Këshilltari i CDU, eksperti gjerman, Martin Henze ka denoncuar online lidhjet e kunatit të Lulzim Bashës me aferën e koncesionit të Portit të Durrësit.

Sipas tij, në këtë aferë të madhe korruptive në Shqipëri janë të përfshirë deputeti Lulzim Basha dhe kryeministri Edi Rama.

“Korrupsion i madh në Shqipëri me Portin e Durrësit, të përfshirë janë deputeti i korruptuar Lulzim Basha dhe kryeministri Edi Rama.

Veçanërisht ‘Moveo Albania Technology’ sh.p.k me NIPT L91525009E, e themeluar në mënyrë interesant më 23 mars të vitit 2019, në ditën kur Basha e tërhoqi opozitën demokratike nga parlamenti shqiptar.

E themeluar me kunatin me 20 përqind të kapitalit, vjehrrin me 20 përqind të kapitalit dhe shoqërinë Moveo S.R.L me 60 përqind të kapitalit. Dokumentet publikohen të gjitha hap pas hapir.

Mund të supozohet se ish-kreu i opozitës, Lulzim Basha nuk e ka shfrytëzuar funksionin e tij si kreu i opozitës për të bërë politika opozitare, por vetëm për të bërë presion mbi administratën e Ramës, me synim për të marrë kontratat për ndërtimin e portit të ri në Durrës.

Është koha që lideri i opozitës dhe partneri i tij në bashkëpunim, Rama të ndjehen si dru i shtrembër i drejtësisë,” shkruan Henze në platformën LinkedIn.

Më tej ai poston një denoncim të avokates Adriana Kalaja në lidhje me këtë aferë.

Kujtojmë se koncesioni prej miliardash i Portit të Durrësit është denoncuar edhe më herët si skandali që bën bashkë Edi Ramën dhe Lulzim Bashën.

Pas ndryshimit të bravave të dyerve, duket se deputeti Lulzim Basha ka ndërmarrë një tjetër masë për të siguruar godinën e Partisë Demokratike e për të lënë jashtë anëtarët e kësaj force.

Duke u fshehur pas veshjes së xhamave me adeziv, Basha ka urdhëruar izolimin e godinës me veshje të dyerve, në mënyrë që të mos duken lëvizjet që ndodhin brenda godinës.

Nën zë, tregohet se edhe brenda godinës po bëhen punime për forcimin e sigurisë, e mbulimi i fasadës ka si qëllim kryerjen e punimeve brenda deri tek ndryshimi i dyerve ekzistuese me dyer të blinduara.

Kjo lëvizje e Bashës vjen në një kohë kur Kuvendi Kombëtar dhe anëtarësia e ka shkarkuar nga detyra, por duket se Basha po ndërmerr çdo hap për të mbajtur me forcë godinën.

Lulzim Basha u shkarkua me 44 mijë vota nga anëtarësia demokrate në referendumin e 18 dhjetorit, por ai nuk e njeh vullnetin e shumicës dhe për pasojë mban të uzurpuar selinë e PD.

Komisioni i Rithemelimit i përbërë nga 29 anëtarë, të cilët po drejtojnë PD-në, i kanë lënë afat Bashës deri në 5 janar për të lënë zyrën në selinë e demokratëve.

Ndërsa në datën 8 janar është njoftuar nga ish-kryeministri Sali Berisha mbajtja e një proteste kombëtare.

“Kryeministri Edi Rama  miraton dhënie shtesë të pensionit të posaçëm për Diana Çulin. Pensioni i posaçëm shtetëror në masën e katërfishit të pensionit social,  që përfiton sipas ligjit nr. 7703. Vendimi hyri në fuqi me publikimin në Fletore Zyrtare 31 dhjetor 2021.”

Pas këtij lajmi ka reaguar menjëherë Bedri Blloshmi, ish i burgosur politik i vëllai i Vilson Blloshmit, poetit të pushkatuar nga regjimi komunist:

Mesazhi i urimit i Presidentit Meta për Vitin e Ri 2022:

31 dhjetor 2022

“Të dashur qytetarë,

Motra dhe vëllezër,

Të dashur bashkëkombas kudo ndodheni!

Dua t’ju përcjell urimet më të përzemërta, për një Vit të Ri, që do ta shohë Shqipërinë më demokratike dhe më të drejtë, më të bashkuar e më të fortë, por edhe shqiptarët më të shëndetshëm dhe më të begatë!

Prandaj të gjithë së bashku, të mobilizojmë fuqitë dhe energjitë më pozitive të kombit tonë, por edhe mendjet më të ndritura për të tejkaluar sfidat e mëdha që kemi përpara!

Të mos i dorëzohemi indiferencës, përjashtimit dhe zemërimit!

Të mos lejojmë që e vërteta të përmbytet nga gjepurat, pasiviteti dhe nënshtrimi!

Me shpresë, besim, punë, këmbëngulje, përfshirje dhe dashuri ne mund të arrijmë gjithçka.

Në maj të vitit 1992, Shqipëria ishte vendi i parë në rajon që niste një marrëdhënie të re kontraktuale me Bashkimin Europian.

Ndaj uroj që 30 vite më pas, më në fund të shënojmë një hap të ri në procesin tonë të vonuar të anëtarësimit drejt Bashkimi Europian, përmes një përfshirjeje dhe aktivizmi më të madh qytetar për realizimin e kësaj aspirate strategjike.

Të mbrojmë vlerat tona kombëtare, të respektojmë liritë, të drejtat dhe dinjitetin njerëzor, t’u përkushtohemi të rinjve tanë për t’u ofruar atyre çdo mundësi që ta ndërtojnë të ardhmen europiane këtu, në Atdheun e tyre!

Shqipëria europiane që duam të gjithë, stoliset edhe më shumë, kur bukuritë e saj natyrore pasurohen me bukuritë e punës dhe vitalitetit të popullit tonë e në radhë të parë, të të rinjve tanë.

Me këtë mesazh, dua t’ju bashkohem të dashur bashkëkombas, kudo ndodheni, pranë vatrave dhe familjeve tuaja, duke ju uruar nga zemra shëndet, mbarësi, paqe, lumturi, dhe begati!

GËZUAR VITIN E RI 2022!”

Modeli shqiptar i vetingut zbuloi pasuri të pajustifikuara të gjykatësve dhe prokurorëve, por pas 6 vitesh rezulton se një pjesë e institucioneve kanë mbetur bosh, si pasojë e mungesës së gjykatësve dhe prokurorëve të rinj. Duke qenë se qindra gjykatës u përjashtuan nga sistemi, shumë çështje mbetën pezull dhe hartuesit e reformës në drejtësi nuk e kishin parashikuar se kush do t’i zëvëndësonte në detyrë.

Për të zbutur pasojat e vetingut parashikohet mbyllja e 15 gjykatave në vend, të cilat nuk janë më funksionale.

5 prej tyre janë të Apelit dhe do të zëvëndësohen me vetëm një gjykatë në Tiranë. Ndërkohë 10 gjykata të shkallës së parë do të mbyllen, për t’u riorganizuar sipas logjikës, një qark, një gjykatë.

“Nëse i referohemi ngarkesës për gjyqtarët në këtë vit, mund të themi se kemi shkuar në një mesatare, rreth 640 çështje për gjyqtar, pa llogaritur këtu Gjykatën e Lartë” tha Naureda Llagami që drejton Këshillin e Lartë Gjyqësor gjatë një takimi për hartën e re pak ditë më parë.

Llagami tha se në disa gjykata “kemi mbi 3 mijë çështje për gjyqtar siç është Apeli Administrativ apo Gjykata e Apelit Tiranë ku ka shkuar 2500 çështje për një gjyqtar”.

Ngarkesa tashmë vazhdon prej vitesh, ndërsa kulmi ka arritur në Gjykatën e Lartë, ku presin të marrin zgjidhje mbi 35 mijë çështje.

Kreu i kësaj gjykate, Sokol Sadushi shprehu shqetësim për rekursin që bëjnë avokatët dhe kërkoi nga ata të mos e çojnë çdo çështje në Gjykatën e Lartë.

“Një pjesë e madhe e çështjeve shqyrtohen përfundimisht dhe gjejnë zgjidhje në dy shkallët e ulëta të gjykimit dhe shanset që ky vendim të ndryshojë në Gjykatën e Lartë janë të pakta, madje në mjaft raste inekzistente” u shpreh Sadushi në një konferencë për mediat.

Por avokatët në qytetet kryesore të vendit e kanë kundërshtuar hartën e re të gjykatave dhe thonë se kjo do të largojë institucionin nga qytetarët dhe do të shtojë kostot e procesit duke e bërë më të vështirë gjetjen e drejtësisë.

“Shkurtimi i 19 gjykatave e largon në mënyrë domethënëse qytetarin nga Gjykata. Sepse detyron qytetarin nga skajet më të largëta, nga Kukësi, Tropoja, Korça, Shkodra, Maliqi, Pogradeci, Saranda, Gjirokastra, Vlora, Fieri, Berati etj, të shkojë në Tiranë, ku përveç kostove të udhëtimit, do të gjejë edhe një hotel në Tiranë” tha përfaqsuesi i dhomës së Avokatisë në Shkodër, Anton Kosteri. Të njëjtin kundërshtim e kanë bërë edhe avokatët nga i gjithë vendi.

“Kemi një skeme që unë nuk e di se kujt do i shërbejë por sigurisht që nuk do i shërbejë popullit , marrjes së drejtësisë efikase nga populli. Është e pamundur që sistemi i drejtësisë të funksionojë me këtë skemë dhe me këtë mënyrë organizimi gjykatash pavarësisht se cilat janë qëllimet e krijimit të këtij drafti por është një skemë që shumë shpejt do bjerë në kolaps”, tha përfaqësuesi i Dhomës së avokatisë në Korçë Arben Lena.

Ndërkohë Ministri i ri i Drejtësisë, Ulsi Manja u shpreh i vendosur t’i shkojë deri në fund reformës në drejtësi dhe angazhimeve që socialistët kanë marrë në 2016, pavarësisht se ku po e çojnë drejtësinë këto angazhime.

Madje për ta justifikuar zhbërjen e disa gjykatave dhe përqëndrimin e tyre në Tiranë, Manja iu fut edhe zhvillimeve të demografisë në Shqipëri.

“Do të aksesohet komplet nga qytetarët, duke parë edhe lëvizjet demografike që kane sjelle përqëndrim të popullsisë në Tiranë dhe Ultësirën Perëndimore”, tha Manja.

Kolapsi i drejtësisë për të cilin flasin sot avokatët nuk ka qenë i parashikuar, pasi hartuesit e reformës në drejtësi nuk i kishin parashikuar pasojat e vetingut. Ekspertët sot janë në krye të institucioneve të reja të drejtësisë./Lapsi.al

Kreu i SPAK, Arben Kraja është përpjekur të bëjë alibinë e institucionit që drejton  duke thënë përpara mediave se hetimi lidhur me publikimin e të dhënave personale të 630 mijë qytetarëve shqiptarë nuk është kompetencë e Prokurorisë së Posatçme. Ai shtoi  se nëse do të ketë elementë të përfshirë që do jenë në kompetencën e SPAK-ut, atëherë SPAK do të hetojë.

“SPAK vepron mbi bazë të kompetencave. Nxjerrja e të dhënave personale nuk është në kompetencën tonë për të hetuar. Po hetohet nga Prokuroria e Tiranës. Nëse do ketë përfshirje të subjekteve apo vepra penale që janë në kompetencën tonë, atëherë, patjetër që SPAK do të hetojë”,-u shpreh Kraja.

Kujtojmë se Prokuroria njoftoi se ka nisur hetimet për publikimin e pagave të mbi 630 mijë punonjësve shqiptarë dhe të huaj, si në sektorin publik dhe atë privat, një skandal që solli reagimin e të gjithë qytetarëve në vend.

Por ndonëse shefi i SPAK e degradoi këtë skandal si një rrjedhje të dhënash, historia nuk është kaq e thjeshtë. Përpara se të jetë një aksident kjo ngjarje dyshohet se është një krim zgjedhor i cili lidhet pazgjidhshmërisht me informacionet personale që patronazhistët e PS-së përdorën për fushatën e 25 prillit.

Por atëherë, kur skandali shpërtheu për herë të parë, SPAK nuk pati guzim të tetojë as AKSHI-n nga dyshohej se patën dalë këto të dhëna, as patronazhistët e partisë socialiste. prokurorët e posatçëm atëhere u morën me gazetarët e Lapsi.al, duke detyruar ata të tregonin burimin sepse ishim më të interesuar të zbulonin se kush kishte tradhëtuar partinë, sesa për kuptuar se cili institucion kishte tradhëtuar qytetarët.

U desh një vendim i Gjykatës të të drejtave të njeriut në Strazburg që SPAK të tërhiqej nga çështje kundër Lapsi.al dhe ta kalonte atë në Prokurorinë e rrethit Tiranë.

Pra e vërteta nuk është ajo që thotë sot Kraja se kjo çështje i takon prokurorëve të rrethit dhe po doli diçka më sensitive do merret SPAK. Rjedha e ngjarjeve tregoi të kundërtën . Prokuroria e Posatçme nuk kishte këllqe të hetonte krimin zgjedhor dhe përfshirjen në të të zyrtarëve të lartë, prandaj e deklasoi çështjen si një kundravajtje të nxjerrjes të të dhënave personale. E këtë nuk ka alibi që ta mohojë. Lapsi

60-vjeçari Ndoc Mula i cili rrëshqiti duke ngjitur malin e Munellës, ka humbur jetën. 

Ai ishte bashkë me 4 persona të tjerë, mes tyre edhe gazetari Alfred Lela në momentin kur ndodhi aksidenti.

5 alpinistët përfunduan në një greminë disa metra të thellë, pasi rrëshqitën në një terren të vështirë të mbuluar nga akulli.

Trupi i 60-vjeçarit, specialist i turizmit, referuar burimeve të Policisë së Shkodrës, është gjetur me shenja jete, por ka humbur jetën teksa po dërgohej në spital.

Në gjendje të rëndë mësohet se është edhe Ilir Shyti rreth 30 vjeç, inxhinier pyjesh.

Ndërsa gazetari Alfred Lela, operatori Dorien Malaj dhe Gisel Dollani janë në gjendje më të mirë. syri.net

Pas deklaratave provokuese të Bashës në ditën e parafundit të vitit që po lëmë pas, të urdhëruara nga Rama, ka reaguar edhe Komisioni i Rithemelimit.

‘Sot aseti më i madh i Edi Ramës është Lulzim Brava sepse përmes tij, Rama nuk u ka vjedhur vetëm të tashmen dhe të ardhmen por mbi të gjitha shpresën!’, thuhet në reagimin e Komisionit.

Reagimi i plotë:

Në ditën e parafundit të vitit që po lëmë pas, shqiptarët dëgjuan njëri pas tjetrit buratinin e qeverisë dhe kukullën e tij që vazhdon të uzurpojë dhe për pak ditë PD në rolet e tyre 8 vjeçare.

Si çdo vit buratini i qeverisë që kalon nga skandali në skandal, foli për suksese imagjinare, pasojat e të cilave kanë detyruar 500 mijë shqiptarë të largohen nga vendi.

Në anën tjetër, kukulla e tij vazhdoi refrenin bajat të betejave që sapo kanë filluar dhe pas 8 vitesh humbjesh, deshtimesh dhe disfatash, u paraqitet shqiptarëve si ardhmja!

Sot aseti më i madh i Edi Ramës është Lulzim Brava sepse përmes tij, Rama nuk u ka vjedhur vetëm të tashmen dhe të ardhmen por mbi të gjitha shpresën! Arsyeja e vërtetë përse rregjimi më i korruptuar i Europës sapo ka siguruar mandatin e tretë është opozita e korruptuar e Lulzim Bravës dhe pazareve qe ai bën tash 8 vjet me sakrificat e demokratëve!

Lulzim Brava ka humbur zgjedhjet, ka humbur qytetarët, ka humbur demokratët, ka humbur delegatët, ka humbur strukturat dhe vetë Partinë Demokratike, por i gënjen mendja se do mund të vazhdojë pazaret dhe marrveshjet e fshehta me Edi Ramën me vula dhe brava!

Kjo ka marrë fund! Në ditët në vijim, demokratët do të marrin në dorë fatet e tyre duke u bërë përmbarues të vullnetit të tyre politik. Koha kur sakrificat e tyre nëpërkëmbeshin për pazaret e Lulzim Bravës kanë marrë fund. Ditët e para të Vitit te Ri do të shënojnë ndarjen përfundimtare nga pazar-humbjet dhe rikthimin e shpresës tek qytetarët dhe demokratët për një opozitë të vërtetë dhe fituese.

Deputeti i PD-së Belind Këlliçi ka njoftuar se ka fituar gjyqin ndaj Elio Janit, Drejtori i Transportit të Durrësit, i cili ishte akuzuar për masakrën zgjedhore në qarkun Durrës.

‘Një vit betejash gjyqësore që mbyllet me fitore e që bëhet ogur i mirë për betejat e ardhshme’, shkruan Këlliçi në Facebook.

Gjithashtu deputeti demokrat ka njoftuar edhe një tjetër gjyq të fituar ndaj Mirel Mërtit, i cili e akuzonte për shpifje.

Postimi i plotë i Belind Këlliçit:

Sot fitova gjyqin ndaj Elio Janit. Drejtori i Transportit të Durrësit më kishte paditur për shpifje në lidhje me deklaratën time publike për masakër zgjedhore në qarkun Durrës.

Ky ishte gjyqi i fundit për vitin 2021 në Gjykatën e Posaçme Kundër Korrupsionit dhe Krimit të Organizuar, njohur shkurtimisht si GJKKO. Një vit betejash gjyqësore që mbyllet me fitore e që bëhet ogur i mirë për betejat e ardhshme.

Dje fitova një tjetër gjyq me Mirel Mërtin. Edhe ai më akuzonte për shpifje. Sot flitet se është në arrati!

Pirg le të bëhen paditë!

Nuk trembem, se jam me të vërtetën.

Falenderoj dhe i jam mirënjohës avokatit të shkëlqyer Ledio Nuraj, për mbrojtjen dinjitoze që i bën kauzave opozitare!

Ky vit gjyqësor në GJKKO u mbyll me mua. U mbyll me fitore dhe me drejtësi.

Shuhet në moshën 74-vjeçare ikona e ekranit të RTSH Vladimir Grillo. Grillo vuante nga një sëmundje e rëndë prej dy vjetësh. Me mbi 40 vjet eksperiencë në ekran, ai ishte kthyer në një ikonë të gazetarisë televizive sportive.

Me një zë karakteristik, profesionalizëm, njohje të thellë të sportit dhe problemeve shqiptare, ai ka realizuar mijëra orë komente ndeshjesh kombëtare dhe ndërkombëtare, për të gjitha sportet.

Grillo mbaroi Institutin Histori-Filologji, dega gjuhë-letërsi në vitin 1969. Më 3 janar të vitit 1970 filloi punë në RTSH për të qëndruar deri në fund të jetës.

Vitin e kaluar, më 2 korrik 2020 Presidenti i Republikës Ilir Meta dekoroi me Titullin “Mjeshtër i Madh” zotin Vladimir Grillo “Për kontributin dhe vlerat e veçanta në përcjelljen me cilësi të veprimtarive sportive, duke promovuar arritjet në disiplina të ndryshme sportive, si një komentator sportiv i spikatur në Radio-Televizionin Shqiptar, me vlera estetike e qytetare”.

Gjykata e Posaçme Kundër Korrupsionit dhe Krimit të Organizuar, ka dhënë vendimet ndaj ish-zyrtarëve të Ministrisë së Brendshme, të akuzuar për shpërdorim detyre dhe shkelje të barazisë në tenderin e uniformave.

Sipas njoftimit të GJKKO, Edlira Naqellari, është shpallur fajtore dhe është dënuar me 1 vit e 6 muaj burgim, si dhe i ndalohet për 5 vitet e ardhshme ushtrimi i të drejtës për funksione publike. Të njëjtin dënim ka marrë edhe Flutura Çerkezi.

Njoftimi i GJKKJO:

1. Deklarimin fajtore të të pandehures Edlira Naqellari, për kryerjen e veprës penale “Shkelja e barazisë së pjesëmarrësve në tendera apo ankande publike” kryer në bashkëpunim e parashikuar nga neni 258 dhe 25 i Kodit Penal dhe në bazë të kësaj dispozite dënimin e saj me 1 (një) vit dhe 6 (gjashtë) muaj burgim.

• Në aplikim të nenit 406/1 të Kodit të Procedurës Penale masës së mësiperme të dënimit i zbritet 1/3
duke u dënuar përfundimisht e pandehura Edlira Naqellari me 1 (një) vit burgim.

• Vuajtja e dënimit për të pandehurën Edlira Naqellari fillon nga dita e arrestimit të saj dhe do të kryhet në një Institucion të Ekzekutimit të Vendimeve Penale për gratë.

• Në zbatim të nenit 35 të K.Penal heqjen e të drejtës për të pandehurën Edlira Naqellari për të ushtruar funksione publike për një afat 5 vjeçar.

2. Deklarimin fajtore të të pandehures Flutura Çekrezi, për kryerjen e veprës penale “Shkelja e barazisë së pjesëmarrësve në tendera apo ankande publike” kryer në bashkëpunim e parashikuar nga neni 258 dhe 25 i Kodit Penal dhe në bazë të kësaj dispozite dënimin e saj me 1 (një) vit dhe 6 (gjashtë) muaj burgim.

• Në aplikim të nenit 406/1 të Kodit të Procedurës Penale masës së mësiperme të dënimit i zbritet 1/3 duke u dënuar përfundimisht e pandehura Flutura Çekrezi me 1 (një) vit burgim.

• Vuajtja e dënimit për të pandehurën Flutura Çekrezi fillon nga dita e arrestimit të saj dhe do të
kryhet në një Institucion të Ekzekutimit të Vendimeve Penale për gratë.

• Në zbatim të nenit 35 të K.Penal heqjen e të drejtës për të pandehurën Flutura Çekrezi për të ushtruar funksione publike për një afat 5 vjeçar.

3. Deklarimin fajtore të të pandehures Anisa Bogdani, për kryerjen e veprës penale “Shkelja e barazisë së pjesëmarrësve në tendera apo ankande publike” kryer në bashkëpunim e parashikuar nga neni 258 dhe 25 i Kodit Penal dhe në bazë të kësaj dispozite dënimin e saj me 1 (një) vit dhe 3 (tre) muaj burgim.

• Në aplikim të nenit 406/1 të Kodit të Procedurës Penale masës së mësiperme të dënimit i zbritet 1/3 duke u dënuar përfundimisht e pandehura Anisa Bogdani me 10 (dhjetë) muaj burgim.

• Në aplikim të nenit 59 të K.Penal urdherohet pezullimi i ekzekutimit të vendimit të dënimit me burgim për pjesën e mbetur pa vuajtur të tij duke e vene të pandehurën Anisa Bogdani ne provë për një periudhë kohe prej 20 muaj, me kusht që gjatë kësaj kohe të mos kryeje vepër tjetër penale si dhe të mbajë kontakte të rregullta me Zyren e Shërbimit të Provës ku ka vëndbanimin e saj.

• Në zbatim të nenit 261/1 shkronja “b” të K.Pr.Penale shuarjen e masës së sigurimit personal “arrest në shtëpi” e caktuar ndaj të pandehures Anisa Bogdani me vendimin nr. 48, dt. 07.07.2021 të Gjykatës së Posaçme të Shkallës së Parë për Korrupsionin dhe Krimin e Organizuar.

• Në zbatim të nenit 35 të K.Penal heqjen e të drejtës për të pandehurën Anisa Bogdani për të ushtruar funksione publike për nje afat 5 vjeçar.

4. Deklarimin fajtore të të pandehures Ani Omuri, për kryerjen e veprës penale “Shkelja e barazisë së pjesëmarrësve në tendera apo ankande publike” kryer në bashkëpunim e parashikuar nga neni 258 dhe 25 i Kodit Penal dhe në bazë të kësaj dispozite dënimin e saj me 1 (një) vit dhe 3 (tre) muaj burgim.

• Në aplikim të nenit 406/1 të Kodit të Procedurës Penale masës së mësiperme të dënimit i zbritet 1/3 duke u dënuar përfundimisht e pandehura Ani Omuri me 10 (dhjetë) muaj burgim.

• Në aplikim të nenit 59 të K.Penal urdherohet pezullimi i ekzekutimit të vendimit të dënimit me burgim për pjesën e mbetur pa vuajtur të tij duke e vene të pandehurën Ani Omuri ne provë për një periudhë kohe prej 20 muaj, me kusht që gjatë kësaj kohe të mos kryeje vepër tjetër penale si dhe të mbajë kontakte të rregullta me Zyren e Shërbimit të Provës ku ka vëndbanimin e saj.

• Në zbatim të nenit 261/1 shkronja “b” të K.Pr.Penale shuarjen e masës së sigurimit personal “arrest në burg” e caktuar ndaj të pandehures Ani Omuri me vendimin nr. 48, dt. 07.07.2021 të Gjykatës së Posaçme të Shkallës së Parë për Korrupsionin dhe Krimin e Organizuar.

• Urdherohet lirimi i menjëhershem i të pandehurës Ani Omuri nga ambjentet e paraburgimit nëse ajo nuk mbahet e arrestuar me ndonjë masë tjetër sigurimi “arrest në burg” si e dyshuar për kryerjen e ndonjë vepre tjetër penale apo me ndonjë vendim dënimi me burgim.

• Në zbatim të nenit 35 të K.Penal heqjen e të drejtës për të pandehurën Ani Omuri për të ushtruar funksione publike për nje afat 5 vjeçar.

5. Deklarimin fajtore të të pandehures Aurora Mulla, për kryerjen e veprës penale “Shkelja e barazisë së pjesëmarrësve në tendera apo ankande publike” kryer në bashkëpunim e parashikuar nga neni 258 dhe 25 i Kodit Penal dhe në bazë të kësaj dispozite dënimin e saj me 1 (një) vit dhe 3 (tre) muaj burgim.

• Në aplikim të nenit 406/1 të Kodit të Procedurës Penale masës së mësiperme të dënimit i zbritet 1/3 duke u dënuar përfundimisht e pandehura Aurora Mulla me 10 (dhjetë) muaj burgim.

• Në aplikim të nenit 59 të K.Penal urdherohet pezullimi i ekzekutimit të vendimit të dënimit me burgim për pjesën e mbetur pa vuajtur të tij duke e vene të pandehurën Aurora Mulla ne provë për një periudhë kohe prej 20 muaj, me kusht që gjatë kësaj kohe të mos kryeje vepër tjetër penale si dhe të mbajë kontakte të rregullta me Zyren e Shërbimit të Provës ku ka vëndbanimin e saj.

• Në zbatim të nenit 35 të K.Penal heqjen e të drejtës për të pandehurën Aurora Mulla për të ushtruar funksione publike për nje afat 5 vjeçar.

6. Deklarimin fajtor të të pandehurit Kleivis Hasani, për kryerjen e veprës penale “Shkelja e barazisë së pjesëmarrësve në tendera apo ankande publike” kryer në bashkëpunim e parashikuar nga neni 258 dhe 25 i Kodit Penal dhe në bazë të kësaj dispozite dënimin e tij me 1 (një) vit dhe 3 (tre) muaj burgim.

• Në aplikim të nenit 406/1 të Kodit të Procedurës Penale masës së mësiperme të dënimit i zbritet 1/3 duke u dënuar përfundimisht i pandehuri Kleivis Hasani me 10 (dhjetë) muaj burgim.

• Në aplikim të nenit 63 të K.Penal urdherohet pezullimi i ekzekutimit të vendimit të dënimit me burgim për pjesën e mbetur pa vuajtur të tij duke e urdhëruar të pandehurin Kleivis Hasani që të kryejë 80 (tetëdhjetë) orë pune në interes publik.

• Puna në interes publik të kryhet brënda afatit prej 6 (gjashtë) muajsh nga dita e marrjes se vendimit formë të prerë.

• Detyrohet i pandehuri Kleivis Hasani që të mbaje kontakte të rregullta me Zyrën e Shërbimit të Provës ku ka vëndbanimin e tij.

• Në zbatim të nenit 261/1 shkronja “b” të K.Pr.Penale shuarjen e masës së sigurimit personal “arrest në burg” e caktuar ndaj të pandehurit Kleivis Hasani me vendimin nr. 48, dt. 07.07.2021 të Gjykatës së Posaçme të Shkallës së Parë për Korrupsionin dhe Krimin e Organizuar.

• Urdherohet lirimi i menjëhershem i të pandehurit Kleivis Hasani nga ambjentet e paraburgimit nëse ai nuk mbahet i arrestuar me ndonjë masë tjetër sigurimi “arrest në burg” si i dyshuar për kryerjen e ndonjë vepre tjetër penale apo me ndonjë vendim dënimi me burgim.
7. Deklarimin fajtor të të pandehurit Kreshnik Bejkaj, për kryerjen e veprës penale “Shkelja e barazisë së pjesëmarrësve në tendera apo ankande publike” kryer në bashkëpunim e parashikuar nga neni 258 dhe 25 i Kodit Penal dhe në bazë të kësaj dispozite dënimin e tij me 1 (një) vit dhe 3 (tre) muaj burgim.

• Në aplikim të nenit 406/1 të Kodit të Procedurës Penale masës së mësiperme të dënimit i zbritet 1/3 duke u dënuar përfundimisht i pandehuri Kreshnik Bejkaj me 10 (dhjetë) muaj burgim.

• Vuajtja e dënimit për të pandehurin Kreshnik Bejkaj fillon nga dita e arrestimit të tij dhe do të kryhet në një IEVP, burg i sigurisë së zakonshme.

• Në zbatim të nenit 35 të K.Penal heqjen e të drejtës për të pandehurin Kreshnik Bejkaj për të ushtruar funksione publike për një afat 5 vjeçar.

8. Deklarimin fajtor të të pandehurit Gëzim Mingaj, për kryerjen e veprës penale “Shkelja e barazisë së pjesëmarrësve në tendera apo ankande publike” kryer në bashkëpunim e parashikuar nga neni 258 dhe 25 i Kodit Penal dhe në bazë të kësaj dispozite dënimin e tij me 1 (një) vit dhe 3 (tre) muaj burgim.

• Në aplikim të nenit 406/1 të Kodit të Procedurës Penale masës së mësiperme të dënimit i zbritet 1/3 duke u dënuar përfundimisht i pandehuri Gëzim Mingaj me 10 (dhjetë) muaj burgim.

• Në aplikim të nenit 59 të K.Penal urdherohet pezullimi i ekzekutimit të vendimit të dënimit me burgim për pjesën e mbetur pa vuajtur të tij duke e vene të pandehurin Gëzim Mingaj ne provë për një periudhë kohe prej 20 muaj, me kusht që gjatë kësaj kohe të mos kryeje vepër tjetër penale si dhe të mbajë kontakte të rregullta me Zyren e Shërbimit të Provës ku ka vëndbanimin e tij.

• Në zbatim të nenit 261/1 shkronja “b” të K.Pr.Penale shuarjen e masës së sigurimit personal “arrest në burg” e caktuar ndaj të pandehurit Gëzim Mingaj me vendimin nr. 48, dt. 07.07.2021 të Gjykatës së Posaçme të Shkallës së Parë për Korrupsionin dhe Krimin e Organizuar.

• Urdherohet lirimi i menjëhershem i të pandehurit Gëzim Mingaj nga ambjentet e paraburgimit nëse ai nuk mbahet i arrestuar me ndonjë masë tjetër sigurimi “arrest në burg” si i dyshuar për kryerjen e ndonjë vepre tjetër penale apo me ndonjë vendim dënimi me burgim.

9. Deklarimin fajtor të të pandehurit Fatmir Demneri, për kryerjen e veprës penale “Shkelja e barazisë së pjesëmarrësve në tendera apo ankande publike” kryer në bashkëpunim e parashikuar nga neni 258 dhe 25 i Kodit Penal dhe në bazë të kësaj dispozite dënimin e tij me 1 (një) vit dhe 3 (tre) muaj burgim.

• Në aplikim të nenit 406/1 të Kodit të Procedurës Penale masës së mësiperme të dënimit i zbritet 1/3 duke u dënuar përfundimisht i pandehuri Fatmir Demneri me 10 (dhjetë) muaj burgim.

• Vuajtja e dënimit për të pandehurin Fatmir Demneri fillon nga dita e arrestimit të tij dhe do të kryhet në një IEVP, burg i sigurisë së zakonshme.

• Në zbatim të nenit 35 të K.Penal heqjen e të drejtës për të pandehurin Fatmir Demneri për të ushtruar funksione publike për një afat 1 (një) vjeçar.

10. Deklarimin fajtor të të pandehurit Mariglen Buzali, për kryerjen e veprës penale “Shkelja e barazisë së pjesëmarrësve në tendera apo ankande publike” kryer në bashkëpunim e parashikuar nga neni 258 dhe 25 i Kodit Penal dhe në bazë të kësaj dispozite dënimin e tij me 1 (një) vit dhe 3 (tre) muaj burgim.

• Në aplikim të nenit 406/1 të Kodit të Procedurës Penale masës së mësiperme të dënimit i zbritet 1/3 duke u dënuar përfundimisht i pandehuri Mariglen Buzali me 10 (dhjetë) muaj burgim.

• Vuajtja e dënimit për të pandehurin Mariglen Buzali fillon nga dita e arrestimit të tij dhe do të kryhet në një IEVP, burg i sigurisë së zakonshme.

• Në zbatim të nenit 35 të K.Penal heqjen e të drejtës për të pandehurin Mariglen Buzali për të ushtruar funksione publike për një afat 1 (një) vjeçar.

11. Mbrojtësi i caktuar kryesisht nga gjykata për të pandehurit në këtë process gjyqësor, av. Shpëtim Kodhelaj të shpërblehet nga shteti sipas tarifave përkatëse.

12. Shpenzimet procedurale gjatë fazës së hetimit si dhe shpenzimet gjyqesore i lihen në ngarkim të pandehurve në mënyrë solidare.

13. Kundër këtij vendimi mund të bëhet ankim nga palët brënda 15 (pesëmbedhjetë) ditëve në Gjykatën e Posaçme të Apelit për Korrupsionin dhe Krimin e Organizuar, afat i cili fillon nga dita e nesërme e njoftimit të vendimit.

TIRANË

SPAK mbyll hetimet për operacionin ‘Shpirti’ dhe dërgon për gjykim 31 të pandehur.

Nën akuzë për trafik drogë, SPAK ka dërguar për gjykim edhe 2 shoqëruesit e ish ministrit Saimir Tahiri, përkatësisht , Paul (Agustin) Deda, Hekuran Marku.

Njoftimi i plotë:

Prokuroria e Posaçme kundër Korrupsionit dhe Krimit të Organizuar ka paraqitur kërkesën për gjykimin e çështjes penale të ndarë, nr.36/2, të vitit 2019, në ngarkim të të pandehurve: (31 të pandehur) Aleks Memaj, Jovan Memaj, Aleksandër Neço, Shkëlzen Kambëri, Bernard Tahiraj, Marenglen Çaçi, Erind Hysomemaj, Klajdi Ademi (Hysomemaj), Toni (Elton) Kushi, Erion Hoxhara, Çezar Gjomemo, Saimir Kurti, Malton Lleshi, Shkëlzen Daci, Eltjon Bregasi, Paul (Agustin) Deda, Hekuran Marku, Hamid Seferi, Leonidha Sejdiaj, Ilir Gaba, Geri Zylyftari, Erlind Zylyftari, Artan Zylyftari, Luan Zylyftari, Elton Hamza, Mariglen Shusha, Donial Drolli, akuzuar se kanë kryer veprat penale: “Kultivimi i bimëve narkotike”, në bashkëpunim në kuadër të grupit të strukturuar kriminal”, “Trafikimi i narkotikëve”, në bashkëpunim në kuadër të grupit të strukturuar kriminal, mbetur në tentativë, “Trafikimi i narkotikëve”, në bashkëpunim në kuadër të grupit të strukturuar kriminal ,“Pastrimi i produkteve të veprës penale ose i veprimtarisë kriminale”, “Grupi i strukturuar kriminal”, “Kryerja e veprave penale nga organizata kriminale dhe grupi i strukturuar kriminal”, parashikuara nga nenet, 284/1, 28/4, 283/a/1 e 22, 28/4, 283/a/1, 28/4, 287/1 gërma “d”, 333/a/1 dhe 334/1 të Kodit Penal.

Ndërsa ka rezultuar e provuar se të pandehurit Maksim Sota, Ilirjan Balla, Artur Krasniqi, Festim Lelaj, Maksim Sota, funksionarë shtetërorë, me funksione të rëndësishme, kanë kryer veprën penale “Shpërdorimi i detyrës”, parashikuar nga neni 248 i Kodit Penal.

Ky hetim ndërkombëtar është bërë i mundur në kuadër të Skuadrës së Përbashkët Hetimore, mjet i kooperimit gjyqësor i krijuar mes D.D.A-së së Barit, Prokurorisë së Posaçme kiundër Korrupsionin e Krimit të Organizuar në Tiranë.

Në kuadër të këtij hetimi, më parë janë dërguar për gjykim Ilirjan Duçellari, Aurel Kalari, Kleo (Piro) Bregu, Orhan Duçellari, Julian Bejdollari, Rexhino Muçaj, Robert Myftari, Alban Koshi, Mariglen Duçellari, akuzuar se kanë kryer veprat penale: “Kultivimi i bimëve narkotike”, në bashkëpunim në kuadër të grupit të strukturuar kriminal”, “Trafikimi i narkotikëve”, në bashkëpunim në kuadër të grupit të strukturuar kriminal, mbetur në tentativë, “Trafikimi i narkotikëve”, në bashkëpunim në kuadër të grupit të strukturuar kriminal ,“Pastrimi i produkteve të veprës penale ose i veprimtarisë kriminale”, “Grupi i strukturuar kriminal”, “Kryerja e veprave penale nga organizata kriminale dhe grupi i strukturuar kriminal”, parashikuara nga nenet, 284/1, 28/4, 283/a/1 e 22, 28/4, 283/a/1, 28/4, 287/1 gërma “d”, 333/a/1 dhe 334/1 të Kodit Penal.

Gjatë këtij hetimi është dokumentuar veprimtaria kriminale e pjesëtarëve të katër grupeve të fuqishme kriminale të organizuara, të cilët kanë vepruar nga viti 2014 deri në vitin 2019, në Shqipëri dhe në kontakt e bashkëpunim me organizatat kriminale italiane, kanë trafikuar sasi të konsiderueshme lënde narkotike në Itali e më pas në vende të tjera europiane.

Autoritetet Shqiptare dhe Autoritetet Italiane, gjatë hetimeve të mëparshme bërë në Shqipëri në kuadër të operacioneve ‘Shefi’ dhe ‘Kulmi’ në mars të vitit 2018 e në qershor të vitit 2020, kanë rindërtuar, edhe me ndihmën e deklaratave të katër bashkëpunëtoreve të drejtësisë, të dhëna për shkelje të ligjit, të kryera nga zyrtarë publik shqiptar, pastrim parash, po ashtu të gjithë “zinxhirin e prodhimit” të lëndës narkotike që nga kultivimi, prodhimi, mbledhja, magazinimi dhe trafikimi në drejtim të brigjeve pugliese me mjete lundruese të fuqishëm.

Në tërësi, në kuadër të hetimeve të sipërpërmendura, janë sekuestruar rreth 6 (gjashtë) tonelata lëndë narkotike të tipit marijuanë, kokainë e hashash, duke i hequr organizatave kriminale të ardhura të vlerësuara në mbi 55 milion Euro, për një sasi totale prej rreth 14 milion dozash njëshe që dalin nga shpërndarja me pakicë.

Në kuadër të këtij hetimi janë sekuestruar me qëllim konfiskimin e tyre, pasuri të paluajtshme dhe të luajtshme, subjekte tregtare, ambiente biznesi, në një vlerë prej 10 (dhjetë) milion Euro.

Ky hetim është vlerësuar nga EUROJUST si një ndër hetimet më të suksesshme në Evropë, i kryer në kuadër të Skuadrës së Përbashkët Hetimore.

Hetimet në lidhje me këtë procedim penal vazhdojnë, për persona të tjerë të përfshirë në këtë aktivitet kriminal. bw

Nënkryetari i LSI, Petrit Vasili, ka deklaruar nëpërmjet një shkrimi në rrjete sociale se drejtësia ndodhet në koma.

Ai sjell një video të kryetares së KLGJ, Neureda Llagamit dhe shkruan se qytetarëve iu mohohet drejtësia, si dhe shton se qeverisë i garantohet pandëshkueshmëria ndaj korrupsionit të saj të tmerrshëm.

Postimi i Petrit Vasilit:

Drejtesia ne koma!(VIDEO).
Kryetarja e KLGJ Llagami pohon:
Drejtesia eshte katandisur ne drejtesi ambulante
Gjykatesit e apelit administrativ nga 3 mije çeshtje per gjyqtar.
Gjykatesit e apelit 2500 çeshtje per gjyqtar.
Rilindja e kapi drejtesine dhe beri Antireforme ne drejtesi.
Qytetareve ju mohohet drejtesia.
Qeverise i garantohet pandeshkueshmeria ndaj korrupsionit te saj te tmerrshem.

Ish-kryeministri Sali Berisha, i ftuar në emisionin A Show të moderatorit Adi Krasta në Syri Tv, foli për zhvillimet në PD.

Berisha theksoi se Lulzim Basha është bërë palë me Ramën. Ai shton se në këta tre muaj u krijua opozitë e vërtetë.

“Gjëja më e madhe e arritur në këta tre muaj ishte se vendi ka një opozitë të vërtetë. Kjo sepse kjo opozitë me Bashën nuk është opozitë, sepse voton borxhe të tjera.

Kjo është një opozitë që nuk ka parësore çështjen kombëtare. Le të vijmë tek ndryshimi i kufijve të Kosovës. Opozita e Bashës në linjat themelore u shua, përfundoi në peng”, deklaroi Berisha.

Sali Berisha akuzon qeverinë, kryeministrin Edi Rama dhe manjatin George Soros, se kanë lobuar në DASH për shpalljen e tij non grata në SHBA. 

Berisha në A Show me Adi Krastën në Syri Tv tha se DASH ka pranuar se për vendimin janë bazuar te raportet e OJQ, mes të cilave edhe OJQ-ja e Delina Ficos, lajmet në media dhe raportet e qeverisë shqiptare.

Sipas Berishës, Rama ka dërguar në DASH raporte të fshehta me shpifje dhe trillime.

“Tre ditë pas shpalljes, DASH ka deklaruar tre gjëra: Sekretari i Shtetit është informuar nga raportet e OJQ lokale dhe rajonale. Përgjigjja zyrtare që i ka dhënë Gazetës SOT, DASH, nëpërmjet ambasadës i është dorëzuar emaili. E dyta, është bazuar në raportet e mediave të kontrolluara nga qeveria. E treta, është bazuar në raportet antikorrupsion të qeverisë. Dy orë mbrapa, në letrën për Blinken, pa i ditur këto fare, i them që është produkt i lobimit korruptiv të Edi Ramës dhe George Soros dhe keqinformitit tuaj. Është rast unik në botë kur nuk është ndëshkuar një person që s’ka pasur jetë asnjë proces të vetëm, asnjë padi, as ai dhe as familja e tij. Nuk është ndëshkuar kurrë një person 8 vite pasi është larguar nga pushteti. Për definicion, ligji është për pushtetarë. Mua miqtë më kanë thënë, a doni ta padisim për këtë klauzolë? Jo, kam thënë, e kam paditur për shpifje. Qeveria shqiptare s’ka publikuar asnjë raport kundër për afera korruptive të Sali Berisha. Mediat s’e kanë publikuar kurrë një raport të qeverisë. Unë jam i bindur se DASH nuk thotë kot. Edi Rama ka çuar raporte të fshehta. E tëra shpifje dhe trillime“, u shpreh Berisha.

Ish-kryeministri tha se ka gjetur mbështetjen e liderve konservatorë vendet e të cilëve janë në rrezik nga Soros, po njësoj si Shqipëria.

“Nëse ju thoni, fakte kemi por nuk i japim, kjo nuk funksionon. Thirrja ime është për çdo qeveri të një vendi të lirë, çdo fakt dhe provë ta dorëzojë. Në qarqet konservatore, udhëheqës kryesorë të tyre, më kanë shprehur solidaritet dhe mbështetje. Dhe kjo është shumë e rëndësishme. Pse? Sepse unë jam kyçyr në një betejë me një armik të konservatorizmit. Nuk është vetëm në Shqipëri armik ai, ai po kaq armik është në SHBA. Për vlerat konservatore dhe këto janë të shpallura. Unë në këtë betejë, ndonëse e nisa vetëm, bazuar në një eksperiencë timen 32-vjeçare, kur vendosa të dal kundër, për asnjë arsye tjetër veçse për dinjitetin tim”, tha Berisha.

‘U shkarkua me 4935 delegatë’/ Berisha: Basha mban peng PD-në me 1958 karrige, thotë kam 5004

Lideri historik i PD, Sali Berisha ftoi Edi Ramën në debat televiziv. 

Në A Show me Adi Krastën në Syri Tv, Berisha tha se e fton Ramën dhe po të dojë ai le të marrë edhe Lulzim Bashën.

Berisha theksoi më tej se Edi Rama është i papërshtatshëm psikologjikisht për detyrën e kryeministrit.

“Ramën e ftoj në debat, të marrë edhe Lul Bashën po të dojë. Thotë ai ky është 77 vjeç, le të vijë dhe të bëjmë një debat i cili do të vlerësohet në çdo aspekt. Ai nuk guxon të përballet me mua. Debatin unë e bëj për qytetarët. Ai është viskoz si një 90-vjeçar. Viskoziteti i tij është i frikshëm. Proceset e tij trunore knë një ngadalësi në momente të caktuara janë aq të mëdha, a e ka nga droga, apo ndonjë gjë tjetër. Ai në shumë drejtime nuk është psikologjikisht i përshtatshëm për atë detyrë”, u shpreh Berisha.

Në Shqipëri janë dorëzuar banesat e ndërtuara me financimin e Turqisë për familjet e prekura nga tërmeti i 26 nëntorit 2019, në një aktivitetet me pjesëmarrjen e zyrtarëve të lartë të vendit dhe përfaqësuesve të institucioneve turke në Shqipëri, raporton Anadolu Agency (AA).

Në ceremoninë e organizuar në qytetin e Laçit, të Bashkisë Kurbin, ishin të pranishëm kryeministri i Shqipërisë, Edi Rama, ambasadori i Turqisë në Tiranë, Murat Ahmet Yörük, përfaqësues të tjerë të Qeverisë së Shqipërisë, drejtues të Bashkisë së Kurbinit, si dhe qytetarë të cilët përfitojnë banesat.

Rama tha se rindërtimi është një program për shqiptarët, është një program për çdo familje shqiptare që në momentin më kritik të jetës së tyre, por edhe në një moment shumë kritik për vendin “ne ishim të vendosur që të mos i linim vetëm dhe t’u gjendeshim pranë”.

“Jo vetëm këtu, por në të 11-të bashkitë e prekura, shtëpitë pavarësisht se nga kush janë financuar, në pjesën dërmuese janë financim i qeverisë shqiptare, në këtë rast është financim i qeverisë turke dhe kujdes i drejtpërdrejtë i presidentit Erdoğan, i atij mikut tim që kur disave iu del në Facebook bëjnë lloj-lloj komentesh të padenja, por që u gjend(Presidenti Erdoğan) si të ishte këtu, i lindur këtu, i rritur këtu dhe si të kishte njerëzit e vet këtu, duke vënë në dispozicion menjëherë të gjithë forcën e miqësisë dhe solidaritetit”, u shpreh Rama.

Gjatë fjalës në ceremoni, ambasadori Yörük, tha se marrëdhëniet midis Turqisë dhe Shqipërisë janë në nivelin e partneritetit strategjik, të cilat bazohen në lidhje të thella historike, humanitare dhe kulturore. Ai theksoi se sot janë mbledhur në Laç për të festuar një rezultat të natyrshëm të partneritetit mes dy vendeve.

“Me direktivat e presidentit tonë, Recep Tayyip Erdoğan, gjatë tërmetit të nëntorit 2019, të gjitha institucionet e shtetit tonë u mobilizuan që në momentin e parë për popullin mik dhe vëlla shqiptar. Presidenti Erdoğan gjithashtu ishte ai që loboi më së shumti për t’i grumbulluar ndihmë Shqipërisë nëpërmjet gjithë komunitet ndërkombëtar dhe Organizatës së Bashkëpunimit Islam”, u shpreh ambasadori turk.

Ambasadori Yörük, duke u ndalur tek ndihmat e institucioneve turke pas tërmetit, tha më tej se në tërmetin e nëntorit 2019, Turqia ishte vendi i parë që i erdhi në ndihmë Shqipërisë.

“Ky projekt të cilin ne e kemi përfunduar me një arkitekturë moderne dhe me çdo gjë të nivelit më të lartë, është një shenjë madhështore e miqësisë së palëkundur dhe marrëdhënieve të mira mes vendeve tona”, theksoi Yörük.

Ai tha se nën udhëheqjen vizionare të presidentit Erdoğan, Turqia do të vazhdojë të qëndrojë gjithmonë pranë vëllezërve shqiptarë dhe të gjitha vendeve e kombeve mike në Ballkan.

Arben Ahmetaj, zv.kryeministër dhe ministër i Shtetit për Rindërtimin dhe Programin e Reformave i Shqipërisë, duke theksuar se banesat janë falas, tha se “Gjithë Shqipëria e ka pritur këtë mrekulli”. “Një falënderim të madh kam për qeverinë turke, presidentin Erdoğan, për ty ambasador”, tha Ahmetaj.

Kryetarja e Bashkisë së Kurbinit, Majlinda Cara, tha se ndien se kjo është dita më e lumtur që prej ditës që drejton punët e përditshme të këtij qyteti. “Kjo lagje e mrekullueshme që është sot para nesh, një ndër lagjet rezidenciale më të bukura në vend është fryt i bashkëpunimit me miqtë dhe aleatët tanë turq”, u shpreh Cara.

Kryeministri Rama, ambasadori Yörük dhe zyrtarët e tjerë të pranishëm vizituan disa nga apartamentet dhe familjet që kanë marrë ndërtesat e reja.

Projekti i financuar nga Turqia i cili përfshin 522 apartamente, por edhe njësi tregtare dhe qindra vende parkimi u zhvilluan nga Autoriteti Shtetëror i Zhvillimit Strehimor të Turqisë (TOKI) me udhëzim të presidentit të Turqisë, Recep Tayyip Erdoğan, ndërsa punimet në Njësinë Administrative Laç në Bashkinë e Kurbinit u realizuan nga kompania Albayrak. Në ditët në vazhdim do të përfundojë gjithë procesi për akomodimin e familjeve në ndërtesat në Laç.

Deputeti i PD-së Belind Këlliçi ka zhvilluar ditën e sotme një takim me demokratët e Degës 1 Tiranë në 31 vjetorin e Partisë Demokratike.

Këlliçi thekson se qëllimi i tyre është rindërtimi i Partisë Demokratike.

‘Demokratët janë bashkë! Janë shumicë! Janë vendimmarrës! Janë sovrani!’, shkruan Këlliçi në Facebook.

Postimi i plotë i Belind Këlliçit:

Me demokratët e Degës 1 Tiranë për të rindërtuar Partinë Demokratike!

Demokratët janë bashkë! Janë shumicë!

Janë vendimmarrës!

Janë sovrani!

Sqarim për demokratët dhe opinionin publik:

Në vazhdimësi të shkeljeve të statutit të PD dhe FRPD, deputeti Lulzim Basha ka nxjerrë sot në një deklaratë për mediat një grup të rinjsh që kanë folur rreth procesit zgjedhor në FRPD.

Ju rikujtojmë të gjithë të rinjve demokratë se këto manovra për të kapur këtë institucion janë të kota dhe pa vlerë. Kryesia e FRPD ka marrë një vendim në datën 12 Nëntor 2021 që i hap rrugë procesit të zgjedhjeve dhe asnjë institucion tjetër nuk mund të mbivendoset mbi këtë vendim.

Grupi i punës i ngritur nga deputeti Basha është i paligjshëm dhe nuk ka asnjë kompetencë që të marrë vendime mbi organizatën tonë. Për këtë, Forumi Rinor i Partisë Demokratike ka marrë edhe mbështetjen nga organizatat më të mëdha europiane të rinisë, siç është edhe European Democrat Students.

Ka vetëm një FRPD dhe ajo është në anën e duhur të historisë. Gjithë të tjerat janë iluzione për të përçarë dhe shpërqëndruar të rinjtë demokratë. Ne jemi krenarë për arritjet e Forumit tonë dhe nuk mund të lejojmë asnjë njeri të cënojë autonominë dhe historinë tonë.

Ju bëjmë thirrje të rinjve që të ndjekin faqen zyrtare të FRPD (@frpdsh në Facebook, Instagram dhe Twitter) për përditësimet në lidhje me këtë proces.

Edhe pse i shpallur në kërkim për pastrim parash dhe korrupsion, Klodian Zoto vijon të thith parat e shtetit me anë të tenderave nga Ministria e Infrastrukturës dhe Energjisë. Vetëm pak ditë më parë, konkretisht me 15 dhjetor të këtij viti kompania e Zotos ka përfituar një tender disa milionësh sërish për të menaxhuar mbetjet urbane të qytetit të Fierit!

Nga SYRI TV

Biznesmeni kontrovers Klodian Zoto është në kërkim nga Prokuroria Speciale SPAK prej datën 14 Dhjetor 2021, si një prej personave kryesorë të përfshirë në ‘aferën e inceneratorëve’.

Megjithatë, kjo situatë nuk e ka penguar aspak qeverinë që t’i japë më shumë se 620 milionë lekë të vjetra.

Në 15 Dhjetor, pra vetëm një ditë pasi ai u shpall zyrtarisht në kërkim nga Prokuroria Speciale, SPAK, qeveria ‘Rama’, nëpërmjet Ministrisë së Infrastrukturës, ka dorëzuar shumën e konsiderueshme në llogaritë e shoqërisë ‘Integrated Technology Waste Treatment, Fier’.

Kompania që ka fituar koncesionin e dyshimtë të landfillit dhe inceneratorit të Fierit është në pronësi 70 përqind të shoqërisë ‘Integrated Technology Service’ të Klodian Zotos.

Kompania ‘ITS’ është vendosur nën sekuestro preventive nga SPAK, si një prej personave juridikë të dyshuar për veprën penale të ‘pastrimit të parave’.

Por, aksionet e ‘ITS’-së së Zotos në koncesionin e landfillit të Fierit janë ende të lira dhe në këtë mënyrë Klodian Zoto vijon të marrë ende qindra milionë lekë publike nga të ardhurat e Shtetit.

Klodian Zoto dhe pronarja në letra e kompanisë ‘Albtek Energy’, Stela Gugallja, janë shpallur në kërkim nga Prokuroria Speciale, nën dyshimet se kanë krijuar një skemë pastrimi parash nëpërmjet kompanive që menaxhojnë impiantet e përpunimit të mbetjeve në Tiranë, Elbasan dhe Fier.

Një bashkëpunëtor i afërt i Zotos dhe Gugalljas është edhe Mirel Mërtiri, për të cilin SPAK nuk ka dhënë informacion nëse është nën hetim.

Treshja Zoto-Gugallja-Mërtiri kanë krijuar një rrjet kompanish, nëpërmjet të cilave kanë fituar kontrata koncensionare për menaxhimin e mbetjeve urbane në tre prej qyteteve më të mëdha të vendit.

Fillimisht, ‘Albtek Energy’ në pronësi të Stela Gugallja fitoi kontratën koncensionare për ndërtimin e inceneratorit të Elbasanit, në vitin 2014.

Dy vjet më vonë, në viti 2016, shoqëria me seli në Holandë, ‘Integrated Energy BV’, e cila kishte drejtor të parë Klodian Zoton, fitoi kontratën koncensionare për ndërtimin e landfillit dhe inceneratorit të Sharrës në Tiranë.

Një vit më pas, Klodian Zoto, nëpërmjet kompanisë ‘Integrated Technology Service’ fitoi kontratën koncensionare për ndërtimin e landfillit dhe inceneratorit të Fierit.

Zoto zotëron 70 për qind të kontratës, ndërkohë që 30 përqind janë në pronësi të një kompanie lokale, ‘Ndërtim-Montim Patos’.

Gjatë një takimi me demokratët e Fierit, anëtari i Komisionit të Rithemelimit të Partisë Demokratike, Luan Baçi paralajmëroi se në 8 janar do të jetë një protestë e fuqishme kombëtare kundër Edi Ramës. Protesta mbështetet dhe nga demokratët e Fierit, të cilët i bëjnë thirrje deputetit Basha të largohet me vullnetin e tij nga zyra deri më 5 janar.

Nga SYRI TV

Anëtari i Komisionit të Rithemelimi të Partisë Demokratike, Luan Baçi, deklaroi gjatë një takimi me delegatë dhe anëtarë të kësaj force politike në Fier, se protesta e 8 janarit do të jetë e fuqishme dhe kundër Edi Ramës.

Gjatë takimit të fundvitit me demokratët e Fierit, Luan Baçi u shpreh se dega e PD në këtë qytet do të vijojë punën normalisht, pavarësisht se selia e kësaj force politike edhe në Fier është uzurpuar nga Lulzim Basha.

Edhe demokratët e Fierit u shprehën se Lulzim Basha duhet të largohet vetë nga zyra, pasi nuk e ka më shumicën dhe delegatët e shkarkuan në Kuvendin e 11 dhjetorit dhe referendumin e zhvilluar një javë më pas.

Protesta Kombëtare e 8 janarit është thirrur nga lideri historik i demokratëve, Sali Berisha, i cili gjatë emisionit Zonë e Lire njoftoi gjithashtu se në këtë datë anëtarët e PD do të marrin selinë, nëse deri në datën 5 janar Lulzim Basha nuk largohet me vullnetin e tij nga zyra.

Eksperti i IT, Gent Progni, e konsideron edhe më të madh dhe të rrezikshëm, skandalin e publikimit të targave të automjeteve me emrat e përdoruesve të tyre. Po cili është rreziku që vjen më pas? Në Fb, Progni e sqaron:

“Skandali sa vjen dhe bëhet më i madh. Informacionin për targat e kemi në tre servera, – shkruan eksperti. – DPSHTRR, AMF (Autoriteti i Mbikëqyrjes Financiare) dhe AKSHI.

Marrim rastin e parë, DPSHTRR. Nëse janë marrë këtu, atëherë janë marrë patentat dhe shenjat e gishtërinjve që ne kemi lënë në këto institucione. Marrim rastin e dytë, AMF. Nëse janë marrë këtu, atëherë janë marrë të dhënat bankare, informacionet për fondet e pensioneve dhe fondet e investimit. Marrim rastin e tretë, AKSHI. Nëse janë marrë nga këtu, kaq!” nënvizon ai. syri.nt

Publikimi i një databaze me targat e 530 automjeteve të shqiptarëve ngriti dyshime mbi sigurinë e tyre, por hodhi dritë mbi llojet dhe vlerat e makinave që përdorin shqiptarët.

Skandali i rrjedhjes së këtyre të dhënave kaq sensitive, përveçse tregoi brishtësinë e institucioneve që i ruajnë ato, tregoi edhe anën tjetër të medaljes, miliona para të shpenzuara për një mjet të vetëm. Nga vëzhgimi i databazës, rezulton se shqiptarët shpenzojnë shumë për një automjet, pasi në garazhin e tyre, por edhe në rrugët e Tiranës janë makina që vlejnë qindra-mijëra euro.

Në Shqipëri ka 16 “Ferrari”, 8 “Rolls-Royce”, 37 “Bentley”, 45 “Lamborghini”, 2 “McClaren” dhe disa lloje të tjera të veçanta. Çmimet e makinave që kalojnë në rrugët e vendit dhe kanë pronarë shqiptarë arrijnë një çmim deri në 300 mijë euro. Ajo që bie në sy është se Kryeministri Edi Rama përdor një mjet superlukzoz dhe të shtrenjtë si “GMC Yunko”. Të njëjtin mjet ka nën pronësi edhe Kujtim Haxhiaj. Një nga llojet më të shtrenjta të “Mercedez Benz” është varianti “Benz sclass 63 GLE AMG”, të cilin e kanë në përdorim plot 22 shqiptarë.

Ndër personazhet e njohura janë deputeti i Partisë Socialistë Arben Pëllumbi dhe gazetari i njohur Arjan Çani, si dhe Agim Çako, pronar i një kompanie nafte. Ai ka nën pronësi edhe disa mjete të tjera superluksoze: 2 “Mercedez-Benz 63 AMG”, 1 “Audi A8 L” version luksoz dhe një “Mercedez S500”. Ai u akuzua në fillim të 2020-ës dhe u shpall në kërkim për veprat penale “Fshehje e të ardhurave”, “Kontrabandë me mallra që paguhet akcizë” dhe “Falsifikim i vulave, i stampave apo formularëve”.

“Rolls-Royce” është një tjetër makinë e shtrenjtë, të cilën e disponojnë 8 persona, çmimi i së cilës është i kripur për xhepin e shumë qytetarëve.

Mes tyre janë emra të njohur si Lori Hoxha dhe gruaja e biznesmenit Ylli Ndroqi, Mimoza Ndroqi, si dhe biznesmeni Mark Luli dhe 5 të tjerë.

“Lamborghini” është nga mjetet e preferuara pasi kanë paguar dhe e kanë nën pronësi plot 45 qytetarë shqiptarë. Duke iu referuar të dhënave të publikuara, ky mjet preferohet dhe ka shumicën e pronarëve biznesmenë, të cilët mesa duket, kanë gjetur atyre rehatinë, për të cilën kanë paguar miliona. Mes tyre është një pronar medieje kombëtare. Një detaj interesant i kësaj liste me makina të shtrenjta është se ato nuk zotërohen vetëm nga biznesmenë të cilët i kanë mundësitë të investojë shuma marramendëse parash për të blerë një makinë, por edhe nga njerëz me precedentë penalë apo të lidhur me botën e krimit.

“FERRARI”

Sipas të dhënave zyrtare, në Shqipëri rezultojnë të jenë regjistruar 16 makina luksoze “Ferrari”, njëra prej të cilave është në pronësi të këngëtarit Rigels Rajku, i njohur si “Noizy”. Një tjetër “Ferrari” e disponon Bledi Haka, të cilin Policia e ka ndaluar dhe akuzuar në tetor të vitit 2019 për veprat penale “Mbajtja pa leje e armëve të ftohta” dhe “Prodhimi dhe shitja e narkotikëve”, ndërsa ai rezulton të jetë përfshirë edhe në një ngjarje në vitin 2012, ku mbeti i plagosur me armë zjarri.

Biznesmeni nga Shkodra Kacjolin Zefi, me “Ferrari” ngjyrë të zezë, është dënuar me 8 vite e 8 muaj burgim nga Gjykata e Krimeve të Rënda me vendim të formës së prerë. Zefi u deklarua fajtor për akuzën e “Trafikimit të narkotikëve” kryer në bashkëpunim. Kacjolin Zefi u arrestua nga Policia në datë 26 nëntor 2016, pasi u akuzua si pronari i 700 kg kanabis, që u sekuestruan në portin e Durrësit. Biznesmeni Kacjolin Zefi ka pretenduar se paratë e siguruara prej tij dhe pasurinë që ai disponon, e ka falë biznesit familjar të përpunimit dhe eksportimit të konfeksioneve dhe veshjeve me shumicë. bw

Një tjetër super skandal është zbuluar nga publikimi i listëpagesave të rreth 700 mijë qytetarëve, ku Konsulli i Nderit i Italisë në Gjirokastër, Theodhor Bilushi rezulton i punësuar në Bashkinë e këtij qyteti.

Sipas të dhënave, Theodhor Bilushi rezulton ‘Specialist Kordinator’ në Bashkinë e Gjirokastrës.