 1957, kur ai u njoftua që të kthehej urgjent në Shqipëri, pasi kishte shprehur hapur pikëpamjet e tij pro vijës politike që po ndiqte udhëheqësi kryesor i Kremlinit, Nikita Hrushov, për dënimin e kultit të Stalinit. Biseda e Enver Hoxhës me Xhavit Qesen në zyrën e tij në Komitetin Qendror, ku ai e kritikoi ashpër për pikëpamjet e gabuara që ai kishte shfaqur gjatë periudhës së studimeve në Moskë, duke i bërë thirrje që të reflektonte dhe të bënte autokritikë, por Xhaviti e refuzoi sugjerimin e sekretarit të parë të Partisë së Punës së Shqipërisë, gjë e cila u bë shkak që ai të mos lejohej të shkonte më në Bashkimin Sovjetik për të përfunduar studimet, por të dërgohej me punë si nënkryetar i Komitetit Ekzekutiv të Elbasanit, nga ku një vit më vonë, do të përjashtohej nga radhët e Partisë, e do të internohej në Ishullin e Zvërnecit, ku regjimi komunist mbante të izoluar disa nga ish-kuadrot e lartë partiakë dhe shtetërorë, të cilët i kishte dënuar për pikëpamjet e tyre antiparti. Kalvari dhe persekucioni i gjatë i Xhavit Qeses nga viti 1957 deri në 1990-ën, ku ai kaloi plot 32 vite në burgje dhe internime, duke qenë një nga të rrallët e dënuar të burgut të Burrelit që bëri greva të gjata urie në shenjë proteste për trajtimin dhe qëndrimin e egër që po mbante regjimi komunist i Enver Hoxhës ndaj tij. Dosja e plotë formulare, hetimore dhe gjyqësore në ngarkim të Xhavit Qeses, e cila publikohet për herë të parë nga Memorie.al, ku ndodhen dokumentet e ish-Sigurimit të Shtetit që pasqyrojnë ndjekjen dhe përgjimet ndaj tij, raportet e bashkëpunëtorëve të Sigurimit me pseudonimet e tyre, korrespodenca me letrat që ai u dërgonte instancave të larta partiake dhe shtetërore, si dhe udhëheqësve më të lartë të PPSh-së, deri në vitin 1991 që u lirua nga burgu!
Raport-informacion i oficerit të Sigurimit të Shtetit, nënkolonel Qemal Hysenaj, me të dhënat e bashkëpunëtorit të Sigurimit me pseudonimin “Marena”, lidhur me bisedat që bënin të internuarit në Ishullin e Zvërencit
Fier më 16/VI/1959 Marrë nga N/Kolonel Qemal Hysenaj
Dhënë nga B.p. “Morena”
R A P O R T
Më datën 12 Korrik 1959, Amali Dishnica shkoi në Zvërnec për t’u takuar me burrin e saj Pëllumb Dishnicën. Kur u kthye prej andej, ndër të tjera ajo më tha si më poshtë:
Xhavit Qesja, më tregoi me hollësi për vajtjen e nënës së tij në Zvërnec, se si ata (prindët e Xhavitit) ju gjendën mbas 15 vitesh braktisje, që ai ju kishte bërë. E ëma i kish thënë Xhavitit, se në shtëpinë që po bëjmë në Durrës, pjesën më të bukur do t’ja ruajmë Xhavitit.
Xhaviti thotë Amalia, më tregoi dy raste të sjelljes së ashpër të tij me familjen dhe se sa i penduar është tani që ka luftuar aq shumë babanë e tij, vetëm për arsye se ka qenë pasanik dhe për asgjë tjetër, pas i ati kish pas ndihmuar shumë Lëvizjen Nacionalçlirimtare. Rasti i parë ishte telegrami që familja ja kishte bërë me rastin e vdekjes së motrës dhe ky ja ka marrë Tonin Jakovës nga dora, kur ai po bisedonte me shokët e byrosë se si t’ja bënin, dhe pasi e lexova, tha e vura me një anë dhe vazhdova punën.
Rasti i dytë ishte kur i kish ardhur telegram i vdekjes së babait, nga Shqipëria në Moskë. Isha, thotë Xhaviti, i shtruar në spital nga zemra dhe me gjithë se infermieret atje kuptuan se mos mua do të më dëmtonte ky telegram, ma dhanë me frikë të madhe. Unë e mora e lexova dhe e lash aty pa bërë asnjë gjest. Ata të spitalit kujtuan se mos unë i humba ndjenjat, por kur më pyeti infermierja, i thashë se kështu jam, më janë ftohur ndjenjat kundrejt familjes, por tash, kish thënë Xhaviti, familja m’u ndodh këtu, e as kush tjetër.
“MORENA”
Vërtetohet se është një me origjinalin që ndodhet në dosjen e Amali Dishnicës.
Punëtori Operativ
Kapiten (KOLI SOLLAKU)
Tiranë më 24/8/1959
Plani i masave agjenturiale të Sigurimit të Shtetit për ndjekjen e survejimin e Xhavit Qeses në vitin 1959, kur ai ishte në funksionin e nënkryetarit të Komitetit Ekzekutiv të rrethit të Elbasanit
P L A N
I MASAVE AGJENTURIALE–OPERATIVE PËR PËRPUNIMIN E XHAVIT QESES II/A
SITUATA OPERATIVE:
Duke vepruar në kundërshtim me vijën e Partisë ai ka komentuar dhe folur se qëndrimi i Partisë tonë në lidhje me marrëdhëniet tona me Jugosllavinë nuk janë të drejta, pasi udhëheqja e Partisë tonë duhet të analizojë gabimet që ka në lidhje me Jugosllavinë dhe të bëjë kthesën. Po kështu, ai nuk quan të drejtë qëndrimin e Partisë tonë edhe në lidhje me deklaratat e bëra në shtyp për çështjen e Polonisë dhe Partisë Komuniste revizioniste të Jugosllavisë dhe tjera.
Për të gjitha këto pikëpamje i përmenduri u thirr dhe u këshillua nga Komiteti Qendror i Partisë tonë, për se ai akoma qëndron në të njëjtat pozita armiqësore kundër vijës së Partisë, duke biseduar dhe komentuar kundër Partisë dhe udhëheqjes së saj, më elementë të tjerë anti-parti dhe të sëmurë. U jep të drejtë elementëve armiq, si Bedri Spahiut dhe Tuk Jakovës. Nuk e quan të drejtë masat e marra kundër tyre dhe Dali Ndreut e Liri Gegës. Këtë i quan terror, që gjoja Partia jonë e bën kundër njerëzve që nuk kanë faj etj.
1. Të studiohet rrethi i tij shoqëror që ka krijuar në qytetin e Elbasanit dhe nga radhët e tyre të zgjidhet një kandidat i fortë për ta rekrutuar në drejtim të tij, me qëllim që të kontrollohet me agjenturë paralele, për të vërtetuar të dhënat në drejtim të tij. Për këtë të zgjidhet Angji Faber.
Ngarkohet ta kryej kapiten Avni Mehmeti, në bashkëpunim me udhëheqjen e Drejtorisë deri më datën 30.1.1958.
2. Të drejtohen bashkëpunëtorët “Skëndi” dhe “Pëllumbi”, për të vërtetuar nëse Xhaviti bisedon me Agron Frashërin dhe me një sërë personash të tjerë. Gjithashtu të vërtetojnë me anë të tyre lidhjet dhe qëllimin e këtyre lidhjeve, bisedoj ose jo, përkundër Partisë dhe çfarë bisedojnë konkretisht.
Ngarkohet ta kryej kapiten Avni Mehmeti, deri më datën 25.3.1958.
3. Të grumbullohen të dhëna dhe material mbi negativitetin e punës së tij n’organizimin dhe drejtimin e sektorit që ai drejton dhe për këtë të vihet në dijeni sekretari i parë i Partisë së Qarkut.
Ngarkohet ta kryej kapiten Avni Mehmeti deri më datën 30.3.1958.
4. Të vihet nën kontroll të rregullt korrespodenca e tij postare me qëllim që të zbulojmë dhe të vërtetojmë lidhjet e tij me element anti-parti dhe armiq që mund të ketë ose të krijoj ose në rrethet e qarqet e tjera.
Ngarkohet ta kryej kapiten Avni Mehmeti, vazhdimisht.
5. Të behet survejimi i tij sa herë që do të largohet nga Elbasani për në Tiranë dhe në qytete të tjera, me qëllim që të kontrollojmë lëvizjet dhe lidhjet e tija që mund të ketë në qytetet të tjera.
Ngarkohet ta kryej kapiten Avni Mehmeti, vazhdimisht.
6. Të bisedohet me sekretarin e parë të Komitetit Qarkor, që të mos e dërgojmë më me shërbim në rrethin e Librazhdit, pasi është zonë kufitare dhe ka rrezik që të arratiset për në Jugosllavi.
Ngarkohet kapiten Avni Mehmeti në bashkëpunim me udhëheqjen deri në….?
Shefi i Seksionit të II-të
Kapiten Avni Mehmeti
Relacioni i Sigurimit të Shtetit për intensifikimi e ndjekjes, survejimit dhe përgjimit të Xhavit Qeses në rrethin e Elbasanit, ku ai ishte nënkryetar i Komitetit Ekzekutiv
RELACION MBI VËNIEN NË PËRPUNIM AKTIV NË 2/A XHAVIT QESEN SI ELEMENT ANTIPARTI
Sekretari i Komitetit Qendror e thirri Xhavitin nga shkolla e Marksizmit në Moskë për ta këshilluar për disa gabime dhe shfaqje anti-parti të tijat dhe për këtë vendosi të marrë masa për ta larguar nga studimet dhe ta dërgojë në Elbasan si Nën/Kryetar i Komitetit Ekzekutiv të Qarkut.
Xhaviti gjatë kohës që ka qenë në Bashkimin Sovjetik dhe sidomos pas Kongresit të XX-të të Partisë Komuniste të Bashkimit Sovjetik dhe Konferencës së partisë së qytetit të Tiranës, filloi të shfaqë pikëpamjet e tija anti-parti duke e quajtur qëndrimin e Partisë sonë të Punës, jo të drejtë, në lidhje me Jugosllavinë dhe Poloninë, si dhe një sërë pëshpëritje të tjera për udhëheqjen e Partisë, anëtarët dhe kandidatët të Komitetit Qendror të Partisë së Punës së Shqipërisë. Për këto gabime i përmenduri u thirr nga Moska në Komitetin Qendror të PPSH-së ku ju vunë në dukje këto gabime, duke marrë dhe masën e përmendur më lart.
Gjatë kohës që Xhaviti ka ardhur në qytetin e Elbasanit, qëndrimi i tij nuk ka qenë i mirë, detyrën e ngarkuar ai nuk e ka kryer mirë dhe mban një qëndrim menefregist, duke dhënë urdhra dhe udhëzime qesharake ose me tallje, i pëlqen të merret më tepër me llogje, duke treguar barsoleta, se sa me problemet njerëzor që ka në sektorin e punës, shpesh herë, në kërkimin e llogarisë paraqitet me fjalë hipokrite se sa serioz. Kohët e fundit, ai ka filluar të flasë dhe të propagandojë kundër Partisë dhe vijës së saj duke thënë se në vijën e Partisë tonë ka gabime, por këto gabime nuk njihen nga udhëheqja e saj, pasi udhëheqja tonë ka frikë se humbet postet që ka.
“Qëndrimi i Partisë sonë’, thotë ai, ‘mbi marrëdhëniet me Jugosllavinë, nuk është i drejtë, pasi Partia jonë ka mjaft gabime në këtë drejtim, të cilat duhet t’i analizojë dhe t’i njohë, para jugosllavëve, nuk duhet të dëgjohet kambana jonë, por edhe e jugosllavëve. Partia tonë kritikon jugosllavin në lidhje me kundër-revolucionin hungarez, por ajo nuk është ashtu si thotë shtypi jonë, gabimet e udhëheqjes së Partisë Punës Hungareze, e shpunë popullin në këtë gjendje. Partia ka gabim’, thotë ai, ‘dhe këto janë jo më pak se ato në kohën e Koçit”.
“Kjo faktohet’, thotë ai, ‘me arrestimet dhe masat e shumta kundër personave që nuk janë armiq, si p.sh. masat kundër Tukut, Bedriut, etj., persona që kanë kritikuar gabimet tona. Dënimi i Daliut dhe i Lirisë, si njerëz agjentë të një shteti të huaj, është akuzë për të kundërshtuar Jugosllavinë. Të gjithë këta, thotë ai, u dënuan sepse guxuan të thonin të vërtetën dhe jo se kanë gabime”.
“Për çështjen polake’ thotë ai, ‘Partia jonë nuk mban qëndrim të drejtë, në Sekretariat’ thotë, ai ‘më thonë se Gomulka është buharinist dhe jo në pozita të shëndosha si marksist, ndërsa në “Pravda”, thuhet ndryshe, ata, vazhdon me thanë, se ti duhet të veprosh ashtu si thotë “Zëri i Popullit: dhe jo ndryshe. Kjo erdhi pasi unë u thashë që këtu mendimet e mija i kam pasur nga “Pravda”. Lidhur me këtë, ai shprehet duke thënë se: “Principialiteti është çështja kryesore ku duhet të mbështet Partia dhe çdo anëtar i saj për të qenë konsekuent në rrugën e tyre dhe jo të nisen vetëm nga interesat, thjeshtë personale, për çështje pozite dhe karriere”.
“Jugosllavia, thotë ai, ‘është vend socialist që udhëhiqet nga parimet marksiste-leniniste, ajo bën politikë të pavarur dhe kjo u faktua me konsultën e Partive të vendeve socialiste, ku jugosllavët nuk murrën pjesë në këtë konsultë. Që të kuptosh gjendjen, në Jugosllavi, mjafton vetëm fakti që populli qëndron i lidhur me Partinë dhe me qeverinë, megjithëse nga Stalini u tha se gjendja së shpejti do të ndryshojë në Jugosllavi dhe shumë të tjerë nuk lanë asgjë pa thënë, për udhëheqjen Jugosllave.
Sikur Stalini të thoshte diçka kundër Enverit dhe Mehmetit, këta nuk do t’i zinin 24 orët. Në Jugosllavi ndodhet socializmi pa burokraci”.
“Tek ne, në një anë flitet për përmirësimin e marrëdhënieve dhe nga ana tjetër, pushkatojmë Daliun dhe Lirinë, si spiunë të jugosllavëve, çfarë bënë në fund të fundit ata, mos vallë nuk kishin dhënë aq kontribut sa të mos ekzekutoheshin, mos vallë dha më shumë Et’hem Çakua që ka qenë kriminel me damkë”!
“Në vendin tonë nuk ka gjë tjetër, veçse deklarata e fjalime, shprehje në formë parullash, gjithçka është e bërë parullë. Tek ne nuk thuhet e vërteta, nuk thellohen dhe nuk bëhen analiza të gjërave”.
Në lidhje me ndërtimet e ndryshme industrial, në vendin tonë, nuk e quan të drejtë vijën e Partisë dhe thotë p.sh. se: çe duam ne Hidrocentralin “Enver”, që shpenzon me miliona lek, apo për t’u dukur?! Ne kemi qenë në gjendje që me anën e motorëve ekzistues të përballonim nevojën për energji elektrike”.
Në një rast tjetër ai është shprehur, se ministrat bëjnë jetë gratis në plazhin e Durrësit, ndërsa ne nuk shkojmë dot as me paratë tona se nuk na del hesapi. Ka thënë se shokut Beqir, i është rritur mëndja dhe nuk shikon me sy të tjerët. Ka thënë se në Radio, reklamohen penicilina, kurse populli bëhet copë dhe nuk mere dot një flakon.
Vihet re që Xhaviti ka krijuar shoqëri të ngushtë me një sërë elementësh të sëmurë dhe pikëpamjesh anti-parti, siç janë Agron Frashëri, Angji Faber, Nazim Batalli, Aleko Kolaci, dhe Xhevdet Petrela, etj.
Duke u nisur nga faktet që Xhavit Qesja është njeri me pikëpamjet anti-parti dhe revizionist, gjë kjo që vërtetohet nga të dhënat agjenturiale të përmbledhura si më lart, si edhe kontaktet të shpeshta me elementët antiparti, si Agron Frashëri, si dhe me elementë të sëmurë që gjenden një pozita të tilla. Ne vendosëm dhe e muarrëm në përpunim aktiv, duke e karakterizuar në 2/A. Memorie.al
Shefi i Seksionit të II-të
Kapiten Avni Mehmeti
Elbasan, më 1.12.1959
Vijon
Pas akuzave qesharake dhe djallëzore të Sekretarit të Përgjithshëm të emëruar të PD, Gazment Bardhit, se po përdoren simbolet e partisë nga persona të paautorizuar, ka reaguar edhe njëherë tjetër foltorja.
Në përgigjen e saj, foltorja ka sqaruar se simbolet, vula, selia dhe vetë Partia Demokratike u përkasin demokratëve të cilët kanë deleguar vullnetin e tyre tek delegatët e Kuvendit Kombëtar dhe jo ish ministrave të Ramës.
Përgjigja e plotë:
Një përgjigje për “kryetarin” pa parti!
Të vënë përballë faktit të kryer se shumica e delegatëve të kuvendit dhe anëtarëve të PD i kanë përcaktuar tashmë de facto si pakicë uzurpuese të Partisë Demokratike ashtu siç pritej, peng – kryetari në largim dhe ai që ka poshtë, do të zvarriteshin pas logove e pas vulave duke u bërë më qesharakë seç janë.
Simbolet, vula, selia dhe vetë Partia Demokratike u përkasin demokratëve të cilët kanë deleguar vullnetin e tyre tek delegatët e Kuvendit Kombëtar që është dhe organi më i lartë i Partisë Demokratike. Mbi 5000 mijë delegatë që përbëjnë dhe mbi 65% të këtij Kuvendi kanë firmosur ta thërrasin atë në 11 Dhjetor në përputhje të plotë me statutin e PD! Askush dhe aq më pak ish ministri Edi Ramës nuk mund t’i pengoje ata të realizojnë misionin e tyre nën flamurin, siglën dhe simbolet e Partisë Demokratike për të cilën kanë sakrifikuar aq shumë ndërkohë që vota e tyre tradhëtohej nga peng kryetari ose shitej për karrike ministrash nga gaztori i tij! Shoqata Basha – Bardhi le të tundë dhe për pak ditë letrat se partia dhe demokratët i kanë braktisur me kohë.
Përballe mijëra firmave që mbështesin Kuvendin Rithemelimit të 11 Dhjetorit ankesat dhe të qarat për letra e shkresa dëshmojnë fundin pa lavdi të nje grupi njerëzish të cilëve as dorëheqja nuk ua shpëton dot më nderin që në fakt nuk e patën kurrë!
Politikani i njohur, Besnik Mustafaj, në një analizë të gjatë për gazetën Panorama, duke komentuar situatën e krijuar në PD me dy Kuvendet, lëshon akuza të forta ndaj kryetarit aktual demokrat, Lulzim Basha.
Mustafaj thotë se Basha është një politikan pa shtyllë kurrizore, që nuk e meriton të jetë në krye të PD.
Më tej, ai thotë se PD e ka humbur sovranitetin e saj.
“Kjo dobësi doli qartë në pah në fjalën publike të Lulzim Bashës kur njoftoi përjashtimin e Sali Berishës nga grupi parlamentar demokrat. Aty ai pohon shprehimisht se është i bindur në pafajësinë e Berishës. Domethënë se ai vendimin e kishte marrë jashtë bindjeve të veta. Ndërkohë, ai nuk i kishte dhënë vetes mundësinë që përgjegjësinë ta ndante me strukturat drejtuese të partisë. Do ta mbante vetë të gjithën. Por kjo çështje është tjetër. Kryetari i partisë së dytë më të madhe në vend, alternativë e pushtetit, ai vetë kandidat për kryeministër, një vendim të tillë, që do ta trondiste partinë me rrënjë e me degë, e merr jashtë bindjeve të veta. Duke arsyetuar politikisht, madje edhe përtej lidhjes që kishte ky vendim me atë vetë, Berisha nuk e pati të vështirë të arrinte në përfundimin politik se Partia Demokratike, nëpërmjet kryetarit të saj, kishte humbur sovranitetin. Dhe, qysh në foltoren e parë shpalli se kjo lëvizje kishte për qëllim madhor t’i kthente Partisë Demokratike sovranitetin,” shkruan ai.
Mustafaj thekson në fund se Kuvendi i 18 dhjetorit është një ngrehinë pa themele, e cila do të shembet.
“Lulëzim Basha me bashkëpunëtorët e tij, nga mungesa e vizionit ose zgjedhja e një strategjie të gabuar, qysh në shpërthimin e kësaj krize e deri në fund të fushatës së “Foltores” kanë qëndruar me këmbëngulje jashtë debatit politik, të mbyllur në zyrë me njëri – tjetrin, duke kundërshtuar në mënyrë virtuale mbledhjen e Kuvendit të 11 dhjetorit me argumente vetëm teknike apo proceduriale. Madje, Basha dhe ekipi i tij nuk e pranuan asnjëherë faktin se ka krizë apo se ka rrezik përçarjeje të partisë. Pra, ata refuzuan, do të thosha verbërisht, të bëjnë politikë. Për pasojë, ata përjashtuan çdo mundësi komunikimi me rrymën përballë, komunikim ky që do të duhej të ishte intensiv dhe në rritje, kryesisht publik, i cili sigurisht që do t’i pasuronte idetë në të dy platformat, duke nxjerrë në pah edhe pikat e përbashkëta lidhur me domosdoshmërinë për reformim të thellë të partisë. Por ky komunikim do të duhej të ishte edhe “diplomatik”, me takime larg syve të publikut, në emër të interesit të përbashkët dhe vetëm të këtij interesi. Basha dhe të vetët, madje, mbyllën veshët edhe ndaj propozimeve që vinin nga demokratë të shqetësuar e që nuk ishin pjesë e asnjërës palë. E tillë më duket mua, për shembull, platforma për një konventë kombëtare, që shtroi publikisht ish-deputeti Romeo Gurakuqi. Jo. Sepse ata ishin të vendosur të flisnin vetëm në gjuhë teknokratike, rrjedhimisht të pakuptueshme për demokratët e shqetësuar. Për më keq, kjo strategji “apolitike” e veshi sjelljen dhe ligjërimin e tyre me një arrogancë, që vetëm e dobishme nuk ishte për rrethanat. Arroganca nuk mund ta kompensonte mungesën e përmbajtjen politike, për të cilën kishte dhe ka nevojë kjo histori. Kështu që edhe tentativa e tyre për të mbledhur një kuvend bis me 18 dhjetor më duket pa asnjë themel. Dhe, si të gjitha ngrehinat pa themel, do të shembet sa pa iu hedhur ende çatia”.
Testi i drogës për efektivët e policisë urdhëruar nga Drejtori Përgjithshëm, Gledis Nano ka dhënë rezultatet e para.
Burime bëjnë me dije se disa efektivë kanë rezultuar konsumatorë dhe do të përjashtohen nga radhët ePolicisë, raporton Report TV.
Javën e ardhshme do të jetë edhe konferenca e prezantimit të rezultateve për testin e drogës tek uniformave blu që ka nisur prej 1 jave pranë komisariateve në vend.
Ndërkohë mësohet se Policia e Shtetit ka siguruar edhe sasinë e parë të testeve të drogës për shoferët me sjellje agresive në rrugë.
Pas testeve të drogës për efektivët e dyshuar, nga 20 dhjetori nis në terren testi i drogës edhe për shoferët.
Aktualisht testi i drogës kryhet në mënyrë të rastësishme për shoferët të përfshirë në aksidente me pasoja dhe që dalin negativ në testin e alkoolit.
Të tjera detaje dalin në dritë në lidhje me skandalin e pasaportave në Greqi. Bledar Jambelli allias Rikardo Muho, porositësi i vrasjes së Komisar Artan Cukut, rezulton të jetë pajisur me identitet grek fals nga grupi kriminal që u ndryshonte identitetin kriminaleve shqiptare me qellim që t’i shmangeshin drejtësisë. Bledar Jambelli kishte siguruar në Xania një kartë identiteti dhe pasaportë greke në emrin Xristos Xamkidis.
Rikardo Muho, që për policinë greke, e kishte të shtrirë veprimtarinë kriminale në Spanjë dhe Greqi, në prill 2020 është marrë në pyetje nga policia greke ku ka dhënë informacion të vlefshëm lidhur me grupin kriminal të falsifikatorëve. Sipas tij, ai kishte paguar 35 mijë euro për të ndërruar identitet dhe këtë e kishte bërë me qëllim që mos të ekstradohej në Shqipëri, por të qëndronte pranë familjarëve të tij që ndodhen në Greqi.
Shqiptari me pseudonimin Rikardo Muho, me veprimtari në Spanje e Greqi, u shoqërua në polici në prill 2020 me urdhër të Prokurorisë së Pireut për një çështje të madhe kontrabande cigaresh. Shkaku që Muho u thirr ishte fakti që me identitetin e rremë, pjesëtarë të grupit kishin hapur nipt për një kompani të përfshirë në kontrabandë cigaresh. Muho në atë kohë ishte ende në qeli, i akuzuar si porositës i vrasjes së oficerit të policisë, Artan Cuku, thuhet në artikullin e sotëm të gazetës greke Kathemirini. Deri në arrestimin e tij në 2018, Muho jetonte në Athinë me kartë identiteti dhe pasaporte me emrin Xristos Xamkidis. Dokumentet fals ishin siguruar për 35 mije euro.
KUSH ËSHTË BLEDAR JAMBELLI
Nga hetimet e kryera nga Policia e Shtetit, në bashkëpunim të ngushtë me Prokurorinë dyshohet se Jambelli ka porositur vrasjen e komisar Cukut, ngjarje e ndodhur më 8 prill 2017.
Kryekomisari u vra duke hyrë në shtëpinë e tij në Tiranë natën e 8 prillit të vitit 2017. Ai u qëllua me 5 plumba, katër në gjoks dhe një në kokë. Po nga hetimi rezulton se motivi i krimit lidhet me arrestimin e Jambellit në kohën kur viktima kryente detyrën e Drejtorit të Policisë Vlorë.
Jambelli u shpall në kërkim ndërkombëtar nga ana e Policisë më datë 13.06.2017, pasi Gjykata e Shkallës së Parë për Krimet e Rënda, me vendimin nr. 292, datë 12.06.2017, ka vendosur masën e sigurisë Arrest me burg, për veprën penale “Vrasja e Punonjësit të Policisë së Shtetit” e kryer në bashkëpunim. Pas arrestimit të tij 20 muaj pas krimit, Greqia vendosi që mos ta ekstradonte atë drejt shtetit tonë.
Presidenti Ilir Meta ka përshëndetur emërimin e të Dërguarit Special të Qeverisë Britanike për Ballkanin Perëndimor, Sir Stuart Peach.
Përmes një mesazhi në Twitter, kreu i shtetit theksoi se Mbretëria e Bashkuar ka dëshmuar të jetë një partner i qëndrueshëm.
MESAZHI I METËS
Përshëndes emërimin e të Dërguarit Special të Qeverisë Britanike për Ballkanin Perëndimor, Sir Stuart Peach. Mbretëria e Bashkuar ka dëshmuar të jetë një partner i qendrueshëm, i besueshëm dhe shumë i rëndësishëm për promovimin e lirisë dhe demokracisë në rajonin tonë. Forcimi i paqes dhe stabilitetit mbetet kyç për forcimin e perspektivës evropiane. bw
Me afrimin e datës 11 duket se Basha dhe rrethi gjithmonë e më i ngushtë ka humbur toruan dhe mbi të gjitha arsyen. Pas deklaratave se delegatët që kanë firmosur janë pijanecë, llum, naivë … tani vjen dhe një tjetër edhe me absurde që i krahason ata dhe të drejtat e tyre me serbët e Vuçiçit në Kosovë.
Ja çfarë ka shkruar në facebook deputeti Kreshnik Çollaku:
E verteta perkunder iluzioneve.
Aq sa strukturat paralele te beogradit ne Kosove mund shkarkojne Albin Kurtin aq dhe nje strukture paralele (nese quhet foltore apo jo)mund te shkarkoje Lulzim Bashen.
Më datën 29 Nëntor 2013, Bedri Blloshmi, ish i burgosur politik dhe vëllai i poetit të pushkatuar Vilson Blloshmi, në atë kohë drejtor i Institutit të të Përndjekurve Politikë i drejtohet kryeministrit të Shqipërisë me deklaratën e mëposhtëme:
“Deklarata e Drejtorit të Institutit të të Përndjekurve Politikë, Bedri Blloshmi më 29 Nëntor 2013
Të tronditur pa masë kur mësuam se ishte vendosur në protokollin e ditës së shtunë emri i diktatorit,
aq më keq shoqëruar edhe me fotografi,
unë ju drejtohem ju si Kryeministër:
Mos luani më me ndjenjat dhe dhimbjen tonë të përgjakur dhe kurrë të shërueshme.
Në emër të atdhetarëve shqiptarë,
në emër të të rënëve për Shqipërinë e copëtuar e gjakosur nga komunizmi,
në emër të nënave shamizeza, në emër të vajzave që s’e përdorën djepin kurrë,
në emër të lotëve të derdhur vazhdimisht,
në emër të të zhdukurve,
të varreve të hapura,
në emër të dhimbjes së përjetshme, të plagëve të pashërueshme,
i bëj thirrje kryeministrit Edi Rama: Mos luaj me gjakun tonë!
Rroftë 28 Nëntori!
Në konferencën “Demistifikimi i historisë dhe e ardhmja” organizuar nga Qendra Kombëtare e Librit dhe Leximit në kuadër të mbylljes së muaji aktivitetesh kushtuar 109 vjetorit të Pavarësisë së Shqipërisë, ku kanë marrë pjesë historianë të njohur si Pëllumb Xhufi, Nevila Nika, Artan P. Hoxha, Ardit Bido dhe Dorian Koçi, ka rënë në sy deklarimi i zonjës Nika e cila është shprehur se:
“Figura e Enver Hoxhës nuk mund të shihet vetëm zi. Duhet kapërcyer vështrimi i të parit bardh e zi të disa figurave apo ngjarjeve historike përfshirë dhe Enver Hoxhën. Duhet thënë për atë që bëri e atë që nuk bëri. Ai udhëhoqi Shqipërinë për 45 vjet me të mirat dhe të këqijat”, kështu ka deklaruar historiania Nevila Nika, sipas burimit nga balkanweb.com.
https://www.balkanweb.com/historiania-nevila-nika-enver-hoxha-nuk-duhet-pare-vetem-zi/
Pas këtij deklarimi të zonjës Nika, ka reaguar z.Lek Mirakaj, që vjen nga shtresa e familjeve të mëdha të Shqipërisë, persekutuar nga regjimi diktatorial e që mban mbi supe historinë e Familjes së tij me 950 vite burgje, internime dhe vrasje.
Ja si shkruan midis të tjerave z.Lek Mirakaj: “Mendoj se ka te drejtë, nuk duhet parë vetem zi, është skëterrë!”
Dhe më tutje z.Lek Mirakaj shton: “Z.Nikaj, qoftëlargu nuk udhëhoqi, ai sundoi dhe masakroi. Nuk ka të mira e të këqia, ka vetëm të këqia”!
Dhimbja që la pas largimi i Edi Luarasit nga kjo botë nuk është e vogël edhe për kolegët e saj artistë.
Aktorja e madhe shqiptare Roza Anagnosti rrëfen e prekur se Edi Luarasi ishte një artiste unike dhe që përballoi furtuna. Ajo e krahason madje me Tringën e Gjergj Fishtës.
“Artistja unike, yll, një gru e fortë, fisnike që përballoi furtuna në jetë është një grua që e nderon figurën e gruas shqiptare. Në këto momente nuk gjeja fjalë, kam bashkëpunuar me të në jetë, të gjithë e kanë dashur me shpirt, me sinqeritet dhe të them të drejtën e krahasova me Tringën e Gjergj Fishtës për gjithë ato vlera dhe rrugë të dhimbshme që kaloi”, thotë Anagnosti.
Edi Luarasi u shua ditën e djeshme në moshën 81-vjeçare pas një sëmundje të rëndë. Ajo ishte bashkëshortja e regjisorit Mihallaq Luarasi, i ndarë nga jeta pak vite më parë.
Që të dy ishin çifti ikonë i Teatrit ndër vite. Por jeta e tyre pati të papriturën e madhe të një kthese të dhimbshme, pasi ndërsa Mihallaqi u burgos ca vite, ajo u përjashtua nga jeta aristike.
Gjithçka ndodhi pas pjesës teatrale “Njollat e murme”, me regji të Mihallaqit, ku luante Edi Luarasi. “Njollat e Murme” dhe vënia e saj në skenë në 1969 mundi të rrokte me pjekuri dhe largpamësi problemin me delikat të kohës, lindjen e parazitëve të rinj, të cilët hanin në kurriz të të aftëve. Autori, arriti të parashikonte me vërtetësi se kу fenomen pо përhapej me shpejtësi në aparatet administrative e shtetërore që kish filluar e që me pas dо të shndërrohej ne një gangrenë рër vetë sistemin.
Pikërisht me ndalimin dhe censurimin e kësaj drame, si dhe të vonë me fatin e keq të Festivalit të 11-të të Këngës në Televizion, lidhet dhe trauma e familjes Luarasi.
I shoqi i Edit, regjisori i talentuar Mihallaq Luarasi, futet në burg dhe dënohet 8 vjet për agjitacion e propagandë. Ndërkohë Edi, e dëbuar nga teatri, detyrohet të futet në rrobaqepësi, për të përballuar vështirësitë financiare.
Gjatë 11-viteve të punës si rrobaqepëse, аjo arrin ta përvetësojë mire zanatin. Njerëzit e donin por dhe ajo i donte, gjithnjë e çiltër, e dashur dhe pa fjalë. Megjithëse 51 vjeçe, pas ardhjes së demokracisë, Edi Luarasi kthehet në skenë dhe arriti të fitojë e meritojë duartrokitjet e publikut në dramën “Vizita e Damës plakë”, duke u rikthyer kështu triumfalisht ne skenën të cilën aq shumë e kishte dashuruar.
Shqipëria, Mali i Zi dhe Italia do të mund të lidhen përmes lundrimit ujor në liqenin e Shkodrës. Një projekt i financuar nga fondet e Komisionit Europian të programeve të bashkëpunimit ndërkufitar IPA pritet të ndërtojë tre mole në liqenin e Shkodrës në Shirokë dhe Zogaj. Ky projekt që përfshin edhe Malin e Zi dhe Italinë bashkë me Shkodrën u prezantua në sallën e këshillit bashkiak të Shkodrës në një dëgjesë publike me banorë të zonës dhe palë të tjera të interesuara.
Zhvillues i këtij projekti për Shqipërinë është Fondi Shqiptar i Zhvillimit. Nada Zaimi përfaqësuese e FSHZH deklaroi se ky projekt që parashikon ndërtimin e tre moleve në liqenin e Shkodrës bashkë me investimet në Malin e Zi dhe Itali kap shifrën e 7 milion eurove prej të cilave 2.4 milion euro janë të parashikuara për pjesën shqiptare.
Projekti për ndërtimin e tre moleve në liqenin e Shkodrës për të rikthyer lundrimin dhe lidhjen me Malin e Zi dhe Italinë pas fazës së studimit dhe dëgjesave publike që po bëhet pritet që të nisë vitin e ardhshëm dhe mund të zgjasë deri në qershorin e vitit 2023. Projekti quhet “Shqipëria, Mali i Zi, Italia, Lidhja e Transportit Multimodal”. starplustv
Edi Luarasi do t’i mungojë familjes, miqve e kolegëve, por edhe spektatorëve shqiptarë. Aktorja e madhe e skenës shqiptare u shua dje për shkak të një sëmundjeje të rëndë, teksa sot do të përcillet në banesën e fundit. Miku i saj, artisti Bujar Kapexhiu thotë për News24 se nga qielli i artit shqiptar, u shkëput ylli më i ndritshëm.
Ai u shpreh se bashkëpunimi me Luarasin që nga festivali i 11-të ka qenë shumë i ngushtë dhe se kanë qenë bashkë si në sukses ashtu dhe në ato që pësuan nga regjimi.
“Është i dhimbshëm çasti kur të takon të flasësh për një njeri të dashur që largohet nga kjo jetë. Edi Luarasi, një nga aktoret më të shquara nuk është më, por padyshim që ka lënë gjurmë të thella në ekran dhe në teatër dhe do jetë e paharruar gjithmonë. Nga qielli i artit shqiptar, u shkëput ylli më i ndritshëm, për të bërë dritë në parajsë. Jam i sigurt se shumë dhimbje kanë për miqtë e kolegët e saj, por edhe spektatorët. Me atë që ajo ka lënë ajo do mbetet e paharruar për të gjithë.
Ka qenë një bashkëpunim shumë i ngushtë. Kemi qenë të dy bashkë dhe për duartrokitjet, ovacionet, suksesin, por edhe të tjerat gjëra që pësuam nga regjimi”, tha Kapexhiu.
Arti ndodhet në zi! Këtë të premte është ndarë nga jeta në moshën 81-vjeçare aktorja e njohur Edi Luarasi.
Lajmin e kanë bërë të ditur, miq të saj në rrjete sociale. E para që ka reaguar ishte shkrimtarja Edlira Dones, e cila shkruan:
“Nga një postim i djalit të tij Eldonit sapo mësova se Edi Luarasi ka ndërruar jetë. A nuk ishte thjesht një aktore e shkëlqyer. Mbi të gjitha ajo ishte një partnere e shkëlqyeshme e jetës dhe një nënë e mrekullueshme për Lean dhe Eldonin. Ajo ishte një grua e shkëlqyer që nuk palosej. Vuajti dhe jetoi tmerrin, por kurrë nuk e përkuli kokën. Jetë të humbura nën një diktaturë. Historitë që në ditët e sotme pak njerëz do të donin t’i dëgjonin. Një lamtumirë e fundit për Edi Luarasi. Në kujtesën time si një vajzë 8-10 vjeçare, do të mbetesh ajo gruaja e bukur që doli nga shtëpia me hap të lirë dhe të frikshëm, dhe unë dhe dy kushërinjtë e mi të dashur nga banesa poshtë tëndes, të shikonim. Po te shikonim Edi. Ti nuk je rritur akoma per te kuptuar dhe ditur se cfare donim ne jete, por pamja jote eshte mahnitese. U prehsh në paqe, Edi.
Po ashtu, një reagim ka pasur edhe nga profesori i njohur, Përparim Kabo:
“Një lajm i trisht, u fik Edi Luarasi…pushoi zemra e një gruaje fisnike, e një mirditoreje trime që i beri ball diktaturës duke mbajtur familjen dhe nderin e saj…Artistja sfidante e “Njollave te Murme”…ajo që u perndoq nga teatri dhe punoi si rrobaqepse por u rikthye me “Kthimin e Damës Plakë”…Arti ynë kombëtar humbet kështu një figurë të spikatur, pyllit të mirësisë ju rrëzua edhe një dru i bukur njerezor…Edi e dashur…ishe dhe do mbetesh model, ike dhe na le një brengë të madhe…Nga sot qielli do ketë më shumë art, më shumë dinjitet dhe më shumë dritë…Lamtumirë fisnike…
Panetoni të pret Mihali të pret….
pkabo 3 dhjetor 2021”.
Drejtori i Përgjithshëm i Top Channel, Ben Blushi është larguar nga drejtimi i këtij televizioni.
Mësohet se largimin e tij ai e ka njoftuar për stafin nëpërmjet një email-i zyrtar.
‘Duke nisur nga sot nuk do jem më në Top Channel.
Me bindjen se sot po largohem nga një kompani më e shëndetshme, më e besueshme dhe më e madhe në krahasim më atë që gjeta para katër vitesh, ju uroj të gjithëve punë të mbarë. Ben Blushi’-shkruhet në email dërguar stafit.
Burime flasin për prishje pazaresh me Blushit dhe pronarëve pasi ky i fundit është akuzuar disa herë për gjobëvënie.
Blushi është akuzuar me dokumente nga media se është implikuar në disa biznese me pronarët e inceneratorëve. syri.net
Nga ikja në Itali me skaf në vitet 1990 deri tek emërimi nga Papa Francesku në krye të Kishës Katolike Shqiptare. Kryearqipeshkvi i Dioqezes Tirane-Durrës Arjan Dodaj ka vendosur të rrëfehet pa doreza në Syri Televizion, ku u shpreh se misioni i tij do jetë afrimi i kishës më qytetarët. Dodaj kishte një apel edhe për klasën politike dhe për shoqërinë shqiptare
Kryearqipeshkvi, I Dioqezes Tirane-Durres Arjan Dodaj ka vendosur të rrëfehet pa doreza në Syri Televizion, ku u shpreh se misioni i tij do jetë afrimi i kishës më qytetarët. Dodaj kishte një apel edhe për klasën politike dhe për shoqërinë shqiptare.
Për herë të parë pas 3 dekadash nga rënia e regjimit komunist, në krye të Kishës Katolike do jetë një shqiptar. Arjan Dodaj, familja e të cilit është nga Toka e Katedraleve Mirdita, në një rrëfim për Syri Televizion kujton momentin kur pasi iku me skaf drejt Italisë në vitet 1990, vendosi të ndiqte rrugën e misionarit.
Dodaj e pranon se komuniteti katolik prej vitesh përballet me probleme të shumta, si shpopullimi, kriminalizimi i shoqërisë, përfaqësimi jodinjitoz, ndërsa zotohet se Kisha Katolike do kthehet në një faktor për ta ndryshuar këtë panoramë.
Kreu i ri i Kishës Katolike ka dhe një përgjigje për ligjvënësit që glorifikojnë diktatorin dhe ata që bëhen pjesë pjesë paradave të krenarisë me foton e diktatorit dhe simbolet e komunizimit.
Dodaj i bën apel klasës politike të ndjekin shembullin e komuniteteve fetare dhe të gjejnë gjuhën e harmonisë. Arqipeshkvi i ri ka dhe një mesazh shprese për shqiptarët. Dodaj u angazhua se do punoj për të faktorizuar komunitetin katolik në mbarë trojet shqiptare.
Prej gati një viti i gjysëm si Ipeshkëv Ndihmës i Arqipeshkvisë Tiranë-Durrës, Imzot Arjan Dodaj do të jetë në krye të kësaj Arqidioqeze. Në njoftimin e sotëm të Selisë së Shenjtë, për emërimin e tij nga Papa Françesku, bëhet e ditur se “Ati i Shenjtë pranoi dorëheqjen nga kujdesi baritor i Kryedioqezës Mitropolitane Tiranë-Durrës (Shqipëri), paraqitur nga Imzot George Frendo. Ati i Shenjtë ka emëruar Arqipeshkёv Metropolit tё Tiranё-Durrёs Imzot Arjan Dodaj, deri sot Ipeshkëv titullar i Lestronës dhe Ndihmës i së njëjtës Kryedioqezё”.
Njoftimi i emërimit u shpall sot nё mesditë nё Katedralen e Shёn Palit nё Tiranё nga Nunci Apostolik nё Shqipëri, imzot Luigi Bonazzi, nё prani tё kryeipeshkvit tё Tiranё-Durrёsit Imzot George Frendo dhe tё kryeipeshkvit tё ri tё sapoemëruar Imzot Arjan Dodaj.
Imzot Arjan Dodaj, bëhet i treti Arqipeshkëv pas rënies së diktaturës komuniste. I pari që drejtoi Arqipeshkivinë e TIranës dhe Durrëst ishte Imzot Rrok Mirdita.
“Arjan Dodaj, i cili për katër vjet ka qenë, dhe ende është, për pak kohë, Ipeshkvi im Ndihmës. Kam shumë besim se do ta drejtojë dioqezën me shumë angazhim, dashuri, përvujtëri dhe, mbi gjithçka, me shumë besim dhe lutje. Gjatë këtyre katër viteve si ndihmësi im ka qenë shumë besnik ndaj meje, sigurisht se në këto katër vite si Ipeshkëv Ndihmës ka fituar shumë eksperiencë. Ka njohur shumë mirë dioqezën, dhe ka dhënë shembull shumë të mirë si bari shumë i zellshëm në lutje, shumë i devotshëm ndaj Zojës Mari, dhe shumë i kushtuar ndaj punës baritore”, tha Imzot Frendo në fjalën e tij përshëndetëse.
Imzot Frendo i cili qëndroi në detyrë për 5 vite, njoftoi se do të kthehej në vendlindjen e tij, në mbyllje të misionit. “Sinqerisht ju them se nuk do të jetë e lehtë për mua të largohem nga një vend që e kam dashur aq shumë, nga një popull që e kam dashur pa masë dhe që më ka dashur dhe respektuar më shumë sesa meritoja. Por Shqipëria dhe shqiptarët do të mbeten gjithmonë në qendrën e zemrës sime”, u shpreh ai.
Ceremonia e përurimit të Arqipeshkvit të ri, është parashikuar për më 22 Janar 2022.
Imzot Dodaj në përshëndetjen e tij tha se “Papa Françeskut i shkon e gjithë mirënjohja e thellë plot dashuri për vëmendjen që ka ndaj Kishës sonë, të cilën ia beson angazhimit tim si bari”. Imzot Dodaj i kushtoi një vëmendje të veçantë bashkëpunimit me komunitetet e tjera fetare: “Data e sotme 30 Nëntori, na kujton festën e Shën Andreut Apostull, i thirruri i parë, që aq shumë kremtohet nga vëllezërit tanë Ortodoksë, dhe për këtë arsye ky emërim dëshiroj që të jetë ogur i mirë i vëllazërisë me ta. Shën Andrea në fakt gjithmonë ka qenë një urë lidhje midis lindjes dhe perëndimit, ashtu sikurse në fakt ka qenë gjithmonë vendi ynë. Veçanërisht një përshëndetje i drejtoj komunitetit Mysliman dhe atij Bektashinj, sepse në harmoninë ndërfetare që karakterizon vendin tonë, të jemi gjithmonë të angazhuar për ato vlera që na bashkojnë e që së bashku promovojmë”.
Imzot Dodaj lindi më 21 janar 1977 në Laç. Pas përfundimit të studimeve në Shqipëri, në vitin 1993 emigroi në Itali, ku dhe mori udhë formimi i tij si klerik. Më 11 maj 2003, ai u shugura meshtar nga Papa Gjon Pali II, në Bazilikën e Shën Pjetrit, ndërsa në vitin 2017, ai u transferua në Arqipeshkëvinë Metropolitane Tiranë-Durrës.
Emërimi i tij u përshëndet nga autoritetet më të larta shtetërore e politike të vendit. Presidenti Ilir Meta u shpreh se e kishte mirëpritur me gëzim këtë emërim. “Me urimin e përzemërt për punë të mbarë, shpreh bindjen e plotë se Imzot Arjan Dodaj, me dedikimin dhe shërbimin e njohur dhe të vlerësuar ndaj besimtarëve katolikë dhe popullit shqiptar, do ta përmbushë me sukses misionin e ngarkuar me detyrën e re”, shkroi presidenti në një postim në Facebook.
Nga ana e tij kryeministri Edi Rama, duke vënë në dukje se “Papa Françesku emëron një Arqipeshkv shqiptar të lindur e rritur në Shqipëri, në krye të Arqidioqezës Metropolitane Tiranë-Durrës”, e uroi imzot Dodajn “Zoti qoftë me Ju në këtë mision kaq fisnik”.
Për kryetarin demokrat Lulzim Basha, emërimi i Imzot Dodajt “është një lajm i gëzueshëm jo vetëm për besimtarët katolikë. Jam i bindur se Imzot Dodaj do ta çojë përpara detyrën e tij të shenjtë me të njëjtin përkushtim që e ka dalluar rrugëtimin e tij në krah të të pamundurve e të mënjanuarve të shoqërisë sonë”, shkroi zoti Basha në një urim të tijin në Facebook.
Bizantologu gjerman Peter Shcreiner ka marrë pjesë në Kuvendin Ndërkombëtar të Albanologjisë me një studim për atë që e quan “Historia e një thesari shqiptar, Ungjilli i Korçës”. Studimi i tij ka në vëmendje kodikun nr 93 të Korçës dhe ecejaket e tij disashekulkullore.
Peter Schreiner tha për “News 24” se bëhet fjalë për “një dorëshkrim që është greko bizantin e që gjendet prej të paktën 3 shekujsh në territorin shqiptar. Është gjetur në Korçë dhe është dorëshkrim i rëndësishëm sepse ka miniatura të shekullit të 10 dhe është shkruar në fillim të periudhës më të rëndësishme të historisë kulturore bizantine, që është shekulli i perandorit Kostandin Porfirogjenti”.
Schreiner që ka qenë pedagog në Koln dhe president i shoqatës ndërkombëtare të studimeve bizantine, ka gjetur gjatë hulumtimeve të tij, edhe zotëruesit e dorëshkrimit.
“Në fillim i përkiste një tregtari të pasur i cili ia shiti atë një manastiri të famshëm në Kostandinopojë, që e ruajti për 3 shekuj. Më pas u tranportua prej aty në Epir, e paqartë se ku, por mendohet se ai i përkiste një koleksioni me dorëshkrime të rëndësishme në manastirin ku u ruajt. E quaj thesar sepse bën pjesë në këtë koleksion ungjijsh që janë gjetur në Korçë e që janë në Shqipërinë e sotme thesar të simbiozës mes kulturës bizantine e shqiptare mesjetare”.
Kodiku nr.93 i Korçës ruhet në Arkivin e Shtetit në Shqipëri. Schreiner beson se ky Ungjill i përkiste një tregtari të pasur shqiptar te shekujve të fundit që po ashtu e shiti, njësoj si tregtari i pasur i shek të X që e shiti atë duke kërkuar që dorëzimi në manastir të bëhej pas vdekjes së tij. Schreiner sheh vlera artistike e historike në këtë dorëshkrim.
Teatri Kombëtar vendosi të lexojë pjesë nga vepra “Hijet e natës” të Vedat Kokonës dhe “Prefekti” të Besim Levonjës për t’i shfaqur në adresën e tij në “Facebook” me rastin e festave të nëntorit.
Por ndërsa “Hijet e natës” kaloi në heshtje një lumë kritikash e ndoqën leximin e “Prefektit” të Levonjës dhe jo vetëm se në të ironizohet e tallet figura e Qazim Mulletit, por sepse përmes saj, duket se Teatri po rivlerëson tezat e qasjet që kishte teatri gjatë regjimit komunist, luftën e klasave dhe stigmatizimin e banorëve të Tiranës që jo vetëm u dënuan dhe iu morën pronat për t’ia dhënë elitës së re komuniste, por edhe u portretizuan dhe përjetësuan në vepra arti si qesharakë.
Persekutimi komunist në Tiranë u shpalos në një konferencë shkencore të Autoritetit të Dosjeve më 19 nëntor.
Pas njoftimit që publikoi në faqen e vet Teatri Kombëtar, Shoqata “Tirona Intellectum” reagoi ashpër. Kjo e fundit e cilëson edhe më të turpshme që pjesë e këtij produksioni është një aktor nga Tirana duke iu referuar Arben Derhemit.
POSTIMI I PLOTË
Teatri Kombëtar njoftoi shfaqjen sot të komedisë “Prefekti”, një komedi totalisht e politizuar, produkt i sistemit komunist, që denigron ish Prefektin e Tiranës, Qazim Mulletit. Përtej çudisë, indinjatës dhe paradoksit se si mund të rikthehen në skenën e teatrit kombëtar veprat “e sukseshme” të komunizmit, vepra e Besim Levonjës (që për extrem të paradoksit në postim e quajnë dhe “kryevepër”) është një shtrembërim flagrant, malinj dhe i shëmtuar i historisë! Qazim Mulleti ka qenë nga figurat më intelektuale dhe të arsimuara të kohës (i shkolluar në shkollat dhe universitetet prestigjoze në Greqi, Turqi dhe Austri) si dhe protagonistët e politikës shqiptare të asaj kohe! Në vend që histografia post-komuniste të bënte “mea culpa” për denigrimin që i ka bërë kësaj figure, vazhdon përsëri mendësine e një epoke të urryer për shqiptarët, çvarrosjen e një paçavureje pas tre dekadash dhe kthimin në skenë të saj, për më tepër në një ditë simbolike, atë të festës kombëtare! Nga ana tjetër, të shfaqësh këtë palo komedi është të fyesh e të poshtërosh jo vetëm Qazim Mulletin dhe familjen e nderuar Mulleti, por të gjithë komunitetin tironas, të fyesh atë pjesë të shoqërisë që u persekutua egërsisht nga sistemi totalitar! E turpshme për më tepër, që aktori kryesor është një tironas! Shoqata “Tirona Intellectum” dënon me indinjatë këtë gjë dhe njofton që së shpejti do të realizojë një simpozium shkencor për figurën e nderuar të Qazim Mulletit, për ti dhënë atij vendin që i takon në histori, në kuadrin e misionit të saj për rishikimin e historisë dhe figurave patriotike të komunitetit tonë, të denigruar nga histografia komuniste! Jo vetëm kaq, por TI do kërkojë dhe do bëjë përpjekjet për kthimin e eshtrave të Mulletit në atdhe! U kujtofshin gjithnjë me nderim figurat patriotike dhe intelektuale të komunitetit tironas! Rroftë dita kombëtare e Pavarësisë se Shqipërisë!
Deputeti i PD-së Tomorr Alizoti, në intervistë me Skype në emisionin Task Force nga moderatorja Sonila Meço në Syri Tv, foli për deklaratat e deputetit të PS Bujar Çela, që lavdëroi Enver Hoxhën.
Çela theksoi se lavdërimi i Hoxhës është problem madhor i PS, që është edhe partia trashëgimtare e Partisë së Punës, që vendosi totalitarizmin në vend.
“Edhe në Gjermani nuk lejohet që të lavdërohet Hitleri. Enver Hoxha në Shqipëri shfarosi popullin e tij, bëri masakra. Ky është problem madhor i një partie që trashëgon sistemin totalitar. PS a ka një qëndrim mbi të burgosurit politikë, mbi burgun në Spaç? Nëse kanë ndodhur masakra në Aushvic, kanë ndodhur edhe në Shqipëri.
PS duhet të pastrohet. Ajo që ka bërë deputeti socialist është akt i rëndë për shoqërinë. Këtu në Shqipëri, Enver Hoxha vdiq nga mosha, Nexhmije Hoxha vdiq po nga mosha, këtu komandantët e internimeve nuk kanë marrë asnjë dënim, ndërsa komandanti i Aushvicit është varur, ka dallim shumë të madh pra”, deklaroi Alizoti.
Një situatë e vështirë është krijuar mbrëmje ne sotme në Rrugën e Arbrit, e hapur zyrtarisht sot.
Gazetari Enver Doçi raportoi për “BalkanWeb” se sipas informacionit të marrë nga drejtuesit e mjeteve mbi 100 makina janë të bllokuara tek tuneli i Bypass-it në Qafë-Murriz si pasojë e bllokimit nga reshjet e borës, temperaturat e ulëta dhe ngricat në rrugë.
Asnjë ndihmë akoma për qytetarët e mbetur në rrugë dhe nuk shihet asnjë borëpastruese apo punonjës policie për të bërë të mundur lëvizjen e automjeteve.
Demokratët e Qarkut të Korçës kanë nisur përgatitjet për Kuvendin Kombëtar të 11 dhjetorit.
Drejtuesi politik i PD në Korçë, Edmond Spaho ka zhvilluar takime me delegatët e këtij qarku.
Në një postim në rrjetin social Facebook, Spaho shkruan se mbledhja e firmave në këtë qark ende vazhdon.
Ai shton se qëndrimi i tyre është i vendosur në mbështetje të Berishës dhe ‘Foltores’ së tij, për një PD më të madhe, më të bashkuar dhe më të hapur, për të shkarkuar Lulzim Bashën dhe rrëzuar narkoshtetin e Edi Ramës.
Spaho njofton gjithashtu edhe numrin e delegatëve që kanë firmosur për Kuvendin e 11 dhjetorit.
Sipas tij, në degën e PD Pogradec kanë firmosur 101 delegatë, në Devoll 68, në Maliq 65 si dhe në ish-komunën Bulgarec të Bashkisë Korçë, kanë hedhur firmat në formular 17 nga 20 delegatë në total.
Postimi i plotë i Spahos:
Dje isha në Bashkitë Pogradec, Devoll, Maliq dhe ish komunën Bulgarec për të ndjekur përgatitjet për Kuvendin e PD në datën 11 Dhjetor.
Nga evidentimi i firmëtarëve emër për emër, rezulton që deri dje situata paraqitet e tillë:
Në Pogradec nga 155 delegate të Kuvendit kanë firmosur 101 delegatë.
Në Devoll nga 104 delegatë gjithsej kanë firmosur 68 delegate.
Në Maliq nga 118 delegatë kanë firmosur 65 delegatë. Në këtë Degë 7 delegatë nga ata që nuk kanë firmosur ndodhen jashtë vendit.
Në ish komunën Bulgarec (pjesë e Bashkisë Korçë) nga 20 delegatë kanë firmosur për mbajtjen e Kuvendit në datën 11 Dhjetor, 17 delegatë.
Në tërësi rreth 65% e delegatëve të Kuvendit të PDSH në këto njësi, kanë firmosur për mbajtjen e tij në datën 11 Dhjetor dhe sipas axhendës së publikuar.
Mbledhja e firmave nga delegatë që ende nuk kanë firmosur vazhdon. Dje më dorëzuan edhe 16 formularë të tjerë të firmosur për të mbajtur Kuvendin e PDSH në datën 11 Dhjetor.
Delegatë të shumtë më konfirmuan se drejtues të degëve të mësipërme i kanë kontaktuar dhe ju bëjnë presion që të firmosin për antiKuvendin e datës 18 Dhjetor.
Pavarësisht kësaj, qëndrimi i tyre është i vendosur në mbështetje të Doktor Berishës dhe foltores së tij, për një PD më të madhe, më të bashkuar dhe më të hapur, për të shkarkuar Lulzim Bashën dhe rrëzuar narkoshtetin e Edi Ramës.
Një skandal i vërtetë është evidentuar në një nga shkollat 9-vjeçare të qytetit të Beratit, në shkollën “22 Tetori”. Prej disa ditësh në këtë shkollë është emëruar mësues për lëndët e “fizikës” dhe “informatikës” 62-vjeçari Ëngjëll Bregu, që rezulton të jetë dënuar për “pedofili” dhe “ngacmim seksual” të fëmijëve në vitin 2003.
Kanë qënë pikërisht prindërit e fëmijëve ata që e kanë shpehur këtë shqetësim për mediat,duke kërkuar largimin e mësuesit nga shkolla,largim që i është kërkuar prej tyre edhe drejtorisë së shkollës,e cila u ka dalë me justifikimin se ai është emëruar nga DAR. Vetë nxënësit e shkollës shprehen se, janë në dijeni të asaj çfarë ka bërë mësuesi në të shkuarën dhe kanë frikë prej tij gjatë zhvillimit të orëve të mësimit, pasi-siç shprehet një vajzë-mësuesi i shikon në një mënyrë ndryshe që i bezdis. Nxënësit deklarojnë se,ai u jep fizikë dhe informatikë dhe se ka mbërritur në shkollë prej disa ditësh.
“Mësuesi na jep fizikë dhe informatikë. Kemi dëgjuar që ka ngacmuar nxënës dhe që është dënuar dhe kemi pak frikë. Ai sesi të shikon në klasë dhe për këtë kemi njoftuar edhe prindërit”-shprehen nxënësit e shkollën 9-vjeçare “22 Tetori”.- shprehen nxënësit.
Pas mbërritjes së mediave jashtë ambjenteve të shkollës, mësohet se drejtoresha i ka kërkuar Bregut të largohej si dhe DAR transferimin e tij në një shkollë tjetër.
Në vitin 2003, kanë qënë disa nxënëse të shkollës 9-vjeçare “Uznovë” në Berat, ato që e kanë denoncuar mësuesin e tyre kujdestar Ëngjëll Bregu se gjatë një ekskuesioni në Bogovë ai i kishte prekur në pjesët intime të trupit.
Nxënëset atëherë e cilësuan mësuesin si maniak, pedofil dhe të rrezikshëm. Mësuesi u arrestua dhe u dënua për “pedofili” dhe “ngacmim seksual” nga Gjykata e Beratit me 7-muaj burg, por gjykata nuk ja hoqi asokohe të drejtën e rikthimit në detyrë edhe pse u kërkua nga prokuroria. Pas kryerjes së dënimit, ai u rikthye në detyrë në vitin 2004 në një shkollë 9-vjeçare në fshatin “Hinkë” më Dimal dhe një muaj më pas u transferua në shkollën 9-vjeçare të fshatit “Çiflik”, po në bashkinë Dimal, për të qënë më afër shtëpisë.
Në 25 Prill 2009 ai është akuzuar sërish nga 13 prindër se ka ngacmuar seksualisht fëmijët e tyre në këtë shkollë. Prindërit dërguan asokohe një peticion në Drejtorinë Arsimore Berat, ku kanë shpjeguar sjelljet jo të hijshme të mësuesit. Prindërit e akuzonin mësuesin Ëngjëll Bregu se vinte i dehur në shkollë, se organizonte ekskursione pa miratimin e drejtorisë së shkollës dhe se i prekte vajzat e mitura në pjesë të ndryshme të trupit. Pas këtij peticioni, DAR Berat e pezulloi atë nga detyra por për shkak se denoncimi nuk u bë në polici, Bregu nuk u arrestua sërish.
Pas 13 vjetësh i larguar nga sistemi arsimor, me një vendim që nuk dihet se nga kush është firmosur, mësuesi Ëngjëll Bregu, u rikthye në arsim dhe prej 1-jave është emëruar në shkollën 9-vjeçare “22 Tetori”, në qendër të qytetit të Beratit.
Për mbledhjen e Kuvendit Kombëtar të Partisë Demokratike më datë 11 dhjetor, janë bërë publik emra të tjerë. Nga zyra e kreut të Këshillit Kombëtar, Sekretari i degës 7, ka deklaruar se 46 nga 86 delegatë të njësisë 7 kanë firmosur për mbajtjen e Kuvendit në 11 dhjetor. Ndërkohë edhe kryesia e degës 9 në Tiranë, ka vendosur në mënyrë unanime që të njohë vetëm Kuvendin e 11 dhjetor.
Edhe këtë të premte janë bërë publik emra të tjerë të delegatëve të cilët kanë firmosur për mbajtjen e Kuvendit Kombëtar të Partisë Demokratikë në datë 11 dhjetor, në ambientet e Pallatit të Kongreseve.
Nga zyra e kreut të këshillit kombëtar, Edi Paloka, Sekretari i degës 7 në Tiranë, Shpëtim Qordja deklaroi se kanë firmosur 46 nga 86 delegatë që ka njësia që ai përfaqëson.
Ndërkohë kryesia e degës 9 në Tiranë, ka vendosur në mënyrë unanime që të njohë vetëm Kuvendin e 11 dhjetor. Në mbledhjen e zhvilluar pasditen e së enjtes, ku morën pjesë 25 anëtarë nga 34 në total, u vlerësua se Kuvendi i 18 dhjetorit është ilegjitim.
Një ditë më parë, kryetarja e LDG-së në njësinë 6, Onelda Zefi, njëkohësisht edhe anëtare e Këshillit Kombëtar u shpreh se 80% e delegatëve të kësaj dege kanë firmosur për mbajtjen e Kuvendit.
Ndërsa sipas sekretarit të degës së njësisë 3 në Tiranë, kanë firmosur 77 delegatëve nga 89 në total. syri.net
Asambleja e Përgjithshme e Frankofonisë, për Europën e mbledhur sot në Tiranë në sesionin e saj të 33-të.
Në këtë mbledhje i ka akorduar akademikut dhe shkrimtarit Ismail Kadare dekoratën e lartë “Grand Chevalier de l’Ordre de la Pléiade de la Francophonie et du dialogue des cultures” (“Kalorës i Madh i Urdhrit të Yllësisë së Frankofonisë dhe dialogut midis kulturave”).
Deklarata e lartë iu dorëzua zonjës Helena Kadare. bw
Një situatë e pazakontë ka ndodhur në selinë e PD-së Fieri. Të deleguarit e Lulzim Bashës kanë uzurpuar selinë e partisë duke ndërruar bravat e derës dhe kanë vendosur kamera sigurie për të mos lejuar futjen në godinë të sekretarit dhe anëtarëve të kryesisë. Veprimi i të deleguarve të Bashës erdhi si shenjë hakmarrje pasi 550 nga 640 delegatë të Fierit kanë firmosur mbledhjen e Kuvendit më 11 dhjetor.
Pas ndryshimeve ekstra statuore duke emëruar drejtuesit e degës, kryetari në detyrë i Partisë Demokratike Lulzim Basha ka bërë hapin e radhës duke uzurpuar zyrtar e PD-s në Fier, duke ndryshuar bravat e dyerve dhe kamerat e sigurisë.
Ka qenë Sekretari organizativ Rrapi Gjika dhe Sekretari i Degës së PD në Fier, Emiljano Mone të cilët kanë zbuluar skandalin. Pasi kanë konstatuar skandalin, dy zyrtarët e degës lokale të Partisë Demokratike në Fier kanë bërë një kallëzim penal në polici dhe prokurori për të gjetur përgjegjësit e uzurpimit të zyrave.
Sipas sekretarit organizativ Rrapi Gjika, i cili foli në një intervistë për Syri Televizion, ngjarja është hakmarrje e Lulzim Bashës pasi 550 nga 640 delegatë të Partisë Demokratike në Fier, kanë firmosur për mbajtjen e kuvendit në 11 dhjetor.
Gjika shkon më tej kur ngre dyshime mbi fatin e dokumentacionit të anëtarëve të partisë demokratike në Fier, të cilat ndodheshin në zyrat, tashmë të uzurpuara me urdhër të Lulzim Bashës.
Rrapi Gjika komentoi dhe zhvillimet brenda partisë demokratike, duke u shprehur se kuvendi i 11 dhjetorit do të jetë kuvend bashkimi për demokratët, ndërsa antikuvendin e datës 18 e quajti si karshillëk që synon përçarjen e partisë.
‘Kjo ka të bëjë edhe me foltoren, pasi nga 640 delegatë që ka dega e Fierit, 550 delegatë kanë firmosur për Kuvendin e datës 11 dhjetor.
Momenti i shkarkimit të Luan Baçit u bë në një moment të papërshtatshëm, për të ju prishur punë degës dhe një sabotim për kuvendin e 11 dhjetorit.
Për Kuvendin e datës 18 dhjetor nuk besoj se do të ketë ndonjë delegat nga Fieri’, ka thënë gjatë intervistës Rrapi Gjika.
Rrapi Gjika deklaroi gjithashtu në SYRI TV, se pas angazhimit në ‘Foltore’ demokratëve të Fierit u është bërë herë pas here presion nga qendra e Partisë në Tiranë. syri.net
Teksa sot pritet miratimi i paketës fiskale dhe buxhetit nen për nen, fermerët po protestojnë para Kuvendit kundër paketës fiskale për Bujqësinë.
Fermerët kundërshtojnë subvencionet dhe planin e qeverisë për bujqësinë. Sipas tyre, buxheti i vitit 2022 për bujqësinë është i pamjaftueshëm, ndërsa ka shkaktuar polemika te palët e përfshira.
“Më djeg shpirti, nuk kam ardhur as për të majtë e as të djathtë, shteti është rregullator. A jemi ne fajtorë? Duhet t’i japim zgjidhje problemit Nuk ka zot nane që të na ndajë, ne do bashkohemi me Berishën!”, tha një fermer.
“Ministrja nuk do të na dëgjojë! Të na barazojë me rajonin, nuk duam gjë tjetër. Përndryshe jemi të mbaruar!” deklaroi një fermer tjetër. syri.net
New York Times: Trumpi në Shtëpinë e Bardhë mund të sjellë pasoja të mëdha për Evropën
Sondazhet e Shtëpisë së Bardhë e nxirrnin Joe Biden humbës, ish-zyrtari i Obamës: Donald Trump dilte fitues me 400 vota elektorale
Shoqata e Intelektualëve “Jakova” në Gjakovë ka ndarë çmimin “Guximi Intelektual 2023” për aktivisten Dr. Luljeta Pula-Beqiri Nga Iliriana Pylla
Onufri sjell librat poetikë Skaterr të Elida Buçpapaj dhe Zogu i Bjeshkës i riu nga Skënder Buçpapaj
Letër e hapur: VATRA MBAHET PENG nga aktorë të kinostudios Shqipëria e Re! “Njeri Ri”
Persekutimi i familjes Belishova- Kush ishte studenti i shkëlqyer në Akademinë e Moskës, nga frika u largua e shoqja me vajzën! Skenari për eliminimin e Lirisë dhe Fiqiriut
Nations League- Shqipëria pret Çekinë, njihuni me titullarët
Hasan MASURICA, në kodrina të Zarbicës testoi avionin e parë në gjithë Globin!- Nga REFIK HASANI
Qeveria e Kosovës nuk duhet të pranojë nënshkrimet e kriminelëve, janë të pavlefshme- Nga Aurel Dasareti, USA, ekspert i shkencave ushtarake-psikologjike
Orët e fundit në shtëpi për banorët e Brienzit, ndoshta fare të fundit
Laborator kokaine në Tiranë- Dogjani: S’ngrihen pa mbështetjen e policisë dhe politikës, financojnë fushatat!
Federata e Futbollit e Kosovës thotë se e ka paralajmëruar UEFA-n për provokimet nga tifozët rumunë
