Lideri historik i demokratëve, Sali Berisha nga selia e PD-së duke folur për mediat, ka treguar edhe një sërë mesazhesh që ka marrë nga qytetarët gjatë ditës së sotme.

‘Sot është një ditë e mirë për shqiptarët dhe demokratët, por jo për Edi Ramën.

Sot është një ditë e mirë për opozitën e cila tani është e gatshme për betejë ndaj këtij regjimi që po minon financat dhe mirëqënien e shqiptarëve.

Kam marrë mesazhe të tjera.

Nuk të kam mbështetur, më thotë një i ri nga Berati. Nëse kandidoj a e kam të garantuar votën e lirë. Unë i them atij që e ka të garantuar dhe në këtë proces në themel është vota e lirë’, – deklaroi Lideri historik i demokratëve, Sali Berisha nga selia e PD-së. syri.net

Ish-kryeministri Sali Berisha deklaroi në një konferencë për mediat nga selia blu se Komisioni i Rithemelimit është i përkohshëm. Lideri historik i PD tha se kjo parti është në betejë me Edi Ramën pasi vendi po shkatërrohet çdo ditë.

Ndër të tjera Sali Berisha tha se Partia Demokratike do të udhëheqë protestat qytetare për rritjen e çmimeve.

“U bë një valë protestash. Populli pret valën tjetër të protestave dhe do udhëhiqet nga PD. Le të thotë ai çfarë të dojë. Spanja ishte në rrugë e tëra.”-tha Berisha. syri.net

Ish-kryeministri Sali Berisha, deklaroi nga selia e PD se është një anëtar i Komisionit të Rithemelimit ndërsa shtoi se as ai vetë dhe as Komisioni nuk kanë asnjë autoritet mbi vendimet e Kuvendit të 11 dhjetorit.

“Ajo kryesi është e shkarkuar nga 4900 delegatë, nuk ekziston, por unë nuk mund të them dhe nuk thashë që ai nuk është kryetar i grupit parlamentar. Jam për një parti më të bashkuar dhe më të hapur. S’ka pazare në një familje politike dhe s’mund të ketë.”-tha Berisha.

Ndër të tjera lideri historik i PD deklaroi se në këtë parti ka indivdë, grupe me mendime të ndryshme të cilat ai uron që të punojnë së bashku për të rrafshuar çdo paqartësi.

“Ka raport që është tipik për çdo forcë demokratike në botë. Raporti shumicë pakicë.”-tha Berisha. syri.net

Lideri historik i demokratëve, Sali Berisha nga selia e PD-së ka deklaruar se edhe Lulzim Basha nëse do të ishte sot në zyrën ku u zhvillua takimi, do ti jepte dorën.

‘Unë shtrëngova dorën, u ula e bisedova me kreun e grupit parlamentar Enkelejd Alibeaj dhe deputetin Gazment Bardhi. Ishte edhe diskutim për problemet. Në këtë diskutim unë kërkova angazhimin e tyre në procesin e bashkimit të PD. Mund të them se i gjeta të preokupuar në këtë proces, por diferencat në mendime persistojnë.

Komisioni, Sali Berisha dhe çdo anëtar është i hapur të diskutojë me çdo demokrat e demokrate që dëshiron dialog, debat dhe don të kontribuojë në procesin e bashkimit. Ne nuk përjashtojmë asnjë njeri. Kundërshtitë e mia më të mëdha kanë qenë me Lulzim Bashën, por ta dija që është në atë zyrë do të shkoja dhe do ta takoja atë. Ai është deputet i PD’, deklaroi lideri historik i demokratëve, Sali Berisha nga selia blu. syri.net

Lideri historik i demokratëve, Sali Berisha nga selia e PD-së i ka bërë thirrje të gjithë demokratëve dhe demokrateve i shtrijnë dorën e pajtimit njëri-tjetrit.

‘Jam sot këtu, që në emër të Komisionit të Rithemelimit të PD-së të bëj thirrje demokratëve dhe demokrateve të Shqipërisë, kudo që janë ti shtrijnë dorën njëri-tjetrit sot dhe të bashkohen në këtë ditë për interesim më të madh të vendit, kombit e shoqërisë shqiptare.

Sot PD-ja është parti e të gjithë demokratëve dhe të demokratëve. Prej sa nuk mund të ketë të larguar. Vendimi i gjykatës legjitimoi vendimet e Kuvendit të 11 dhjetorit të PD-së. Këto vendime sjellin PD-në si parti të votës së lirë, vlerave konservatore, parti e interesit kombëtar dhe euro atlantik.

Pas 6 marsit kam zhvilluat takime me kryetarët e PD-së dhe kam gjetur tek ata angazhimin e plotë për bashkimin e PD-së. Nga kjo foltore u them atyre që kanë besimin e plotë nga Komisioni i Rithemelimit për të kandiduar për çdo post që duan.

Statuti i 11 dhjetorit nuk ka kufizim për numrin e mandatit të kryetarit të degëve.

Disa prej tyre më kanë kërkuar që zgjedhjet të zhvillohen në datën 20 prill dhe e diskutuam këtë çështje në komision dhe po punohet udhëzuesi për tu shpërndarë.

Është një proces që duhet të mirëkuptohet, është penguar në jnë shkallë edhe nga marrëdhënie që si drejtues kanë pasur me kreun e PD-së, por tani Basha ka dhënë dorëheqjen.

Është përgatitur logoja, që në mënyrë të pashembullt nuk ju dha për zgjedhjet e 6 marsit, por sot PD ka një logo që meriton’, tha lideri historik i demokratëve, Sali Berisha. syri.net

Lideri historik i demokratëve, Sali Berisha, foli në Kuvend në lidhje me krizën e thellë të çmimeve në vend. Ai tha se qeveria pasurohet me mjerimin e shqiptarëve.

“Fatkeqësitë i shndërron në dramë dhe tragjedi vetëm kjo qeveri. Hajduti ka vetëm refleksin e vjedhjes, nuk ka ndjenja”.

“Lajmëtari i rritjes së çmimeve të energjisë është kreu i qeverisë. Nuk ndodh në botë të bëhesh zëdhënës i kompanive të naftës, pa pasur aksione në këto kompani. Tregu i naftës ka pësuar goditje nga lufta, por nafta këtu ka katër taksa dhe tre tarifa. Sot Italia hoqi akcizën, 13 vende të tjera të BE kanë ulur taksën mbi naftën. Atëherë çfarë është kjo kokëfortësi e tmerrshme?” tha Berisha.

Sipas tij, me këtë qeveri, vendi kalon nga kriza në krizë.

“Së fundmi na sollën edhe gripin e pulave, sepse mbajnë sekret qeveritar një sëmundje, e cila duhet të deklarohet kombëtarisht dhe ndërkombëtarisht se përbën problem edhe për rajonin. U deklarua vetëm kur u sakrifikuan miliona pula. Po njerëzit? Apo le të vdisnin mjafton që të ruhej reputacioni i qeveritarëve,” tha Berisha.

Në fund, ai bëri thirrje për protesta masive.

“E mbyll këtë fjalë duke u bërë thirrje qytetarëve që kjo pranverë, të jetë pranvera e protestave të mëdha”. syri.net

Lideri historik demokrat, Sali Berisha e quajti “blof” kërkesën e disa anëtarëve të grupit parlamentar të PD që ai të tërhiqet, pas vendimit të Lulzim Bashës për t’u dorëhequr nga drejtimi i partisë.

“Me blofin nuk mund të luhet. Me blofin luan vetëm një dyshe, Baton Stanishiçi dhe Preç Zogaj. I mbushin xhepat me gurë në zyrat e Edi Ramës dhe të Fugës.

Procesi mbetet i pacenuar, por duhet që kushdo që ka idera dhe qëndrime, t’i shtrojë në grupin parlamentar. Askush nuk ka autoritet që të ndryshojë 11 dhjetorin, që u sanksionua më 6 mars,” tha Berisha.

“Askush nuk mund të mendojë se ekzistojnë dy parti, ekziston një dhe një vetëm PD. Unë po takoj dhe një proces i mrekullueshëm po ndodh në bazë. Po takoj kryetarë që deri dje, kanë qenë në takimin me Lulzim Bashën, por që janë të qartë se 6 marsi ka vetëm një mesazh: bashkimin. Dhe se ia kanë thënë Lulzim Bashës në sy.

Nuk duhet të bëjmë asnjë lloj spekulimi me fjalë apo me qëndrime. Grupi parlamentar është, përfshi edhe Lulzim Bashën. Urdhëroni të bëjmë diskutimet”. syri.net

Lideri historik i demokratëve, Sali Berisha, foli për mediat në hyrje të Kuvendit. Ai e nisi duke përshëndetur samitin historik të NATO-s në Bruksel.

“Uroj që ky samit t’i japë përgjigjen më të merituar, terroristit nuklear. Ndaj e konsideroj këtë samit shumë të rëndësishëm për paqen dhe lirinë në botë dhe i uroj shumë suksese,” tha Berisha.

Duke folur për negociatat për bashkim në PD, ai tha se diskutimet duhet të bëhen brenda grupit parlamentar.

“Dua të garantoj demokratët e të gjitha niveleve, se PD është e hapur dhe vullnetplotë për të diskutuar, për të debatuar me çdo anëtar të saj, cilido qoftë ai.

Jemi të hapur të bëjmë gjithçka për garantimin e votës së lirë dhe bashkimin rreth votës së lirë. Pra, nëse nuk bëhet fjalë për një kryesi, mbasi ajo është e shkarkuar me vendimin e kongresit historik të 11 dhjetorit, kjo nuk do të thotë se fjala e demokratëve, cilido qoftë ai, nuk dëgjohet apo nuk përfillet.

Natyrisht fola për 11 dhjetorin, por sanksionimin e plotë 11 dhjetori e mori më 6 mars. Në këtë kontekst, ajo që dua të theksoj dhe siguroj është se PD ka institucionin e saj, tashmë operativ dhe të plotë dhe ky është grupi parlamentar.

PD ka institucionin e plotë të dalë nga kuvendi i 11 dhjetorit, që është Komisioni i Rithemelimit.

Gjykoj se brenda grupit parlamentar të PD mund të zhvillohet çdo debat. Sikundër dua të theksoj, dhe ftoj miqtë e mi, të mos harrojnë bashizmi ishte doktrinë e dhunimit të statutit, të institucioneve, parimeve të partisë. Ai u arkivua së bashku me dorëheqjen e Lulzim Bashës,” tha Berisha. syri.net

Ish-nënkryetarja e PD, Jozefina Topalli, deklaroi në emisionin ‘Opinion’ se Lulzim Basha është larguar si asnjë kryetar tjetër përmes tri proceseve. Ajo theksoi se Lulzim Basha është larguar me turp.

“E para u largua nga Kuvendi i 11 dhjetorit, e dyta u largua përmes referendumit te anëtarësia dhe së treti nga vota e atyre që votojnë kundra qeverisë. Nuk di një rast tjetër të një politikani që të jetë larguar në mënyrë të turpshme.”-tha Topalli.

Topalli deklaroi se po të kishte qenë një dorëheqje dinjitoze duke pranuar humbjen dhe përgjegjësitë, të gjithë do kishin mbyllur gojën.

“Ai vazhdon t’i thotë shqiptarëve, të tallet me inteligjencën e tyre, nuk thotë se unë kam humbur. Sigurisht që ka ikur, por pas dorëheqjes ndodhën disa gjëra që fiks ka qenë kjo parti në 10 vite.”-tha Topalli. syri.net

Ish-kryeministri Sali Berisha paralajmëroi se shumë shpejt do të rikthehet në selinë e Partisë Demokratike.

Duke folur pas mbledhjes së Komisionit të Rithemelimit, Berisha tha se PD do të shndërrohet në forcën politike më të fortë që vendi ka pasur ndonjëherë.

Lidhur me qëndrimin e shprehur të Alibeajt një ditë më parë në emër të Grupit Parlamentar të PD, ku kërkonte mënjanimin e tij nga PD pas dorëheqjes së Bashës, Berisha tha se Basha është një ‘plaçkë tregu’ në fletushkën e Alibeajt.

Berisha shtoi se ka një grup parlamentar të PD dhe jo dy, i cili sipas tij po punon për të normalizuar punën e tij.

Berisha: Siç e dini, zoti Basha është i shkarkuar nga kuvendi historik i 11 dhjetorit dhe nga referendumi i 18 dhjetorit, ndaj tani për PD-në kanë votuar për shkarkimin e tij 4446 delegatë, kanë votuar për shkarkimin e tij dhe kjo është e vërteta e padiskutueshme ndaj dhe ne jemi të vendosur për bashkimin e PD-së. Jemi të vendosur për të punuar për bashkimin e PD-së me të gjithë ata besojnë se vota e lirë duhet të bashkojë demokratët dhe mund tu them se ka një mirëkptim të gjerë në këtë drejtim gjatë këtyre ditëve.

Selia është e PD dhe nuk ka asnjë diskutim, jemi në proces e sipër të gjitha vendimeve që do të merren. PD do të bashkohet, do të shndërrohet në një forcë politike që nuk e  ka pasur Shqipëria ndonjëherë”.

Sa i përket fletushkës që lexoi zoti Alibeaj mund të them vetëm se në atë fletushkë Lulzim Bashën e shndërronte në plaçkë tregu por kjo nuk është normale.

Disa qëndrime absurde të Lulzim Bashës nuk krijuan anomali në grupin parlamentar. Gjëja më imediate e deputetëve të PD është që të normalizojnë jetën e grupit parlamentar. Kam dijeni se po punohet me intensitet në këtë drejtim dhe kjo do të realizohet. syri.net

Aktivisti i shoqërisë civile dhe avokati Redon Meksi deklaroi në Syri Tv pasditen e sotme se protesta për rritjen e çmimeve ka korrur disa fitore por nuk e ka arritur misionin përfundimtar. Meksi tha se populli duhet të çohet dhe të kundërshtojë qeverinë. Kjo e fundit, sipas Meksit po tallet me qytetarët.

“Kishte kohë që nuk dilte pa parti, pa pagesë siç bëhej herë pas here. Duhet të protestojmë, mbase duhet ndryshuar strategjia. Qeveria s’po merr asnjë masë, thjesht po tallet, po hedh ca lëmoshë.”-tha Meksi.

Avokati komentoi edhe deklaratën e ministres Belinda Balluku e cila tha se do të ndërpritet energjia në disa rrugë kombëtare për shkak të krizës energjetike. Redon Meksi nuk e quan gjë tjetër veçse show.

“Balluku tha se do ndërpresin energjinë në rrugë. Kemi a s’kemi dy rrugë me ndriçim, show dhe asnjë gjë tjetër më shumë.”-tha Meksi.

Ndër të tjera Meksi tha se shumë policë janë pa numër identifikimi dhe me maska. Për këtë avokati tha se do të bëjnë kallëzim pasi ata mund të jenë kriminelë.

“Nuk lejohen pa numër identifikimi. Do bëj kallëzim. Protestat trembin qeverinë, pasi nuk janë të kontrolluara nga politika. Nuk do të ndalojmë duke protestuar.”-tha Meksi.

Lideri historik i PD, Sali Berisha ka reaguar pas akuzave të ambasadës ruse në Tiranë, lidhur me deklaratat e një dite më parë se Gazprom i kishte bërë ofertë korruptive për të sabotuar ndërtimin e TAP. 

Berisha i quan akuzat e ambasadës ruse provokative të stilit sovjetik të përfaqësuesve të diktatorit Putin dhe tregon ofertën që i ka bërë kompania ruse e energjetikës, Gazprom, për një projekt gazsjellësi që anashkalonte Shqipërinë.

Në këmbim të kësaj, sqaron Berisha, përfaqësuesit e Gazprom premtuan ndërtimin e një gazsjellësi Igumenicë-Vlorë me shtrirje deri në Shkodër; investimin prej 4.1 miliardë dollarë në termocentrale të mëdha gazi në Seman.

“Oferta u refuzua preraz për arsye politike nga ana ime. Nuk pranova investimet e Gasprom se besoja, dhe koha me dha te drejte, se ato nuk ishin ne interes te vendit tim. Ju bete gjithshka qe TAP te mos behej dhe deshtuat!”, sqaron Berisha.

Deklarata
Lidhur me deklaraten time te djeshme per perpjekjet korruptive te Gaspromit prane meje per te sabotuar TAP, ambasada ruse ne Tirane ka reaguar sot duke pyetur: Sa leke kerkoi zoti Berisha qe Gazpromi nuk i mblodhi dot?

Lidhur me kete reagim, tipik provokativ te stilit sovjetik te perfaqesuesve te diktatorit Putin, sqaroj publikun sa vijon!

1-Gazprom dhe qeveria ruse bene çfare kishin ne dore dhe perdoren te gjitha linjat korruptive te gazit te tyre per te bllokuar projektin e TAP.

2- Ne javen e pare te gushtit te vitit 2011 nje mik i imi biznesmen i njohur turk me solli nga presidenti i Gazprom mesazhin qe vijon:

“ne rast se une do te hiqja dore nga projekti i TAP-it dhe te mbeshtesja projektin ITGI, i cili anashkalonte Shqiperine dhe kalonte ne trajektoren Turqi- Greqi-Itali dhe qe furnizohej kryesisht me gaz rus por dhe azer pala ruse ofronte:

-ndertimin e nje gazsjellesi Igumenice-Vlore me mundesi shtrirje edhe deri ne Shkoder.

-Investimin prej 4.1 miliarde dollare ne termocentrale te medha gazi ne Seman.

-Keto do vendoseshin ne nje takim qe do zhvillohej midis meje dhe presidentit te Gazpromit.

Oferta u refuzua prereaz per arsye politike nga ana ime. Nuk pranova investimet e Gazprom se besoja, dhe koha me dha te drejte, se ato nuk ishin ne interes te vendit tim.

Ju bete gjithshka qe TAP te mos behej dhe deshtuat! sb

syri.net

Lideri historik i PD, Sali Berisha deklaroi në Task Force me Sonila Meçon në Syri Tv, se do të rikandidojë për kryetar të partisë. 

Berisha tha se rikandidimi i tij për t’u rikthyer në krye të PD, u firmos nga 70% e zgjedhësve demokratë në zgjedhjet e 6 marsit.

“Rikandidimi im është firmosur nga 70% e zgjedhësve të PD që votuan në datën 6 mars për kandidatët e saj. Edhe po të dua unë do të ishte një tradhti e pafalshme ndaj tyre“, tha Berisha.

Ish-kryeministri foli edhe për dy vendimet e pritshme të gjykatave, për Kuvendin Kombëtar të 17 korrikut, dhe atë të 11 dhjetorit që shkarkoi Lulzim Bashën dhe ndryshoi statutin e PD.

“Vendimi i nesërm, nuk kemi asnjë problem me atë, për Kuvendin e 17 korrikut. Për vendimin tjetër presim të respektohet ai monument historik që u mblodh në stadiumin ‘Air Albania’ me 11 dhjetor, e papërsëritshme”, u shpreh Berisha. 

Pjesë nga intervista

Bledian Koka: Në momentin që vendimi merret ashtu sicc e prisni ju, çfarë ndodh, do të shkoni menjëherë në selinë e PD? Apo do të vijoni negociatat për procesin e bashkimit?
Sali Berisha: Ne jemi në negociata. Deputetët, s’mund të mohohet që kishte në anomalitet në grupin parlamentar, ne nuk krijuam grup parlamentar, përpjekjet janë për normalizimin e jetës së grupit parlamentar. Dhe kjo do të ndodhë, si hapi i parë shumë i rëndësishëm. Ne kemi vendosur nenin e fraksionit, e kemi rikthyer. Gjykoj se përderisa nuk u krijua një grup i dytë parlamentar, do normalizohet grupi palamentar. Unë po punoj sa mundem që të dërgoj mesazhe pajtuese në bazën e partisë. Detyra më kryesore në këtë periudhë është bashkimi i demokratëve.

Bledian Koka: Zoti Berisha, i mbani mëri Lulzim Bashës për atë që ka bërë?
Sali Berisha: Kam ndjerë shumë keqardhje për atë që i bëri vetes në radhë të parë. Ndaj meje gjykoj se mori qëndrime me të cilat një njeri para se t’i merrte duhet të pyeste veten se cila është pasqyrimi i tyre te vetja jote. Ai nuk e bëri këtë dhe në këtë mes ndjej keqardhje për shumë gjëra që ai i ka lejuar vetes dhe që nuk e kam njohur. E kam deklaruar në mënyrë të përsëritur, është deputet i PD dhe ka të drejtë të kandidojë në të gjitha forumet e kësaj partie. Ne nuk përjashtojmë njeri.

Sonila Meço: Në Kuvendin e 30 prillit, prisni që deputetët që ishin më Bashen të vinë te ai Kuvend, apo do të ketë një Kuvend tjetër?
Sali Berisha: Jo! Tjetër nuk mund të ketë. Pres që deputetët të vijnë në atë Kuvend. Deputetët do të jenë të mirëpritur të gjithë, pa përjashtim. Do të kenë të drejtë të kandidojnë për Kryesinë etj. Cilido prej tyre mund të kandidojë për kryetar partie pasi të hapet gara. Unë pres të marrin pjesë që të gjithë.

Bledian Koka: Rikandidimi juaj është i padiskutueshëm?
Sali Berisha: Rikandidimi im është firmosur nga 70% e zgjedhësve të PD që votuan në datën 6 mars për kandidatët e saj. Edhe po të dua unë do të ishte një tradhti e pafalshme ndaj tyre.

Elmar Brok-Berishës: Zgjidhja e vetme për PD-në është kandidimi yt

Deputetja Grida Duma ka zbuluar për herë të parë “ultimatumin” që i është vendosur Lulzim Bashës që të largohet nga posti i kryetarit të PD-së.

Gjatë një deklarate për mediat nga Elbasani, Duma thotë se Basha ka kohë deri ditën e nesërme për t’u larguar.

Ajo ka zbuluar edhe strategjinë e PD-së për të zgjedhur kryetarin e ri të PD-së. Duma nënvizon se strategjia e vetme është ndërtimi i një komisioni të përbashkët të përbërë nga grupi parlamentar dhe ai i Foltores.

“PD nuk duhet të zvogëlohet dhe të dalë forcë e tretë, personat që i bënë dëm PD-së, duhet të tërhiqen pas. I  kemi lënë kohe ditën e nesërme për të bërë hapat pas sikundër dhe ai e ka kërkuar. Nuk ka rruge tjetër veçse të tërhiqet. Ka një strategji të vetme: ndërtimi i një komisioni nga deputetet e grupit parlamentar dhe ata të “Foltores”, të cilët duhet ta çojnë PD te procesi i zgjedhjeve”. syri.net

Profesor Artan Fuga ka reaguar pasi kryeministri Edi Rama prezantoi të ashtuquajturën “Paketa e rezistencës sociale”. Në një postim në rrjetet sociale, Fuga shkruan se ajo që prezanton Rama është e frikshme dhe fyese. Sipas profesorit, paketa e Ramës mbështet me thërrime shtresa më në zgrip të shoqërisë dhe nuk preken në asnjë përqindje fitime shtresat e pasura, kurse shtresat e mesme tërësisht të lëna në mëshirën e fatit.

POSTIMI I PLOTE

“Na! Kafshoni një copë ballokume!

Shoh këtë paketën e asaj që u quajtka rrezistenca sociale e shpallur sot ditën e Ballokumes!

Të merr frika!

Në fillim rrëmben emrin e “rrezistencës”, tallje e madhe, këtu edhe rrezistencën e bën qeveria, jo qytetari!

Po kush po pyet për emërtime!

Ajo që shoh është e frikshme! Mbështeten me thërrime shtresa më në zgrip të shoqërisë dhe nuk preken në asnjë përqindje fitime shtresat e pasura, kurse shtresat e mesme tërësisht të lëna në mëshirën e fatit!

E pra, ato janë baza e një shoqërie demokratike! Jo rastësisht goditen, lihen në mëshirën e fatit, ekspozohen ndaj ashpërsisë së jetës, fyen, injorohen. Sepse ato kanë mundësi të formojnë një mendim alternativ, ato formojnë shtresa proevropiane e integruese, ato rivalizojnë pushtetarët, ato mund të drejtojnë ndryshe shoqërinë!

Jo, jo, dru atyre, mjafton një ekran televizori që të shohin liderin varfanjakët pa pasur nevojë të dalin jashtë, që jetojnë me ndihma sociale, të japin votën në fund të mandatit sikurse marrin pagën e turpit në fund të muajit, dhe kaq!

Ecim dhe marshojnë!

Na bëftë mirë ballokumja sepse aq ishte ndihma e rrezistencës sociale!”. syri.net

Demokratët e njësisë 8 në Tiranë mbërritën te selia blu ditën e sotme, për të përcjellë një mesazh për median.

Indrit Hoxha foli në emër të demokratëve të njësisë 8, duke deklaruar se kërkojnë largimin e Lulzim Bashës dhe dorëzimin e logos.

“Lulzim Basha është shkarkuar nga Kuvendi. Detyra e sotme e tij është që të largohet nga zyrat e selisë së PD-së. Të dorëzojë logon e konfiskuar që është marrë peng nga shumë njerëz, jo vetëm Edi Rama. Të hapë rrugën për zgjedhjet në PD sipas standardit një anëtar, një votë.

Bllofet dhe fasadat që po luhen në selinë e PD e dëmtojnë atë. Këta janë anëtarët e njësisë 8, që e kanë shkarkuar Lulzim Bashën dhe kërkojnë hapjen e garës dhe procesit për këdo që kërkon të ballafaqohet me votën e anëtarësisë,” tha Hoxha.

Reagimi i tyre erdhi pasi një ditë më parë, Pëllumb Seferi i kësaj njësie deklaroi mbështetjen ndaj Lulzim Bashës.

Por demokratët thanë se ai nuk i përfaqëson, sikundër nuk i përfaqëson më as Lulzim Basha, pasi është shkarkuar. Demokratët tentuan të futen në seli për të bërë një mbledhje, por nuk u lejuan.

“Vetëm vota i bashkon demokratët,” deklaruan ata.

Deputeti i PD-së dhe njëherazi Kryetar i Komisionit të Rithemelimit, Belind Këlliçi ka folur për krizën e brendshme në parti dhe zhvillimet e fudnit në mbledhjen e sotme të grupit parlamentar.

I ftuar në Vizion Plus, Këlliçi tha se 95% e grupit parlamentar i ka kërkuar Lulzim Bashës dorëheqjen dhe se refuzimi i tij është për tu studiuar pasi vazhdon akoma të qëndrojë.

Gjithashtu Këlliçi u shpreh se ka marrë ankesa nga një sërë kolegësh se PD është kthyer në një pavion psikiatrik.

Këlliçi: Janë vetëm tre ose katër persona që i kanë kërkuar një hap pas Bashës. 95% e grupit i kanë kërkuar të dorëhiqet. Unë nuk e di si dhe ku mund ta gjejë një politikan kurajon që të këtë këtë lloj refuzimi popullor qytetar, të mbështetsve të tij, t’ja kërkojnë dorëheqjen dhe të vazhdojë të qëndrojë.

Do të jetë një rast studimor për vite me radhë sjellja e Bashës. Basha po bllokon çdo proces zgjedhor brenda PD. Edhe Basha është i ftuar në 30 prill të futet në garë. Futu në garë merr me shumë vota se Berisha dhe largohet vetë ai. PD është kthyer në burg, në bunker. Basha ka vendosur të mos dalë nga ajo seli, taksirat i demokratëve ta nxjerrin me çdo çmim e çdo kusht. syri.net

Deputetja e PD-së Lindita Metaliaj ka dhënë dorëheqje nga anëtare e kryesisë së PD-së dhe i ka kërkuar Lulzim Bashës që të dorëhiqet edhe ai në funksion të bashkimit të demokratëve.

Në postimin e saj në Facebook, Metaliaj ka theksuar se e jep dorëheqjen për arsye se do që vendimet ti marë me bazën dhe për bazën dhe të çojë propozimet  e anëtarësisë në qendër dhe jo vendimet e qendrës te anëtarësia.

‘Bashkimi i demokratëve është mision dhe domosdoshmëri’, thekson Metaliaj.

Postimi i plotë i Lindita Metaliajt:

Te dashur miq,bashkeqytetaret e mi!

Sot ne mbledhjen e Grupit Parlamentar deklarova se jap doreheqjen nga anetare kryesie e PD,te vetmin post drejtues ne organet e Partise Demokratike.

E paraqita doreheqjen sepse une dua qe vendimet ti marr me bazen dhe per bazen , te çoj vendimet dhe propozimet  e anetaresise ne qender dhe jo vendimet e qendres te anetaresia.

Sot anetaresia na ben thirrje te bashkohemi!

Deklarova gjithashtu se duhet bashkim dhe duhet te mbahemi mend si grupi parlamentar qe bashkoi partine ,bashkoi demokratet dhe jo si grupi qe perçau thelle partine.

Une nuk i perkas asnje pale, nuk njoh grupim e vetmja pale qe njoh jane demokratet e Lezhes dhe te Shqiperise. Dua te mbetem deputete e demokrateve dhe jo e paleve dhe klaneve.

Per kete arsye as nuk kam bere deklarata,e as nuk kam anatemuar demokratet e as koleget e mi per qendrimet e tyre pasi respektoj mendimin e secilit.

Partia Demokratike eshte Aset Kombetar dhe duhet te mos mbetet peng i interesave personale te askujt por te ringrihet e te funksionoje ne interes te demokrateve dhe te shqiptareve.

Bashkimi i demokrateve eshte mision dhe domosdoshmeri!

Ndaj kryetar duhet te besh nje hap pas ,padyshim qe ky akt politik i rendesishem duhet te merret patjeter dhe nese doreheqja eshte zgjidhja ,duhet te merret ne konsiderate !

Te dashur miq

Mandati im si deputete e Partise Demokratike do te jete ne sherbim dhe ne funksion te bashkimit me te madh te demokrateve.

Betejen e kemi me Ramen dhe jo me njeri tjetrin!

Duhet te jemi bashke per te ardhmen e familjeve tona,per te ardhmen e Partise Demokratike. syri.net

Ervin Salianji ka folur për mediat pas debatit të tensionuar që pati me deputetin Lulzim Basha, gjatë mbledhjes së grupit parlamentar. 

Salianji tha se ka patur tension verbal, ndërsa denoncoi prezencën e personave të tjerë në mbledhje, të mbledhur aty nga ish-kryetari i PD.

“Ka patur në tenson verbal. Ka patur njerëz të paftuar. Ka qenë një komunikim në tension verbal. Debati nuk kaloi përtej atij verbal. Ai fton njerëz që s’kanë lidhje në mbledhjen e grupit. Unë s’kam ardhur këtu për tifozeri, kush ka tifozë më shumë. Unë nuk intimidohem dot, as kërcënohem dot. Nuk ka patur një kërcënim, por një tension. Një hap pas? Unë e përkthej ashtu siç e përkthejnë të gjithë, dorëheqjen e Lulzim Bashës nga kryetar partie”, u shpreh Salianji.

Mbledhja e grupit parlamentar të PD përfundoi pas 5 orë debate të ashpra mes deputetëve dhe Lulzim Bashës të cilët i kërkojnë atij dorëheqjen.

Thuajse i gjithë grupi parlamentar demokrat kërkon largimin e Bashës, ndërsa ky i fundit gjithë kohës ka artikuluar që është i gatshëm për zgjidhje, por ka refuzuar të japë dorëheqjen.  syri.net

Deputeti i PD, Saimir Korreshi ka deklaruar para mbledhjes së grupit parlamentar që do të kërkojë dorëheqjen e Lulzim Bashës.

“Po, do t’i kërkoj dorëheqjen Lulzim Bashës, kjo për të gjetur një zgjidhje që demokratët të bashkohen, pasi vetëm po të bashkohemi do të mundemi të çojmë PD-në në fitore”, tha Korreshi.

I pyetur dhe nëse do t’i bashkohet Berishës në lëvizjen e tij, ai tha se hapi i parë do të jetë bashkimi i të gjithë shqiptarëve.

Korreshi nuk dha një koment të qartë nëse do të kërkohet dorëheqja e Lulzim Bashës në mbledhjen e grupit parlamentar të PD.

“Hapi i parë tani është bashkimi i demokratëve. Duhet të jetë përtej çfarë dolloj kushti. Kërkesa ime është të gjendet zgjidhja nga të dyja palët. Të ketë një grupim që ta çojë PD-në në fitore në zgjedhjet pas 8 muajsh. Të gjejmë një kohezion. Po nuk u bashkuan të gjithë bashkë, po nuk u bëmë një grup i vetëm, harroje që fiton PD-ja”, tha Korreshi. syri.net

“Jepni dorëheqjen sot dhe ky është hapi i parë drejt zgjidhjes”. 

Kështu u shpreh deputeti Ferdinand Xhaferaj gjatë debateve në mbledhjen e grupit parlamentar të PD.

Për të disatën herë, Xhaferaj i kërkoi Bashës të largohet duke e konsideruar dorëheqjen e tij rrugën e zgjidhjes së krizës që ka përfshirë Partinë Demokratike.

“Ndoqa me vëmendje të gjithë diskutimet e deritanishme nisur që nga dy zv/kryetarët Tabaku dhe Alibeaj dhe të gjithë janë në kohezion duke thënë që ju duhet të bëni një hap pas. Ndërsa ju z. Basha keni deklaruar disa herë që jeni në dispozicion të PD për një zgjidhje.

Të jesh në dispozicion të PD për zgjidhje do të thotë që ju duhet të jepni dorëheqjen sot dhe do argumentoj pse: keni 9 vite që drejtoni opozitën.

Si kudo në perëndim mbas humbjes, që në ditën e parë të daljes së rezultatit, kryetarët japin dorëheqjen. Pra, jepni dorëheqjen sot dhe ky është hapi i parë drejt zgjidhjes“, u shpreh deputeti demokrat Ferdinand Xhaferaj. syri.net

Deputeti Helidon Bushati i ka kërkuar sot Bashës që të largohet nga kreu i PD-së.

Bushati është shprehur se është hera e parë që grupi parlamentar i kërkon dorëheqjen kryetarit.

Sipas tij, sot është dita vetëm për një gjë, për të dëgjuar dorëheqjen e Bashës.

‘Kryetar, është fatkeqësi që sot nuk jemi në shesh së bashku me protestuesit, por këtu duke u marrë me procedura partie. Në vend që të jemi atje për të qarë hallet e popullit jemi këtu duke qarë hallin e karrigeve tona.

Është rasti i parë në historinë tonë që një kryetari partie i kërkohet dorëheqja nga grupi i vet parlamentar.

Me qëndrim tuaj po ndihmoni në agonizimin e partisë dhe po e bën Partinë Demokratike të kthehet ne objekt memesh për lidhjen e pakuptueshme tuajën me karrigen.

Një drejtues që ka humbur beteja dhe gara mund të fitoje betejën kryesore që është beteja për dinjitetin e emrit të tij, nëpërmjet dorëheqjes.

Dorëheqje, por duke ngelur pjesë e zgjidhjes se problemit.

Sot jemi këtu për të dëgjuar një dhe vetëm një gjë…DOREHEQJE.

Kryetar sot ke mundësi të humbësh karrigen e te fitosh dinjitetin dhe respektin e demokratëve.

Është koha te mendojmë për bashkimin e demokratëve. Kjo nuk ndodh duke u mbërthyer pas karriges, kjo ndodh kur secili prej nesh bën hapa pas sakrifikon dhe mendon për ata demokrat ata shqiptare qe presin prej nesh.

Sot PD, ka nevoje për një Kuvend Bashkimi’, është shprehur Helidon Bushati. syri.net

Ervin Salianji i ka kërkuar në sy Lulzim Bashës të largohet nga drejtimi i PD. 

Në mbledhjen e grupit parlamentar demokrat, që vijon prej orës 11:00, Bashës i kanë dalë kundër thuajse të gjithë anëtarët e grupit parlamentar, përfshirë edhe më besnikët e tij.

Salianji ka deklaruar gjatë debatit që Basha të japë dorëheqje dhe të rrijë në detyrë edhe dy javë, në mënyrë që të krijohet një bord dhe të zhvillohen negociatat me këdo që kërkon t’i bashkohet PD-së.

“Duhet akt, nuk mund të thuhet që vendos gjithçka në dispozicion të PD. Po ju kërkohet vetëm një gjë, të jepni dorëheqjen sot me akt publik dhe qëndroni në detyrë për një afat jo më shumë se 2 javë.

Ne këtë periudhë të krijojmë bord/nukël, jo me numër të vogël nga ky grup parlamentar me detyrën për të negociuar me çdo personalitet që interes ka PD-në dhe kërkon të bashkohet me PDSh. 

Sot shqetësimi im kryesor është mbrojtja e kujtdo që ka mbrojtur interesat e Partisë Demokratike, ne nuk i kemi lëshuar ata, do bëj gjithçka për t’i mbrojtur!” syri.net

Deputeti i PD, Dash Sula, ka qenë ndër zërat më aktivë në mbledhjen e grupit parlamentar demokrat. 

Pasi i kërkoi dorëheqjen e padiskutueshme si dhe duke këshilluar Bashën që të mos jetë rob i egos për të mbajtur partinë pavarësisht nga rezultat shkatërrues elektorale, deputeti i qarkut të Elbasanit theksoi edhe dështimin e PD më 6 mars.

Ai tha se Basha nuk doli në fushatë të takonte njerëzit, ndryshe nga lideri historik i PD, Sali Berisha që bëri 12 fushata në secilën prej bashkive ku pati zgjedhje.

“Mua më vjen keq ta them, por ky është një fakt tashmë i dokumentuar edhe elektoralisht. Z. Basha dua të jem i sinqertë dhe i drejtëpërdrejtë! Politika është perceptim dhe në perceptimin publik ju nuk jeni fitues! Zgjedhjet e 6 marsit e treguan këtë! Unë i pari kam pritur që me vendimarrjen për Berishën t’i të ndiheshe dhe të demostroje që je një njeri i lirë dhe që je një politikan me vizion. Nuk kanë kaluar një kohë e shkurtër janë 6 muaj dhe çfarë ke bërë ti në këto 6 muaj? Asgjë! Sali Berisha një person 77 vjeç bën 12 fushata në secilën bashki ku kishte zgjedhje të pjesshme.

Madje, madje në atë që ishte edhe qëllimi parësor politik i “Foltores” në Shkodër, shkon dhe bën 12 takime. Po t’i ku ishe? Po ne ku ishim? Pse nuk takoje t’i njerëz? Pse nuk zhvilloje t’i takime? Kishe shpresë se qytetarët dhe demokratët nuk do të shkëputeshin nga logo? Ja që e ke menduar dhe parashikuar gabim! Përtej dashamirësisë tonë, për të gjithë gabimet dhe kostot që ndoshta pa dëshirën tënde i ke shkaktuar PD sot  unë të kërkoj që përtej egos personale duhet të bësh një hap pas dhe të japësh dorëheqjen! Z. Basha lirojani lakun që i është hedhur në fyt kësaj partie! Bëni ju i pari aktin dhe na lejo të gjithë bashkë të nisim një proces përbashkimi.

Zgjedhjet e 6 marsit ishin mesazh i qartë dhe nuk ka politikan jo e jo, por edhe një fëmijë që të mos kuptoj mesazhin. Demokratët kanë nevoj për tu bashkuar, të tejkalojnë përtej Bashës e Berishës dhe vota e lirë dhe procesi i hapur të zgjedh liderin e ri. Se ju kam dëgjuar në televizione që keni thënë këto ditë që keni thënë që do të bëni analizë. Ne skemi bërë akoma analizën e plotë të 25 Prillit. Këto janë humbje kohë, dhe një mënyrë për të çuar partinë drejt zhdukjes. Ndaj zgjidhja nis me dorëheqjen tuaj. Ky është akti i parë dhe shum i rëndësishëm. A keni ardhur për të na njoftuar dorëheqjen sot? Këtë dua të di?”, tha Dash Sula. syri.net

Ish-nënkryetarja e PD-së Jozefina Topalli nuk i ka ndalur akuzat e saj ndaj Lulzim Bashës, ku është shprehur se ‘identiteti i tij është gënjeshtra’.

Në emisionin “Të Paekspozuarit”, Topalli tha se Basha ka një shfaqje idiote, për të cilën shton se luan rolin por që është në dëm të vendit.

Topalli: Unë nuk kam qenë njeriu që kam qenë afër tij. Ka shumë njerëz që i kanë thënë vazhdimisht budalla, ka shumë që nuk e kanë kuptuar pse ai është aty si dhe shumë të tjerë që nuk kanë dashur të besojnë dyshimet që kanë pasur për të. Pas çdo humbje zgjedhjesh Basha thotë të njëjtën fjali, do kemi një analizë, do bëjmë një reflektim.

Identiteti i tij është gënjeshtra. Sjellja politike është papërgjegjshmëria. Shfaqja e tij është idiote. Ai nuk është i tillë por luan rolin, por në dëm të vendit dhe shoqërisë tonë.

Lideri historik i PD, Sali Berisha, deklaroi nga foltorja e Kuvendit se afera e inceneratorëve ka nisur në vitin 2014 me një kompani që kurrë nuk është marrë me plehrat. Berisha deklaroi se janë firmosur 17 dokumente për 24 orë në mënyrë të rrufeshme, pa tender duke kryer korrupsion të pastër nga qeveritarët. Ndër të tjera Berisha deklaroi se Sharra ka filluar të presë flori për Edi Ramën.

“Pretendonte të ishte e Zotos, Gugalles, etj, ajo ishte e qeveritarëve. Kësaj kompanie me një procedurë të rrufeshme të pashembullt në historinë e këtij shteti duke firmosur 17 dokumente në 24 orë, me negociim pa shpallje, pa tender, me korruspion të siguritë, i jepen 22 milionë euro për djegësin e Elbasanit. Kompania që mund ta quajmë Ahmeti, Gjiknuri, mund ta quajmë Rama, Agaçi, mund ta quajmë Metani e të tjerë, kjo kompani prokuron në Lugano një djegës, instalon atë me çelësa në dorë për 12 milionë euro. 10 milionë euro ngelen në llogaritë e qeveritarëve që vepruan në mënyrë të rrufeshme. Pse thuhet qeveritarëve? Kjo s’mund të bëhej kurrë pa firmën, vulën dhe angazhimin total të qeverisë.”-tha Berisha.

Ndër të tjera ish-kryeministri theksoi se nëse qeveritarët nuk do donin të vidhnin dhe ndanin parate, këtë fond ja kalonin Bashkisë së Elbasanit që mund të hapte tenderin dhe të instalonte inceneratorin duke ju kursyer taksapaguesve shqiptarë 12 milionë euro.

“Paratë ju lanë qeveritarëve. Skema u përsërit me Fierin, jashtë çdo procedure, negocim pa shpallje. Në 15 milionë kaloi fitimi dhe pastaj kaloi drejt Tiranës. Komisioni ndahet. Ata që pranojnë se kanë vjedhur vetëm 100 milionë, sulmojnë. Ku janë? Ku janë 420 milionë thonë, se për 100 milionë s’kanë vërejtje. Në Tiranë është vjedhur më me stil. Asnjë incenerator në punë. Fusha e Sharrës, ndërmarrje publike, ku depozitoheshin plehërat, një mëngjes nga kompani publike, bëhet kompani Gugalle e Erion Veliajt. Sharra pret flori për Ramën. Çdo ton mbetje do depozitohej në Sharrë duke i paguar kompanisë Veliaj me emrin Gugalle 28 euro për ton. Do ndërtohej me 128 milionë djegësi duke paguar si për djegjen kur ato kompostoheshin dhe nuk digjeshin, 28 euro për ton. Kemi të bëjmë me një skemë klasike vjedhje. Aktakuza e ngritur ndaj Lefter Kokës, hajdutit të dobishëm është 100% e përshtatshme për kreun e Meduzës, Agaçin, Ahmetajn, Gjiknurin dhe Veliajn.”-tha Berisha. syri.net