Sekretari i Përgjithshëm i Partisë së Lirisë, Tedi Blushi, një ditë pas arrestimit të Ilir Metës me urdhër të SPAK i ka quajtur efektivët e policisë të cilët ekzekutuan urdhrin e arrestimit, banditë.

Sipas tij, dy prej efektivëve janë me precedent të mëparshëm kriminalë dhe i bëri thirrje ministrit të Brendshëm, Ervin Hoxha që të përgënjeshtrojë lajmin nëse nuk është i vërtetë.

Blushi gjithashtu hodhi akuza të forta dhe tha se ditën e djeshme ka pasur një plan për eliminimin fizik të Presidentit të PL-së, Ilir Meta.

Tedi Blushi: Është fakt që narkoregjimi së bashku me narkodrejtësinë kanë ndërmarrë një aksion jo vetëm për eliminimin politik të drejtuesve kryesorë të opozitës, siç është Ilir Meta dhe Sali Berisha, por për fat të keq ka pasur edhe një përpjekje që dështoi për eliminimin fizik të Presidentit të PL-së, për llogari të armiqve të kombit tonë.

Dihet se çfarë beteja të mëdha ka bërë Meta për mbrojtjen e sovranitetit të Shqipërisë, për mbrojtjen e kufijve të Kosovës, për çështjen e detit ku është implikuar edhe Lulzim Basha dhe për llogari të mafies ndërkombëtare. Nuk ekziston asnjë fakt kundër tij për shkelje të ligjit. Ai është i arrestuar politik. SPAK dhe GJKKO dy struktura kamikazë janë të kundërta me faktet konkrete.

Nuk ka asnjë provë, asnjë dëshmi që e implikon zotin Meta në një shkelje sado minimale të ligjit. Janë dëshira të këtij regjimi kriminal, që nëpërmjet terroristëve si Altin Dumani kanë marrë përsipër të shkatërrojnë pluralizmin politik dhe t’i imponojnë vendit zgjidhje që nuk janë ligjore dhe kushtetuese, por janë kriminale.

Pjesë e grupit terrorist që guxoi të rrëmbente dhe të dhunonte Presidentin e PL-së, nuk kanë qenë gjë tjetër veç banditë policie. Sipas informacioneve një nga gjasme oficerët e ngarkuar në detyrë që duhet të bënte prezantimin e mandatit të arrestit, gjë që nuk ndodhi kurrë, është një djalë, emrin e të cilit nuk do ta them, i moshës 27 vjeç, pa eksperiencë në strukturat e policisë, i cili jo vetëm ka guxuar, por ka shërbyer aty edhe si roje trafiku.

Sa i përket horrave që u përpoqën të tërhiqnin forcërisht Presidentin e PL-së nga automjeti pa u identifikuar, kemi evidentuar dy persona me precedent penal, të cilët është e paqartë se si kanë hyrë në policinë e shtetit. Janë të lidhur me bandat në zonën e Durrësit. Sfidoj ministrin e Brendshëm që nëse ky fakt nuk është i vërtetë le ta përgënjeshtrojë.

Në një nga automjet civile pa asnjë logo policie, ka dalë një bandit dhe ka kërcënuar me armë qytetarët që filmonin skenën e ngjarjes. Ky automjet prej dy vitesh qarkullon në rrugët e Shqipërisë pa asnjë dokument identifikues. sn

Monika Kryemadhi dha një deklaratë për shtyp nga selia e Kuvendit.

Kryemadhi: Dje mora materialin për vendimin e masës së sigurisë për mua, duhej ta lexoja, nuk isha shumë e qetë mendërisht dhe shpirtërisht ta lexoja me detaje. Në thirrjen në SPK jam pyetur për kallëzimin penal ndaj Veliajt.

I kam dërguar prokurorit të çështjes mbi 5 mijë faqe prova të vërtetuara, të miat, masë dhe familjarëve të mi.

Unë kisha rreth 5 mijë faqe, mamaja rreth 3 mijë.

Nuk kishte përfshirje të tyre në kërkesën e prokurorisë për gjykatën. Që në nisje ishte një proces politik që nisi nga denoncimi im për inceneratorët.

Indinjata ime dje erdhi pas deklaratës së SPAK pasi mendoja se qoftë edhe për shkak të këtij ambienti mosbesues do të ishin korrekt në marrëdhënien e çështjes sonë.

U thirrën për orë të tëra, janë rrëmbyer nëpër aeroporte miq të mi, të huaj e shqiptarë, u kanë kërkuar të bëjnë dëshmi të rreme dhe janë intimiduar, por nuk kemi folur sepse kemi besuar tek reforma për të cilën aleatët tonë kanë paguar.

Deklarata dje ka shkelur nenin për dekretin hetimor.

Ish-kryeministri Sali Berisha ka reaguar sërish në lidhje me arrestimin e kryetarit të Partisë së Lirisë, Ilir Meta.

Me anë të një postimi në Facebook, të cilin Berisha e ka shkruar në shqip dhe anglisht thotë se “kriminelët me uniformë rrëmbyen dhe goditën pas koke ish presidentin, ish kryeministrin dhe ish kreun e Parlamentit.

“Kriminelë me uniformë rrëmbejnë dhe godasin mbas koke publikisht, me porosi të Edi Ramës ish- Presidentin, ish- Kryeministrin dhe ish-Kryetarin e Parlamentit Ilir Meta!

Dënoj me forcën më të madhe aktin e tyre monstruoz!

The Albanian Police (criminals in uniform), folloëing the orders of Edi Rama, abducted and punched in the head, in public the former President, former Prime Minister, and former Speaker of Parliament, Ilir Meta.

I strongly condemn their monstrous act!”, shkruan Berisha. Panorama

Të tjera detaje janë zbardhur në lidhje me arrestimin e kryetarit të Partisë së Lirisë, Ilir Meta. Gazetari Igli Çelmeta raporton se masë sigurie “detyrim paraqitje” është dhënë edhe për ish bashkëshorten e tij, Monika Kryemadhi. 

Ndërkohë mësohet se masa janë dhënë edhe për disa bashkëpunëtorë të Ilir Metës, por ende nuk ka detaje të hollësishme.

Ilir Meta u vu në pranga mesditën e kësaj të hëne (21 tetor) në hyrje të Tiranës, kur kreu i PL po shkonte drejt selisë për të mbajtur një konferencë.

Kreu i PL u arrestua nga agjentë të BKH të asistuar edhe nga punonjës policie, ndërsa ishte nën shoqërinë e shoferit.

Nderkohe ne nje reagim, sekretari i pergjithshem i PL, Tedi Blushi u shpreh se Meta u rrëmbye në mes të ditës, ndërsa shtoi se nuk ka asnjë informacion se ku ndodhet.

“Kemi të bëjmë me një pengmarrje kriminale, të një strukture kriminele që guxon të rrëmbejë në mes të ditës ish presidentin, ish-kryeministrin dhe ish kryetarin e parlamentit. Nuk e di ku ndodhet aktualisht, kjo është një fatkeqësi dhe gjendje skandaloze. Akt i rëndë kriminal që do marrë përgjigje shembullore”, tha Blushi. Panorama

Gjatë kohës që po mbante konferencën për mediat, kryetari i PD-së, Sali Berisha ka komentuar edhe lajmin e arrestimit të presidentit të Partisë së Lirisë, Ilir Meta.

Sipas Berishës, ky është një persekutim publik dhe Edi Rama është përjekur edhe për eliminimin e tij fizik.

‘Çdo gjë ndaj tij është politike.

Persekutimi politik i Ilir Metës është politik, politik dhe vetëm politik.

Nuk kanë publikuar asnjë fakt, asnjë dokument, por kanë zbatuar urdhrat e Edi Ramës, i cili është përpjekur me të gjitha mënyrat për eliminimin politik, e ndoshta edhe fizik të Ilir Metës.

Edi Rama është, siç denoncova edhe në herët e kaluara, i implikuar në zhdukje të personave në mënyrë ekstraligjore, antikushtetuese.

Iu kam informuar unë këtu ju, se Dumani fle mbi një dosje në të cilën bisedohet për eliminimin e një politikani të afërt me Edi Ramën.

E kuptoni se a do mund të guxonin bandat shtetërore të eliminonin një politikan të afërt me Edi Ramën, pa porosinë e Edi Ramës?

Pra, Edi Rama është një me krimin’, tha Berisha. sn

Arrestohet Presidenti i Partisë së Lirisë, Ilir Meta.

Burime jo zyrtare nga policia konfirmojnë ekzekutimin e masës së sigurisë lëshuar nga spak për kreun e PL Ilir Meta.

Kreu i PL-së është paraqitur disa herë në Prokurorinë e Posaçme për t’u marrë në pyetje për çështjen CEZ-DIA.

SYRI TV mëson se kreu i PL-së u arrestua pranë Casa Italia-s në kryeqytet.

Jurgis Çyrbja është arrestuar sot me urdhër të Prokurorisë së Posaçme kundër Korrupsionit dhe Krimit të Organizuar.

Çyrbja u dorëhoq nga mandati i deputetit më 9 Tetor, vetëm pak ditë pasi u paraqit në SPAK, por sipas ish-deputetit, kjo nuk kishte lidhje me vendimin e tij.

Ai ka deklaruar se nuk ka asnjë shqetësim të natyrës ligjore, por që ka nevojë të kujdeset për shëndetin.

Jurgis Çyrbja u paraqit sërish në SPAK një ditë pasi dorëzoi mandatin dhe u mor i pandehur për “shpërdorim detyre”.

Ish-deputeti socialisit akuzohet për shpërdorim detyre në kohën kur ishte drejtues i Hipotekës së Durrësit.

Pas dorëheqjes së tij, KQZ i dha mandatin e deputetit Erjon Mekajt.Panorama

“Shqipëria dhe Kosova duhet të kenë një strategji të përbashkët të mbrojtjes”, thotë ish-presidenti shqiptar, Alfred Moisiu.

Ai thekson se dy vendet duhet të kenë bashkëpunim më të madh edhe ndërmjet shtabeve të ushtrive pasi që vetëm në këtë mënyrë, sipas tij, mund të përballohet çfarëdo lloj aventure e Serbisë.

Në një intervistë për KosovaPress, Moisiu thotë se presidenti i Serbisë, Aleksandar Vuçiç, është ideatori kryesor i agresionit ndaj Kosovës, përmes sulmit terrorist në Banjskë.

Sulmi ndaj Policisë së Kosovës në Banjskë të Zveçanit kishte ndodhur më 24 shtator të vitit të kaluar, nga një grup i serbëve të armatosur.

Përgjegjësinë për sulmin terrorist e ka marrë ish-nënkryetari i Listës Serbe, Millan Radoiçiq, parti kjo e cila ka mbështetjen e Beogradit zyrtar.

Megjithatë, ish-presidenti i Shqipërisë thekson se dialogu Kosovë-Serbi duhet të vazhdojë derisa kërkon nga autoritetet kosovare koordinim më të madh me aleatët, veçmas me Shtetet e Bashkuara.

“Kam kritikuar edhe qeverinë në Shqipëri dhe atë të Kosovës, pasi duhet të koordinojmë më shumë dhe më mirë. Të kenë një strategji mbrojtjeje të përbashkët si komb. Duhet të bashkëpunojnë dhe ministritë e mbrojtjes dhe shtabet e përgjithshme, të ushtrisë shqiptare dhe të Forcave të Sigurisë së Kosovës. Në këtë mënyrë ne do të jemi më solid dhe të gatshëm për të përballuar çdo lloj aventure”, thotë ai.

Sipas tij, është e pa imagjinueshme që presidenti serb të mos ketë qenë i kyçur në sulmin terrorist në Banjskë.

“Ai [Vuçiq] është kryetar i shtetit serb. Unë nuk mund të imagjinoj dot se një shtet si Serbia, që është një shtet diktatorial me të thënë të drejtën, se vepron dikush pa e ditur kryetari i shtetit. Unë këtë nuk e imagjinoj dot. Mund të thuhet çkado, por unë nuk e besoj dot. Ai ka qenë brenda dhe ka dorë në këto gjëra [sulmin terrorist në Banjskë]. Kjo është shqetësuese”, deklaron ish-presidenti shqiptar.

Moisiu përmend ambiciet hegjemoniste të Serbisë mbi Kosovën, megjithatë thekson se dialogu i Brukselit duhet të vazhdojë për arritjen e një marrëveshjeje përfundimtare.

“Dialogu do të vazhdojë, ajo dihet. Por ata [zyrtarët e Serbisë] kanë qëllimet e veta dhe s’heqin dorë nga ato qëllime. Kam treguar një rast, në vitin 2002, para se të jem president i Shqipërisë kam qenë në Beograd i ftuar në një konferencë. Atje kam takuar një gjeneral të ushtrisë serbe, duke biseduar me të i thash: Çka keni ju, ç’është kjo ‘Kosovë-metohi’? S’ka metohi, kjo është Kosovë. Ai më tha: Zotëri Moisiu, ne tani jemi larguar në kufi me juve, por avash avash po të afrohemi. Shiko çfarë mentaliteti kanë ata. Ata kanë ëndërr akoma se Kosova është djepi i Serbisë. Këto janë vërtet ëndrra, të cilat ata i ushqejnë dhe i mbajnë gjallë”, thotë ai.

Ish-presidenti i Shqipërisë thekson nevojën që udhëheqësit në Kosovë të koordinohen me aleatët, veçmas me Shtetet e Bashkuara, për veprimet në veri.

“Veprimet, politikanët e Kosovës duhet t’i koordinojnë me aleatët tanë, në mënyrë të veçantë me Shtetet e Bashkuara të Amerikës por edhe Bashkimin Evropian. Në fund të fundit, ata na duan pasi ata na ndihmuan që të krijojmë shtetin e Kosovës. Nuk e krijuan shtetin për ta copëtuar, sigurisht. Por edhe ne duhet të dimë si të sillemi. Duhet të koordinojmë veprimet. Kjo nuk do të thotë se do të lëshojmë çdo gjë.

Jo, por duhet të bisedojmë sepse çdo kryeneçësi është në dëmin tonë më shumë. Qeveria e Kosovës ka të drejtë të shqetësohet por pikërisht unë kritikova jo shqetësimin e saj por mënyrën e veprimit. Duhet të bashkëpunojmë me aleatë tanë. Duhet të merremi vesh me Shtetet e Bashkuara të Amerikës se si t’i zgjidhim gjërat më mirë. Kjo nuk zgjidhet menjëherë, por këtu duhet organizim për të gjetur rrugën e bashkëpunimit”, përfundon ai.

Qeveria e Kosovës është kritikuar edhe nga Shtetet e Bashkuara për veprime që ata i kanë konsideruar të njëanshme.

Këtë vit, autoritetet kosovare kanë ndërmarrë disa veprime në pjesën veriore të vendit të banuar me shumicë serbe – në mesin e tyre mbylljen e strukturave paralele serbe si dhe ndalimin e përdorimit të dinarit serb.

Kreu i Grupit Parlament të PD-së Gazment Bardhi, i është përgjigjur deputetit të PS-së Plarent Ndrecën, pas paralajmërimit të këtij të fundit se do të padiste për shpifje në SPAK, Belind Këlliçin.

Bardhi, duke publikuar disa pjesë nga dosja hetimore e SPAK, shkruan se Ndreca është nën hetim për shkelje të barazisë në tendera, të kryer në bashkëpunim, me abuzim miliona euro për rikonstruksionin e disa godinave të Komisariateve (Komisariatet nr.4 Tiranë, Vlorë, Mirditë dhe Pogradec).

Sipas tij, SPAK ka dalë në konkluzionin që si Sekretar i Përgjithshëm i Ministrisë së Brendshme, ai ka shkelur ligjin duke paracaktuar kompaninë fituese dhe rritur fiktivisht vlerat e prokurimit, duke sjellë dëm të rëndë financiar për Buxhetin e Shtetit.

“Nëse Plarent Ndreca mendon që për shkak se është një deputet periferik dhe jashtë fokusit të opinionit publik, mund të amnistohet nga SPAK, gabohet rëndë! Lidhur me këtë çështje, Grupi Parlamentar i PD-së po pret që SPAK të bëjë detyrën e vet, duke e ndjekur nga afër të gjithë procesin dhe duke disponuar të gjitha faktet që provojnë shkeljen e rëndë të ligjit dhe përgjegjësinë penale për deputetin e Edi Ramës”, shprehet Bardhi.

Reagimi i plotë:

Sot një deputet periferik i Edi Ramës paska sulmuar me gjuhën e gënjeshtrave të Erion Veliajt kolegun Belind Këlliçi. Është i njëjti deputet i PS që gënjeu të enjten publikisht në emisionin “Opinion” kur tha që s’ka asnjë problem në SPAK.

E vërteta është që Plarent Ndreca, deputeti i Edi Ramës, është nën hetim në procedimin penal nr. 240/2021, bazuar në një Referim (kallëzim/informacion) të bërë nga Kontrolli i Lartë i Shtetit, akuzuar për shkelje të barazisë në tendera, të kryer në bashkëpunim, me abuzim miliona euro për rikonstruksionin e disa godinave të Komisariateve (Komisariatet nr.4 Tiranë, Vlorë, Mirditë dhe Pogradec).

Ndryshe nga balta që ai hedh me gënjeshtra ndaj kujtdo që i thotë të vërtetën në sy, që ai është një shkelës recidivist i ligjit, për Plarent Ndrecën qartësisht sipas dokumenteve zyrtare, SPAK ka dalë në konkluzionin që si Sekretar i Përgjithshëm i Ministrisë së Brendshme, ai ka shkelur ligjin duke paracaktuar kompaninë fituese dhe rritur fiktivisht vlerat e prokurimit, duke sjellë dëm të rëndë financiar për Buxhetin e Shtetit.

Nga hetimi i deritanishëm janë konstatuar një sërë shkeljesh të kryera në kundërshtim me dispozitat ligjore në fuqi mbi prokurimin publik, duke cënuar barazinë e pjesëmarrësve në këto procedura prokurimi dhe që kanë krijuar rritje të paargumentuar të vlerës së kostove të ndërtimit dhe kostove të projektimit.

Nëse Plarent Ndreca mendon që për shkak se është një deputet periferik dhe jashtë fokusit të opinionit publik, mund të amnistohet nga SPAK, gabohet rëndë! Lidhur me këtë çështje, Grupi Parlamentar i PD-së po pret që SPAK të bëjë detyrën e vet, duke e ndjekur nga afër të gjithë procesin dhe duke disponuar të gjitha faktet që provojnë shkeljen e rëndë të ligjit dhe përgjegjësinë penale për deputetin e Edi Ramës!

Bashkëlidhur pjesë nga dosja hetimore nr. 240/2021 të SPAK!

Panorama

Partitë Popullore Evropiane kanë njohur zyrtarisht Sali Berishën si kryetar të Partisë Demokratike.

Gazetari Osman Stafa raporton se në letrën drejtuar Sali Berishës, Presidenti i Partive Popullore Evropiane Manfred Weber, i shkruan Berishës që t’i nominoj kandidaturat për në Asamblenë Politike të Partive Popullore Evropiane.

Situata e krijuar në PD në tre vitet e fundit, pas  përçarjeve të vazhdueshme, bënë që Partitë Popullore Evropiane, të pezullonin Partinë Demokratike, nga aktivitet e saj.

Krijimi i situatës në Shqipëri, ku Lulzim Basha pretendonte se drejtonte PD-në e nga ana tjetër Berisha shprehej se PD-ja e vërtetë është ai, bën që PPE, të mos mbante anë, por të linte që konflikti të mbaronte.

Me vendimin e Gjykatës së Apelit për vulën e PD-së, duket se PPE, tashmë ka hequr pezullimin për Partinë Demokratike duke njohur Sali Berishën si kryetar të saj.

Një anije italiane e rojës bregdetare ka mbërritur në Portin e Shëngjinit mëngjesin e sotëm, për të marrë 12 emigrantët që pak ditë më parë ishin akomoduar në qendrën e Gjadrit.

Pas vendimit të Gjykatës së Romës, të 12 emigrantët nga Egjipti dhe Bangladeshi do të zhvendosen në Itali, ndoshta në Bari, dhe më pas në një qendër pritjeje, ku do të jenë në pritje të procedurave. sn

Në një shkresë drejtuar Komisionit Qendror të Zgjedhjeve, PD shprehet kundër propozimit për të implementuar votimin elektronik në zgjedhjet e ardhshme parlamentare, në dy qarqe, Elbasan dhe Durrës.

Balkanëeb sguron shkresën e PD-së drejtuar institucionit të administrimit të zgjedhjeve e cila mban firmën e Ivi Kasos, Sekretar për Çështjet Zgjedhore në PD. Demokratët argumentojnë se në zgjedhjet lokale të 14 majit 2023 ku në dy bashki Elbasan dhe Kamëz u përdor teknologjia në votimin dhe numërimin u konstatuan parregullsi.

“Implementimi i pjesshëm i këtij projekti, krahas disa avantazheve dhe suksesit të pjesshëm solli edhe një seri problematikash të cilat jo vetëm e cënuan rëndë procesin, por edhe minuan në mënyrë serioze besimin e publikut dhe të forcave politike në të. Pamjet filmike të operatorëve të sistemit të cilët përkundër kujdesit për mbarëvajtjen teknike të makinerive të votimit elektronik shkelën ligjin për të mbivendosur interesin partiak, duke votuar vetë në emër dhe për llogari të zgjedhësve të cilët nuk ishin aty ndërkohë që kjo përbën shkelje të Kodit Zgjedhor dhe vepër penale, dëshmojnë veprime që u konsumuan në prezencë të komisioneve të qendrave të votimit dhe ende sot mbeten të pahetuara si nga ana juaj ashtu edhe nga ana e organeve të drejtësisë të cilët duhet të vigjëlojnë mbi procesin zgjedhor.

Mungesa në zbatim e garancive që ligji u jep zgjedhësve për të verifikuar votën dhe anuluar atë, mungesa e mekanizmave që garantojnë verifikim të thelluar dhe transparencë, gjithashtu minuan besimin e zgjedhësve, subjekteve zgjedhore dhe publikut në një proes që kërkon besim”, thuhet në shkresën e PD.

Deputeti demokrat Dashnor Sula dogji sot xhaketën e tij në ambientet e jashtme të Parlamentit në kuadër të reagimit të ligjvënësve opozitarë.

Sula tërhoqi vëmendjen me veprimin e tij, ndërsa disa orë pas këtij veprimi, u shfaq në studion e rubrikës “Opinion” në News24, ku ka shpjeguar pse e dogji xhaketën.

Sula u shpreh se djegia e xhaketës sot në oborrin e Kuvendit, erdhi si pasojë e irritimit me gjithçka që po ndodhte. Ai tha se gjithë kjo që po bën opozita bëhet për qytetarët.

“Kam parë më parë vuvuzela, përmbysje karrigeje, më gjeni një deputet që është dënuar më shumë se 10 ditë dhe nuk lejohej të hynte në Kuvend, flas për opozitën e atëhershme. Kishte edhe tek ne koka të nxehta në mbledhje të grupit, por Berisha thoshte opozita është në hall, Duhet t’i lejohet hapësirë të shprehet. Këta duan të marrin para edhe nga karriget”, tha ai. bw

Kryetari i partisë “Mundësia”, Agron Shehaj në fjalën e tij për mediat pasi u largua nga seanca plenare ku nuk u zhvillua interpelanca e thirrur me ministren e Kulturës dhe Turizmit, Mirela Kumbaro, u shpreh se mosbindja civile nuk mjafton më.

Ai kërkoi nga opozita që të fokusohet te rikthimi i besimit të saj te qytetarët. Shehaj tha se veprimet e deritanishme nuk kanë rritur mbështetjen, ndërsa shtoi se në Parlament duhet të diskutohet duke denoncuar shkeljet dhe abuzimet dhe shpalosur alternativën në mënyrë që nesër vendi të ketë një qeveri të pakorruptuar.

Gjithashtu, Shehaj denoncoi veprimet e mazhorancës duke rrethuar Kuvendin me gardistë, por edhe arrestimin e deputetit të PD, Ervin Salianji, përpjekje këto sipas tij nga ana e shumicës parlamentare, për të frikësuar zërat kundër.

“Parlamenti është i vetmi vend ku mund të shprehemi. Unë mendoj që duhet një mënyrë tjetër, nuk mjafton mosbindja civile. Opozita është me shpatulla pas murit. Një përfaqësues i opozitës është në burg se tha një të vërtetë, tha vëllai i ministrit të Brendshëm i cili duhet të kapë ata që janë në kërkim nga Italia është i lirë dhe ministri duhet të kapë të vëllanë. Kjo gjë nuk shkon, për këtë arsye ai është në burg. Unë nuk ndaj të njëjtin mendim për formën e protestës së opozitës. Thjesht nuk mjafton.

Unë mendoj se ne nuk duhet të ndalojmë së komunikuari, së foluri me elektoratin. Opozita duhet të fitojë besueshmërinë e qytetarëve. Duhet të vrasim mendjen, kjo që po bëjmë a na sjell mbështetjen e qytetarëve? Po apo jo? Çdo veprim që bëjmë dhe disa veprime që janë bërë nuk na çojnë në atë drejtim. Opinioni publik duhet të dëgjojë për korrupsionin, ne duhet të vazhdojmë, duhet të ngulim këmbë se kështu fitojmë besueshmërinë që nesër do t’i sjellim vendit një qeveri të pakorruptuar. Nuk ka zgjidhje tjetër.

Në një demokraci zgjidhje është vota e qytetarëve. Dhe lufta e opozitës duhet të jetë si të fitojë besimin e qytetarëve, votën e qytetarëve. Këtë bën opozita. Kështu funksionon një demokraci. Kushtet në të cilat veprojmë janë jashtëzakonisht të vështira. Frika është elementi i ri i shtuar nga mazhoranca dhe Rama. Këto shfaqje në Parlament, të rrethuar nga Garda kanë këtë synim, frikën, të trembin njerëzit. Sot kam folur me një qytetar që pati kurajon të denonconte live se si djali i tij vdiq se si iu ndërpre kura me ilacce. Unë fola me të dhe i kërkova të vazhdojë këtë betejë, por ajo që kërkova ishte se zotëria ishte i ndrojtur, kishte frikë. Kjo po ndodh në Shqipëri, paratë dhe frika janë instrumentet e kësaj mazhorancë. Problemi në çdo demokraci është mazhoranca, qeveria, jo opozita”, tha ai.

Kryetari i partisë “Mundësia”, Agron Shehaj është tërhequr nga interpelanca e kërkuar me ministren e Turizmit, Mirela Kumbaro.

Në fjalën e tij në Kuvend, Shehaj tha se është e pamundur të zhvillohet seanca, për shkak të trajtimit që po i bëhet deputetëve të opozitës në sallën e Kuvendit dhe jashtë saj.

“Do të doja shumë ta bëja këtë interpelancë, ministrja duhet të japë përgjigje, por në një vend normal ministrja duhet të japë përgjigje në Prokurori por kjo nuk ndodh në Shqipëri. Zonja kryetare është e pamundur të bëjmë detyrën në këto kushte dhe është detyra juaj. Lejoni deputetët të futen në Kuvend”, u shpreh Shehaj.bw

Deputetë të opozitës përpiqen ta kalojnë me forcë gardhin metalik të vendosur para hyrjes së Kuvendit të Shqipërisë, 17 tetor.

Pas konfirmimit të kthimit pas të dy prej refugjatëve që mbërritën në Shqipëri në kuadër të skemës së dakordësuar me qeverinë italiane, është konfirmuar se edhe dy refugjatë të tjerë do të kthehen.

Sipas asaj që ka raportuar gazetari i News24, Elidon Ndreka bëhet fjalë për dy emigrantë të cilët kanë pasur probleme shëndetësore.

Ata janë dërguar në anijen “Libra” të marinës italiane, e cila ndodhej në det të hapur dhe që mëngjesin e sotëm solli 16 emigrantët e parë.

Dy emigrantët e parë që u raportua se do të ktheheshin pas rezultuan pas verifikimeve të kryera në Shqipëri se ishin minorenë.

Sakaq, 12 emigrantët e tjerë janë dërguar në kampin e Gjadrit në Shëngjin.

Sipas marrëveshjes mes shtetit shqiptar dhe atij italian në kampet në Shqipëri do të mbahen vetëm emigrantët meshkuj, ndërsa gratë dhe minorenët do të procedohen në qendrat e refugjatëve në Itali.bw

Kanë mbërritur sot në Shëngjin kontingjenti i parë i emigrantëve në kuadër të marrëveshjes Rama-Meloni.

Një grup qytetarësh janë mbledhur sot duke protestuar kundër emigrantëve në vendin tonë.

Me pankarta në duar, ato u shprehën se këtu merr fund ëndrra europiane, ndërsa shtuan se marrëveshja mes vendit tonë dhe Italisë, cënon të drejtat e njeriut.

Sidorela: Kërkesa jonë që në fillim që e kemi marrë vesh, ka qenë që marrëveshja të shpallet jo kushtetuese. GJK për fat të keq ka vendosur që marrëveshja nuk është jokushtetuese, në gjykimin tonë kjo marrëveshje cenon të drejtat e njeriut. Praktikë jodemokratike dhe shkelen të drejtat e njeriut. Ne do të vazhdojmë të ngremë narrativën tonë, për të treguar që Perëndimi po mbështet liderë autokratikë si Rama dhe Meloni dhe kriza e emigrantëve nuk është një krizë që zgjidhet duke i rënë në qafë disa popujve të tjerë. bw

Ish-deputeti demokrat Ervin Salianji ka reaguar pas refuzimit të Gjykatës së Lartë ndaj kërkesës për pezullimin e dënimit të tij.

Salianji u shpreh se është i qartë edhe më shumë që dënimi pa ligj e pafuqia e çdo institucioni të pushtetit, veçse i hap shikimin e rrit reagimin njerëzve të ndershëm, opozitarë ose jo, që vuajnë keqqeverisjen.

Gjykata e Lartë ka rrëzuar kërkesën e Ervin Salianjit për të pezulluar ekzekutimin e vendimit të dënimit me 1 vit burg.

Deputeti i PD është dënuar me 1 vit burg për dhe ndodhet aktualisht në IEVP Fier. Në vitin 2018, Salianji denoncoi vëllain e ish-ministrit të Brendshëm Fatmir Xhafaj, Geron Xhafaj duke thënë se edhe pse ishte i dënuar me 7 vite burg në Itali, prej disa vitesh jetonte i lirë në Shqipëri falë mbështetjes së të vëllait politikan. Gjithashtu, Salianji denoncoi Agron Xhafajn se rezultonte i përfshirë në trafik droge Shqipëri-Itali dhe si provë për këtë u publikua një audiopërgjim.

Reagimi i Salianjit:

Ndonëse i burgosur, i kufizuar i privuar, e me një mandat me shumë mund të fituar, e që e shoh të trafikuar; përballë vetes e jush, jam njeri i lirë.

Po, jam njeriu më i lirë, më i lirë se ca shërbëtorë, them atë që mendoj e vendos mbi atë që besoj!
Nuk shitem, nuk blihem, nuk trysnohem e as lëshohem nga padrejtësia, e prapë qëndroj e mbroj interesin publik. Përtej kostove, sakrificave, politikën atë çfarë kam bërë e bej , e kam zgjedhje dhe mision.

E di shumë mirë, që shumë shqiptarë vuajnë padrejtësitë njësoj e ndoshta më keq çdo ditë.
Shumë shqiptare e prekin persekutimin nga padrejtesia, e varfërinë nga pamundesia, qe ja vjedh ja dhunon Edi Rama vete, dora e tij e shtrire si zgjatime sherbetoresh, kudo.

Nuk di nëse kam më shumë keqardhje apo më shume përbuzje për shërbëtorët, që përthyejne shpinën në përkulje ndaj pushtetit, jo thjeshtë të korruptuar por kriminal.
Banda që vendosin për njerëz me diploma!

Të Pengmarrë në integritetin e tyre profesional, i nënshtrohen urdhërit arbitrar që vjen direkt nga skutat e krimit.

Jam i qartë edhe më shumë që dënimi pa ligj e pafuqia e çdo institucioni të pushtetit, veçse i hap shikimin e rrit reagimin njerëzve të ndershëm, opozitarë ose jo, që vuajne keqqeverisjen, emigrimin, korrupsionin, e shkeljen me kembe nga milioneret e pushtetit te krimit.

Sakrifica më motivon, për më shumë qëndresë e betejë!

E ta themi qarte, Edi Rama dhe Fatmir Xhafaj, ndihmojne trafikun e drogës, e mbrojne me gjyqësorin e kontrolluar.
E bekojnë dhe e mbrojnë vete, ndaj nuk u hetua trafikanti i drogës dhe as u hetua përdorimi e institucioneve të ministrisë së brendshme për lehtësimin e përfshirjen ne trafik droge.

Trafikanti vëlla apo xhaxha, nuk bëhet hero!

E vërteta nuk mbulohet nën dritën e diellit!

Anija patrulluese Libra e Marinës u nis nga Lampedusa, me emigrantët e parë të destinuar për në qendrat e ngritura në Shqipëri. Pra, sot filloi transferimi i një numri të kufizuar azilkërkuesish (do të ketë rreth 1 mijë në pesë vjet), të kritikuar nga shumë për kostot e larta (rreth 600 milionë euro) dhe shkeljet e mundshme të të drejtave të njerëzve që do të jenë pjesë e projektit, bazuar në protokollin e nënshkruar mes dy vendeve.

Vendimi evropian që tashmë mund të ndalonte gjithçka
Operacioni koordinohet nga Ministria e Brendshme dhe tashmë ministri Matteo Piantedosi ka bërë të ditur se do të kundërshtojë në gjykatë të gjitha ankesat që pritet të paraqiten në ditët në vijim. Tek personat që u nisën me anijen e Marinës, e cila më parë kishte shpëtuar emigrantë të tjerë që u larguan nga brigjet e Afrikës së Veriut, u krye një kontroll fillestar në bord për të verifikuar se ata plotësonin të gjitha kërkesat e përcaktuara nga protokolli: origjinën nga vende të sigurta, seksi mashkull, të jenë njerëz jo të cenueshëm. Ata janë nisur drejt qendrave në Shëngjin dhe Gjader, të cilat janë vënë në funksion javën e kaluar. Gratë, të miturit, të sëmurët dhe personat që kanë pësuar tortura do të lihen në Lampedusa për t’u përfshirë në qarkun normal të pritjes, ndërsa presin që kërkesat e tyre për azil të shqyrtohen nga komisionet territoriale.

Pengesa ndaj të cilës rrezikon të përplaset protokolli në orët e ardhshme është një dënim i dhënë më 4 tetor nga Gjykata Evropiane e Drejtësisë. Sipas gjyqtarëve të Luksemburgut, 15 nga 22 vendet e përcaktuara si “të sigurta” nga Farnesina në fakt nuk kanë atë që duhet për t’u konsideruar si të tilla. Të gjitha vendet e sigurta, në fakt, në asnjë mënyrë nuk duhet të përdorin “persekutim, torturë apo trajtim tjetër çnjerëzor”. Një kriter që nuk respektohet nga tre shtetet nga të cilat niset numri më i madh i azilkërkuesve: Tunizia, Egjipti dhe Bangladeshi. Vetëkuptohet që nëse gjyqtarët konfirmojnë dënimin, do të ketë shumë pak emigrantë që mund të ndalohen në anën tjetër të Adriatikut. Për opozitën dhe për shoqatat humanitare, ajo e qeverisë Meloni është një reklamë e shtrenjtë propagandistike e bërë në lëkurën e disa qindra emigrantëve dhe në xhepat e italianëve.

Çfarë do të ndodhë me emigrantët e sjellë në Shqipëri
Sipas protokollit të nënshkruar nga Giorgia Meloni dhe Kryeministri shqiptar Edi Rama, azilkërkuesit që do të sillen në territorin shqiptar duhet të marrin përgjigjen e kërkesës së tyre për azil brenda katër javësh, pas së cilës, në rast të një opinioni të favorshëm, do të rikthehen në Itali dhe të transferohen në qendrat e pritjes. Në rast të një opinioni negativ, ata do të kthehen në vendin e tyre të origjinës.

Kërkesat do të shqyrtohen nga komisioni tashmë i krijuar dhe i drejtuar nga prefektura e Romës. Megjithatë, një tjetër e panjohur e madhe është koha: deri më sot ka ende shumë kërkesa që ende nuk janë shqyrtuar dhe shumë po pyesin se sipas cilit kriter logjik ata pak emigrantë të transferuar me kosto të lartë në Shqipëri, do të duhet të tejkalojnë ato të të tjerë që presin përgjigje prej muajsh.

Schlein: Meloni shpenzon një miliard dhe nuk mund të gjejë para për kujdesin shëndetësor
“Qeveria e Giorgia Melonit rrit taksat dhe shpërdoron pothuajse një miliard euro nga paratë e taksapaguesve në qendrat e emigrantëve në Shqipëri, në shpërfillje të të drejtave themelore të njerëzve dhe vendimit të fundit evropian për riatdhesimet që bën të pavlefshme të gjithë strukturën e marrëveshjes me Shqipërinë. Mund të kishim përdorur ato burime për të shkurtuar listat e pritjes ose për të punësuar mjekë dhe infermierë”.

Kështu shprehet sekretarja e Partisë Demokratike, Elly Schlein.

“Tani ata kanë dinjitetin të mos na pyesin më ku i marrim paratë për kujdesin shëndetësor, është shumë serioze që kemi zgjedhur të dobësojmë shërbimin shëndetësor kombëtar pavarësisht se çdo vit më shumë se katër milionë e gjysmë njerëz në Itali janë të paaftë për të kërkuar mjekim”, shprehet Schlein.

Kryeprokurori italian Raffaele Cantone ka deklaruar se shitja e drogës është “fatkeqësisht një fenomen shumë i përhapur në të gjithë rajonin”.

Në raportin e fundit, Cantone ka deklaruar se ky aktivitet  “menaxhohet nga grupe të huaja kriminale”, veçanërisht shqiptarë dhe nigerianë, të cilët kanë ndarë territorin dhe llojin e substancave mes tyre.

“Shumica dërrmuese e të akuzuarve për trafik droge janë të huaj dhe ata vetë të lidhur me rrjete kriminale, pothuajse gjithmonë të drejtuar nga individë të së njëjtës origjinë gjeografike, të cilët veprojnë brenda grupeve që duken të strukturuara shumë mirë në nivel organizativ duke pasur si model referencë bandat tradicionale të mafias kombëtare”, shprehet Cantone.

Grupet nigeriane, në veçanti, “duken të jenë veçanërisht aktive në sektorin e importit dhe shitjes së heroinës, një lëndë narkotike e cila disa vite më parë dukej se ishte zhdukur pothuajse nga tregu i paligjshëm”.

Grupet shqiptare, nga ana tjetër, “kanë dëshmuar të jenë veçanërisht aktive në tregtimin e kokainës dhe hashashit; ndërsa subjektet që veprojnë në Umbria ruajnë lidhje të forta me territorin e origjinës dhe pavarësisht se pothuajse gjithmonë u janë nënshtruar shifrave të kalibrit më të lartë që kanë mbetur”.

“Në atdheun e tyre, këto grupe, ndryshe nga nigerianët, kanë filluar të riinvestojnë të ardhurat e aktiviteteve kriminale në rajon, në disa raste edhe duke përdorur shtetas italianë, në sektorë të ndryshëm ekonomikë”, ka deklaruar nder të tjera prokurori.Panorama

Prokuroria e Korçës, në vijimësi të hetimeve lidhur me rastin e 42 vjeçarit Egli Proga, i cili u dhunua për vdekje nga Denis Meçe, ka zbardhur një detaj të ri për këtë ngjarje.

Sipas organit të akuzës, ka pasur ndërhyrje në kamerën e brendshme të lokalit ku dhe nisi konflikti midis viktimës dhe autorit.

“Per momentin konkluduam qe ka nderhyrje ne kameren e brendshme te lokalit.”, shprehet Prokuroria e Korçës.

Këtu tashmë nisin dhe dyshimet për deklaratën e pronarit të lokalit ku dhe ndodhi ngjarja e rëndë, i cili me vendimin e marrë nga Gjykata e Korçës në 12 tetor ndodhet nën masën e sigurisë “arrest në burg”.

Voltan Shulku është shprehur për uniformat blu se kamerat e sigurisë së lokalit të tij nuk kanë regjistruar asgjë dhe se ai nuk e ka parë asnjë moment të përplasjes fizikes mes viktimës dhe autorit Denis Meçe.

Shulku ka pretenduar se Egli Proga ka qenë në gjendje të dehur dhe se kur ka ndodhur sherri mes 42 vjeçarit dhe 29 vjeçarit, ai ka qenë pas banakut.

“Pak më vonë kam dëgjuar disa persona që kanë folur me zë të lartë dhe kërkonin ujë. Kam parë se shtetasi Egli ishte shtrirë në tokë dhe aty ishin mbledhur shumë persona të tjerë. E kam ngritur duke e kapur nga trupi, por ai nuk reagonte megjithëse i kam nxjerr gjuhën jashtë”, ka rrëfyer Voltan Shkulaku.

Ai është shprehur se viktima kishte gjak në fytyrë dhe se në bisedën e fundit që kanë bërë bashkë, Egli i kishte thënë që “jam i mërzitur, do ta mbyll lokalin fare”.

Dëshmia e pronarit: Egli ka ardhur në lokal 10 minuta para ngjarjes. Sapo ka hyrë në lokal ka porositur një birrë dhe është ulur në tavolinën time dhe të shokut tim. Në atë moment i kam dhënë birrën dhe më pas jam ngritur dhe po pastroja në banak. Shpjegoj se Egli kishte konsumuar alkool te lokali i tij, rreth 50 metra më tutje larg timit. Në kohën që unë jam ngritur për të pastruar ai është ngritur dhe ka shkuar në tualetin e lokalit. Nuk jam shumë i sigurt, që sapo ka dalë nga tualeti është ulur në tavolinë apo ka dalë jashtë. Pak më vonë kam dëgjuar disa persona që kanë folur me zë të lartë dhe kërkonin ujë. Unë jam hutuar në atë moment dhe kur kam dalë jashtë nuk kam nxjerrë ujë, por një nga rruga ka sjellë një bidon. Kam parë se shtetasi Egli ishte shtrirë në tokë dhe aty ishin mbledhur shumë persona të tjerë. E kam ngritur duke e kapur nga trupi, por ai nuk reagonte megjithëse i kam nxjerr gjuhën jashtë.

Ai në atë moment nxirrte vetëm shkumë nga goja. Aty ka ardhur ambulanca që e ka marrë dhe e ka çuar në spital, ndërsa unë kam vazhduar te lokali. Kur kam hyrë në tualet kam vënë re se ai kishte nxjerrë aty pasi kishte të vjella. Kam bërë pastrimin e tualetit dhe te lokalit dhe kam bërë mbylljen e lokalit. Isha aty kur ka ardhur policia. Ai ishte vetëm kur ka ardhur te lokali im. Ska bërë asnjë lloj debati apo konflikti. Ka ndenjur shumë pak kohë, pasi gjysmën e birrës ka pirë dhe është ngritur dhe ka shkuar në tualet. Ai nuk është zënë me njeri aty. Aq pak sa ndenja unë me të ai ishte mërzitur dhe më ka thënë se ;do ta mbyll lokalin fare. Nuk kam folur me asnjë nga personat aty pasi më ka zënë gjaku se ai ishte me gjak në fytyrë. Unë ia kam fshirë me kartopeceta dhe nuk kam komunikuar me asnjë deri sa erdhi policia që na ka shoqëruar në komisariat. Kamera që kam unë te lokali, e kam kontrolluar dhe nuk regjistronte fare, por vetëm sa sheh në moment dhe asgjë më tepër.

Vendimi i gjykatës për dëshmitarët

Sakaq, ditën e sotme, Gjykata e Korçës ka marrë vendimin për të rikthyer në burg 3 dëshmitarët lidhur me vdekjen e 42 vjeçarit Egli Proga, ngjarje kjo e ndodhur më 10 gusht 2024 në qytetin e Pogradecit.

Tre dëshmitarët, Leonidha Guçe, 47 vjeç, Arian Manellari, 55 vjeç dhe Voltan Shulku, 40 vjeç, deri më sot ndodheshin me masën e sigurisë “detyrim paraqitje”, por kjo tashmë ndryshon pasi Gjykata e Korçës caktoi ndaj tyre “arrest me burg”.

Këta të tre kanë deklaruar se nuk e kanë parë ngjarjen e ndodhur por vetëm kanë shkuar pranë viktimës pasi kanë dëgjuar të bërtitura.

Por Drejtoria Vendore e Policisë së Korçës shprehet se këta të tre kanë qenë të pranishëm në vendngjarje dhe nuk kanë kallëzuar krimin, duke penguar kështu në zbulimin e së vërtetës.

Egli Proga dyshohet të jetë vrarë nga shtetasi Denis Meçe. Ky i fundit ka deklaruar se nuk ka pasur si qëllim vrasjen e 42 vjeçarit, pasi sipas tij ka tentuar të goodasë viktimën por nuk ka arritur ta bëjë një gjë të tillë pasi proga ka rënë në tokë.

Pas kësaj Meçe deklaroi se është larguar i çorjentuar.

Nga ana tjetër, ekspertiza mjeko-ligjore, përshkruan se tek viktima janë konstatuar fillimisht dëmtime në ballë, hundë, vesh faqe dhe supin e djathtë.

Këto dëmtime, shkruhen të jenë shkaktuar nga mjet të fortë mprehës, apo dhe goditja me grushte.

“Hemorragji në cipën e trurit dhe hemorragji e indit trunor” rezulton të jetë arsyeja e vdekjes së 42 vjeçarit.

Gjithashtu, në akt ekspertizën cilësohet se në mostrën e gjakut të viktimës u zbulua prania e alkoolit etilik në vlerën mesatare 2.82 g/L.

Kjo akt ekspertizë ka rrëzuar deklaratën e bërë nga Meçe se nuk e ka dhunuar.

Kujtojmë se Prokuroria e Korçës ka lehtësuar akuzën për Denis Meçe, nga “vrasje me dashje” në “vrasje nga pakujdesia”, gjë që ngjalli reagime të ashpra nga opinioni publik, po kështu përplasje mes organeve Policia e Shtetit – Prokuroria e Korçës – Gjykata e Shkallës së Parë të Korçës. Për këtë lehtësim të akuzës, familjarët e viktimës kërkuan ndryshimin e prokurores së çështjes, e cila ishte Vasjana Postoli. Kjo kërkesë u pranua nga Drejtuesi i Prokurorisë së Korçës.gsh

Imazhe të reja janë publikuar nga rasti i Egli Progës, 42 vjeçarit i cili u dhunua për vdekje nga Denis Meçe në datën 10 gusht 2024.

Siç shihet dhe në foton e mëposhtme, Proga po mbahej nga 3 burra për ta futur në autoambulancë teksa është pa ndjenja.

Në vendin e ngjarjes, e njohur si “Agjencia” për banorët e Pogradecit, shihen disa forca të uniformave blu dhe shumë qytetarë të cilët në pamje të parë duken të shqetësuar.

Nga fotoja duket se të pranishmit kanë tentuar të përmendin 42 vjeçarin me një shishe ujë, për t’i dhënë kështu ndihmën e shpejtë për shkak të plagëve.

Sakaq, ditën e sotme, Gjykata e Korçës ka marrë vendimin për të rikthyer në burg 3 dëshmitarët lidhur me vdekjen e 42 vjeçarit Egli Proga, ngjarje kjo e ndodhur më 10 gusht 2024 në qytetin e Pogradecit.

Tre dëshmitarët, Leonidha Guçe, 47 vjeç, Arian Manellari, 55 vjeç dhe Voltan Shulku, 40 vjeç, deri sot ndodheshin me masën e sigurisë “detyrim paraqitje”, por kjo tashmë ndryshon pasi Gjykata e Korçës caktoi ndaj tyre “arrest me burg”.

Këta të tre kanë deklaruar se nuk e kanë parë ngjarjen e ndodhur por vetëm kanë shkuar pranë viktimës pasi kanë dëgjuar të bërtitura.

Por Drejtoria Vendore e Policisë së Korçës shprehet se këta të tre kanë qenë të pranishëm në vendngjarje dhe nuk kanë kallëzuar krimin, duke penguar kështu në zbulimin e së vërtetës.

Egli Proga dyshohet të jetë vrarë nga shtetasi Denis Meçe. Ky i fundit ka deklaruar se nuk ka pasur si qëllim vrasjen e 42 vjeçarit, pasi sipas tij ka tentuar të goodasë viktimën por nuk ka arritur ta bëjë një gjë të tillë pasi proga ka rënë në tokë.

Pas kësaj Meçe deklaroi se është larguar i çorjentuar.

Nga ana tjetër, ekspertiza mjeko-ligjore, përshkruan se tek viktima janë konstatuar fillimisht dëmtime në ballë, hundë, vesh faqe dhe supin e djathtë.

Këto dëmtime, shkruhen të jenë shkaktuar nga mjet të fortë mprehës, apo dhe goditja me grushte.

“Hemorragji në cipën e trurit dhe hemorragji e indit trunor” rezulton të jetë arsyeja e vdekjes së 42 vjeçarit.

Gjithashtu, në akt ekspertizën cilësohet se në mostrën e gjakut të viktimës u zbulua prania e alkoolit etilik në vlerën mesatare 2.82 g/L.

Kjo akt ekspertizë ka rrëzuar deklaratën e bërë nga Meçe se nuk e ka dhunuar.

Kujtojmë se Prokuroria e Korçës ka lehtësuar akuzën për Denis Meçe, nga “vrasje me dashje” në “vrasje nga pakujdesia”, gjë që ngjalli reagime të ashpra nga opinioni publik, po kështu përplasje mes organeve Policia e Shtetit – Prokuroria e Korçës – Gjykata e Shkallës së Parë të Korçës.gsh