VOAL

Shqipëri

BIRN: Qeveria ndryshon ligjin e pronave sipas vendimit të Strasburgut, kompensime jo më pak se 10% e vlerës

Ministria e Drejtësisë prezantoi të martën në Komisionin parlamentar të Ligjeve projektligjin “Për disa shtesa dhe ndryshime në ligjin nr.133/2015 Për trajtimin e pronës dhe përfundimin e procesit të kompensimit të pronave”, në përmbushje të detyrimeve të përcaktuara nga Gjykata Evropiane për të Drejtat e Njeriut dhe Gjykata Kushtetuese.

Ndryshimet në ligj adresojnë vendimin e 7 majit 2020 të GJEDNJ-së në çështjen “Beshiri dhe të tjerë kundër Shqipërisë”, i cili e ka shpallur të papranueshme skemën e re të qeverisë me ligjin e 2015-ës për trajtimin dhe kompensimin e pronës. Ndryshimet kushtëzohen dhe nga një vendim i Gjykatës Kushtetuese i shkurtit 2021, e cila shfuqizoi disa prej dispozitave të këtij ligji si të papajtueshme me Kushtetutën.

Zv. ministja e Drejtësisë, Adea Pirdeni tha para deputetëve se “projektakti përmban dispozita për formulën e përllogaritjes së vlerësimit financiar për pronat që rezultojnë me zë kadastral të ndryshuar dhe për të cilët garantohet tashmë kompensimi të paktën në masën 10 përqind të vlerës sipas zërit kadastral aktual”.

Ajo sqaroi se projekligji detyronte rishikim të vendimeve përfundimtare të marra nga Agjencia e Trajtimit të Pronave (ATP) me skemën e vjetër të përllogaritjes dhe se bëhet fjalë për 4672 vendime që impaktohen nga skema e re.

“Në çdo rast është e garantuar se vlerësimi financiar i vendimeve përfundimtare për kthimin dhe kompensimin e pronës si dhe i vendimeve që kanë njohur vetëm të drejtën e kompensimit duhet të sigurojë që subjekti i shpronësuar të përfitojë jo më pak se 10 përqind të vlerës sipas zërit aktual kadastral,” tha ajo.

Vlera e parashikuar nga qeveria për rivlerësimin e këtyre vendimeve sipas zv/ministres kap shifrën 18.5 miliardë lekë dhe ATP-ja do të ketë një afat 3 mujor për të bërë rillogaritjen.

Ndryshimet në ligj po ashtu parashikojnë një mundësi të re për 6950 dosje të patrajtuara, ndërsa Pirdeni tha se ata që i janë drejtuar gjykatave mund të riaplikojnë nëse heqin dorë nga gjykimi.

Afati i ri ligjor për trajtimin e tyre do të jetë 31 dhjetor 2024.

“Projekligji i njeh të drejtën subjekteve që kanë tërhequr kërkesat e patrajtuara për njohje të pronës ose i janë drejtuar gjykatës së shkallës së parë që të heqin dorë nga gjykimi i çështjes dhe të paraqesin kërkesë pranë ATP-së,” tha Pirdeni, duke shtuar se kjo dispozitë vlen dhe për ata që i janë drejtuar gjykatës administrative për vlerësimin financiar të pronës.

Sipas relacionit shoqërues, ndryshimet bëjnë dhe rregullimin e autorizimit ligjor për Këshillin e Ministrave për të përcaktuar radhën dhe prioritetin e formave të kompensimit.

Deputetët e opozitës e cilësuan të një rëndësie të veçantë dhe kërkuan që të ishte ministri i Drejtësisë që të mbronte ndryshimet në komision, si dhe një seancë dëgjimore me grupet e interesit.

“Partia Demokratike e ka kundërshtuar në Gjykatën Kushtetuese dhe jemi para një realiteti të ri, ku qeveria detyrohet ta rishikojë pasi kjo gjykatë i ka shfuqizuar disa dispozita, ndaj këtu duhet të jetë ministri,” tha Dhurata Çupi.

Kërkesën e mbështeti dhe Oerd Bylykbashi, i cili shtoi se miratimi i ndryshimeve duhet të marrë kohën e duhur, pasi sipas tij, ligji “duhet të ketë kuptim si t’u kthejë pronën pronarëve dhe jo të bëhet një instrument për të mos e kthyer pronën”.

Kryetarja e Komisionit, Klotilda Bushka e cilësoi seancën vetëm prezantuese dhe njoftoi deputetët se në seancat e tjera komisioni do të ketë diskutime edhe në bazë të sugjerimeve e komenteve që do të adresohen në platformën e konsultimit publik./BIRN

EMRAT- Ja 14 të arrestuarit e grupit kriminal në Durrës

Policia e Durrësit ka zbardhur emrat e personave të arrestuar në kuadër të operacionin të koduar “Porositësi”.

Grupi kriminal u godit pas marrjes peng të dy vëllezërve Gentjan dhe Indrit Beqiraj në autostradën Durrës-Tiranë, dy ditë më parë.

Dyshohet se dy vëllezërit Beqiraj po planifikonin të vrisnin Aleksandër Lahon, i njohur ndryshe si Rrumi i Shijakut.

Ky i fundit, për të parandaluar ngjarjen e rëndë, u bëri dje pritë dy vëllezërve në autostradë.

Personat e arrestuar në operacionin ‘Porositësi’

1. Gentjan Beqiraj, 39 vjeç, banues në Durrës, për veprat penale “Mbajtja pa leje dhe prodhimi i armëve, armëve shpërthyese dhe i municioneve” dhe “Sigurimi i kushteve dhe mjeteve materiale për kryerjen e vrasjes”, kryer në formën e grupit të strukturuar kriminal;

2. Indrit Beqiraj., 32 vjeç, banues në Durrës, për veprat penale “Mbajtja pa leje dhe prodhimi i armëve, armëve shpërthyese dhe i municioneve” dhe “Sigurimi i kushteve dhe mjeteve materiale për kryerjen e vrasjes”, kryer në formën e grupit të strukturuar kriminal;

3. Flamur Bejko., 52 vjeç, banues në Durrës (punonjës i Policisë së Burgjeve, Durrës), për veprat penale “Mbajtja pa leje dhe prodhimi i armëve, armëve shpërthyese dhe i municioneve” dhe “Sigurimi i kushteve dhe mjeteve materiale për kryerjen e vrasjes”, kryer në formën e grupit të strukturuar kriminal;

4. Pellumb Hoxha., 52 vjeç, banues në Fushë Krujë, për veprat penale “Mbajtja pa leje dhe prodhimi i armëve, armëve shpërthyese dhe i municioneve” dhe “Sigurimi i kushteve dhe mjeteve materiale për kryerjen e vrasjes”, kryer në formën e grupit të strukturuar kriminal;

5. Idajet Hoxha., 42 vjeç, banues në Bulqizë, për veprat penale “Mbajtja pa leje dhe prodhimi i armëve, armëve shpërthyese dhe i municioneve” dhe “Sigurimi i kushteve dhe mjeteve materiale për kryerjen e vrasjes”, kryer në formën e grupit të strukturuar kriminal;

6. Armand Dalipi (Daka)43 vjeç, banues në Durrës, për veprat penale “Mbajtja pa leje dhe prodhimi i armëve, armëve shpërthyese dhe i municioneve” dhe “Sigurimi i kushteve dhe mjeteve materiale për kryerjen e vrasjes”, kryer në formën e grupit të strukturuar kriminal;

7. Fatjon Myrta, 52 vjeç, banues në Sukth, për veprën penale “Heqja e paligjshme e lirisë”;

8. Blerim Elezi, 51 vjeç, banues në Tiranë, për veprat penale “Prodhimi dhe shitja e narkotikëve”, “Mbajtja pa leje dhe prodhimi i armëve, armëve shpërthyese dhe i municioneve” dhe “Prodhimi, mbajtja, blerja apo shitja pa leje e armëve të ftohta”;

9. Gentian Sheshi., 50 vjeç, banues në Durrës, për veprën penale “Mbajtja pa leje dhe prodhimi i armëve, armëve shpërthyese dhe i municioneve”;

10. Kujtim Deliallisi, 64 vjeç, banues në Shijak, për veprën penale “Mbajtja pa leje dhe prodhimi i armëve, armëve shpërthyese dhe i municioneve”;

11. Albano Hajdari, 38 vjeç, banues në Durrës, për veprën penale “Mbajtja pa leje dhe prodhimi i armëve, armëve shpërthyese dhe i municioneve”;

12. Fatjon Hajdari, 39 vjeç, banues në Durrës, për veprat penale “Prodhimi, mbajtja, blerja apo shitja pa leje e armëve të ftohta” dhe “Prodhimi dhe mbajtja pa leje e armëve të gjuetisë dhe sportive”;

13. Armando Lama., 32 vjeç, banues në Durrës, për veprën penale “Mbajtja pa leje dhe prodhimi i armëve, armëve shpërthyese dhe i municioneve”, i dënuar më parë po për këtë vepër penale;

14. Altin Celami., 43 vjeç, banues në Tiranë (ushtarak në repartin e Pezë Helmës, Tiranë), për veprën penale “Mbajtja pa leje dhe prodhimi i armëve, armëve shpërthyese dhe i municioneve”;

Gjithashtu u referuan materialet shtesë në Prokurori, për shtetasin Ilirjan Feçi ., i arrestuar më parë në kuadër të operacionit “Golden Bullet”.

Në vijim të operacionit “Porositësi” u shpallën në kërkim shtetasit:

1. Agron Bejdolli., 51 vjeç, banues në Durrës, për veprën penale “Heqja e paligjshme e lirisë”;

2. Aleksander Laho alias Pellumb Muharremi, banues në Sukth, për veprën penale “Heqja e paligjshme e lirisë”;

3.Dritan Ferra alias Dritan Muça alias Dritan Prifti,, 42 vjeç, banues në Shijak, për veprën penale “Heqja e paligjshme e lirisë”;

4. Alban Skonja, 39 vjeç, banues në Durrës, për veprat penale “Mbajtja pa leje dhe prodhimi i armëve, armëve shpërthyese dhe i municioneve” dhe “Sigurimi i kushteve dhe mjeteve materiale per kryerjen e vrasjes” e kryer në formën e grupit të strukturuar kriminal;

5. Kevin Zeneli alias Kevin Suçi, 23 vjeç, banues në Durrës, për veprat penale ‘’Vrasja’’, “Mbajtja pa leje dhe prodhimi i armëve, armëve shpërthyese dhe i municioneve” dhe “Sigurimi i kushteve dhe mjeteve materiale për kryerjen e vrasjes”, kryer në formën e grupit të strukturuar kriminal. Aktualisht është në kërkim ndërkombëtar, për një tentativë vrasjeje në Belgjikë.

Gjithashtu, u referuan materialet në Prokurori, për shtetasin Kasander Noga , aktualisht i arrestuar në Belgjikë.

Strukturat hetimore të Drejtorisë Vendore të Policisë Durrës, në bashkëpunim të ngushtë me Departamentin e Policisë Kriminale në Policinë e Shtetit, nën drejtimin e Prokurorisë pranë Gjykatës së Rrethit Gjyqësor Durrës, kanë intesifikuar veprimet hetimore për zbardhjen e ngjarjeve kriminale të ndodhura më parë, identifikimin dhe kapjen e autorëve.

Policia njofton se:

Në kuadër të veprimeve të thelluara të kryera në vijimësi, si dhe atyre të kryera gjatë dy ditëve të fundit, nisur edhe nga konflikti mes 2 vëllezërve me disa persona të tjerë, u bë e mundur zbardhja e disa ngjarjeve kriminale, si dhe qëllimi i konflikit të ndodhur më datë 02.10.2022, në autostradën Durrës-Tiranë, në vendin e quajtur “Koxhas”, ku disa persona me automjete kanë goditur motomjetin e dy vellezërve G. B. dhe I. B. dhe më pas kanë marrë me vete, njërin prej tyre, për disa minuta.

Në sajë të veprimeve të shpejta, reagimit dhe presionit policor, personat që kishin marrë në automjet shtetasin I. B., në pamundësi për të dalë me automjet nga perimetri i rrethimit të Policisë, e kanë lënë në rrugë shtetasin I. B., kanë braktisur automjetet dhe kanë mundur të largohen në këmbë.

Nga tërësia e veprimeve hetimore u bë dokumentimi i plotë i kësaj ngjarjeje dhe identifikimi i autorëve të saj. Është vënë në pranga njëri prej autorëve dhe janë shpallur në kërkim 3 të tjerë. Gjithashtu u sekuestruan mjetet e përdorura në këtë ngjarje. Në automjetin me të cilin është marrë peng shtetasi I. B. janë gjetur dhe fiksuar prova shkencore.

Në vijim të hetimeve të thelluara, të nisura më parë nga Policia e Durrësit, në bashkëpunim me Prokurorinë, ka rezultuar se personat e arrestuar, në bashkëpunim me njëri-tjetrin, kanë vepruar në formën e një grupi të strukturuar kriminal, nga viti 2021 dhe në vazhdim.

Shtetasit G. B. dhe I. B., në periudha të ndryshme kohore, janë kontaktuar nga shtetasit K. Z. alias K. S. dhe I. F., për llogari të shtetasit K. N., kundrejt pagesave nga 50 mijë deri 150 mijë euro, për të kryer vrasjen e një shtetasi dhe të nipërve të tij, në qytetin e Tiranës, si dhe për vrasjen e shtetasit A. M., në qytetin e Durrësit.

Për realizimin e kësaj veprimtarie, 2 vëllezërit janë paguar paraprakisht me një shumë prej 6000 eurosh. Fillimisht ata kanë siguruar kushtet e nevojshme për kryerjen e vrasjes, si armë zjarri, automjet, motoçikletë, si dhe kanë marrë me qira një banesë, në afërsi të objektivit.

Në lidhje me objektivin e parë për të cilin ishte marrë porosia, për një shtetas dhe nipërit e tij, ishte planifikuar që vrasja të behej në zonën e Don Boskos, pasi ky shtetas frekuentonte një lokal të caktuar në këtë zonë. Pavarësisht porosisë dhe planifikimit, shtetasit G. B. dhe I. B. nuk kanë kryer veprime aktive në këtë ngjarje.

Vrasja e këtij shtetasi nuk u krye për shkak të ngatërrimit të objektivit dhe për pasojë, më datë 04.01.2022 u vra shtetasi A. Ç. alias E. Ç. dhe u plagosën 4 shtetas të tjerë. Autori i kësaj ngjarjeje dyshohet të jetë shtetasi K. Z., i cili pas ngjarjes është ndihmuar nga dy vëllezërit, për t’u larguar jashtë shtetit.

Në lidhje me planifikimin dhe marrjen e porosisë për vrasjen e shtetasit A. M., nga hetimet e thelluara rezultoi se 2 vëllezërit kishin siguruar kushtet për kryerjen e vrasjes së tij. Dy vëllezërit ishin porositur nga shtetasi K. Z. dhe kjo vrasje ka ndodhur pak kohë më vonë, por ende nuk është zbardhur plotësisht se nga kush është kryer kjo vrasje.

Nga hetimet e thelluara rezulton se prosositësi i dy vrasjeve të mësipërme është shtetasi K. N., i cili aktualisht është i arrestuar në Belgjikë. Ky shtetas ka porositur shtetasin K. Z., i cili ka paguar dy vëllezërit, për krijimin e kushteve për kryerjen e vrasjeve.

Gjithashtu, dy vëllezërit janë kontaktuar dhe porositur edhe nga shtetasi F. B., që kundrejt pagesës të kryenin vrasjen e shtetasve S. Z. dhe I. H. Për këtë veprimtari kriminale, vëllezërit kanë marrë një shumë paraprake prej 3500 eurosh dhe kanë siguruar mjetet për realizimin e kësaj ngarjeje dhe konkretisht 4 kg eksploziv, si dhe një armë zjarri automatik, të cilat janë gjetur dhe sekuestruar gjatë kontrolleve të ushtruara nga shërbimet e Policisë, gjatë datës 3 tetor 2022.

Personat e tjerë të lartpërmendur, aktualisht të arrestuar, janë të përfshirë në aktivitetin kriminali të dy vëllezërve.

Në cilësinë e provës materiale u sekuestruan: 1 kallashnikov, municion luftarak, 4 kilogramë eksploziv, fitil zjarrpërcjellës, detonator elektrik për shpërthime në distancë, 4 automjete, nga të cilat 2 blinduara, 2 motoçikleta, lëndë narkotike kokainë, 17 aparate celulare, 3050 euro, 2 armë gjahu shotgan, 1 thikë, sprajt neutralizues, 4 pistoleta sportive dhe 1 palë targa.

Strasburgu rrëzon vetingun- Besnik Cani u shkarkua nga Luan Daci

Gjyqtari Besnik Cani, i shkarkuar nga Kolegji i Posaçëm i Apelimit, ka fituar gjyqin në Strasburg. Besnik Cani u shkarkua në 27 shkurt 2020 nga KPA.

Kolegji i Posaçëm i Apelimit e shkarkoi nga detyra prokurorin Besnik Cani pas ankimimit që bëri Operacioni Ndërkombëtar i Monitorimit (ONM).

Fillimisht Cani kaloi vetingun pavarësisht disa problemeve që shfaqi me pasurinë. Më pas, ai u zgjodh anëtar i Këshillit të Lartë të Prokurorisë.

Gjithashtu, edhe Komisioneri Publik ankimoi vendimin e Komisionit të Pavarur të Kualifikimit, që pavarësisht problemeve me justifikimin e pasurisë dhe anën profesionale dhe etike, e konfirmoi në detyrë prokurorin Cani.

Pjesë e vendimit për shkarkimin e tij ka qenë dhe Luan Daci, i cili u dënua me vendim të formës së prerë me shërbim provë për falsifikim dokumentesh.

Tashmë hapet mundësia që të gjitha vendimet ku ka qenë pjesë ish-anëtari i KPA, Luan Daci, të ankimohen në Strasburg. syri.net

Berisha jashtë sallës së Parlamentit: Basha të bëjë transparent problemin e fondeve ruse

Kryetari i Partisë Demokratike, Sali Berisha në një prononcim për mediat jashtë parlamenti kërkoi që Basha të bëjë transparencë lidhur me akuzën e fondeve ruse.

Kjo thirrje është e disata herë që drejtohet Bashës pasi ai është anëtar i PD-së dhe deputet i grupit të PD, duhet të sqarojë të gjitha dyshimet që janë ngritur.

Pyetje: Keni një koment për disa takime që ka nisur Lulzim Basha me disa anëtarë të PD-së?

Berisha: I vetmi koment që kam unë për Lulzim Bashën është të bëjë transparent problemin e fondeve ruse. Kjo është shumë serioze. E them në mënyrë të vendosur. Unë nuk kam komunikuar kohët e fundit, por Komisioni i Auditit i krijuar për këtë qëllim atij do ti japë të drejtën të shpjegojë këtë aktakuzë të rëndë, por tërësisht personale, pasi është faktuar se ajo nuk ka pasur lidhje me asnjë institucion të PD, nuk ka hyrë dhe dalë nga arka e PD, asnjë qindarkë. Kjo është e sigurtë.

Unë mendoj se është e domosdoshme që ai të sqarojë këtë akuzë të përsëritur, tashme. U bë njëherë nga gazetarë të Mother Jones, por tani nuk janë gazetarë, por shërbime inteligjente të SHBA.

Pyetje: Këto takime i shikoni si të padëmshme që bëhen pak muaj para zgjedhjeve lokale?

Berisha: Nuk kam asnjë lloj impresioni. U thashë edhe njëherë, me Bashën kam vetëm këtë problem, përsa kohë ai është anëtar i PD-së dhe deputet i grupit të PD, ai duhet të bëjë transparencë dhe ky është një kusht shumë i rëndësishëm. Nuk mund të pranohet një gjë e tillë pa u sqaruar. Të gjithë presin këtë sqarim.syri.net

Spiropali e përfshirë në aktivitet kriminal? Zagani: E dyshuar si kontigjent

Ministrja e Shtetit për Marrëdhëniet me Parlamentin Elisa Spiropali rezulton në mesin e emrave të dyshuar si të përfshirë në veprimtari kriminale apo të dyshuar kontingjentë, në dokumentet e publikuara sot nga “Homeland Justice”.

Ish-shefi i anti-drogës, Dritan Zagani, teksa komentoi deklaratën e Spiropalit në edicionin e pasdites me Armela Ferkon në Syri Tv, tha se ministrja e Ramës ka të drejtë kur thotë se ‘gjithçka flitet është qesharake’.

Sipas Zaganit, Spiropali përfaqëson një shtet jo qesharak, por shtet bananesh që ja kanë ulur të brendshmet në tokë.

“Emri i saj për mendimin tim, duke mos pasur të dhëna dhe sqarim të plotë të Policisë së Shtetit, kjo kam dyshim mos është listë nga ato që policia i regjistron si të dyshuar për një vepër penale të ndryshme.

Ngelen aty për një afat të pacaktuar. Kur nuk ka një aktivitet të provuar kriminal, nuk kalojnë më për procedim, ngelen thjeshtë të dyshuar si kontigjent.”-tha Zagani.

Habit policia, hakerat nuk kanë marrë të dhëna, por mos i publikoni…

Pas publikimeve në media dhe në rrjetet sociale të të thënave shumë sensitive të policisë së shtetit kanë reaguar edhe këta ta fundit duke i kërkuar, medias që të mos publikojë të dhënat që janë bërë publike nga hakret e Homelen Justice

REAGIM I POLICISË SË SHTETIT:

Nga deklarimet e bëra sot në media dhe referimet e këtyre deklarimeve, sipas të cilave janë marrë të dhëna nga sistemi MEMEX, sqarojmë opinionin publik se ky sistem nuk është prekur dhe se këto të dhëna nuk kanë të bëjnë fare me databazën e sistemit policor MEMEX.

Policia e Shtetit njofton se, deri në këto momente, nuk janë prekur apo dëmtuar të dhëna sensitive që administrohen në këtë sistem, të cilat kanë të bëjnë me punën policore.

Policia e Shtetit, në bashkëpunim të ngushtë me partnerët, po heton origjinën e rrjedhjes së këtyre të dhënave dhe apelon që, në zbatim të urdhrit të prokurorit, të datës 19.09.2022, të mos publikohen nga mediat audiovizive, të shkruara, online, në rrjete sociale apo në çdo formë të publikimit apo transferimit, të dhëna që postohen nga autorët e këtij sulmi kibernetik ndaj sistemeve dixhitale të Policisë së Shtetit. syri.net

Hakerat publikojnë kartotekën e MEMEX- Berisha: Çdo gjë në këtë shtet të mafias, ndodhet në duart e krimit

Kryetari demokrat, Sali Berisha, denoncoi sot publikimin nga nga hakerat të listës së çdo shqiptari të dyshuar për krime në vend.

Berisha tha se ky është një moment jashtëzakonisht i rrezikshëm për vendin.

“Denoncoj vendosjen nën kontroll të plotë nga krimi shtetëror i të gjitha të dhënave të këtij vendi, me gjithë mohimet e papërgjegjshme të kreut të këtij shteti, që funksionon si një shtet i mafies.

Njoftimi i mëparshëm rezulton 100 përqind i vërtetë. Sot, nga sistemi MEMEX, i cili përbën kartotekën e punës 30-vjeçare të Policisë së Shtetit, janë publikuar 105 mijë emra shqiptarësh, të dyshuar, të hetuar nga policia për krime të llojeve nga më të ndryshmet.

Nga sistemi janë ekspozuar emrat në mënyrë që të paralajmërohen të gjithë ata që janë në vëzhgim, janë në hetim, janë në shqyrtim për aktivitete të ndryshme kriminale.

Është ky një moment jashtëzakonisht i rrezikshëm për vendin. Është ky një moment që dëshmon se çdo gjë në këtë shtet të mafias, ndodhet në duart e krimit.

Është ky një moment, në të cilin Shqipëria bëhet vendi më i rrezikshëm në Ballkan dhe Europë, pasi paralajmëron kështu, kontigjentet e delikuenteve të saj se janë në ndjekje dhe mbikëqyrje policore, dhe se ata për të shpëtuar, duhet të largohen,” tha Berisha.

syri.net

Berisha: Sistemi TIMS u sulmua nga hackera qeveritarë, do zhduknin lidhjet e qeverisë dhe të deputetëve me krimin

Kryetari i Partisë Demokratike, Sali Berisha lëshoi akuza të forta, duke shtuar se sistemi TIMS u sulmua nga hackera qeveritarë.

Në një dalje për mediat, Berisha pohoi se sistemi TIMS u sulmua për të zhdukur lidhjet e qeverisë dhe të deputetëve me krimin.

“Sistemi TIMS sipas burimeve serioze është sulmuar nga hakera qeveritarë me qëllimin për të zhdukur të gjitha gjurmët e lidhjeve të qeveritarëve deputeteve me grupe trafikantësh he kriminale dhe udhëtimet e tyre të përbashkëta që janë prove e bashkëpunimit me politikën. Nxjerrja e të dhënave të kartotekës përbën shkallën më ekstreme të dekonspirimit dhe të dorëzimit të këtij shteti mafioz në duart e krimit.”, tha Berisha.bw

Deklarata e fortë e ekspertit të kriminalistikës: 1.7 giga informacion kriminal i sistemit Memex u publikua sot nga hackerat

Eksperti i kriminalistikës, Ervin Karamuço ka bërë një deklaratë të fortë, ku thuhet se hackerat kanë sulmuar sistemin Memex.

Përmes një reagimi në rrjetin social ‘Facebook’ Karamuço pohoi se ndodhi ajo që i druheshin, duke shtuar se plot 1.7 giga informacion kriminal i sistemit policor Memex u publikua sot nga hackerat.

“Ajo që kishim dyshime dhe që druheshim ta thonim me plot gojë ndodhi. 1.7 giga informacion kriminal i sistemit policor Memex u publikua sot nga hakersat. Siguria publike është vënë në pikëpyetje të madhe….”, shkruan Karamuço. Sistemi Memex ka informacione sekrete mbi ngjarje ku përfshihet dhe sistemi i Menaxhimit Policor të çështjeve dhe të gjitha veprimet e kryera nga këto struktura.

Me këtë hakerim të të dhënave, çdo person i përfshirë në veprimtari kriminale mund të kërkojë dhe të shikojë sesi e paraqet policia shqiptare atë në sistemin e kërkimit.

(BalkanWeb)

Rikthehet në detyrë policja seksi Anisa Kostani

Rikthehet në detyrë policja seksi Anisa Kostani. Shkarkimi i saj u bë me bujë të madhe, pas deklaratave fyese dhe kërcënuese ndaj gazetarëve të kronikës së zezë.

BalkanWeb mëson se Kostani është rikthyer të premten në detyrën e saj të mëparshme si nënkomisare pranë sektorit të Krimit Ekonomik në drejtorinë e policisë së Elbasanit.

Kujtojmë se vendimi për pezullimin e saj nga detyra erdhi më 19 gusht të këtij viti, ngjarje për të cilën reagoi dhe vetë drejtori i Policisë së Shtetit asokohe, Gledis Nano.

DEKLARATAT FYESE
Anisa Kostani, policja nga Elbasani që u bë e famshme për faktin se mbante në shtëpi si kafshë shtëpiake një gjarpër, ndërsa u bë objekt debati pas gjuhës dhe kërcënimeve që lëshoi ndaj gazetarëve pas një ngjarje kriminale në qytetin ky ajo punon. Policja akuzoi ata që shkruajnë keq për Policinë e Elbasanit se e kanë marrë provimin prej “profesorëve Don Zhuanë”.

NJOFTIMI I POLICISË PËR SHKARKIMIN E POLICES
Me keqardhje ndoqëm reagimin aspak etik dhe profesional të një oficereje të Policisë së Drejtorisë Vendore të Policisë Elbasan, e cila nëpërmjet një postimi në rrjetet sociale ka fyer gazetarët, me pretendimin se gazetarët po përbaltin punën e Drejtorisë Vendore të Policisë Elbasan.
Përsa më sipër, Drejtori i Përgjithshëm i Policisë së Shtetit Gledis Nano ka pezulluar menjëherë nga detyra oficeren e Policisë, Nënkomisare Anisa Kostani dhe ka urdhëruar Drejtorinë e Standardeve Profesionale në Drejtorinë e Përgjithshme të Policisë së Shtetit për të nisur hetimin disiplinor ndaj kësaj oficereje, për shkelje të rëndë të Rregullores së Policisë së Shtetit, miratuar me VKM nr. 750 datë 16.09.2015, konkretisht të nenit 209, pika 1 “Shkelja e rëndë e atributeve/kompetencave të policisë pa ndonjë arsye bindëse, nuk i përmbush apo dështon në përmbushjen e detyrave dhe përgjegjësive të caktuara, të cilat kanë shkaktuar pasoja të rënda në kryerjen e detyrave”. Sqarojmë opinionin publik se mendimet dhe opinionet personale të punonjësve të Policisë nuk përfaqësojnë në asnjë rrethanë, mendimet dhe opinionet e organizatës së Policisë së Shtetit, e cila ka një sektor të posaçëm, përmes të cilit komunikon zyrtarisht me median dhe publikun. Policia e Shtetit është e bindur dhe e vendosur për të krijuar një marrëdhënie partneriteti dhe oponence me median, bazuar në respektin reciprok dhe në të vërtetën. Policia e Shtetit falënderon gazetarët për punën e tyre në drejtim të informimit të publikut në lidhje me veprimtarinë e organizatës së Policisë së Shtetit dhe kërkon mirëkuptimin e tyre që raste sporadike të mos cënojnë marrëdhëniet korrekte mes gazetarëve dhe Policisë së Shtetit.

Termocentralet lundruese hedhin spirancat në Gjirin e Vlorës, ambientalistët paralajmërojnë pasoja

Dy termocentrale lundrues, që kanë hedhur tanimë spirancat e tyre në Gjirin e Vlorës, në detin Jon, do të fillojnë të prodhojnë në 1 janar 2023, 15 përqind të sasisë së energjisë vjetore që i duhen ekonomisë dhe familjeve në Shqipëri. Sipas ekspertëve vendas energjia e prodhuar nga dy termocentralët lundrues, të marrë me qira për 2 vjet nga kompania amerikane “Excelerate Energy” do të ketë një kosto tri herë më të ulët sesa e njëjta sasi e importuar.

Lufta në Ukrainë, kriza energjitike nga reduktimi drastik prej Rusisë i furnizimit të Europës me gaz natyror, parashikimet për një dimër me reshje të pakta shiu dhe dëbore, rritja stratosferike e ꞔmimit të energjisë në tregjet europiane dhe botërore janë sinjale të qarta edhe për Shqipërinë që parathonë vështirësi të pazakonta të furnizimit me energji. Në këtë kontekst, qeveria Rama vendosi në fillim të këtij muaji rritjen e ꞔmimit të energjisë elektrike për konsumatorët familjarë për tre muajt e fundit të këtij viti: duke filluar nga kjo e shtunë, (01.10) ata do të paguajnë 4, 5 herë më shumë për 1 KW/orë nëse konsumojnë më shumë se 800 KW/orë në muaj. Por të premten (30.09) kryeministri Rama njoftoi se qeveria vendosi që vendimi për rritjen e çmimit të energjisë mbi konsumimin e 800 KW/orë në muaj të mos hyjë në fuqi “nisur nga reshjet dhe kursimi i energjisë”.

Arbër Avrami, drejtor Ekzekutiv i AIbgaz, thotë për DW se “me dy termocentralet lundrues Shqipëria ka mundësuar sigurimin e një zgjidhjeje tejet të vlefshme në përballimin e sfidave imediate që ka prodhuar kriza energjetike. Me kapacitet 110 MW/orë dhe me potencial për të prodhuar jo më pak se 867 GW në vit, këto terminale lundruese ofrojnë një mundësi të mirë për përballimin e krizës energjetike globale që pritet të agravohet gjatë dimrit të ardhshëm.”

Gjermania dhe termocentralet lundrues

Sipas burimeve zyrtare nga Ministria e Energjetikës dhe Infrastrukturës numri i anijeve-termocentrale lundrues- është i kufizuar në nivel global. Kompania amerikane “Excelerate Energy” ka vetëm 10 të tilla, dy prej të cilave janë ato që kanë mbërritur në Gjirin e Vlorës. Në kushtet e krizës globale energjetike kërkesa për termocentralët lundrues sa vjen dhe po rritet.

“Edhe vende të zhvilluara si Gjermania po i konsiderojnë këto anije lundruese, që gjenerojnë energji si një mjet të tejkalimit të problematikës emergjente po aq sa edhe një mënyrë të përshtatshme, që mundëson balancimin e mungesës së energjisë nga tërheqja e vullnetshme e Gjermanisë prej përdorimit të energjisë bërthamore. Gjermania po i shikon termocentralet lundrues si një alternativë të preferueshme, efikase në kohë, elastike lidhur me dislokimin gjeografik atje ku nevojiten më shumë dhe me rrezik mjedisor më të reduktuar”, thotë për DW, Arbër Avrami.

Impakti mjedisor brenda standarteve ndërkombëtare

Prodhimi i energjisë elektrike nga dy termocemtralet lundrues pas tre muajve është “konform legjislacionit vendas, standardeve ndërkombëtare të ruajtjes së mjedisit dhe ka marrë edhe çertifikatën përkatëse mjedisore”, sqaron për DW, Arbër Avrami. “Platformat do ta zhvillojnë veprimtarinë e tyre në një zonë që ka për destinacion përdorimin industrial. Ato janë brenda kompleksit industrial të Triportit në Vlorë, ku ndodhet edhe Termocentrali i Vlorës, zona e përpunimit të hidrokarbureve Petrolifera si dhe veprimtari të tjera me karakter të ngjashëm”, thekson ai.

Lidhur me lëndën djegëse që do përdorin termocentralet lundruese për prodhimin e emergjisë elektrike “do të jenë ato që përmbushin standardin botëror dhe përdoren në mjete lundruese dhe veprimtari industriale, me emetime gazrash sipas normave të lejuara vendase dhe ndërkombëtare për emetimet industriale”, thotë Arbër Avrami. “Teknologjia që do përdoret në këto impiante garanton që impakti mjedisor të qëndrojë konform manualeve ndërkombëtare të Bankës Botërore, marrëveshjeve ku Shqipëria bën pjesë, rregullave për lejet mjedisore në Republikën e Shqipërisë” thekson ai për DW.

Ambientalistët: dimër në errësirë apo mjedis të parrezikuar?

Por ambientalistët dhe organizatat mjedisore mendojnë ndryshe. Rreziku i mungesës së energjisë dhe i një dimri në errësirë i kanë ndarë opinionet e tyre lidhur me pasojat e ndotjes së mjedisit dhe ato në florën dhe faunën e detit Jon, në Gjirin e Vlorës, nga prodhimi i energjisë prej dy termocentraleve lundrues duke përdorur një lloj nafte. Ambientalisti Xhemal Mato thotë për DW, se “në kushtet e mungesës së energjisë elektrike dhe të një dimri në errësirë dobia e prodhimit të energjisë elektrike nga dy termocentralët lundrues është më e madhe sesa dëmtimi i mjedisit, që mendoj se nuk do të jetë i pakthyeshëm dhe shumë i rëndë.”

Por organizata mjedisore “Aleanca për mbrojtjen e Gjirit të Vlorës” dhe një grup tjetër ambientalistësh bashkë me qytetarë të Vlorës kanë protestuar kundër vendosjes në Vlorë të dy anijeve që pritet të prodhojnë energji elektrike. Ambientalisti Sazan Guri thotë për DW, se përdorimi i naftës si lëndë djegëse do të shkaktojë dëmë të mëdha “pasi nuk ndodh në tokë, e cila ka aftësi gjeneruese por në det që nuk i ka këto aftësi, gjë që rrezikon të shkaktojë dëmë të mëdha mjedisore.” “Termocentralet lundruese nuk kanë ftohje. Uji që do të dalë prej tyre do të jetë mbi 40-45 gradë gjë që do të thotë që fauna dhe flora në det në det do të shkatërrohet pasi nuk e duron këtë temperaturë. Ndotja e ujit të detit dhe e ajrit do të sjellë dëme të mëdha mjedisore”, thotë ambientalisti Sazan Guri.

Infrastruktura e gazit në zhvillim e sipër

Kundërshtimi i lëvizjes ambientaliste ndaj vend-ndodhjes së termocentraleve lundrues dhe funksionimit të tyre të përkohshëm me naftë, duket se nuk mund të jape rezultate të menjëhershme. „Tani për tani nuk është i mundur përdorimi i gazit natyror si lëndë djegëse për të prodhuar energji elektrike dhe patur emetime më të ulta gazrash të dëmshme sesa hidrokarburet. Në Shqipëri infrastruktura e gazit është në zhvillim e sipër dhe e kufizuar vetëm në tubacionin TAP që çon gazin drejt Italisë”, thotë për DW Arbër Avrami, Drejtori Ekzekutiv i Albgaz.

Megjithatë po bëhen hapa përpara. “Në bashkëpunim me partnerët strategjikë të kompanive amerikane, “Excelerate Energy” dhe „Exxon Mobil” po ngrihet infrastruktura e një terminali të ri për portin e lundrueshëm të gazit të lëngët (LNG) në portin e Vlorës dhe transmetimit të LNG deri në TEC-in ekzistues në Vlorë. Më pas nëpërmjet tubacionit Fier-Vlorë do të bëhet ndërlidhja me tubacionin TAP të gazit,” thekson për DW, Arbër Avrami. Kur të fillojë furnizimi me gaz përmes këtij terminali, termocentralet lundrues do të konvertohen për të përdorur gazin natyror si lëndë të parë djegëse për të prodhuar energji elektrike.

Projekte rajonale për siguri energjetike

Ambicia e Shqipërisë për t’u shndërruar në një nyje rajonale energjetike synon të realizohet brenda dy viteve kur të përfundojë ndërtimi i terminalit të lundrueshëm në portin e Vlorës, i cili “do të garantojë jo vetëm plotësimin e nevojave të brendshme por do të shndërrojë Shqipërinë edhe në një kontributor të sigurisë energjitike në Ballkan dhe në Europën Jug-Perëndimore,” thotë Arbër Avrami. “Shqipëria po negocion me Maqedoninë e Veriut dhe Kosovën që të bëjë të mundur një integrim më të gjerë infrastrukturor të rajonit për sigurinë energjitike. Ajo do të kontribuojë jo vetëm nëpërmjet përshpejtimit të ndërlidhjes nëpërmjet TAP dhe gazit natyror por edhe kontributit me energji elektrike nga vënia në funksionim e TEC-it të Vlorës dhe ndërtimit të Hidrocentralit të Skavicës”, thekson Avrami.

Një projekt tjetër me rëndësi rajonale është ai i ndërtimit të tubacionit Jonian-Adriatik që do të lidhë sistemin ekzistues të transmetimit të gazit të Kroacisë me gazsjellësin TAP përmes Malit të Zi, Shqipërisë dhe në bashkëpunim të ngushtë me Bosnjë-Hercegovinën.

Shndërrimi i Shqipërisë në një qendër energjitike rajonale ka sjellë interes në rritje të partnerëve rajonalë për të bashkëpunuar, bazuar në interesa të ndërsjellta për diversifikimin e burimeve të energjisë dhe uljen e varësisë në rajon nga gazi rus. Një shembull inkurajues është bashkëpunimi mes Shqipërisë dhe kompanisë amerikano-bullgare, Overgas, lider në Bullgari në sektorin e gazit. Kjo kompani nënshkroi në Tiranë në janar të këtij viti një Memorandum Mirëkuptimi me kompaninë shtetërore shqiptare Albgas lidhur me bashkëpunimin dy palësh për realizimin e projekteve që diversifikojnë furnizimin me gaz natyror në Ballkanin Perëndimor (BP) dhe në Europë. Këtu përfshihet edhe furnizimin e kompanisë Overgas me Gaz të Lëngshëm, (LNG) në portin e Vlorës dhe realizimit të terminalit të lundrueshëm në portin e Vlorës, që do të ndërtohet nga kompanitë amerikane Exxon Mobil dhe Excelerate Energy, lidere në tregun global të LNG./ dita

Besart Xhaferi zgjidhet kryetari i ri i Forumit Rinor të Partisë Demokratike

Mbyllet numërimi i votave për zgjedhjen e kryetarit të ri të Forumit Rinor të Partisë Demokratike.

Lidershipi i të rinjve demokratë i është besuar Besart Xhaferit me 5256 vota. Besart Xhaferi pason në këtë detyrë, deputetin demokrat, Belind Këlliçi.

Konkretisht kandidatët kanë marrë:

Alesia Balliu – 186 vota

Arnold Kariqi – 1683 vota

Artion Bajramaj – 528 vota

Barbara Doda – 452 vota

Besart Xhaferi – 5256 vota

Mariglend Doçi – 1292 vota

syri.net

Kryebashkiaku Bardh Spahia: Shkodra binjakëzohet me Gjakovën, ditë historike për qytetet tona

Kryebashkiaku i Shkodrës, Bardh Spahia, ka publikuar në rrjete sociale momente nga takimi me kryetarin e Komunës Gjakovë, Ardian Gjini.

Spahia bën me dije se kanë firmosur marrëveshjen e binjakëzimit në fushën social ekonomike, arsimit, turizmit, kulturës dhe sportit.

Spahia shprehet se marrëveshja e firmosur është një mundësi e mirë për të qënë më të përgatitur edhe për sfidat në rrugën tonë drejt integrimit europian.

“E sotmja ishte një ditë historike për dy qytetet tona, Shkodrën dhe Gjakovën. Bashkë me mikun tim, kryetarin e Komunës Gjakovë z.Ardian Gjini firmosëm marrëveshjen e binjakëzimit në fushën social ekonomike, arsimit, turizmit, kulturës dhe sportit.

Në Shkodër dhe Gjakovë ka aq shumë hapësira për të punuar dhe ndërtuar modele për tu marrë shembull në krejt rajonin e më gjërë, sepse rrënjët dhe lidhjet i kemi të forta.

Prandaj jam thellësisht i lumtur që këtë traditë të vyer të bashkëpunimit mes dy qyteteve tona, sot e konkretizuam me një dokument, që është vizioni ynë për t’i dhënë një tjetër hov zhvillimit të marrëdhënieve tona të hershme.

Kjo marrëveshje që firmosëm sot, është një mundësi e mirë për të qënë më të përgatitur edhe për sfidat në rrugën tonë drejt integrimit europian.”-shkruan Spahia. syri.net

Prokurori italian: Krimi shqiptar, njësh me mafien në Basilicata, Shqipëria prodhuese e madhe e lëndëve narkotike

Organizata kriminale që u shkatërrua nga Policia italiane në një operacion në jug të Italisë, në Vulture-Melfese kishte automjete që përdorureshin për transportin dhe fshehjen e lëndës narkotike, kishte kanale furnizimi me drogë, kryesisht marihuanë dhe kokainë, të kapura sistematikisht në sheshet e tregtimit në provincën e Foggia-s.

Ajo kishte gjithashtu një rrjet shpërndarësish, rekrutuesish klientësh dhe shitësish me pakicë, të ardhurat e të cilëve riinvestoheshin menjëherë për blerjen e drogës.

Të dhënat dolën nga Prokurori italian Francesco Curcio pas operacionit që u zhvillua në teritorin e Potenza.

“Duket se në të gjithë Basilicita-n ka një prani të krimit shqiptar që është futur plotësisht në qarqet e krimit lukanian – tha prokurori Curcio – Duhet të kihet parasysh se Shqipëria është një nga prodhuesit kryesorë të lëndëve narkotike në botë, përfshirë këtu marihuanën dhe është një udhëkryq për trafikun e kokainës”.

“Armët nuk janë përdorur për veprimtari kriminale, as për të bindur debitorët që të paguajnë, por me siguri kanë qenë objekt i një transaksioni dhe shitjeje të mëvonshme – shpjegoi Francesco Curcio – kjo tregon depërtimin që kjo organizatë kishte në nivel kriminal”.

Operacioni zbuloi gjithashtu një sërë veprimtarish kriminale të furnizimit, ndalimit, shitjes dhe shpërndarjes së drogës, që i atribuohen dy celulave të tjera të vogla, të përbëra nga persona që jetojnë në zonën Vulture-Melfese, njëra prej të cilave është kryesisht familjare.

Në nivel ekonomik, për momentin nuk është e mundur të vlerësohet vëllimi i shitjes, por bëhet fjalë për mijëra shitje të sasive të vogla për konsumatorë individualë.

“Prandaj operacioni ka nxjerrë në pah një ndërthurje të aktiviteteve kriminale, nga narkotrafiku deri te trafiku i automatikëve. Për mendimin tim, kjo është ajo që është më shqetësuese”, përfundoi prokurori Curcio.

syri.net

Pesë fakte tronditëse mbi karrierën e Ramës me kullat – Nga Tedi Blushi

[👉] FAKTI [1⃣] : Edi Rama e filloi karrierën në krye të Bashkisë së Tiranës me lejet e ndërtimit sipas parimit “një pallat, një votë”.

[👉] FAKTI [2⃣] : Edi Rama u pagëzua me nofkën “Mister 20%” pikërisht për shkak të shkak të shumës që fitonte për çdo leje ndërtimi.

[👉] FAKTI [3⃣] : Dihet botërisht se një ndërtues i ka vendosur pistoletën tek gjuri Edi Ramës për shkak të prishjes së pazareve për lejet e ndërtimit në Tiranë.

[👉] FAKTI [4⃣] : Në vitin 2014, OSBE e akuzoi Edi Ramën se ka një pasuri të paligjshme 200 milion euro të krijuar kryesisht nga lejet e ndërtimit në Tiranë.

[👉] FAKTI [5⃣] : Përgjimet e Antimafias Italiane nxorrën zbuluar Edi Ramën dhe Larvën e tij në krye të Bashkisë së Tiranës, si autorët e betonizimit të kryeqytetit, duke e shndërruar në lavatriçen e pastrimit të parave nëpërmjet kullave, që qelben era mafie.

[📌] Edi Rama nuk është “faturino” që të përfitojë qindarka nga ndërtimet me dhe pa leje në Tiranë.

Ai është investitori dhe përfituesi kryesor!

Sot votohet për Kryetarin e ri të Forumit Rinor të PD: 6 kandidatë në garë

Sot votohet për Kryetarin e ri të Forumit Rinor të PD: 6 kandidatë në garë Kryetari i PD, Sali Berisha, Belind Kelliçi dhe Grigels Muçollari me gjashtë kandidatët që garojnë

Sot, më 1 tetor, në të gjithë Shqipërinë, anëtarët e Forumit Rinor të Partisë Demokratike do të votojnë për të zgjedhur kryetarin e ri të tyre. Gjashtë kandidatët që kanë shpalosur këto ditë fushatë, idetë dhe platformat e veta politike dhe konkurojnë midis tyre janë: Alesia Balliu, Arnold Kariqi, Artion Barjamaj, Barbara Doda, Besart Xhaferi dhe Mariglend Doçi. Qendrat e votimit janë ndarë sipas degëve të PD dhe janë hapur nga ora 8:00 deri në 18:00.

Në njoftimin zyrtar të FRPD thuhet:

Më 1 tetor 2022, mbahen zgjedhjet për Lidershipin e ri të FRPD në të gjithë Shqipërinë. Qendrat e votimit janë të ndara sipas degëve të Partisë Demokratike. Orari i votimit do të jete nga ora 08:00 deri në 18:00.

Procesi i zgjedhjeve në FRPD ka një rëndësi të madhe për forcën politike ku të gjithë ne aderojmë. Vota na bashkon të gjithëve dhe e nesërmja do të jetë një ditë bashkimi. Komisioni Qendror i Zgjedhjeve në FRPD falenderon të gjithë kandidatët dhe iu uron suksese në garë!

syri.net

Besian Xhixha kërkon statusin e të penduarit: “Do rrëfej krime të tmerrshme”

Besian Xhixha, i arrestuar që në qershor të 2021, si pjesë e grupit kriminal që ekzekutoi vëllezërit Besmir e Viktor Haxhia në Durrës, njeriu i cili konsiderohet gjithashtu si një prej bashkëpunëtorëve më të ngushtë të Nuredin Dumani, këmbëngul që SPAK t’i japë statusin e të penduarit, pasi pretendon se do të rrëfejë krime të tmerrshme të cilat i penduari i drejtësisë i fsheh.

Në një nga seancat e fundit të zhvilluara në gjykatën e Posaçme Kundër korrupsionit e Krimit të Organizuar, për ecurinë e hetimeve për të dyshuarit e operacionit “Plumbi i Artë”. Xhixha e ka ripërsëritur kërkesën për tu marrë në mbrojtje. Ai ka shkuar edhe më tej, teksa ka deklaruar që nëse, prokuroria do ta kishte marrë dëshminë e tij, nuk do të kishte kaq shumë të vrarë në Fushë Krujë e Fushë Kuqe, mesa duket duke nënkuptuar ekzekutimet mafioze të njerëzve të afërt të Ervis Martinaj dhe zhdukjen pa gjurmë të të shumëkërkuarit të drejtësisë.

Besian Xhixha dhe miku i tij, Enver Diva u arrestuan me urdhër të SPAK më 17 qershor 2021, pasi i penduari i drejtësisë, Klevis Alla i implikonte si bashkëpunëtorë në vrasjen e dy vëllezërve Besmir dhe Viktor Haxhia në prill të 2020.

Ata akuzohen se kanë siguruar kushtet dhe mjetet për vrasjen e dy vëllezërve, ndërsa kanë qenë të parët e kontraktuar për vrasjen e tyre nga Nuredin Dumani dhe Talo Cela. Plani dështoi pasi Enver Diva u prek nga Covid.
Por pas arrestimit të Nuredin Dumanit, ky i fundit pasi mori statusin e të penduarit e rëndoi situatën penale të Xhixhës, pasi e implikon në krime të tjera të rënda.

(BalkanWeb)

Dekriptimi i mesazheve- Si u fut në kurth Ervis Martinaj

Prej pak ditësh, dy teori të reja po qarkullojnë për fatin e Ervis Martinajt. Të dyja parashikojnë fundin tragjik të Martinajt. A është futur në kurth “Mbretit i lojërave të fatit”?

Teoria e parë: Kapja si “peshk”

“Inside Story” zbuloi mbrëmë në Top Channel disa mesazhe të shkëmbyera mes njerëzve që kishin dijeni për fatin e Ervis Martinajt.

“Mos ti kishte thënë për V. Do ishte gjallë akoma. Hajde i kishin thënë e kam gati. Ky peshku kishte vajt. Dhe e kishin marrë peng. E kan hedh në det. Ca peshku. Atë e kanë humb atë natë”.

“Ka festuar se i kanë nis fotot”.

Mbi këto mesazhe presupozohet se Ervis Martinaj kishte kontraktuar një grup të fortësh në Shijak për kapjen e personit përgjegjës për vrasjen e kushëririt të tij të parë, Brilantit. Ky i fundit mbeti i vrarë më 17 korrik të këtij viti në mbikalimin e Fushë Krujës, teksa po udhëtonte me dy miq të tij. 91 plumba u zbrasën mbi makinën ku udhëtonte Brilant Martinaj. Gëzhojat konfirmuan se plumbat ishin qëlluar nga një qitës, i shumëpërfolur si profesionist.

Ervis Martinaj ishte betuar për hakmarrje. Sipas kësaj piste, grupi që ai kontraktoi raportohet se i ka treguar me pamje personin përgjegjës për vrasjen e Brilantit, të lidhur me litarë. Prezumohet se Martinaj i ka kërkuar atyre të presin që të vijë dhe ta vrasë vetë personin me dorën e tij. Dhe pikërisht ky ka qenë karremi. Martinaj është prerë në besë dhe është ekzekutuar sapo ka arritur tek baza në Shijak. Kapja e vrasësit ose porositësit të vrasjes së Brilantit nuk u krye me qëllim plotësimin e kërkesës së Visit. Por për eliminimin e tij.

Kjo teori nuk është konfirmuar ende dhe autenticiteti i mesazheve mbetet për t’u verifikuar. Por megjithatë, mbetet një teori e shumëpërfolur.

Teoria e dytë: Femra e mistershme

Si një njeri që nuk i mungon informacioni, Sali Berisha vetëm javët e fundit ka thyer heshtjen e tij të gjatë për Ervis Martinajn. Ndërsa fillimisht ka denoncuar se kupola e Policisë së Shtetit ishte e lidhur me Martinajn, dhe se Edi Rama me Baton Haxhiun e dinë se ku ndodhet Visi, Berisha dje ka bërë një denoncim më konkret për zhdukjen.

Berisha publikoi një mesazh të ardhur në adresë të tij në Facebook. Sipas denoncuesit, fatin e Martinajt e di një femër që punon në Bashkinë e Tiranës. Personi anonim shpjegon se kjo femër e ka shoqëruar Visin nga banesa e saj në Shijak, dhe se policia e ka marrë dëshminë e saj.

Denoncimi

“Per fatin e Ervis Martinajt di gjithçka nje femer e partise se krimit! Policia dhe prokuroria e partise fshehin rolin e femres se partise.Qytetari dixhital ka pyetje direkte per Edi Ramen dhe rolin e tij ne zhdukjen e Ervis Martinit. sb

“Pershendetje Zoti Berisha! Jam kurioz me dit pse policia e rames nuk e nxjerr qe dy ditet e fundit para se me u zhduk Ervis martinaj ka qen i strehuar te nje femer socialiste qe punon te bashkia Lali Erit e cila quhet… Policia e di shum mir dhe ka mar deshmin e ksaj femre. Por pse nuk e nxjerrin sepse deri ne momentin qe ka taku shijaksit ka qen me kte femer me vete. E ka derguar kjo nga shpia e vet ne Shijak.

Prokuroria ka edhe videot ku shihet Ervis Martinaj duke hyr ne pallatin ku jetonte kjo femer dhe kan edhe videot qe del nga apartamenti diten e zhdukjes me kte femer dhe hipen ne makinen e ksaj. Pse se nxjerr policia dhe edi ket fakt dhe videot kur del nga shoia ksaj dy ditet e fundit. Apo Edvini do te mbroj gocat e partis vet dhe mos te zbulojet qe e ka eliminu vet ai Ervisin” , shkruan Berisha.

Por kush është ky person? Kjo “femër socialiste” që ditka shumë për fatin bosit të lojërave të fatit? Identiteti i saj mbetet mister. Dhe nëse ka diçka që kemi mësuar nga denoncimet e “qytetarit dixhital” të Berishës në vite është se, shumë prej denoncimeve të tij të pafiltruara ngjajnë si teori konspirative në fillim, por me kalimin e kohës rezultojnë të vërteta.

Që prej 10 gushtit të këtij viti, kur zhdukja e Ervis Martinaj mbërtheu opinionin publik me mëdyshjen nëse një njeri kaq profilik i botës së krimit është vrarë, apo ka inskenuar vrasjen e tij, peshorja së fundmi anon më shumë nga eliminimi fizik i tij.

Shumë prej njohësve më të mirë të kronikës së zezë nuk patën asnjë dyshim se peshorja anonte më shumë nga fundi tragjik i Ervis Martinajt, sapo panë reagimet në rritje të Sali Berishës. Edhe pse njihej publikisht si demokrat i zjarrtë, nën zë Martinaj njihej edhe si një i afërm farefisnor i familjes Berisha. Kjo është arsyeja pse rritja e denoncimeve të Sali Berishës për fatin e Visit ka bërë shumëkënd të besoje se “doktorri ka informacion”. Ervisi ndoshta nuk është më, armiqtë e kanë kapur vërtet…

©LAPSI.AL

“E dua kopshtin tim, si Zaho të vetin!”, prindër dhe fëmijë të ‘Turgut Ozal’ protestë para Kryeministrisë

Sot po mbahet një protestë përpara Kryeministrisë për mbylljen e kopshtit “Zybeide Hanim”.
Gazetari Osman Stafa në një raportim për News24 tha se prindërit e cilësojnë vendimin e Këshillit të Ministrave për mbylljen, si të padrejtë.

“Protestë e veçantë. Mbyllja e kopshtit Zybeide Hanim i mbyllur me vendim të qeverisë. Prindërit kanë ndjekur edhe seancën gjyqësore të javës së kaluar ku ka qëndruar në fuqi vendimi i Këshillit të Ministrave, sot po protestohet me fëmijët para Kryeministrisë.

Prindërit të vendosur të protestojnë sepse e cilësojnë të padrejtë e të paarsyeshëm vendimin.

Prindërit kanë dalë me pankarta dhe janë të shoqëruar nga fëmijët 3-6 vjeç që ishin pjesë e këtij kopshti”, tha gazetari.bw

Pse hoqët e Arben Ahmetajn? Gazetarja shfazon Ramën: Zoti ju paftë të gjithë

Edi Rama e ka humbur sërish qetësinë nga pyetjet e gazetarëve.

Gazetarja Enkelejda Mema e ka pyetur sot Ramën se pse, PS po distancohet kaq shumë nga Arben Ahmetaj.

Rama mohoi që distancimi nga Ahmetajt, i cili ka mbajtur edhe postin e zv/ kryeministrit ka lidhje me incineratorët apo nongrata por tha se ka të bëjë me një organizim për zgjedhjet vendore.

Enkelejda Mema: Përse PS po distancohet kaq shumë nga Arben Ahmetaj? A paralajmëron një hetim për çështjen e incineratorëve apo një ‘nongrata”

Edi Rama: Këto janë përralla. Ju jeni në të drejtën tuaj të tregoni përralla duke kërkuar pas çdo vendimi e hapi qëllime që nuk ekzistojnë. Kjo është diçka që nuk do të ndodhte 10 vite më parë. Në emër të lirisë së medias i jepet e drejta vetes për të spekuluar në dëm të personit deri në ekstrem e për ta kërrdisur popullin me lloj llij shpifjesh e gënjeshtrash që vijnë rëndom nga qëllimi për të shpifur ose për të bërë lajm. Është e drejta juaj. Nuk di çfarë të them. Zoti i paftë të gjithë. Zoti u kujdestë për të gjitha. E vërteta e ka gjithmonë e më të vështirë të çajë rrugën në këtë botë ku sundon gënjeshtra dhe njerëzit që i qëndrojnë besnik të vërtetave të tyre e kanë gjithmonë e më të vështirë të mbijetojnë qetësisht në një gotë që tregon një përrallë për çdo qëllim.

Jo moj zonjë. Ne jemi në të drejtën tonë të bëjmë ndryshime organizative. I kemi bërë gjithmonë. Njerëzit janë aty kanë lëvizur, lëvizin. Nuk kanë lidhje fare. Por është e drejta juaj. Kush jam unë në fund të fundit.

Enkelejda Mema: Bëhet fjalë për numrin 2 të PS-së, iu hoq dhe qarku i Vlorës, ku gaboi Arben Ahmetaj

Edi Rama: Zonjë, të lutem shumë. Sesi organizohet një skuadër është e drejta e skuadrës. Nuk është e drejta e tifozëve ose e spektatorëve. Spektatorët shohin ndeshjen e shikojnë. Rezultatet tregojnë. Pse duhet të ketë bërë patjetër diçka dikush të lëvizë nga një pozicion. Pse nuk është më thjesht se kaq. Organizimi bëhet për zgjedhjet vendore, nuk ka lidhje me përrallat e tjera.

syri.net

FOTOLAJM- Tom Doshi shfaqet në ambientet e Kryeministrisë

Mesditën e sotme është parë në ambientet e Kryeminitrisë Tom Doshi. Ish kreu i PSD-së është fotografuar duke folur në telefon.

Nuk dihet ende nëse ish-deputeti ka zhvilluar ndonjë takim me zyrtarë në ambientet e Kryeministrisë. Doshi u shpall non grata nga SHBA dhe prej atëherë dorëzoi mandatin e deputetit që fitoi në Shkodër dhe shkëputi zyrtarisht marrëdhëniet me Edi Ramën. Gjithsesi deputetët e PSD-së votojnë gjithmonë pro qeverisë dhe miqësia e tij me Ramën duket se ende vazhdon.bw

VOA- Rama largon Ahmetajn dhe nga drejtimi i qarkut të Vlorës

Në Shqipëri, disa lëvizje në nivelet e drejtuesve politikë të qarqeve të Partisë socialiste, të kryera nga mbledhja e kryesisë së saj të martën, lanë jashtë, edhe funksioneve në parti, ish zëvendës kryeministrin Arben Ahmetaj.

Atij i ishte besuar deri tani drejtimi i qarkut të Vlorës, pozicion të cilin e mori Blendi Klosi. Ndryshime pati dhe në qarkun e Shkodrës, ku ministrja e Shtetit për Mbrojtjen e sipërmarrjes, Edona Bilali u zëvendësua nga një tjetër ministre Shteti, ajo për marrëdhëniet me parlamentin, Elisa Spiropali. Ndërsa në Kukës, Safet Gjici, do të zëvendësohet nga zoti Pandeli Majko, të cilin në zgjedhjet e një viti më parë, kryetari socialist Edi Rama, njëheraz kryeministër, e la jashtë zonës së sigurt për deputet.

Zoti Rama, i argumentoi lëvizjet me “ndryshime të natyrës organizative që nuk kanë ndonjë peshë të posaçme sa i përket interesit publik. Nuk janë ndryshime qeverie, janë ndryshime organizative”. I pyetur posaçërisht për zotin Ahmetaj, deri para pak muajsh i përkëdheluri i tij në qeveri, ai tha se “nuk ka asnjë rëndësi të hyjmë në emra. Të gjithë jemi shërbëtorë të këtij misioni dhe secili ka rolin e vet, ka pozicionin e vet. Kjo është një skuadër dhe çdo suadër ka lojtarë që kanë role të ndryshme dhe secili bën rolin e tij, se po të ishin të gjithë njëlloj atëherë nuk do ishte skuadër”.

Edhe kur e largoi nga qeveria, më 25 korrik, zoti Rama nuk dha publikisht ndonjë shpjegim bindës, ndonëse në mbledhjen e fundit të kabinetit, ia kishte bërë të ditur atij vendimin duke përdorur tone të ashpra. Në atë kohë ai e motivoi lëvizjen e numrit 2 të qeverisë, me faktin se Rindërtimi nuk është më prioriteti i qeverisë, duke qenë se ndodhet në fazë përmbyllëse. “Energjia si sfida më kolosale e kësaj periudhe dhe infrastruktura si sfidë e pandërprerë kombëtare, janë bërë sot edhe marrëdhënie intensive me qeveri e institucione ndërkombëtare. Koha që roli i zëvendës-kryeministrit të fokusohet në këto fusha”, kishte deklaruar zoti Rama, ndërsa bëri të ditur emërimin në këtë post të ministres së energjisë dhe infrastrukturës, Belinda Balluku.

Ahmetaj, ka qenë një prej figurave ndoshta më jetëgjatë si pjesë e qeverive socialiste që nga 2013. Ai ka mbuluar funksione të ndryshme nga ministri i Ekonomisë, te ai i Financave, me një ndërprerje në vitin 2019, kur ju rikthye jetës parlamentare, për t’u përfshirë sërish në kabinetin qeveritar pas tërmetit të nëntorit të po atij viti. Emri i tij, ka qenë ndër më të lakuarit nga opozita për përfshirjen në çështjen e inceneratorëve.

Budina: SPAK, i kapur nga mafia në shërbim të pushtetit mafioz të Ramës

Aktori dhe regjisori Edmond Budina është i bindur se edhe SPAK-u është i kapur nga mafia, ashtu sikur i gjithë pushteti i Edi Ramës. Përballë gazetarit Flavio Qarri sot në “Kafe Shqeto”, Budina e shprehu qartë se ku e mbështet këtë mendim që i përforcohet akoma më shumë dita –ditës kur sheh se kanë kaluar dy vjet që kur gjykata duhet të kishte marrë vendim për shembjen që iu bë Teatrit Kombëtar.

“Ka një koinçidencë të çuditshme për 17 majin. E dini ju që Teatri Kombëtar kishte gjithsej 17 lozha?! U shemb në 17 maj. Shfaqja e parë e Teatrit Kombëtar është dhënë më 17 maj. 17 kanë qenë edhe të dënuarit me vdekje, që u dënuan në atë sallë. Është një koinçidencë, është një çmenduri.”

“Unë personalisht, – tha Budina, – kam dyshimin e mbase mund t’ju duket një çikë e fortë kjo, se edhe SPAK-u është i kapur nga mafia! Pa dyshim është i kapur nga mafia, përderisa nuk reagon dhe është në shërbim të një pushteti mafioz siç është pushteti i Edi Ramës. Për mua është e padyshimtë kjo gjë.

Ata janë në funksion të mafies. Le të thonë çfarë të duan! Është e pamundur që të arrish të shkelësh ligjet e këtij vendi, kanë kaluar mbi dy vjet që ata duhet të jepnin vendimin apo të merrnin një masë, që të fillonin hetimet, ta kalonin në gjyq, po ata janë gjithmonë në heshtje. Kjo tregon që ata janë palë me pushtetin, janë palë me mafien. Aty ka ndërhyrë mafia dhe kjo është e padiskutueshme!

Padyshim që është një pengesë, se nuk po e çojnë më tutje. Por duhet të dinë një gjë, se ne si qytetarë të këtij vendi, jemi të vendosur që ta çojmë këtë çështje deri në fund. Ne nuk do të lodhemi.

Mbase ata e zvarrisin me mendimin që do të vijë një ditë që këta do të lodhen, do të ikin, do të shpërndahen … dhe të bëjnë atë që duan. E këtu dalim në atë çmendurinë tjetër të Kryeministrit që para disa ditësh, në një intervistë në një gazetë gjermane tha se do të ndërtohen shtatë kulla nga të pasurit e atij vendi sepse … të pasurit e atij vendi paguajnë më shumë taksa se të tjerët!!!

Domethënë, Teatrin Kombëtar ai e ka prishur për të ndërtuar kullat! E tha me gojën e tij! Ky fakt duhet ta çojë direkt në SPAK! SPAK-u duhet të ndërhyjë direkt, jo të rrijë e të flejë e t’i bëjë qokën e radhës, Kryeministrit. Ky fakt tregon se ata nuk e kanë ndër mend fare ta ndërtojnë Teatrin Kombëtar. Atyre nuk u intereson fare Teatri Kombëtar.

Më vjen keq me kolegët e mi që rrinë dhe heshtin, ata që nënshkruan menjëherë shembjen se “nuk kishte nevojtore”, Teatri Kombëtar. Ku janë ata të thonë tashti se ç’janë këto shtatë kulla që Kryeministri do të ndërtojë në atë shesh?! Ku është sipërfaqja e Teatrit, ku është Teatri Eksperimental?! Ku është Teatri Kombëtar?! Pse nuk shfrytëzohet e gjithë ajo hapësirë për teatër, po rrinë e flenë dhe i bëjnë qokën e radhës, Kryeministrit?!

Këtu është një ndërthurje mafioze e fortë që nuk di ç’të them.

Ne jemi të bindur që këtë çështje do ta çojmë deri në fund. Se sa do të fitojmë atë nuk e dimë, por ne duam të japim edhe këtë shembull: nëse qytetari insiston në të drejtën e tij, një ditë do t’ia arrijë. Në mos sot, nesër, dikush do të dënohet për këtë dhe ta flenë mendjen mirë, nuk do të jetë gjithmonë në pushtet Edi Rama. Dhe ato dosjet në SPAK, janë atje: në mos sot, nesër do të hapen, dikush do të paguajë për to dhe të paguajë nga xhepi i vet, t’i sekuestrohet pasuria për atë dëm që ka bërë.

Ne do të vazhdojmë atë që kemi bërë, që dimë të bëjë, të protestojmë! Do të vazhdojmë me protesta. Do të kërkojmë të gjitha aleancat e mundshme që mund të bashkohen, edhe partitë politike opozitare; do ta vazhdojmë këtë luftë me njerëzit. Ju e shikoni, njerëzit janë të dëshpëruar jo vetëm nga politika që çdo ditë e më tepër iu rëndon mbi supe, çmimet etj. etj. por edhe për çështjen e Teatrit Kombëtar. Ka shumë njerëz që thonë “mirë e prishët në mënyrën më barbare të turpshme në 4 të mëngjesit, por pse s’e ndërtoni, ç’bëni”?!

Ne jemi të vendosur dhe natyrisht do ta përshkallëzojmë protestën para SPAK-ut, padyshim që do ta bëjmë.”/SYRI.NET

Orë fiktive pune brenda burgut të Fierit, si iu ul dënimi ‘Cikjes’, krahut të djathtë të Tan Kateshit, kapobandës së Elbasanit më ’97

Zbardhen detaje nga dosja penale e punonjësve të burgut të Fierit, të cilët akuzohen për abuzim me detyrën, pasi kanë favorizuar të burgosur.

Dje 18 punonjës të IEVP së Fierit iu caktua masa ‘arrest shtëpie’, ndërkohë që në dosjen e siguruar për BalkanWeb nga gazetarja Klodiana Lala renditen dhe abuzimet që ata kanë kryer.

Mes emrave të të dënuarve që ka përfituar lehtësim dhe ulje të dënimit të tij është dhe Taulant Balliu, një emër i përfolur i drejtësisë shqiptare. Taulant Balliu i njohur ndryshe me pseudonimin “Cikja”, ka qenë krahu i djathtë i kapos së grupit kriminal të ngritur në vitin 1997 në qytetin e Elbasanit.

Në dosjen penale të hetuar nga prokurori Bledar Valikaj, të dënuarit Balliu ka rezultuar se për këtë të dënuar janë verifikuar 130 ditë pune në IEVP Fier, të shënuara në kartelat e punës, për periudhën muajit Tetor, Nëntor, Dhjetor viti 2019 dhe Janar, Shkurt viti 2020.

“Nga këqyrja në regjistrin e hyrje daljeve nr.68 prot datë 26.02.2018, i cili fillon me datën 04.07.2019 dhe përfundon me datë 05.09.2020 dhe rezulton se i dënuari Taulant Balliu, ka dalë në punë 60 e konvertuar në ulje dënimi 9 ditë konkretisht;

Për muajin Tetor 2019, ka dalë për punë në datat 2, 3, 14 (gjithsej 3 ditë) dhe në kartelën e punës është e shënuar 26 ditë punë.
Për muajin Nentor 2019, ka dalë për punë në datat 21, 26, 28, 29, 30 (gjithsej 5 ditë) dhe në kartelën e punës është e shënuar 26 ditë punë.
Për muajin Dhjetor 2019 ka dalë për punë në datat 1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 21, 24, 26 (gjithsej 22 ditë) dhe në kartelën e punës është e shënuar 26 ditë punë.
Për muajin Janar 2020, ka dalë për punë në datat 8, 10, 11, 13, 14, 22, 24, 27, 28, 29 (gjithsej 10 ditë) dhe në kartelën e punës është e shënuar 26 ditë punë.
Për muajin Shkurt 2020 ka dalë për punë në datat 3, 4, 5, 6, 7, 8, 10, 11, 12, 14, 17, 18, 19, 20, 21, 24, 25, 27, 28, 29 (gjithsej 20 ditë) dhe në kartelën e punës është e shënuar 26 ditë punë.

Referuar Urdhrit nr.2259, datë 18.03.2008 të Drejtorit të Përgjithshëm të Burgjeve “Mbi punësimin e të dënuarve në burgje dhe paraburgime”. Komisioni i Punësimit i burgosurve ka në përbërje shefat e sektorit ligjor, social, shëndetësisë dhe sigurisë, të cilët ndjekin në dinamikë frekuentimin e procesit të punësimit nga i burgosuri.”, thuhet në dosje.

Sipas hetimeve, personat përgjegjës që nuk kanë verifikuar frekuentimin e punës nga të dënuarit janë përgjegjësi i Sektorit të Burimeve Njerëzore Albi Rrezhda, Dorjan Nukaj, Përgjegjësi i Sektorit të Çështjeve Shoqërore, Eris Isufaj, Përgjegjësi i Sektorit Ligjorë Gerald Nonaj, Ervis Alliaj Shefi i Policisë Bashkim Meci Përgjegjësi i Sektorit Shëndetësor Arbëri Gjermeni, Enflor Hoxha.

Ndërkohë, personat përgjegjës të cilët kanë nënshkruar kartelat e punës janë, evidencieri Ervis Alliaj, Gerald Nonaj dhe Miratuar nga Drejtori i IEVP.

Si rezultat i falsifikimit të ditëve të punës nga IEVP Fier në kundërshtim me kriteret e saj i dënuari ka përfituar rreth 19.5 ditë ulje dënimi, nga veprime haptazi të kundra ligjshme kur realisht duhej të përfitonte 9 ditë ulje dënimi nga puna.

KUSH ESHTE TAULANT BALLIU

Taulant Balliu gjatë trazirave është mbajtur si një prej ekzekutorëve kryesor të bandës, të përbërë nga 30 persona, 11 prej të cilëve të vrarë. Tashmë Balliu, krahu i djathtë i Tan Kateshit i është përkushtuar fesë islame prej shumë vitesh.

(BalkanWeb)

Bllokohet marrëveshja për deportimin e shqiptarëve- Britania: Vendi i tyre nuk është i sigurt

Marrëveshja e nënshkruar në gusht të vitit të kaluar mes Ministrit të Brendshëm Bledi Çuçi dhe ish-sekretares së Brendshme të Britanisë së Madhe Priti Patel, për kthimin e atyre që mbërrijnë ilegalisht në Shqipëri, nuk do të zbatohet për shqiptarët që aplikojnë për azil.

Marrëveshja parashikonte se Mbretëria e Bashkuar do të kthente me procedurë të përshpejtuar azilkërkuesit që shkelnin brenda territorit të saj.

Por autoritetet britanike kanë konfirmuar se shumica dërrmuese e shqiptarëve në kërkim të largimit për të qëndruar në shtetin anglez nuk do të preken nga marrëveshja mes dy qeverive.

“Marrëveshja parashikonte se kërkesat për azil të bëra nga shqiptarët janë të rreme. Në fakt shifrat e fundit tregojnë se 53% e kërkesave shqiptare për azil pranohen nga Home Office duke treguar se për shumë shqiptarë vendi i tyre nuk është një vend i sigurt për të jetuar”, tha Clare Moseley, themeluesja e Care4Calais.

Zyra e marrjes së kërkesave për azil ka pohuar se emigrantët nga Shqipëria që udhëtojnë drejt Britanisë së Madhe me gomone kishin bërë një sërë ndalesash para se të mbërrinin në destinacion. syri.net

“Një histori e përmbledhur e Shqipërisë”, publikohet në shqip studimi i Fischer dhe Shmitt

VOA

Studiuesit e njohur Bernd J. Fischer dhe Oliver Jens Shmitt publikuan në Tiranë librin e tyre “Një histori e përmbledhur e Shqipërisë”, në gjuhën shqipe, përkthyer në gjuhën shqipe nga botimi anglisht “A Concise History of Albania”.

Gjatë një takimi mes kolegësh historianë shqiptarë, drejtues dhe autorë të njohur të Institutit të Historisë, ata diskutuan mbi sfidat dhe këndvështrimet e larmishme, që autorët kanë mbi ngjarjet e Shqipërisë në shekujt XIX dhe XX, nga Pavarësia prej Perandorisë Otomane, te ngritja dhe rrëzimi i diktaturës komuniste, si dhe deri në ditët e sotme.

Autorët shpjeguan përmbajtjen e librit në dy pjesë nga osmanizimi i popullit shqiptar pas pushtimit ottoman dhe deri në deri rrëzimin e regjimit komunist.

Bashkautori i librit, Oliver Shmitt, thotë se ky libër u përgatit për lexues të huaj, që nuk e njohin Shqipërinë, por që dëshirjnë të kenë një vështrim të përgjithshëm për historinë e saj.

Për fat të keq, Shqipëria ka qenë dhe vazhdon të mbetet një vend i panjohur në botë, thotë ai, dhe kjo është një vështirësi e madhe për studiuesit e historisë, që i drejtohen lexuesit të painformuar.

“Ne merremi me historinë e shqiptarëve dhe të Shqipërisë prej një lloj dashurie, që kemi për këtë vend, për këtë kulturë dhe këtë shoqëri. Qëllimi i këtyre librave është që shqiptarët dhe Shqipëria të bëhen më të njohur jashtë vendit. Ndërkohë, është i nevojshëm zhvillimi i një diskutimi mes historianëve mbi çështjet më të debatueshme të historisë, si dhe mbi dallimet mes autorëve shqiptarë dhe atyre të huaj” – thotë zoti Shmitt.

Një nga pjesët me shumë interes në libër janë ngjarjet e Shqipërisë në shekullin nga shpallja e pavarësisë prej perandorisë osmane në Vlorë nga Ismail Qemali dhe patriotë të tjerë, vitet e qeverimit të Esad Toptanit dhe Ahmet Zogut dhe deri në dekadat e diktaturës komuniste.

Bashkautori i librit, Bernd Fischer, thotë se ende duhen studiuar në thellësi ngjarjet e Shqipërisë pas Luftës së Dytë Botërore dhe gjatë Luftës së Ftohtë, ku një ndikim të fortë kishte kreu i regjimit komunist Enver Hoxha.

“Mendoj se pa Enver Hoxhën Shqipëria mund të zhvillohej krejt ndryshe në shumë nivele, krahasuar me shtetet e tjerë europianë si Rumania e Bullgaria, ose edhe si Greqia. Kushdo që e vizitonte Shqipërinë më 1989 shihte ndryshime jashtëzakonisht të madhe në çdo fushë midis gjendjes, ku e la atë regjimi i Hoxhës dhe vendeve të tjera ish komuniste” – thotë zoti Fischer.

Në takimin mes kolegëve historianë me rastin e këtij studimi u diskutua se një tjetër vështirësi e tyre e autorëve është që lexuesit shqiptarë i afrohen një libri të tillë me paragjykimet mbi ato që di dhe shkruan një autor i huaj, ndërkohë që shqiptarët kanë lexuar shumë për historinë e tyre, ku disa çështje ende perceptohen si delikate.

Pas 45 vjet historiografi të regjimit komunist dhe 30 vjet të historiografisë në demokraci, në Tiranë ende vazhdon të mbetet një çështje e nxehtë që debatohet me tone të ngritura nevoja për rishkrimin e historisë së Shqipërisë, për të zhveshur nga shtrembërimet e qëllimshme dhe gjysmë të vërtetat, që hartuan historianët e gjysmës së dytë të shekullit 20.

“Deri në momentin që ka takuar shijaksit ka qenë me të”, Berisha nxjerr mesazhin: Për fatin e Ervis Martinajt di gjithçka një femër e partisë së krimit

TIRANË

Kryetari i PD-së Sali Berisha ka publikuar mesazhin e një qytetari dixhital për çështjen Ervis Martinaj.

POSTIMI I PLOTË
Për fatin e Ervis Martinajt di gjithçka një femër e partisë së krimit!
Policia dhe prokuroria e partisë fshehin rolin e femrës së partisë.
Qytetari dixhital ka pyetje direkte për Edi Ramën dhe rolin e tij në zhdukjen e Ervis Martinit. sb

“Pershendetje Zoti Berisha! Jam kurioz me dit pse policia e Ramës nuk e nxjerr që dy ditët e fundit para se me u zhduk Ervis Martinaj ka qenë i strehuar te një femër socialiste që punon te bashkia lali erit e cila quhet…Policia e di shumë mirë dhe ka marrë dëshminë e kësaj femre, por pse nuk e nxjerrin sepse deri në momentin qe ka taku shijaksit ka qenë me këtë femër me vete e ka derguar kjo nga shpia e vet ne shijak
Prokuroria ka edhe videot ku shihet ervis martinaj duke hyr ne pallatin ku jetonte kjo femer dhe kan edhe videot qe del nga apartamenti diten e zhdukjes me kte femer dhe hipen ne makinen e ksaj
Pse se nxjerr policia dhe edi ket fakt dhe videot kur del nga shoia ksaj dy ditet e fundit
Apo edvini do te mbroj gocat e partis vet dhe mos te zbulojet qe e ka eliminu vet ai ervisin” bw

Paloka: Do të ketë greva dhe protesta qytetare!

Kryetari i Këshillit Kombëtar, Edi Paloka ka folur në një komunikim për mediat ku paralajmëroi greva dhe protesta, ndërsa bëri me dije se mbledhja e radhës do të jetë të shtunën tjetër.

Paloka tha se aksioni opozitar do të jetë i pandalshëm.

“Me vendim të kryesisë u futëm sot në rend të ditës edhe miratimi i kodit etik të Partisë Demokratike si edhe disa rregullore. Rregullorja për funksionimin e organeve qendrore të Partisë Demokratike. Ajo për funksionimin e degëve të Paritisë Demokratike dhe rregullorja, më e rëndësishmja në fakt e gjithë këtyre materialeve, rregullorja për zhvillimin e primareve, pra për pushtetin lokal. U miratuan rregulloret e para dhe kodi etik, ndërkohë që pati një propozim nga anëtarët e Këshillit Kombëtar që rregullorja për primaret, pra për përzgjedhjen e kandidaturave për pushtetin lokal, të shtyhet për një kohë tjetër që anëtarët të kenë kohë të njihen më mirë me përmbajtjen e kësaj rregulloreje. Pastaj dhe për diskutimet që do të bëhen në mbledhjen e ardhshme të Këshillit Kombëtar e cila u vendos të jetë të shtunën, këtë të shtunë, meqë statuti parashikon të paktën 5 ditë diferencë nga njoftimi. Pati diskutime lidhur me qëndrimet që duhet të mbajë PD apo atë që ju thashë, aksioni opozitar i PD. U ra në dakordësi drejt konkluzionit që sa më shpejt duhet të organizohet jo vetëm protesta, por një shumëllojshmëri aktesh dhe aksionesh opozitare përfshirë këtu grevat e grupimeve më të mëdha sociale në Shqipëri të cilët sigurisht do të kontaktohen prej nesh. Duke filluar nga sindikatat që funksionojnë në Shqipëri me gjithë grupime të tjera që janë mësuesit, mjekët, infermierët, pra gjithë grupimet e mëdha, të cilat kanë probleme dhe janë në syrin e ciklopit të kësaj qeverisje. Me qëllim që i gjithë aksioni opozitar të këtë një shumëllojshmëri veprimesh dhe një mori aktivitetesh të tjera qe nisin me takimet kokë më kokë me qytetarët duke vazhduar pastaj me këto aktivitete që ju thashë”, tha ai.

Pyetje: Të shtunën a do të diskutohet një datë proteste?

Paloka: Data e protestës është një çështje burokratike sepse fillimisht duhet që gjithë kjo mori aktivitetesh të organizohen dhe të kemi pastaj rezultat nga gjithë ky aksion opozitar. Të shtunën do diskutohet hyrja e diskutimit për rregulloren e primareve, sigurisht do të ketë çështjë të tjera jashtë rendit të ditës që do duan të diskutohet anëtarët e Këshillit Kombëtar.bw

Marrëveshja e detit me Greqinë, Berisha: Rama e shiti! S’ka vend në botë që toleron një tradhtar si ai

Kreu i Partisë Demokratike, Sali Berisha në një komunikim për mediat nuk i ka kursyer kritikat për kryeministrin Edi Rama, duke e cilësuar atë si tradhtarin e kombit. I ndalur tek çështja e detit me Greqinë, Berisha tha se kryeministri Rama është ai që shiti detin.

“Marrëveshja e detit e firmosur në 2009, nuk mund të them se ishte e përsosur por një ekspertizë serioze ndërkombëtare shprehet se linja të përcaktuara do të dërgojë në gjykatë. U vendos një kusht me kusht që Greqia të mos kalojë në 12 milje dhe Greqia ishte me 6 milje, Greqia pranoi të shkojë në gjykatë me marrëveshjen e 6 miljeve sepse e pa që qeveria shqiptare bëri përpjekje për zgjidhje të problemit Gjykata Kushtetuese e rrëzoi marrëveshje, por kjo marrëveshje kishte një shans që ishte ligji ndërkombëtar. Këto verbërisht e ç’bënë gjithë këtë punë që ishte bërë. Filluan marrëveshjen nga e para me Kotsias dhe pas 34-vitesh negociata kur do firmosnin marrëveshje të re, ishte në kundërshtim me Gjykatën Kushtetuese dhe i thanë palës greke që tani na del gjykata. Në këtë rast Greqia përdori të drejtën që nuk mund t’i mohohej,. Në ligjin ndërkombëtar ka të drejtë 12 milje, Edi Rama e njohu këtë të drejtë, Edi Rama shiti detin. Kishte vetëm një shpresë aty, që ky ishte një proces në marrëveshje e sipër dhe rregullat e lojë i ndryshon në proces e sipër. Nuk po shkohet në gjykatë për marrëveshje të 2009, as për marrëveshje që negocioi me Kotsia, por për të përcaktuar linjën detare me 12 milje pala tjetër, dhuratë plotësisht e Edi Ramës, për shkak të largimit të tij nga gjykimi i marrëveshje së 2009. Marrëveshje 2009 po shkonte në Gjykatë dhe ky zotëri tani ka bërë çdo hap në kundërshtim më Gjykatën Kushtetuese. Për këtë nuk ekziston as gjykatë dhe as gjë tjetër. Sillet sikur ta ketë Shqipërinë çiflig të vetën. Në marrëveshjen e 2009 që të gjitha zonat e gazit dhe naftës që binin në ujërat territoriale të Shqipërisë. Në marrëveshjen që do firmoset me 12 milje shuma është mld euro. Ky është aspekti i Edi Ramës me interesin kombëtar. Nuk ka vend në botë që toleron një tradhtar si ky përveç Shqipërisë. Qëndrimi i tij tjetër është ai më cinik më shkatërrimtar, i vjedhjes dhe mashtrimit të përditshëm. Ju e patë se si u tret, si brima para diellit, shteti digjital i Shqipërisë”, tha Berisha.

(Balkanweb)

“Tërhiquni nga vendimi dhe hapni shkollën”, nxënëset e “Mehmet Akif” protestë për 60 minuta para Kryeministrisë, dorëzojnë peticionin me mbi 10 mijë firma

Me thirrje të forta kundër qeverisë dhe banderola në duar, nxënëset e shkollës “Mehmet Akif” i janë drejtuar Kryeministrisë, për të çuar zërin e tyre të protestës poshtë zyrës së kryeministrit Edi Rama.

Me pankarta dhe thirrje si; “mbyll një derë shkollë, hap një derë burgu’ apo ‘Po godisni brezin e ardhshëm’, protestueset ecën përgjatë rrugës së Durrësit, dhe u stacionuan për rreth 60 minuta para Kryeministrisë, duke kundërshtuar kështu vendimin për mbylljen e kolegjit. Ata dorëzuan dhe peticionin me 10 mijë firma pranë Kryeministrisë, ndërsa paralajmëruan se do të vijojnë të protestojnë nëse qeveria nuk tërhiqet.

Më herët ato ishin në protestë para Ministrisë së Arsimit.

Mbyllja e kolegjit “Mehmet Akif”/ “Merruni me pronarët”, protestueset në mes të shiut i kthehen Ramës: Dilni nga zyra dhe na jepni përgjigje!

Mes shiut, nxënëset e shkollës “Mehmet Akif” i kanë bërë thirrje kryeministrit Edi Rama, ku po protestojnë para Kryeministrisë, që të dalë nga zyra dhe t’i japë atyre një përgjigje se pse u mbyll shkolla.

Një prej nxënëseve pohoi se kryeministri duhet të përgjigjet se çfarë kushtesh nuk plotëson kolegji. Mes të tjerash ajo komentoi dhe reagimin e Ramës, duke shtuar se ato nuk merren me çështje ligjore.

“Ministre dhe zoti Kryeministër ne jemi këtu si nxënës dhe për të drejtat tona, ndaj dilni dhe përgjigjuni protestuesve këtu se pse nuk i plotëson shkolla jonë standardet. Pasi nga çështja ligjore do merremi në gjykatë.”, tha një prej protestuesve.

Ndërkohë nëna e një vajze që studion në këtë shkollë tha se ata duan që të vazhdojë mësimi.

“Unë e vlerësoj vëmendjen e shtetit, kjo ishte zgjedhja jonë. Nëse ka gjëra që mund të rregullohen, të rregullohen dhe mos t’u ndërpritet arsimi fëmijëve. Ne kemi zgjedhur atë shkollë, shpresoj të merret një vendim i drejtë. Duam të vazhdojmë mësimin, të mos ndërpritet dhe pikërisht në atë shkollë që kemi zgjedhur.”, pohoi nëna e një protestueseje.

REAGIMI I RAMES
Nxënëset e shkollës së mbyllur të protestojnë kundër pronarëve që shitën godinën e shkollës dhe e spostuan aktivitetin gjetkë, pa marrë leje sipas ligjit e pa respektuar rregullat e parashikuara ligjërisht! Ministria e Arsimit dhe Sportit ka zbatuar ligjin si në raste të tjera.
(BalkanWeb)

Arrestohet në Kolumbi “Gucci”, një nga shqiptarët më të kërkuar në Evropë, ja për çfarë akuzohet (Emri)

Arrestohet një shqiptar i shumëkërkuar në Kolumbi. Nga fundi i vitit 2020, hetuesit e Policisë Dijin morën informacione për Denis Klironomi që njihej me nofkën ‘Gucci’, një trafikant i njohur droge në bregun verior të Kolumbisë, gjoja nga Republika e Kosovës, i cili rezultoi të ishte një nga kriminelët më të kërkuar në Evropë.

‘Gucci’, një nga më të kërkuarit në Shqipëri dhe Evropë, kërkohej nga Interpoli, tha kolonele Olga Salazar, drejtoreshë e Policisë Dijín.

Whatsapp Image 2022 09 26 At 08.12.22

Një grup i posaçëm hetuesish nisi ndjekjen, por sa herë i afroheshin gjurmëve të kriminelit, ai zhdukej sepse “çdo muaj ndryshonte vendbanimin. Ka qenë kështu për rreth 7 muaj derisa arritëm në një apartament në Barranquilla”, zbuloi një hetues i Policisë Dijin.

Për një javë, shqiptari me pseudonimin ‘Gucci’ nuk doli as në dritare, derisa më në fund arritën ta regjistronin dhe një tatuazh në krahun e majtë e lejoi atë të identifikohej.

Por kur u kap, sipas hetuesit të Dijin, ai u tha uniformave “se diçka mund t’u ndodhte personave që përdorën forcën për ta ekstraduar, si kërcënim. Përveç kësaj, ai foli me njerëz në Rumani dhe Shqipëri, të cilëve iu tha të paguanin çfarëdo shume parash që të mos e ekstradojnë”.

Koloneli Salazar shpjegoi se ‘Gucci’ akuzohet si partner financiar i grupit kriminal Los Pachenca, i cili kryen krime në bregun verior të Kolumbisë. Ai kërkohet për trafik të drogës, trafikim të qenieve njerëzore, përdorim dhe armëmbajtje pa leje.

Autori po mbahet në një burg të sigurisë së lartë në Bogota, ndërkohë që kanë përfunduar procedurat për ekstradimin e tij përkatës.bw

15 vjet nga ndarja e françeskanit At Zef Pllumi nga jeta

Në mjediset e bibliotekës së françeskanëve “At Gjergj Fishta”, në kuvendin e françeskanëve në Shkodër, kujdestari i kësaj biblioteke, At Viktor Demaj, gjendet i rrethuar mes librave, dorëshkrimeve dhe fotove të fratit fançeskan At Zef Pllumi, i cili u nda nga jeta tokësore 15 vite më parë, në moshën 83 vjeçare.

At Viktor Demaj thotë se, këtë përvjetor e kremtojmë duke rishiku jetën dhe veprën e tij, kryesisht veprën monumentale, trilogjinë “Rrno vetëm për me tregue”. Ai shton se të gjithë duhet të reflektojnë rreth kësaj vepre, jo vetëm në aspektin letrar e historik të saj, por edhe në aspektin filozofik, në mënyrë që të bëhemi më të përgjegjshëm.

“Bahen shumë pyetje brenda kësaj vepre; si asht e mujtun që njeriu me i ba një të keqe tjetrit, me arritë me ba ato veprime, që nuk mund t’i kryj asnjë qenie e gjallë në këtë univers. Ajo ç’ka në të vertetë At Zef Pllumi na fton me reflektu asht pikërisht kjo; me u ba të vetëdijshëm, të përgjegjshëm. Unë kishe me shtu edhe me u ba solidar me ato viktima të asaj kohe. Edhe pse ka kalu një periudhë 30 vjeçare, prapseprapë ato viktima të komunizmit, të asaj kohe, kanë nevojë për një ndjenjë përgjegjësie, kërkimi faljet.”

Vepra e At Zef Pllumit, thotë At Viktor Demaj, i ngjan një universi kulturor me peshë në kulturën kombëtare. Ajo është botuar tashmë në tërësinë e saj, por At Viktor Demaj thotë se ka ende dorëshkrime të shkurtëra apo artikuj të mbetur pa përfunduar, ngjarje që nuk ka arritur t’i tregojë deri në fund, materiale këto që mund t’i shërbejnë jo vetëm lexuesit, por edhe studiuesve.

“E lexojmë veprën e tij në të gjitha aspektet; poezinë, studimet mbi folklorin, themelimin e revistës “Hylli i Dritës”, botimin e “Ditarit”, ai filloi me botu ditarin e At Pal Dodajt, fillimin e botimeve të kolanës së shkrimtarëve françeskanë. Pra, mund ta shikojmë në një lloj universi kulturor i cili ban pjesë në ato personalitete të mëdhaja të kombit tonë. Për këtë arsye asht mirë që, këto personalitete të lexohen, të kujtohen, të shpallen, të mësohen edhe breznitë e reja me këtë kontribut që kanë dhanë”.

At Zef Pllumi përjetoi thellë peshën e regjimit komunist. U dënua dy herë dhe kaloi gati 30 vite të jetës në burgjet e diktaturës. Ishte françeskani i fundit që arriti t’i mbijetojë ferrit komunist për të rrëfyer mbi jetën e tij dhe persekucionin ndaj klerit dhe shqiptarëve.

“Vuajtja e tij burgjeve, persekutimi që pësoi, e kanë modifiku edhe karakterin e tij. Unë dhe françeskanët e tjerë ishim djem të rinj në ato kohë kur ai kaloi vitet e fundit pranë kuvendit françeskan. Sigurisht, kishim kontakte dhe marrëdhënie pothuajse përditë dhe na bante përshtypje ai vështrimi i tij shumë i thellë, ato sytë e tij të mëdhej kallxonin shumë”.

Duke iu rikthyer veprës kryesore të fratit françeskan At Zef Pllumit “Rrno vetëm për me tregue”, At Viktor Demaj thotë se kjo vepër përcjell mesazhe universale, për të gjitha kombet, ç’ka përkon edhe me situatën globale dhe agresionin rus në Ukainë.

“Asht nji vepër që, jo vetëm na shërben ne, por i shërben edhe kombeve të tjera se si duhet të kemi kujdes nga totalitarizmat, nga ato ide politike që kthehen në ide vrastare. Ne mund të kemi ide të ndryshme politike, po nuk kena pse me u vra me njeni-tjetrin, me marrë pushtetin dhe me eleminu tjetrin. Secili ka idetë e veta, ka personalitetin e vet, identitetin e vet, dhe jep kontributin e vet me krijimtarinë e tij, me mendimin e tij. Ktë na fton At Zef Pllumi”.

Mbyllja e kolegjit turk, nxënësit protestojnë të hënën para Ministrisë së Arsimit

Gjimnazistët e kolegjit turk, “Mehmet Akif” do të protestojnë para Ministrisë së Arsimit për të kundërshtuar vendimin për mbylljen e këtij institucioni arsimor.

Protesta do të zhvillohet ditën e nesërme më 26 shtator, në orën 10:00. Pas ministrisë së Arsimit, ata do të marshojnë drejt Kryeministrisë.

Tre ditë më parë, qeveria vendosi mbylljen e kolegjit turk në Tiranë “Mehmet Akif Ersoy”.

Ky institucion funksiononte në Shqipëri që nga viti 1996 dhe është ndër të parat shkolla të mesme private të hapura në vend pas viteve 90’.

Vendimi i qeverisë ngarkon kolegjin që të mbulojë të gjitha shpenzimet për kryerjen e procedurave për transferimin e nxënësve.

Gjithashtu në vendim, kolegjit i kërkohet që të kthejë pagesat e kryera nga prindërit për pjesën e papërfunduar të shkollimit.syri.net

‘Çmenden’ çmimet e pronave në Vlorë, bum kërkesash nga rusët

Shumë shtetas rusë, të cilët po largohen nga shtëpitë e tyre për shkak të vendimit të Putinit për mobilizim ushtarak, po gjejnë strehë në vendin tonë. Rusët janë të përqendruar në zonat bregdetare, kryesisht në Vlorë. Pas kërkesave të shumta për shtëpi, në qytetin bregdetar çmimet e apartamenteve janë rritur më shumë se 30%

SYRI TV

Shumë shtetas rusë, të cilët janë larguar nga vendi për shkak të agresionit rus ndaj Ukrainës, kanë pasur kërkesa të shumta nga për të blerë apartamente në qytetin e Vlorës. Kjo është shoqëruar me një rritje të çmimit të apartamenteve deri në 30%. Agjentët imobiliarë thonë se sipas legjislacionit ata mund të pajisen me leje qëndrimi afatgjatë në vendin tonë, nëse kanë çertifikatë pronësie të një apartamenti në Shqipëri. Agresioni i Rusisë ndaj Ukrainës, duket se nuk është mirëpritur nga shumë shtetas rusë, të cilët kanë zgjedhur të largohen nga vendi.

Alvaro Dalipi, drejtues i një agjencie imobiliare në Vlorë, tregon se gjatë muajve të fundit ka pasur kërkesa të larta nga shtetasit rusë, për të blerë apartamente në qytetin e Vlorës. Dalipi thotë se legjislacioni shqiptar u krijon lehtësira shtetasve rusë për t’u pajisur me leje qëndrimi afatgjatë në vendin tonë, nëse ata kanë një çertifikatë pronësie të një apartamenti në Shqipëri. Alvaro Dalipi tregon se veç rusëve, kërkesa të larta për blerje apartamentesh ka dhe nga shtetasit bjellorusë, ukrainas apo dhe italianë.

Ndërkohë, kërkesat e larta nga të huajt, kanë rritur deri në 30 përqind çmimin e apartamenteve në Vlorë. Këtë e dëshmon kreu i dhomës së industrisë në Vlorë, Arben Breshani, i cili shprehet se nga 600 deri në 800 euro që ishte metri i katrorit një vit më parë, tashmë ka kapur shifrën 1000 deri në 1500 euro metri/katror.

Zonat më të shtrenjta në Vlorë janë ato përgjatë Lungomares, qendra apo dhe zona e bulevardit Vlorë-Skelë, ku çmimet mund të shkojnë edhe në 2000 euro metri i katrorit.

‘Skavica’, Berisha thirrje dibranëve: Mos lejoni që Rama të zhdukë nga harta 40 fshatra, mobilizim popullor

Kryetari i Partisë Demokratike, Sali Berisha deklaroi se qytetarët dibranë dhe jo vetëm nuk duhet të lejojnë që të jetësohet projekti për Skavicën në këtë zonë.

Në një komunikim online me qytetarët, Berisha theksoi se Rama tenton të zhdukë nga harta e vendit 40 fshatra të Dibrës së Poshtme, ndaj edhe sipas tij duhet mobilizim popullor.

“Institucionet në këtë vend janë në dorë të një njeri. Shqipëria është diktaturë e një partie. Çdo pushtet në këtë vend është apo buron nga Partia Socialiste. Kjo ide është për fat të keq fiktive. Kundërshtimi është popullor. Qytetarët e Dibrës dhe mbarë Shqipërisë s’duhet të lejojë Edi Ramën që të zhdukë nga harta e vendit rreth 40 fshatra, pjesën më pjellore të Dibrës. De-facto asgjësimin e Dibrës së poshtme. Mobilizimi popullor është zgjidhja.”, tha Berisha.bw

PD: Gjimnazistët mbeten pa shkollë, Bashkia e Tiranës është përgjegjëse

Partia Demokratike denoncoi sot se katër muaj pas afatit të përfundimit të punimeve, shkolla ‘Besnik Sykja’ mbetet ende e parikonstruktuar.

Deputetja Ina Zhupa tha se Bashkia e Tiranëës është përgjegjëse, pasi ka lënë në harresë gjimnazistët.

DEKLARATA E PLOTE

Viti i ri shkollor nuk nisi normalisht për nxënësit dhe mësuesit e shkollës “Besnik Sykja” në Tiranë.

Kjo është një nga shkollat e shumta, të cilat Parti Demokratike i ka denoncuar me fakte dhe prova këto ditë se si nuk po zhvillohet mësimi normalisht dhe se si nuk janë plotësuar standardet, afatet, detyrimet kontraktore që ka Ministria e Arsimit, Bashkia Tiranë, por i gjithë shteti shqiptar në lidhje me shkollimin dhe arsimimin e fëmijëve, nxënësve, gjimnazistëve të kryeqytetit.

Mbrapa meje ndodhet tabela e punimeve për rikonstruksionin e shkollës “Besnik Sykja”.

Nga vetë tabela, nga ajo që thotë vetë Bashkia Tiranë, por edhe kontraktori, kjo kontratë e punimeve duhet të kishte përfunduar në datën 04.05.2022. Ne ndodhemi në shtator të vitit 2022 dhe është shumë larg i të quajturit i përfunduar.

Përkundrazi oborri i kësaj shkolle është plotë me inerte dhe e largët duket data në të cilën do të mund të kthehen gjimnazistët për të kryer shkollën e tyre në godinën e Besnik Sykjes.

Kjo është një harresë, kjo është një indiferencë, kjo është një mos përgjegjshmëri e institucioneve shtetërore për detyrat që kanë për t’ju ofruar shërbimin mësimor gjimnazistëve dhe mësuesve të shkollës “Besnik Sykja”.

Ata sot e zhvillojnë shkollën me turne, duke shkuar në një shkollë tjetër në gjimnazin “Petro Nini Luarasi”.

Në mënyrë të tillë ne kemi shkaktuar, Ministria e Arsimi, Bashkia Tiranë ka shkaktuar një kauzë në sistemin arsimor duke bërë që shumë shkolla të Tiranës vetëm nga indiferenca dhe papërgjegjshmëria e tyre të kryejnë mësimin me 2 apo me 3 turne.

Ky është sistemi arsimor që kemi sot, fjalët e propagandës që flasin për digjitalizim, për ndërkombëtarizim, për shkolla me teknologji të fundit janë jashtëzakonisht shumë larg realitetit të këtyre shkollave të shembura dhe të mësimit me turne që zhvillohet në shkollat e kryeqytetit.

Arsimi është në rrezik, shqiptarët janë në rrezik dhe zgjedhin çdo ditë e më shumë të largohen nga vendi.

syri.net

Akuza e fortë e Berishës: Sulmi kibernetik nga hakera rusë e serbë. Kosova është sulmuar nga sistemet e Shqipërisë

Kryetari i Partisë Demokratike, Sali Berisha deklaroi dje se sulmi kibernetik në vend ka ardhur nga hakera serbë dhe rusë.

Sipas tij edhe Kosova është sulmuar nga sistemet e Shqipërisë.

Sali Berisha: Dua të informoj shqiptarët nga burime të trefishta se në operacionin e shkatërrimit të infrastrukturës dixhitale në Shqipëri, janë pjesëmarrës hakera të qeverisë, hakera rusë dhe serbë. Kjo është e vërtetë e konfirmuar për opozitën nga burime shumë serioze. Kosova është sulmuar nga sistemet e Shqipërisë. Mali i Zi gjithashtu është nën sulm, edhe Maqedonia. Nuk kam të dhëna për këto dy të fundit që të jenë sulmuar nga Shqipëria. Kjo do të thotë një penetrim të plotë të hakerave serbë ose rusë. Specialistë të kësaj fushe kanë deklaruar se sulmet kanë ardhur nga rajoni. Rama do ti mbyllë të gjitha me Ajatollahët. Aleatët duhet të dinë të vërtetën. Databaza e policisë shkencore që ka shenjat e gishtave, grupet e gjakut, nuk ka asnjë lidhje me portalet, ka lidhje direkte me ndërhyrje të hakerave të qeverisë që do të zhdukë lidhjet e saj me krimin.

Janë me dhjetëra orë komunikimi të qeveritarëve me grupet më të rrezikshme kriminale, në Shqipëri, në Dubai, në Amerikën Latine, në Meksikë dhe kudo. Unë mund tu deklaroj se personalisht Edi Rama është sipas të gjitha indicieve ka qenë dhe është nën hetim ndërkombëtar.bw

Berisha telekonferencë me Antonio Tajanin dhe Paolo Barellin: Shqiptarët mbështesin ‘Forza Italia’

Kryetari i Partisë Demokratike, Sali Berisha ka zhvilluar një telekonferencë me Antonio Tajanin, koordinator kombëtar i ‘Forza Italia’, dhe Paolo Barelli, president i deputetëve të partisë së ‘Forza Italia’.

Gjatë bisedës, Berisha është shprehur se ‘miqësia me Presidentin Berlusconi mbetet ende e fortë. Komuniteti shqiptar do të votojë ‘Forza Italia-n’ për vizionin pro-evropian dhe të moderuar që përfaqëson’.

Komunikatë për shtyp e Forca Italia

ZGJEDHJET: KOMUNITETI ITALO-SHQIPTAR PËRKRAH FORZA ITALIA

Komuniteti shqiptar i Italisë është përkrah Forza Italias sepse konsiderohet një parti e ndjeshme ndaj problemeve sociale, e vëmendshme ndaj minoriteteve, e angazhuar për mbrojtjen e të drejtave dhe në zbatim të ligjit.

Ky është, në mënyrë të përmbledhur, mesazhi i Sali Berishës, ish-president i Republikës së Shqipërisë, kryeministër dhe lider historik i qendrës së djathtë, për të gjithë ndjekësit e tij që jetojnë në Itali.

Berisha foli në një telekonferencë me Antonio Tajanin, koordinator kombëtar i Forca Italia, dhe Paolo Barelli, president i deputetëve të partisë.

Në takim morën pjesë përfaqësuesit kryesorë të komunitetit shqiptar. Gjatë takimit, Berisha shprehu afërsinë dhe mbështetjen e ti për Forza Italia dhe gjithë koalicionin e qendrës së djathtë, me rastin e kësaj ngjarje të rëndësishme dhe delikate elektorale.

‘Miqësia me Presidentin Berlusconi – tha Berisha – dhe shpërndarja e programeve të Forza Italia janë të vjetra dhe të forta edhe sot e kësaj dite.

Për këtë arsye ftoj – saktësoi ai – komunitetin tonë të madh, ku bëjnë pjesë shumë qytetarë italo-shqiptarë, për të votuar me bindje Forza Italia për vizionin pro-evropian dhe të moderuar që përfaqëson’.

Tajani dhe Barelli falënderuan për ndjeshmërinë e treguar ndaj çështjeve që kanë qenë gjithmonë të dashura për lëvizjen blu, duke shtuar se gatishmëria e Berishës konfirmon bashkëpunimin tashmë të krijuar me drejtuesit e territorit.

Presidenti Berlusconi përmes Tajanit falënderoi mikun e tij Berisha për fjalët, duke besuar së shpejti në një takim që do të vulosë ndarjen e synimeve të përbashkëta në një të ardhme të afërt.

syri.net

Mbyllja e shkollave të Gylenit, si e kundërshtoi Ditmir Bushati ‘live’ kërkesën e homologut turk në Tiranë në 2018

Vendimi i djeshëm i qeverisë shqiptare për të mbyllur kopshtin e “Turgut Ozal” dhe shkollën e vajzave “Mehmet Akif” është një kërkesë e hershme e qeverisë turke, por që fillimisht hasi në kundërshtimin e ish ministrit të jashtëm shqiptar, Ditmir Bushati.

Në një konferencë të përbashkët për shtyp në Tiranë, ish ministri i Jashtëm i Turqisë, Mevlut Çavusoglu, në 19 tetor 2018 i kërkoi Bushati tqë të largojë “terroristët turq”, që, sipas tij, kanë hyrë nëpër institucionet shqiptare. Ai tha se Shqipëria duhet të mbyllë të gjithë institucionet të cilat kanë lidhje me organizatën e FETO-s.

“Ne kërkojmë eliminimin e veprimtarisë kundër shtetit turk që zhvillohet këtu. Miqve tanë shqiptarë i kemi dhënë listën me emra, kemi kërkuar ekstradimin e tyre edhe në mënyrë zyrtare. Ne nuk do të mbanim kurrë terroristë shqiptarë në Turqi, kështu që të njëjtën gjë pres që të bëjë edhe Shqipëria. Falë guximit dhe urtësisë së Presidentit të Turqisë u bllokua grushti i shtetit. Ata kanë përdorur shumë mirë sistemin arsimor dhe kanë hyrë në institucione. Sigurisht, kjo është organizatë e rrezikshme, e dimë se këtu kemi anëtarë të FETO-s. Në dëshirojmë dhe presim të mbyllen institucionet anti-turke në Shqipëri. Kjo organizatë është një kërcënim tepër serioz edhe për Shqipërinë dhe ata mund të bëjnë çdo gjë”, tha Çavusoglu.

Por në të njëjtin moment ai hasi në kundërshtimin e hapur të ish ministrit të jashtëm Bushati.

“Është ai qëndrim i njohur që ka të bëjë me ADN e kombit shqiptar, me parimin e laicitetit që ishte parim udhërrëfyes i rilindasve tanë, i etërve themelues të shtetit shqiptar. Do të ishte absurde që të mendohej që shteti shqiptar të mund të përfshihet në çështjet fetare, e jo më vend i huaj, qoftë edhe një vend mik siç është Turqia”, deklaroi Bushati.bw

Faqja 44 prej 246« Fillimi ‹ Prapa 40 41 42 434445 46 47 48 Para ›Fundi »

Teoria e parë: Kapja si “peshk”

Teoria e dytë: Femra e mistershme

Denoncimi

Mbyllja e kolegjit “Mehmet Akif”/ “Merruni me pronarët”, protestueset në mes të shiut i kthehen Ramës: Dilni nga zyra dhe na jepni përgjigje!

Lajmet me interesante

Lajmet e fundit

ARKIVA E LAJMEVE

RRETH NESH

NEWS LETTER

SOCIAL