Shqipëri

Berisha boton dokumentin me firmën e Nanos: Si u ndryshua emri nga PPSH në PS

Kreu i PD, Sali Berisha ka publikuar një dokument në Facebook, ku sipas tij kemi të bëjmë vetëm me ndërrim të emrit nga PPSH në PS, 31 vjet më parë dhe jo rithemelim.

“Ja dokumenti! Per fallsifikatoret e historise qe paraqesin nderrimin e emerit si rithemelim!”, shkruan Berisha.

Dokumenti i cili mban firmën e Fatos Nanos është i 3 korrikut 1991.

Kajmaku trafikonte kokainë në Itali, gruaja e tij fitonte tendera nga Rama

Ish-kryebashkiaku i zgjedhur nga Edi Rama në Vorë, Agim Kajmaku, u arrestua së fundmi në Itali me 20 kilogramë kokainë.

Ndërsa bënte trafik kokaine, gruaja e tij mësohet se ka fituar më së paku edhe 2.2 miliardë lekë të vjetra nga tenderat e zhvilluar prej institucioneve të drejtuar nga kolegët e tij të Partisë Socialiste.

Prej vitit 2015 e deri në maj të këtij viti, kompania ‘A.M.E 2020’ ka arkëtuar rreth 170 fatura për blerje lulesh dhe fidanësh.

Shoqëria ‘A.M.E 2020’ është zyrtarisht në pronësi Merita Kajmakut, bashkëshorte e Agim Kajmakut.

Kompania është krijuar në vitin 2008, me emrin ‘Kajmaku’ shpk, në pronësi të ish-kryebashkiakut të Vorës.

Pasi ai fitoi votimet mono-partiake të Qershorit 2019, Kajmaku ia dhuroi të gjithë aksionet e kompanisë bashkëshortes së tij.

Pasi Agim Kajmaku u shpall në kërkim për falsifikimin e formularit të dekriminalizimit, shoqëria ndryshoi emrin, duke u quajtur ‘AME 2020’.

Ky ndryshim emërtimi e ndihmoi familjen Kajmaku që të vijonte të fitonte tendera publikë, megjithëse pronari i saj real ishte i kërkuar nga drejtësia shqiptare.

Në 30 dhjetor të vitit 2019, ndërkohë që Agim Kajmaku i fshihej policisë, kompania private e familjes së tij fitoi me vlerë 50 milionë lekë të vjetra për lulishtet e Qendrës Spitalore Universitare Tiranë, të zhvilluar nga Agjencia e Blerjeve të Përqëndruara, në varësi të Ministrisë së Brendshme.

Po ashtu, në maj të vitit 2020, kur Kajmaku ishte ende në kërkim, shoqëria ‘AME 2020’ fitoi rreth 70 milionë lekë të tjera nga Agjencia e Parqeve dhe Rekreacionit në Bashkinë e Tiranës.

syri.net

Kurti për Ditën e Çlirimit: Jemi ende në prangat e padukshme të gabimeve të bëra ndër vite

Kryeministri i Kosovës, Albin Kurti, gjatë aktivitetit “Eksodi në liri”, që u mbajt në Bllacë të Hanit të Elezit, tha se sot bëhen 23 vjet nga çlirimi i vendit, shkruan Express.

Ai tha se në kohën kur është dashur të dëgjohet ‘zëri ynë historik, ne preferuam të dëgjonim mekanikisht’.

“Kjo datë na kërkonte një shpejtësi të re, një organizim të ri, kur duhet të nguteshim dhe të përcaktonim qëllimet tona në mënyrë të qartë, ne preferuam të dëgjonim mekanikisht pa menduar fort ne vetë. Për të bërë luftën, ne e morëm vetë vendimin, për të bërë paqen dhe për të ndërtuar shtetin, ne prisnim këshilla e udhëzime e urdhëra nga të tjerët dhe nuk dëgjonin se çka na thoshte zëri ynë i brendshëm historik. Prandaj, sot duhet kujtuar të gjitha, që jemi të lirë por ende në prangat e padukshme të gabimeve të bëra ndër vite”, ka shkruar ai.

Arrestohet në Itali me 20 kg kokainë kryebashkiaku i Ramës

Policia italiane ka arrestuar një ish-zyrtar shqiptar për trafik droge.

Mësohet se i arrrestuari është Agim Kajmaku, ish-kryetar i bashkisë së Vorës, shkruan Report Tv, media pranë kryeministrit Edi Rama.

Personi i arrestuar nga policia italiane është ditëlindjes 6 korrik 1971, të dhënat të cilat korrespondojnë me ato të ish-kryebashkiakut socialist të Vorës.

Kajmaku është arrestuar në 27 maj 2022 me 20 kg kokaine në zonën e San Benedeto del Tronto.

Operacioni vijon dhe Italia ka kërkuar edhe bashkëpunimin e Policisë Shqiptare.

Agim Kajmaku u shkarkua nga detyra e kryebashkiakut të Vorës që mori në 30 qershor 2019, pasi nuk deklaroi një procedim penal në Greqi.

Njësia e dekriminalizimit në Prokurori, ngriti ndaj Kajmakut akuzën e falsifikimit të formularit të vetëdeklarimit si dhe për kryerjen e funksionit pasi i kishte përfunduar mandati.

Agim Kajmaku kishte mashtruar me formularin e dekriminalizimit, duke fshehur identitetin Jorgo Toto, me të cilin ishte ndjekur penalisht në Greqi. Pasi u provuan akuzat, KQZ i hoqi mandatin Kajmakut, por pikërisht në atë dy ai shkarkoi dy nënkryetarët e bashkisë, që u cilësua si i paligjshëm nga gjykata dhe rëndoi akuzën ndaj tij.

Agim Kajmaku u arrestua në korrik 2020, disa muaj pasi ishte shpallur në kërkim, në një spital privat në Tiranë ku po trajtohej për probleme shëndetësore.

Por dy ditë pas ndalimit, Kajmaku u la i lirë më 8 korrik 2020, kur Gjykata e Apelit ndryshoi masën e shkallës së parë nga ‘arrest me burg’ në ‘detyrim paraqitje’.

Nga sekretarët funksionalë te anëtarësia- PD miraton udhëzimet për riorganizimin e degëve

Partia Demokratike ka miratuar këtë të shtunë edhe dy udhëzime me për plotësimin e strukturës organizative të degës, si dhe saktësimin e listave të anëtarësisë. Në udhëzime bëhet me dije se procesi për saktësimin e anëtarësisë duhet të përfundojë brenda datës 10 korrik 2022.

SYRI TV

Në mbledhjen me krerët e degëve, Partia Demokratike ka miratuar edhe dy udhëzime, me qëllim plotësimin e strukturës organizative të degës, si dhe saktësimin e listave të anëtarësisë.

Në udhëzimi bëhet me dije se në çdo degë të PDSH –së, krahas zgjedhjes së sekretarit Politik të Degës do të zgjidhen edhe sekretarët funksional, të cilët janë strukturë ndihmëse në degë dhe përgjigjen pranë sekretariatëve përkatëse në qendër.

Sipas udhëzimit sekretarët funksional në momëntin që zgjidhen, dorëhiqen nga të qënurit anëtar kryesie i votuar, dhe në kryesinë e degës hyjë anëtarët më të votuar sipas radhës.

Sa i takon saktësimit të listës së anëtarësisë në udhëzim theksohet do të konsiderohen anëtarë të degës të PD-së të gjithë ata të cilët rezultojnë në emigracion sezonal, për të cilët kryesia e degës merr masa për plotësimin e formularit menjëherë pas mbarimit të sezonit.

Si dhe do të konsiderohen anëtarë të degës të gjithë ata të cilët rezultojnë me vendbanim fizik në territorin e degës, pavarsisht në se gjendja e tyre civile ndodhet në një tjetër territor të ndryshëm nga ai I degës.

Sipas udhëzimit ky process duhet të përfundojë brenda datës 10 korrik 2022.

Albana Vokshi zgjidhet zëvendëspresidente e Forumit të Grave të Partisë Popullore Europiane

Kryetarja e Lidhjes Demokratike të Gruas, Albana Vokshi, zgjidhet zëvendëspresidente e Forumit të Gruas së Partisë Popullore Europiane.

Në kongresin zgjedhor të EPP Women, të zhvilluar në Dublin, Vokshi rezultoi një nga 3 gratë më të votuara, duke përfaqësuar denjësisht Lidhjen Demokratike të Gruas dhe Partinë Demokratike.

“Jam shumë mirënjohëse për mbështetjen e familjes sonë të madhe europiane.”- u shpreh zonja Vokshi pas zgjedhjes si zëvendëspresidente e EPP Women.

“E gjithë energjia ime do të jetë për të pronovuar vlerat e demokracisë europiane, për të fuqizuar gratë në Shqipëri, Ballkanin Perëbdimor dhe kudo ku luftojnë për barazi”.-tha ajo.

Kjo është hera e parë që një përfaqësuese ë Partisë Demokratike zgjidhet në një post kaq të lartë politik në Forumin e Grave të Partisë Popullore Europiane.

Në kongresin e Dublinit, EPP Women vendosi për ndryshimin e lidershipit. Znj. Doris Pack, një nga mbështetëset më të forta të Shqipërisë dhe PD u tërhoq pas shumë vitesh të drejtimit të Forumit, duke mbajtur tani vendin e Presidentes së Nderit. Presidente e EPP Women u zgjodh deputetja rumune Rozalia Biro’, Kryetare e Komisionit për Punët e Jashtme.

Në 6 vendet për zëvendëspresidente u zgjodhën:
1. Agnieszka Pomaska, deputete (Poloni)
2. Mariya Gabriel, zëvendëspresidente e PPE dhe Komisionere Europiane për Inivavionin, Kërkimin,
Arsimin, Kulturën dhe Rininë, (Bullgari)
3. Albana Vokshi, deputete PD, Kryetare LDGSH (Shqipëri)
4. Dubravka Suica, zv.Presidente e Komisionit Europian, zv.presidente PPE (Kroaci)
5. Walburga v. Lerchenfeld, këshilltare menaxhim krizash, CSU (Gjermani)
6. Doina Gherman, deputete, (Moldavi).

Ballkani i Hapur- Berisha: Akti më i lartë i tradhtisë, shqiptarët i detyrohen Kurtit për mbrojtjen

Berisha: Bashizmi induktoi apatinë! Ish-kreu i Mallakastrës mori 97 tendera nga Rama

Kryetari demokrat, Sali Berisha, deklaroi në takimin me krerët e degëve, se Lulzim Basha dhe ndjekësit e tij imponuan një apati të rrezikshme në PD.

“Apatia u induktua në tetë vite nga qëndrimet e papërgjegjshme të udhëheqjes së saj dhe të pazareve të pandershme dhe të turpshme të udhëheqjes së saj, nga flirtet e padenja me pushtetin e Edi Ramës.

Unë mund t’ju jap sot vetëm një shembull. Aktualisht një nga mbështetësit kryesorë të bashizmit, ish-kryetari i Mallakastrës, është fituesi i 97 tenderave nga qeveria lokale dhe vendore.

Ndaj edhe bilbilon Enkelejdi siç i thotë Rama. Për të mos thënë problemet e tjera madhore të bëra të qarta tani publikisht të Bashës e të ndonjë tjetri.

Ky është një problem shumë serioz për ne, sepse përgjegjësia jonë është që të dalim sa më shpejt nga kjo gjendje. Është e vërtetë që këtë gjendje e kanë krijuar pazaret e udhëheqjes me qeverinë, por kjo gjendje shndërron në letër të pavlerë të gjithë aksionin e demokratëve nga shtatori gjer më sot, që bënë një mrekulli absolutisht të vërtetë të madhe për Shqipërinë dhe Europën, ngritën në këmbë forcën e tyre politike si forcë të vërtetë opozitare.

E ngritën në këmbë përballë presionit, terrorit dhe trysnive të shumëllojta dhe të jashtëzakonshme. Ata presin udhëheqjen tani. Ata presin një drejtim nga ne,” tha Berisha.

Berisha: Revolta ndaj regjimit po zien! Duhet të krijojmë me shpejtësi frontin opozitar

Kryetari demokrat, Sali Berisha, tha në takimin me krerët e degëve të PD se revolta po zien, ndaj duhet përgatitur sa më shpejt fronti opozitar.

“Revolta, pakënaqësia ndaj këtij regjimi zien dhe vlon jo vetëm në zemrat e demokratëve, por edhe të një përqindje të madhe të individëve pa parti, por edhe qoftë të PS dhe partive të tjera.

Për shkak të kësaj apatie, frika është e përhapur thellë. E them këtë për detyrimet tona që kemi. Sot nuk mund të ketë mësues të kënaqur, kur prej tetë vitesh ai nuk sheh asnjë përmirësim real të gjendjes së tij personale, të gjendjes familjare të fëmijëve që mëson, të prindërve që takon. Shikon vetëm rënie. Shikon vetëm mospërfillje. Po kaq e vërtetë është kjo edhe me mjekët, që po ikin pasivisht për shkak të shpërfilljes së plotë nga ky regjim. Kështu me të gjithë profesionistët e tjerë. Është e vërtetë me qytetarët, është e vërtetë me të rinjtë.

Pra, orbita e pakënaqësisë dhe revoltës është shumë e madhe. Detyra jonë është t’i aktivizojmë, t’i tërheqim ata në veprimin tonë. Të bëjmë gjithçka për të vendosur bashkëpunimin me ta. Të bëjmë gjithçka për të identifikuar çdo organizatë, çdo grup interesi, çdo individ influent dhe çdo aleat tonin.

Ne duhet të krijojmë me shpejtësi frontin opozitar. Ne jemi në situatë absolutisht shumë më të vështirë sesa në vitin 1991. Po pse ua them unë këtë? Në vitin 1991 ne kishim një regjim monist, komunist. Por ai ishte një rrokullisje botërore. Komunizmi nuk ra në Shqipëri fillimisht. Ai u rrokullis në Europë.

Ishte monist, i kishte të gjitha pushtet, por prapë nuk mbijetonte sot. Kurse sot kemi regjim monist si në vitin 1991. Pa asnjë dallim. Përkundrazi, edhe më monist se në vitin 1991. Sot të gjitha pushtetet janë në duart e Edi Ramës, në duart e një njeri, në duart e një partie. Sot është realitet më i hidhur i Shqipërisë, partia-shtet.

Nga ana tjetër, askush nuk do të angazhohet për rrëzimin e këtij pushteti përveç nesh. Nëse ne presim se do na vijnë ndihma, ne mashtrojmë dhe gënjejmë veten tonë. Para syve tanë, u instalua çdo vit dhe çdo muaj pushteti total monist i PS-së,” tha Berisha.

Berisha: Kemi 44 mijë luftëtarë që mund të udhëheqin një lëvizje shpëtimtare për vendin

Kryetari demokrat, Sali Berisha tha se qytetarët presin që PD të ngjallë besimin për të udhëhequr protestat dhe ndryshimin.

“Pra, kjo është gjendja. Po ku jemi ne? Më të fortë se kurrë. Kemi 44 mijë luftëtarë, që na u përgjigjën në çdo kohë. Kjo është një pakicë që mund të udhëheq një lëvizje të fuqishme, shpëtimtare për Shqipërinë. Këta 44 mijë luftëtarë kërkojnë në radhë të parë të mobilizohen, kërkohet me çdo kusht ta zgjerojmë frontin.

Kemi të bëjmë me një parti shtet. Ajo përmbyset me një front opozitar dhe kjo është jetike për ne. Ne duhet ta krijojmë atë në të gjitha nivelet e vendit.

Përballë kemi një armik më të rrezikshëm pas Enver Hoxhës. A do pranojmë ne monizmin? A do pranojmë të vazhdojmë si zakonisht me këtë qeveri dhe me këtë regjim? Kurrën e kurrës.

…Nuk është punë krize, por është punë vjedhje dhe shfrytëzimi të krizës për të vjedhur dhe varfëruar më shumë shqiptarët. Cili shqiptar e pranon këtë? Askush nuk e pranon. Por problemi është se ne duhet të ngjallim besimin se me lëvizjen tonë do i japim përgjigjen e duhur këtyre praktikave çnjerëzore.

…Ne kemi një terren të jashtëzakonshëm, një terren që pret vetëm veprimin tonë. Ajo që ndodh sot me shqiptarët, nuk ndodh me asnjë komb tjetër,” tha Berisha.

Ballkani i Hapur/ Berisha: Akti më i lartë i tradhtisë, shqiptarët i detyrohen Kurtit për mbrojtjen

Kryetari demokrat, Sali Berisha, u ndal në takimin me krerët e degëve edhe te çështja e Ballkanit të Hapur.

“Le të ndalem edhe njëherë te Ballkani i Hapur. Është akti më i lartë i tradhtisë që i është bërë kombit shqiptarët.

Shqiptarët sot kudo janë, i detyrohen Albin Kurtit mbrojtjen ndaj një projekti që vendos hegjemoninë e pastër serbe.

Nga një projekt, që në vend të sanksionojë bashkëpunimin mes kombeve të barabarta, sanksionon poshtërimin e Kosovës dhe rrethimin e saj armiqësor nga Beogradi, nga Beogradi i vogël, që është Tirana, me qëllimin më antishqiptar, për ta paraqitur Kosovën si sherrin e Beogradit. Ndërkohë që sherri i Ballkanit është Beogradi.

Revista ‘Economist’ thotë se nga projekti i Ballkanit të Hapur përfiton vetëm Serbia. Të jeni të sigurt se ajo është jashtëzakonisht e paanshme.

Por kjo seri gënjeshtarësh, apatridësh që bëjnë avokatinë e këtij projekti, u them atyre që të citojnë një nen të këtij traktati. Sepse nuk është publikuar kurrë. A nuk deklaroi Vuçiç në Beograd se traktati është 740 faqe. Kush e ka parë këtë? Kush e ka lexuar? Çfarë ka në faqet e këtij traktati të këtij gangsteri? Askush nuk e di. Megjithatë nuk mungojnë gazetarët apatridë, injorantë. I gjithë rrjeti i Sorosit është ngritur në këmbë për të mbështetur Ballkanin e Hapur.

Çdo fermeri duhet t’i shkojmë në shtëpi dhe t’i themi se çfarë mynxyre është Ballkani i Hapur. Se si mund të matet ai me fermerin serb, që merr 80 euro subvencion për hektar, kurse ky këtu nuk merr as dy euro për hektar.

Këta xhahilë që bëjnë avokatinë e këtij projekti dhe flasin për tregtinë e lirë, këta nuk dinë absolutisht se çfarë është tregtia e lirë. Këta dinë vetëm çfarë është Beogradi dhe Sorosi.

Në rrafshin politik, Ballkani i Hapur është kundërvënie flagrante ndaj Procesit të Berlinit. Kjo sepse është projekt rus. Është thënë disa herë dhe u vulos nga Sergei Lavrov. Hegjemoni serbe do të thotë influencë ruse. Për këtë po punon Edi Rama. Mund ta përgënjeshtrojnë dot Lavrovin? Asnjë njeri nuk e përgënjeshtron dot.

Në këtë kontekst, PD është në një mision të madh, jo vetëm në mbrojtjen e interesit kombëtar, por edhe në mbrojtjen e çdo prodhuesi në vend,” tha Berisha.

Berisha: Duhet të përballemi me një armik të egër të interesit të shqiptarëve, ai është Sorosi

Duke folur sërish për Ballkanin e Hapur, kryetari demokrat, Sali Berisha tha se shqiptarët duhet të përballen me një armik të egër.

“Ne përballemi sot me një armik tjetër të egër. Ky është George Soros. Nuk duhet të kemi asnjë iluzion. Duhet t’u themi shqiptarëve të vrtetën. Ai është një armik i interesit të shqiptarëve.

A nuk ishte ai promotor i ndarjes dhe copëtimit të Kosovës? Për llogari të kujt e bënte ai këtë? Shqiptarëve ua ka njohur ato kufij gjykata ndërkombëtare. Për kë punonte Sorosi? Kundër shqitparëve dhe për Beogradin.

Pasi dështoi me çështjen e kufijve, nxori projektin tjetër. Ai është promotor kryesor i projektit të Ballkanit të Hapur.

Tani që këtë projekt e mbështeti Lavrov, a e fsheh Soros që po punon me rusët për destabilizimin e Ballkanit? Nuk e fsheh dot. Çdo projekt i mbështetur prej tyre destabilizon Ballkanin.

Ne nuk mund të pranojmë kurrë që interesat tona kombëtare të shqelmohen nga kushdo qoftë.

Dy ishin personazhet kryesore në Ohër. Lavrov nga Kremlini dhe Aleks Soros që i vë në rresht kryeministrat sikur të ishte shefi i tyre. Dhe me çfarë? Me një projekt që Shqipërinë dhe shqiptarët i dëmton me mënyrën më thelbësore.

Do thoni ju si t’ia bëjmë se ai është njeri i fuqishëm. Më të fuqishëm se njerëzit që vendosin të luftojnë për fatin e tyre, nuk ka,” tha Berisha.

syri.net

Berisha: Provat për Taulant Dumanin i ka prokuroria. Revolja u vendos pasi….

Kryetari demokrat, Sali Berisha tha se do të vazhdojë të akuzojë Taulant Ballën e PS për lidhjet me Nuredin Dumanin.

“Do ia them në parlament. Nuk ka nevojë që t’ia jap unë prokurorisë se ajo i ka në dosje. Mund të thuash se përse po i fsheh prokuroria? Ato që do ia them në parlament, prokuroria i ka në dosje. Është normale që unë t’ia them në parlament, sy më sy. Më komode është kur e ke përballë,” tha Berisha.

“Balla ka probleme me drejtësinë dhe do të ketë të tjera probleme. Unë i bëj publike gjërat kur e gjykoj unë se duhen bërë publike. Ai ka shumë probleme dhe gradualisht do të shkojë aty ku e meriton”.

“Ai duhet të tregojë si e shpërbleu Dumanin për ta shpëlarë nga akti i vendosjes së revoles… Ata tregojnë që po, e ka vendosur, dyshojnë sepse ky i ka kërkuar të marrin pjesë në fushatën e tij elektorale dhe i kanë thënë jo. Revolen ia kanë vendosur në një vend që e shihnin të gjithë… Për revolen e fshehur, pesë vetë janë në burg për këtë. Edhe kuptohet që revolën e kanë vendosur. Po si do e shihnin në një vend të dukshëm një revole krimi? E kanë zor për të gjetur një revole? Se s’mund ta hidhte ai në Shkumbin. Drejtësia vonon, por nuk harron. Kështu që Tao s’e ka punën mirë. Ka probleme me drejtësinë. Do ketë, jua them unë juve. Ka dhe probleme të tjera ai.
Do i bëj publike, por kur do i gjykoj unë. Ai gradualisht do të shkojë atje ku e meriton. Ka problem, është njeri me shumë probleme”

Protestat/ Berisha: Qytetarët nuk e presin shtatorin! Alibeaj e Bardhi i shërbejnë Ramës

Kryetari demokrat, Sali Berisha paralajmëroi se protestat qytetare do të jenë gjatë verës pasi sipas tij “qytetarët nuk mund të presin shtatorin”.

“Shpresoj edhe më parë. Qytetarët e kanë të vështirë të presin deri në shtator,” tha ai.

Ditën e shtunë, Berisha ka thirrur mbledhje me kryetarët e degëve të PD në rrethe. Për këtë takim, Berisha tha se një temë e rëndësishme do jetë edhe diskutimi për organizimin e këtyre protestave.

“Kjo është mbledhja e parë e kësaj natyre, në të cilën ata do marrin detyrat për drejtimet e punës së PD në periudhën që vjen. Nuk mund të ketë dyshim që protesta do të jetë temë diskutimi shumë e rëndësishme. PD duhet të bëjë gjithçka për të shpëtuar Shqipërinë nga sistemi monist e vetëm shqiptarët mund ta bëjnë atë”.

Berisha ashpërsoi tonet edhe ndaj Enkelejd Alibeajt dhe Gazment Bardhit.

“Veglat e Edi Ramës janë në shërbim të Ramës. Siç bënë lojën e neveritshme të presidentit në funksion të imazhit të tij dhe Ramës, marrin përsipër që të keqshfrytëzohen për komisione te reformave të Ramës. Ne do të bashkohemi me ata të cilët janë për të shpëtuar Shqipërinë nga ky regjim monist, i bazuar në krimin, drogën,” tha Berisha.

“Të besosh trillimet e Gazment Bashës është sikur të besosh Lulzim Bashën. Njësoj! Nuk bllokojmë ne, por mund t’ju them se Ali Basha dhe Gaz Basha po i shërbejnë me besnikëri të neveritshme Ramës. Mbajeni mend këtë që ju them. S’do jetë e largët dita kur të kuptohet qëllimi i këtyre”, tha Berisha.

Më tej Berisha u shpreh i qartë se nuk do të marrë pjesë të asnjë farsë të organizuar nga kryeministri Edi Rama.

“Ne nuk marrim pjesë në farsa të organizuar nga Edi Rama dhe të keqshfrytëzuarit e tij opozitarë”, tha ai.

syri.net

Berisha: Sistemi monist u vendos me mbështetjen e fuqishme të Sorosit

“Me zgjedhjen e presidentit të ri të vendit, në Shqipëri është vendosur sistemi i plotë monist”.

Këtë deklaroi kryetari demokrat, Sali Berisha në deklaratën e përjavshme për mediat.

Sipas kreut të PD-së për herë të parë pas 31 viteve, në vendin tonë të gjitha pushtet janë në duart e një force politike dhe të njeriu të vetëm, duke zhdukur balancën e pushteteve.

Sipas Berishës kjo u arrit përmes krimit drogës, varfërisë dhe mbështetjes së Soros.

“Edi Rama pati mbështetjen e fuqishme të George Soros dhe fondacionit të tij në Tiranë për të kapur çdo pushtet.

Falë tij ai vuri nën kontroll drejtësinë. Soros, përmes deklaratave të njerëzve të tij, përligji vjedhjen e votave në zgjedhjet e fundit dhe ndërhyri por të larguar nga skena politike Sali Berishën, me objektivin e vetëm që të ndihmojë Edi Ramën dhe regjimin e tij të korruptuar.

PD u bën thirrje qytetarëve të ngrihen në mbrojtje të idealeve demokratike për të shpëtuar Shqipërinë nga regjimi komunist i Edi Ramës, i mbështetur nga Soros,” tha Berisha.

Berisha: Është vendosur monizmi i plotë, jetik krijimi i frontit opozitar dhe ngritja e qytetarëve

Kryetari demokrat, Sali Berisha e nisi konferencën e tij të përjavshme duke lexuar një deklaratë ne emër të PD.

“Jam këtu për të bërë një deklaratë në emër të PD-së.

Në Shqipëri, vendoset monizimi i plotë.

PD deklaron se pas zgjedhjes më 6 qershor me votën vetëm të PS të Presidentit të Republikës, Edi Rama vendosi nën pushtetin e tij edhe institucionin e fundit që i kishte mbetur jashtë kontrollit.

Në vend u vendos sistemi monist i plotë dhe u varros sistemi demokratik bazuar te ndarja dhe balanca e pushteteve.

Për herë të parë pas 31 vitesh, të gjitha pushtetet janë në duart e një njeriu të vetëm dhe të një partie. Kjo ndodh në çdo nivel të pushtetit ekzekutiv, legjislativ, gjyqësor dhe në çdo institucion tjetër të pavarur.

Sot, si asnjëherë më parë, në pushtetin ekzekutiv është përfaqësues i vetëm një force politike, asaj të PS-së.

Sot, si njëlloj në të shkuarën moniste të Shqipërisë, të gjithë institucionet e larta shtetërore, të cilësuara si të pavarura apo autonome si Presidenti i Republikës, kreu i KLSH, kreu i SHISH, kreu i SHIU, ILDKP, drejtuesit e bordeve, janë të emëruar, votuar apo zgjedhur vetëm nga PS.

Sot, në këtë shtet monist, si kurrë më parë, të gjithë drejtuesit e institucioneve më të larta të drejtësisë, janë të përzgjedhur dhe të emëruar nga mazhoranca moniste.

Kurrë ndonjëherë që nga diktatura moniste e Hoxhës, një kontroll i tillë partiak mbi drejtësinë nuk ka ekzistuar.

Sot në Shqipëri, të gjithë drejtuesit e komisioneve parlamentare, delegacioneve parlamentare, janë deputetë të PS-së në tërësi, dhe në raste të veçanta, të veglave të saj basho-opozitare.

Sot në Shqipëri, për shkak të bojkotit të opozitës në vitin 2019, i gjithë pushteti vendor është i PS-së.

Sot në Shqipërinë moniste, të gjithë organizatat joqeveritare, kontrollohen totalisht nga qeveria dhe rrjetet e sponsorizuara dhe të lidhura me George Soros.

Të gjitha mediat e mëdha, me përjashtime tepër të rralla, kontrollohen nga qeverisja censuruese e Edi Ramës. Këto media përhapin me zell të veçantë propagandën e qeverisë dhe i shërbejnë dezinformimit të qytetarëve për interesat e qeveritarëve.

Sektorët më madhorë jetikë të ekonomisë së vendit, zotërohen nga oligarkë të lidhur ngushtësisht me qeverinë dhe monopolet. Në Shqipëri, 4-5 oligarkë zotërojnë mbi 35 përqind të ekonomisë shqiptare si në asnjë vend në botë.

Data 4 qershor e vitit 2022, zgjedhja e njëanshme e Presidentit të Republikës, shënon zhdukjen e elementit të fundit të kontrollit të balancës së pushteteve.

PD rikujton se kjo kapje e të gjitha pushteteve nuk erdhi brenda një dite apo një viti. Monizimi, marrja e të gjithë pushteteve, erdhi si rezultat i modelit të partisë shtet që ai trashëgoi nga etërit e tij.

Rivendosja e monizmit total u arrit përmes përdorimit të frikës, terrorit, dhunës shtetërore, bandave, krimit, drogës, por edhe varfërisë me të cilën ai bleu dhe rrëmbeu votat si dhe largoi nga vendi mbi gjysmë milion shqiptare.

Edi Rama arriti me dosje gjyqësore të blejë apo të marrë peng drejtuesit e opozitës.

Edi Rama pati mbështetjen e fuqishme të George Soros dhe fondacionit të tij në Tiranë për të kapur çdo pushtet. Falë tij ai vuri nën kontroll drejtësinë. Soros, përmes deklaratave të njerëzve të tij, përligji vjedhjen e votave në zgjedhjet e fundit dhe ndërhyri por të larguar nga skena politike Sali Berishën, me objektivin e vetëm që të ndihmojë Edi Ramën dhe regjimin e tij të korruptuar.

PD u bën thirrje qytetarëve të ngrihen në mbrojtje të idealeve demokratike për të shpëtuar Shqipërinë nga regjimi komunist i Edi Rams, i mbështetur nga Soros.

Zgjidhja është sot më shumë se kurrë në duart e qytetarëve shqiptarë, të atyre që e duan këtë vend. Shembja e sistemit të kalbur monist arrihet me guxim dhe vendosmëri dhe krijimin e një fronti opozitar për shpëtimin e Shqipërisë.

Në këtë kontekst, PD e konsideron jetik krijimin e një fronti opozitar për Shqipërinë, të përbërë nga forcat politike opozitare, shoqëria civile, intelektualë, akademikë.

PD u bën thirrje shqiptarëve kudo që janë, në diasporë apo emigracion, të angazhohen me potencialet e tyre për të shpëtuar vendin nga shteti i kriminalizuar dhe monist i Edi Ramës.

Asnjë shqiptar nuk duhet të harrojë se Shqipëria është republika moniste e Edi Ramës,” tha Berisha.

syri.net

Berisha: Do krijojmë bordet kombëtare me personalitete të shquara brenda dhe jashtë vendit

Kryetari demokrat, Sali Berisha tha se PD do të realizojë hapjen dhe do ngrejë një front të madh opozitar.

“Hapja nënkupton afrimin në PD të individëve me vlera, të njerëzve me ideale që duan t’i afrohen kësaj partie. Isha në Elbasan, një grup pedagogësh, mjekësh, mësues, shpallën anëtarësimin e tyre në PD. Kjo është një gjë e madhe.

Përveç kësaj, në kuadrin e hapjes, tani do të ngrihen bordet kombëtare, në të cilat ne, sipas fushave, do përpiqemi që të tërheqim personalitetet më të shquara, më të ditura, të atyre fushave, brenda dhe jashtë vendit,” tha Berisha.

“Kjo është për partinë, fronti është diçka tjetër. Fronti është vendosja e organizuar, ose krijimi i një fronti të përbashkët me të gjitha forcat politike opozitare, me të gjithë individët apo organizatat e shoqërisë civile që duan të angazhohen”, tha Berisha.

I pyetur se kur do mbahen protestat, Berisha tha: “Unë jam shumë i vonuar në artikulimin tim pasi zemrat e njerëzve po ziejnë. Revoltat po zien anekënd vendit. E kam thënë njëherë dhe po e përsëris prapë. Lëvizjet janë shumë interesante, ndonjëherë i udhëheq ti, ndonjëherë të udhëheqin ato.

Kërkesa për protestë është universale. PD është e vonuar. Ne do jemi në lartësinë e detyrimeve”.

Meta: E kisha paralajmëruar z. Berisha disa muaj para se të shpallej non-grata, pjesë e këtij procesi ka qenë dhe Basha

TIRANË

Presidenti i Republikës Ilir Meta tha sot në “Open” se e kishte paralajmëruar Sali Berishën disa muaj përpara, para se të shpallej non-grata nga Departamenti Amerikan i Shtetit.

Ai u pyet nëse do bashkëpunojë me Berishën edhe pse është shpallur non-grata dhe nëse i qëndron deklaratës së tij se ky vendim ishte një fletë rrufe, teksa deklaroi se pjesë e këtij procesi ka qenë dhe Lulzim Basha.

“Nuk dua të hyj në çështje të tilla për arsye se ajo që më shqetëson është që Shqipëria t’iu kthehet shqiptarëve. Shqiptarët janë më pro amerikanë se amerikanët.

Tani mund t’ju them dhe diçka tjetër, unë e kam paralajmëruar z. Berisha se do shpallej non-grata disa muaj para se të ndodhte, në shkurt të atij viti dhe se pjesë e këtij procesi ka qenë dhe Lulzim Basha. Rama ishte më kryesori, por ky ishte më i rrezikshmi nga ana e besueshmërisë.

Unë i kam të gjitha informacionet për këto çështje dhe nuk jam aspak i habitur dhe nuk besoj se kjo është çështje kaq e rëndësishme sa bëhet, pasi z. Berisha në çdo rast është një politikan që ka një kontribut të veçantë në marrëdhëniet me SHBA-të.

Jam i bindur që problemi kryesor i Shqipërisë është që Shqipëria t’iu kthehet shqiptarëve. Jam i bindur se ky bashkëpunim është i thellë, shumë vite më parë”, deklaroi Meta.

Ju besoi Berisha?
Nuk kam pasur komunikim direkt me Berishën që do shpallje non-grata, përmes një kolegu tuaj ia kam transmetuar… bw

Debati i plotë Balla- Spaho

Një debat ka ndodhur ditë e sotme në Kuvend, mes deputeti Edmond Spaho dhe Kryetarit të grupit parlamentar të PS, Taulant Balla.

Balla ka kërkuar largimin nga seanca të zotit Spaho, ose një kërkim falje nga ana e tij pasi i quajti anëtarët e mazhorancës “bastardë”.

Edmond Spaho: Kjo ka zgjidhje vetëm protestat. Nëse do të vijojmë këtu asgjë nuk do të ndryshojë. Nëse në vendet e tjera do bien çmimet pas gjashtë muajve kjo nuk do të ndodhë. Duhet të ngrihemi në protesta e ti rrëzojmë. Këto marrin vesh vetëm me këtë gjuhë.

Nuk ka gjuhë tjetër që shkon me këta bastardë.

Taulant Balla: Fjala e fundit që the. Një sekondë këtu ti del jashtë dhe nuk vjen, fjala e fundit bastardë zotëria nuk mund të rrijë më në sallë, të ndërpritet seanca të thirret komisioni përkatës, o bëhet njeri shembull ose… një njeri pas konsumimit të shtatë gotave raki dhe të fyejë në këtë farë feje Kuvendin zoti Noka kam respekt por zotëria në fund tha një fjalë të rëndë. Ose merr fjalën e kërkon ndjesë, ose zotëria sipas përcaktimeve të Kodit të Etikës dhe rregullores do të veprohet.
Ato ose ti mbajë për familjen e vet, sepse askush prej nesh nuk mund të tolerojë të shkojë në darkë tek fëmijët e tij dhe ta pyesin se çfarë tha. Mendoj se e tha pa dashje. Nëse e tha me dashje pastaj është puna e tij.

Edmond Spaho: Më jep fjalën

Ermonela Valikaj: Teknika ju lutem mikrofonin.

Edmond Spaho: Zonja drejtuese e seancës nuk keni moral ju të më kërkoni… Kur të më kërkojë kryeministri…

Drejtuesja e seancës i ndërpret fjalën zotit Spaho dhe njofton mbledhjen e sekretariatit.

Balla kërkon largimin e tij, Spaho në Parlament: Bastardë, do t’ju rrëzojmë me protesta

Debate të forta ka pasur pasditen e së enjtes në Parlament. Taulant Balla ka kërkuar largimin e Edmond Spahos pas deklaratave të forta të këtij të fundit.

Spaho deklaroi se rritja e çmimeve nga qeveria zgjidhet vetëm me protesta pasi Rama po grabit qytetarët. Spaho i qujti zyrtarët e qeverisë bastardë ndërsa i bëri thirrje shqiptarëve të ngrihen ndaj padrejtësive.

“Kjo ka zgjidhje, vetëm protestat. Nëse do të vijojmë këtu asgjë nuk do të ndryshojë. Nëse në vendet e tjera do bien çmimet pas gjashtë muajve kjo nuk do të ndodhë.

Duhet të ngrihemi në protesta e ti rrëzojmë. Këto marrin vesh vetëm me këtë gjuhë. Nuk ka gjuhë tjetër që shkon me këta bastardë.”-deklaroi Spaho.

syri.net

FOTOLAJM- Lana del nga shtrati dhe përmbyt Tiranën, rrugët të pakalueshme

Rrebeshi i shiut që zgjati disa minuta ka përmbytur Tiranën.

Siç duket edhe nga fotot që sjell Syri.net, stuhia ka bërë që lumi Lana të dalë nga shtrati në zonën ndërmjet kompleksit Delijorgji dhe Pallatit me Shigjeta.

Policia ka ndërprerë qarkullimin e automjeteve në të dy anët e ‘Unazës së Vogël’ për shkak se lartësia e ujit është e konsiderueshme.

Stuhia e shiut që përfshiu kryeqytetin këtë pasdite solli probleme në disa rrugë.

Uji vërshoi si pasojë e bllokimit të pusetave të kanalizimeve duke sjellë përmbytje.

Probleme raportohen në disa lagje të Tiranës ku rrugët janë të pakalueshme.

Ka mjaftuar pak minuta shi vere për të nxjerrë në pah cilësinë skandaloze të punimeve në infrastrukturë nga ana e bashkisë së Tiranës.

VIDEO- Ambasadorja e SHBA takon ministrat e Jashtëm të Shqipërisë nga 1991, ja mesazhi i saj

Buzëqeshje e shtrëngime duarsh, trokitje gotash e biseda miqësore. Kjo është ajo që shihet nga pritja e ngrohtë e ambasadës së SHBA-ve në Tiranë për ministrat e jashtëm të pluralizmit. Paskal Milo, Ilir Meta, Edmond Haxhinasto, Edmond Panariti, Aldo Bumçi, Ditmir Bushati, Lulzim Basha, Arta Dade, Tritan Shehu, Kasriot Islami etj kanë biseduar me ambasadoren e SHBA-ve për marrëdhëniet mes dy vendeve.

Ambasadorja e SHBA, Yuri Kim, ka pasur të ftuar të gjithë ministrat e Jashtëm shqiptarë, që prej vitit 1991, për një darkë të veçantë në Shtëpinë Ryerson, me rastin e 100-vjetorit të marrëdhënieve diplomatike midis Shteteve të Bashkuara dhe Shqipërisë.

“Si pjesë e festimeve tona për 100 vjetorin e marrëdhënieve diplomatike midis Shteteve të Bashkuara dhe Shqipërisë, Ambasadorja Yuri Kim pati nderin të ftojë të gjithë Ministrat e Jashtëm të Shqipërisë që prej vitit 1991, për një darkë të veçantë në Shtëpinë Ryerson. Ambasadorja Kim shprehu vlerësimin e thellë të Shteteve të Bashkuara për kontributet e dhëna nga secili prej Ministrave në zhvillimet dhe arritjet historike të Shqipërisë, përfshirë përparimin e tranzicionit nga komunizmi në demokraci, rrugëtimin e Shqipërisë në NATO dhe drejt anëtarësimit në Bashkimin Europian, kryesimin e OSBE-së dhe sigurimin e një vendi në Këshillin e Sigurimit të Kombeve të Bashkuara.

Mbi të gjitha, ajo falënderoi Ministrat për rolin e tyre në forcimin e marrëdhënieve midis Shteteve të Bashkuara dhe Shqipërisë, duke kujtuar se të gjithë ata – diplomatë amerikanë dhe shqiptarë – kanë fatin që të mund të ndërtojnë mbi punën e paraardhësve dhe detyrimin për të hedhur bazat për pasardhësit e tyre. Përgëzime për miqësinë midis Shteteve të Bashkuara dhe Shqipërisë! Gëzuar, edhe njëqind! Grupi ngriti gjithashtu edhe një dolli për të nderuar ata të cilët nuk mundën t’i bashkoheshin mbrëmjes, Muhamet Kapllani, Alfred Serreqi, Besnik Mustafaj dhe Gent Cakaj”, thuhet në mesazhin e ambasadës..

‘Butrinti’- Ina Zhupa: S’ka vend në botë që jep me koncesion pasuritë kulturore

Në seancën e sotme plenare, deputetja demokrate Ina Zhupa ka zhvilluar një interpelancë me Ministren e Kulturës, Elva Margariti për çështjen e menaxhimit të Parkut Kombëtar të Butrintit.

Në fjalën e saj, deputetja ngriti pyetjen sesi ka mundësi që shteti shqiptar ka hequr dorë nga mbrojtja e një vepre me vlera të paçmueshme siç është Butrinti dhe “t’ia dorëzojë atë privatit.”

Ndërsa solli në vëmendje faktin se është thënë se menaxhimi i Butrintit ka dështuar nga administrata politike dhe e paaftë, Zhupa ngriti pyetjen se përse nuk vendosen kritere dhe ndryshohen procedurat, për të vendosur profesionistë për menaxhimin e parkut.

“Për këtë koncesion, që realisht nuk keni guximin t’i thoni emrin e vërtetë sepse e kuptoni që në asnjë vend në botë, nuk ndodh që një shtet të nxjerrë pasurinë kulturore në koncesion dhe t’ia dorëzojë privati. Nuk ekziston, sepse ky ligj është antikushtetues dhe besoj do të kthehet nga presidenti”, tha Zhupa.

“Pse nuk vendosen kritere dhe nuk ndryshojnë procedurat duke vendosur profesionistë në krye të administratës, që mund të ofrojnë një administrim cilësor për Butrintin. Sa për administratë politike dhe të paaftë, atëherë të japim me koncesion Ministrinë e Kulturës dhe të na e administrojë fondacioni shqiptaro-amerikan. Që mesa duket është më i aftë se vetë shteti për të administruar perlën e trashëgimisë kulturore”.

Po ashtu deputetja demokrate theksoi se Këshillit Kombëtar të Kulturës Materiale i janë hequr kompetencat dhe ato i “kanë kaluar fondacionit privat.”

Kurse Ministrja e Kulturës, Elva Margariti tha se në Butrint nuk do të ketë asnjë hotel apo kullë. Gjithashtu u shpreh se rreth 1.5 km larg Butrintit parashikohet ngritja e një qendre pritjeje dinjitoze për vizitorët.

“Është për ndezur llampushke për një diskutim shterpë. Butrinti do të administrohet nga një fondacion shqiptar. Shteti shqiptar është i hapur për të tjerë donatorë të fuqishëm. Fondacioni funksionon sipas ligjit të OJF-ve shqiptare. Çdo qindarke e Butrintit do të mbetet në Butrint. Të gjithë ata që shohin ëndrra me kulla e hotele, i them që nuk do të ketë asnjë ndërtim të këtij lloji, do të parashikohet ngritja e një qendre dinjitoze larg rreth 1.5 km, që të kemi një hyrje dinjitoze në një park kombëtar si në shumë vende të botës. Do të sigurohet transport ekologjik. Çdo investim në Butrint i mbetet Butrintit, parashikojmë të kemi rreth 110 punonjës dhe shteti nuk do të shpenzojë më para për pagat e punonjësve. Arka e Butrinti do të fillojë të kontribuojë në kujdesin e Trashëgimisë Kulturore për t’i ardhur në ndihmë edhe siteve të tjerë”, tha Margariti.

syri.net

U përplasën nga “G Class-i” teksa kalonin vijat e bardha, dalin nga spitali Arjan dhe Vilma Konomi

Arjan dhe Vilma Konomi, çifti që u aksidentua duke kaluar në vizat e bardha në “Rrugën e Kavajës” kanë lënë spitalin, fiks një muaj nga ngjarja.

Burime nga Spitali i “Traumës” bënë me dije për gazetarin e News24 Marjus Merhori se gjendja e tyre është më e stabilizuar dhe jashtë rrezikut për jetën. Kujtojmë se autor i aksidentit është 39-vjeçari Ajas Sulejmani. Ai u largua nga vendi i ngjarjes fill pas përplasjes, por u arrestua më vonë në një klinikë private.

Suljemani justifikoi largimin duke thënë se e bëri për vajzën e tij të vogel, që ndodhej me të në momentin që ndodhi aksidenti. Gjithashtu, në momentin që ndodhi përplasja bashkë me çiftin ishte dhe vajza e tyre 3-muajshe. Për fat të mirë vogëlushja shpëtoi mrekullisht pa lendime.bw

Aleanca për Mbrojtjen e Butrintit: Do vijojmë takimet! Ligjin do e godasim në ‘Kushtetuese’

Aleanca për Mbrojtjen e Butrintit organizoi ditën e sotme tryezën e radhës në Durrës, ku morën pjesë ekspertë të arkeologjisë, ambjentalistë dhe aktivistë, te cilët kundërshtuan me argumenta ligjin për koncensionin e Butrintit të votuar nga mazhoranca socialiste në Kuvend.

Një ndër argumentat kryesore kundër këtij ligji është dhënia me koncension e një Parku Natyror ndaj një fondacioni privat të huaj, gjë e cila bie ndesh me ligjet e vendit.

Gjithashtu në fjalën e tyre ekspertët theksuan se sipas planeve të cilat nuk janë bërë publike, brenda Parkut të Butrintit do ndërtohen disko e kazino, si dhe resorte me vila, gjë e cila është kategorikisht e ndaluar.

Duke u mbështetur te argumentat ligjore dhe kushtetuese, nismëtarët e aleancës njoftuan se ligjin do ta çojnë në Gjykatën Kushtetuese. Anetarët e aleancës njoftuan që kjo lëvizje nuk do ndalet dhe do zhvillohet edhe në qytete të tjera.

syri.net

Paloka: Çfarë do Soros në çdo takim të Ballkanit të Hapur? Pse vjen çdo muaj në Shqipëri?!

Edhe këtë herë në Ohër, njësoj si në takimet e tjera të Ballkanit të Hapur, i pranishëm ishte djali i Sorosit, Aleksi.

Bie në sy se atij i rezervohen vendet e nderit në këto takime, ndërsa asnjëherë nuk është sqaruar se me çfarë kërkon ai në këto takime dhe çfarë përfaqëson.

Edi Paloka në një postim në FB, thotë se ky është një tregues se Soros i ‘fut hundët’ në politikat e vendeve të Ballkanit.

“Edhe një herë për ata që thonë gjoja me naivitet se akuzat ndaj Sorosit për ndërhyrje në politikat e vendeve ballkanike “janë fantazi dhe teori konspirative”.

A mund të përgjigjeni se çfarë do Aleks Soros në çdo takim të “Open Balkan” ku rreshton kryeministra e presidentë të Ballkanit si shërbëtorë?!

Po në Shqipëri për çfarë vjen një herë në muaj, apo nuk ka ku shkon tjetër?!” shkruan ai.

syri.net

Kryemadhi uron ‘live’ Begajn dhe i drejtohet kreut të PD: Shko në Gjykatën Kushtetuese për dekretin

Kryetarja e LSI, Monika Kryemadhi, foli në një intervistë për News24 lidhur me procesin e zgjedhjes së Presidentit të ri, Bajram Begaj.

Duke u ndalur te përplasja mes kryedemokratit Sali Berisha dhe Presidentit Ilir Meta, Kryemadhi tha se nuk është juriste, që të diskutojë dekretet e Presidentit.

Sipas Kryemadhit, Berisha mund t’i drejtohet Gjykatës Kushtetuese, për të qartësuar situatën, kreu i PD e akuzon Presidentin Meta për dekretin që firmosi nga Turqia për lirimin nga detyra si shef i Shtabit të Përgjithshëm të Bajram Begajt.

“Për hir të së vërtetës nuk jam juriste konstitucionaliste, që të diskutoj dekretet e Presidentit nga ana kushtetuese. Mendoj që mund t’i drejtohen Gjykatës Kushtetuese, e cila do ta bënte cdo gjë më të qartë. Duke iu drejtuar asaj, marrin përgjigje dhe deklaratat e Berishës. Nuk kam asgjë personale me Begajn, madje i uroj suksese në postin e tij të ri, por theksoj se të qenit President kërkon integritet, pavarësi veprimi e mendimi, si dhe atdhedashuri. Nuk e di nëse kjo do të jetë e mundshme për të, duke pasur parasysh një qeveri autokrate.
I gjithë procesi ishte jokonsensual, përjashtues. Kushtetuta thotë që nuk duhen përjashtuar palët, por duhen përfshirë në debat. Për mua mund të ishte President një gazetar, një analist që kishte pavarësi politike dhe integritet. Ajo që të bën përshtypje është verdikti i votës së mazhorancës, që i ka dhënë të drejtë të zgjidhet President pa konsensus”, tha Kryemadhi. bw

Foto e ditës – Të rrish me Lorenc Vangjelin dhe Carlo Bolinon qenkeshe ‘president normal’?!!!

VOAL- Në këtë foto është presidenti i zgjedhur Bajram Begaj. Edi Rama me socialistë thonë se është ‘president normal’. Pra, nëse rri me Lorenc Vangjelin dhe me Carlo Bolinon qenkeshe ‘president normal”?!!!

Këta dy të fundit ka 5 vjet që qëndrojnë në Shqipëri. Sipas Kushtetutës mund të zgjidheshin presidentë fare mirë. Po si nuk i shkoi mendja Edkës dhe u lodh të zgjedhë shokun e tyre?!!!

Në luftë me vdekjen prej 1 muaji në spital, vjen lajmi i mirë për kompozitorin Dizdari

Kompozitori i njohur Limos Dizdari ia ka dalë. Prej 1 muaji në spital, Dizdari ka arritur të fitojë betejën duke iu gëzuar jetës. Ka qenë vajza e tij Alda, e cila ka dhënë lajmin e mirë me një postim në rrjetet sociale.

Ajo ka publikuar dhe fotot nga spitali “Shefqet Ndroqi” të babait të saj, i buzëqeshur mes mjekëve.

Alda Dizdari tregon se e kishte prerë biletën dhe ishte përgatitur për një funeral, por se mjekët, që i quan heronj dhe shpirti i pamposhtur i të atit bënë mrekullinë.

Postimi i Alda Dizdarit
Nuk kam fjalë të falënderoj mjekët dhe gjithë stafin në Reanimacionin e Spitalit Shefqet Ndroqi (Sanatoriumi) të cilët si heronj të vërtetë luftuan dhe sollën në jetë babin tone Limos Dizdari.

Ai ishte i intubuar që nga data 2 Maj dhe shumë shpejt u pa se kishte jo vetëm mushkërite pa funksion po edhe një zemër që kishte bërë infarkt akut të përgjithshëm.

U vendos me shumë shpejtësi që zemrës t’i viheshin katër unaza për të bërë të mundur funksionimin e saj dhe në date 13 Maj ne familjarët nënshkruam lejen që ai të futej në operacion i intubuar. Unë bleva biletën dhe u përgatita për një funeral.

Por mjekët bënë mrekulli atë dite, mjekët por edhe shpirti i pamposhtur i tim ati. Ata e përmbushën me sukses operacionin dhe ai jetoi. Një staf i tërë iu dedikua për javë të tëra.

Me shumë dashuri, entuziazëm, bënë çdo gjë, bile edhe e mbushën sallën e reanimacionit me muzikën e tij, që t’i ngrinin humorin.

Një ndër njerëzit më të spikatur, që sa herë hynte në sallë përçonte dritë, forcë dhe shprese ishte doktoreshe Alma Cami, e papërkulur, asnjëherë e ndrydhur nga momentet delikate ku jeta e pacientit ndodhej.

Ajo i dha forcë atij, stafit të saj dhe gjithë neve. Ishin shumë njerëz që takova ato ditë, nga doktoresha e zemrës Nevila Caushi, Doktor Agroni, doktoreshe Marjeta, kryeinfermieria Klementina, Infermieret Ana, Mira, Eneida, Sametin, fizioterapistët Sergio dhe Bruno dhe sanitaret Moza dhe Etleva.

Të gjithë dhanë çdo gjë, punuan natë e ditë dhe pacienti i tyre reagoi, ai filloi të përmirësohet.

Dhe unë, e përgatitur për një funeral, pashe me sytë e mi si babin e ngritën dhe shëruan këta heronj të heshtur, për të cilët nuk para duam të mendojmë, se na kujtojnë momente të vështira. Por për mua ata do të mbeten përherë në mendjen dhe zemrën time!

Ju faleminderit pa fund të gjithëve! Një dite do të vij dhe do të luaj një koncert vetëm për ju dhe të shpreh mirënjohjen time mr të vetmen mënyrë që di, me muzikë!

Meta firmosi në Stamboll dekretin për dorëheqjen e Begajt, ja sqarimi nga Presidenca

Në përgjigje të interesimit të mediave Presidenca ka sqaruar procedurën e hartimit të dekretit për lirmin nga detyra e Shefit të Shtabit të Përgjithshëm të ushtrisë Bajram Begaj.

Sqarim i Këshilltarit për Mediat dhe Zëdhënësit të Presidentit të Republikës, z.Tedi Blushi

5 qershor 2022

Në përgjigje të interesimit të mediave BalkanWeb, News 24, Ora News, ABC, Syri TV, Panorama Online, Euronews Albania, Klan News, gazeta Standard, si dhe në sqarim të opinionit publik, bëjmë me dije se:

Propozimi i Kryeministrit dhe kërkesa për dorëheqje e Shefit të Shtabit të Përgjithshëm nga detyra dhe lirimin nga shërbimi aktiv është administruar në Tiranë, është shqyrtuar nga stafi i Presidentit të Republikës në Selinë e Tij, po në Tiranë.

Pasi është arritur në përfundimin se, propozimi i Kryeministrit dhe dorëheqja e Shefit të Shtabit të Përgjithshëm duhej pranuar, pa vonesë dhe në mënyrë që Presidenti Meta të mos bëhej pengesë për ecurinë e procedurave parlamentare për zgjedhjen e Presidentit të ri, praktika administrative dhe Dekreti i Presidentit është punuar në Tiranë, është hartuar në Tiranë, është numërtuar në Tiranë dhe i është përcjellë Presidentit, i cili e ka shprehur vullnetin e Tij publikisht përmes nënshkrimit të aktit.

Në vijim kopje e dekretit të nënshkruar është administruar elektronikisht në Tiranë në selinë e Presidentit, nga ku sipas procedurave ligjore administrative është sekretuar dhe kopje e këtij dekreti e vulosur me shkresë zyrtare të Sekretarit të Përgjithshëm të Institucionit të Presidentit i është përcjellë zyrtarisht autoriteteve kërkuese (Kryemimistrit dhe Ministrit të Mbrojtjes).

Forma, përmbajtja dhe ekstremitetet e dekretit të Presidentit të Republikës nuk ndryshojnë, pavarësisht vendit nga ku është bërë publik vullneti dhe nënshkruar ky akt.

Miratimi i një dekreti Presidencial si formë e shprehjes së vullnetit mund të bëhet kudo, por shqyrtimi i praktikës dhe hartimi i aktit, plotësimi i ekremiteteve, numërtimit, protokollimit, sekretimit, njehsimit, etj, janë veprime administrative që kryhen në Tiranë, në selinë e Institucionit të Presidentit të Republikës nga ku kryhet sipas ligjit dhe përcjellja zyrtare e aktit nga Sekretari i Përgjithshëm i Institucionit për zbatim tek autoritetet përgjegjëse apo kërkuese.

Kushtetuta në nenin 93 parashikon vetëm se, Presidenti i Republikës, në zbatim të kompetencave të tij, nxjerr dekrete.

Për çdo të interesuar që dëshiron të njihet me përmbajtjen e dekretit e gjen atë të publikuar si gjithmonë në faqen e institucionit në linkun e mëposhtëm:

Nëse ndokush dëshiron të njihet me dekretin edhe në format shkresor, mund të paraqesë një kërkesë për një kopje te njehsuar të këtij akti dhe mund ta sfidojë atë sipas dëshirës në Gjykatën Kushtetuese, Gjykatën Administrative apo në çdo organ ku ai e konsideron të aplikueshme dhe të realizueshme të drejtën e tij.

Presidenti i Republikës ka përgjegjësinë kushtetuese të ushtrojë kompetencat e tij, në përputhje me Kushtetutën dhe në respekt të parimit të luajalitetit kushtetues ka ofruar dhe do të ofrojë gjithëmonë mbështetje të sinqertë për ruajtjen e kushtetushmërisë, si dhe duke mos u bërë pengesë pa ndonjë shkak të ligjshëm apo kushtetues për procedurat parlamentare.

Presidenti Meta, jo vetëm në këtë rast, por asnjëherë nuk i është bërë pengesë autoriteteve/funksionarëve të lartë shtetërorë që me vullnetin e tyre të lirë heqin dorë nga mbajtja e një detyre publike.

Për më tepër që në rastin konkret bëhej fjalë për Presidentin e ri të Republikës.

Na vjen keq për të gjithë ata që humbën rastin ti mbanin iso këngës “Presidenti i vjetër bllokoi ardhjen e Presidentit të ri”!

Kushtetuta e para!

Ferdinand Dervishi: Presidenti Bajram Begaj ka ‘shpërduar detyrën’ si Shef Shtabi! Në ‘hetim paraprak’ nga SPAK! Rezulton në të paktën 3 dokumenta

Gazetari Ferdinand Dervishi, i ftuar në Task Force në SYRI TV me Sonila Meçon ka folur për zgjedhjen e Bajram Begajt si President i Republikës me 78 vota pro, 4 kundër dhe një abstenim.

I ftuar në Task Force në SYRI TV me Sonila Meçon, gazetari Ferdinand Dervishi ka sqaruar momentin kur ish-Shefi i Shtabit Bajram Begaj ka shpërdoruar detyrën gjatë ushtrimit të detyrës së tij ushtarake.

Dervishi ka sjellë një rast konkret në Shëngjin, kur Begaj kishte dhënë urdhër për të bllokuar një pronë të ushtrisë por që aty ishte ndërtuar me shpejtësi nga privati duke mos e zbatuar vendimin e Shefit të Shtabit, Bajram Begaj.

Sipas gazetarit, ky e mori vesh që nuk është zbatuar urdhri i tij dhe këtu është shpërdorimi i detyrës me mos veprim. Çfarë bërë ti me vartësit e tu kur nuk zbatojnë urdhrin e tij.

Dervishi: Ku implikohet konkretisht zoti Begaj në historinë e pronave të Forcës Detare dhe ku është bërë momenti kyç i padisë.

Në Shëngjin meqë u bë ndarja e 2016 e pronave, pronat brenda planit të përhapjes dhe jashtë planit të përhapjes, në një nga pronat që ishte jashtë planit të përhapjes, një qytetar duke marrë dokumenta të rregullta për këtë pronë jashtë planit të përhapjes, dhe fillon një ndërtim, por kjo ishte akoma pronë e ushtrisë pasi nuk kishte firmosur presidenti. Del kjo si histori dhe në momentin që është hedhur themeli ky zotëri Bajram Begaj ka bërë një urdhër që kjo pronë të merret në kontroll nga forcat e armatosura.

Me shkresa është në rregull por në këtë moment kjo ndërtesë ndërton edhe katër kate të tjera. Në momentin që urdhi nga Bajram Begaj si Shef Shtabi, erdhi që të mos lejohet ndërtimi ajo bëhet edhe katër kate me shpejtësi të rrufeshme. Kur iku Xhaçka erdhi Peleshi e bllokoi këtë histori. Ndërkohë që ndërtohej katër kate media vlonte dhe Facebook gjithashtu, ushtarakët komentonin. Pra ky e mori vesh që nuk është zbatuar urdhri i tij. Dhe këtu është shpërdorimi i detyrës me mos veprim. Çfarë bërë ti me vartësit e tu kur nuk zbatojnë urdhrin e tij.

Dervishi ka theksuar se Begaj është i përfshirë në aferën e pronave në bregdet dhe se emri i tij rezulton në të paktën tre dokumenta.

Dervishi: Rama thotë se duhet një president normal për ta vendosur përballë Metës si jo normal dhe jo bashkëpunues etj. por kjo nuk qëndron. Personi që kemi sot presienetin tonë ka një dosje në atë që quhen pronat e bregdetit. I janë vërsulur pronave të bregdetit. Prodhojnë miliarda euro dhe këto prona janë në mbrojte të ushtrisë.

Begaj vjen nga i njëjti grup që është përfshirë në këtë aferë.

Dosja e pronave është një histori e madhe që përfshinë edhe pronat e bregdetit. Kjo histori është e 2016 kur ngrihet një komision nga MM për të nxjerrë nga ushtria bazat detare. Me këtë studim i lihet më pak se 30% e këtyre pronave dhe 70% e tyre janë nxjerrë. Por që kjo të vazhdojë duhet të firmoset nga presidenti por as Nishani as Meta nuk e kanë firmosur.

Këshilli i Ministrave i sheh këto prona si pasuri dhe i ka nxjerrë me anë të një truku.

Të gjithë e dinë që kjo nuk është e ligjshme pasi është një truk, e di dhe ky person që sot është presidenti. Në këtë dosje është edhe Bajaram Begaj që është denoncuar nga Artur Meçollari dhe emri i tij del në të paktën tre dokumenta.

Bajram Bagaj dhe një tjetër janë në hetim paraprak sipas kreut të SPAK Kraja.

Bajram Begaj zgjidhet Presidenti i ri i vendit me 78 vota, merr një votë edhe nga opozita

Bajram Begaj është zgjedhur Presidenti i ri i vendit. Pas përfundimit të procesit të numërimit, ka rezultuar që 78 deputetë kanë votuar pro, vetëm katër deputetë kanë votuar kundër Begajt në krye të shtetit, ndërsa 1 deputet ka abstenuar. Mazhoranca ka 77 deputetë, çka do të thotë se një nga deputetët e opozitës të cilët morën pjesë në procesin e votimit, ka votuar pro kandidaturës së Begajt.