Sërish kjo e diel i ka gjetur në protestë banorët e Bërxullës në Tiranë, të cilët kundërshtojnë projektin për rrugën Thumanë-Kashar.

Nga projekti në fjalë është parashikuar që të shemben disa banesa dhe të preken disa toka të këtyre banorëve, të cilët janë kundër vlerës së shpronësimit.

Në një prononcim për News24 një banor që preket nga ky projekt ka sulmuar ashpër qeverinë Rama, ndërsa pohon se deputetët kujtohen të shkojnë në terren vetëm kur janë zgjedhjet. Protestuesi tha për gazetarin Osman Stafa se nëse shteti nuk ka lekë t’i shpronësojë, atëherë banorët të bëhen aksionerë me kompaninë e ndërtimit.

“Nuk e çajnë kokën për popullin, e duan vetëm për votë. Kemi mbi 150 ditë që kërkojmë dialog. Institucionet dhe kompanitë kanë përplasje mes tyre. Nëse shteti ynë është kaq fukara dhe i padenjë, këtu nuk shihet as kryetari i bashkisë as deputeti. Ai deputet përfaqëson krimin, dhe jo popullin. Themi; ‘hajde të ulemi në dialog’. Na bëni aksioner me firmën ndërtuese nëse nuk kanë lekë. Qeveria dhe Edi Rama tallen me taksat e popullit. Ai nuk pranon as të ulet, në Kuvend nuk shkon, te ne nuk vjen, ç’e do! Ai është kryeministër mbetje. Ne s’kemi as armë, as raketa që t’i luftojmë, as pushtet, nuk dimë ça të bëjmë. Bëhen protesta gjithandej, por ka dialog. Ne jemi për zhvillim, por jo të na shpronësosh ne si një litër vaj ulliri. Kjo është qeveri e papërgjegjshme, e korruptuar. Falënderojmë Zotin që i doli hirra këtij kryeministri tradhtar!”, tha ai.bw

“Sofra Tiranase” 2023 në edicionin e XXVII të saj, u realizua me sukses nga Shoqata Tirana, si një event që evidentoi edhe njëherë vlerat më të larta të qytetarisë kulturës dhe patriotizmit Tiranas.
E konceptuar si një aktivitet i madh festiv me rastin e 103- vjetorit të shpalljes së Tiranës Kryeqytet dhe 15- vjetorin e pavarësisë së Kosovës, ky organizim i Shoqatës dhe Kryetarit të saj Z. Arben Tafaj, e shndërroi në një event mbarëkombëtar e po ashtu në një nga aktivitetet më të mëdha për këto data të shënuara për gjithë shqiptarët.

Bashkepunimi ne kete vit jubilar, dhe kontributi i Aleances Kosovare te Biznesit me kryetar, z.Agim Shahini ishte nje vlere e shtuar qe i hap rruge pashkepunimit te me tejshem te organizatave tona.

Tirana si kryeqytet i shqiptarisë mirëpriti dhe bashkoi në Sofrën Tiranase përfaqësues të shquar artit e kulturës, të politikës dhe biznesit nga Shqipëria, Kosova, Mali i Zi, Lugina e Preshevës dhe Maqedonia e Verut. Shoqata Tirana në traditën e saj të konsoliduar, vlerësoi personalitete të cilët kanë dhënë kontribut të veçantë në fushat që ata përfaqësojnë. Mesazhet për bashkëpunim të sinqertë dhe intensiv te përcjella nga Kryetari Z. Tafaj dhe personalitetet e ftuar si dhe ato të vlerësuar, entuziazmuan publikun që kishte mbushur sallën e Pallatit të Kongreseve.

Analisti Fitim Zekthi i ftuar në studion e News24 në rubrikën “Opinion” ka folur në lidhje me çështjen e “McGonigal” dhe lidhjen e kryeministrit Rama me këtë rast.

Sipas Zekthit kryeminsitri Rama nuk është paraqitur në seancat parlamentare për shkak se ka frikë për implikimin e tij në çështje, ndërsa shtoi se mungesa e tij në Kuvend është në kufijtë e një vepre penale që duhet të hetohet.

Ai shtoi më tej se Rama është po ashtu subjekt hetimi në SHBA për shkak se mund të ketë cenuar intersat e vendit, ndërsa vijoi më tej duke thënë se ai rrezikon një vdekje të plotë politike sepse nuk gëzon besueshmëri nga asnjë qeveri tjetër pas skandalit.

“Kjo mazhorancë nuk kërkon opozitë por sot është në krizë të plotë për shkak të skandalit McGonigal. Kjo krizë është aq e madhe sa për herë të parë në këto vite një qeveri e kontrollon parlamentin në atë mënyrë sa opozita nuk flet fare. Justifikimet e Ramës për të mos shkuar në Parlament nuk qëndrojnë, ai e ka detyrim para Kushtetutës të paraqitet aty.

Çdo javë kryeministri duhet t’u përgjigjet pyetjeve, jo vetëm në interpelancë. Ai po shpërdoron detyrën në atë masë sa mendoj se mund të ketë një shkelje penale. Po të ndodhte në amerikë të marrin dhe të çojnë në Kongres. jemi në kufijtë e një vepre penale. Është minimumi shpërdorim detyre. Rama kërkon të shmangë komunikimin se ka frikë nga hetimi. Ai ka frikë se gjërat që mund të thotë mund të konvergojnë me atë që mund të dalë nesër.

Ai po del tek tuk në ndonjë televizion. Ka pasur një tentativë për të bërë propagandë dhe nuk tha asnjë gjë konkrete. Rama në këtë vorbull dyshohet se ka tentuar të blejë një zyrtar të SHBA-së dhe ka fabrikuar një histori në kokën e vetë për Bashën që merrte para nga rusët dhe më pas ka tentuar ta verifikojë. Prokuroria ka thënë që ka nisur një hetim, ndërsa në SHBA ka një hetim të imtësishëm. Ai është subjekt hetimi edhe  në SHBA, ai e di se çfarë ka bërë dhe prandaj ka frikë.

Kryeministri ka imunitet diplomatik dhe nuk hetohet dot për shkak të Konventës. Për sa kohë është kryeministër nuk hetohet dot, kjo është e sigurt dhe prandaj ai do të qëndrojë në pushtet. Në sytë e Amerikës ai rrezikon një vdekje të plotë politike, nuk gëzon asnjë besueshmëri nga asnjë qeveri, ai do jetë në një izolim të plotë ndërkombëtar. Atë që ka bërë ai e bëjnë qeveri si Irani apo Kina. Ky e ka bërë për arsye personale, është shumë e rëndë.

Ka shumë lajme për Ramën, mund të ketë edhe pagesa. Fakti nuk mund të zhbëhet. Rama ka patur kontakte me McGonigal disa herë, ai ka marrë 225 mijë dollarë nga Neza, etj. Ato që thotë ish-e dashura e McGonigal mund edhe të mos merren parasysh plotësisht.

Opozita është për vete në krizë, nuk gjen forcë për të zgjidhur problemet e veta të brendshme. Edhe në opozitë bëhet për pushtet. Berisha e ka sulmuar PD-në vetë në 8 janar. Ata pretendojnë se kanë të vërtetën supreme dhe se askush nuk e kundërshton dot. Opozita ka qenë e dobët pasi bënte veprime të palogjikshme më parë, nuk mund të binte qeveria me protesta. Protestat në një vend si ne janë për interesat e brendshme, nuk mund të arrijnë ndryshime. Nuk do rrëzohet kurrë nga këto protesta, ato nuk bëhen për të rrëzuar Ramën, por për të marrë pushtetin e brendshëm.

Protestat janë bërë me 10 mijë vetë maksimumi. Mekanizmat janë për të thënë se elitat e vjetra nuk do e rregullojnë Shqipërinë. Nuk ka asnjë vend në Ballkan që ka të njëjtat figura në 32 vite. këta njerëz duhet të ikin, mjafton të hapet rruga për persona të tjerë. Nuk ka formula magjike, njeriu e provon dhe largohet. E provon dhe ikën nëse dështon. Alternativa krijohet në mënyrë të vetëvetishme. rama ka rreth 25 vite në pushtet, po ia kalon liderëve në Kubë, po ia kalon edhe Fidel Castros. Edhe Berisha u rikthyer kur u prek vetë. Nuk pranojnë një cikël normal, kur humb duhet të largohesh, ky është sistemi i demokracisë, duhet të qarkullojnë njerëzit. Që një parti të vijë në pushtet, sidomos nga krahu i djathtë duhetë të shkëputet nga elita e vjetër dhe të mos bjerë në dorën e krahut radikal dhe të dalë në rrugë. Duhet të ketë njerëz të virtytshëm dhe me ide. Nuk bëhet luftë me kohën, elita e vjetër që drejtonte PD-në nuk pranon të vërtetën që duhet të hapë rrugë dhe të mos përdorë një gjuhë të tillë.

Protestat bëhen vetëm për vulën e PD-së, këtë krizë kanë të dyja palët. Nuk i do populli dhe duan të rrinë pas vulës. Nuk ka popull të fortë mjaftueshëm. Unë e kam përkrahur PD-në me vite por nuk përkrah Berishën sepse nuk besoj se një stadium vendos se kush ka PD-në. Është një lëvizje bolshevike sipas mendimit tim. Mosbindja civile nuk ndodh në Shqipëri, ajo është të mos i bindesh policit apo ligjit. Është një gjë arkaike kjo, ka 200 vite që ka vdekur. Jo Rama po as Enver Hoxha të ngrihet nga varri nuk rri dot nëse dalin të gjithë dhe nuk binden, por me 10 mijë veta nuk mund të arrihet”, tha ai.bw

Deputeti i PD-së, Edmond Spaho, i cili është përjashtuar me 10 ditë nga drejtuesja e Kuvendit, Ermonela Felaj, ndonëse i është bërë thirrje disa herë për të liruar foltoren, ka vijuar me ‘aksionin’ e tij.

Ndërkohë, siç shihet dhe në video, Spaho teksa për shumë orë i bie bilbilit pa pushim, shkul edhe mikrofonat në foltoren e Kuvendit.

Fill pas këtij episodi ai ka goditur foltoren dhe më pas ka vijuar ritualin e tij, duke i rënë bilbilit. Që në nisje të Kuvendit pak pas orës 10 të paradites, seanca është zhvilluar me debate të ashpra, ndërsa opozita ka bllokuar foltoren. Ndërkohë jashtë Kuvendit është mbajtur një protestë e thirrur nga opozita.bw

Zhvillohet sot seanca plenare në Kuvend. 12 deputetë të Partisë Demokratike do të mungojnë, pasi janë përjashtuar për shkak të debateve të shkaktuara në seancat e kaluara.

Deputetët që do të mungojnë, janë Sali Berisha, Flamur Noka, Edi Paloka, Belind Këlliçi, Luçiano Boçi, Ina Zhupa, Albana Vokshi, Luan Baçi, Tritan Shehu, Ervin Salianji, Gazment Bardhi dhe Bledion Nallbati.

Ndërkohë në rendin e ditës të seancës së sotme është parashikuar të shqyrtohet kërkesa për shkarkimin e Lindita Nikollës si kryetare Kuvendi, ndërsa kjo e fundit mungon në seancën e sotme.

Paralelisht jashtë ambienteve të Kuvendit po mbahet protesta e thirrur nga opozita.

Rendi i ditës i seancës plenare

Ne mbeshtetje te nenit 7, pika 6, nenit 27/1 te Rregullores se Kuvendit, bazuar ne kalendarin e punimeve per periudhen 5-25 shkurt 2023, URDHEROJ:

16. Mbledhjen e Kuvendit ne seancen plenare te dates 16.2.2023, ora 10:00. II. Rendi i dites i seances plenare eshte si me poshte:
17. Miratimi i procesverbaleve te seancave plenare te dates 2.2.2023 dhe 13.2.2023;
18. Njoftime;
19. Projektligj “Per disa ndryshime ne ligjin nr.10296, date 8.7.2010, “Per menaxhimin financiar dhe kontrollin”, te ndryshuar” .
20. Projektligj “Per ratifikimin e marreveshjes, ndermjet Keshillit te Ministrave te Republikes se Shqiperise dhe Qeverise se Republikes se Finlandes, per eliminimin e tatimit te dyfishte ne lidhje me tatimet mbi te ardhurat dhe parandalimin e shmangien e evazionit tatimor”.
21. Projektligj “Per ratifikimin e marreveshjes se huas, ndermjet Keshillit te Ministrave te Republikes se Shqiperise (huamarresi) dhe Agjencise Franceze per Zhvillim (huadhenesi), per financimin e projektit “Furnizimi me uje i qytetit te Durresit’”‘.
22. Projektligj “Per miratimin e kontrates shtese per ndryshimin e kontrates se koncesionit, ndermjet Ministrise se Financave dhe Ekonomise, si autoritet kontraktues, dhe shoqerive “Sicpa Security Solutions” s.a. e “Sicpa Security Solutions Albania” sh.p.k., per projektimin, financimin, dizenjimin, prodhimin dhe ngritjen e nje sistemi per emetimin, shperndarjen, gjetjen dhe monitorimin e pullave fiskale e te pullave te kontrollit te barnave, miratuar me ligjin nr.l 0381 , date 24.2.20 11.
23. Projektvendim “Per shkarkimin e Kryetares se Kuvendit te Shqiperise, zonjes Lindita Nikolla.
24. Projektvendim “Mbi propozimin per punonjesit me kohe jo te plote pune prane KQZ, per procesin e pilotimit te votimit dhe numerimit elektronik ne zgjedhjet per Organet e Qeverisjes Vendore te dates 14 maj 2023”
25. Projektvendim “Per ndryshime ne strukturen organizative te ILD. 10.

Diskutime cer veshtje jashte rendit te dites (60′).

III. Ngarkohen Sherbimet e Kuvendit per publikimin e rendit te dites te seances plenare, njoftimin e anetareve te Kuvendit me ane te mjeteve te komunikimit elektronik si dhe pergatitjen e dokumentacionit parlamentar qe do te shqyrtohet.

Komandant i ekipit shqiptar të kërkim-shpëtimit në Turqi, Behar Katuci, në emisionin “Open” në News24 foli për operacionet e zhvilluara në Turqi dhe momentet e vështira që kanë hasur gjatë shpëtimit të qytetarëve. Ai theksoi se nuk janë ndalur për asnjë moment kërkimet, duke ndarë jo vetëm vështirësitë, por edhe një moment emocionues. Togeri tha se ishin mrekulluar pasi kishin shpëtuar një vogëlush katër vjeçar, ndërsa siguroi se kërkimet nuk do të ndalet dhe do vijojnë të shpëtojnë qytetarët e bllokuar nën rrënoja.

“Kemi ndërhyrë në disa segmente. Fatmirësisht ditën e tretë. Kemi nxjerrë nga rrënojat një vogëlush katër vjeçar, ka qenë një nga momentet më të bukura që kemi pasur si ekip shqiptar në qytetin e Malatisë. Ekipi shqiptar ka vazhduar me operacionet e kërkim shpëtimit. Operacionet do të vazhdojmë, kemi vijuar me dy grupe. Temperaturat kanë qenë të ulëta, por kërkim shpëtimi nga pala jonë nuk është ndalur. Kemi shpresa pasi ka pallate rënia e të cilave na bën të besojmë se mund të ketë shpëtim jetësh. E vetmja vështirësi që kam arritur të konstatoj janë temperaturat e ulëta”, tha ai.bw

Do të jetë në 3 mars protesta e radhës kombëtare e opozitës.

Vendimi është marrë gjatë mbledhjes së kryesisë së Partisë Demokratike.

Ndërkaq, protestat e tjera në Tiranë, tek parlamenti nuk do të ndalen, duke u zhvilluar çdo ditë që ka seanca kuvendore.

Në datën 3 mars, Gjykata e Apelit pritet të japë edhe vendimin për çështjen e vulës së Partisë Demokratike.syri.net

Deputetja e Partisë Demokratike, Ina Zhupa ka propozuar disa ndryshime në Kodin Penal për të sanksionuar dënime më të rënda për personat që kanosin dhe godasin gazetarët.

Sipas këtij propozimi, në nenin 237 të Kodit Penal, “Goditjet per shkak te detyres”, thuhet se kur kjo ndodh ndaj një gazetari, dënimi për autorin duhet të jetë deri në pesë vite burgim.

“Kur kjo vepër kryhet ndaj gazetarit, operatorit, fotoreporterit apo punjonjësit të mediave, për shkak të veprimtarisë së tij dhe kur cilësitë e personit janë të dukshme ose të njohura, dënohet me burgim nga një deri në pesë vjet”, thuhet në tekstin e projektligjit.

Rritje e dënimit parashikohet edhe për kanosjen për shkak të detyrës për gazetarët. “Kur kjo vepër kryhet ndaj gazetarit, operatorit, fotoreporterit apo punonjësit të mediave, për shkak të veprimtarisë së tij dhe kur cilësitë e personit janë të dukshme ose të njohura, dënohet me burgim nga një deri në tre vjet”.

Sipas deputetes demokrate “problematika e lirisë së mediave në Shqipëri vijon të mbetet shqetësuese. Vitet e fundit ka pasur mjaft gazetarë që janë larguar në vendet perëndimore duke kërkuar atje azil, sikundër nuk kanë munguar as rastet e dhunës, presioneve dhe kanosjeve për shkak të detyrës të kryer ndaj gazetarëve. Në kushtet kur legjislacioni penal aktual nuk ka parashikuar për gazetaret dhe punonjësit e mediave asnjë lloj mbrojtje tjetër nga ajo e qytetareve të zakonshëm të vendit, si dhe në kushtet kur rastet e presioneve, kanosjes apo dhunës fizike ndaj gazetarëve për shkak të detyrës janë shtuar ndjeshëm, jemi të bindur se kjo nismë vjen në kohë. Nëpërmjet kësaj nisme, nuk po kërkohet asgjë më tepër sesa të barazohet niveli i mbrojtjes së gazetarëve dhe punonjësve të medias, me atë të mjekëve apo punonjësve të policisë”.bw

Qytetarët që janë mbledhur sot para Kuvendit, në protestën e thirrur nga opozita i kanë bërë thirrje punonjësve të policisë që të dorëzojnë kapelet dhe uniformat dhe t’i bashkohen nismës së tyre.

Mes brohërimave, protestuesit thërrasin njëzëri: ‘Rama ik’!

“Policia, dorëzoni uniformat, dorëzoni kapelet, bëhuni me qytetarët, ne jemi këtu. “Rama ik!”.

Poshtë diktatura, poshtë komunizmi, Rama ik! Ai nuk është Parlamenti i shqiptarëve por i kriminelëve. Këtu vendin shqiptarët! Rama ik!”, tha ai. syri.net

Në projeksionet zyrtare të popullsisë 2019-2031 në skenarin me pesimist pritej që numri i lindjeve të ishte mbi 27 mijë bebe në vitin 2022, por të dhënat e INSTAT që u publikuan sot tregojnë se gjatë vitit të kaluar në kanë lindur 25,57 bebe në të gjithë vendin.

Vitin e kaluar kanë lindur 13.7 për qind më pak bebe se në vitin 2021, ndërsa përgjatë dekadës numri i lindjeve ka rënë me mbi 35% sipas shifrave zyrtare.

Rënia e lindjeve po përmbys të gjitha skenarët për ecurinë ë e popullsisë në vend duke dëshmuar se, popullsia përveç se po tkurret, po plaket me shpejtësi prej emigrimit masiv të moshave të reja.

Numri i lindjeve për tremujorin e katërt 2022 është 5.963, duke shënuar një rënie me 13,7%, krahasuar me tremujorin e katërt 2021.

Në tremujorin e katërt 2022, të gjitha qarqet e vendit shënuan ulje të numrit të lindjeve, në krahasim me tremujorin e katërt 2021.

Në tremujorin e katërt 2022, qarku me numrin më të lartë të lindjeve është Tirana me 2.121 lindje, ndërsa qarku me numrin më të ulët është Gjirokastra me 93 lindje.

Rënien më të vogël në përqindje të lindjeve, gjatë tremujorit të katërt 2022 krahasuar me të njëjtën periudhë të vitit 2021 e zë qarku i Shkodrës me 8,0%, ndërsa rënien më të madhe e ka qarku i Korçës me 28,2%.

Numri i lindjeve në Shqipëri ka qenë i fortë, nga 67,7 mijë lindje në vitin 1993 në vetëm 23,500 të tilla në vitin 2022

Rënia e lindjeve dhe emigracioni i lartë i të rinjve po tkurr pjesën më vitale të popullsisë, të rinjtë.

Zhvillimi më shqetësues është fakti që në pjesën më të madhe të kësaj tkurrjeje ka ndikuar rënia e numrit të grup-moshës 20-24 vjeç.

Kjo grup-moshë shënoi një rënie me 15 mijë persona përgjatë vitit 2021, duke ndikuar në gati gjysmën e tkurrjes së popullsisë totale të vendit. Rënia në vlerë është gati tre herë më e lartë se grup-moshat e tjera, një faktor indirekt që efektin më të lartë nuk e kanë dhënë zhvillimet natyrore të popullsisë, por emigracioni.

Në krahasim me vitin 2001, grup-mosha 20-24 vjeç ka rënë me gati 12%. Tkurrja më e lartë e popullsisë së të rinjve 20-24 vjeç ka nisur pas vitit 2015, në një linjë me rikthimin e ciklit të emigracionit, që u reflektuar në rritjen e kërkesave për azil.

Në vitin 2021, kjo grup-moshë përbënte 7.2% të totalit, nga 9% në vitin 2004. Rënia e lindjeve dhe emigracioni i lartë tek të rinjtë po ndikojnë në uljen e peshës së popullsisë në moshë të re dhe në kontrast po rritet ajo në moshë më pjekur dhe e moshuar.

Të dhënat e INSTAT, të përpunuara nga “Monitor” tregojnë se gjysma e popullsisë në moshë të re (0-39 vjeç) po tkurret me shpejtësi. në të kundërt po rritet ajo mbi moshën 40 vjeç.

Në fund të vitit 2021, popullsia deri në 39 vjeç zinte 52% të totalit, nga 68% në vitin 2001, duke u tkurrur me gati 16 pikë përqindje./ Monitorl.al

Analisti Fatos Lubonja i ftuar në rubrikën “Opinion” në News24 ka folur në lidhje me çështjen e ish-agjentit të FBI-së, Charles McGonigal, teksa ka thënë se ky rast kërkon një hetim dhe jo debatet mes palëve politike në vend të cilat hedhin teza kundër njëra-tjetrës.

Sa i përket hetimeve mbi McGonigal, Lubonja u shpreh se ai po hetohet në dy raste, lidhjen e tij me një oligark rus dhe atë me kryeministrin Rama, ku rasti i dytë është shumë më serioz se i pari sepse aty ish-agjenti ka qenë ende në detyrë në FBI.

Ai shtoi më tej në lidhje me mocionin me debat të planifikuar për këtë çështje se Rama i ka bërë tani sqarimet e tij dhe se para opozitës do paraqesë të njëjtat justifikime për marrëdhënien e tij me McGonigal.

“Për mendimin tim kjo nuk është çështje debati mes palëve që kanë fjalë kundër njëra-tjetrës. Kjo është çështje hetuesie. Publiku ka nevojë për një gjyqtar të paanshëm ku në këtë debat kërkon drejtësinë.
Unë mendoj se ka të dhëna të mjaftueshme për të hapur hetim, fakti që nuk hapet hetim është të bësh fjalë kot. Të dyja palët hedhin teza të kundërta dhe nuk po funksionojnë institucionet që kanë detyrë të merren me të. A jemi në rrezikun e demokracisë këtu, ku një mazhorancë ka kapur jo vetëm institucionet në vend, por edhe ndërkombëtarët, kjo kërkon drejtësi.

Kur bëhet fjalë për oligarkun rus si njeri i Putinit dhe bëhet fjalë për hipotezën që ky ka rrezikuar sigurinë e SHBA-së, çështja është shumë e rëndë, por New York Times përjashton tezën e vënies në shërbim të rusëve nga McGonigal, por mendojnë se kanë të bëjnë me një njeri të korruptuar. Është më e rëndë kur ky njeri e bën kur është ende në detyrë, ndërsa me Deripaskën ka punuar pas daljes nga FBI, ndryshe nga rasti shqiptar. Në këtë aspekt gjykoj se kjo është më e rëndë sepse komprometon figurën e FBI-së.

Besoj se kryeministri i ka bërë sqarimet e tij dhe do përsërisë të njëjtat në mocionin me debat në parlament me opozitën. Përdorimi i zyrës së kryeministrit për të blerë njerëz përmes dhënies së aseteve për të goditur opozitën është krim i rëndë dhe duhet hetuar.

Për mua ky skandal është thjesht një vërtetim i gjërave që kam thënë shumë më herët që kanë të bëjnë me instrumentet që ka ngritur Rama për të mbajtur pushtetin. Një nga këto instrumente është si filozofia një pallat një votë, unë të bëj favore ti më bën mua, edhe ky është korrupsion. Është korrupsion kur merr oligarkët, politikanët, kjo gjë te Rama është zgjeruar në mënyrë cilësore, në një hap më larg kur ky ka vënë në funksion mundësitë e pushtetit për të korruptuar të huajt. Ky është korruptimi që ka bërë Rama. Rama manipulon ndërkombëtarët për të sunduar shqiptarët. Përdor Amerikën për të goditur kundërshtarët e për t’i shpallur non-grata. Kaq e thjeshtë është.

Amerika nuk e dimë se sa bën presion ndaj SPAK-ut. Drejtësia amerikane bën punën e vet, nuk ndërhyn aty. Nuk ka ndonjë qëndrim politik nga SHBA-ja që t’i bëjë presion SPAK-ut. Nuk kemi një qëndrim politik që ndikon te SPAK-u, kjo mungon. Kryesorja është se SPAK nuk është organizëm që kur është ndërtuar nga njerëzit, është një organizëm që ka dyshime se ka njerëz të kapur nga partia në pushtet. Do ishte jashtë logjike që ti të mendosh se në një vend ku partia në pushtet ka kapur çdo pushtet dhe ti me një drejtësi arrin ta ekuilibrosh gjënë”, tha ai.

Është ndaluar në Austri, Stela Gugallja, e shpallur në kërkim në aferën e inceneratorëve. Gugallja ishte shpallur në kërkim nga SPAK për këtë aferë, së bashku me Mirel Mërtirin dhe Klodian Zoton.

Gazetarja Klodiana Lala raportoi për “BalkanWeb” se Prokuroria e Posaçme është njoftuar se në Gjykatën e Vjenës, në Austri, është duke u kryer procedura e ekstradimit të shtetases Stela Gugallja, nga Austria në Shqipëri, në zbatim të urdhrit të kërkimit ndërkombëtar për këtë shtetase.

Për këtë qëllim, Prokuroria e Posaçme ka përcjellë nëpërmjet Ministrisë së Drejtësisë të gjithë dokumentacionin e nevojshëm për procedurën e ekstradimit.

Deri në këtë moment nuk jemi njoftuar nga autoritetet austriake të drejtësisë për ecurinë e mëtejshme të procedurës së ekstradimit.

Kujtojmë që për aferën e inceneratorëve prapa hekurave janë edhe disa ish-zyrtarë të lartë shtetërorë, si ish-ministri i Mjedisit, Lefter Koka dhe ish-deputeti Alqi Bllako.

Të rinjtë e FRPD po mbajnë sot një protestë përpara shtëpisë së kryeministrit Rama në Surrel.

Të rinjtë kërkojnë që kreu i qeverisë të largohet nga posti dhe që drejtësia ta ndëshkojë pas zbulimit të skandalit mbi çështjen “McGonigal”.

Një prej protestuesve është shprehur se Rama është i vendosur të shkatërrojë opozitën.

“Nëse deri dje kërkonim që ai të largohej, sot kërkojmë që ai të ndëshkohet me burg. Janë të paktën 2 mln euro të cilat Edi Rama i ka bërë me paratë e korrupsionit. Sot për fat ndiqet dhe nga FBI-ja. Në vend të bashkëpunonte me partnerët tanë, me SHBA-të ai shkoi dhe korruptoi për të shkatërruar opozitën. Ai është i vendosur të na shkatërrojë, ne jemi të vendosur që ai të shkojë në burg”.bw

Partia Demokratike ka publikuar spotin e protestës së 11 shkurtit. Opozita ka bërë thirrje që të gjithë shqiptarët të bashkohen kundër qeverisë Rama.

“‘Faktet dolën-Dorëheqja është detyrim’, ‘Pluralizimit i dalim Zot. Votës së lirë i dalim Zot’”, janë këto mesazhet kryesore.

Protesta është parashikuar për në datën 11 shkurt, ora 12:00, para kryeministrisë.bw

Teksa nuk na ndajnë shumë muaj nga zgjedhjet e 14 majit, hakerat iranianë kanë publikuar listën e zgjedhësve në vendin tonë.

Këtë herë, hakerat kanë publikuar në profilin e tyre në telegram listën e emrave. “A s’jeni penduar që votoni zyrtarët e korruptuar?”, shkruajnë hakerat iranianë.

Kujtojmë se kjo nuk është hera e parë kur hakerat iranianë publikojnë të dhëna të shqiptarëve. bw

Nga janari 2023, disa prodhues të birrës shqiptare kanë ndalur prodhimin, të tjerë kanë rritur çmimet 20 lekë/L. Arsyeja e ndryshimit të çmimit është hyrja në fuqi, nga fillimi i vitit, i nivelit të ri të akcizës dhe shtrenjtimi tjetër i birrës malto nga importi që përdoret në prodhim.

Prodhuesit kryesorë pohojnë se ka nisur kriza, pasi u janë ulur fitimet nga rritja e kostove dhe rënia e shitjeve prej shtrenjtimit të çmimeve.

Kryetari i Shoqatës së Prodhuesve Vendas të Birrës, Stefan Pinguli, pohoi për “Monitor” se fabrikat do të qëndrojnë të mbyllura në muajt janar-shkurt, pasi birra italiane po shitet më lirë se ajo vendase. Vendimi për prodhimin pritet të rishikohet në mars.

“Nga fillimi i janarit kemi mbyllur prodhimin, pasi nuk e përballojmë koston e lartë të akcizës dhe të lëndëve të para, ndërkohë që birra italiane ‘Peroni’ po shitet më lirë se e jona. Fabrika do të qëndrojë përkohësisht e mbyllur edhe në muajin shkurt.

Punonjësit nuk i kemi larguar, vazhdojmë t’i paguajmë, por situata është shumë e rënduar. Nëse do të vijojë, rrezikohen shkurtimet e vendeve të punës. Sektori është drejt krizës apo zhdukjes së birrës shqiptare”, pohoi në anonimat një nga drejtuesit e fabrikave prodhuese të birrës.

Burime nga tregu thanë se një tjetër fabrikë ka mbyllur prodhimin që prej muajit shtator 2022.

Përveç rritjes së akcizës, nga 1 janari prodhuesit u goditën edhe nga rritja e çmimit të birrës malto të importit. Më 1 janar 2022, çmimi i birrës malto të importuar ishte 420 euro/ton, ndërsa nga 1 janari 2023 po shitetdyfish më shtrenjtë (duke përfshirë edhe rritjen e çmimit pas fillimit të luftës Ukrainë-Rusi).

Çmimi i lartë i energjisë që paguajnë fabrikat (para 2022, çmimi i energjisë ishte 11 lekë për kWh, kurse tani 22 lekë/kWh) janë kosto ekstra të cilat detyruan, disa prodhues, të fikin fabrikat. Të tjera vazhdojnë prodhimin, por me fitime të reduktuara.

“Nga fillimi i vitit, prodhuesit e birrës janë në situatë të vështirë. Po prodhojmë sasi të ulëta dhe po shesim me rënie fitimesh. Nga 1 janari, sapo në sistemin e pagesave të administratës së doganës u reflektua niveli i ri i akcizës, jemi detyruar të rrisim shitjet.

Në fillim të vitit 2023, prodhuesit u goditën në disa drejtime. Nuk është vetëm akciza që ka rënduar kostot e prodhimit, pasi nga 1 janari çmimi i birrës malto në tregjet e huaja arriti në nivelin e 870 euro/ton nga 620 euro pas fillimit të luftës Rusi-Ukrainë.

Në raport me 2021, çmimi i lëndës së parë u rrit 106% më shumë, ndërsa me periudhën pas luftës, çmimi është 40% më i lartë. Rritje këtë fillim viti ka pasur edhe për çmimin e ambalazhimit, kryesisht kanoçes.

Duke përfshirë edhe çmimin e shtrenjtuar të energjisë, që po e paguajmë 22 lekë për kWh nga 11 lekë më parë, në total, nga 1 janari 2023, kostoja e prodhimit për birrën është 24 lekë/L më shumë se vjet. Për këto arsye, rritëm çmimin 20 lekë/L”, pohon Artan Stroka, administratori i kompanisë TEA, që prodhon birrën “Kaon”.

Edhe përfaqësues të kompanisë ALFA, që prodhojnë birrën “Elbar”, pohuan se nga 1 janari, edhe ky operator ka rritur çmimet e birrës 12% krahasuar me vjet, për shkak të ndryshimit të akcizës, rritjes së lëndës së parë dhe energjisë së lartë që paguajnë fabrikat.

“Kostoja nga rritja e akcizës po ndihet, pasi niveli i taksës është barazuar me atë të importuesve. Kostoja e lartë e prodhimit rrezikon të ulë fitimet e kompanive, pasi produktet shqiptare po iu afrohen çmimit të birrave të importit”.

Prodhimi i vendit para ndryshimeve fiskale ka qenë i tarifuar me 360 lekë/HL për prodhuesit nën 200,000 Hl, ndërsa për prodhimin mbi këtë nivel, akciza ishte 710 lekë. Pas miratimit të ndryshimeve në ligjin “Për akcizat në Republikën e Shqipërisë”, taksa u unifikua në 710 lekë të prodhuesve nën dhe mbi 200,000 Hl, si vendas dhe të huaj.

Ndryshimet e ligjit të akcizës u shoqëruan me debate të forta nga grupet interesit. Shoqata e Prodhuesve të Birrës Vendase bëri thirrje disa herë në seancat dëgjimore të komisioneve parlamentare se masa e re fiskale do të falimentonte sektorin dhe rrezikon të nxjerrë 1,000 persona të papunë.

Nga Ministria e Financave u argumentua se diferencimi ka favorizuar prodhuesit vendas dhe ka krijuar hapësira për shmangie nga detyrimet e akcizës, mbështetur te të dhënat e Drejtorisë së Përgjithshme të Doganave.

“Gjithashtu, ka bërë që prodhuesit e vegjël të mos tentojnë të rrisin prodhimin, me qëllim ruajtjen e nivelit të ulët të akcizës”, citohet në relacionin e ligjit të parashikuar. Efekti i parashikuar në buxhetin e shtetit është rreth 260 milionë lekë shtesë.

Stefan Pinguli, kryetar i Shoqatës së Prodhuesve të Birrës, njëkohësisht administrator i kompanisë “Stela”, thekson se përkundrazi vendosja e fashës së birrës i mbronte prodhuesit vendas nga birrat e importit.

“Me hyrjen në fuqi të ndryshimeve fiskale, prodhuesit shqiptarë janë shumë herë më të vegjël se importuesit, të cilët me sjelljet e tyre dumping po shtojnë peshën në treg. Konsumatori vendas priret të konsumojë birrë të huaj, çmimi i ulët e favorizon më shumë shitjen”.

Cili është përfitimi ekonomik nga rritja e akcizës?

Sipas të dhënave të Doganave, në vitin 2022, prodhimi i birrës vendase u ul lehtë 2% në krahasim me 2021, ndërsa importet u rritën 4%. Pesha e importeve në konsumin e birrës 2022 është 56% në vitin 2022, nga 44% një dekadë më parë.

Në muajin nëntor, kur filloi diskutimet për projektligjin e akcizës, Ministria e Financave dhe Ekonomisë, nisur nga të dhënat e Doganave parashikoi se 65% e sasisë së konsumuar në 2022 do të njehsohet me vlerën e re prej 710 lekë për Hl. Nga 50 mln litra që parashikohej totali i importit të vitit të kaluar, 35% tarifohen me 701 lekë, ndërsa 15%, me 360 lekë.

Sipas të dhënave të Doganave u vlerësua se konsumi do të zërë vlerë totale prej rreth 100 mln litrash, nga të cilat, rreth 50 mln litra hyjnë nga importi dhe 50 mln litra janë prodhim vendi.

Sipas parashikimeve të Ministrisë së Financave, nga totali i birrave të importit, 35% e tyre tarifoheshin me vlerën 710 lekë për Hl, kurse 15% me 360 lekë. Ndërsa prodhimi i brendshëm i konsumit (50%) tarifohej i gjithi me 360 lekë. Të ardhurat që Financat parashikojnë të arkëtojnë nga ndryshimi i taksës janë 260 mln lekë më shumë.

Efekti i parashikuar në të ardhurat e buxhetit është i paleverdishëm krahas parashikimeve të zymta të industrisë, e cila bën thirrje për zhdukje të birrës shqiptare dhe transferimin e fabrikave drejt Serbisë për shkak të kostove të ulëta.

“Për shkak të kësaj situate, birra shqiptare rrezikon të zhduket. Është parë si mundësi eksporti, por edhe për to po haset vështirësi, pasi kostot e shtrenjta të prodhimit e bëjnë të pakonkurrueshme birrën shqiptare në tregun e huaj”, thekson ai.

Niveli i akcizës, edhe me skemën e mëparshme, sipas një studimi të Shoqatës së Prodhuesve ishte tre herë më i lartë se niveli bazë i parashikuar në direktivën e BE-së.

“Niveli i akcizës, sipas direktivës së BE-së, është 0,03 euro për 1 shishe 330 Ml për prodhuesit mbi 200 mijë HL dhe rreth 0,015 euro/litër, për ata nën 200 mijë HL.

Ndërkohë në Shqipëri paguajmë 3 herë më shumë se niveli bazë i parashikuar në direktivën 92/83/EEC. Prodhuesit nën 200 mijë HL paguajnë 0,05 euro (5,94 lekë) për shishe 330 Ml, ndërsa prodhuesit mbi 200 mijë HL, paguajnë 0,1 euro (11,7 lekë) për shishe 330 Ml.

Përveç akcizës më të lartë të birrës se shumë vende të BE-së, në Shqipëri rëndon edhe kostoja nga vendosja e pullës fiskale me 0,022 euro për shishe. E thënë ndryshe, aq paguajnë akcizë në Gjermani, prodhuesi vendas paguan “pullën që ruan akcizën”. Në Shqipëri, paguhet 20% e vlerës së akcizës për prodhuesit mbi 200,000 Hl dhe 50% për prodhuesit në 200,000 Hl”.

Për shkak të mospërballimit të kostove nga rritja e akcizës dhe rënia e shitjeve, pasi birrat e importit po shiten më lirë, disa prodhues kanë mbyllur prodhimin në muajt janar-shkurt, sipas Kryetarit të Shoqatës, Stefan Pinguli.

“Është hera e parë që prodhuesit ndalin prodhimin. Kjo ka ardhur për shkak të mungesës së tregut të shitjes, ku pesha e birrës së importit me çmim më të lirë se ajo vendase, po zgjerohet çdo ditë, ashtu siç u lajmërua nga prodhuesit, para hyrjes në fuqi të ligjit të ndryshuar të akcizës.

Prodhuesit shqiptarë nuk kanë ku ta shesin produktin e tyre. Tregu vendas po mbytet nga birrat italiane dhe markave të tjera që po shiten me çmim më të lirë.

Edhe para ndryshimeve të akcizës, pesha e birrës së importit në treg ishte 55%, ndërsa nga fillimi i këtij viti është rritur, duke arritur në nivelin 70 deri 80%.

Këto janë efektet e para të ndryshimit të ligjit për akcizën dhe fabrikat do të qëndrojnë të mbyllura për muajt janar-shkurt. Të tjerë po shqyrtojnë mundësinë e rritjes së çmimit për konsumatorin 20 lekë/L, pas rritjes së akcizës 18 lekë/L”.

Z.Pinguli pohon se fabrikat do të vazhdojnë të qëndrojnë të mbyllura në muajt janar-shkurt, ndërsa do të shqyrtohet më tej situata edhe për muajt e tjerë.

“Me mungesën e shitjeve, prodhuesit nuk arrijnë të përballojnë vetëm koston e energjisë për vënien në punë të fabrikave, jo më pagesat për akcizën e rritur, furnizimet me lëndë të parë që vijojnë të shtrenjtohen dhe pagat. Shumë fabrika kanë nisur shkurtimin e punonjësve”.

Prodhuesit drejt zhvendosjes së fabrikave në Serbi

Pas shqetësimit të Shoqatës së Prodhuesve të Birrës Vendase për mbylljen përkohësisht të disa fabrikave në vend, operatorët paralajmërojnë zhvendosjen e prodhimit në Serbi.

Arsyeja mbetet kostoja e lartë nga dyfishimi i akcizës më 1 janar dhe shtrenjtimi i lëndës së parë (birra malto dhe ambalazhimi), që solli rritjen e çmimeve të birrës vendase më shumë se ajo e importit.

Një prodhues pohoi për “Monitor” se do të shohë mundësinë e transferimit të fabrikës drejt Serbisë, pasi investimi është më i leverdishëm nga kostot prodhuese dhe subvencionet nga shteti.

“Me politika rritje taksash, siç ishte akciza që u barazua me nivelin e importuesit, vendosje gjobash, kontrolle pafund dhe pa kuptim të Tatimeve, Doganave dhe AKU, do të shohim mundësinë e hapjes së fabrikës në Serbi. Për të vetmit që ndiejmë keqardhje janë punonjësit tanë. Situata në sektorin prodhues të birrës ka hyrë në krizë”.

Rritja e çmimeve tkurr konsumin vendas, shtohen importet

Rritja e çmimeve ka sjellë që birra shqiptare të afrohet në vlerë shitje me birrën e importit. Prodhuesit pohojnë se shtrenjtimi i çmimeve automatikisht sjell rënie të konsumit, pasi shqiptarët priren të konsumojnë më tepër markat e huaja.

“Konsumi, në këtë periudhë, është në stanjacion, kjo edhe për shkak të sezonit të dimrit. Për këtë arsye, e kemi të orientuar prodhimin në bazë të kërkesës”, thanë përfaqësues nga “Elbar”.

Në vitet 2013-2022, ecuria e konsumit të birrës ka qenë me rritje. Niveli më i lartë është shënuar në 2018. Në vitin 2022, konsumi i birrës, krahasuar me vitin paraardhës, ka shënuar rënie të lehtë.

“Sa më shumë çmimi i birrës shqiptare i afrohet atij të birrës së huaj, humbet konkurrueshmërinë dhe tkurret konsumi. Nëse birrat e importit konkurrojnë prodhimin vendas me çmim më të lirë, për ne është edhe më e vështirë të konkurrojmë markat e huaja në eksport”, pohon administratori i birrës “Kaon”.

Për “t’i shpëtuar” disa muaj rritjes së akcizës, disa prodhues kanë shtuar prodhimin në muajin dhjetor, me qëllim magazinimin e produktit. Nga Shoqata e Prodhuesve u pohua se disa fabrika, pasi prodhuan për magazinim, morën vendimin për mbylljen e prodhimit në janar.

Pavarësisht investimeve për të magazinuar produktin, sipas të dhënave nga Doganat, prodhimi vendas në muajin janar 2022 është 10% më i ulët krahasuar me dhjetor 2021. Burime nga tregu thanë se prodhimi për qëllime magazinimi është bërë edhe nga disa importues, me qëllim hedhjen në treg të birrës pas rritjes së akcizës.

Importet e Italisë, me çmim të lirë, “mbysin” tregun vendas

Pjesa më e madhe e importuesve të birrës e kanë mirëpritur unifikimin e akcizës, pasi siç shprehen ata, i vendos në terren të përbashkët me prodhuesit vendas.

“Rritja e akcizës vë në kushte të barabarta taksimi prodhuesit dhe importuesit, madje nxit rritjen e prodhuesve.

Pavarësisht unifikimit të akcizës, kostot e prodhimit për vendasit mbeten më të ulëta, pasi ata nuk paguajnë tarifat e transportit, tarifën e skanimit të kontejnerëve apo të ngarkim-shkarkimit.

Deri tani nuk i kemi ndryshuar çmimet, parashikojmë t’i unifikojmë nga muaji shkurt”, u shpreh një nga kompanitë importuese të birrës.

Në Shqipëri, sipas të dhënave të Doganave, në vitin 2022, peshën më të madhe nga birrat e importit e zë ajo e prodhuar në Kosovë, me 32% të totalit, më pas është birra italiane, me 25%, e ndjekur nga birra e Greqisë, Gjermanisë, Serbisë dhe Maqedonisë së Veriut.

Pavarësisht se pesha e birrës italiane në importe është më e ulët se ajo e Kosovës, birrat italiane po konkurrojnë në treg me çmimin e tyre më të lirë. Në muajin nëntor, 1 kanoçe birrë italiane e markës “Peroni” u shit 69 lekë kundrejt birrës “Peja” që u shit 75 lekë.

Ndërsa çmimi i birrës “Peroni” u barazua me çmimin e birrës “Stela”.

Monitor

Opozita ka filluar përgatitjet për organizimin e protestës së thirrur nga ish-kryeministri Sali Berisha më 11 shkurt.

Disa ditë përpara, mbështetës të Partisë Demokratike kanë ngjitur postera në muret e Tiranës ku shfaqet kryeministri Rama dhe ish-zyrtari i FBI-së, Charles McGonigal.

Siç shihet nga fotot, në postera shkruhen: “Vrasës demokracie, “Dorëhiqu”, një formë thirrje kundër kryeministrit Edi Rama.

Ish-kryeministri Sali Berisha njoftoi disa ditë më parë zhvillimin e protestës së 11 shkurtit, pas publikimit të skandalit të ish-zyrtarit të FBI-së, Charles McGonigal dhe lidhjet e tij me kreun e qeverisë shqiptare.

Protesta do të zhvillohet në orën 12:00 përpara kryeministrisë. Prej disa ditësh, Berisha dhe kreu i Partisë së Lirisë, Ilir Meta u kanë bërë thirrje qytetarëve që t’u bashkohen në protestë.gsh

Ish-presidenti Bamir Topi i ftuar në emisionin “Kjo Javë” në News24 foli për çështjen McGonigal dhe qëndrimet e kryeministrit Edi Rama.

Bamir Topi tha se mungesa e transparencën lidhur me çështjen McGonigal, nuk bën gjë tjetër veçse shton dyshimet. Gjithashtu u shpreh se mungesa e kryeministrit Edi Rama në seancën plenare në Kuvend, e cilësoi si një hap të gabuar.

“E kam parë në dy planë, një ku ai ka detyrimin për të dhënë të gjithë shpjegimet në vendin e tij në SHBA. Refleksionet i ka edhe në Shqipëri, por mbetet politik dhe këtu gjërat janë komplikuar sepse sikurse ndodh në politikën shqiptare, këtu nuk ka transparencë dhe kjo shton dyshimet. Aty ku shtohen dyshimet, shtohet kakofonia dhe vjen një situatë kaotike dhe gjërat kalojnë në ekstrem. Kryeministri i përfshirë apo jo situata këtu mbetet problem politik. Është detyrim i kryeministrit të bëjë transparencë sa i takon. Këtë javë ai shmangu parlamentin. Do të thoja që kjo është një sëmundje e vjetër që e karakterizon Ramën”, tha Topi.

Gjatë bisedës në studio me gazetaren Nisida Tufa, Bamir Topi tha se Kuvendi është institucioni më i lartë i politikës dhe se në raste të tilla nëse plotësohen firmat për të kaluar në interpelancë, atëherë kjo do të ishte gjëja më e domosdoshme për Parlamentin.

“Në fizionominë e kryeministrit nuk shoh ndonjë ndryshim. Ka vite që është paracaktuar si një njeri që i sheh institucionet si copa letre. Ka bërë një hap të gabuar të radhës duke anashkaluar Parlamentin për një çështjen që ka një ndjeshmëri të lartë. Përderisa është një çështje e rëndësishme, nuk duhet ta anashkalonte”.  Eksperienca e Komisioneve Hetimore është një eksperiencë pa vlerë. Janë ngritur Komisione Hetimore dhe pas një pune të gjatë sfilitëse grupet parlamentare kanë dalë me raportet e tyre dhe në fund fare është votuar me numrat që ka mazhoranca përkatëse. Opozita duhet të insistonte tek çështja e interpelancës, është detyrim dhe kjo e ngarkon më shumë kryeministrin”, tha ai, duke shtuar: “Të mos shkosh në Parlament dhe të invadosh me monologë studiot televizive e përkthej si një sjellje aspak të hijshme. Pra një sjellë, sa është autoritar aq edhe frikacak. Ai parlamentin e ka shumë frikë”, shtoi ai.bw

Endri Shabani nga Nisma Thurje i ftuar në rubrikën “Opinion” në News24 ka folur në lidhje me çështjen e ish-agjentit të korruptuar të FBI-së, Charles McGonigal dhe lidhjen e kryeminsitrit Rama me këë skandal.

Shabani deklaroi se jemi në një situatë ku në një vend demokratik kryeministri duhet të jepte dorëheqjen sepse është në një skandal të madh dhe nuk angazhohet dot plotësisht për shkak të halleve të veta.

Ai shtoi se Rama tani ka më shumë arsye për të qëndruar kryeministër pasi sipas tij është e vetmja mënyrë për t’i qëndruar larg burgut dhe ndëshkimeve për shkak të imunitetit.

Sa i përket pasojave me të cilat Rama mund të përballet, ai deklaroi se minimumi me të cilin mund të përballet kryeministri është shpallja e tij non-grata, ndërsa maksimumi mund të jetë marrja e tij me pranga dhe shoqërimi drejt Shteteve të Bashkuara.

Sakaq, Shabani deklaroi se opozita në vend nuk do mund ta rrëzojë Ramën nga pushteti me anë të një proteste, referuar asaj të 11 shkurtit, dhe duke shkaktuar rrëmuja në parlament, pasi sipas tij kjo gjë favorizon vetëm Ramën.

“Kemi të bëjmë me një situatë ku kryeministri duhet të jepte dorëheqjen në një vend demokratik, sepse është në një skandal të madh dhe nuk angazhohet dot plotësisht për shkak të halleve të veta. E dyta është se nëse Rama do ishte një qytetar zakonshëm do merrej dëshmitar, do vendosej në dispozicion të drejtësisë ka apo jo përgjegjësi. Kaq do mjaftonte që ai të jepte dorëheqjen.

Tani ai ka më shumë arsye për të qëndruar kryeministër sepse është e vetmja mënyrë për të qëndruar larg burgut dhe larg ndëshkimeve. E duan pushtetin për të shpëtuar veten, jo për të zhvilluar vendin. Rama nuk më duket shumë i qetë. Drejtësia amerikane nuk është si këtu ku e merr vesh media e para çfarë ka ndodhur. Aty ka shumë gjëra që nuk do i dimë deri sa të kemi një akuzë formale. Nuk më duket se janë të lidhura rastet e oligarkut rus dhe Ramës me McGonigal. Ai ka qenë një i korruptuar që merrte para për shërbimet e tij ndaj klientëve të vetë. Megjithatë nuk do habitesha nëse do kishte një lidhje. Këta u marrin ara oligarkëve rusë, Kinës, Turqisë për tu dukur perëndimorë, por këta janë mini-sulltanë që i kapen shtetit dhe nuk i lidh asgjë me Perëndimin.

Në bindjen time nuk e shoh pse të mos marrë një non-grata, maksimumi do vijnë ta marrin me pranga këtu. Minimumi është shpallja e tij non-grata. Kjo çështjes normalisht duhet të zbardhet. Janë këta që akuzojnë palën tjetër si non-grata dhe do kemi ndërrim të roleve dhe do jenë sërish njësoj si kanë qenë për 32 vjet.

Kur nuk ka një ideologji dhe program të qartë të bashkon armiku i përbashkët në opozitë. Copëzat e PD-së janë ndjerë të kërcënuara sepse Rama ka përdorur influencën e tij për të hetuar palën tjetër. Kjo i vendos ato në një nivel kërcënimi e rreziku të përbashkët. Kjo nuk mjafton për qytetarët. Ajo rrëmuja në parlament është në avantazhin e Edi Ramës, ai është më i interesuari për të mos u dëgjuar. Opozita mund të përdorte parlamentin për të shtruar pikat kyçe. Drejtësia amerikane nuk do të dijë. Edi Rama të keqen e ka me një shtet tjetër, nga aty do i vijë e keqja, jo nga ne. Ai i ka bërë keq llogaritë, mund t’i shmanget 1 apo 2 seancave, por ajo do zbardhet nga Amerika. Është çështje kohe të marrim vesh se çfarë ka ndodhur.

Rama nuk ka për t’u rrëzuar nga një protestë e opozitës. Të njëjtën gjë thanë në 7 korrik, do bëhej hataja, pastaj kaloi. E thanë dhe me protestën e kaluar. Nuk do ndodhë kjo. E provoi Rama në 21 janar dhe nuk ia doli vetë. Pushteti nuk merret me dhunë këtu, merret me votë. Pika e dobët e Ramës është shpresa, njerëzit e dinë që nuk do bëhet më mirë. Opozita duhet të japë një projekt që ringjall shpresën dhe që njerëzit e besojnë. Në 2017 ai mori 48% të votave, ka mbi gjysmën kundër. Opozita nuk e bën dot se ka Berishën në krye dhe Metën. Me ata nuk do sjellë shpresë. Të vjetrit nuk e bëjnë dot, i kemi parë për 32 vjet”, u shpreh Shabani.bw

Partia Demokratike ka zbuluar sot sologanin e protestës së 11 shkurtit. Protesta në fjalë u thirr pasi politika u përfshi nga debati në lidhje me çështjen ‘McGonigal’.

“Shqipërisë i dalim zot, pluralizimit, votës së lirë, demokracisë”, thuhet në sloganin që është zbuluar nga deputetja e PD-së, Ina Zhupa.

“Në dritën e fakteve të forta: Duke parë se Edi Rama është gati të rekrutojë agjentë të lartë të partnerit strategjik, SHBA, për të zhdukur opozitën e vendit, pluralizmin; duke qenë se ai përben një turp dhe rrezik për stabilitetin e vendit; duke qenë se ai po e shpopullon Shqipërinë; duke qenë se ai rri në pushtet me zgjedhje të vjedhura, me para të krimit dhe patronazhistë; duke qenë se ai sipas KLSH ka vjedhur në 9 muaj 1.1 mld euro të shqiptarëve. Ju ftojmë të bashkoheni më 11 shkurt ora 12:00, t’i dalim zot Shqipërisë, pluralizimit, votës së lirë dhe demokracisë së vendit tonë”, thuhet ndër të tjera në këtë slogan që do të udhëheqë opozitën në shesh më 11 shkurt.bw

Ashtu siç ishte paralajmëruar, PD vijon nga puna për realizimin e kërkesës së tyre për ngritjen e një Komisioni Hetimor për çështjen ‘McGonigal’ që është bërë ‘mollë sherri’ mes qeverisë dhe opozitës.

Seanca e tensionuar në Kuvendin e Shqipërisë, më 2 shkurt 2023

Seanca e sotme plenare është përfshirë nga debatet e forta ku kryefjalë është çështja ‘McGonigal’ dhe akuzat ndaj kryeministrit Edi Rama. Ky i fundit ndonëse duhet të ishte i pranishëm në sallë pasi kishte interpelancë me një grup deputetësh të PD-së, ka munguar, duke ia deleguar detyrën Spiropalit.

Ndërkohë mësohet se ky skandal ka mobilizuar deputetët e opozitës, të cilët janë bashkuar për këtë çështje, duke lënë mënjanë ndasitë mes tyre.

Deputetet e opozitës, pa marrë parasysh grupet, kanë nisur të mbledhin firmat për ngritjen e Komisionit Hetimor Parlamentar për çështjen McGonigal-Rama. syri.net

Edi Rama ka vazhduar përsëri lojën me grip dhe ka nxjerr Elisa Spiropalin në interpelancën e lërkuar nga grupi i Alibeajt për çështjen McGonigal. Ai i është fshehur edhe njëherë kërkesës për të bërë transparencë lidhur me aktakuzën amerilane ku dyshohet se la korruptuar zyrtarin e lartë të FBI-së. Deputeti Gazmend Bardhi e kundërshtoi në seancë fshehjen e Skënderbeut pas Mamicës duke thënë: “Me të drejtën si i pandehur ai edhe mund të heshtë sepse çdo gjë që thotë mund të përdoret kundër tij, por me detyrimin si kryeministër ai nuk mund të fshihet pas Elisës. Zonja Spiropali nuk ka qenë në takimet me Mcgonigal, aty kanë qenë vetëm Rama, Duçka dhe Neza. Vetëm ata mund të dëshmojnë. Prandaj në interpelance duhet të paraqitet kryeministri”.

Lapsi.al

Gazetarja Klodiana Lala e ftuar në rubrikën “Opinion” në News24 ka folur në lidhje me çështjet e fundit si Inceneratorët, thirrja e Monika Kryemadhit në SPAK apo operacioni “Fijet.

Lala u shpreh se thirrja e Kryemadhit në SPAk ka ardhur si pasojë e fakteve të reja të publikuara prej saj, me pamjet me dron të kapura që nga momenti kur mbetjet hidhen në kosh e deri në groposjen e tyre, duke vërtetuar mos incenerimin e tyre.

“Nuk është hera e parë që thirret në SPAK për këtë çështjes. Ish- LSI ka bërë disa denoncime radhazi për këtë aferë.

Të njëjtët personazhe janë në të tre inceneratorët. Për dy orë kryemadhi dha dëshminë për Inceneratorin e Tiranës nën dritën e fakteve të reja.
Ditët e fundit ajo ka publikuar filmime se si mbetjet groposeshin në Sharrë dhe nuk ndodhte diferencimi dhe incenerimi i tyre.

Kryemadhi vërtetoi me prova dhe filmime të gjithë procesin deri në groposjen në venddepozitimin e mbetjeve.

Historia e Inceneratorëve nuk duhet të bazohet vetëm në provat e sjella nga politika. Është një histori e pastër korrupsioni. Nis nga tre njerëz, Mërtiri, Zoto dhe Gugallja.

Nëse më herët kemi folur për Gërdecin, 21 janarin vrasje shtetërore e nuk ka të ndëshkuar, edhe Inceneratorët është çështjes e pa hetuar dhe e pa gjykuar.

Ka pasur probleme. Ka një përfshirje të lartë shtetërore, e kemi të paqartë se kush janë njerëzit e përfshirë në këtë aferë.

Është i pasqaruar roli i Engjëll Agaçit, s’kemi një përgjigje nga SPAK, as për Gjiknurin, Veliajn apo Ahmetaj. Ka ardhur koha që SPAK ta çojë deri në fund këtë histori se ka prova ulëritëse për këtë aferë”, ka deklaruar ajo.

Lala ka folur edhe në lidhje me kreun e ri të SPAK, Altin Dumani dhe atë që pritet të ndodhë me çështjet në hetim.

“Ka zgjedhur një mënyrë tjetër komunikimi me mediat. Kam parë qasje pozitive sepse po mban ca shënime për të përmirësuar dhe për të pasur një institucion kompetent.
K deklaruar se po bën analizë me secilin prokuror dhe u shpreh se do të ndërhyjë me udhëzime j detyruese.
Po sheh si prioritet çështjes me interes të lartë publik si Inceneratorët apo McGonigal.

Për Inceneratorët, Dumani bëri të qartë se roli i tij po hetohet. Shoh qasjen e Dumanit veç problematikave, një qasje të drejtë. Çështjet që kanë vite që kanë kaluar janë të vështira për tu hetuar”, ka deklaruar gazetarja.

Sa i përket skandalit McGonigal, Klodiana Lala tha se është një histori që ka nevojë për një hetim të plotë dhe shterues. Megjithatë shtoi se kjo histori është e vështirë për tu hetuar pasi pjesa më e madhe e aferës ka ndodhur në SHBA.

“Nuk di çfarë e pengon SPAK. I kam dërguar Dumanit she SPAK kërkesë për informacion nëse është nisur një hetimi, ende nuk kam marrë një përgjigje. Kjo është një histori që ulëret, ka nevojë për një hetim shterues të plotë e gjithëpërfshirës.
Kjo nuk është histori qesharake apo furtunë në një gotë uji. Kjo duhet hetuar. Presim një reagim nga SPAK për këtë çështjes. Mendoj që është histori e vështirë për tu hetuar se pjesa më e madhe e aferës është kryer në SHBA.
Për të gjithë ne ka rëndësi të dihet roli i zyrtarëve të lartë të vendit tonë dhe kryeministrit që përmendet 14 herë në aktakuzë. Fakti që Rama e ka relativizuar dhe e ka kaluar me një Twitter, mua nuk më duket normale”, tha ajo.

Lala foli edhe mbi operacioni më të fundit të policisë shqiptare, operacionin “Fijet” për kapjen e kamerave të vendosura nga eksponentë të krimit në rrugët e vendit.

Ajo tha se policia ka bërë vetëm heqjen e kamerave por se nuk ka arritur të marrë në dorëzim serverat apo pamjet e filmuara prej tyre.

“Për mua nuk ka pasur asnjë surprizë.
Në disa dalje të miat publike e kam ngritur si shqetësim që vila luksoze monitorohen me kamera me rezolucion të lartë dhe me fushë të gjerë veprimi.
Kjo nuk ishte e panjohur për policinë, mjafton të kalojë në zonat ku jetojnë bosët.
Se përse nuk ka vepruar më parë, kjo është një shpjegim që duhet ta japë policia.
Kjo histori është pozitive por nuk mund të relativizojë çështjen McGonigal apo 21 janarin.
Kamerat janë vendosur nga dikush dhe kanë dhënë rezultate. Policia është në një pikë që marrim kamerat por jo serverin. Kamera që kontrollohen nga celulari dhe nuk janë marrë pamjet e regjistruara”, tha ajo.

Avokati Spartak Ngjela i ftuar në rubrikën “Opinion” në “News24” komentoi çështjen e McGonigal, duke u shprehur se në Shqipëri është kthyer në një novelë.

Sipas Ngjelës, opozita ka nxituar me qëndrimet e saj në lidhje me këtë çështje.

“Procedura është që verifikon, pasi bëhet denoncimi, bëhet verifikimi i denoncimit. Meqë problem është me Ramën, thotë po e verifikojnë.  Çështja penale kryesore ka filluar në Uashington. Ju si mendoi nëse del i implikuar Rama ata nuk do ta ekstradojnë? 100 % që po. Hetimi nuk nis këtu sepse do prova. Ku i gjeti provat FBI për shefin e Shqipërisë?

Këta nxitohen kot. Instituti i akuzës ka të drejtë të kërkojë provat. FBI-ja është polici sekrete. Tani drejtuesi i FBI-së takon këtë të dojë”, tha Ngjela, duke shtuar: “SPAK do të fillojë të punojë atëherë kur të marrë, ish-kryeministri apo ish-ministra në padi penale”, u shpreh Ngjela.

Teksa ka komentuar zhvillimet e brendshme në PD, avokati Ngjela u shpreh se Kushtetuta nuk lejon parti naziste apo raciste duke saktësuar se Gjykata ka folur njëherë për Partinë Demokratike.

“Kush po ruhet në këto momente, që të mos fusin në burg gjyqtarin që bëri paçavuren e parë. Atë ruajnë atë. Saliu lojën që ka bërë nuk e bën do më, është edhe non-grata nga Amerika”, tha ai.

Deputetja e Partisë Demokratike, Ina Zhupa në një komunikim për mediat njoftoi se ka depozituar në Kushtetuese padi për koncesionin e Butrintit.

Ajo gjithashtu theksoi se i është drejtuar Gjykatës me disa kërkesa dhe se Kushtetuesja i ka legjitimuar si palë.

“Ne kemi paraqitur kërkesë për të thirrur ekspertë. Është me rëndësi që gjykata të dëgjojë zërin e ekspertëve që e duan Butrintin”, u shpreh Zhupa.

Deputetja e PD, ndërsa theksoi se Butrinti përfaqëson historinë, tha se koncesioni është një aferë dhe se është e domosdoshme që për këtë çështje të merren në pyetje ekspertë.

Deklarata e plotë:

Siç jeni në dijeni në datën 15 nëntor të vitit 2022, kam depozituar në Gjykatën Kushtetuese padinë e firmosur nga 36 deputetë opozitarë, ku kërkonin pezullimin e menjëhershëm të ligjit 50/2022 të koncesionit të Butrintit, dhe kërkonin edhe shfuqizimin si antikushtetues të këtij koncesioni.

Kjo kërkesë është firmosur nga 36 deputetë opozitarë të cilët kanë gjykuar se ky koncesion duhet ndalur nga Gjykata Kushtetuese. Gjykata Kushtetuese ka bërë mbledhjen e saj të parë të konferencës së gjyqtarëve dhe na ka legjitimuar, qoftë si palë kërkuese, qoftë edhe si objekt kërkimi. Lajmi që unë ndava me ju në fillim të janarit, ishte ky që ne ishim legjitimuar si palë dhe do të vazhdonim betejën në Gjykatën Kushtetuese. Pra, ishte pranuar kërkesa e deputetëve opozitarë drejtuar Gjykatës Kushtetuese.
Ajo që sot dua të ndalem me ju, janë gjithçka ka ndodhur në këtë periudhë, cilat janë parashtrimet, lajmet e reja dhe kërkesat që ne kemi paraqitur për Gjykatën Kushtetuese. Dua ta filloj direkt me një lajm të mirë, para se të jap detaje të tjera. Një lajm i shkëlqyer që lidhet me rezultatin besoj final që do të ketë ky proces gjyq♪7sor duke fituar Butrinti, duke fituar shqiptarët edhe qytetarët.
Tre institucione kushtetuese të pavarura nga njëra-tjetra, dhe tre institucione të larta të shtetit kanë parashtrimet e tyre në Gjykatën Kushtetuese, dhe kanë mendimin e tyre me shkrim për shpalljen anti-kushtetutes të koncesionit Butrintit.
Konkretisht jemi ne deputetët si organ kushtetues, të cilët kemi paraqitur edhe kërkesën, edhe parashtrimet tona, të cilët kërkojmë shfuqizimin e koncesionit dhe nga ana tjetër është Presidenti i Republikës, i cili siç e ka paraqitur edhe në Kuvend me dekret edhe me arsyet e kthimit të këtij dekreti, e quan koncesionin anti-kushtetues.
Në këtë rast bëhemi dy palë. Risia dhe shtesa e këtyre parashtrimeve është edhe Kontrolli i Lartë i Shtetit, një organ tjetër kushtetues i pavarur në parashtrimet që ka dërguar në Gjykatën Kushtetuese mbështet plotësisht kërkesën e deputetëve të Opozitës dhe kërkon shfuqizimin e ligjit si një ligj anti-kushtetues. Presidenti i Republikës, deputetët e Kuvendit të Shqipërisë, Kontrolli i Lartë i Shtetit njehsohen duke thënë që koncesioni i Butrintit është anti-kushtetues.

Vila 30 në zonën e ish-Bllokut në Tiranë ka një të shkuar të errët si vendi ku ish-kryeministri komunist shqiptar Mehmet Shehu – përballur me rrezikun e arrestimit dhe burgosjes – vrau veten.

Sot, si rikujtesë, në oborrin e vilës nën pronësi të qeverisë gjenden statujat e Leninit dhe Stalinit si dhe një Zis 69, një automjet që ishte i parapëlqyeri i policisë sekrete të kohës së Komunizmit “Sigurimi” për arrestimet në mes të natës.

Gjithkush sot mund të vrasë mendjen se çfarë mendoi Tony Blair, ish-kryeministër i Mbretërisë së Bashkuar, kur pa këtë dekor ndërsa u mikprit nga kryeministri i Shqipërisë Edi Rama më 19 prill të vitit të kaluar.

Pak gjë u komunikua në publik mbi takimin. Gjithsesi, dy muaj më vonë, Instituti Tony Blair për Ndryshim Global, TBI, publikoi një ofertë pune për këshilltar në Tiranë, në mbështetje të përmirësimit të shërbimeve të qeverisë shqiptare përmes aplikimit të teknologjisë dhe novacionit.

Tre muaj më vonë, në shtator 2022, TBI shpalli një vend tjetër të lirë pune – për një këshilltar të lartë për kryeministrin dhe zëvendëskryeministrin e Shqipërisë.

Kjo nuk është hera e parë që Blair, i cili la zyrën në vitin 2007, ka punuar me Ramën. Kur socialistët erdhën në pushtet më 2013, Blair u punësua si këshilltar.

Se çfarë nënkupton një punë e tillë, kjo është e paqartë, për shkak se kontratat nuk janë të disponueshme për publikun. Por, si qeveria shqiptare ashtu edhe Blair thonë se shërbimi vjen falas.

Gjithsesi, ish-kryeministri britanik nuk është i vetmi Blair që punoi për qeverinë shqiptare. Përgjatë të njëjtës periudhë, një kompani ligjore e drejtuar nga bashkëshortja e tij Cherie, mori qindra mijëra euro nga qeveria për shërbime të dhëna. Një përkim i tillë vërehet se ka ndodhur edhe në Serbi.

Ekspertë vendës thonë se kjo, dhe mungesa e transparencës në lidhje me kontratat me TBI, duhet të bëjnë që të bien kambanat e alarmit.

Në rastin e Shqipërisë “kjo e vë z. Rama dhe z. Blair në një marrëdhënie klienteliste,” thotë Rigels Xhemollari, një aktivist anti-korrupsion dhe drejtor ekzekutiv i Qëndresës Qytetare, një organizatë me bazë në Tiranë.

Afrim Krasniqi, drejtor ekzekutiv i Institutit të Studimeve Politike, një organizatë kërkimore në Tiranë, i tha BIRN: “Në një praktikë normale të shtetit të së drejtës i gjithë ky proces do të duhej hetuar.”

“Deklarata e vetme e qeverisë, se konsulenti nuk ka përfituar financiarisht nga shteti shqiptar është e pamjaftueshme, spekullative dhe krijon edhe më shumë dyshime mbi përmbajtjen e kontratës dhe llojin e angazhimit.”

TBI dhe Omnia Strategy, kompania e Cherie Blair, e cila ofron shërbime të specializuara në zgjidhjen e mosmarrëveshjeve ndërkombëtare dhe arbitrim, mohuan të kenë konflikt interesi.

“Kompania ligjore e zonjës Blair ka përfaqësuar Qeverinë e Shqipërisë shumë herë dhe i ka të gjitha të drejtat ta bëjë këtë,” tha TBI për BIRN. “Kjo është një praktikë ligjore që nuk ka të bëjë fare me punën e TBI.”

Omnia Strategy tha: “Puna e Omnias, në Shqipëri ose gjetkë, nuk ka të bëjë me punën e TBI.”

Qeveria e Shqipërisë nuk iu përgjigj kërkesës për koment.

Punët fitimprurëse të arbitrazhit të Omnias

Blair themeloi TBI më 2016, duke ofruar shërbime konsulence për qeveritë në mënyrë që të “ndihmojë udhëheqësit politikë që të ndërtojnë shoqëri të hapura, gjithëpërfshirëse dhe me mirëqenie në një botë gjithnjë e më të ndërlidhur,” sipas faqes së saj të internetit. Në vitin 2021, ajo kishte 437 të punësuar, zyra qendrore në Londër dhe tre qendra ndërkombëtare në Akra, Singapor dhe San Francisko.

Një organizatë jofitimprurëse, instituti realizoi një xhiro prej 81 milionë paundësh më 2021. Shumica e punës financohet nga fondacione private, të cilat, deri prillin e kaluar, përfshinin Këshillin Evropian për Tolerancë dhe Ripajtim, ECTR, themeluar nga miliarderi rus Moshe Kantor. TBI i ndërpreu marrëdhëniet me ECRT, pas sulmit të Rusisë kundër Ukrainës, kur Kantor u vendos nën sanksione në Mbretërinë e Bashkuar për shkak të lidhjeve të tij me Kremlinin.

Më herët, më 2020, Blair u përfol si një ndërmjetës potencial mes Serbisë dhe Kosovës për një marrëveshje të braktisur për shkëmbime territoresh dhe sqarim marrëdhëniesh mes tyre.

John Bolton, ish-Këshilltar i Sigurisë Kombëtare për ish-presidentin Donald Trump, i tha BIRN në një intervistë se Blair, i cili ishte në pushtet më 1999 kur Britania mori pjesë në bombardimet ajrore të NATO-s kundër Jugosllavisë së mbetur gjatë luftës në Kosovë – kishte ofruar të shërbente si “ndërmjetës informal” mes të dy palëve. Rama u raportua në atë kohë të ishte mbështetës në marrëveshjen për shkëmbim territoresh, një pretendim që ai e mohoi me forcë.

Puna e fundit e Blair në Shqipëri përkoi edhe me atë të bashkëshortes: të dhënat e Thesarit të Shqipërisë, të para nga BIRN, tregojnë se ministria e financave e vendit bëri tre pagesa te Omnia Strategy mes 13 dhe 19 shtatorit 2022, për një total prej 418 mijë eurosh.

Të dhënat nuk specifikojnë se për çfarë u bënë këto pagesa ndërsa Omnia Strategy konfirmoi se i ka marrë paratë, pa dhënë shpjegime se për çfarë. Kompania ligjore me bazë në Londër ka përfaqësuar më herët Shqipërinë në një numër çështjesh arbitrazhi para gjykatave ndërkombëtare.

E para, më 2012, pa Omnia Strategy duke përfaqësuar Shqipërinë në një mosmarrëveshje me një kompani me bazë në Amerikë, me një faturë shërbimesh ligjore me vlerë 300 mijë euro.

Më 2015, kompania mori 645,000 euro nga Qeveria e Shqipërisë për këshillime ligjore mbi një mosmarrëveshje konteaktuale me një konsorcium të përbërë nga kompania amerikane Rapiscan Systems dhe kompania vendëse S2. Pastaj më 2018, Omnia Strategy u punësua nga Ministria e Bujqësisë dhe Zhvillimit Rural e Shqipërisë për një mosmarrëveshje investimi me kompaninë italiane Valeria Italia S.r.l, për të cilën u pagua 200 mijë euro.

“Omnia u punësua nga Shqipëria me meritë, të veprojë në çështje të referuara pas një procesi prokurues konkurrues dhe më pas dorëzoi rezultate pozitive në të treja çështjet,” tha për BIRN Omnia Strategy në një përgjigje me shkrim për këtë lajm.

Si TBI ashtu edhe Omnia Strategy kanë punuar edhe për Serbinë: TBI u angazhua më 2015 për të ndihmuar në përmirësimin e shërbimeve digjitale të ofruara nga qeveria, ndërsa Omnia Strategy u listua më 2021 si avokati përgjegjës në një çështje të ngritur nga tre kompani telekomunikacioni kundër Serbisë.

Zëdhënësi i TBI konformoi se organizata vijon të punojë me qeverinë e Serbisë, falas.

“As Tony Blair dhe as instituti nuk marrin para nga qeveria e Shqipërisë apo ajo e Serbisë për këtë punë.”

Puna e konsulencës ka tërhequr më herët kritika nga aktivistë të të drejtave të njeriut.

Më 2013, Hugh Williamson, drejtor për Divizionin e Evropës dhe Azisë Qendrore të Human Rights Watch, tërhoqi vëmendjen te një kontratë dyvjeçare me vlerë 16 milionë paundë në Kazakistan dhe kritikoi Blair për mosshprehjen e shqetësimeve në lidhje me shkeljet e të drejtave të njeriut nga regjimi autokratik i presidentit të atëhershëm të vendit Nursultan Nazarbayev.

Të dhëna gjyqësore tregojnë se Omnia Strategy ka përfaqësuar më herët edhe qeverinë e Malit të Zi në një mosmarrëveshje me Addiko Bank AG mbi një ligj për konvertimin e kredive të dhëna në franga zvicerane.

Kompania ka përfaqësuar gjithashtu edhe kompaninë ukrainase Sardich, e cila ngriti padi duke kërkuar 350 milionë euro kompensim nga Maqedonia e Veriut pasi humbi një kontratë koncesionare minerare më 2019./Reporter.al

Pas “alarmit” të Shoqatës së Prodhuesve së Birrës Vendase për mbylljen përkohësisht të disa fabrikave në vend, operatorët paralajmërojnë për transferim të prodhimit në Serbi.

Arsyeja mbetet kostoja e larte nga dyfishimi i akcizës nga 1 janari dhe shtrenjtimi i lëndës së parë (birra malto dhe ambalazhimi), që solli rritjen e çmimeve të birrës vendase më shumë se ajo e importit.

Një prodhues pohoi për “Monitor” se do të shohë mundësinë e zhvendosjes së fabrikës drejt Serbisë, pasi investimi është më i leverdishëm nga kostot prodhuese dhe subvencionet nga shteti.

“Me politika rritje taksash, siç ishte akciza që u barazua me nivelin e importuesit, vendosje gjobash, kontrolle pafund dhe pakuptim të tatimeve, doganave dhe AKU, do të shohim mundësinë e hapjes së fabrikës në Serbi. Për të vetmit që ndiejmë keqardhje janë punonjësit tanë. Situata në sektorin prodhues të birrës ka hyrë në krizë.”

Përveç rritjes së akcizës, nga 1 janari prodhuesit u goditën edhe nga rritja e çmimit të birrës malto të importit. Më 1 janari 2022 çmimi i birrës malto të importuar ishte 420 euro/Ton, ndërsa nga 1 janari 2023 po shitet dyfish më shtrenjtë (duke përfshirë edhe rritjen e çmimit pas nisjes së Luftës Ukrainë-Rusi).

Më herët, kryetari i Shoqatës së Prodhuesve shqiptarë, Stefan Pinguli, thote se për shkak të shtrenjtimit të kostove, mungesës së shitjes nga zgjerimi i tregut të birrës së huaj me çmim të ulët disa fabrika mbyllën prodhimin për muajt janar-shkurt. Pinguli shtoi se dyfishimi i akcizës rrezikon të zhdukë prodhimin shqiptar, për shkak të shtimit të peshës së birrës së importit. Sipas tij pesha e importit rrezikon të arrijë deri në 80% të tregut.

Për 2022 sipas të dhënave të Doganave prodhimi i birrës vendase u ul lehtë 2% në krahasim me 2021, ndërsa importet u rritën 4%. Pesha e importeve në konsumin e birrës për 2022 është 56% nga 44% që ishte rreth 1 dekadë më parë.

Prodhimi i vendit para ndryshimeve fiskale ka qenë i tarifuar me 360 lekë/HL për prodhuesit nën 200,000 Hl, ndërsa për prodhimin mbi këtë nivel akciza ishte 710 lekë. Pas miratimit të ndryshimeve në ligjin “Për akcizat në Republikën e Shqipërisë” taksa u unifikua në 710 lekë të prodhuesve nën dhe mbi 200,000 Hl, si vendas dhe të huaj.

Ndryshimet e ligjit të akcizës u shoqëruan me debate të forta nga grupet interesit. Shoqata e Prodhuesve të Birrës Vendase bëri disa herë thirrje në seancat dëgjimore të komisioneve parlamentare se masa e re fiskale do të falimentonte sektorin dhe rrezikon të nxjerrë 1,000 persona të papunë.

Nga Ministria e Financave u argumentua se ky diferencim ka favorizuar prodhuesit vendas, si dhe bazuar të dhënave të Drejtorisë së Përgjithshme të Doganave ka krijuar dhe hapësira për shmangie nga detyrimet e akcizës.

“Gjithashtu, ka bërë që prodhuesit e vegjël të mos tentojnë të rrisin prodhimin me qëllim ruajtjen e nivelit të ulët të akcizës”, citohet në relacionin e ligjit të parashikuar.

Efekti i parashikuar në buxhetin e shtetit nga rritja e akcizës është rreth 260 milionë lekë shtesë.

Monitor