Ditën e sotme, 19 janar është parashikuar shembja e 3 ndërtesave në zonën e “5 Majit” për t’i hapur rrugë nje projekti të dyshimtë dhe për të cilin banorët e zonës kanë qenë kundër.

Policia ka rrethuar zonën që në orët e para të mëngjesit. Banorët e kanë kundërshtuar këtë projekt që nga fillimi dhe prej gati 3 muajsh kanë zhvilluar protesta, pasi sipas tyre nuk kanë arritur një marrëveshje me bashkinë.

Policia ka rrethuar zonën dhe ka bllokuar çdo hyrje e nuk lejojnë as mediet dhe as banorët e tjerë që të kalojnë.

Shikoni foton më poshtë për të kuptuar se sa shumë policë ka dërguar pushteti kundër banorëve të kësaj zone që janë në të drejtën e tyre. syri.net

Menjëherë pasi policia e Edi Ramës ka rrethuar zonën e ‘5 Majit’ dhe ku pritet që fadromat e IKMT të prishin banesat e qytetarëve pa asnjë marrëveshje, ka reaguar edhe ish- kryeministri Sali Berisha.

Ai ka postuar një video dhe një shënim të shkurtër në Facbook.

“Ndal terrorit të narkopolicisë ndaj banorëve që mbrojnë banesat e tyre në Bregun e Lumit!”, shkruan Berisha. syri.net

Kryeministri Edi Rama publikoi një video nga takimi me Presidentin turk, duke zbuluar disa nga prapaskenat e vizitës. Rama i dhuroi Presidentit Erdogan, një vazo, të cilën e ka krijuar vetë, duke e quajtur veten, një artist serioz.

Nga SYRI TV

Kryeministri Edi Rama ka zbuluar disa nga prapaskenat e vizitës, së presidenti turk, Rexhep Taip Erdogan, në Shqipëri.

Përmes një video të publikuar në faqen e tij në Facebook, Rama tregon momentin, kur i ka dorëzuar presidentit Erdogan, një vazo dhuratë, të cilën e ka krijuar vetë. Rama e cilësoi veten si një artist serioz, duke i kërkuar presidenti turk, ta çojë këtë dhuratë në shtëpi.

Edhe presidenti Erdogan, zgjodhi ti kthente dhuratën, në të njëjtën formë, pasi kishte sjelle nga Turqia një vazo, për kryeministrin Rama.

Rama i publikoi pamjet e takimit, një ditë pas vizitës së Erdogan në Shqipëri, ku presidenti i Turqisë, mori pjesë në inaugurimin e 522 apartamenteve në Laç, që u ndërtuan nga shteti turk.

Kryetari i shkarkuar Lulzim Basha ka zhvilluar gjatë ditës së sotme një takim në një lokal në Tiranë.

Por ai është pritur në ambientet e jashtme nga protesta e grave demokrate.

Ato i kanë kujtuar atij pazaret më kreun e qeverisë dhe shkarkimin e tij nga demokratët. syri.net

Presidenti i Turqisë, Rexhep Tajip Erdogan, ka mbajtur fjalën e tij në Kuvendin e Shqipërisë. Ai ka thënë se Turqia dhe Shqipëria ka ndërtuar një marrëdhënie që i ka rrënjët e thella dhe se Turqia e sheh vendin tonë si një partner strategjik.

Erdogan tha se ndihmat e Turqisë në drejtim të Shqipërisë do të jenë të shumta, për ta thelluar më tepër këtë marrëdhënie të shkëlqyer mes dy popujve.

“Të nderuar zonja kryetare, të nderuar deputetë të Kuvendit të Shqipërisë, zonja dhe zotërinj. Në emrin tim, delegacionit tim, e kombit tim ju përshëndes me ndjenjat më të përzemërta. Jam shumë i lumtur që vizitoj përsëri Shqipërinë me të cilën kemi shumë lidhje të forta historike e humane. Para 3 javësh kemi mirëpritur në Turqi zonjën Nikolla. Me të kemi shkëmbyer mendime se sit ë fucojmë marrëdhëniet tona parlamentare. Ne ramë dakord që rritja e kontakteve do të japë një kontribut serioz në zhvillimin e marrëdhënieve tona. Menjëherë pas shpalljes së Republikës së Shqipërisë, është bërë një nga marrëveshjet e para, e kjo marrëveshje që quhet marrëveshja e përjetshme e miqësisë në thelb zbulon që marrëdhëniet tona janë jo vetëm mes shteteve, por edhe njerëzve. Edhe pse ka kufij fizik mes nesh, për ne Shqipëria është fqinji ynë me zemër. Gjurmët e historisë tonë të përbashkët janë në ndërtesat e ngurta të Shkodrës. Këto marrëveshje bashkëpunimi, që rrënjët i kanë të thella janë të forta e të pa lëkundura. Deklarimi i njëanshëm i kryeministrit në 2013, që Turqia është një nga partnerët strategjikë, është panorama e asaj që po shohim sot. Ne kemi ngritur zyrtarisht marrëdhëniet tona në nivelin e partnerit strategjike.

Ne duhet të kontribuojmë për paqen e qetësinë e vendeve tona, të rajonit e botës. Kur Turqia e Shqipëria të shtrëngojnë duart, me lejen e Zotit nuk ka asnjë problem që nuk e zgjidhim. Për aq kohë sa mbrojmë vëllazërinë e vendosmërinë tonë, unë sinqerisht besoj se së bashku nuk do lejojmë të prishë këtë panoramë të bukur që po shohim të gjithë së bashku. Krijimi i një mjedisi paqeje, besimi e stabiliteti në Ballkan. Sigurimi i marrëdhënieve miqësore janë prioritet për qeverinë turke. Ne ndjekim rolin që ka luajtur Shqipëria në Ballkan dhe për njohjen e Kosovës si shtet i pavarur, qoftë nga aleatet e NATO-s që kanë dhënë kontribut të veçantë. Roli i Shqipërisë ka qenë konstruktiv. Ne jemi në solidaritet me Shqipërinë. Me këtë rast, dua të uroj Shqipërinë për anëtarësimin e përkohshëm Këshillin e Kombeve të Bashkuara. Do të kemi kënaqësinë të ndajmë me Shqipërinë përvojat dhe eksperiencat që kemi pasur në këtë detyrë që e kemi pasur në të kaluarën. populli turk qëndron me atë shqiptar siç ka qenë gjithmonë”, tha Erdogan. bw

Presidenti i Turqisë, Recep Tayyip Erdoğan, fillon vizitën zyrtare në Shqipëri, pritet me ceremoni nga kryeministri Edi Rama, raporton Anadolu Agency (AA).

Presidenti i Turqisë, Recep Tayyip Erdogan, viziton sot, të hënën, Shqipërinë, ku do të marrë pjesë në ceremoninë e dorëzimit të banesave të ndërtuara nga Qeveria turke për personat që mbetën pa strehë, pas tërmetit të 26 nëntorit të vitit 2019, në qytetin e Laçit.

Qeveria turke ka ndërtuar 524 apartamente në këtë qytet.

Po në Laç, presidenti turk do të marrë pjesë në ceremoninë e emërtimit të sheshit të qytetit me emrin e tij.

Më vonë gjatë ditës, Erdogan do të zhvendoset në kryeqytetin e Tiranës, ku në orën 13:00 do të zhvillojë takim me kryeministrin e Shqipërisë, Edi Rama.

Në orën 15:00 do të nënshkruhen shtatë marrëveshje, memorandume mirëkuptimi dhe protokolle bashkëpunimi në fusha të ndryshme.

Sipas agjendës, mbylljen e vizitës njëditore në Shqipëri, Erdogan do ta ketë përmes një sesioni të ri parlamentar, ku do të ketë një fjalë përshëndetëse. rel

Tensione në Fier, ku demokratët që protestonin kundër deputetit Lulzim Basha janë provokuar nga mbështetësit e këtij të fundit.

Siç edhe duken në pamjet e transmetuara nga SYRI TV direkt nga Fieri, mbështetësit e Bashës kanë provokuar demokratët në protestë, duke krijuar dhe tensione.

Pas kësaj, policia ka vendosur të marrë në mbrojtje Lulzim Bashën e duke vendosur 2 kordonë për sigurinë e tij.

Kryeministri Edi Rama ka trembur një fëmijë sot. 

Në një video të shpërndarë në rrjet, Rama ulet dhe kërkon ta përqafojë të miturin, por duke hapur gojën dhe çjerrë zërin e ka frikësuar atë.

Vogëlushi kthehet menjëherë dhe ikën me vrap i alarmuar.

Në video fëmija dëgjohet duke qarë teksa shkon drejt të ëmës.

Me siguri Rama nuk e priste këtë veprim të vogëlushit dhe nga reagimi duket që e ka zënë befasisht teksa nënqesh nga zori.

Lideri historik i PD, Sali Berisha ka mbërritur në Lezhë, për takimin me demokratët, me rastin e 31-vjetorit të rithemelimit të degës së PD-së.

Berisha është pritur si gjithnjë me entuziazëm nga demokratët, të cilat kanë brohoritur njëzëri duke kërkuar largimin e Lulzim Bashës.

Disa herë, të pranishmit kanë deklaruar se Basha i ka injoruar, madje as nuk i ka përshëndetur për 31-vjetorin e degës.

Demokratët i kanë kërkuar Berishës një riorganizim sa më të shpejtë të PD-së. Po ashtu ata kanë uruar që Berisha të jetë kryeministër sa më shpejt.

Ky është takimi i parë në bazë pas protestës së 8 janarit. Berisha do të zhvillojë edhe një takim nesër.

Berisha: Edi Rama dhe Lulzim Brava duan të mbajnë peng pluralizmin

Aktivistja e Partisë Republikane në SHBA, Evi Kokalari ka një mesazh, drejtuar klasës politike në Shqipëri, veçanërisht mbështetësve të Partisë Demokratike. 

Teksa publikon një foto të Grida Dumës duke dalë nga selia e PD e ndihmuar nga 3 prej 5 truprojave të saj, pas protestës së 8 janarit, Kokalari bën thirrje për të votuar njerëz të ndershëm dhe me integritet.

Më besoni tashti kur ju them që imoraliteti vetjak është i lidhur ngushtë me atë politik dhe nuk duhet anashkaluar tek deputetët? Nëse këta nuk i janë besnik njerëzve të tyre, vërtet mendoni se do t’ju jenë besnik juve dhe votës tuaj? 

JO! Ju helmuan dhe desh ju vranë në 8 Janar për të mbrojtur interesat e tyre financiare. Herës tjetër konsiderojini këto faktet perpara se ti votoni. Imoraliteti nuk është më çështje private kur vjen tek ata që pretendojnë se mbrojnë interesin tuaj dhe të vëndit.

Prandaj imoraliteti i Kongresmenëve në Amerikë merret shumë seriozisht, sepse herët a vonë, imoraliteti i tyre bëhet problemi i popullit. Votoni njerëz të ndershëm dhe me integritet. Kjo më poshtë është fytyra e vërtet e imoralit politik në Shqipëri”, shkruan Kokalari.

Në protestën e 8 janarit mbetën të plagosura ndër të tjera edhe disa gra. Lidhja demokratike e gruas publikoi pamjet ku tregohen se si një nga protestueset u dhunua në protestë, ndërkohë që nëpërmjet një video mesazhi anëtaret e LDG-s shprehen se protestuan paqësisht por u përballën me mercenarët.

Nga SYRI TV

Lidhja Demokrate e Gruas në Partinë Demokratike, publikoi pamje të dhunës së ushtruar ndaj protestuesve paqësor nga mercenarët e Lulzim Bashës në 8 janar. Në video shfaqen disa nga gratë e dhunuara në protestë përfshirë Hajrie Mulajn, e cila u transportua në spital për ndihmë mjekësore.

Ndërkohë, nëpërmjet një video mesazhi anëtare të Lidhjes Demokratike të Gruas, përfshirë demokratet Elsa Hamaj, Irma Marku, Megi Stafa dhe Mimoza Hajdarmataj, denoncohet dhuna e uhstruar në protestën e 8 janarit nga mercenarët e Lulzim Bashës.

Gratë demokrate tregojnë gjithashtu se ato morën pjesë dhe protestuan paqësisht, përpara selisë së Partisë Demokratike.

Në protestën e 8 janarit, dhjetëra protestues paqësor mbetën të lënduar nga dhuna që ushtruan mercenarë nga brenda selisë së Partisë Demokratike, të cilët përdorën hunj dhe gaz lotsjellës kundër demokratëve që kërkonin të futeshin në seli.

‘Pse nuk janë sekuestruar Inceneratori i Tiranës dhe Fierit, ashtu siç është sekuestruar Albtek Energy dhe ITS të Inceneratorit të Elbasanit?’

Kjo është pyetja që kryetarja e LSI, Monika Kryemadhi ka për SPAK-un.

Përmes një deklarate, Kryemadhi thotë se aktiviteti financiar i dy inceneratorëve është i njëjtë me atë të Elbasanit, tashmë të sekuestruar, dhe kompanitë fantazmë janë të lidhura me ITS e Klodian Zotos.

“SPAK kreu një punë shumë të mirë në fund të vitit 2021, duke vendosur sekuestro preventive mbi kompanitë në administrim të Stela Gugallja dhe Klodian Zoto, të dyshuar në lidhje me rastin e inceneratorit të Elbasanit, për kryerjen e veprave penale “Korrupsioni aktiv i funksionarëve të lartë shtetërorë ose i të zgjedhurve vendorë”, kryer në bashkëpunim, si dhe “Pastrimi i produkteve të veprës penale apo i veprimtarisë kriminale”, kryer në bashkëpunim, të parashikuara nga nenet 245 e 25 dhe 287/2 i Kodit Penal. 

Albtek Energy dhe ITS, kanë zhvilluar aktivitet financiar me kompani fiktive, të krijuara nga Ish Ministri i Mjedisit Koka dhe njerëz të lidhur me të, për të grabitur paratë e qytetarëve”, tha ajo. 

Kryetarja e LSI ka publikuar edhe emrat e kompanive që nuk kanë aktivitet dhe biznesmenët që kanë përfituar miliona euro nga inceneratorët e Elbasanit, Tiranës dhe Fierit.

“Të njejtat kompani fiktive kanë ndërvepruar edhe me Inceneratorët e Tiranës dhe Fierit. Tabela e mëposhtme të shërbejë si një rikujtesë për organet e drejtësisë, pasi koha nuk premton dhe duhet vepruar sa më shpejt, për të shpëtuar sa më shumë nga taksat e qytetarëve”, vijoi kryetarja e LSI.

Presidenti Ilir Meta njoftoi ditën e sotme se i është drejtuar përmes një shkresë zyrtare Komisionerit Shtetëror të Zgjedhjeve, Ilirjan Celibashi ku kërkon informacion në bashkitë që janë pa kryetar, me qëllim mbajtjen e zgjedhjeve të pjesshme vendore.

Ndonëse shprehu rezerva për vendimin e Kushtetueses, Meta tha se këto bashki nuk mund të mbeten pa kryetar, duke njoftuar kështu nisjen e procesit për zhvillimin e zgjedhjeve.

Por cilat janë bashkitë që prej 30 qershorit, që nuk e kanë një kryetar në krye të institucionit vendor?

Në Bashkinë e Shkodrës, ligji i dekriminalizimi i kushtoi postin Valdrin Pjetrit, i cili ndoqi rrugën gjyqësore, ku me vendim të gjykatës të Tiranës doli i pastër në përfundim të hetimeve. Aktualisht kjo bashki drejtohet nga Voltana Ademi.

Dekriminalizimi, la gjithashtu pa kryetar edhe bashkinë e Vorës. Agim Kajmaku i dalë në zgjedhjet e 30 qershorit, u akuzua për 3 vepra penale “Falsifikim i vulave, stampave ose formularëve”. “Falsifikim i dokumentave” dhe “Kryerja e funksionit pas dhënies fund të detyrës”.

Durrësi, një ndër qarqet e mëdha në vend, është pa titullar në krye të bashkisë. Kujtojmë se kryebashkiakja Valbona Sako dha dorëheqjen pas tërmetit të 26 nëntorit.

Në Rrogozhinë, Haxhi Memolla u nda nga jeta si pasojë e një arresti kardiak, ndërsa kandidimi për deputet në zgjedhjet e 25 prillit, la bashkinë e Dibrës pa kryetar. Dionis Ymeri garoi në listat e PS, për një mandat deputeti, ndonëse nuk arriti të sigurojë një karrige në parlament.

Sakaq arrestimi nën akuzën e korrupsionit e pabarazisë në tendera, i Fatos Tushes, ka lënë pa kryetar edhe Bashkinë e Lushnjës.Kujtojmë se Tushe u shkarkua me vendim të kryeministrit Edi Rama pas arrestimit të tij.

Më 8 janar Lulzim Basha mobilizoi kontingjent kriminal për të dhunuar demokratët ku mbetën të plagosur 10 protestues. SYRI TV disponon dokumentet ku mercenarët e Bashës rezultojnë me dënime të rënda për vrasje me dashje e mbetur në tentativë, vjedhje, trafik si dhe armëmbajtje pa leje. Dy prej këtyre personave janë Arjan Myrto i arrestuar për vrasje me dashje e I dënuar për armëmbajtje pa leje, si dhe Arjan Alldervishi i dënuar nga Gjykata e Tiranës për vjedhje.

Nga SYRI TV

Gjykata e Tiranës vendosi dje që të lirojë nga qelia edhe mbështetësit e Lulzim Bashës, të cilët më 8 janar dhunuan demokratët protestues.

Por kush janë mercenarët e Lulzim Bashës?

Ata rezultojnë persona me precedent penal dhe të dënuar për krime të rënda, por kjo duket se nuk e ka penguar Lulzim Bashën  që ti fus në zyrën e tij për të sulmuar demokratët. SYRI TV publikon sot vendimet për 2 prej këtyre mercenarëve, ku rezulton se ata kanë qenë të arrestuar dhe dënuar për krime të rënda si tentativë vrasje, plagosje, armëmbajtje pa leje, vjedhje apo edhe aktivitete të tjera.

Ardjan Myrto është një prej mercenarëve të Lulzim Bashës, i cili është me precedent të theksuar penal e që prej kohësh është një nga mbrojtësit e Lulzim Bashës e që më 8 janar ishte një prej dhunuesve të demokratëve.

Redaksia e SYRI-t ka siguruar kopjen e vendim të Gjykatës së Shkallës së Parë në Tiranë, për Ardjan Myrton, ku rezulton se më 20.08.2012 Gjykata e Tiranës ka dhënë për të masën e sigurisë arrest me burg për veprat penale ‘Vrasje me dashje’ e mbetur në tentativë dhe armëmbajtje pa leje.

Sipas Gjykatës, Myrto është përfshirë në një përplasje me armë të ndodhur në zonën e Kopshtit Zoologjik mes disa personash e ku mbeti i plagosur qytetari me iniciale E. O. Në muajin mars të vitit 2013 për këtë ngjarje, Gjykata e Tiranës vendosi që ta dënojë me 16 muaj burg për akuzën e armëmbajtjes pa leje, ndërkohë që akuzën e plagosjes e mori përsipër një tjetër i pandehur.

Por duket se prej lirimit nga qelia, Myrtio nuk ka fshehur mbështetjen dhe përkrahjen e Lulzim Bashës ku edhe në fotot e postuara ai duke vazhdimisht që qëndron në zyrat e selisë blu përkrah Lulzim Bashës.

Një tjetër përkrahës i Lulzim bashës që më 8 janar ishte në zyrën e tij për të dhunuar demokratët është edhe Arjan Alldervishi. Ky i fundit më datë 10 dhjetor 2003 është dënuar nga gjykata e Tiranës me 9 muaj burgim pasi u arrestuar për vjedhje të një lokali në zonën e Krrabës ku dhe është banues. Sipas vendimit të Gjykatës Alldervishi është futur në mesnatë në një lokal të zonës dhe ka vjedhur prej aty 2 steka me cigare dhe karta rimbushëse telefoni.

Pas arrestimit Alldervishi ka kërkuar gjykimin e shkurtuar, duke pranuar aktet e prokurorisë dhe provat e si përfundim u zbatua procedura e gjykimit të shkurtuar me uljen e dënimit me 6 muaj të konvertuar me 2 vite shërbim prove.

Por këta nuk janë të vetmit mercenarë të Lulzim Bashës që kanë pasur probleme me drejtësinë. Mediat kanë denoncuar që disa prej tyre kanë qenë të dënuar edhe për trafik droge apo me dënime në vende të ndryshme të Europës për trafiqe e krime të tjera.

SYRI ka mësuar nga burime brenda Gardës së Republikës se pas deklaratës së Spartak Brahos për një atentat ndaj deputetit Enkelejd Alibeaj, ky i fundit ka kërkuar ruajtje nga Garda.

Garda i ka dhënë një gardiste në shërbim deputetit Alibeaj.

Por ajo që të bën përshtypje se pse Enkelejd Alibeaj e besoi lajmin e Spartak Brahos, një ish-hetues i Enver Hoxhës për atentatin ndaj tij, dhe nuk e besoi apo heshti kur kohë më parë e akuzoi se i vëllai kishte marrë deri në 100 mijë euro për licencë noterie në kohën që Alibeaj ishte ministër Drejtësie?

Në Parlamentin e kaluar Alibeaj dhe Braho ishin anëtarë të Komisionit të Sigurisë.

Gjatë një debati mes tyre Braho i kujtoi Alibeajt se kishte prova që vëllai i tij merrte ryshfete deri në 100 mije euro per licenca noterësh kur Enkelejd Alibeaj ishte ministër Drejtësie.

Atehere deputeti Alibeaj reagoi vakët dhe heshti duke thënë se Spartak Braho ishte i pabesueshëm.

Pyetja është se pse ishte i pabesueshëm kur deklaronte se kishte prova për vëllanë e Enkelejd Alibeajt si sekser i tij dhe qenka i besueshëm sot kur thotë se do të ‘vritet’ Enkelejd Alibeaj?

Në fakt, shumë shpejt do të provohet se Braho sot po gënjen e atëherë kur akuzonte Alibeajn për të vëllanë, ka pasur një video në dorë nga një qytetar fierak…

Daljet që Çlirim Gjata dhe të tjerë përfaqësues të Partisë Demokratike bënin kohë më parë nga selia blu, sipas vetë atij kanë patur një prapavijë të rëndë.

Gjatë një bisede në Klan News anëtari i Komisionit të Rithemelimit tregoi për urdhra që vinin sipas tij papritur.

“Ai nuk e do PD-në për opozitë, por për biznes. Kemi trajtuar herë pas here deklarata, kemi dalë me emra kundër oligarkëve dhe papritur binte heshtja. Ne dilnim në deklarata me emra, përmendnim biznese, oligarkët, korrupsioniun që bënin me Edi Ramën. Pastaj, heshtje totale, ndërpritej gjithçka. Tani jam i bindur që këto kanë shpërbyer për gjoba. Bënim deklaratën, ata paguanin gjobën dhe ne demokratët rrinim”, u shpreh Gjata.

Ndarja e Lulzim Bashës me ata që mbështesin Sali Berishën është aq e fortë sa deputetin Basha e krahasojnë me diktatorin Enver Hoxha.

Si e priti Çlirim Gjata vendimin e Bashës për ta përjashtuar nga partia?

“Enver Hoxha që nga 48 me Koçi Xoxen e deri te i fundit, në 82, Kadri Hazbiu, ka larguar dhe shkarkuar në 35 vjet sa ka larguar Lulzim Basha nga 9 shtatori e këtej për 6 muaj”. 

Gjata deklaroi gjithashtu se selia e PD shumë shpejt do t’u kthehet demokratëve.

Duke iu referuar protestës së 8 janarit, Gjata tha se në PD ndodhej një grup paramilitar që ishte i gatshëm të përdorte armë dhe dhunë ndaj protestuesve.

Gjata i ka bërë thirrje Policisë së Shtetit dhe Prokurorisë të nisin hetimet.

“Policia nuk ka bërë asgjë për informacionet e sakta që ka pasur. Në ambientet e PD ka pasur grup paramilitar të armatosur. Ishin të gatshëm që të përdornin armët dhe dhunë kundër protestuesve. Prokuroria dhe policia nuk heton me pamje. Por ndjek penalisht individualisht. Sa i takon 18 protestuesve dolën para gjyqit pa fakte. Kishte raste kur vetë prokurori u shpreh se këtë e ka ndaluar policia, por për të s’ka provë. Këta persona nuk janë kapur në oborrin e PD. Prokuroria dhe policia, megjithëse kanë pasur se në 6 dhe 7 kanë pasur regjistrime të denoncimeve se; në seli ka njerëz të armatosur, s’kanë bërë kontrolle. problemi është se policia nuk ka bërë asgjë për grupin paramilitar të armatosur që ka qenë brenda në PD. Asnjë nuk është ndaluar nga policia, pasi ka pasur marrëveshje mes Bashës dhe policisë që ata të rrinë aty dhe mos t’ju hyjë asnjë gjemb në këmbë”, tha Gjata.

Deputeti demokrat Flamur Noka ka përfunduar dëshminë e tij në prokurori, në lidhje me protestën e 8 janarit.

Gjatë një deklarate për mediat, Noka është shprehur se arma e vetme që kanë pasur demokratët atë ditë ka qenë tesera e Partisë Demokratike.

‘Pengu nuk mund të mbajë peng shtëpinë e demokratëve.

Edi Rama mund të mbajë peng, pengun, por jo shtëpinë e demokratëve’, tha ndër të tjera Flamur Noka për mediat.

‘I kam bërë thirrje prokurorisë që të hetojnë edhe Sokol Bizhgën, një bandit në polici.

Kjo ishte protesta më paqësore, pasi asnjë polic dhe asnjë dëmtim nuk është bërë.

Në këtë protestë nuk ka pasur asnjë person të armatosur. Asnjë demokrat nuk ka pasur armë me vete. Arma e vetme që kanë pasur demokratët kanë qenë teserat e PD-së.

Demokratët nuk e njohin frikën, aq më tepër kur shkojnë në shtëpinë e tyre.

Kush nuk njeh votën, nuk mund të jetë përfaqësues i demokracisë.

Pengu nuk mund të mbajë peng shtëpinë e demokratëve.

Edi Rama mund të mbajë peng, pengun, por jo shtëpinë e demokratëve’, tha gjatë fjalës së tij deputeti demokrat Flamur Noka, për mediat. syri.net

Anëtari i Komisionit të Rithemelimit të PD, Grigels Muçollari, ka reaguar pas videove të shpërndara nga deputeti Lulzim Basha që e akuzon atë për organizator dhunë në protestën e 8 janarit. 

Muçollari shkruan në një status në Facebook se demokratët nuk do të marrin leje për të hyrë në shtëpinë e tyre.

Ai denoncon dhunën e ushtruar nga njerëzit e Lulzim Bashës ndaj demokratëve.

Ish-Sekretari i FRPD ka një mesazh edhe për deputetin Basha.

“Lul fli i qetë, se nuk i ndyen kush duart me ty. Po je burrë fito me votë. Në të kundërt blindohu fort”, shkruan Grigels Muçollari.

Postimi
Pengmarrësit e selisë blu, me në krye producentin ekzekutiv Basha, po fabrikojnë prej ditësh një seri videosh qaravitëse në formën e dramatizimeve televizive, ku rrogëtarë e ofiqarë të administratës së PD tregojnë përjetimet emocionale nga protesta e 8 janarit. Në asnjë prej këtyre produksioneve nuk shfaqen qytetarë të lënduar, të dhunuar apo të gjakosur për të mbështetur këtë pretendim.
Në të gjitha materialet filmike të protestës shihet qartë se thyerja e xhamave, hedhja e gazit dhe ushtrimi i dhunës me shkopinj nis nga brenda ndërtesës.
Një video e publikuar dje nga shtabi i gazit, më ka rreshtuar krah emrave të tjerë si organizator i një dhune të paramenduar.
Përpos faktit që qesha me muzikën thriller që kishin përdorur, prita të shihja se ku qëndronte dhuna e shkaktuar prej meje. Hiçgjëkundi.
Unë dhe ata mijëra demokratë protestues nuk marrim leje për të hyrë në shtëpinë tonë.
Lul fli i qetë, se nuk i ndyen kush duart me ty.
Po je burrë fito me votë.
Në të kundërt blindohu fort.

Është mbajtur sot seanca gjyqësore për të arrestuarit  për protestën e 8 janarit në selinë e Partisë Demokratike. Në përfundim të saj në një prononcim për mediat, deputetja Albana Vokshi e shoqëruar nga një grup i anëtarëve të Komisionit të Rithemlimit, u shpreh se  masat e sigurisë për lënien e tyre të lirë vërtetoi se protesta e 8 janarit ishte paqësore.

Ajo ka vijuar akuzat se me urdhër të Lulzim Bashës persona brenda selisë së PD ushtruan dhunë mbi demokratët. Po ashtu sipas Albana Vokshit nuk kanë qenë protestuesit ata që kanë thyer xhamat e selisë blu, por personat që ndodheshin brenda godinës.

“Edhe seanca e sotme gjyqësore për masat e sigurisë për 18 protestuesit dëshmoi që protesta e 8 janarit ishte paqësore. Të 18 protestues u vërtetua se ishin arrestuar padrejtësisht. Nuk pati asnjë fakt dhe pamje filmike për t’i impikuar ata në dhunë. 18 demokratët kanë protestuar në mënyrë paqësore. Jan shoqëruar në ambiente shumë larg selisë së PD. Arrestimi është i paligjshëm dhe është bërë me lista brenda partisë.  Ajo çka u vërtetua edhe sot ishte që as organet ligjzbatuese nuk kanë reaguar në kohën e duhur. Në datën 8 Lulzim Basha urdhëroi të ushtrohej dhunë mbi demokratët,  18 protestuesit janë sot heronj të demokracisë. Data 8 vërtetoi se ka një opozitë të vërtetë dhe dinjitoze.

Janë 5 shtetas nga Kosova. Kush janë këta persona?  Dhe ju thatë që nuk pati dhunë në datën 8 por kush i theu xhamat e selisë?

“Xhamat e katit të parë janë thyer nga brenda me sende të forta teksa sulmonin me karrige, tavolina dhe gaz protestuesit. Kam qenë vetë prezentë. Keni pamje që transmetohen në media se si thyhen nga brenda. Hetimet duhet të vazhdojnë se kush i ka dhunuar demokratët. Personat që ne kemi thënë se janë në kërkim dhe që kanë qenë brenda në seli i kemi denoncuar. Duhet t’i shkohet deri në fund hetimit”

Vokshi tha se ajo do të bënte të njëjtën gjë nëse dera e saj e shtëpisë do të bllokohej me zor.

“Raporti i prokurorisë evidentoi faktin që në datën 6 është bërë denoncim në policinë dixhitale dhe është regjistruar procedimi në datë 7. Që nga fillimi i protestës s’ka pasur asnjë reagim, asnjë kontroll në selinë e PD. nuk dua të komentoj vendimet e gjykatës. Ndaj vendosëm që të pritej vendimi i tyre. Hetimet vazhdojnë edhe në gjendje të lirë. Shpresoj shumë që hetimet të bëhen të thelluara dhe profesionale. urdhëruesit e dhunës dhe zbatuesit e tyre duhet të ndëshkohen. Demokratët kanë hapur dyert e shtëpisë së tyre. Edhe unë derën e shtëpisë time do e hapja e forcë, do e godisja. Ajo është shtëpia ime. Kush ma ndalon mua që të hyjë? data 8 bëri të vendosjen dy fakte. Faktin e Paktit Rama-Basha dhe që ka një opozitë të vërtetë. Zoti Berisha tha se do të paraqitet menjëherë në prokurori sapo të ta thërrasin. Nuk komentoj vendimet e gjykatës. Gjatë kohës që isha prezent, prokuroria dhe policia kanë dështuar që të paraqesin fakte për 18 protestues që donin të hynin në shtëpinë e tyre.”, tha ajo.

Shtetet e Bashkuar të Amerikës kanë dënuar dhunën e përdorur në protestat e 8 janarit në Shqipëri.

Zv/Ndihmës Sekretari i Shtetit për Evropën Jugore dhe Qendrore, Gabriel Escobar, në një intervistë për Zërin e Amerikës  tha se jo çdokush që pretendon që është anëtar i Partisë Demokratike është një partner i rëndësishëm.

‘Është për të ardhur keq që dikush përdor dhunën e jo kutitë e votimit në përpjekje për të marr nën kontroll një parti politike.

Ne e dënojmë këtë. Jo çdokush që pretendon që është anëtar i Partisë Demokratike është një partner i rëndësishëm i joni tani.

Ne do të jemi shumë të angazhuar në proces, jo vetëm në Serbie  dhe Kosovë, por në përgjithësi në rajon dhe jo vetëm për çështje politike, por edhe për çështje ekonomike’, –përfundoi ai.

Mes protestuesve të arrestuar më 8 janar është edhe këngëtari i njohur Arkimed Lushaj, i njohur si Stresi.

Që atë ditë, ai deklaroi se po arrestohej thjesht se policisë i është bërë forcë zakoni. Por edhe në dosjen e prokurorisë, thuhet se ndaj Stresit nuk ka asnjë provë për ndalimin.

PJESE NGA DOSJA

Arkimed Sali Lushaj – I pyetur si person nën hetim ai ka deklaruar se nuk e pranon akuzën, pasi ai nuk ka kryer asnjë vepër penale nga ato që policia i ka listuar. Ai ka marrë pjesë në protestë, por nuk ka kryer asnjë veprim të kundërligjshëm. Ai shprehet se nuk e kupton arsyen e arrestimit në kushtet kur nuk ka kryer asnjë vepër penale e veprim të kundërligjshëm. Prova të tjera renditur për të nuk janë sjellë.

TIRANË

COVID-19 mbyll TK. Mësohet se dy aktorë kanë rezultuar me COVID-19, teksa të tjerë janë të dyshuar. Lajmi bëhet i ditur nga TK, i cili njofton se pezullohen të gjitha aktivitetet deri në një njoftim të dytë duke parë dhe rritjen shqetësuese të infektimeve kohët e fundit.

Po kështu, të gjithë punonjësit që, për shkak të funksionit të tyre, kanë kontakt me publikun do t’i nënshtrohen testimit. Biletaria do të qëndrojë e mbyllur deri ditën e hënë, datë 17 Janar 2022.

Sipas TK, ata që posedojnë bileta për shfaqjet e datave 13-14-15 dhe/ose 16 janar mund të rimbursohen, ose bileta e tyre do të jetë e vlefshme për shfaqjen “Coriolanus” në momentin e parë që do të rikthehet në skenë.

NJOFTIMI I PLOTË
Të dashur miq,
Duke marrë në konsideratë rastet e konfirmuara të dy prej aktorëve protagonistë në produksionin “Coriolanus”, rritjen shqetësuese të infektimeve kohët e fundit, numrin e madh të aktorëve të angazhuar në këtë produksion, si dhe dyshimet për raste të tjera në stafin e TK, jemi të detyruar të pezullojmë të gjitha aktivitetet tona deri në një njoftim të dytë.

Pavarësisht zbatimit të masave dhe protokolleve të miratuara kundër përhapjes së infeksionit dhe dëshirës sonë të mirë, e kemi të pamundur të vijojmë me aktivitetet tona artistike pa rrezikuar shëndetin e publikut, aktorëve dhe stafit tonë, e për këtë arsye shpresojmë në mirëkuptimin tuaj.

Në kuadër të masave tona, të gjithë punonjësit që, për shkak të funksionit të tyre, kanë kontakt me publikun do t’i nënshtrohen testimit. Këtu përfshihet edhe biletaria jonë, e cila, arsyet e sipërpërmendura, do të qëndrojë e mbyllur deri ditën e hënë, datë 17 Janar 2022.

Duke ju bërë me dije se shfaqja e parë që do të zbresë në skenë pas kësaj periudhe pezullimi do të jetë “Coriolanus”, njoftojmë të gjithë spektatorët që posedojnë bileta për shfaqjet e datave 13-14-15 dhe/ose 16 Janar se:

1) Bileta e tyre do të jetë e vlefshme për shfaqjen “Coriolanus” në momentin e parë që do të rikthehet në skenë.

2) Mund të rimbursojnë biletën e tyre pranë biletarisë tonë duke filluar nga data 17 Janar 2022, brenda orarit zyrtar [9:00-13:00 & 16:00-19:00].

Dëshirojmë t’ju falënderojmë për durimin, mbështetjen dhe mirëkuptimin tuaj gjatë gjithë kësaj periudhe mjaft të vështirë për teatrin dhe artin në përgjithësi, e jo vetëm!
Shpresojmë të rikthehemi sa më shpejt në skenën e të hedhim pas krahëve këto kohë të vështira!

Specialistët e Interpol Tiranës kanë bërë ditën e sotme ekstradimin nga Gjermania të dy shqiptarëve. Bëhet e ditur se nga Gjermania u ekstradua Florind Shabani, 40 vjeç.  Shabani akuzohet për vrasjen me armë zjarri të ish-agjentit të policisë së Elbasanit, Roland Rexhepi.

Shabani është arrestuar nga autoritetet policore në Gjermani pasi gjykata e Rrethit Gjyqësor Elbasan, në shtator të vitit 2021, i ka caktuar masën e sigurimit personal “Arrest në burg”, për veprat penale “Vrasja me paramendim” e kryer në bashkëpunim dhe “Armëmbajtja pa leje”.

Anëtari i Komisionit të Rithemelimit, Edi Paloka reagoi pas një denoncimi të SYRI TV, sipas të cilit, Ina Zhupa është aksionere te kulla pas Sahatit të Tiranës.

Sipas Palokës, kjo është ‘opozita e të ardhmes.

“Pra te kjo “partia opozitare” e të ardhmes, nëse qëndron në krah të Berishës, përjashtohesh. Po ishe në krah të Ramës e Veliajt, po sidomos nëse je i lidhur me biznese me ta, gradohesh!

Të keqen e “kërpëratës”! Këta janë Korporatë!” shkruan ai.