Ish-deputeti i PD, Ervin Salianji ka reaguar për deklaratat e ish-ministrit Fatmir Xhafaj, të dhëna një ditë më parë në Opinion.

Në një reagim të shpërndarë për mediat nga selia blu, Ervin Salianji rendit 10 fakte që sipas tij nuk i fshehin dot.

Sipas tij, “Fatmir Xhafaj dhe dështimi i tij publik për të mbrojtur vendimin e Gjykatës së Apelit që e përgatiti vetë!”. “Nga qelia e burgut po ju parashtroj çfarë deklaroi e mashtroi dhe faktet një pas një të ballafaquara.

Por në parashtresë duhet të them që nënqesh fort me cinizmin që Xhafaj përlotet për gabimin “ e vogël” të vëllait 22 vjeçar që ishte trafikant narkotrafiku me dënim të gjykatës italiane, dhe jam krenar për veten që unë në moshën 20 e ca vjeçare hyja në fushat e kanabisit dhe denoncoja trafikun e drogës të qeverisë. Mjafton kjo pasqyrë e dy fytyrave të realitetit për të nënqeshur me dyfytyrësinë me pafytyrësi”, shkruan Salianji.

REAGIM NGA KABINA TELEFONIKE E ERVIN SALIANJIT

Fatmir Xhafaj dështoi që nëpërmjet mashtrimit të mbronte vendimin e Gjykatës  që e ka shkruar vetë!

Xhafaj përlotet për gabimin “ e vogël” të vëllait 22 vjeçar që ishte trafikant narkotrafiku me dënim të gjykatës italiane pas një operacioni të DEA-s Amerikane, ishte krenar që e vazhdonte trafikun bashkë me ndihmën e familjarit ministër dhe me emërimet e drejtuesve të policisë, ndërkohë unë jam krenar për veten që në moshën 20 e ca vjeçare hyja në fushat e kanabisit, takoja ćdo qytetar dhe protestoja për shqetësimet e tyre,  denoncoja trafikun e drogës të qeverisë apo bandar kriminale me emra dhe mbiemra, çdo denoncim në 11 vite opozitë mu faktua si i drejtë me kalimin e kohës!

Mjafton kjo pasqyrë e dy fytyrave të realitetit për të nënqeshur me dyfytyrësinë e paturp të një të moshuari që ka 40 vjet që me keto makinacione e ka zyrën në po të njetin vend tek ish Komiteti Qëndror!

Kështu:

1. F.Xhafaj tha: ​​Investigimin e ka kryer Salianji!

Fakti:​ Prokurorua ka kërkuar 6 muaj konvertuar në  shërbim prove.

3. F.Xhafaj tha: ​​Investigimin e ka kryer Salianji!

Fakti:​Përgjimet e stimuluara duke dhenë para Alizotit drejtuesit e policise, mes Babales dhe Alizotit tregojnë se si Babalja/ Albert Veliu ithotë Fredi Alizotit : “ – Ku hyn ti tek kjo o Fredi”?

8. F.Xhafaj tha: ​​Që ai vetë, Fatmir Xhafaj kishte dhënë dorëheqjen nga posti që të mos ndikonte në çështjen e të vëllait.

Fakti:​Shkoi të kryente dënimin sepse kjo ishte e vetmja mënyrë që most ë niste hetimiiri penal për Geron Xhafën nga drejtësia.
​Gazetari Jetmir Olldashi la deklaruar më pas që investigimin e kam kryer unë.
​Albert Veliu (Babalja) në dëshminë e tij ka deklaruar që e ka kryer ai vetë përgjimin. Thelbi i dënimit tim politik eshte i qartë, të denohet denoncuesi dhe të devijohen hetimet që Agron dhe Fatmir Xhafaj të shpetonin nga denimi me burg për trafik dorge në bashkëpunim!

10. F.Xhafaj: ​përmendi Prokurorët e krimeve të rënda dhe SHISH.

Fakti:​Fatmir Xhafaj dhe familjarët e tij duhet ti përgjigjen kësaj pyetje:  Përse SHISH, Prokuroria e Krimeve të Rënda, e kishin nën survejim vëllain e tij Geron nëse ai nuk ishte kontigjent sipas tij ishte i pastër? Dhe a e ka ndihmuar ai familjarin e vet nga arrestimi pêr trafikun e drogës duke dekonspiruar operacionet e prokurorisë?!

11. Xhafaj tha nuk eshte dorezuar paisja origjinale! 

Fakt. Paisja origjinale eshte dorezuar tek krimet e renda dhe gjykata nuk pranoi ta merrte si prove! Pavaresisht kesaj akt ekspertiza e laboratorit britanik ka vertetuar qe zeri i Agron Xhafajt eshte i njejte/i ngjashem me zerin e publikuar nga ana e Partisë Demokratike!sn

Pas arrestimeve të drejtorëve të bashkisë së Tiranës, në lidhje me skandalin e inceneratorëve dhe të kompanisë ‘5D’, Erion Veliaj i ka zëvendësuar njerëzit e tij më të afërt, me të tjerë drejtorë të administratës bashkiake.

Elton Kacidhja, drejtori i Ujësjellës Kanalizimeve të Tiranës, aktualisht është krahu i djathtë dhe njeriu më i afërt i Veliajt në punët e tij të bashkisë.

Por Kacidhja sot është thirrur në SPAK.

Mësohet se, atij i është kërkuar që të paraqitet në SPAK me qëllim që ti merren deklarimeve në lidhje me hetimet që po bëhen në bashki.

Elton Kacidhja është thirrur herët në mëngjes në Prokurorinë e Posaçme, në mënyrë që të shmanget prania e medieve, por që nuk ja kanë dalë.sn

Presidenti i Turqisë, Recep Tayyip Erdogan, do të vizitojë të enjten Shqipërinë, dhe bashkë me kryeministrin shqiptar, Edi Rama, do të përurojnë Xhaminë e Namasgjazë, siç njihet Xhamia e Madhe e Tiranës.

Njoftimi është bërë nga Komuniteti Mysliman i Shqipërisë (KMSH), i cili e ka konsideruar këtë përurim si “ëndërr të bërë realitet”.

Njoftimi i Komunitetit Mysliman të Shqipërisë erdhi pas lajmeve që u përcollën në media se Ministria e Çështjeve Fetare në Turqi e ka caktuar tashmë imamin e Xhamisë së Namazgjasë në Tiranë.

Sipas mediave, vetë imami i quajtur Enes Bastur, e ka shpërndarë lajmin në rrjetet sociale, por më pas e ka fshirë atë.

Interesimit të Radio Evropa e Lirë për këtë çështje, Zyra e shtypit pranë Komunitetit Mysliman Shqiptar, iu përgjigj duke deklaruar se “nuk ka asgjë zyrtare”.

Më pas, KMSH-ja shpërndau njoftimin për mediat, ku pranon se xhamia më e madhe në vend, nuk do të administrohet nga ky institucion fetar, por “nga pala tjetër”.

“Presidenti Erdogan dhe kryeministri Rama do të jenë të pranishëm personalisht në ceremoninë e inaugurimit, në të cilën Komuniteti Mysliman i Shqipërisë do të përfaqësohet nga Myftiu i Tiranës, z. Gazment Teqja, i cili do të jetë, gjithashtu, edhe kreu i bordit të fondacionit të përbashkët, mes KMSH dhe palës tjetër, që do të administrojë Xhaminë e Namazgjasë më tej”, thuhet në njoftimin e KMSH-së, duke lënë të kuptohet që xhamia do të administrohet nga Turqia.

Përurimi do të bëhet të enjten në orën 10:00.

Xhamia e Namazgjasë ndodhet pranë ndërtesës së Kuvendit të Shqipërisë dhe Katedrales katolike ‘Shën Pali”, si dhe përballë Komunitetit Mysliman Shqiptar.

Ndërtimi i saj nisi në vitin 2015 dhe themeli u vendos nga presidenti turk Erdogan.

Ai pati deklaruar në atë kohë se organizata FETO ka strukturat e saj edhe në Shqipëri, dhe se u kishte kërkuar krerëve të institucioneve “eliminimin” e tyre.

Punimet u tha se do të përfundonin për tre vjet, por u deshën rreth nëntë vjet që xhamia të përurohet.

Organizata FETO

Turqia i referohet me akronimin FETO, lëvizjes Hizmet të klerikut Fetullah Gulen.

Ankaraja e ka shpallur terroriste lëvizjen “Hizmet” në maj të vitit 2016, duke i akuzuar mbështetësit e saj për përpjekje për të rrëzuar Qeverinë turke.

Gulen ka qenë aleat i presidentit aktual të Turqisë, Recep Tayyip Erdogan, deri në vitin 2013.

Çfarë përfshin Xhamia?

Xhamia e Namazgjasë ka një sipërfaqe prej 10.000 metrash katrorë dhe ka kapacitet për 5.000 besimtarë, ndërsa së bashku me hapësirat e jashtme, rreth 10.000 besimtarë do të mund të falin namazin.

Ndërtimi i xhamisë është financuar nga Kryesia e Çështjeve Fetare të Turqisë (Dijanet) dhe Fondacioni i Kryesisë së Çështjeve Fetare të Turqisë, dhe kap vlerën e rreth 30 milionë eurove.

Pjesë e saj janë edhe bibliotekat, qendra kulturore, parkingu, kursi i librit të shenjtë, Kuranit, salla e ekspozitave, mensa dhe salla e konferencave, si dhe Muzeu i Bashkëjetesës.

Komuniteti Mysliman Shqiptar thekson se xhamia nuk do të jetë thjeshtë një vend për falje, por një kompleks multifunksional, që do t’u shërbejë edhe qytetarëve të tjerë, sikurse edhe turistëve.

Vizitat e krerëve të Turqisë në Tiranë, janë shoqëruar gjithnjë me thirrjen për të “pastruar mbetjet e organizatës FETO”.

Jo zyrtarisht është raportuar se edhe përurimi i xhamisë së Namazgjasë ka mbetur pezull pikërisht për shkak të pretendimeve të Turqisë se anëtarë të FETO-s janë pjesë e drejtimit të Komunitetit Mysliman Shqiptar.

Në njoftimin e këtij institucioni vihet re se asnjë prej drejtuesve të saj nuk do të jetë pjesë e ceremonisë, por KMSH-ja do të përfaqësohet me myftiun e Tiranës.

Dy vjet më parë, Erdogan paralajmëroi se kjo çështje do të ishte përcaktuese në marrëdhëniet mes dy vendeve.

Në shkurt të këtij viti, Erdogan gjatë një vizite të kryeministrit Rama në Turqi, tha se kjo organizatë “vazhdon aktivitetet e saj me qëllim për të hedhur hije mbi marrëdhëniet tona”.

Marrëdhëniet Shqipëri – Turqi

Në janar të vitit 2021, Shqipëria dhe Turqia kanë firmosur Deklaratën e Partneritetit Strategjik.

Marrëveshjet e firmosura mes dy vendeve, shtrihen në disa fusha si teknologjia, transporti, energjia, mbrojtja, shëndetësia, turizmi, arsimi, mjedisi si dhe kultura.

Turqia është ndër investitorët më të mëdhenj në Shqipëri me rreth 3.7 miliardë euro, ndërsa më shumë se 15 mijë shqiptarë janë të punësuar nga 830 kompanitë turke që operojnë në Shqipëri.

Në mars të këtij viti ushtria e Shqipërisë pranoi tre dronë të prodhimit turk Bayraktar.

Së fundmi, Shqipëria po përpiqet të rikthejë në funksionim industrinë e vjetër ushtarake.

Autoritetet kanë thënë se investitorë dhe kompani të huaja, që synojnë prodhimin e armëve dhe municioneve, kanë treguar interesim, ndërsa Shqipëria synon të jetë partnere si aksionare në biznes dhe jo thjesht t’i japë ato me koncesion. REL

Kujtim Emiri, protestuesi që pësoi djegie të shumta në gjymtyrët e poshtme gjatë protestës së djeshme, pasi policia i hodhi molotov tek këmbët, dha një intervistë telefonike, ekskluzive për Syri TV nga Spitali i Traumës.

Emiri ka dhënë detaje të asaj se çfarë ndodhi mbrëmjen e së hënës në protestën e opozitës.

Sipas tij, djegia që ka pësuar ka ardhur për shkak të mungesës së profesionalizmit, ndërsa tha se ministri i Brendshëm, Ervin Hoxha, nuk e ka vizituar në spital.

Njëri oprej dy policëve që ishte në dhomën e spitalit ku po merrte ndihmë mjekësore, sipas Emiri, u detyrua të linte spitalin për të takuar ministrin Hoxha, propagandë kjo e përdorur nga ky i fundit.

Protestuesi Emiri shprehu keqardhje që sipas tij, jo vetëm policia dhe institucionet e tjera po shërbejnë si militantë të pushtetit, por edhe shëndetësia është bërë pjesë e saj.

Emiri thotë se aktualisht po merr mjekim te Trauma për djegie të shkallës së tretë dhe bashkë me të në dhomë është edhe një punonjës policie.

Një nga infermieret, më tha se çfarë t’u desh ty që të shkoje në protestë. Jo vetëm të gjitha institucionet që janë militalizuar, por edhe shëndetësia. Infermierja më tha që është turp që keni dalë në protestë.

Në shumë zona ka arritur në shkallë të 3 djegia, jam dëmtuar në gjymtyrët e poshtme.

Nuk ka reaguar asnjë efektiv për zjarrin që më përfshiu, por vetëm një qytetar, që më ndihmoi dhe lajmëroi ambulancën.

Dikush hodhi molotov në drejtim të policisë, dhe ata e hodhën në drejtim të protestuesve, pa llogaritur se kush ishte. Një mungesë totale profesionalizmi.

Më vjen keq nga deklaratat e minsitrit, jam në një dhomë me një efektiv policie. Nuk ditëm të reagonon, më tha polici. Politika po i përdor dhe po i tmerron. Ka një politizim të madh dhe na japin modele se si duhet të veprojmë. Zgjedhjet se s’bën do të arrihet diçka që të hiqet ky regjim. Duhet të vijë se s’bën ndryshimi. Ka njerëz që dalin nga mllefi dhe varfëria. Kanë bërë veprime të papërshtatshme, po e çojnë vendin në luftë dhe vëllavrasje.

Kësaj policie i ka lënë hapësira për t’i përdorur.

Ministri Hoxha s’ka ardhur fare, kanë ardhur vetëm 2 efektivë, njëri që iku mbrëmë, ndërsa tjetri është këtu me djegie. Njërin nga policët, që ishte më mirë, e hoqën nga dhoma ime dhe e çuan në takimin me ministrin e Brendshëm, e kanë bërë takimin jashtë. Besoj se do t’ia dalim.

Aktorja e njohur, Juli Emiri, reagoi pasi babai i saj u dogj kur policët i hodhën flakëhedhëse te këmbët gjatë protestës së djeshme.

POSTIMI I PLOTË

Ky është babi im. Një nga flakëhedhëset që një protestues e hodhi në drejtim të bashkisë, një nga policët ia hodhi babit te këmbët. Babi mori flakë. Unë u sula t’ia shuaj,  bashkë me protestues të tjerë. U dogja dhe unë. Pas disa minutash, ku godisnim me ç’të mundnim, flaka u shua. Gjatë gjithë kësaj kohe, policët për asnjë çast nuk na hodhën ujin me të cilin shpërndanin protestuesit.

Babi mund të kishte vdekur sot.

Nga ata që lexojnë këtë status, ka një pjesë që u bëhet qejfi e thonë “mirë t’u bëhet/ç’u duhej të dilnin/vetë hodhën flakëhedhëse(jo babi)”, ka një pjesë që u vjen tmerrësisht keq jo thjesht për babin,por se kuptojnë diktaturën që po u riinstalohet para syve me vrasës gjakftohtë dhe u shtohet forca dhe motivi për ta mposhtur dhe një pjesë që u vjen keq por mendojnë “shyqyr që nuk isha/ja pse nuk duhet dalë në protestë se shiko ç’ndodh” pa e kuptuar sa shpejt do u vijë radha. Kjo pjesa e fundit është ajo që ka mbajtur gjithnjë Shqipërinë zvarrë, të nënshtruar, të pushtuar, të skllavëruar, që sjell e risjell diktaturën në një formë apo në një tjetër, periodikisht. Historia përsëritet aq herë sa nuk zëmë mend! sn

Një protestues ka pësuar djegie të rënda nga molotovi i hedhur në protestën e Partisë Demokratike.

Protestuesi ka marrë djegie të rënda në pjesën e krahut, dhe është dërguar me urgjencë në spital.

Ai është babai i aktores shqiptare Juli Emiri.

Sipas protestuesve që ndodheshin aty, ai është plagosur pasi është hedhur një molotov, dhe një efektiv i policisë e ka marrë dhe ua ka hedhur sërish protestuesve.sn

Pas mbylljes së protestës së opozitës, pushteti i Edi Ramës, përveçse i mbyti qytetarët me gazlotsjellës dhe ujë me spec djegës, ka nisur menjëherë përndjekjen e tyre.

Gazetari i Syri Tv, Fatjon Gjinaj raporton se policia politike e pushtetit, e drejtuar nga një pinjoll i familjes diktatoriale të Enver Hoxhës ka mbushur dy furgona me qytetarë të cilët i ka shoqëruar në komisariatin numër 3 në Tiranë.

Ndërkohe raportohet se ministri i Brendshëm Ervin Hoxha dhe drejtori i Përgjithshëm i Policisë, emëruar nga bandat kriminale, Ilir Proda, janë nisur drejt spitalit të Traumës në kryeqytet për të vizituar policët e lënduar sot gjatë protestës së opozitës.

Drejt policëve të cilët kanë formuar kordonë sigurie përreth institucioneve të shënjestruara nga protestuesit është hedhur molotov, i cili ka dëmtuar disa prej tyre.sn

Për Argita Malltezin të mos angazhohesh në jetën publike, është dëmi më i madh që mund të bëjë njeriu për të ardhmen e fëmijëve.

Në një intervistë televizive, Argita Malltezi e konsideron gabim të mos angazhohesh në politikë.

Edhe pse nuk e ka menduar më parë të bëhet pjesë e politikës, sot as nuk e përjashton këtë si opsion.

Për shumë arsye nuk është se e kisha menduar ndonjëherë. E kisha vlerësuar, e kisha peshuar, por nuk kisha vendosur kurrë për të hyrë në politikë. Dhe nuk ka ndryshuar kjo rrethanë edhe tani.

Ka qenë një gjë që në fakt më ka bindur edhe para se të ndodhte kjo çështje. Unë kam qenë njeri që gjithmonë e kam thënë atë që mendoja, nuk kam qenë njëri i pazë.

Ajo që jam e bindur sot, është që dëmi më i madh që mund të bëjë njeriu për të ardhmen e fëmijëve, është të mos angazhohet në jetën publike. Të mos thotë që diçka është gabim, kur e mendon se është gabim. Në këtë sens unë nuk e përjashtoj angazhimin tim publik, por realisht nuk është se kam planifikuar diçka për angazhimin tim publik”. sn

Më pak se 24 orë nga protesta e 7 tetorit, në selinë e PD u zhvillua një takim pasditen e së premtes, lidhur me organizimet për atë që do të ndodhë të hënën në protestën kombëtare.

Në këtë takim morën pjesë Sekretari i Përgjithshëm i PD Flamur Noka, Kryetari i Grupit Parlamentar Gazment Bardhi, Drejtuesit Politik dhe Kryetarët e Degëve të PD.

Në mbledhje është diskutuar për strategjinë e protestës së të hënës, format e organizimit të saj, si dhe angazhimi i degëve të partisë për pjesëmarrje masive në datën 7 Tetor.

Kryetarët e degëve kanë raportuar se strukturat e partisë kanë kërkuar që në protestë të mos ketë fjalime, por ajo të jetë e organizuar si fillesa e mosbindjes civile.

Sekretari i Përgjithshëm i PD, Flamur Noka ka sqaruar se e hëna është dita e protestës për gjithçka Edi Rama i ka bërë Shqipërisë në 12 vjet.

“Asgjësimi i zgjedhjeve të lira, burgosja politike e liderit të opozitës Sali Berisha, kërkesa për Qeveri Teknike, varfëria dhe papunësia, janë motive të mjaftueshme që qytetarët të derdhen lum atë ditë në protestë”- mësohet të jetë shprehur Flamur Noka.

Të hënën 7 Tetor 2024, ora 18:00 PD ka thirrur një protestë kombëtare dhe që fillon nga Kryeministria dhe shtrihet në të gjithë Tiranën, ndërsa kanë paralajmëruar edhe bllokim të rruugëve në të gjithë kryeqytetin.sn

Politikat anti-korrupsion në dekadën e fundit në Shqipëri nuk kanë dhënë ndonjë rezultat dhe niveli i korrupsionit mbetet njësoj si një dekadë më parë, sugjerojnë gjetjet e një vëzhgimi të kryer nga Lidershipi i Evropës Juglindore për Zhvillim dhe Integritet (SELDI) që u prezantua të enjten në Tiranë.

BIRN

Vëzhgimi përfshin vendet e Ballkanit Perëndimor, Shqipëria, Kosova, Mali i Zi, Serbia, Maqedonia e Veriut dhe Bosnje Hercegovina, të cilat mbështeten me asistencë financiare nga Bashkimi Europian nëpërmjet programeve që nxisin integrimin e këtyre vendeve.

Të gjithë grafikët e prodhuar nga sondazhi i kryer në popullsinë e këtyre vendeve gjatë viteve  2022-2024, e nxjerrin Shqipërinë në krye të perceptimit për korrupsionin e lartë, nivelin e ryshfetit dhe mungesën e besimit se korrupsioni mund të mundej.

Kurba e perceptimit të korrupsionit për Shqipërinë qëndron në të njëjtin nivel me atë të një dekade më parë, ndërsa vendet fqinje tregojnë një tendencë në rënie në vitet e fundit.

“Në 2023/2024, shqiptarët ishin më të cenuarit nga korrupsioni, pasi 80% e popullsisë shqiptare është e prirur për të pranuar ose ofruar ryshfet,” konstatohet në raport.

Me përjashtim të Kosovës dhe Malit të Zi, përqindja e individëve që raportojnë se u kanë dhënë ryshfet zyrtarëve publikë është afërsisht në nivelin e një dekade më parë edhe në vendet e tjera.

Shqiptarët shfaqen mungesë besimi me rënien në 20% të optimizmit në luftën anti-korrupsion në kontrast me vendet e tjera, ku shënohet një rritje e lehtë e besimit se korrupsioni mund të luftohet.

Sipas SELDI-it, të dhënat tregojnë se “politikat antikorrupsion në rajon nuk priren të prodhojnë një efekt të qëndrueshëm”.

Të dhënat e survejimit u diskutuan të enjten në Forumin Rajonal mbi Qeverisjen e Mirë me temë “Politikat Kundër Korrupsionit dhe kapjes së shtetit – Progresi drejt anëtarësimit në BE të vendeve të Ballkanit Perëndimor”.

Ambasadori i Bashkimit Europian në Tiranë, Silvio Gonzato, apeloi për gjetjen e mekanizmave për ndryshimin e kësaj situate duke i cilësuar të dhënat për vendet e përfshira në studim si “shumë më të larta se mesatarja e BE-së”.

Duke iu referuar Shqipërisë, ai tha se “presim që puna e qeverisë për strategjinë antikorrupson të miratohet dhe të zbatohet e plotë në veçanti në sektorët Kadastra, Tatimet, Dogana, prokurimi publik, arsimi dhe shëndetësia”.

Ndërsa në një mesazh për gjithë rajonin ai theksoi se ishte e rëndësishme që të mos minoheshin përpjekjet e bëra kundër korrupsionit.

“Është e rëndësishme që partnerët në rajon të shmangin veprimet që minojnë luftën anti-korrupsion, për shembull dobësimi i transparencës në prokurimin publik, apo akte ligjore të porositura të cilat anashkalojnë procedurat standarde, apo kufizimin e mandateve të organeve të pavarura anti-korrupsion,” u shpreh ai.

Ambasadori vuri theksin tek forcimi dhe pavarësia e shoqërisë civile dhe përfshirja e saj aktive konsultimet për formësimin e politikave antikorrupsion dhe monitorimin e tyre.

I ftuar në takim, kreu i Prokurorisë së Posaçme, Altin Dumani i kategorizoi përpjekjet e vendeve të rajonit në këtë drejtim në tre etapa, ndërtimi i strukturave të posaçme anti-korrupsion, krijimi i një legjislacioni të mirë që u garanton pavarësinë dhe krijimi i kushteve teknike, mjetet dhe teknologjinë për të punuar këtyre strukturave.

Duke iu referuar punës së strukturës që ai drejton, Dumani tha se ka shënuar suksese në 5 vitet e jetës dhe se ka kapacitetet dhe aftësitë për të ushtruar ndjekjen penale ndaj subjekteve të ndryshme. pavarësisht profilit të tyre politik apo publik dhe profileve të larta të krimit të organizuar.

Ai shtoi se  lufta kundër korrupsionit dhe krimit të organizuar nuk është sfidë institucionale vetëm e SPAK-ut, por kërkon angazhim të veçantë të të gjitha institucioneve dhe shoqërisë civile në veçanti.

Kryetarja e Parlamentit, Elisa Spiropali e ftuar për të përshëndetur foli për përkushtim dhe vullnet të mazhorancës që po qeveris që prej një dekade vendin për të mbështetur institucionet anti-korrupsion, pa komentuar gjetjet e vëzhgimit.

Ndërsa ministrja e shtetit për Administratën dhe Anti-korrupsionin, Adea Pirdeni, prezantoi një sërë hapash ligjorë e mekanizmash veprimi, që sipas saj, qeveria po i ndërmerr për të minimizuar hapësirat për korrupsion.

Por, përfaqësuesja e opozitës, Jorida Tabaku, u tregua kritike ndaj angazhimeve qeveritare duke iu referuar vëzhgimit të SELDI-it si shqetësues për situatën e korrupsionit në vend.

Ajo tha se në parlament kanë kaluar ligje të porositura që tregojnë ‘kapjen e shtetit” dhe se dokumenti negociues i qeverisë për anëtarësim në BE nuk parashikon masa reale për anti-korrupsionin.

“Këtë duhet të ndryshojë qeverisja dhe jo të hartojë procese integrimi në letër dhe strategji anti-korrupsioni në letër,” shtoi Tabaku.

Vëzhgimi i prezantuar në forum vë theksin tek mosefikasiteti i politikave anti-korrupsion dhe asistencës financiare të Bashkimit Europian ndaj këtyre vendeve.

“Prevalenca e ryshfetit për mbi 20 vjet dhe gjetjet e fundit të tij tregojnë se arritjet në kontrollin e korrupsionit kanë qenë zhgënjyese,” konkludon ai.

‘Grupi parlamentar do të jetë në mbledhjen sekretariatit të orës 15:00 si formë e mosdakordësisë tonë me këtë përshkallëzim që PS po i bën grupit parlamentar të Partisë Demokratike.

Të përjashtosh opozitën nga Kuvendi, të burgosësh opozitën për fjalën e lirë, të pengosh opozitën të kryejë funksionet veta, të tentosh ta asgjësosh opozitën, siç e kam thënë edhe më parë është shpallje lufte ndaj PD-së, grupit parlamentar të PD-së dhe opozitës në tërësi.

Sa ti takon seancës së nesërme, grupi ka vendosur të bëjë gjithçka për të mos lejuar normalitet në seancën e nesërme.

Strategjitë se çfarë do të bëjmë do ti mësoni aty’, tha kreu i grupit parlamentar te PD, Gazment Bardhi per mediat.sn

Ambasadorja e Izraelit në Tiranë, Galit Peleg, tha se sulmi raketor i Iranit në Izrael ka kaluar pa fatalitete.

Sipas saj nuk ka pasur viktima në njerëz, ndërsa Izraeli ishte i përgatitur për një sulm të tillë nga Irani. E pyetur se çfarë do të ndodh tani dhe a do i kundërpërgjigjet Izraeli këtij sulmi, ajo tha se për këtë duhet të presim ndërsa shtoi se Izraeli e ka treguar se di të reagojë “edhe në mënyrë të dhimbshme”.

“Ne sapo përjetuam një sulm iranian. Rreth 180 raketa janë lëshuar nga Irani. Kjo është hera e dytë brenda pak muajsh që sulmohemi nga Irani. Unë po flisja me familjen time në telefon. Falë Zotit nuk ka pasur fatalitete mbrëmjen e sotme dhe ka sisteme sigurie të cilat kanë arritur të kapin në kohë raketat dhe tanimë gjërat i janë kthyer normalitetit. Zëdhënësi i shtypit, tha se tashmë mund të largohen nga strehat, por duhet të qëndrojnë pranë tyre”,- u shpreh ambasadorja.

E pyetur nëse ishte Izraeli i përgatitur për këtë sulm ajo tha:

“Ne e dinim që sulmet ndaj Izraelit në dy vitet e fundit, nga Hamasi në Gaza dhe Hezbollahu në Liban, ne e dimë që Irani është nga pas. Nuk e di nëse e dinim me saktësi se çfarë do bënin, por iranianët asnjëherë nuk e fshehin synimin e tyre për të sulmuar Izraelin. Mendoj se ne ishim gati dhe jemi gati. Ata thanë se do e sulmonin Izraelin, u paralajmëruan nga Franca e nga vende të tjera Europiane, por ata zgjodhën të sulmonin, ndaj besoj do jenë të gatshëm të paguajnë çmimin cilido të jetë ai’.

E pyetur se çfarë do bëjë tani Izraeli ambasadorja tha se duhet të presim e të shohim: “Ne u kemi treguar armiqve dhe botës, se Izraeli di shumë mirë të marrë kohën e vetë e të përgjigjet në mënyrë të përgjegjshme e po ashtu në mënyrë të dhimbshme nëse është e nevojshme. Ne duhet të presim e të shohim”.

Gazetari gjerman Peter Tiede nga prestigjozja gjermane, Bild ka akuzuar kryeministrin Edi Rama se stafi i tij ka mbledhur telefonat e gazetarëve. Stafi i Ramës kërkoi që ekipit televiziv tu merreshin celularët para një interviste, duke hedhur hije dyshimi se çfarë mund të ketë ndodhur me telefonat e tyre gjatë kohës që mbaheshin nga stafi i kryeministrit shqiptarë.

SYRI TV

Nuk kanë të ndalur skandalet e kryeministri shqiptar Edi Rama, me gazetaret, që tashmë i kanë kaluar edhe kufijtë shqiptarë. Këtë herë është gazetari i gazetës prestigjoze gjermane, Bild, Peter Tiede, i cili ka akuzuar kryeministrin Edi Rama se stafi i tij ka mbledhur telefonat e gazetarëve. Denoncimin e tij tronditës gazetari ka dhënë detaje  të këtij skandali në tre gjuhë, në gjermanisht, anglisht dhe shqip, se si në një intervsitë Kryeministri Rama nuk ka lejuar gazetarët gjermanë të përdroin telefonat e tyre celularë.

“Sipas raportimeve, Edi Rama së fundmi kërkoi nga një ekip televiziv gjerman që t’i hiqte celularët e tij përpara një interviste. Nuk dihet se çfarë ka ndodhur me celularët gjatë intervistës. Ajo që bie në sy: më pas njerëz të afërt të Ramës njihnin kontaktet e skuadrës,”

Nuk dihet se cfarë ka ndodhur me telefonat e ekipit televiziv se si janë përdoror ato apo ndoshta kontaktet e këtij ekipi kanë përfunduar pranë njerëzve të Ramës. Por Incidente të gazetarëve të huaj me Ramën janë shënuar dhe pak ditë më parë. Presioni që kreu i qeverisë Edi Rama i bën medias jo vetëm shqiptare por edhe asaj të huaj, është dënuar nga gazetarët polikë të 2 mediave më të mëdha gjermane të cilët kanë denoncuar përpjekjet e Ramës për të cënuar lirinë e shprehjes së tyre.

Pas gazetarit Mathieu von Rohr, që denonci telefonatën e Ramës dhe presionin për mospublikim të artikullit në “der Spiegel” edhe gazetari i Frankfurter Allgemeine Zeitung, Michael Martens dënoi presionet e shefit të qeverisë shqiptare ndaj gazetarëve gjerman dhe europian.

Prokuroria e Posaçme Kundër Korrupsionit dhe Krimit të Organizuar njoftoi anullimin e tenderit 4 milionë euro për ndërtimin e godinës së re. Sipas dokumentave të publikuar në Buletinin e Njoftimeve Publike, SPAK thotë se arsyeja e anullimit ishte për shkak se nuk u paraqit asnjë ofertë.

Tenderi për ndërtimin e godinës së re të SPAK u shpall në muajin gusht. Fondi limit ishte paracaktuar 395.3 milionë lekë ose gati 4 milionë euro. Kjo ndërtesë gjendet në krah të godinës ekzistuese të SPAK. Më parë ajo ka qenë në pronësinë e Bashkisë së Tiranës pasi ishte parashikuar të shërbente për zyrat qëndrore të Ujësjellësit. Por më pas, qeveria ja kaloi atë Prokurorisë së Posaçme për të ndërtuar ambientet e reja. Për këtë arsye, Erion Veliaj deklaroi publikisht pas thirrjes në SPAK se Bashkia ka marrëdhënie shumë të mira me kolegët e SPAK për shkak se u kishte dhënë ambientet.

Megjithatë përpjekja e parë e SPAK për të tënderuar rikonstruksionin e godinës dhe përshtatjen e saj në ambiente për zyra ka dështuar pasi asnjë kompani nuk ka paraqitur ofertë. Ky nuk është tenderi i vetëm i SPAK që dështon. Në të kaluarën SPAK ka anulluar edhe shumë tendera të tjerë, gjithmonë me argumentin e mosparaqitjes së ofertave. Me sa duket paratë e Dumanit nuk i do askush, ose kompanitë shqiptare nuk kanë shumë qejf të bëjnë biznes me SPAK.

Prokuroria e Posaçme njoftoi se do të marrë masat e nevojshme për rihedhjen e procedurës së prokurimit me objekt: “Ndërtim dhe rikonstruksion për godinën e re të SPAK”./kapitali

Në fillim të shtatorit, një 14-vjeçare solli në jetë fëmijën e saj në maternitetin e Korçës në juglindje të Shqipërisë.

Bashkëshorti i saj, 21 vjeç, u arrestua për veprën penale “marrëdhënie seksuale me të mitur”.

E mitura që u bë nënë, i përket komunitetit rom.

Ajo u tha mediave në Shqipëri se është martuar para një viti e gjysmë dhe kërkoi lirimin e bashkëshortit, duke thënë se është personi i vetëm që i sjell të ardhura për rritjen e foshnjës së sapolindur.

Prindërit e së miturës kërkuan, po ashtu, lirimin e 21-vjeçarit dhe thanë se vajza e tyre është martuar me dëshirë.

Nëna e 14-vjeçares u tha mediave se martesa në moshë të hershme është normale në komunitetin e tyre, duke treguar se vetë është martuar që 12 vjeçe.

Me të gjitha konventat për mbrojtjen e të drejtave të fëmijëve, martesat e hershme konsiderohen dhunë me bazë gjinore dhe shkelje e të drejtave të tyre.

Me ligjin në Shqipëri, martesë mund të lidhë çdo person që e ka kaluar moshën 18 vjeçe.

Megjithatë, gjykata e vendit ku lidhet martesa, “për shkaqe me rëndësi”, mund të lejojë martesë edhe përpara kësaj moshe.

REL-i mori vesh se avokati i bashkëshortit të 14-vjeçares ka kërkuar leje që klienti i tij dhe e mitura të paraqiten në gjykatë për të ligjëruar martesën e tyre.

Çështja e martesave të hershme në Shqipëri përmendet edhe në raportin e Departamentit amerikan të Shtetit për të drejtat e njeriut në botë, për vitin 2023.

Aty thuhet se “legjislacioni nuk parashikon masa për të parandaluar martesën e fëmijëve”.

Raporti citon Agjencinë Shtetërore për Mbrojtjen e Fëmijëve të ketë thënë se “martesa e detyruar ose e hershme nuk është një problem i përhapur në Shqipëri, megjithëse më i zakonshëm në komunitetet rome dhe ballkano-egjiptiane”.

Instituti i statistikave në Shqipëri, Instat, disponon të dhëna për martesat për vitin 2022 dhe, sipas tyre, atë vit janë lidhur mbi 18.000 martesa, por asnjë nën moshën 18-vjeçare.

Emiljano Aliu, drejtues i organizatës “Roma Veritas Albania”, që kontribuon në përfshirjen sociale të romëve dhe lufton kundër diskriminimit të tyre, thotë se martesat e hershme brenda këtij komuniteti nënraportohen ose nuk regjistrohen.

“Ky nuk është rasti i vetëm i martesës në moshë të mitur. Thjesht, u bë publik dhe po merremi me të. Fejesa dhe martesa në moshë të hershme te ky komunitet ka me qindra”, thotë ai për Radion Evropa e Lirë.

Sipas tij, ato ndodhin për shkak të arsimimit jo të duhur, pasi shumë fëmijë të këtij komuniteti e braktisin shkollën herët.

“Pastaj, mentaliteti, varfëria ekstreme dhe veçimi i këtyre njerëzve”, numëron Aliu si arsye.

“Këto [martesa] ndodhin në disa zona të vendit, në Gjirokastër, Fier, Korçë, Bilisht etj., por ato janë të gjitha lagje të segreguara, lagje periferike të këtyre rretheve”, sipas tij.

Aliu shton se statistikat tregojnë se në ato familje që janë ndërgjegjësuar për arsimimin, nuk ka fejesa apo martesa të hershme.

Statistikat e organizatës së tij tregojnë se, vitin e kaluar, kanë qenë vetëm 20 studentë romë në shkallë vendi.

Ai thotë se arrestimi i bashkëshortit të së miturës 14-vjeçare nuk zgjidh asgjë.

“Jam dakord që duhet zbatuar ligji dhe i riu ka kryer shkelje, por, thjesht, familjes i mungojnë të ardhurat që ai i sillte. Pyetja që lind është: ku ishin institucionet përpara se kjo vajzë ta braktiste shkollën, të fejohej dhe të martohej?”, thotë Aliu.

Institucionet vendore në Korçë dhe as ato qendrore nuk reaguan zyrtarisht për rastin e 14-vjeçares që u bë nënë.

Shqipëria ka hartuar Agjendën Kombëtare për të Drejtat e Fëmijëve, si një angazhim të sajin për të përmbushur të drejtat e fëmijëve me një kohështrirje prej vitit 2021 deri më 2026.

Institucionet nuk japin hollësi se si është duke shkuar përmbushja e agjendës, por pranojnë se martesat e hershme nuk raportohen në nivelin e duhur, kryesisht për shkak të pabarazisë gjinore, varfërisë dhe përjashtimit social.

Për Altin Hazizajn, drejtues i organizatës “Qendra për të Drejtat e Fëmijëve në Shqipëri”, rasti i 14-vjeçares në Korçë është “një ngjarje tipike e shfrytëzimit seksual” dhe “fakt që vajzat dhe gratë në Shqipëri kanë probleme serioze të respektimit të të drejtave të tyre”.

“Por, çfarë shoh unë me shqetësim, është fakti se institucionet janë të paafta që të kuptojnë, të ndjekin gjendjen e fëmijëve, në mënyrë të veçantë të vajzave. Sistemi social e ka për detyrë që çdo fëmijë të jetë i identifikuar, të marrë shërbime, të ndjekë shkollën…”, thotë Hazizaj për Radion Evropa e Lirë.

Të dhëna të unifikuara se sa fëmijë romë ndjekin mësimet nuk ka, por, sipas organizatës “Roma Veritas Albania”, vitin e kaluar, ishin rreth 60-70 romë në arsimin e mesëm të përgjithshëm.

Hazizaj thekson nevojën e më shumë fondeve dhe bashkëpunimeve për parandalimin e martesave të hershme te komunitet pakicë.

“Nuk mund të justifikohet askush duke thënë se martesat e hershme janë traditë te komuniteti rom dhe egjiptian”, sipas tij.

Dukuria, megjithatë, është e përhapur globalisht.

Fondacioni për Fëmijë i Kombeve të Bashkuara (UNICEF) vlerëson se që nga marsi i vitit 2018, në të gjithë botën, diku rreth 21 për qind e grave të reja janë martuar para moshës 18-vjeçare.

Po ashtu, sipas UNICEF-it, 650 milionë gra dhe vajza që janë gjallë sot, janë martuar para moshës 18-vjeçe.

Çdo vit, 12 milionë vajza në të gjithë botën, martohen para moshës 18-vjeçare dhe pritet që 150 milionë vajza të martohen para se t’i mbushin 18 vjet deri në vitin 2030.REL

Kryetari i grupit parlamentar të PD-së, Gazment Bardhi në një deklaratë për mediat nga selia e PD, ka deklaruar se, vendimi ndaj deputetit Ervin Salianji, është një shpallje lufte ndaj grupit parlamentar dhe opozitës.

‘Këta gjyqtarë për llogari të një trafikanti droge, mendojnë se do ti mbyllin gojën opozitës. Kush janë këta që i mbyllkan gojën deputetëve të opozitës për tu përballur me trafikantët e drogës që Rama i ka ngritur deri në ministrinë e Brendshme.

Pse nuk i bëhet hetim pasuror ndaj Fatmir Xhafajt, siç urdhëron ligji antimafia.

Kodi mafioz që Edi Rama vendosi sot përmes këtij vendimi politik gjykate, ti japë grupit parlamentar të PD, duke dënuar dhe dërguar në burg nënkryetarin e grupit të PD, është një shpallje lufte ndaj grupit tonë parlamentar dhe opozitës në tërësi.

Kolegët kanë bërë propozime në mbledhje që shkojnë për miratim në kryesinë e sotme të partisë, që mblidhet sot në mënyrë urgjente.

Ervin Salianji është një deputet, përfaqësues i qytetarëve në Kuvendin e Shqipërisë. Beteja nuk bëhet kundër Salianjit, por kundër mandatit të Salianjit.

Prandaj është një vendim politik.

Nuk ka bërë betejë personale Ervin Salianji, nuk ka bërë as korrupsion dhe as vrasje.

Të dalë nga burgu Saimir Tahiri dhe të shkojë në burg një deputet që ka bërë denoncime.

Të dalë jashtë burgut Vangjush Dako dhe të shkojë në burg një deputet i opozitës që ka guximin të bëjë denoncime’, tha ndër të tjera për gazetarët, Gazment Bardhi. sn