Dy emra në garë për kreun e PD-së. Ibsen Elezi do të jetë rival i Sali Berishës, në garën për kreun e ri të Partisë Demokratike.
Komisioni i Organizimit dhe Kontrollit të Operacioneve Elektorale njofton se në përfundim të afatit të paraqitjes së kandidaturave për kryetar të PDSH, kanë shprehur interesim për këtë garë, konform Vendimit Nr. 12 dt 03.05.2022:
1. Z. Sali Berisha
2. Z. Ibsen Elezi
Mbledhja e ardhshme e Komisionit do të mbahet ditën e martë ora 11.00.
Në Shqipëri kryeministri Edi Rama sulmoi sot me tone të ashpra Prokurorinë e Posaçme kundër korrupsionit dhe Krimit të Organizuar, SPAK, se nuk po vepron ndaj gyqtarëve dhe prokurorëve të nxjerrë jashtë sistemit nga Vettingu, e veçanërisht ndaj ish kryemnistrit Sali Berisha i shpallur “non grata” nga Shtetet e Bashkuara. SPAK nga ana e saj i tha Zërit të Amerikës se nuk kishte asnjë koment mbi deklaratat e kryeministrit. Ndërsa Partia Demokratike reagoi duke u shprehur se sipas saj sulmet e kryeministrit janë një mesazh i koduar që Prokuroria e posaçme të tërhiqet nga çështjet që prekin drejtpërdrejtë kryeministrin
Në harkun kohor të një muaji kryeministri Edi Rama i është rikthyer sot për herë të dytë toneve të forta kritike ndaj Prokurorisë së Posaçme kundër Korrupsionit dhe krimit të organizuar. Sërish ai përdori forumet e Partisë socialiste për ta bërë këtë: në muajin Prill nga podiumi i Kongresit dhe sot nga salla e Asamblesë, duke i kushtuar një pjesë të mirë të fjalimit të tij.
Kryeministri vuri në dukje se “peshkaqenëve të mëdhenj të sistemit të drejtësisë”, siç i quajti ai gjyqtarët dhe prokurorët që u lanë jashtë sistemit të Drejtësisë nga procesi i vettingut, “nuk u ka hyrë gjemb në këmbë”. Ndërkohë që siç tha, SPAK veproi me nxitim të hetonte gjyqtarin Ardian Dvorani. “Kampioni i antikorrupsionit me vulë dhe me firmë të Sekretarit Amerikan të Shtetit është futur në hetim nga SPAK, në hetim për çfarë? Për një hetim të kujt? Për një denoncim të atij që, jo unë, por gjithë Shqipëria mezi pret që ta shohë para SPAKU-t, Ilir Metës. Po si qenka kjo kështu, kaq e përmbysur?”, u shpreh zoti Rama.
Kryetari socialist la të kuptohej sërish se SPAK po godet më shumë nga e majta, duke theksuar megjithatë se partia e tij ka patur gjithnjë të njejtin qëndrim sa herë që është dashur të merret përpara drejtësisë cilido pjestar i tyre.
Por pakënaqësia më e madhe e zotit Rama lidhet me mosndërmarrjen e asnjë veprimi ndaj ish kryeministrit Sali Berisha i shpallur “non grata” nga Shtetet e Bashkuara për “korrupsion madhor”. Sipas tij në përmballjen me të keqen, SPAk deri tani ka dalë i humbur, tha zoti Rama duke folur për “një tallje të madhe”.
Ndërsa deklaroi se durimi i shumicës në pushtet po soset, ai ju drejtua me një thirrje të hapur SPAK-ut: “Zonja e zotërinj të SPAK-ut, zgjohuni e dilni në mbrojtje Shqipërisë. Nëse Shqipëria sot është e turpëruar përpara një non grate, një të vdekuri që i bën karshillëk këtij populli dhe tërë dynjasë, këtë turp ka vetëm një që duhet ta mbajë, SPAK-u. Askush tjetër!”
Zoti Rama u kujdes të nënvizonte se kjo “nuk është një thirrje partiake, nuk është një thirrje politike por është thirrja e forcës që e ka udhëhequr dhe që e garanton reformën në drejtësi”, pasi sipas tij “po sfidohet drejtësia dhe se po delegjitimohet SPAk-u dhe i gjithë sistemi i ri i drejtësisë”.
Zoti Berisha është figura më e lartë e përfshirë në listën e Shteteve të Bashkuara, por jo i vetmi, dhe kryeministri nuk ka kërkuar ndonjëherë përse SPAK nuk po vepron dhe ndaj të tjerëve. Ish kryebashkiaku I Durrësit Vangjush Dako, ishte një njeri i afërt me kryeministrin. Socialistët sot llogarisin në parlament si mbështetje të tyre dhe tre votat e deputetëve të Partisë së zotit Tom Doshi, ndërsa falë lidhjeve të qarta me shumicën ish deputeti Aqif Rakipi mundi të fuste në parlament në radhët e socialistëve djalin e tij dhe një tjetër të afërm.
Partia Demokratike, e kontrolluar nga zoti Berisha, e që ka sulmuar shpesh SPAK-un duke e konsideruar si një vegël të kryeministrit, reagoi sot ndaj deklaratave të zoti Rama. Sipas anëtarit të Komisionit të Rithemelimit, Belind Këlliçi “sulmi i tij është mesazh i koduar ndaj SPAK që prokuroria speciale të tërhiqet nga çështje që prekin drejtpërdrejt Edi Ramën dhe njerëz shumë të afërt të tij. Çdo aferë të çon tek Edi Rama, prandaj sulmi i tij i sotëm ndaj SPAK është treguesi më i mirë se kohës së Edi Ramës i ka ardhur fundi.Ai ka vetëm hallin e tij dhe të karriges që e mban peng përmes korrupsionit dhe aleancës me krimin e organizuar. I vetmi turp i SPAK-ut do të ishte, nëse i nënshtrohet dhunës së kryeministrit!”
Ndërsa presidenti Meta reagoi përmes zëdhënësit të tij duke u shprehur se “mbrojtja që kryeministri i jep në publik zotit Dvorani nga partia, është thirrja publike për organet e Drejtësisë që të mos shkelin vijën e partisë se përndryshe do të kenë pasoja”, nënvizoi zëdhënësi i Kreut të Shtetit.
SPAK, nga ana e vet, shmangu reagimet mbi deklaratat e kryeministrit. E pyetur për deklaratat e kryeministrit Rama, zëdhënësja e SPAK-ut u përgjigj se ky institucion nuk kishte asnjë koment.
* Titulli i redaksisë marrë nga teksti brënda
Reporter Sans Frontiere i ka kërkuar direkt Edi Ramës përmes dy tweet-eve në Twitter që t’i heqë embargon dhe dënimin gazetares së Syri.net Ambrozia Metës. Po i sjellim dy tweet-et e RFS:
@RSF_inter @ ediramaal “Kur u pyet për rënien e # Shqipërisë me 20 pikë më poshtë në vendin e 103-të në indexin e ri të RFS ( #RSFIndex-in), Kryeministri hodhi poshtë pyetjet e gazetares së SyriNet, Ambrioza Meta, duke pretenduar se ajo ishte ende nën “riedukim”. RSF i bën thirrje @ediramaal për të hequr ndalimin arbitrar që kërcënon të drejtën e informimit.
@RSF_inter @ ediramaal prej marsit për dy muaj vendosi të refuzonte t’i përgjigjej Ambrioza Metës, pasi ajo e kishte pyetur për çështje të interesit publik: arrestimin e anëtarit të partisë së tij dhe një rast korrupsioni. Një embargo e tillë skandaloze informacioni nuk ka vend në një vend që dëshiron të anëtarësohet në #BE.”
Interpol Tirana njofton se është ekstraduar nga Gjermania drejt Shqipërisë, 47-vjeçari Hekuran Marku, ish-truprojë i Saimir Tahirit, i kërkuar për disa vepra penale.
Marku u arrestua nga policia gjermane me kërkesë të SPAK disa javë më parë.
Prokuroria e Posaçme ngriti akuza për trafik droge në kuadër të operacionit ‘Shpirti’, ndaj dy ish-truprojave të ish-ministrit të Brendshëm, Saimir Tahiri, Hekuran Marku dhe Agustin Deda. Ky i fundit u arrestua gjithashtu në Francë.
Njoftimi i Interpol
Falë bashkëpunimit të Interpol Tirana me homologët gjermanë, u bë e mundur kapja në Gjermani dhe ekstradimi drejt Shqipërisë, i shtetasit H. M., 47 vjeç.
Shtetasi H. M. është arrestuar nga autoritetet policore në Gjermani, me qëllim ekstradimin drejt Shqipërisë, në zbatim të urdhër arrestit ndërkombëtar të nxjerrë nga Zyra Qendrore Kombëtare Interpol Tirana.
Gjykata e Posaçme Kundër Korrupsionit dhe Krimit të Organizuar Tiranë, në kuadër të operacionit “Shpirti”, i ka caktuar këtij shtetasi, masën e sigurimit personal “Arrest në burg”, për veprat penale “Trafik narkotikësh”, “Pastrimi i produkteve të veprës penale”, “Grup i strukturuar kriminal” dhe “Kryerja e veprave penale nga organizata kriminale dhe grup i strukturuar kriminal”.
***
Hekuran Marku dhe Agustin Deda akuzohen se gjatë kohës që kanë shërbyer si truproja të ministrit Tahiri kanë trafikuar rreth 1 ton kanabis drejt Italisë.
Përfshirja e tyre në trafikun e drogës ka dalë nga dëshmia e 4 të penduarve të drejtësisë, të cilët kanë rrëfyer në Bari për rrjetin e trafikut nga Shqipëria drejt Italisë. Ndërsa Marku është ekstraduar në Shqipëri, Agustin Deda ka kërkuar azil politik në Francë dhe kërkesa e tij po shqyrtohet nga autoritetet vendase.
Operacioni “Shpirti” kundër trafikut ndërkombëtar të drogës u zhvillua më 7 korrik të vitit të kaluar, në bashkëpunim me institucionet italiane të drejtësisë.
38 persona janë arrestuar për akuza të ndryshme si korrupsion, abuzim me detyrën, pastrim parash, trafik ndërkombëtar droge.
Këshilltari i Presidentit të Republikës Ilir Meta ka reaguar pas deklaratave të kryeministrit Edi Rama për ish-kreun e KED Ardian Dvorani. Duke iu referuar deklaratës së Ramës se gjithë Shqipëria mezi pret ta shohë para SPAK-ut, Z. Tedi Blushi shkruan se të gjithë shqiptarët mezi po presin të dinë çfarë e mban peng “Dvoranin” e qeverisë tek Dvorani i “Drejtësisë”.
Ai pyet më tej se të gjithë shqiptarët duan të dinë çfarë e detyron Ramën, Kampionin e Korrupsionit që e ktheu Shqipërinë një narkoshtet dhe të dytin në botë për korrupsionin, që të kthehet në Avokatin e Dvoranit?
Sipas tij, është e qartë, se mbrojtja që i jepet Dvoranit në publik nga partia, është thirrja publike për organet e drejtësisë që të mos shkelin vijën e partisë në zbatimin e drejtësisë me regji, se përndryshe do kenë pasoja.
“Të gjithë shqiptarët mezi po presin të dinë ÇFARË E MBAN PENG “Dvoranin” e Qeverisë tek Dvorani i “Drejtësisë”?
Të gjithë shqiptarët e dinë se:
📌 1. Dvorani pengoi me çdo mjet, qëllimisht dhe për llogari vetëm të Ramës, ngritjen e Gjykatës Kushtetuese, duke falsifikuar, manipuluar e shkelur Kushtetutën dhe ligjet e drejtësisë, vetëm e vetëm për të siguruar pandëshkueshmërinë e Ramës.
📌 2. Dvorani u provua zyrtarisht se fshehu pasurinë.
📌 3. Por Vettingu i partisë në mënyrë skandaloze dhe të paligjshme mbylli sytë për këtë fshehje të pasurisë dhe ky është fakt që nuk mbulohet dot kurrë.
📌 4. Shkeljet e Kushtetutës dhe ligjit për Dvoranin e partisë-shtet i vërtetoi botërisht edhe Komisioni i Venecias.
📌 5. Nëse do të ekzistonte vërtet Reforma në Drejtësi, Dvorani do të duhej të ishte i pari përpara drejtësisë për të marrë dënimin e merituar.
Të gjithë shqiptarët duan të dinë çfarë e detyron Ramën, Kampionin e Korrupsionit që e ktheu Shqipërinë një narkoshtet dhe të dytin në botë për korrupsionin, që të kthehet në Avokatin e Dvoranit?
Është e qartë, se mbrojtja që i jepet Dvoranit në publik nga partia, është thirrja publike për organet e drejtësisë që të mos shkelin vijën e partisë në zbatimin e drejtësisë me regji, se përndryshe do kenë pasoja.
Rama-Dvorani dhe Dvorani-Rama binomi i pandarë i antishtetit, dhunimit të Kushtetutës dhe ligjit, falsifikimit të dokumenteve zyrtarë dhe kapjes së shtetit për llogari të partisë.
Koha e “opozitarizmit” të tredhur nga korrupsioni qeveritar po skadon me shpejtësi. Çkapja e shtetit nis nga çkapja e opozitarizmit.
ASGJE NUK DO TA NDALË ZBARDHJEN E SKANDALEVE TË NARKOQEVERISË SADO TË GULÇOJË GRUAJA E BILALIT!”, shkruan Blushi. bw
Deputeti i PD-së Ervin Salianji ka reaguar pas deklaratave të kryeministrit Edi Rama në Asamblenë Kombëtare të PS. Salianji pyet se kush e ka frikësuar kryeministrin aq sa të sterrojë dhe t’i nxjerrë dhëmbët drejtësisë deri në kërcënimin me skualifikimin e SPAK.
Sipas tij, Axhendën e drejtësisë nuk mund ta diktojë Rama dhe Partia Socialiste!
“Një Asamble Socialiste e organizuar për shoën e Ramës në sulmin ndaj drejtësisë, SPAK dhe partnerëve!
Kush e ka frikësuar KM aq sa të sterrojë dhe ti nxjerrë dhëmbët drejtësisë deri në kërcënimin me skualifikimin e SPAK?!
Çdo strukturë e drejtësisë në Shqipëri ka detyrimin të kontrollojë dhe të nxjerrë para përgjegjësisë të korruptuarit, abuzuesit, shpërdoruesit e pushtetit që janë në pushtet, që qeverisin dhe që e kanë bërë Shqipërinë të nxijë në çdo raport ndërkombëtar!
Drejtësia duhet ti qëndrojë përballë presionit mafioz që kërkon ta intimidojë! Axhendën e drejtësisë nuk mund ta diktojë Rama dhe Partia Socialiste!”, deklaron Salianji.
Kryeministri Edi Rama sulmoi sërish SPAK-un nga Asambleja e PS-së. Ai tha se SPAK po heton Ardian Dvoranin, që është shpallur kampion i anti-korrupsionit.
“Jam në pritje që SPAK të bëjë disa punë më të mëdha dhe të vendosë një rend prioritetesh në këtë vend, mbase do kisha qenë unë që do kisha bërë denoncimin sot.
Por nuk kam se si t’ia shtoj SPAK-ut punët në drejtim të kësaj familje politike, kur shoh që balanca, jo në aspektin politik, por në aspektin e të drejtës është ende shumë e shtrembëruar.
Në Kongres solla shembullin e arkës së peshkut. Këtu po sjell një shembull tjetër.
A e dini ju që SPAK ka pasur shpejtësinë e rrufeshme dhe gatishmërinë e jashtëzakonshme për të vepruar minutë për minutë, që të bllokojë Ardian Dvoranin, njeriun e vlerësuar nga Sekretari i Shtetit, si një ndër kampionët në luftën globale kundër korrupsionit, që të mos e lejonte të hynte në proces për t’u promovuar si gjykatës.
A thua se ishte i koordinuar si sahat zviceran me atë zotërinë që për pak ditë ose javë do të largohet nga zyra e presidentit?
Nëse ky sahat zviceran do të ishte i pakonkurrueshëm, sa gjykatës dhe prokurorë të nxjerrë jashtë nga vetingu do ishin sot në burg?
Kampioni i anti-korrupsionit nga Sekretari i Shtetit është futur në hetim për shkak të një denoncimi nga Ilir Meta, që gjithë Shqipëria mezi pret ta shohë para SPAK.
Po e them sot që jam gjithmonë e më i paduruar përballë faktit që ata që e nxinë totalisht Shqipërinë, e bënë një vend ku pandëshkueshmëria u bë simbol, janë sot të paprekur. Të gjithë. Dhe me një lehtësi të hatashme, SPAK-u bën sahatin zviceran me Ardian Dvoranin që jeton në një apartament të para viteve 90,” tha Rama.
Këshilli Kombëtar i Partisë Demokratike ka miratuar rezolutën me qëndrimin politik për procesin e zgjedhjes së Presidentit. Rezoluta parashikon mandatimin e Komisionit të Përkohshëm të Rithemelimit të PD të caktojë përfaqësuesit për gjetjen e një qëndrimi të përbashkët me partitë e tjera opozitare në procesin e zgjedhjes së Presidentit në Kuvendin e Shqipërisë. Në rezolutë thuhet se çdo alternativë që mundëson zgjedhjen e Presidentit me votat e Partisë Socialiste, apo të siguruara pa konsensus politik të vërtetë, do të refuzohet me votë në Kuvend.
Këshilli Kombëtar i Partisë Demokratike ka miratuar qëndrimin politik të forcës kryesore të opozitës për procesin e zgjedhjes së Presidentit të Republikës.
Në rezolutën e aprovuar nga anëtarët e Këshillit Kombëtar, është mandatuar Komisioni i Përkohshëm i Rithemelimit të Partise Demokratike që të caktojë përfaqësuesit për gjetjen e një qëndrimi të përbashkët me partitë e tjera opozitare në procesin e zgjedhjes së presidentit në Kuvendin e Shqipërisë.
Në rezolutën që u prezantua nga deputeti Oerd Bylykbashi thuhet se çdo alternativë që mundëson zgjedhjen e Presidentit me votat e Partisë Socialiste, apo të siguruara pa konsensus politik të vërtetë, do të refuzohet me votë në Kuvend.
Ne tekstin e rezolutes thuhet se mazhoranca socialiste, në mënyrë sistematike ka kapur pushtetet e pavarura përfshirë atë të drejtësisë, duke rrënuar sistemin kushtetues të kontrolleve dhe balancave.
Rezoluta thekson gjithashtu se Edi Rama aktualisht kontrollon rreth 90% të pushtetit publik dhe kapja e institucionit të Presidentit prej tij do të siguronte pushtet absolut, të paprecedent edhe në periudhën e diktaturës para rënies së regjimit komunist.
Rezoluta
Këshilli Kombëtar me këtë rezolutë vendos:
PD do të shprehë vullnetin e saj për zgjedhjen e Presidentit me votën e deputetëve të grupit të saj parlamentar, pa u bërë pjesë e farsave të mazhorancës socialiste.
Mandatohet Komisioni i Përkohshëm i Rithemelimit të PD të caktojë përfaqësuesit për gjetjen e një qëndrimi të përbashkët me partitë e tjera opozitare në procesin e zgjedhjes së presidentit në Kuvendin e Shqipërisë.
Në rast se në procesin politik dhe parlamentar të gjetjes së kandidaturave krijohen kushte për konsensus për votimin e presidentit nga kandidatë të propozuar nga opozita, mandatohen përfaqësuesit e PD që bashkërisht me përfaqësuesit e tjerë të partive opozitare, të propozojnë kandidatë në raundet e përcaktuara nga Kushtetuta.
Çdo alternativë që mundëson zgjedhjen e presidentit me votat e PS, apo konsensus politik të vërtetë, do të refuzohet me votë në Kuvend. Grupi Parlamentar i PD, siguron zbatimin e qëndrimit politik të PD, të përcaktuar në këtë rezulotë.
Çdo qëndrim që bie ndesh me këtë rezolutë detyruese dhe tagrat përfaqësuese politike të rrjedhura nga vendimet e organeve përfaqësuese të PD, nuk përfaqësojnë PD-në në procesin e zgjedhjes së Presidentit”.
Kryetari i Këshillit Kombëtar të PD-së Edi Paloka ka shpërndarë një foto me kandidaten Eleina Qirici, duke e vlerësuar për dinjitetin që i dha garës.
‘Sot me Eleina Qiricin, nje mike, kolege e demokrate e mire. Nje falenderim per gjithe demokratet e nje urim qe sa me shpejte ta shohim PD ne vendin qe i takon’, shkruan Paloka në Facebook.
Postimi i plotë i Edi Palokës:
Sot me Eleina Qiricin, nje mike, kolege e demokrate e mire. Nje zonje qe i dha dinjitet gares per kreun e Keshillit Kombetar te PD!
Nje falenderim per gjithe demokratet e nje urim qe sa me shpejte ta shohim PD ne vendin qe i takon!
syri.net
Deputeti i Partisë Demokratike Ervin Salianji hedh poshtë pretendimet e Orjola Pampurit, se gjatë ditës së sotme ka pasur një mbledhje të kryesisë së grupit parlamentar.
Sipas Salianjit një mbledhje e tillë nuk është bërë, dhe ka një nxitim të pajustifikuar nga ana e Alibeajt për t’u ulur në një tavolinë me Edi Ramën për zgjedhjen e presidentit të ri të vendit.
Ervin Salianji: Nuk ka asnjë tagër zëdhënësi i grupit, ka një tentativë për ta ndarë grupin në dy, do të bëj çdo përpjekje për të komunikuar me demokratët, për të mos e lejuar këtë.
Dje kam komunikuar me përfaqësues të Rithemelimit dhe zotit Alibeaj, për të pasur mundësi që deputetët të kenë një takim, po kërkohet me ngulm një takim për presidentin, në një kohë që Rama e ka zgjedhur. Është një kurth që të keqpërdoren deputetët.
Kam pasur një komunikim me zotin Boçin, i cili ka kërkuar që mbledhja e kryesisë së vogël, të shtyhet në një moment tjetër të ditës, dhe është bërë ai komunikim i turpshëm. Nuk përfaqësohet qëndrimi i grupit.
Nuk ka pasur një mbledhje të tillë, nëse ka qenë ndonjë nga kryetarët e komisioneve në këtë mbledhje, ka një nxitim për ta ndarë PD-në, dhe për të caktuar një palë këtej një palë andej. Ka pothuajse 3 muaj që nuk funksionojnë mbledhjet e grupit, duan të na vënë damkën që jemi palë të njërit grup apo tjetrit.
Kryesia e grupit parlamentar, fakti që unë kam komunikuar me zotin Alibeaj, nuk besoj se ka ndonjë diskutim nëse njihet apo jo. Jemi në një nxitim të pashpjegueshëm, për çfarë? Pse është shqetësimi i demokratëve zgjedhja e presidentit që e ka vendosur Edi Rama. Ne nuk mund ti japim Edi Ramës kriteret se si të zgjedhë presidentin.
syri.net
Kryetari i ri i Këshillit Kombëtar të PD është zgjedhur Edi Paloka.
Në procesin e zhvilluar sot në garë ishin Paloka dhe Elira Qirici.
Paloka mori 132 vota përballë kandidates Eleina Qirici e cila mori 79 vota. bw
Këshilli Kombëtar i PD miratoi rezolutën për zgjedhjen e Presidentit të ri.
Projektrezoluta u lexua nga deputeti dhe anëtari i Komisionit të Rithemelimit të PD, Oerd Bylykbashi.
Rezoluta parashikon mandatimin e Komisionit të Përkohshëm të Rithemelimit të PD të caktojë përfaqësuesit për gjetjen e një qëndrimi të përbashkët me partitë e tjera opozitare në procesin e zgjedhjes së presidentit në Kuvendin e Shqipërisë.
Përfaqësuesit e PD dhe partitë aleate do punojnë për gjetjen e kandidaturave të përbashkëta, nëse procesi politik do të krijojë kushte për konsensus.
Rezoluta thekson gjithashtu se çdo alternativë që mundëson zgjedhjen e presidentit me votat e PS, do të refuzohet më votë në Kuvend, sikurse theksohet se çdo qëndrim tjetër që bie ndesh me rezolutën, nuk përfaqëson Partinë Demokratike në procesin e zgjedhjes së kreut të ri të shtetit.
“Këshilli Kombëtar me këtë rezolutë vendos, PD do të shprehë vullnetin e saj për zgjedhjen e Presidentit me votën e deputetëve të grupit të saj parlamentar, pa u bërë pjesë e farsave të mazhorancës socialiste. Mandatohet Komisioni i Përkohshëm i Rithemelimit të PD të caktojë përfaqësuesit për gjetjen e një qëndrimi të përbashkët me partitë e tjera opozitare në procesin e zgjedhjes së presidentit në Kuvendin e Shqipërisë.
Në rast se në procesin politik dhe parlamentar të gjetjes së kandidaturave krijohen kushte për konsensus për votimin e presidentit nga kandidatë të propozuar nga opozita, mandatohen përfaqësuesit e PD që bashkërisht me përfaqësuesit e tjerë të partive opozitare, të propozojnë kandidatë në raundet e përcaktuara nga Kushtetuta.
Çdo alternativë që mundëson zgjedhjen e presidentit me votat e PS, apo konsensus politik të vërtetë, do të refuzohet me votë në Kuvend. Grupi Parlamentar i PD, siguron zbatimin e qëndrimit politik të PD, të përcaktuar në këtë rezulotë. Çdo qëndrim që bie ndesh me këtë rezolutë detyruese dhe tagrat përfaqësuese politike të rrjedhura nga vendimet e organeve përfaqësuese të PD, nuk përfaqësojnë PD-në në procesin e zgjedhjes së Presidentit”. syri.net
Hajdar Muneka, diplomat i njohur dhe me një përvojë shumë të gjatë, është ndarë në mbrëmjen e së enjtes nga jeta në moshën 68 vjeçare.
Prej kohësh ai vuante nga një sëmundje e rëndë, me të cilën luftoi deri në fund, por pa mundur ta fitojë këtë betejë .
Hajdar Muneka kontribuoi për vite me radhë në shërbimin tonë diplomatik dhe ishte një njohës shumë i mirë i çështjeve aziatike. Ai ishte ambasador i Republikës së Shqipërisë në Kinë dhe Maljazi, dhe Jo rezident ne Singapor, Korenë e Jugut Bangladesh, Japoni, Australi, Zelandën e re e të tjerë.
Nga profesioni i gazetarit në Radio Tirana, ai kaloi në Ministrinë e Punëve të Jashtme, duke i dhënë një kontribut të spikatur diplomacisë shqiptare.
Si botues i librit “Dritëhijet e një miqësie që çuditi botën” një ese me vlerë për historinë e marrëdhënieve midis Shqipërisë dhe Kinës, si dhe të një vepre tjetër nga kjo temë e cila pret që të botohet pas ndarjes së tij nga jeta, harmonizoi me mjaft mjeshtri aftësinë e gazetarit me atë të diplomatit.
Hajdar Muneka ishte edhe anëtar themelues i Këshillit të Ambasadorëve shqiptarë, ku kontribuoi me eksperiencën tij te gjatë të fushës së diplomacisë. syri.net
Lideri historik demokrat, Sali Berisha, u ndal disa herë edhe te procesi për zgjedhjen e presidentit të ri. Ai se quajti sërish një proces mafioz dhe të diskredituar.
Sipas tij, për të treguar sa i diskredituar është procesi, mjafton të shohësh propozimin nga propagandisti i Edi Ramës, Baton Haxhiu, që Linda Rama të bëhet presidente.
“Zhvillime të tjera ka pasur në procesin qesharak të zgjdhjes së presidentit. Ato kulmojnë deri aty, sa nëpërmjet Baton Stanishiçin, Edi Rama të propozojë për president edhe bashkëshorten e tij. A mund ta imagjinoni? A ka një zëdhënës më autentik të Edi Ramës se Baton Stanishiçi? Ai e njoftoi nëpërmjet tij. Arriti ta personalizojë në këtë shkallë një proces të rëndësishëm kushtetues, sa ta kthejë në procesin e një kuzhine familjare.
Ky është procesi më i diskredituar që mund të bëhet ndonjëherë. Këshilli Kombëtar është organi më i rëndësishëm i PD-së pas Kuvendit. Ai mblidhet sot për të përcaktuar qëndrimin e PD-së ndaj këtij procesi. Edi Rama do të haset me opozitën e vërtetë”.
Duke kujtuar raportimet për qeverisje të përbashkët mes Edi Ramës dhe Lulzim Bashës, dhe spekulimet se Enkelejd Alibeaj do merrte post ministri, Berisha tha se Alibeaj po sillet si anëtar kabineti.
“Ky debat po zhvillohet në nivel të grupit parlamentar pasi Edi Rama ka marrë peng Enkelejd Alibeajn. Ju kujtohet kur dolën fjalë për qeverisje të përbashkët? Ju kujtohen emrat e ministrave? Prandaj e trajton si peng Alibeajn.
Alibeaj është i shkarkuar dhe nuk ka asnjë tagër për të thirrur grupin parlamentar. Ai është tërësisht në funksion të Edi Ramës,” tha Berisha. syri.net
Lideri historik demokrat, Sali Berisha tha në konferencën për shtyp se ai ka plotësuar për të kandiduar për kreun e PD-së.
“Dua të denoncoj fushatën e paimagjinueshme, të financuar me miliona euro nga qeveria, mafia e Sorosit dhe jo vetëm ajo, kundër kandidimit të Sali Berishës. A mund ta imagjinoni ju? Njeriu ka shpallur publikisht se do të kandidojë dhe bëhen emisione a duhet të kandidojë apo jo? A nuk është kjo një antifushatë që shkel çdo parim demokratik?
Do të kandidoj dhe i kam plotësuar dokumentet. Do i dorëzoj dhe do t’ju drejtohem shqiptarëve në mënyrën më besimplotë se kandidoj si dëshmi e respektit, dashurisë, pasionit tim për të ndryshuar për mirë jetën e tyre. Nuk mundem të pajtohem unë kurrë me këtë situatë, ku shqiptarët lindin fëmijë për emigracion. Kësaj situate do i jap fund,” tha Berisha.
I pyetur se çfarë ndodh nëse nuk do ketë rivalë, Berisha tha: “Unë nuk jam Edi Rama që shpik rivalë. Ajo është antidemokratike. Kush të dojë, urdhëro. Nuk duan, atëherë mbetet referendumi dhe unë me datën 22 maj nëse zgjidhem, zgjidhem me një referendum të mbarë demokratëve. Nëse nuk zgjidhem, i nënshtrohem plotësisht verdiktit të tyre. Nuk ishte kjo kërkesa ime, por natyrisht një zgjidhje referendare më nderon shumë”. syri.net
Ish-kryeministri Sali Berisha ka lëshuar thirrje në drejtim të institucioneve ndërkombëtare pas vdekjeve në komisariate në vend. Në bashkëbisedimin e sotëm me gazetarët Berisha tha se duhet të marrin fund qëndrimet e qeveritarëve të cilët sipas tij nuk kanë asnjë ndjeshmëri për jetët njerëzore.
“I bëj thirrje Komisionit për të drejtat e njeriut të OKB, i bëj thirrje komitetit antitorturë të Këshillit të Europës me urgjencë dhe procedurë të përshpejtuar të ushtrojnë çdo kontroll të duhur mbi IEVP dhe organet e policisë në mënyrë që të marrin fund dramat e tmerrshme njerëzore në birucat e këtyre komisariateve. Të marrin fund qëndrimet e këtyre qeveritarëve të cilët në fakt nuk kanë asnjë ndjeshmëri për jetët njerëzore, vdekjet e të rinjve, asfiksime apo djegie për së gjalli si ndodhi në Kamëz. Por jemi në rrafshin e lirive dhe të drejtave njerëzore. De fakto ato po arrijnë nivele diktatoriale, po arrijnë nivelet e drejtësisë së Putinit. Dhe atje ka protesta, po ka rusë që ngrihen në protesta, burgjet mbushen, por prapë dalin në protesta”, deklaroi Berisha.
Ai u ndal më tej në konferencë te raporti i Reporterëve pa kufij për lirinë e medias. Berisha iu bëri apel gazetarëve të krijojnë sindikatat e tyre për të mos shkuar në një nivel me Korenë e Veriut apo Rusinë e Putinit.
“Lajmi që sollën Reporterët pa kufij për një rrokullisje dramatike me 20 vende për lirinë e mediave, për lirinë e hsprehjes së mendimit dhe fjalës është një lajm dramatik, i paprecedentë në historinë e këtij vendi. Një saç, një kupolë e mafies shtetërore dhe e biznesve të lidhura me të, po mbyt fjalën e lirë në Shqipëri. Po mbyt lirinë e mediave dhe të mendimit. Qëndrimi ndaj këtyre zhvillimeve është i papranueshëm.
Edhe lajmi dramatik që u dha për këtë zhvillim u përcoll në mënyrën më superficiale. Unë ju bëj thirrje të krijoni sindikatat tuaja, me qëllimin e vetëm që të mos ju dhunojë dhe mos ju cenojë kush në profesionin tuaj. Është mision për vendin, nuk e bëni vetëm për veten tuaj. Tirania duhet të kundërshtohet në çdo element të saj. Me tiraninë duhet bërë çdo betejë dhe secili duhet të bëjë detyrën e tij. Përndryshe sot jemi tek Angola dhe Zimbabve, vitin tjetër do shkojmë te Koreja e Veriut dhe Rusia e Putinit. Ndaj thirrja ime është të mbrojmë fjalën e lirë, të mbrojmë lirinë e mediave si një pasuri e paçmuar për qytetarët dhe për shoqërinë dhe vendin në tërësi. Këto ishin dy nga zhvillimet më dramatike të javës, më skandaloze”, tha Berisha. bw
Nënkryetari i grupit parlamentar të PD, Ervin Salianji ka kërkuar ndërprerjen e mbledhjes së thirrur nga Enkelejd Alibeaj.
Gazetari i Syri Tv, Ermal Rizai raporton se gjatë debateve, Salianji ka thënë se mbledhja është e pavlefshme pasi nuk ka kuorumin e nevojshëm.
Ai e ka quajtur takim mes deputetësh dhe jo mbledhje të grupit parlamentar.
Ervin Salianji: Nuk është mbledhje grupi se nuk ka kuorum, është takim mes deputetesh. Mbledhjen ta caktojme me kryesine e grupit dhe ta caktojme kur te jene te gjithë. Duhet ta shtyjmë mbledhjen dhe të mblidhemi kur të jenë të gjithë.
***
Mbledhja e grupit parlamentar e thirrur nga Alibeaj dështoi që në nisje, për shkak se ndodheshin vetëm 21 nga 52 deputetë. Një orë pasi kishte nisur mbledhja, mbërriti edhe deputetja Ilda Dhori, por sërish kuorumi nuk u arrit, prej të paktën 26 deputetësh. Enkelejd Alibeaj u shkarkua nga Kuvendi Kombëtar i 30 prillit.
Zbardhen emrat e anëtarëve të Këshillit Kombëtar të PD-së, të dalë nga Kuvendi i 30 prillit.
Listën e bëri publike Kryetarja e Komisionit të Operacioneve Elektorale, Albana Vokshi gjatë një deklarate për mediat të mbajtur nga selia blu.
Nesër është thirrur Këshilli Kombëtar në orën 18:00, ku priten të merren disa vendime të rëndësishme.
Anëtarët e Këshillit Kombëtar të PD:
1. ADMIR SINAMATI.
2. ADRIANA GJONAJ.
3. ADRIANA KALAJA.
4. AFROVITA DHIMOJANI.
5. AGRON GJEKMARKAJ.
6. AGRON KULIÇAJ.
7. AGRON SHEHAJ.
8. AGRON SURE LOKA
9. AIDA SHEHU.
10. AKIL KRAJA.
11. ALBANA VOKSHI.
12. ALBERT DOD MËLYSHI.
13. ALBINA DEDA.
14. ALDO BUMÇI.
15. ALEKSANDËR BIBERAJ.
16. ALFRED RUSHAJ.
17. ALTA AZIZI HALUCA.
18. ALTIN NIKOLLA KALLAPODHI.
19. ANDI DOLLAPI.
20. ANDI GANI BELIU.
21. ANDI MUSTAFAJ.
22. ANDIA ULLIRI.
23. ANDON FRROKAJ.
24. ANISA DERVISHAJ.
25. ANISA KADESHA.
26. ANKELITA ÇELA.
27. ANTON LEK PJETERNIKAJ.
28. ANXHELA MALKO.
29. APOLLON BAÇE.
30. ARBEN BEQIRI.
31. ARBEN IBRO.
32. ARBEN IMAMI.
33. ARBEN LLESH NDOI.
34. ARBEN MIZA.
35. ARBEN RISTANI.
36. ARBI AGALLIU.
37. ARBJOLA HALIMI.
38. ARDIAN MUKA.
39. ARDIAN TURKU.
40. ARJAN DEDEJ.
41. ARJAN KAPLLAN KASA.
42. ARJAN SHEFKI KARRIQI.
43. ARJAN XHAVIT HOXHA .
44. ARMEND MUSAJ.
45. ARNOLD KARIQI.
46. ARSEN KUJTIM VALISI.
47. ARSON KLEANTHI LIPE.
48. ARVIT BUSHATI.
49. ASTRIT MYSLIM KASA.
50. ATIRD NURI HOXHA.
51. AULON KALAJA.
52. AUREL BYLYKBASHI.
53. AVENIR PEKA.
54. AVNI RAM TOBLI.
55. BARBARA DODA.
56. BARDH SPAHIA.
57. BEDRI HOXHA.
58. BEHAR VELI XHAFERAJ.
59. BELIND KËLLIÇI.
60. BENARD GJON NDRECA.
61. BESART XHAFERRI.
62. BESIM MEXHIT KUKA.
63. BESNIK ALIAJ.
64. BESNIK XHAFER DUSHAJ.
65. BISLIM AHMETAJ.
66. BLEDI KASMI.
67. BLEDJON NALLBATI.
68. BLENDI FERDINAND HIMCI.
69. BUJAR KAPEXHIU.
70. BUJAR KARAFIL DHËMBO.
71. BUJAR LESKAJ.
72. BUJAR PASHO KAPLLANI.
73. BUJAR VUKAJ.
74. ÇLIRIM GJATA.
75. DAFINA MUDA.
76. DASHNOR SULA.
77. DASHO ALIKO.
78. DAVA MARKU.
79. DEMIR QAMIL HYSENI.
80. DENION SHENGJERGJI.
81. DENISA NAZMI VATA.
82. DEVIS XHEZAR OSMANI.
83. DHURATA TYLI (ÇUPI).
84. DOREL MEMOÇI.
85. DORIAN TELITI.
86. DRITAN BURGIA.
87. DRITAN FLAMUR CANI.
88. EDI PALOKA.
89. EDITH HARXHI.
90. EDMOND SPAHO.
91. EDUARD GANI REXHA.
92. EDUARD SHARKA.
93. ELDA HOTI.
94. ELEINA QIRICI.
95. ELEZ ISUF MACI.
96. ELGI HYKA.
97. ELIONA GREMI.
98. ELIOR VILA.
99. ELISABETA SKRAPARI.
100. ELIZABETA RREDHI.
101. ELTON BANO.
102. ELVIS JANI HAJDERLLI.
103. ELVIS MALASI.
104. EMELS BEKTASH XHAXHAJ.
105. EMILJA KOLIQI.
106. ENDIRE BUSHATI.
107. ENKELEJD ALIBEAJ.
108. ENKELEJDA SALLAKU.
109. ENNO BOZDO.
110. ENSA BASHA.
111. ERALDA BANO (TASE).
112. ERIS SHAHIN SHEHAJ.
113. ERVIN MINAROLLI.
114. ERVIN SALIANJI.
115. ESMERALDA METKO.
116. ETION KAPEDANI.
117. FATBARDH KADILLI.
118. FATBARDHA KADIU.
119. FATION VEIZAJ.
120. FATJON BATHORJA.
121. FATMIR GANI MYRTA.
122. FATOS JAHO HOXHA.
123. FERDINANT XHAFERAJ.
124. FERIDE RRAHMANAJ.
125. FETAH XHEMAL HASANAJ.
126. FIORALBA DIZDARI.
127. FIQIRI ISMAILI.
128. FLAMUR HOXHA.
129. FLAMUR NOKA.
130. FLORIANA GARO.
131. FLORIN KURMEKAJ.
132. FLORIND XHEVDET MANSAKU.
133. FLORION MIMA.
134. FLUTURA AÇKA.
135. GAZMEND AHMET SALLAKU.
136. GAZMEND DIBRA.
137. GAZMENT BARDHI.
138. GAZMIR SPAHIA.
139. GENC DEROMEMAJ.
140. GENC POLLO.
141. GENT STRAZIMIRI.
142. GENTI SHAQIR CELA.
143. GENTIAN MISHOVA.
144. GËZIM HASAN DEMUSHI.
145. GJENARIN NDOC KAPARI.
146. GJERGJ MERO.
147. GJERGJ PAL OROSHI.
148. GJOK VUKSANI.
149. GLAUK OLLDASHI.
150. GRETA BARDELI.
151. GRIDA DUMA.
152. GRIGELS MUÇOLLARI.
153. HAJREDIN LAKE BAKIASI.
154. HELIDON BUSHATI.
155. HIL NDUE KOLA.
156. HYSEN QAZIM KADIU.
157. IBRAHIM MORINA.
158. IGLI LATIF CARA.
159. ILDA DHORI.
160. ILIR ALIMEHMETI.
161. ILIR FAIS KROSI.
162. ILIR SABRI KASA.
163. ILIRJAN RAMADAN ALLIU .
164. ILIRJANA KUÇANA.
165. IMANUEL ÇAUSHAJ.
166. IMELDA KRAJA.
167. INA ZHUPA.
168. INDRIT HOXHA.
169. IRENA SHESTANI.
170. IRMA PROFI MARKU.
171. ISUF ÇELAJ.
172. IVI KASO.
173. JAMARBER MALLTEZI.
174. JOLA HYSAJ.
175. JORIDA TABAKU.
176. JULIAN DEDA.
177. KASËM MAHMUTAJ.
178. KASTRIOT PIROLI.
179. KELTIS KRUJA.
180. KLARA BICI.
181. KLAUS SHAQIRI.
182. KLEVIS BALLIU.
183. KLODIAN LATA.
184. KLODIAN MUÇO.
185. KLODIANA ÇAPJA.
186. KODHEL TEFIK CALA.
187. KRESHNIK ÇOLLAKU.
188. LAURA VORPSI.
189. LEDIANA FRATARI.
190. LEDINA ALOLLI.
191. LEDINA MANDIA.
192. LEDIO NURAJ.
193. LEFTER GËSHTENJA.
194. LEONARD JOSIF RAKIPAJ .
195. LINDITA METALIAJ.
196. LISANDER HOXHA.
197. LORENC LUKA.
198. LORIN HOXHA.
199. LUAN BAÇI.
200. LUÇIANO BOÇI.
201. LULZIM BASHA.
202. MAL BERISHA.
203. MALBOR DUKA.
204. MALO HYDAI SADIKAJ.
205. MANJOLA KASTRIOT NIKOLLO.
206. MARIGLEND DOÇI.
207. MARJANA BRUNGA.
208. MATILDA QYRKU.
209. MEGI BALLIU.
210. MERIGLEN KURTBALAJ.
211. MERITA BAKIU.
212. MIMOZA HAJDARMATAJ.
213. MIMOZA REXHVELAJ.
214. MINUSHE LAZAJ.
215. MIRELA TABAKU.
216. MUSTAFA ZYLYF PASHJA.
217. MYQEREM TAFAJ.
218. MYSLIM ISUF HAXHI.
219. MYSLYM MURRIZI.
220. NADIRE AQIF ASLLANI.
221. NADIRE MEÇORAPAJ.
222. NAZLIE LAÇI.
223. NEVJON XHEVDET KODRASI.
224. NIKOLIN ÇALI.
225. OERD BYLYKBASHI.
226. ONELDA GJIN ZEFI .
227. ORJOLA Pampuri.
228. OSMAN MULA.
229. OSMAN STAFA.
230. PARID TEFERIÇI.
231. PËLLUMB IBRAHIM BRUSHA.
232. PREL GJONI.
233. QEMAL ÇEJKU.
234. QEMAL HOXHA.
235. RAJMONDA BULKU.
236. RAMADAN LIKAJ.
237. RENIS GJOKA.
238. RESMI BILBIL SHANAJ .
239. REZART TUSHA.
240. ROBERT BUDINA.
241. ROLAND KETA.
242. RRAPI RAKO GJIKA.
243. RUBENS SHIMA.
244. RUDINA HAJDARI.
245. SAIMIR KORRESHI.
246. SAIMIR MULGECI.
247. SALI BERISHA.
248. SARA BODO.
249. SELADIN JAKUPLLARI.
250. SEVALGON BERISHA.
251. SHAQIR MANJANI.
252. SHEFEREDIN SHEHU.
253. SHEZAIM RAMADAN YMERAJ.
254. SHKËLQIM HOXHA.
255. SHYQYRI HAJRULLA DURO.
256. SORINA KOTI.
257. SPIRO VASO.
258. SUZANA GUXHOLLI.
259. TOMOR ALIZOTI.
260. TRITAN SHEHU.
261. VALDETE VORPSI.
262. VIKTOR AVNI DURO.
263. VOLTANA ADEMI.
264. XHELAL MZIU.
265. XHERALDO DASHI.
266. XHEVAIR SALI BILJA.
267. XHULJAN GUÇE.
268. YLLI ASLLANI.
269. ZEF HILA.
270. ZHENI GJERGJI.
271. ZYRAFETE KULLA.
272. JOZEFINA TOPALLI.
273. BUJAR NISHANI.
274. EDUARD SELAMI.
Agjencia e Mbikqyrjes Policore ka bërë publike detaje nga hetimi për ngjarjen e mbrëmshme në komisaritain e policisë në Kavajë ku humbi jetën 31-vjeçari Ilvi Meta.
Në përfundim të hetimeve paraprake, Agjencia e Mbikëqyrjes Policore (Drejtoria Rajonale e AMP-së Durrës-Kavajë) ka arrestuar në flagrancë 3 punonjës policie, të dyshuar për kryerjen e veprës penale “Shpërdorim i detyrës”, parashikuar nga neni 248 i Kodit Penal e konkretisht:
1. Nënkomisar Petrit Brahimaj, me detyrë Specialist i sallës së komandimit, në Komisariatin e Policisë Kavajë;
2. Inspektor Bexhet Berberi, me detyrë trupë shërbimi, patrullë e përgjithshme në Komisariatin e Policisë Kavajë;
3. Inspektor Rushit Kola, me detyrë trupë shërbimi në dhomat e sigurisë pranë Komisariatit të Policisë Kavajë.
Njoftimi i plotë
Kavajë – Në vijim të komunikimit për ngjarjen e ndodhur me datën 04.05.2022 në Komisariatin e Policisë Kavajë, ku është gjetur i vdekur shtetasi I.M., Drejtoria Rajonale e AMP Durrës-Kavajë ka përfunduar hetimet paraprake nga ku ka rezultuar si vijon:
Më datë 04.05.2022, rreth orës 19:00, në dhomat e sigurisë/ndalimit/arrestimit, në Komisariatin e Policisë Kavajë, shtetasi i arrestuar I.M., 31 vjeç, ka kryer vetëvrasje duke përdorur lidhësen e kapuçit të bluzës që mbante veshur, duke gjetur më pas dhe vdekjen.
Nga ana e ekspertëve mjeko-ligjorë është bërë këqyrja e viktimës nga ku ka rezultuar se në trupin e tij nuk janë konstatuar shenja dhune.
Nga hetimet paraprake ka rezultuar se punonjësit që kanë pasur për detyrë mbikëqyrjen dhe mbajtjen në kontroll të shtetasit I. M. gjatë kohës që ai ka qenë i shoqëruar/ndaluar në ambientet e Komisariatit të Policisë Kavajë, nuk kanë përmbushur detyrimet që rrjedhin nga Ligji 108/2014 “Për Policinë e Shtetit” dhe Procedura Standarde “Trajtimi dhe sigurimi i personave të arrestuar/ndaluar në ambientet e Policisë së Shtetit, evidentimi dhe zgjidhja e kërkesë/ankesave të tyre” miratuar me Urdhër nr.925, datë 19.07.2019 të DPPSH.
Pas marrjes dhe vlerësimit të provave në kuadër të këtij hetimi dyshohet se këta punonjës me veprimet dhe mosveprimet e tyre kanë shpërdoruar detyrën, duke mos marre masa për parandalimin e ngjarjes.
Në përfundim të hetimeve paraprake, Agjencia e Mbikëqyrjes Policore (Drejtoria Rajonale e AMP-së Durrës-Kavajë) ka arrestuar në flagrancë 3 punonjës policie, të dyshuar për kryerjen e veprës penale “Shpërdorim i detyrës”, parashikuar nga neni 248 i Kodit Penal e konkretisht:
1. Nënkomisar P. B., me detyrë Specialist i sallës së komandimit, në Komisariatin e Policisë Kavajë;
2. Inspektor B. B., me detyrë trupë shërbimi, patrullë e përgjithshme në Komisariatin e Policisë Kavajë;
3. Inspektor R. K., me detyrë trupë shërbimi në dhomat e sigurisë pranë Komisariatit të Policisë Kavajë.
Materialet procedurale i kanë kaluar Prokurorisë së Kavajës për hetime të mëtejshme.
Agjencia e Mbikëqyrjes Policore (AMP) mbetet e përkushtuar në misionin e saj për garantimin e zbatimit të ligjit dhe fton qytetarët të denoncojnë çdo rast të abuzimit apo shkeljes së ligjit nga ana e punonjësve të Policisë së Shtetit, duke telefonuar në numrin pa pagesë 0800 90 90.
3 punonjës të policisë së Kavajës janë vënë në pranga pas ngjarjes se rëndë të ndodhur ne ambientet e paraburgimit, ku 31-vjeçari Ilvi Meta dyshohet se i dha fund jetës duke u vetëvarur.
Mësohet se të arestuarit janë:
– Bexhet Berberi, me detyrë inspektor
– Rushit Kola, me detyrë inspektor
– Petrit Brahimaj, me detyrë nën komisar
Te njëjtat burime shpjegojnë se Berberi dhe Kola kanë qenë policë roje tek dhoma e paraburgimit.
Ilvi Meta i cili ishte ndaluar ditën e mërkurë rreth orës 12:00 i ka dhënë fund jetës brenda qelisë duke u vetëvarur, vetëm 6 orë pas shoqërimit nga ana e policisë.
I riu u ndalua me akuzën për vjedhje, akuzë për të cilën ishte dënuar edhe më parë.
Ndalimi i të riut ditën e mërkurë ishte bërë pasi akuzohej për një vjedhje të ndodhur në datën 2 prill në një banesë në Kavajë, për një makinë qepëse dhe prerëse pllakash.
Ndërkohë menjëherë pas kësaj ngjarjeje të rëndë është ngritur një grup hetimor, si dhe kanë shkuar me urgjencë në Komisariatin e Kavajës Drejtori i Policisë së Qarkut të Tiranës, Lorenc Panganika, dhe disa oficerë të SHÇBA-së.
Lidhur me këtë ngjarje të rëndë ka reaguar edhe babai i viktimës Ilvi Meta, Agim Meta, i cili hedh akuza ndaj policisë, ndërsa ka deklaruar se djali i tij u akuzua për vjedhjen e një dere alumini.
Një ngjarje e rëndë ka ndodhur dje pasdite në komisariatin e Kavajës ku i riu Ilvi Meta 31 vjeç sipas policisë vrau veten në qelinë e paraburgimit duke u vetëvarur.
Babai i viktimës në një lidhje telefonike për Syri Tv tha se trupi i të birit ndodhet në spitalin e Durrësit ku do t’i nënshtrohet ekspertizës mjeko-ligjore ndërsa ka bërë dhe akuza të forta ndaj autoriteteve duke i akuzuar për vrasjen e djalit brenda komisariatit.
“Nuk më kanë lënë të shkoj atje, përveç çunit të xhajës tim. Vetëm atë kanë lënë. Kisha informacion që u shoqëruar pasi ishte i dehur. Jam shumë i tronditur për të treguar të gjithë ngjarjen.”-tha babai i 31-vjeçarit.
Ndërsa një i afërm i viktimës (djali i xhaxhait) thotë se kushëriri i tij i cili tashmë ka ndërruar jetë, më herët është shoqëruar dhe detyruar të firmosë në komisariat për të pranuar autorësitë e ngjarjeve që nuk i ka kryer.
“Ilvi nuk e ka vrarë veten. Jemi të tronditur për ngjarjen. Tronditja e dytë pasi nuk na njoftuan. Se kush e ka bërë këtë vrasje, nuk e dimë.
Nuk e quajmë vetëvrasje, por vrasje brenda ambientit të komisariatit. Ilvi nuk ka vrarë veten. Ishte djalë i fortë, i qeshur, plot jetë. Ka pasur plane për jetën.
E kanë shoqëruar dhe më parë, por sipas të atit që është xhaxhai im, atij i është kërkuar që të firmosë të marrë përsipër ngjarje që nuk i ka kryer.
Dyshojmë se e njëjta gjë ka ndodhur dhe në këtë rast. Ai nuk e ka vrarë veten.”-tha i afërmi i të riut.
Sali Berisha duket se do të garojë i vetëm për kreun e Partisë Demokratike, në zgjedhjet që po organizohen nga Komisioni i Rithemelimit, që do të mbahen në datën 22 Maj.
Deri tani asnjë kandidat nuk ka shpallur kandidaturën përballë tij, dhe i vetmi që kishte shprehur interesin, Edvin Kulluri ka vendosur të tërhiqet.
Ai shprehet se nuk mund të bëhet pjesë e një farse të tillë, dhe nuk mund të jetë një rival kukull përballë Berishës.
Postimi i Kullurit:
Te dashur miq! Dje u njoha me vendimin e nje Komisioni Zgjedhor te vete emeruar pa vendim te Keshillit Kombetar si organ i zgjedhur, qe shpalli procedurat per zgjedhjet per Kryetar te PDSH!
Meqenese para disa muajsh shpalla vullnetin per te kandiduar per Kryetar te PDSH, konstatoj se: 1) Komisioni Zgjedhor eshte anti-statutor; 2) afati per “primare” prej 2 javesh eshte i njejti me afatin e vendosur nga Lul Brava qershorin e kaluar, duke mos u lene kohe kandidateve per te bere fushate; 3) ne kete Komision ka anetare te njejte nga ata qe vodhen vota per Lul Braven duke e bere kete proces po aq te pabesueshem;
4) nuk ka serish asnje transparence per listat e anetaresi se PDSH; 5) kandidatet nuk jane pyetur per perberjen e Komisionit, sipas parimit te shokut Stalin “populli voton, votat i numerojme ne”; 6) zgjedhjet po mbahen nderkohe qe PD eshte e percare me keq se 1 vit me pare!
E vetmja gje qe ndryshon nga zgjedhjet e vjedhura ne 13 qershor me keto te 22 majit eshte se po kalojme nga “Lul Brava” tek “Doktor Dryni”! Fatkeqesisht PD dhe demokratet po tallen dhe neperkemben po njesoj prej te pakten 5 vitesh duke i privuar nga debati i lire, vota e lire dhe perfaqesimi!
Propaganda e 11 dhjetorit per “primare” e “sovranitet” vote rezultoi vecse propagande duke zhgenjyer per te disaten here demokratet e ndershem dhe opinionin publik! Per keto arsye, vendosa te mos behem pjese e kesaj farse te shemtuar zgjedhore duke u terhequr nga kandidimi per Kryetar te PDSH me keqardhjen e dikujt qe lufton prej 5 vitesh per demokratizim real te PDSH dhe jo uzurpim te karriges se Kryetarit dhe strukturave lokale dhe qendrore!
Me shpresen se Grupi Parlamentar i PDSH si i vetmi organ legjitim do te beje perpjekjet maksimale per te nxjerre partine nga kriza me e rende ne 32 vite histori, mbetem me shpresen se ka ende nje te ardhme per opoziten!
I uroj Komisionit Zgjedhor dhe Kryetarit te vete-emeruar “suksese ne jete” dhe demokrateve durim dhe besim tek rivendosja e demokracise ne Partine Demokratike!
Me respekt, Edvin Kulluri!
Ish-komandantin e KFOR-it në Kosovë, Erhard Buhler, i cili është edhe president i Asocacionit Gjerman Kosovar në Gjermani, ka vizituar ish-kryeministrin shqiptar Sali Berisha. Ky i fundit e lavdëroi atë si mik të shquar të shqiptarëve dhe tregoi se e ka falënderuar punën e tij për paqen në Kosovë.
“Dje pata një takim me një mik të shquar të shqiptarëve, Gjeneralin me katër yje, Erhard Buhler, ish-komandant i KFOR-it në Kosovë dhe ish-komandant i lartë në zona të rëndësishme të NATO-s dhe President i Asosacionit Gjerman-Kosovar në Gjermani. Në këtë takim unë e falënderova me mirënjohje Gjeneralin Buhler për ndihmesën e tij të çmuar për paqen, stabilitetin në Kosovë dhe rajon si dhe interesin e tij të rëndësishëm në organizimin e shqiptarëve në Asocacionin Gjerman Kosovar ne Gjermani dhe udhëheqjen e këtij asocacioni në vendin e tij”, ka shkruar Berisha.
Ai tha se shqiptaret sot janë komuniteti i dytë i huaj më i madh në Gjermani dhe tha se pjesëmarrja e tyre në nivel lokal dhe atë federal është e rëndësishme.
“Shqiptarët sot janë komuniteti i dytë i huaj më i madh në Gjermani organizimi i tyre në nivel lokal, por doemos edhe federal, është i domosdoshëm dhe me interes shumë të madh si për komunitetin shqiptar dhe të drejtat e tij në Gjermani që iu takojnë në përputhje me ligjet gjermane dhe ato të BE-së, por edhe për lobimin e tyre të fuqishëm në ndihmë të Shqipërisë dhe Kosovës pranë Bundestagut, Kancelarisë dhe institucioneve tjera federale dhe bizneseve të Gjermanisë”.
Berisha njoftoi se në këtë takim diskutuan për gjendjen dhe zhvillimet në Shqipëri dhe rajon./Gazeta Express/
Ish-kryeministri Sali Berisha komentoi në një konferecë për shtyp mungesën e një numri deputetësh të PD në Kuvendin Kombëtar. Berisha tha se vendi i tyre është në Partinë Demokratike dhe ata janë deputetë të kësaj partie.
“Nuk mundet kurrë që një deputet, dy deputetë, por dhe askush të mund të mbajë peng me platforma të marra në zyrat e qeverisë një forcë politike qeveritare.
Deputetët, për ata të cilët duan të analizojnë në mënyrë objektive, në parlament dhe në shumicë janë përfaqësues të shumicës, shumicës së popullit opozitar që i ka votuar.
Në këtë popull opozitar janë edhe shumica e anëtarësisë së PD në atë zonë. Vendi i tyre është me shumicën dhe vetëm me shumicën.”-deklaroi Berisha.
Më tej lideri i PD shtoi se për çdo demokrat dhe çdo kundërshtar, 6 marsi ka meritën e përcaktimit të shumicës.
“Jo në një sondazh, por dal vivo në shoqërinë shqiptare. Deputetët e PD do i bashkohen shumicës. Nuk mund të them se çdonjëri prej tyre, por në tërësi shpreh bindjen se pas Kuvendit të 30 prillit, edhe shumuca dërrmuese e tyre do i bashkohen PD-së.”-tha Berisha.
syri.net
Lideri i Partisë Demokratike Sali Berisha tha në një konferencë për shtyp se të gjitha votat për anëtarët e Këshillit Kombëtar janë numëruar në mënyrë transparente para kamerave.
Lideri i PD theksoi se të gjithë kandidatët e Këshillit Kombëtar mund të kërkojnë rinumërimin e votave.
“Live, përveç arkivës digjitale të votës ekzistojnë edhe fletët e votimit që çdonjëri që dëshiron do ketë të drejtë t’i kontrollojë e rinumërojë.”-tha Berisha. syri.net
Kryeministri Edi Rama reagoi me një postim në median sociale në lidhje me raportin e organizatës Gazetarët pa Kufij, ku Shqipëria ka shënuar një rënie pikiatë.
Duke vlerësuar si tepër serioze gjenden e situatës ekonomike dhe politike të medias në Shqipëri, organizata ndërkombëtare Gazetarët pa Kufij renditi Shqipërinë në vend të 103 në botë sa i përket lirisë së medias, një përkeqësim me 20 vende në krahasim me vitin paraardhës.
Ashtu siç ka ndodhur edhe me raportet e tjera që tregojnë rënien e demokracisë në vend, Rama tha se këto janë gënjeshtra.
“E di që edhe ky opinion i imi do klasifikohet si sulm, presion, agresion kundër mediave, por e kam të pamundur të hesht kur shoh se si tallen disa me lirinë e fjalës dhe se si liria e shtypit bëhet liri e shtypjes, duke shkelur mbi faktet, njerëzit dhe vendin,në emër të saj!
Gazetarët viktima të dhunës policore në Shqipëri? Çfarë gënjeshtre! Gazetarët kritikë ndaj qeverisë përballen me sulme politike? Çfarë fantazie! Vetërregullim etik në median shqiptare? Çfarë talljeje! Vetëm titulli mungon: Ankesa për mungesën e lirisë ngaqë s’dimë ç’të bëjmë me lirinë!
Në Shqipëri s’ka as media të intimiduar, as gazetarë të penguar në lirinë e tyre. Madje në Shqipëri ka gjithnjë e më shumë viktima të shpifjeve,gënjeshtrave e lajmeve të rreme! Flitet për gjyqe me gazetarë, kur në fakt s’ka! Flitet për ligjin antishpifje kur në fakt s’ekziston!” shkruan Rama.
Ashtu siç edhe e njoftuam më herët, mes protestuesve sot në Rinas, është dhe deputetja e PD-së për Krujën, Andia Ulliri.
Kjo e fundit është përfshirë edhe në tensionet e banorëve me policinë, ku pati edhe konfrontime mes palëve. Deputetja e re në moshë iu bëri thirrje policisë që të respektojë banorët dhe mos t’i prekë me dorë.
Për më tepër shihni pamjet e siguruara për BalkanWeb nga gazetari Osman Stafa.
Pamjet që shihni tregojnë një nga momentet kur banorët e fshatit Rinas u përplasën me policinë, pasi kjo e fundit kërkoi që të lironin rrugën.
Në pamjet e siguruara nga gazetari Osman Stafa, shihet se banorët shtyhen me efektivët e policisë, ndërsa është dashur ndërhyrja e Forcave të Ndërhyrjes së Shpejtë, për të krijuar dhe një kordon.
Gazetari Stafa tha se uniformat blu kanë shoqëruar në polici një djalë të ri në komisariat. bw
Tensione në protestën e Rinasit. Pasi policia ka kërkuar që banorët të hapin rrugën, këta të fundit janë përplasur me efektivët. Ndërkohë, nuk kanë munguar as konfrontimet fizike, ndaj është dashur ndërhyrja e FNSH-së, e cila ka krijuar dhe një kordon.
Ndërkohë, kryeplaku i fshatit iu bëri thirrje banorëve të zonës që të lirojnë rrugën, pasi kishte marrë garancinë e autoriteteve për gjetjen e një zgjidhje.
Tubimi vjen pas vendimit të qeverisë për të devijuar lëvizjen drejt Aeroportit të Rinasit, duke e kthyer me një sens lëvizje, me drejtim nga Qafë Kashari-Rrethrrotullimi i “Nënë Terezës”-Ahmetaq.
Banorët e zonës kanë bllokuar në shenjë proteste rrugën, duke u ulur në asfalt. Ata kërkojnë njëzëri që rruga të kthehet me dy sense lëvizje.
Një prej banorëve të këtij fshati tha se për të marrë një bukë në dyqan, i duhet të bëjë 25 km rrugë, ndërsa theksoi se kjo gjë bëhet edhe për të çuar fëmijët në shkollë.
“Për të dalë për të blerë një bukë, duhet të bëj 25 km. Duhet të iki në Fushë-Krujë, i bie se skam nga dal. Të vijë ambulanca, s’ka ku futet. Garancisë, pa ardhur një nga ata që do na sqarojnë. Nuk kam zgjidhje, jam në burg me ajrim. S’kemi si e bëjmë ndryshe. Fëmijët nuk kanë nga ikin për në shkollë. Jemi një nga fshatrat më të rregullt, s’kemi pasur probleme as në 97-ën. S’kemi as ujë as drita. Sa të bjerë një pikë shi, ikin dritat, jemi të penalizuar. Jemi 690 votues, plus fëmijë. S’po kërkojmë asgjë tjetër, kërkojmë vetëm lëvizje brenda fshatit.”, tha protestuesi.
(BalkanWeb)
Deputetja e opozitës, Andia Ulliri i është bashkuar sot protestës së banorëve në Rinas, të cilët kundërshtojnë vendimin e ARRSH-së për të devijuar lëvizjen drejt Aeroportit të Rinasit, duke e kthyer me një sens lëvizje, me drejtim nga Qafë Kashari-Rrethrrotullimi i “Nënë Terezës”-Ahmetaq.
Në një prononcim për gazetarin e ‘News24’ Osman Stafa, deputetja tha se iu bashkua protestës edhe si banore e zonës, duke shtuar se opozita ka ndërmarrë disa nisma ligjore për këtë çështje.
“Sot kam vendosur t’i bashkohem thirrjes së qytetarëve. Ata kërkojnë të drejtën e tyre. Në 1 maj është marrë vendimi. Nuk është dhënë një rrugë alternative. Ata kanë vendosur që të bllokojnë rrugën pasi duhet të përshkojnë rrugë më të gjata. Sot kanë vendosur të mblidhen këtu për të drejtat e tyre.
Jam bashkuar në protestë si banore e zonës, si deputete e opozitës. S’mund të kemi një vendim të njëanshëm. Ne kemi ndërmarrë disa nisma ligjore, do e çojmë këtë betejë deri në fund. Kemi kërkuar informacione në ministrinë e Infrastrukturës. Kam bërë thirrje që të sillen grupe pune që të mos kenë prioritet vetëm aeroportin, por edhe banorët. Duam që të kjo betejë t’u adresohet institucioneve përkatëse. Deri më sot s’kemi parë asnjë vendim, asnjë shkresë që të thotë se ky vendim do të rishikohet.”, tha deputetja. bw
Ish-kryeministri Sali Berisha mbetet kandidati kryesor për kreun e PD, por përballë tij priten edhe emra të tjerë. Po cilët janë emrat e mundshëm?
Duket se këtë kuriozitet e ka shuar disi, deputeti i Partisë Demokratike, Edmond Spaho, i cili bën pjesë në Komisionin e Rithemelimit.
Teksa ka qenë i ftuar në Ora News, Spaho rrëfeu se ka dëgjuar se pjesë e garës do të bëhen edhe Fatbardh Kadilli me Edvin Kullurin.
Ish-nënkryetari i selisë blu u shpreh: “Kam dëgjuar për Fatbardh Kadillin, Erdin Kullurin”.
Të dy emrat e përfolur janë të njohur në PD, si kritikë të deklaruar hapur të ish-kryetarit Lulzim Basha. Lapsi
“30 prilli ishte një Kuvend i suksesshëm për PD.” Kështu u shpreh ish-ministri i Jashtëm Besnik Mustafaj në një intervistë në Abc teksa foli për zhvillimet e fundit në Partinë Demokratike.
“Kuvendi i 30 prillit ishte Kuvend i suksesshëm. U rikthyen të përjashtuarit pa kushte. Objektivi i kuvendit të 11 dhjetorit u realizua. S’i vuri kushte as Hajdarit dhe as Murrizit që e dëmtuan luftën e PD duke votuar disa ligje të qeverisë ndesh me opozitën. Berisha dhe Komisioni i Rithemelimit dhe pastaj Kuvendi i 30 prillit i pranuan këto njerëz dhe personalitete pa kushte”.-deklaroi Mustafaj.
Rikthimin e “xhaketave të vjetra” në PD, Mustafaj e shikon pozitivisht.
“U rikthyen pak, duhet të ishin rikthyer më shumë mendoj unë. Sot opozita është në një moment delikat. Qoftë në përballje me qeverinë apo dhe në përpjekje për bashkimin e saj.
Balanca që u caktua që 50% të vijnë nga forumi rinor dhe nga lidhja demokratike e gruas. Mund të kishte më shumë të vjetër për përvojë. Mua më duket një qëllim i mirë që u arrit pjesërisht”.-deklaroi Mustafaj.
Sipas ish-ministrit Besnik Mustafaj nga ky Kuvend ish-kryeministri Sali Berisha ka dalë më i fortë.
“Berisha ka dalë më i fortë. Ai tha vetë se bashkimi është bashkimi i demokratëve. Pas këtij Kuvendi PD do të ketë strukturat e saj drejtuese. Berisha doli më i fituar sepse e para u konfirmua bashkë me procesin e regjistrimit të anëtarësisë së PD dhe u konfirmua se është një shumicë e anëtarëve e përfshirë në Komisionin e Rithemelimit.
Doli më i fortë se PD nga e shthurur në struktura organizative ka disa struktura deri në këshillin kombëtar, i cili do zgjedhë dhe nënkryetarët e partive. Kemi një grup ku është anëtarësia dhe një tjetër ku janë dhe 30 deputetë.
PD e përbën baza. Dhe këta deputetë duhet të kujtojnë se janë ata që duhet të shkojnë te baza. Berisha dhe grupi që po organizon zgjedhjet për kryetarin e ri të PD. Deputetët duhet të shkojnë njëri pas tjetrit ose të themelojnë një parti të tyre”.-tha Mustafaj.
I pyetur se nëse Gjykata e Apelit i jep të drejtë ankimit të Enkelejd Alibeajt dhe jo Rithemelimit për drejtimin e partisë, Mustafaj tha se Rithemelimi s’ka ndërmend që ta dorëzojë selinë blu.
“Rithemelimi nuk del më nga selia ne PD. S’ka asnjë shans të tillë. Kauza që ata përfaqësojnë nuk është çështje vule e firme. Juristët më kanë thënë se është non-sens juridik apelimi i Alibeajt. PD nuk ka palë tjetër, ka paraqit kërkesën, është njohur dhe miratuar. Berisha dhe bashkëpunëtorët e tij janë e sotmja e PD”.-përfundoi Mustafaj. syri.net
Një kompani e huaj, do të marrë në dorë të gjitha të dhënat personale të shqiptarëve.
Pas miratimit të ligjit special për sigurinë kibernetike në fillim të prillit, qeveria ka zbardhur e publikuar në Fletoren Zyrtare edhe kontratën me kompaninë ‘Jones Group International’.
Shoqëria amerikane e specializuar në fushën e mbrojtjes kibernetike që do të ketë akses thuajse në të gjitha sistemet digjitale të vendit do të bëjë një vlerësim të sistemeve të sigurisë, do hartojë një planveprim për çdo institucion dhe do të mbikëqyrë në krijimin, zhvillimin, zbatimin dhe funksionimin e Qendrës Shqiptare të Operacioneve të Sigurisë Kibernetike.
E gjithë procedura e negocimit të kontratës do të menaxhohet nga Agjencia Kombëtare e Shoqërisë së Informacionit, bashkë me një komision të posaçëm prej shtatë përfaqësuesve të Ministrive të Infrastrukturës, Mbrojtjes, Rendit, Financave, Avokaturës së Shtetit, Autoritetit për sigurinë Kibernetike dhe Drejtoria e Sigurimit te Informacionit te Klasifikuar.
Lidhja e kontratës me Jones Grup u paralajmërua nga kryeministri Rama, fill pas rrjedhjes masive të të dhënave personale në fundin e vitit të shkuar. syri.net
Rama-Basha-Veliaj duhet të shpallen Non-Grata nga SHBA, dhe jo Sali Berisha që po ndjek një linjë properëndimore. Kështu u shpreh këshilltari i CDU-së, gjermane gjatë një intervistë për SYRI TV, teksa theksoi se Berisha është i mirëpritur në qershor në Berlin dhe Evropë.
Ai i cilësoi të paprecedenta ndërhyrjet e ambasadores amerikane në situatën brenda PD, duke shtuar se qëndrimet e Kim duken personale kundër Berishës. Henze komentoi edhe nismën ‘Open Balkan’, pas së cilës tha se fshihet Vladimir Putin.
Nga Marsi Çerma-SYRI TV
Zhvillimet në PD, kanë marrë vëmendjen edhe të ndërkombëtare, veçanërisht të Gjermanisë. Këshilltari ekonomik i CDU-së gjermane, gjatë një interviste për SYRI TV, tha se vendimi i Gjykatës së Tiranës për të legjitimuar drejtimin e selisë blu nga Komisioni i Rithemelimit, ishte një shenjë që drejtësia funksionoi. Ai e cilëson të padrejtë apelimin që përfaqësuesi i Bashës, Enkelejd Alibeaj i bëri këtij vendimi.
Teksa u ndal tek shpallja non-grata e ish-kryeministrit Sali Berisha nga DASH, Henze tha se për këtë vendim Uashingtoni nuk ka prova, dhe se në Shqipëri ‘non grata’ duhet të ishte Edi Rama Lulzim Basha dhe Erion Veliaj. Henze theksoi se Berisha është i mirëpritur në Gjermani dhe Evropë.
Të precendenta i cilësoi Martin Henze, qëndrimet e ambasadës së SHBA në Tiranë, lidhur me situatën brenda PD. Sipas tij një ambasadore nuk mund të ndërhyjë në çështjet e brendshme të vendit, siç po bën haptaz Yuri Kim.
Ndërsa sa i takon procesit ‘Open Balkan’, Henze tha se pas tij fshihet dora e zgjatur e Vladimir Putin. Ai shtoi se kjo nismë nuk ka asnjë lidhje me procesin e Berlinit,i cili jo vetëm që nuk ka ngecur, por është aktiv.
Ndërsa sa i takon çeljes së negociatave dhe ndarjes së Shqipërisë nga Maqedonia e Veriut, kërkesë kjo e artikuluar nga Edi Rama së fundmi, Henze tha se me shumë ngjasë Maqedonisë do i çelet drita e gjelbër para Shqipërisë, pasi është më e mirëpritur në Union.
Lideri historik i PD, Sali Berisha ka bërë një mesazh falenderimi për delegatët që morën pjesë në punimet e Kuvendit Kombëtar, ku u miratuan ndryshimet statutore si dhe u zgjodhën 150 anëtarët e rinj të Këshillit Kombëtar, nga një listë prej 430 kandidatësh.
Berisha vlerëson procesin ku çdo votë u numërua në transparencë të plotë dhe përpara kamerave.
Për të shuar çdo dyshim ndaj procesit, Berisha thotë se kandidatëve mund t’u vihet në dispozicion regjistrimi dixhital i numërimit të votave.
Gjithashtu, lideri historik demokrat ka një mesazh edhe për ata që nuk arritën të zgjidheshin në Këshillin Kombëtar, duke theksuar se kjo nuk do të ndikojë në vlerësimin dhe kontributin e tyre në interes të PD.
Deklarata e plotë
Mesazh falenderimi!
Te dashur miq, dhe ne Kuvendin e Partise Demokratike delegatet e kuvendit votuan per te zgjedhur 150 anetare te Keshillit Kombetar te Partise Demokratike nga nje liste prej 430 kandidatesh.
Si asnjehere keto 8 vitet e fundit çdo vote u numerua para kamerave dhe ky numerim eshte i regjistruar ne flete votimi por edhe ne dixhital dhe mund ti vihet ne dispozicion cilitdo qe deshiron.
Me kete rast dua te shpreh respektin dhe mirenjohjen time te thelle dhe te falenderoj nga zemra te gjithe kandidatet qe moren pjese ne gare dhe te siguroj te gjithe ata demokrate qe nuk moren votat e mjaftueshme qe kerkon anetaresia ne KK, se kjo nuk ka dhe nuk do te kete asnje ndikim ne vleresimin tim te palekundur ne kontributin e tyre dhe vazhdimin e bashkepunimit tone te frutshem ne interesin me te mire te PD dhe qytetareve shqiptar. sb
Kryetari i Komunitetit Mysliman të Shqipërisë, Bujar Spahiu, i është drejtuar besimtarëve myslimanë me një video-mesazh pak orë para mbylljes së muajit të Shenjtë të Ramazanit.
Spahiu uron që Zoti t’u ketë pranuar agjërimin, lutjet dhe të gjitha adhurimet gjatë këtij muaji të bekuar Ramazani të cilin po e përcjellin sot.
Mesazhi i plotë:
Urimi i Kryetarit të KMSH, H. Bujar Spahiu, për Fiter Bajram
Të dashur motra dhe vëllezër!
Maratona jonë shpirtërore dhe fizike e këtij muaji, agjërimi, mbërriti në fund.
Për një muaj kemi ndarë me njëri-tjetrin sofrat në iftar e në syfyr, jemi lutur për vetet tona, por edhe për njëri-tjetrin.
Zoti i gjithësisë na e pastë pranuar agjërimin, lutjet dhe të gjitha adhurimet gjatë këtij muaji të bekuar Ramazani të cilin po e përcjellim sot.
Nesër kemi festë, kemi Fitër Bajram!
Bajrami nuk është festa e heqjes së kufizimit për të ngrënë e për të pirë.
Bajrami është festë e përmbylljes me sukses, me lejen e Zotit, të një rrugëtimi të përsosjes shpirtërore.
Bajrami është lumturia që ne ndiejmë me plotësimin e agjërimit të Ramazanit si dhe falenderimi ndaj Zotit për mirësitë e Tij mbi ne dhe që na përudhi të agjërojmë.
I Lartmadhëruari ka thënë: “Ai dëshiron që të plotësoni numrin e ditëve të agjërimit dhe që ta madhëroni Allahun, për shkak se ju ka drejtuar në rrugë të drejtë e që ta falënderoni Atë.” (El-Bekare).
Profeti Muhamed (a.s.) ka thënë: “Kush agjëron Ramazanin me besim dhe duke qenë i bindur në shpërblimin e Zotit, atij i falen të gjitha gabimet e kaluara.”
E lusim Zotin të na ketë falur të gjitha mëkatet, ashtu siç Ai na ka premtuar.
E lusim Zotin t’u ketë pranuar nijetin të gjithë atyre që nuk mundën të agjërojnë këtë muaj për shkaqe shëndëtesore.
E lusim Zotin ta begatojë me paqe dhe stabilitet vendin tonë.
Të furnizojë popullin tonë dhe gjithë botën mbarë në këto kohëra vështirësish të mëdha.
E lusim Zotin për paqe anë e kënd botës, konfliktet e hapura të mbyllen sa më parë dhe popujt të jetojnë në paqe e mos të vuajnë pasojat e luftërave.
Ju uroj përzemërsisht, agjëruesve në veçanti dhe mbarë shqiptarëve, brenda dhe jashtë Shqipërisë, Gëzuar Fitër Bajramin!
-Bujar Spahiu-Kryetar i Komunitetit Mysliman të Shqipërisë
bw
Dhjetëra studentë dhe punëtorë kanë kanë dalë në protestë këtë të diel, në Ditën e Punëtorëve, duke kërkuar kushte dhe paga më të mira pune.
Ata kanë nisur marshimi nga sheshi “Skënderbej” drejt kryeministrisë. Pjesë e thirrjeve të tyre janë dhe kërkesat për uljen e çmimeve për produktet e shportës.
Pjesë e marshimit është dhe Grupimi i Lëvizjes Mërgimtare, që ndër të tjera kërkon që emigrantëve t’u njihet e drejta e votës.
Një tjetër grup protestuesish janë mbledhur tashmë përballë godinës së kryeministrisë. Megjithatë, kërkesa për më shumë të drejta në vendet e punës, vlen njësoj për të gjithë.
1 Maji është një festë e themeluar në kujtim të martirizimit në sheshin “Haymarket” dhe për të përkujtuar dhe festuar Ditën e Solidaritetit Ndërkombëtar të Punëtorëve.
Historia e dhunës në Shtetet e Bashkuara të Amerikës në vitet 1880, tregoi se punëdhënësit do të përdornin arsenalin e tyre, që nga gjykatat, deri të policia. Ndërkohë që vrasjet në një nga sheshet kryesore të Çikagos, treguan se sa shumë ishte përkeqësuar situata. Por, përpjekjet e punëtorëve për ditën 8-orëshe të punës në vitin 1880 treguan vendosmërinë e tyre.
Lëvizja nisi më 1884, kur Federata e Tregut të Organizuar dhe Bashkimi i Punëtorëve (paraardhëse e Federatës Amerikane të Punëtorëve) hartoi rezolutën se “duke nisur nga 1 maji 1886 orari i punës për të gjithë punëtorët duhej të ishte 8-orësh”.
Më 1 maj të vitit 1886 mbi 200 000 punëtorë, të mbledhur në sheshin qendror të Çikagos, do të nisnin grevat për të kërkuar të drejtat e tyre. Ndërkohë që gazetat do t’i vlerësonin ato si “absurde”. Vdekja e 7 policëve gjatë protestave, të nisura prej shumë ditësh, ishte shkaku i reagimit të Policisë së Çikagos ndaj lëvizjes së punëtorëve. Si pasojë e një bombe të hedhur nga forcat policore u vranë 8 udhëheqësit kryesorë të federatës së punëtorëve, duke e kthyer kështu majin në muajin e përkujtimit të përpjekjeve të punëtorëve për të fituar të drejtat e tyre, shkruan Top Channel.
Tre vjet më vonë nga ngjarja e Çikagos, më 1889, Internacionalja e Dytë Socialiste, që u zhvillua në Paris (Francë), vendosi kremtimin e 1 Majit si ditën e bashkimit, luftës dhe solidaritetit të të gjithë punëtorëve të botës. Sot, pothuajse pas 122 vjetësh, 1 Maji festohet në mbarë botën si Dita e Solidaritetit Ndërkombëtar të Punëtorëve. Lapsi
Duke filluar nga data 1 Maj 2022, për të gjitha udhëtimet drejt Shqipërisë, si në rrugë detare, tokësore apo ajrore, nuk kërkohet asnjë dokument spcifik në kushtet e Covid-19.
Të gjithë udhëtarët të cilët lejohen të hyjnë në territorin e Republikës së Shqipërisë, përveç respektimit të protokolleve të standardeve ndërkombëtare që kompanitë ajrore aplikojnë kudo në botë, nuk do të duhet të kenë më problem kufizimet për Covid. Lapsi
Në kuvendin kombëtar të PD nuk kanë munguar zërat kritike.
Fatbardh Kadilli që njihet si një zë kritik ne këtë force politike, ka kërkuar që PD mos të mbetet peng i njerëzve të së shkuarës dhe i kërkoi liderit historik demokrat Sali Berishës që t’i hapë rrugë të rinjve.
Ndërsa e rikthyer në PD, Rudina Hajdari ka vënë theksin te ndryshimet kushtetuese të 2008 duke u shprehur se kanë qenë të gabuara dhe këto ndryshime ia hoqën fuqinë qytetarëve dhe ia dhanë kryetarit. Në Kuvend foli dhe Ibsen Elezi, i cili kërkoi shtyrje të garës për kreun e PD.
Zërat kritike nuk kanë munguar në Kuvendin Kombëtar të Partisë Demokratike. Pak i ashpër ka qenë në fjalën e tij Fatbardh Kadilli.
E ka nisur me falënderim fjalimin para demokratëve, duke theksuar se edhe pse njihet si kritik ndaj PD, sërish i është dhënë mundësia për të folur në Kuvendin Kombëtar.
Sipas Kadillit, PD ka harruar te reflektoje dhe se demokratët po tregohen të verbër ndaj izolimit që Berisha i bëri PD. Ai kërkon që PD mos të mbetet peng e njerëzve të shkuar dhe i kërkoi liderit historik demokrat Sali Berishës që t’i hapë rrugë të rinjve.
Një e rikthyer sërish në PD është vajza e Azem Hajdarit, kryetarit të nderit të Partisë Demokratike, e cila nuk i ka lënë pas kritikat e saj ndaj kësaj force politike.
Ish-deputetja Rudina Hajdari u shpreh para demokratëve se ndryshimet Kushtetuese të 2008 kanë qenë të gabuara. Sipas saj, këto ndryshime ia hoqën fuqinë qytetarëve dhe ia dhanë kryetarit.
Ndërkohë, Ibsen Elezi kërkoi shtyrje të garës për kryetar të Partisë Demokratike, me qëllim që të marrin pjesë dhe kandidatë të tjerë në të.
Gjatë fjalës së tyre, zërat kritikë brenda Partisë Demokratike u shprehën se kjo parti duhet të ndjekë linjën e konservatorizmit, sepse vetëm ashtu mund të rikthehet në pushtet. syri.net
New York Times: Trumpi në Shtëpinë e Bardhë mund të sjellë pasoja të mëdha për Evropën
Sondazhet e Shtëpisë së Bardhë e nxirrnin Joe Biden humbës, ish-zyrtari i Obamës: Donald Trump dilte fitues me 400 vota elektorale
Shoqata e Intelektualëve “Jakova” në Gjakovë ka ndarë çmimin “Guximi Intelektual 2023” për aktivisten Dr. Luljeta Pula-Beqiri Nga Iliriana Pylla
LAMTUMIRE MIKU DHE SHKRIMTARI YNE I DASHUR TASIM ALIAJ!- Nga Gjikë Kurtiqi dhe Tatiana Kurtiqi
Onufri sjell librat poetikë Skaterr të Elida Buçpapaj dhe Zogu i Bjeshkës i riu nga Skënder Buçpapaj
Letër e hapur: VATRA MBAHET PENG nga aktorë të kinostudios Shqipëria e Re! “Njeri Ri”
Elon Musk është paksa bernez
Trumpi kërkon dhjetë miliardë dollarë si dëmshpërblim nga New York Times
Thirrjet anti-shqiptare dhe pro Serbisë në ndeshjen me Rumaninë, reagon Federata e Kosovës: Po përgatisim dosjen për UEFA-n
Kërcënime e pasiguri: Realiteti i vrazhdë i gazetarëve në Maqedoninë e Veriut
Vdekja – Fundi i jetë-udhëtimit tonë ndershmërisht! – Esé nga Senad Guraziu
Shkrimtarët kur flasin për vdekjen- Nga Skënder Karaçica
