VOAL

Shqipëri

Shtëpia e Libohovitëve ose Toptanasve në Tiranë bëhet muze për hebrejtë, ja si do shndërrohet

Shtëpia e Libohovitëve ose e Toptanasve në anë të shëtitores në Tiranë do të jetë streha e muzeut “Besa”, kushtuar shpëtimit të hebrenjve gjatë Luftës së Dytë Botërore. Godina, monument kulture i kategorisë I, do të shndërrohet sipas një projekt-ideje të përzgjedhur me konkurs ndërkombëtar, ku u shpall fituese studioja zvicerane “Oppenheim Architecture”. Ministrja u ndal te nocioni.

“Besa nuk është thjesht një kod, nuk është thjesht një fjalë e dhënë, por një mënyrë jetese, që ka ekzistuar dhe vazhdon ende të gjallojë edhe nën trysnitë e modernitetit.

Ndaj dhe ky është një muze që “shpirtërisht” është i lidhur me një tjetër, që ne po ngremë në Vlorë, Muzeun Hebraik Shqiptar, sepse pa konceptin e Besës nuk do të ekzistonte dhe ajo sakrificë sublime e shqiptarëve gjatë pushtimit nazist. Një muze, që përbën një sfidë si nga ana arkitekturore ashtu edhe në konceptimin muzeal, pasi nga njëra anë bëhet fjalë për një muze që do të ngrihet në një godinë-monument kulture dhe nga ana tjetër duhet të rrokë dimensionin shpirtëror të një kombi”.

Sipas jurisë ndërkombëtare të kryesuar nga vetë ministrja, projekti fitues kap thelbin e Besës dhe e komunikon atë me guxim mbi dhe nën tokë.

Godina dy katëshe parashikohet të restaurohet dhe muzealizohet ndërsa në oborrin e saj do të ketë obelisqe dhe hapësira nëntokësore që do përdoren në funksion të muzeut. Kjo nënkupton edhe gërmime arkeologjike duke qenë se zona shtrihet në kalanë e dikurshme të Tiranës.bw

“Gjykimi për Mcgonigal nis në tetor”, Berisha: Ramën s’ka forcë që e shpëton, i është ‘skanuar’ çdo email apo komunikim

Ish-kryeministri Sali Berisha në një dalje për mediat, reagoi për çështjen McGonigal, ndërsa theksoi se gjykimi do të nisë në muajin tetor.

Berisha duke iu referuar kësaj çështje tha se McGonigal ka kërkuar gjykim të shkurtuar.

“Nuk ka forcë që shpëton. Ndaj ai vërtitet. Për ironi të tij, për fatin më të zi të tij, mund t’ju them se e vetmja gjë globale është kalimi te afera McGonigal. Gjykimi i çështjes nis në tetor. Dhe është caktuar tetori si një datë në të cilën hapen të dhënat dhe hiqen petët e lakrorit. Edi Rama ulet për të dëshmuar për lidhjet e tij të zeza. Mund t’u them këtu se Mcgonigal ka kërkuar gjykim të shkurtuar në dokumentin që kam në i-pade. Nuk është e qartë akoma nëse gjykatësit kanë pranuar kërkesën e tij për gjykim të shkurtuar. Gjykatësit po shqyrtojnë kërkesën. Kjo është një zhvillim tjetër në këtë proces. Këto kisha unë për aferën e tmerrshme nga e cila Rama nuk shpëton dot. Kjo është publike. Është e qartë, më është dërguar nga një mik. Ata më kanë informuar se pasi e kanë zbërthyer. McGonigal ka dërguar të dhënë për opozitën në një kohë kur qenë në detyrë. Bilalit për 70 mijë dollarë, e dënuan me 4 vite, kurse qytetarin që kishte dhënë dollarët, e dënuan me 5 vite burg. Fotografia nuk është bërë në takim me Obamën, por jashtë. Pasi do të kishte qenë më e rëndë. Rama është i pashpresë. Atij sipas urdhrit të dhënë, që ka botuar Insider, i është hetuar çdo e-mail, çdo komunikim.”, tha Berisha.

Po ashtu ai i ka bërë thirrje SPAK, që të hetojë tenderat që ka dhënë ish-kryebashkiaku Gjici.

“I bëj thirrje ‘Skapit’ të partisë të marrë çdo komunikim të Taulant Ballës gjatë viteve të fundit me Gjicin e Ramës. Të marrë në GPS të gjitha takimet dhe spostimet e tyre. Të hetojë çdo tender të fituar nga Gjici në 100 mln euro sepse lajmet gumëzhijnë, sepse flitet se qenkan të lidhur këta të dy. Ftoj të bëjnë një hetim, për të kuptuar si anë nga qielli 100 mln euro.bw

Berisha: Kërkesa e Ramës për konferencë ndërkombëtare për Kosovën u paraqit në shtator 2018 nga Beogradi. Ka si qëllim përfshirjen e Rusisë

Ish-kryeministri Sali Berisha deklaron se kërkesa e Edi Ramës për konferencë ndërkombëtare për Kosovën është paraqitur hapur dhe zyrtarisht në shtator të vitit 2018 nga Beogradi nëpërmjet Ivica Daçiç, dhe përsëritur më vonë dhe nga vet Vuçiç.

Në një postim në “Facebook” një ditë pas lirimit nga Serbia të tre policëve kosovarë që pasoi me deklaratën e kryeministrit Edi Rama “mbi domosdoshmërinë e një konference pa afat kohor, ku të mbyllur brenda mureve të një strukture mikpritëse nën kujdesin e bashkësisë euro-atlantike, liderët e Kosovës dhe Serbisë duhet të përmbyllin krejt pikat e marrëveshjes së normalizimit”, Berisha thekson se Rama flet si zëdhënës i Vuçiç.

Sipas tij, pas ndërhyrjeve brutale të Edi Ramës në punet e brendshme të Kosovës qëndron, së pari projekti i ndarjes së Kosovës me serbomadhin Vuçiç dhe së dyti problemi i tij i tmerrshëm në superskandalin McGonigal.

POSTIMI I PLOTË
Rama flet si zëdhënës i Vuçiç.
Kërkesa e Edi Ramës për konferencë ndërkombëtare për Kosovën është paraqitur hapur dhe zyrtarisht në shtator të vitit 2018 nga Beogradi nëpërmjet Ivica Daçiç, dhe përsëritur më vonë dhe nga vet Vuçiç. Kjo kërkesë ka si qëllim madhor përfshirjen e Rusisë krahas fuqive perëndimore, në zgjidhjen e krizës Kosovë- Serbi, përfshirje të cilën e ka kërkuar po publiksht dhe periodikisht edhe Kremlini.

Kjo kërkesë e Beogradit vinte pas kërkesave të përseritura të Sergei Lavrov që Rusia duhet të thirret të marrë pjesë në dialogun e Kosovës me Serbinë, të lehtësuar nga BE.

Kështu Rama nuk po bën gjë tjeter veçse në shërbim të Vuçiç, po qarkullon një tezë të padronit të tij në Beograd. Rama për të ndihmuar Vuçiçin, me thirrjen e konferencës ndërkombëtare krahason të pakrahasueshmet. Sipas tij konferenca duhet thirrur mbasi marrëveshja nuk po ecën sepse të dy Kurti dhe Vuçiç kanë probleme të brendshme. Ky është trillim i rradhës, bajat i Ramës përsëri për të lehtësuar Vuçiçin.

Së pari është e vërtetë se Vuçiç ka probleme të forta të brendshme tani. Ai përballet me një valë të fuqishme protestash të opozitës dhe qytetarëve serb, të cilët prej javësh janë ngritur kundër pushtetit autokratik të Vuçiç dhe dështimit të tij, për të garantuar rendin dhe sigurinë në vendin e tyre. Por krahasimi i Ramës është trillim i pastër sepse Kurti nuk duket të ketë asnjë problem të brendshëm të ngjashëm me ato të Vuçiç. Përveç këtyre, serbomadhi Vuçiç nuk firmos marrëveshjen e Ohrit sepse nuk e lejon Rusia, të cilën Rama kërkon të ulet në sofër nëpërmjet konferencës ndërkombëtare.

Së fundmi, siguroj komunitetin ndërkombëtar se angazhimi i Edi Ramës në çështjet e dialogut Kosovë-Serbi, jo vetëm nuk ndihmon, por e dëmton atë. Kjo sepse Rama është i njohur tashmë si argat i Vuçiçit.

Pas ndërhyrjeve brutale të Edi Ramës në punet e brendshme të Kosovës qendron:
së pari projekti i ndarjes së Kosovës me serbomadhin Vuçiç dhe, së dyti problemi i tij i tmerrshëm në superskandalin McGonigal, për të cilin Rama është në hetim të hapur penal në Gjykatën e Washingtonit, sepse ka korruptuar gjatë kohës që ishte në detyrë shefin e kundërzbulimit të FBI për New York dhe ka angazhuar atë kundër opozitës shqiptare për forcimin e pushtetit të tij. #sb

Falsifikimi- SPAK nis hetimet për kryebashkiakun e Kuçovës

SPAK nis hetimet për kryebashkiakun e Kuçovës, Kreshnik Hajdari.

Prokuroria e Posaçme i ka bërë kërkesë Komisionit Qendror të Zgjedhjeve për një kopje të formularit të vetëdeklarimit të të kryebashkikut të Kuçovës, Kreshnik Hajdari.

Dyshimet janë se pavarësisht se KQZ nuk i ndaloi kandidimin, SPAK po e heton për falsifikim të formularit të dekriminalizimit. E njëjta procedurë siç ndodhi me kryebashkiakun e Mallakastrës.

Kryetari i Bashkisë Kuçovë, Kreshnik Hajdari rezulton i dënuar nga drejtësia greke për akuzën e “Kalimit të Paligjshëm të Kufirit”.

Ai drejton bashkinë e Kuçovës dhe fitoi një mandat të dytë në zgjedhjet e 14 Majit. Vendimi për dënimin e kryebashkiakut Kreshnik Hajdari është dhënë në vitin 1999 nga gjyqtari i vetëm i gjykatës penale të Janinës, Nicolaos Raptis.

Gjyqtari e ka gjetur fajtor dhe dënuar Hajdarin me 1500 Dhrami.Ajo që e penalizon Hajdarin në këtë rast është fakti se ai nuk e ka deklaruar këtë dënim në formularin e dekriminalizimit. Edhe pse vetë Hajdari ka një shpjegim tjetër ligjor për rastin e tij.

Më herët, Hajdari është kallëzuar nga kandidati i opozitës për bashkinë e Kuçovës, Lefter Maliqi në SPAK se komisionerët e KZAZ Kuçovë me urdhër të kryebashkiakur socialist kanë manipuluar proçesin e votimit. syri.net

Kultivimi i kanabisit, pezullohet zv.drejtori i Policisë së Shkodrës dhe 12 efektivë të tjerë, zbardhen emrat

Zëvendës drejtori Hajri Kushe është pezulluar nga detyra, pasi dyshohet se është përfshirë në kultivimin e kanabisit në Velipojë.

Gjithashtu janë ndaluar edhe 12 efektivë, pasi favorizuan kultivimin e kanabisit.

Efektivët dyshohet kanë favorizuar kultivimin e bimëve narkotike në Njësinë Administrative Ana e Malit Shkodër, si dhe kanë neglizhuar me dashje marrjen e masave të domosdoshme për parandalimin, evidentimin e kultivimit dhe vënien para përgjegjësisë penale të autorëve

EMRAT dhe Funksionet:

Hajri Kushe – Zëvendësdrejtor i krimeve në Qarkun e Shkodrës (Pezullim nga detyra dhe ndalim për të dalë jashtë vendit);-Dedim Gjeta – Shef krimesh, ish shef i komisariatit të Shkodrës, aktualisht shef rendi i Lezhës (Ndalim dalje jashtë shtetit);

-Pëllumb Shpati – Ish shef krimesh në Shkodër, aktualisht polic në fushën e Krimit Ekonomik (Arrest shtëpie);

-Ilir Hasaj – Shef i SPZ Shkodër me gradë komisar (Ndalim dalje jashtë shtetit);

-Taulant Kurtaj – Arrest shtëpie;

-Asllan Shytaj – Ndalim dalje jashtë shtetit;

-Arben Memaj – Ndalim dalje jashtë shtetit;

-Arben Dekovi – Ndalim dalje jashtë shtetit;

-Vehbi Nase – Pezullim i ushtrimi të detyrës;

-Gjin Guri – Pezullim i ushtrimi të detyrës;

-Nazmi Beqiri ¬- Pezullim i ushtrimi të detyrës;

-Sokol Pjetri – Pezullim i ushtrimi të detyrës;

-Ardis Çoçja – Pezullim i ushtrimi të detyrës;

Ndërkohë prej disa ditësh policia ka nisur kontrolle me dronë me qëllim identifikimin dhe asgjësimin e lëndëve narkotike.

Kujtojmë se disa operacione janë kryer edhe në Skrapar, Elbasan, Krujë dhe Lezhë.

NJOFTIMI I PLOTE:

Drejtoria e Hetimit në Agjencinë e Mbikëqyrjes Policore në bashkëpunim me Drejtorinë e AMP (Rajoni Shkodër), pas hetimeve të zhvilluara nën drejtimin e Prokurorisë pranë Gjykatës së Shkallës së Parë Juridiksioni i Përgjithshëm Shkodër, ka ekzekutuar vendimin e Gjykatës, e cila ka caktuar masat e sigurimit personal ndaj punonjësve të Policisë pranë Drejtorisë Vendore të Policisë Shkodër, si më poshtë vijon:

– Masa e sigurimit personal “Arrest në Shtëpi” për punonjësin e policisë Komisar P. SH., aktualisht me detyrë Shef Seksioni për Hetimin e Krimit pranë Komisariatit të Policisë Shkodër, i dyshuar për “Shpërdorim i detyrës” e kryer në bashkëpunim dhe “Përkrahje e autorit të krimit”.
– Masën e sigurimit personal “Arrest në Shtëpi” për punonjësin e policisë Inspektor T. K., aktualisht me detyrë Ndihmës Specialist i Policimit në Komuniktet pranë Komisariatit të Policisë Shkodër, i dyshuar për “Shpërdorim detyre” e kryer në bashkëpunim.

– Masën e sigurimit personal “Ndalimi i daljes jashtë shtetit” dhe “Pezullimi i ushtrimit të një detyre a shërbimi publik” për punonjësin e policisë Drejtues H. K., aktualisht me detyrë Zv. Drejtor për Hetimin e Krimeve në DVP Shkodër, i dyshuar për “Shpërdorim i detyrës”, e kryer në bashkëpunim.
– Masën e sigurimit personal “Ndalimi i daljes jashtë shtetit” dhe “Pezullimi i ushtrimit të një detyre a shërbimi publik” për punonjësin e policisë KryeKomisar A. SH., aktualisht me detyrë Shef Rendi në DVP Tiranë (në kohën e ngjarjes ka mbajtur detyrën e Shefit të Komisariatit të Policisë Shkodër), i dyshuar për “Shpërdorim i detyrës”, e kryer në bashkëpunim.

– Masën e sigurimit personal “Ndalimi i daljes jashtë shtetit” dhe “Pezullimi i ushtrimit të një detyre a shërbimi publik” për punonjësin e Policisë, Komisar D. GJ., aktualisht me detyrë Zv. Shef i Komisariatit të Policisë Shkodër, i dyshuar për veprën penale “Shpërdorim i detyrës”, e kryer në bashkëpunim.
– Masën e sigurimit personal “Ndalimi i daljes jashtë shtetit” dhe “Pezullimi i ushtrimit të një detyre a shërbimi publik” për punonjësin e policisë, Komisar I. H., aktualisht me detyrë Shef i Seksionit të Policimit në Komunitet pranë Komisariatit të Policisë Shkodër, i dyshuar për “Shpërdorim i detyrës”, e kryer në bashkëpunim.
– Masën e sigurimit personal “Ndalimi i daljes jashtë shtetit” dhe “Pezullimi i ushtrimit të një detyre a shërbimi publik” për punonjësin e policisë, Inspektor A. M., aktualisht me detyrë Ndihmës Specialist I Policimit në Komunitet pranë Komisariatit të Policisë Shkodër, i dyshuar për “Shpërdorim i detyrës”, e kryer në bashkëpunim.
– Masën e sigurimit personal “Ndalimi i daljes jashtë shtetit” dhe “Pezullimi i ushtrimit të një detyre a shërbimi publik” për punonjësin A. D., me detyrë Shef i Sektorit për Hetimin pranë Drejtorisë së AMP (Rajoni Shkodër), i dyshuar për “Shpërdorim i detyrës”, e kryer në bashkëpunim.

– Masën e sigurimit personal “Pezullimi i ushtrimit të një detyre a shërbimi publik” për punonjësin e policisë, Inspektor V. N., aktualisht me detyrë Ndihmës Specialist i Policimit në Komunitet pranë Komisariatit të Policisë Shkodër, i dyshuar për “Shpërdorim i detyrës”, e kryer në bashkëpunim.
– Masën e sigurimit personal “Pezullimi i ushtrimit të një detyre a shërbimi publik” për punonjësin e policisë, Inspektor GJ. G., aktualisht me detyrë Ndihmës Specialist i Policimit në Komunitet pranë Komisariatit të Policisë Shkodër, i dyshuar për “Shpërdorim i detyrës”, e kryer në bashkëpunim.
– Masën e sigurimit personal “Pezullimi i ushtrimit të një detyre a shërbimi publik” për punonjësin e policisë, Inspektor N. B., aktualisht me detyrë Ndihmës Specialist i Policimit në Komunitet pranë Komisariatit të Policisë Shkodër, i dyshuar për “Shpërdorim i detyrës”, e kryer në bashkëpunim.

– Masën e sigurimit personal “Pezullimi i ushtrimit të një detyre a shërbimi publik” për punonjësin e policisë, Inspektor S. P., aktualisht me detyrë Ndihmës Specialist i Policimit në Komunitet pranë Komisariatit të Policisë Shkodër, i dyshuar për “Shpërdorim i detyrës”, e kryer në bashkëpunim.

– Masën e sigurimit personal “Pezullimi i ushtrimit të një detyre a shërbimi publik” për punonjësin e policisë, Inspektor A. C., aktualisht me detyrë Ndihmës Specialist i Policimit në Komunitet pranë Komisariatit të Policisë Shkodër, i dyshuar për “Shpërdorim i detyrës”, e kryer në bashkëpunim.

Masat e sigurimit personal u ekzekutuan, pasi nga hetimet disa mujore të zhvilluara nga AMP në drejtimin e Prokurorisë Pranë Gjykatës së Shkallës së Parë Juridiksioni i Përgjithshëm Shkodër, janë administruar prova dhe fakte, ku provohet se punonjësit e policisë të mësipërm, në bashkëpunim me njëri-tjetrin, me veprime dhe mosveprime, duke abuzuar me kompetencat që ju jep detyra funksionale, kanë favorizuar kultivimin e bimëve narkotike në Njësinë Administrative Ana e Malit Shkodër, si dhe kanë neglizhuar me dashje marrjen e masave të domosdoshme për parandalimin, evidentimin e kultivimit dhe vënien para përgjegjësisë penale të autorëve dhe bashkëpunëtorëve të tyre, duke krijuar kështu kushte të favorshme për largimin e tyre.

(BalkanWeb)

‘Furtunë arrestesh’ në Policinë e Shkodrës, mes tyre zv.drejtorë krimesh dhe punonjës Policie

Hetimet për kanabis kanë ‘fundosur’ disa ish-drejtues dhe punonjës të Policisë në Shkodër.

Burime nga mediat bëjnë të ditur se janë dhënë disa masa arresti për drejtuesit dhe punonjësit e Policisë së Shkodrës, pasi dyshohet se janë përfshirë në hetimet për aksionin e uniformave blu për kanabisin në Obot të Velipojës gjatë muajve gusht-shtator.

Masat ‘arrest shtëpie’ janë dhënë për:

-H.K – zëvëndësdrejtor i krimeve në Qarkun e Shkodrës;

-Dedim Gjeta ish-shef krimesh

-Pëllumb Shpati, ish-shef krimesh aktualisht polic tek krimi ekonomik

-Ilir Hasa, shef shkoder me grade komisar.

Këto persona akuzohen për shpërdorim detyre. Pritet që në orët në vijim të ketë më shumë detaje dhe një njoftim zyrtar nga autoritetet./ dita

Berisha: Ftoj DASH dhe Kongresin e SHBA-ve të hetojë për pronat e Yuri Kim në Shqipëri

Kryetari i Partisë Demokratike Sali Berisha i ka bërë edhe njëherë thirrje Departamentit Amerikan të Shtetit dhe Kongresit të ShBA-ve që të hetojnë pronat e Yuri Kim në Shqipëri.

Berisha e quajti një zhvillim pozitiv largimin e saj, duke theksuar se qëndrimi i Yuri Kim në Shqipëri ishte një hile e neveritshme që ajo me Olta Xhaçkën dhe Edi Ramën, i bëri vendit të vet, haptas.

Berisha: Së pari unë nga largimi i saj është një zhvillim shumë pozitiv. Zgjatja e qëndrimit të saj ishte një akt, një hile e neveritshme që ajo me Olta Xhaçkën dhe Edi Ramën, i bëri vendit të vet, haptas. Ajo për të zgjatur qëndrimin, për ti bërë shërbimet e fundit në këto zgjedhje dhe kundër opozitës, i kërkoi Ramës dhe Xhaçkës, që të thonë se po ikën. Shefat e saj pastaj thanë se nuk mund të na diktojnë se kur ikën, e kur rrin, etj. Së dyti, meqenëse ajo po ikën, i thashë në parlament mesazhin që kisha. Por një gjë që nuk mu kujtua në atë moment, po ja them tani. Ftoj përsëri Inspektorin e Përgjithshëm të Departamentit të Shtetit, Kongresin e SHBA dhe FBI-në, të hetojnë për pronat e saj në Shqipëri. Sikundër theksoj se, zëdhënësi i saj Edi Rama, aludoi se unë e kisha fjalën për Yuri Kim polakun. Unë nuk ngatërroj një polak me një amerikane kurrë. Nuk e kam patur kurrë fjalën për Yuri Kim polak. Por me të u dekonspirua një gjë, u tregua komunikimi që kanë ata të dy kundër meje. Tani nuk doli kush tjetër me më përgënjeshtruar mua veç Edi Ramës. Tani vetëkuptohet kjo, por unë nuk e kisha fjalën për një Yuri Kim polak. E them me përgjegjësi të plotë.

Studentët në protestë: Universiteti mbyll derën për mediat

Studentët e mjekësisë vijuan edhe sot protestat kundër kontratave të detyrueshme.

Por universiteti mbylli dyert për të penguar protestën.

Më pas, mediat nuk u lejuan që të futen në ambientet e universitetit për të pasqyruar protestën.

Studentët kundërshtojnë propozimin e ministrisë për një kontratë punë trevjeçare në Shqipëri, ose të paguajnë një tarifë prej 5 mijë eurosh.

Sipas tyre, ata janë të bashkuar në protestë dhe nuk ka tentativa për t’i përçarë. Studentët deklaruan se kanë biseduar me ministrinë, por nuk kanë arritur në asnjë konkluzion, ndaj janë në nivelet e protestave.

“Nuk ka konsultime, nuk ka pasur tentativa për diskutime. Ne kemi mbetur në nivelin e protestave pa përgjigje. U dërguan emaili tek të gjithë studentët dhe sipas dëshirës janë mbledhur për ta diskutuar”, tha një student.

Studentët e mjekësisë u shprehën të vendosur se do të protestojnë derisa ky vendim të anulohet.syri.net

Nën hetim për “Shpërdorim detyre”- Pas më shumë se pesë orësh, ish-ministri Arben Ahmetaj përfundon dëshminë në SPAK

Ish-ministri Arben Ahmetaj ka përfunduar dëshminë në SPAK në kuadër të hetimeve që po bëhen ndaj tij.

Më herët, gazetarja Klodiana Lala raporton për “BalkanWeb” se Ahmetaj dyshohet për veprën penale të shpërdorimit të detyrës, korrupsionit, fshehje të pasurisë si dhe ka dyshime për pastrim parash.

Hetimi ka nisur në kuadër të aferës së inceneratorëve. Kjo është hera e parë që ish-zv.kryeministri paraqitet në SPAK për këto hetime.

Më herët janë arrestuar ish-ministri Lefter Koka dhe ish-deputeti i PS-së Alqi Bllako dhe janë shpallur në kërkim tre biznesmenët Mirel Mërtiri, Klodian Zoto dhe Stela Gugalljan.

Sipas gazetares Lala, pyetja e Ahmetajt ka të bëjë me një sekuestrim dhe marrjen e një dokumentacioni në Kuvendin e Shqipërisë. SPAK një javë më parë ka zbarkuar në Kuvend për të marrë të gjithë dokumentacionin e Komisionit hetimor parlamentar për inceneratorët.

Kandidati për Avokat Populli, Ndregjoni: Opozita të shohë kontributin tim, jo interesat personale

Besim Ndregjoni, kreu i ish-të përndjekurve politik ishte këtë mesditë i ftuar në “News24”, foli lidhur me kandidimin e tij për Avokat Populli.

“Unë kandidova për Avokat Populli, u bë siç u bë ai votim, dhe rikandidova sërish tani dhe dhashë performancën time aty, ku u mirëprita nga komisioni i ligjeve dhe 45 deputetë që kanë votuar që të jem kandidat. Mora një mirënjohje dhe për përvojën time 32-vjeçare për mbrojtjen që i kam bërë të drejtave të njeriut. Opozita aktuale nuk është se ka ndonjë gjë me mua, por këto shohin në vendosjen e këtyre kandidaturave interesave politike, dhe jo kontributin. Unë u bëj apel të dy grupeve politike që të demokratizojnë institucionit të Avokatit të Popullit”, tha ai.

Sa i përket situatës politike të opozitës ai tha: Është një situatë paradoksale, që pas 32 vitesh pluralizëm, sot vendi ndodhet pa opozitë. Opozita kohët e fundit është kthyer si kooperativat bujqësore, zihen se kush do të vihet kryetar.bw

Hetimet ndaj tij, ish-ministri Arben Ahmetaj paraqitet në SPAK

Ish-ministri Arben Ahmetaj paraqitet në SPAK në kuadër të hetimeve që po bëhen ndaj tij.

Gazetarja Klodiana Lala raporton për “BalkanWeb” se Ahmetaj dyshohet për veprën penale të shpërdorimit të detyrës, korrupsionit, fshehje të pasurisë si dhe ka dyshime për pastrim parash.

Hetimi ka nisur në kuadër të aferës së inceneratorëve. Kjo është hera e parë që ish-zv.kryeministri paraqitet në SPAK për këto hetime.bw

Mali i Zi heq dorë nga marrëveshja që e shpëtoi nga borxhi kinez

Në një shfaqje të besimit në financat e tij, Mali i Zi ka vendosur t’i japë fund një marrëveshjeje me bankat perëndimore, që e mbronin shtetin nga rritja e borxhit për një kredi kundërthënëse kineze prej gati 1 miliard dollarësh për ndërtimin e një autostrade.

Ky është vendimi i fundit në sagën e autostradës kontroverse Bar-Bolare në Mal të Zi – që është ndërtuar nga Korporata Rruga dhe Ura e Kinës [CRBC] dhe është financuar nga Banka Eksport-Import e Kinës me një kredi të madhe – që ka krijuar një rrezik afatgjatë ekonomik, duke e ngarkuar shtetin me borxhe ndaj Pekinin, që dikur arritën vlerën e më shumë se një të tretës së buxhetit të këtij shteti.

Ministria e Financave e Malit të Zi tha përmes një deklarate se po largohej nga marrëveshja “për shkak të kushteve favorizuese të tregut”.

Me largimin nga kjo marrëveshje, që e konvertoi borxhin e saj në bankën kineze nga dollari në euro, ministria tha më 14 qershor se ajo fitoi “afërsisht 64 milionë dollarë”, për shkak të rritjes së vlerës së dollarit kohëve të fundit. Ky institucion tha se do të përdorë këto para për të ndihmuar në pagesën e ardhshme të borxhit ndaj Kinës, që duhet të bëhet në janar.

Ministri i Financave, Aleksandar Damjanoviq, pas këtij njoftimi tha për Radio Mali i Zi se për shkak të pasigurisë në rritje në tregjet botërore, ishte shumë e rrezikshme që shteti të vazhdonte të qëndronte në këtë marrëveshje.

“Gjatë marrëveshjes mbrojtëse, ne morëm pasigurinë e jashtme të tregjeve të huaja dhe luftën në Ukrainë, që ishte pasojë për Evropën, si një raport i paqëndrueshëm i valutës me botën”, tha ai.

Ndërtimi i autostradës është përballur me vonesa, me kosto në rritje, shqetësime mjedisore, me kritika mbi praktikat e dyshimta të huadhënies kineze dhe me korrupsionin lokal.

Sipas planit origjinal të nënshkruar më 2014, 41 kilometra – që u hapën për qarkullim në korrik të vitit 2022 – do të ishin pjesë e autostradës prej 163 kilometrash që do të lidhë bregdetin në Adriatik të Malit të Zi me Serbinë fqinje. Projekti synonte të transformonte shtetin në një qendër transportin për rajonin më të gjerë dhe të forconte aktivitetin ekonomik. Por, ende ka pyetje nëse 122 kilometrat e mbetura të autostradës do të përfundojnë.

Çështja e autostradës u bë lajm botëror në prill të vitit 2021, kur zyrtarët në Mal të Zi i kërkuan Bashkimit Evropian ndihmë që të paguajnë një kredi të madhe pasi kësti i parë duhej të paguhej atë verë. Përderisa Brukseli po shqyrtonte vendimin për këtë çështje, avokuesit evropianë për ndihmë financiare brenda BE-së paralajmëruan se Mali i Zi – shtet me 620.000 banorë – ishte në rrezik që të merrej nën kontroll financiar nga Kina.

Në korrik të vitit 2021 u arrit marrëveshja – me ndihmën e BE-së – midis Malit të Zi dhe katër institucioneve financiare perëndimore: Goldman Sachs, Merrill Lynch, Societe Generale dhe Deutsche Bank.

Marrëveshja 14-vjeçare, e cila përfshinte edhe një klauzolë të ndërprerjes së akordit pas dy vjetësh, u dizajnua për të mbrojtur shtetin nga luhatja e kursit të këmbimit euro-dollar, që ndikoi drejtpërdrejt në shumën e borxhit.

Për shkak se Mali i Zi, që përdor euro, nuk u mbrojt nga luhatjet e monedhës dhe nuk arriti të përfshinte masa mbrojtëse në planet e saj fillestare, çmimi i projektit vazhdoi të rritej. Përderisa vlera e dollarit u rrit kundrejt euros, kostoja e autostradës u rrit dhe një herë arriti në më shumë se 100 milionë dollarë.

Pse Mali i Zi po heq dorë nga marrëveshja?

Marrëveshja me institucionet financiare perëndimore u arrit para se Mali i Zi të paguante këstin e parë, prandaj Podgorica i pagoi katër këstet e saj të para, në vlerë prej 158 milionë dollarësh, me euro, me një normë më të ulët interesi, tha Ministria e Financave.

Marrëveshja nënkuptonte që Mali i Zi do të paguante me euro me një normë interesi prej 0.88 për qind, në vend se me dollarë me një normë interesi prej 2 për qind, ashtu siç ishte paraparë më 2014, kur për herë të parë u bë publik projekti. Kjo nënkupton që Podgorica i ka paguar Bankës Eksport-Import të Kinës 25 milionë dollarë (23 milionë euro) më pak, nëse borxhi do të vazhdonte të ishte i lidhur me kursin e këmbimit të dollarit.

Derisa Qeveria e Malit të Zi e ka justifikuar vendimin e saj si të nevojshëm duke pasur parasysh parashikimet e zymta për tregun e eurozonës, që hyri në recesion në tremujorin e parë të këtij viti, jo të gjithë brenda këtij shteti e kanë pranuar këtë shpjegim zyrtar.

Millojko Spanjiq, që ishte ministër i Financave në kohën kur u arrit marrëveshja me institucionet perëndimore, tha se beson se Qeveria u largua nga marrëveshja sepse po i mbarojnë financat shtetërore dhe asaj i duheshin 64 milionë dollarë, që i fitoi nga largimi nga marrëveshja, që të mund të bëjë pagesën e këstit të ardhshëm të borxhit.

“Arsyeja e vërtetë për largimin e kësaj qeverie nga marrëveshja mbrojtëse është se nuk ka para në Thesarin e saj”, tha ai gjatë një paraqitjeje më 16 qershor në Radio Televizionin e Malit të Zi.

Ky pretendim i Spajiqit është vështirë të verifikohet. Por, një analizë e kryer nga Shërbimi i Ballkanit i Radios Evropa e Lirë e buxhetit të Ministrisë së Financave në katër muajt e fundit shfaqi të ardhura më të larta sesa ishin planifikuar, teksa shpenzimet ishin të vogla. Sezoni i verës, ku pritet të ketë numër të lartë të turistëve në Mal të Zi, mund të rrisë edhe më shumë të ardhurat e shtetit.

Mirza Mulleskoviq, analist i ekonomisë dhe themelues i firmës konsulente me seli në Podgoricë, Inteligencija MNE, tha se është e vështirë të thuhet se si do të ndikojë për shtetin heqja dorë nga marrëveshja. Ai shtoi se është e vështirë të parashikohen ndryshimet në treg për shkak të ngjarjeve botërore.

“Askush nuk mund të parashikojë se çfarë do të ndodhë në nivel botëror, veçmas sa i përket rreziqeve që paraqesin valutat”, tha ai për Radion Evropa e Lirë.

“Çdo ngjarje mund të çrregullojë gjithçka”.

Çfarë do të ndodhë me autostradën?

E ardhmja e dy seksioneve të mbetura të autostradës është e paqartë, por pasojat nga projekti ende nuk janë ndierë në mbarë vendin.

Ministria e Investimeve Kapitale e Malit të Zi në prill i tha REL-it se ka nisur procedurat, siç parashikohen në kontratën e saj me CRBC-në për ndëshkimet, pasi ka pasur vonesa për vite të tëra, për ndërtimin e 41 kilometrave të parë të autostradës. Ministria megjithatë nuk tregoi se sa para dëmshpërblim dëshiron të marrë nga kompania kineze. Po ashtu, ky institucion nuk dha më shumë detaje për këtë çështje.

Projekti është përballur edhe me kritika të vazhdueshme nga Rrjeti për Afirmimin Sektorit Joqeveritar (MANS), organizatë ballkanike. Ky rrjet ka ngritur shqetësime lidhur me korrupsionin dhe transparencën mbi mënyrën se si janë shpërndarë kontratat e ndërtimit te kompanitë kineze dhe ato vendase. Organizata ka ngritur kallëzim penal ndaj CRBC-së për dëmtim mjedisor në shtratin e lumit Tara. Megjithatë, ky kallëzim është hedhur poshtë.

Pavarësisht trazirave politike që ka sjellë kjo autostradë, kompanitë kineze dhe huadhënësit kinezë ende kanë hapësirë për bashkëpunim në Mal të Zi.

Në mars, Podgorica sërish ktheu sytë kah një konsorcium kinez dhe i dha kontrata për ndërtimin e një autostrade në vlerë prej 59 milionë dollarësh. Kjo autostradë synon të përmirësojë lidhjet mes qyteteve bregdetare të Budvës dhe Tivatit.

Përgatiti: Mimoza Sadiku

Dyshimet e Prokurorisë: Nga Manza, MEK organizoi sulme kibernetike ndaj Iranit

Kampi Ashraf në Manzë

Në Shqipëri, Prokuroria e Posaçme kundër Krimit të organizuar dhe Korrupsionit ka dyshime se organizata Muxhahedinët e popullit iranian (MEK), anëtarë të shumtë të së cilës janë strehuar në zonën e Manzës, pranë Durrësit, në Kampin Ashraf 3, ka përdorur territorin shqiptar për të kryer sulme kibernetike ndaj Republikës Islamike të Iranit, në disa periudha të ndryshme kohore, si dhe drejt disa institucioneve në shtetin Iranian. Kjo është arsyeja, pse Gjykata e posaçme, me anë të një vendimi të datës 19 Qershor, të cilin Zëri i Amerikës e ka parë, ka miratuar kërkesën e Prokurorisë për të ushtruar kontroll në mjediset e Kampit.

Prokuroria ka rregjistruar procedimin penal për një sërë veprash penale: “Provokim i luftës”, “Përgjimi i paligjshëm i të dhënave kompjuterike”, “Ndërhyrja në të dhënat kompjuterike”, “Ndërhyrja në sistemet kompjuterike”, Keqpërdorimi i pajisjeve” dhe “Grup i strukturuar kriminal”. Sinjalizimi është marrë nga Njësia e Hetimit të Krimit Kompjuterik, pranë policisë së shtetit e cila ka monitoruar disa faqe online dhe rrjete sociale ku janë publikuar shkrime mbi sulme kibernetike ndaj institucioneve iraniane, shoqëruar me publikimin e dokumentave dhe të dhënave të shumta personale, përfshirë foto e video të dyshuara se janë hakeruar nga sistemet kompjuterike qeveritare ne Republikën Islamike të Iranit.

Po ashtu janë monitoruar dhe të dhënat e publikuara në rrjetin sociali Telegram nga ashtuquajturi grupi “JusticeHomeland”, në të cilin ka patur mesazhe kërcënuese ndaj Shqipërisë për shkak se “nuk po i vë fre aktivitetit terrorist të MEK-ut. Ishte ky grup që pas sulmit masiv kibernetik ndaj infrastrukturës digjitale të Shqipërisë në korrik të vitit të kaluar, publikoi në vazhdimësi dokumenta dhe të dhëna të hakeruara nga institucione dhe agjenci zyrtare të Shqipërisë.

Sipas Prokurorisë “gjatë fundit të vitit 2022 është konstatuar një rritje e retorikës kërcënuese nga Republika e Iranit dhe strukturave të tyre të Inteligjencës për të kryer sulme të mundshme, përfshi dhe sulme me dronë ndaj organizatës MEK në Shqipëri”

Informacionet e përcjella Gjykatës në kërkesën për kryerjen e kontrolleve në Kampin Ashraf 3, dëshmojnë se “Ministria e Jashtme iraniane i ka përcjellë “Notë verbale” Ministrisë së Jashtme shqiptare ku thuhet se sipas inteligjencës së besueshme dhe të dokumentuar, e cila është siguruar nga agjencitë e sigurisë së Republikës së Iranit, për tre skuadra terroriste të arrestuara së fundmi, është zbuluar se janë stërvitur në kampin e organizatës MEK në Durrës”.

Duke vënë në dukje faktin se muxhahedinët në Shqipëri, janë strehuar për arsye humanitare, dhe atyre u ndalohet kryerja e çfarëdolloji aktiviteti politik, si dhe duke marrë parasysh, se Shqipëria është gjetur nën sulme të vazhdueshme kibernetike nga Irani, si kundërpërgjigje ndaj veprimtarisë së MEK-ut në Shqipëri, Prokuroria e Posaçme ka kërkuar kryerjen e kontrollit në mjediset e Kampit në Manzë me qëllim “gjetjen e serverave apo pajisjeve të tjera kompjuterike që mund të jenë përdorur për sulmet kibernetike nga Shqipëria”. Sipas Prokurorisë madje, “ka dyshime se pjestarë të organizatës MEK, janë të përfshirë në aktvitet kriminal të terrorizmit dhe të financimit të terrorizmit”.

Ndërhyrja ditën e pardjeshme e policisë, hasi sipas saj në rezistencën e fortë të anëtarëve të MEK-ut, siç dallohet dhe në disa video të shpërndara nga policia, ku mjetet e saj pengohen të avancojnë brenda kampit ku u gjetën pajisje të shumta kompjuterike të cilat u sekuestruan, si dhe dokumentacion shkresor.

Anëtarët e MEK-ut akuzuan policinë se ka përdorur dhunë, nga e cila sipas tyre ka gjetur vdekjen dhe një prej banorëve të kampit. Akuzat u hodhën poshtë nga autoritetet, të cilat saktësuan se askush nuk mund të injorojë një vendim gjykate, e aq më keq, të mundohet të pengojë zbatimin e vendimit.

Policia e Shqipërisë: Gjashtë drejtues të MEK-ut nën hetime

Kampi i Manzës i Organizatës së Muxhahedinëve të Popullit të Iranit, 21 qershor 2023.

Gjashtë drejtues të Organizatës së Muxhahedinëve të Popullit të Iranit (MEK) në Shqipëri, janë nën hetim në gjendje të lirë nga policia e Durrësit.

Policia e Shqipërisë bëri të ditur se rasti me gjashtë iranianët (të moshave nga 61-73 vjeç) është proceduar dhe ata dyshohen për veprat penale “Mosbindje ndaj urdhrit të punonjësit të policisë së rendit publik” , “Kundërshtim i punonjësit të policisë së rendit publik”, “Shkatërrim i pronës” dhe “Pengim për ekzekutimin e vendimeve të gjykatës”.

“Gjatë kryerjes së veprimeve procedurale konform ligjit, shërbimet e Policisë janë ndeshur me kundërshtimin e dhunshëm dhe të vazhdueshëm të shtetasve që strehohen në rezidencë”, thuhet në njoftimin e Policisë.

Aty shtohet se shtetasit iranianë “tentuan të pengonin shërbimet e Policisë për të vazhduar kontrollet dhe për të sekuestruar provat materiale – objekt i vendimit të Gjykatës kundër Korrupsionit dhe Krimit të Organizuar”.

Policia sqaroi, gjithashtu, se po vazhdojnë hetimet e detajuara për të dokumentuar me prova ligjore veprimet e kundërligjshme të kryera nga shtetasit rezidentë në kampin e Manzës, gjatë zhvillimit të operacionit të kryer nga Policia e Shtetit për kontrollin në ambientet e brendshme të kampit.

Në kampin e Manzës së Durrësit, Policia e Shqipërisë më 20 qershor kreu një aksion, gjatë të cilit mbetën të lënduar 15 zyrtarë policorë dhe 21 anëtarë të MEK-ut. Policia tha se kontrolli u krye sipas urdhrit të Strukturës së Posaçme kundër Krimit të Organizuar dhe Korrupsionit (SPAK), por nuk tregoi se për çfarë hetimi bëhet fjalë.

Më 2013, autoritetet shqiptare janë pajtuar – me kërkesë të Shteteve të Bashkuara – që të pranojnë rreth 3.000 pjesëtarë të Organizatës së Muxhahedinëve të Popullit të Iranit (MEK).

Departamenti amerikan i Shtetit (DASH) e ka përkrahur aksionin policor.

Situatë e qetë në kampin e Manzës

Të mërkurën situata në kampin iranian në Manzë ishte e qetë. Nuk ka pasur prani të policisë së shtetit dhe as protesta apo ndonjë reagim nga pjesëtarët e këtij komuniteti.

I gjithë perimetri jashtë kampit mbikëqyret nga një kompani private e sigurisë (Arb Security), e cila nuk lejon futjen e personave të paautorizuar nga drejtuesit e MEK-ut.

Në hyrje të kampit janë vendosur tabela paralajmëruese se ndalohen fotografimet dhe filmimet brenda ambienteve. Nga ky urdhër pati përjashtim vetëm ditën e martë pas aksionit të Policisë së Shtetit, kur përfaqësues të MEK-ut ftuan të gjithë gazetarët të hynin në ambientet e brendshme dhe të filmonin gjithçka për të provuar, sipas tyre, pretendimet se ka pasur dhunë gjatë operacionit. Ata thanë për mediat se ka pasur edhe një viktimë.

Gjatë ditës së mërkurë, derisa media të ndryshme raportonin para kampit, punonjësit e sigurisë kërkuan të dhëna për çdo punonjës të mediave.

Çfarë u sekuestrua?

Një ditë më parë, më 20 qershor, rreth një mijë forca të Policisë së Shqipërisë ndërhynë në kampin e Organizatës së Muxhahedinëve të Popullit të Iranit për të kryer një kontroll në 127 objektet që shtrihen në një sipërfaqe prej 40 hektarësh.

Ministri i Brendshëm, Bledi Çuçi, dhe drejtori i Përgjithshëm i Policisë së Shtetit, Muhamet Rrumbullaku, bënë të ditur se rezistenca e pjesëtarëve të kampit të Manzës nisi kur u konstatuan 17 ambiente ku ishin instaluar serverë dhe pajisje kompjuterike.

Si pasojë e rezistencës dhe protestave, mbetën të plagosur 36 persona, në mesin e të cilëve 15 efektivë policie dhe 21 anëtarë të MEK-ut. Policia hodhi poshtë pretendimet e organizatës MEK se një prej pjesëtarëve të tij, banor i kampit, humbi jetën si pasojë e dhunës nga ana e policisë.

“Asnjë person nuk është lënduar nga policia dhe as prekur me dorë prej efektivëve të policisë. Përkundrazi, Policia mbeti viktimë e dhunës së tyre. Nga ana jonë është përdorur thjesht sprej individual, i cili nuk ka sjellë asnjë lloj pasoje jetësore për rezidentët”, tha Rrumbullaku një ditë më parë në një konferencë për mediat pas aksionit në Manzë të Durrësit.

Gjatë kontrollit u sekuestruan 96 njësi kompjuterike, 49 laptopë, 2 tabletë, 3 karta memorie dhe materiale shkencore të shumta, të cilat anëtarët e MEK-ut tentuan t’i asgjësojnë me djegie.

Policia publikoi edhe video të realizuara me dron të momentit kur disa anëtarë të MEK po tentonin të digjnin materiale të ndryshme, ndërsa të tjera pamje treguan iranianët që u dolën para makinave të policisë duke tentuar t’i pengojnë ato për të hyrë brenda kampit.

Më 2013, autoritetet shqiptare ishin dakorduar – me kërkesë të Shteteve të Bashkuara – që të pranojnë rreth 3.000 pjesëtarë të Organizatës së Muxhahedinëve të Popullit të Iranit (MEK).

Por, zëdhënësi i DASH-it ka theksuar se SHBA-ja nuk ofron mbështetje apo trajnime për MEK-un dhe nuk kontribuon në financimin e kësaj organizate.

Irani i konsideron si terroristë pjesëtarët e kësaj organizate. Shqipëria ka ndërprerë marrëdhëniet diplomatike me Iranin pasi e fajësoi atë se qëndron prapa një sulmi kibernetik që ndodhi në korrik të vitit 2022.

Mjeku brenda kampit MEK: Një i vdekur… mbi 150 të plagosur

Tashmë është konfirmuar një viktimë nga përplasja mes policisë dhe muxhahedinëve në kampin MEK në Manz i identifikuar si Ali Mostashari.

Në një prononcim për mediat, mjeku i spitalit brenda kampit MEK ka konfirmuar se ka një viktimë si pasojë e gazit lotsjellës dhe goditjeve me shkop.

Mjeku: Kemi një person të vdekur. Na kanë sulmuar dhe deri tani një person ka humbur jetën. 150 persona të tjerë janë të plagosur. Ka vdekur nga gazi lotsjellës dhe nga goditjet me shkop, i vdekuri ka pasur probleme edhe me zemrën. Nuk e dimë qëllimin e këtij sulmi. Jemi prej 7 vitesh që jemi në paqe dhe jetojmë në Shqipëri. Është e çuditshme. Kemi persona të plagosur në kokë. Viktima është i moshës 70 vjeçare.

Pyetje: Personi që vdekur, ka humbur jetën nga arma e zjarrit apo gazi lotsjellës.

Mjeku: Jo nuk është përdorur armë zjarri, vetëm gaz lotsjellës dhe goditje me shkop.

Pyetje: Trupi i viktimës është ambientet e morgut në kampin MEK apo është transferuar në Durrës.

Mjeku: Trupi i viktimës është ende në morgun e kampit të MEK.

syri.net

124 përjashtime në emër të ‘bashkimit’, 155 e bojkotojnë- Basha kyç KK-në, merr vendime me 30% të anëtarëve

Partia e vulës ka mbledhur sot me dyer të mbyllura Këshillin Kombëtar për të miratuar vendimin e kryesisë për mbajtjen e zgjedhjeve për kryetar në 29 korrik.

Nga 453 anëtarë që kishte në total Këshilli, kanë mbetur 329 pasi 124 anëtarë janë përjashtuar si pjesë e grupimit të Rithemelimit që kanë kandiduar me koalicionin “Bashkë Fitojmë”.

Gjithashtu 155 anëtarë kanë bojkotuar mbledhjen e Këshillit Kombëtar.

Sipas burimeve për mediat, në total në mbledhje ishin 174 anëtarë, pra 30% e Këshillit Kombëtar.

Ndërkohë 39 nga 46 deputetët e kanë bojkotuar gjithashtu mbledhjen e KK-së, mes të cilëve edhe 17 deputetët që deklaroi ditën e djeshme Gazment Bardhi, të cilët kanë qenë kundër mbajtjes së zgjedhjeve për kryetar përpara se të zhvilloheshin më parë zgjedhjet në seksione, grupseksione dhe degë.

Sipas të gjitha llogarive, mbledhja e sotme e Këshillit Kombëtar të partisë së vulës është zhvilluar me 174 persona të pranishëm, por të paidentifikuar si anëtarë të këshillit.

Të pranishëm në takimin e këshillit të vulës ishin 7 deputetë, që kanë qenë më herët ‘pro’ 29 korrikut.

Merita Bakiu, Eralda Tase Bano, Kreshnik Çollaku, Seladin Jakupllari, Flutura Açka, Enkelejd Alibeaj dhe Arbi Agalliu pritet të votojnë ‘pro’ mbajtjes së zgjedhjeve për kryetarin e PD-së në 29 korrik. syri.net

Tensione në kampin e muxhahedinëve në Manzë, mbi 1 mijë iranianë protestë kundër aksionit të policisë: Po na trajtojnë si terroristë

Tensione në kampin e muxhahedinëve në Manzë. Mbi 1 mijë banorë shtetas iranianë të kampit Ashraf 3 kanë dalë në rrugë, ndërkohë që ka forca të shumta policie në gatishmëri për ruajtjen e rendit dhe sigurisë. Në rrugë ka dhe qindra gra që flasin në gjuhën e tyre kundër operacionit.

Sipas një prej muxhahedinëve dy njerëz janë vrarë dhe u dërguan në spital dhe po kështu ka dhe disa të plagosur. Dyshohet se ka pasur rezistencë ndaj policisë, e cila ka ndërmarrë një operacion për kontrollin e kampit.

“Nuk ndihemi më të sigurt këtu. Policia na sulmuan ne. Na kanë shkelur të drejtat tona të njeriut. Policia na vrau vëllain tonë. Ata erdhën në mëngjes ishin në krevate. Pse na trajtojnë si terroristë ne”, tha një grua muxhahedine.

Në vend është parë dhe një ambulancë. Ndërkohë nga ana e policisë shqiptare nuk ka informacion zyrtar. Një efektiv policie ka humbur ndjenjat dhe po i jepet ndihma e parë.bw

Kontrollet në kampin e MEK- Një person ka humbur jetën, 36 të plagosur

Një person thuhet se ka humbur jetën sot në kampin e muxhahedinëve, në Manzë, pas një përplasje mes opozitës iraniane dhe policisë.

Ky fakt konfirmohet dhe nga zëdhënësi i MEK, i cili pohon viktimë ka ngelur një banor i kampit ASHRAF. Sipas tij, banori i vrarë është Ali Mostashari.

Këtë fakt e ka konfirmuar edhe avokati i muxhahedinëve, Genc Gjokutaj. Po kështu ai shton se 36 persona janë plagosur dhe janë nën oksigjen.

Nuk dihet nëse viktima ka humbur jetën për shkaqe shëndetësore apo është vrarë.

Burime jo zyrtare nga SPAK konfirmojnë se urdhëri i kontrolleve është bërë në kuadër të një hetimi për qëllime terroriste. Të njëjtat burime të cilat janë në azhornim me situatën në terren, thonë se ka patur përplasje por nuk konfirmohet ende për të plagosur dhe viktima deri në këtë moment. Por konfirmohet se bëhet fjalë një operacion që ka ardhur pas informacioneve të siguruara nga SPAK për qëllime terroriste, dhe kjo ka qenë arsyeja e ndërhyrjes. syri.net

“Ka një listë me njerëz si Gjici”- Analisti bën deklaratën e fortë: Brenda 24-orëve mund të ketë një video skandal s*ksual të ri

Analisti Lorenc Vangjeli ka bërë një deklaratë të fortë mbrëmjen e djeshme në MCN, ku ka deklaruar se ekziston një listë me njerëz të përfshirë në skandale të ngjashme si ai i kryebashkiakut të shkarkuar të Kukësit, Safet Gjici.

Sipas tij brenda 24-orëve të ardhshme, mund të kemi një publikim të ri një skandali seksual.

“Ka një listë me njerëz, dobësia është njerëzore. Ka raste të tjera, ndoshta jo më larg se 24 orë më pas mund të kemi një moment tjetër që është përfolur, por nuk është në këto përmasa. Nuk është me video por është me audio”, deklaroi Vangjeli në emisionin “Të Paekspozuarit”. gsh

SPAK i bllokon pasaportën Alma Kaçit- Nënkryetari Gjana jep shpjegime për planin e qenve

Alma Kaçi, pritet të meret në mbrojtje nga prokuroria e posaçme SPAK, dhe të kthehet në dëshmitaren kryesore të këtij procesi penal, që ka nisur ndaj ish-kryebashkiakut të Kukësit, Safet Gjici.

Tashmë SPAK, ka rregjistruar dosjen për dy vepra penale si ajo e “Shpërdorimit të detyrës” dhe “Korrupsionit pasiv i funksionarit publik” në këmbim të përfitimeve seksuale.

Ndwrkohw mësohet se 40-vjeçares i është bllokuar pasaporta, duke vendosur një masë të përkoshme të daljes së saj jashtë shtetit.

Ndërsa njëherësh, grupi i hetimit që po ndjek rastin, ka bllokuar dhe aparatin e telefonit të Kaçit, me qëllim ekzaminimin e bisedave të 40-vjeçares, në rjetet sociale dhe aplikacione të ndryshme që mund të ketë zhvilluar me persona të tretë për këtë çështje.

Oficerët e Byrosë Kombëtare të Hetimit, kanë marë në pyetje disa punonjës të bashkisë Kukës, të cilët kanë konfirmuar prezencën e Alma Kaçit në ambjentet e bashkisë, pikërisht në datën 6 qershor 2023.

Njëherësh në pyetje rezulton të jetë marrë dhe nën/kryetari i bashkisë Kukës, Granit Gjana, i cili është personazhi i tretë i video-skandalit, dhe personi që mër kontakt me Alma Kaçin, duke administruar dokumentacionin e plan-projektit për sterilizimin e qenve të rrugës.

Në deklarimin e tij, Gjana ka pranuar se sipas udhëzimit që i dha kryetari i bashkisë, Safet Gjici, ka pranuar dokumentacionin e Alma Kaçit, për planin e ndërtimit të qëndrës së sterilizimit.
Sipas tij, plani ka mbetur vetëm në letër, pasi ende një shërbim i tillë nuk ishte diskutuar në këshillin bashkiak dhe as miratuar një projekt-buxhet.syri.net

Lefter Maliqi bën deklaratën e fortë: Ka audio-përgjim të ngjashëm me atë të Gjicit për kryebashkiakun e Kuçovës

Kandidati i koalicionit “Bashkë Fitojmë” për Bashkinë e Kuçovës, Lefter Maliqi ka bërë denoncim në studion e Panorama TV. Ai u shpreh se ekziston një audio përgjim i kryebashkiakut Kreshnik Hajdari, i ngjashëm me skandalin seksual të ish kryetarit të Bashkisë Kukës, Safet Gjici.

“Di që kjo po ndodh. Kur ndodh në qeveri ndodh në të gjitha institucionet edhe të pushtetit lokal. Edhe rasti i Kuçovës është me audio. Nuk është me figurë. Është shpërndarë në të gjitha rrjetet. Nuk mund të duket ndonjë habi e madhe. Fati i Ramës është çarja e opozitës dhe rrëmbim9i i vulës me drejtësi. Sado lekë dhe tenderua të bënin, përballja do të ishte më dinjitoze. Dy organizatat që unë i besoj janë Komisioni i Venecias dhe OSBE. OSBE ishte katër herë në Kuçovë. Kam besim se do të sjellë konkluzionet më të nxira për të këto zgjedhje në gjithë historinë e Shqipërisë.

Ka audio përgjim në zyrë si Safet Gjici. Por nuk e ka me figurë. E di gjithë Kuçova këtë histori. Ka kohë që bëhet jo vetëm një muaj para zgjedhjeve. Këta tallen me taksat e qytetarëve. Kuçova është bashki e madhe por janë tallur”, deklaroi ai.

Bardhi: 17 deputetë vendosën të mos marrin pjesë nesër në mbledhjen e Këshillit Kombëtar

Kryetari i Grupit parlamentar të PD, Gazment Bardhi në një deklaratë për mediat bëri me dije se 17 anëtarë të grupit parlamentar vendosën mospjesëmarrjen në mbledhjen e nesërme të këshillit.

Gjithashtu ai theksoi se propozuan një platformë për ringritjen e PD. Ai theksoi se një pjesë e Kryesisë e rrëzoi dhe kjo sipas tij i hap rrugën zgjedhjes së kryetarit, por argumentoi se Grupi parlamentar është i bindur se kjo është rruga e gabuar.

“Pas zgjedhjeve të 14 majit menduam se faktorët e rëndësishme brenda nesh do ti shërbenin demokratëve dhe vendit. Një opozitë e dobët i shërben Edi Ramës. Ne propozuar platformë për ringritjen e PD që i shërben bashkimit dhe jo ndarjes. Një pjesë e kryesisë e rrëzoi duke i hapur rrugë zgjedhjet se kryetarit. Vendimet e marra nuk e zgjidhin situatën që po kalon PD. Grupi parlamentar i bindur se kjo është rruga e gabuar. Por kam detyrimin ti nënshtrohem vullnetit të shumicës”, tha ai.bw

“Do më gjesh një punë këtu, të marr një shtëpi me qira?”, del video e dytë e Gjicit në zyrën e bashkisë

Gazetari Artan Hoxha ka publikuar një pjesë tjetër nga video mes ish kryetarit të Bashkisë së Kukësit, Safet Gjici dhe gruas me të cilën u përfshi në një aferë seksuale.

Në video gruaja dëgjohet teksa i kërkon një vend pune në bashki, por edhe ta ndihmojë për një projekt për qentë.

Biseda

Vajza: Do më ndihmosh të bëj një rrethim për qentë apo jo? Na sajo ndonjë punë këtu re, të vij të marr një shtëpi me qira. Kam dy shkolla. Shteti do më paguajë, sdo më paguash ti.

Gjici: Për qentë?

Vajza: Po.

Gjici: Do ta thërras unë këtë që merret me punët e qenve, se letrat duhen kaluar me vendim këshilli.

Vajza: Kam gjetur gjithë atë tokë. 400 mijë lekë të vjetra shkonte thurja.

Gjici: Nuk është problemi aty. Ne duhet ta bëjmë të gjithë procedurën që të gjithë qentë e rrugës ti marrim këtu, ti çojmë atje. Sa shkon, si shkon, situacioni, preventivi.

Vajza: i kam me projekt të tëra.

Gjici: Do ta thërras unë këtë dhe shko ti atje.

Gjici bën një telefonatë bw

Zbulohet biznesi i vajzës së përshirë në videoskandalin me Safet Gjicin, SPAK hetime për përfitime tenderash

Prokuroria e Posaçme po heton edhe aktivitetin e biznesit të gruas që shfaqet në një video duke kryer marrëdhënie seksuale me Safet Gjicin, në zyrën e tij të punës në Bashkinë e Kukësit, pak ditë pasi ai ishte rikonfirmuar në detyrë nga zgjedhjet e 14 majit.

Nga të dhënat në qendrën Kombëtare të Biznesit gruaja në fjalë në vitin 2021 ka themeluar një kompania me qendër në Tiranë, e cila ka si objekt “shërbime konsulence dhe shërbime menaxheriale për biznese të treta”.

SPAK pritet të sekuestrojë dosjet në Bashkinë e Kukësit gjatë kohës që institucioni është drejtuar nga Safet Gjici për të parë nëse gruaja në fjalë ka marrë ndonjë tender apo projekt në emër të kompanisë së saj apo personave të tretë, çka nënkupton se po hetohen edhe kontratat e fituesve te tenderave me kompanitë nënkontraktore.

Menjëherë pas publikimit të videos Prokuroria e Posaçme nisi hetimin ish kryebashkiakun Gjici për akuzën e shpërdorimit të detyrës, për shkak se ai shfaqet në video duke kryer marrëdhënie seksuale në zyrën e tij të punës me një grua tashmë të identifikuar.syri.net

Nga marrëdhënia me ish-kreun e bashkisë te akuza për shantazh, rrëfehet vajza e përfshirë në video skandalin e Safet Gjicit

Vajza e cila shfaqet në video-skandalin e publikuar ditën e djeshme në zyrën e kryebashkiakut të Kukësit, Safet Gjici është shprehur për herë të parë për mediat mbi atë që ndodhi.

E identifikuara si Alma K., ka treguar për Ora News se disa prej lajmeve dhe artikujve që qarkullojnë në internet në lidhje me të janë sajesa dhe jo të vërteta. Gjithashtu ajo ka treguar se prej kohësh ka pasur një raport intim me ish-kreun e bashkisë Kukës, Gjici.

Ajo ka pranuar se është me origjinë nga Berati dhe se është nëna e një fëmije, ndërsa ka hedhur poshtë akuzat se ajo ka qenë e punësuar nga dikush tjetër për të filmuar atë që ndodhi dhe për të shantazhuar Safet Gjicin.

Sa i përket hetimit nga SPAK, ajo nuk pranoi të tregonte nëse ka dhënë dëshmi, por zbuloi se ka punësuar juristë të cilët po shqyrtojnë dosjen e veprës.bw

Pak para skandalit seksual u publikua afera 10 milionë euro Gjici-Veliaj

Safet Gjici dha dorëheqjen dhe u shkarkua nga detyra pas publikimit të videos skandaloze duke kryer marrëdhënie seksuale në zyrën e tij.

Por prej kohësh, mediat dhe opozita kanë denoncuar faktin se ai ka përfituar miliona euro nga pushteti i Edi Ramës.

Sot është bërë e ditur se kjo shifër e tenderave që ai ka marrë nga Edi Rama shkon në mbi 112 milionë euro.

Ndërkohë, vetëm pak përpara publikimit të videos skandaloze, mediat denoncuan një tender 10 milionë euro të fituar nga Safet Gjici nga Ujësjellësi i Tiranës. Tenderi me vlerë rreth 10 milionë euro për vendosjen e kamerave në depot e Ujësjellësit të Tiranës u fitua nga një grup operatorësh, ku rolin kryesor e kishte shoqëria ‘Euro-Gjici’ e krijuar nga Safet Gjici.

Ata vepruan në kushtet e “narrëveshjes së ndaluar”, në shkelje flagrante të ligjit për konkurrencën. Kontrolli i Lartë i Shtetit deklaron se ka “vërtetuar katërcipërisht se operatorët ekonomikë kanë përdorur skemën e marrëveshjeve të ndaluara, duke rënë dakord që me përpara që të mos paraqiten secili më vete në procesin e prokurimit, por të gjithë së bashku, si bashkim operatorësh”.

Ky konstatim është publikuar në raportin e auditit të përfunduar në prill 2023 në ndërmarrjen e Ujësjellës-Kanalizimeve Tiranë dhe të publikuar së fundmi. Megjithatë, një fakt i tillë nuk është marrë parasysh.

Tenderi u denoncua edhe nga kreu i opozitës, Sali Berisha. “Lal Vjedhësi ndan me Gjicin 10 mln euro, në tenderin e Ujësjellësit të Tiranës,” shkruante Berisha. syri.net

BIRN: Gjici drejton qytetin më të varfër dhe me më shumë emigrim

BIRN

Kryetari i Bashkisë së Kukësit Safet Gjici dha dorëheqjen të premten pasi në internet qarkulloi një video e tij duke kryer marrëdhënie seksuale me një grua në zyrën e kryetarit të bashkisë.

Video që është filmuar në zyrë dhe u shpërnda gjerësisht në rrjete sociale mban datën 6 qershor 2023. Pas publikimit të saj SPAK njoftoi nisje të një procedimi penal, por pa bërë të qartë se për çfarë akuze kishin filluar hetimet.

Vetë Gjici dha dorëheqjen disa orë pas publikimit. Në një mesazh në faqen e tij në Facebook ai kërkoi ndjesë dhe pretendoi se kishte rënë pre e një kurthi. “Ndjesë të thellë publike çdokujt që sot ka parë atë material të shëmtuar video. Fatkeqësisht unë rashë pre e një kurthi të përgatitur me detaje nga e njëjta dorë njerëzish me të cilët u përballa në zgjedhje”, shkroi ai duke fajësuar rivalët politikë.

Gjici më tej pranoi që ishte në një marrëdhënie me gruan që shfaqet në video, por tha se në këtë situatë nuk kishte vlerë asnjë lloj justifikimi. Më tej ai shkroi se jepte dorëheqjen. “Nuk mund të jem më unë njeriu që punon në atë zyrë shteti pasi e kam tradhtuar besimin e atyre mijëra njerëzve që besuan e punuan me mua për ta bërë Kukësin një qytet gjithnjë e më të mirë”, shkroi ai dhe e cilësoi ngjarjen një “mendjelehtësi të pafalshme”.

Ndërkohë pasi Gjici pati njoftuar dorëheqjen, ministrija e Financave Delina Ibrahimi njoftoi se Këshilli i Ministrave kishte vendosur shkarkimin e menjëhershëm të Gjicit nga detyra.

Gjici i fitoi zgjedhjet lokale të majit dhe mori mandatin e dytë në Kukës. Mandatin e parë ai e mori në zgjedhjet pa garë të vitit 2019.

Qarku i Kukësit është ndër më të varfrit në Shqipëri dhe vazhdon të eksportojë një numër të lartë emigrantësh, veçanërisht në Mbretërinë e Bashkuar. Sipas një anketimi të organizatës Swisscontact, popullsia e Kukësit ka rënë me 13% gjatë dekadës së fundit dhe gati 37% e banorëve të mbetur po planifikojnë gjithashtu të emigrojnë.

Gjici është kryebashkiaku i dytë Socialist në 10 vitet e fundit që dorëhiqet pas një ngjarje të ngjashme. Pasi u arrestua në maj 2016, ish-kryebashkiaku i Dibrës Shukri Xhelili u dënua me 1 vit e 8 muaj burg, përfshi kohën e paraburgimit, për akuzën e “marrëdhënies seksuale ose homoseksuale duke shpërdoruar detyrën”. Xhelili u arrestua pas transmetimit të një kamera të fshehtë ku ai shfaqej duke i ofruar një vend pune një vajze në këmbim të favoreve seksuale.

VIDEO e Gjicit, reagon PD: Pushtet i marrë pa të drejtë, presidenti të shpallë ditën e zgjedhjeve

Partia Demokratike ka reaguar pas videos së bërë publike të kryebashkiakut të Kukësit, Safet Gjici i cili bën seks në zyrën e tij.

PD-ja akuzon se kjo është pasoja e pushtetit të marrë pa të drejtë, dhe të vjedhur.

Në deklaratën për mediat, PD kërkon shpalljen e ditës së zgjedhjeve në Kukës.

Deklaratë e Partisë Demokratike të Shqipërisë

Video e publikuar sot, që përmban një regjistrim të pahijshëm të kryetarit të Bashkisë së Kukësit, Safet Gjici, ka sjellë në vëmendje të opinionit disa fakte që lidhen me pushtetin dhe abuzimin me të.

Së pari, është përdorimi i zyrës së kryebashkiakut si dhomë gjumi apo shtëpie publike, çka shënon mungesën e respektit për institucionet dhe për votuesit.

Së dyti, është shenjë se pushteti i fituar pa të drejtë, me para dhe abuzime elektorale, çon në sjellje të tilla të padenja për një funksionar publik dhe prind.

Së treti, video e Gjicit është shenja se pushteti i Edi Ramës nuk ushtrohet ndryshe veçse duke shkelur ligjin dhe kodet e etikës, duke përdhosur zyrat e shtetit. Pushtetit të tij nuk i mjaftojnë shtëpitë, hotelet, makinat. Ky pushtet, pasi merr me forcën e abuzimit elektoral zyrat e shtetit, i kthen ato në ‘distrikt të dritave të kuqe’.

Ky është një sistem që ngrihet prej një dekade tashmë, dhe video e Gjicit është simptoma e kësaj mënyre të ushtruarit të tij. Abuzimi me postin, të konsideruarit e detyrës si mundësi për të kënaqur funksionarin dhe jo shërbyer qytetarin, për të ushtruar presion, merr formën më të plotë gjatë fushatës elektorale dhe zgjedhjeve.

Safet Gjici, si produkt i zgjedhjeve të abuzuara dhe shtrembëruara, nuk mund të kishte fund tjetër. Safet Gjici si modeli që Rama ka zgjedhur, nga Veriu në Jug, nuk mund të prodhonte trashëgimi tjetër veç asaj që la në Kukës. Një qytet të zbrazur nga ku duan të ikin të gjithë, me stadium dhe aeroport ku nuk ka tifozë dhe as udhëtarë.

Një zyrë kryebashkiaku e cila u vulos me zgjedhje të vjedhura dhe me nderin e institucionit dhe të trevës të përdhosur. Ndërkohë që organet e ligjit bëjnë punën e tyre, dhe duke qenë se vendi i kryetarit të Bashkisë është tashmë vakant, i bëjmë thirrje Edi Ramës të njoftojë Presidentin për vakancën, dhe ky i fundit të shpallë sa më parë datën e zgjedhjeve.

Kuksianët kanë të drejtë të flasin me votë dhe të zgjedhin kryetarin e tyre denjësisht. Ata që zgjidhen kulisave në kulisa e mbyllin, siç vërtetoi video-regjistrimi.

ZYRA E SHTYPIT DHE KOMUNIKIMIT, PARTIA DEMOKRATIKE

Kolegji Zgjedhor vendos të përsëriten zgjedhjet në Rrogozhinë.

Kolegji Zgjedhor ka vendosur që të përsëritë zgjedhjet në Rrogozhinë.

Në vendimin e zbardhur të Kolegjit, thuhet se përfshirja e tabelës së rezultateve të votimit në burgun e Rrogozhinës ka qenë e paligjshme.

Për këtë arsye kolegji zgjedhor ka vendosur që të ripërsëriten zgjedhjet në bashkinë e Rrogozhinës. Ankesa në Kolegj u bë nga koalicioni Bashkë Fitojmë.

KQZ pritet të shpallë datën e zgjedhjeve brenda 4 javësh.

Pak ditë më parë u rinumëruan votat në këtë bashki dhe Edison Memolla, kandidati i Partisë Socialiste, rezultoi fitues. Edison Memolla rezultoi me 21 vota avantazh nga 30 të tilla që kishte shpallur KZAZ.

NJOFTIM PËR MEDIA

Pranë Gjykatës Administrative të Apelit Tiranë, për llogari të Kolegjit Zgjedhor Gjyqësor, është paraqitur për shqyrtim çështja Nr.31 Regj. Themeltar, Datë 09.06.2023 Regjistrimi, me:

ANKUES: Koalicioni ‘Bashkë Fitojmë’.

ANKUES: Person i tretë, kandidati për kryetar bashkie, Bashkia Rrogozhinë, z. Shkëlqim Hoxha.

KUNDËR: Vendimit nr.174, datë 06.06.2023 të Komisionit të Ankimimeve dhe Sanksioneve, KQZ.

Për dijeni, Komisioni i Ankimimeve dhe Sanksioneve (KAS), me Vendimin nr.174, datë 06. 06. 2023, objekt i ankimittë mësipërm, ka vendosur:

1. Pranimin e pjesshëm të kërkesës ankimore nr.80, datë 23.05.2023, të depozituar nga koalicioni ‘Bashkë Fitojmë’.

2. Ndryshimin e vendimit nr.531, datë 18.05.2023 të Komisionerit Shtetëror të Zgjedhjeve ‘Për miratimin e Tabelës Përmbledhëse të Rezultateve për zgjedhjen e Kryetarit të Bashkisë Rrogozhinë, në zgjedhjet për organet e qeverisjes vendore të datës 14 Maj 2023’, sipas tabelës përmbledhëse të miratuar me vendimin e ndërmjetëm të KAS të datës 05.06.2023. Data: 06.06.2023 Nr: 174 Ora: 12:15 ‘Për shqyrtimin e kërkesës ankimore nr.80, datë 23.05.2023 të depozituar nga koalicioni ‘Bashkë Fitojmë’’.

3. Rrëzimin e kërkesës për mospërfshirjen në Tabelën Përmbledhëse të Rezultateve për zgjedhjen e Kryetarit të Bashkisë Rrogozhinë, në zgjedhjet për organet e qeverisjes vendore të datës 14 Maj 2023, të rezultatit të zgjedhjeve për Qendrën e Votimit nr. 2224/01, IEVP Rrogozhinë.

Ky vendim hyn në fuqi menjëherë dhe publikohet në faqen zyrtare të Komisionit Qendror të Zgjedhjeve.

Bazuar në pikën 1 të nenit 145 të Kodit Zgjedhor, kundër këtij vendimi mund të bëhet ankim në Kolegjin Zgjedhor Gjyqësor pranë Gjykatës Administrative të Apelit, brenda 5 ditëve nga shpallja e tij, sipas përcaktimit të pikës 2 të nenit 152 të Kodit Zgjedhor’.

Më datë 12.06.2023 u hodh shorti publik për përcaktimin e përbërjes së Kolegjit Zgjedhor Gjyqësor dhe, sipas tij, trupi gjykues përbëhet nga gjyqtarët:

1. Esmeralda Xhili (Relatore);

2. Blerona Hasa (Anëtare);

3. Emona Muҫi (Anëtare);

4. Edlira Petri (Anëtare);

5. Marsela Dervishi (Anëtare).

Me Urdhër datë 13.06.2023 ‘Për caktimin e seancës gjyqësore’ të Kolegjit Zgjedhor Gjyqësor është caktuar data 15.06.2023, ora 15:00, për zhvillimin e seancës gjyqësore. Relatori i ҫështjes ka disponuar Vendimin datë 13.06.2023 ‘Për plotësimin e të metave të kërkesëpadisë’.

Lidhur me ambientin e zhvillimit të seancës gjyqësore, Kolegji Zgjedhor Gjyqësor caktoi Gjykatën Administrative të Apelit, në adresën Rr.’Ismail Qemali’, Njësia Bashkiake nr. 2, Tiranë, në kushtet kur prej njoftimeve të datave 12.06.2023 dhe 13.06.2023, në grupin e gazetarëve në aplikacionin WhatsApp, nuk pati asnjë konfirmim për pjesëmarrje në seancë, ҫka do të diktonte zhvillimin e seancës në ambientet e Këshillit të Lartë Gjyqësor.

Gjykata Administrative e Apelit Tiranë.

syri.net

Berisha: Ndarja e Kosovës nisi me vizitën e Ramës në Beograd, ka lidhje misterioze me Vuçiçin

I ftuar në “Ora e Betit” në RTV Ora, Sali Berisha u shpreh se çdo gjë filloi pas vizitës së kryeministrit Rama në Beograd.

Ai tha se Vuçiç me disa lidhje misterioze me Edi Ramën ktheu në tavolinë ndarjen dhe ndryshimin e kufijve dhe Ballkanin e Hapur.

Berisha: Çdo gjë filloi pas vizitës së tij në Beograd. Nuk kishte pretendime për kufijtë, sepse ishin mbyllur pretendimet. Vuçiç me disa lidhje misterioze me Edi Ramën ktheu në tavolinë ndarjen dhe ndryshimin e kufijve dhe Ballkanin e Hapur dhe tashmë e ka futur vendin tonë në një konfliktualitet me Kosovën.

Rama dhe Vuçiç duan të ndajnë Kosovën, e kam denoncuar disa herë. Nuk jam për ndarjen e Kosovës, sepse nuk kemi tokë për të dhënë ne.

Berisha: Rama me urdhër të Vuçiç anulon takimin me qeverinë e Kosovës

Kreu i Partisë Demokratike, Sali Berisha ka reaguar pas vendimit skandaloz të kryeministrit Rama për anulimin e mbledhjes së përbashkët me qeverinë e Kosovës.

Berisha është shprehur se Edi Rama i nxirë sterrë me një protagonizëm qesharak idiotesk, njoftoi anullimin e takimit të njoftuar prej kohësh midis dy qeverive të Shqipërisë dhe Kosovës si fillimi i sanksioneve ndaj kësaj qeverie.

“Në një akt antikombëtar prej argati të neveriteshëm të serbomadhit Vuçiç, i ngërthyer nga skandali McGonigal, Edi Rama i nxirë sterrë me një protagonizëm qesharak idiotesk, njoftoi anullimin e takimit të njoftuar prej kohësh midis dy qeverive të Shqipërisë dhe Kosovës si fillimi i sanksioneve ndaj kësaj qeverie. Ky vendim për anulimin e mbledhjes si hakmarrje për hedhjen poshtë nga qeveria dhe forcat politike të Kosovës të draftit të tij të marrë në sirtaret e Beogradit, dëshmon së çfarë është i gatshëm të bëjë ky njeri për serbomadhin Vuçiç, por dhe lëkurën e tij, pasi është në hetim penal për aferën McGonigal, korruptimin e ish shefit të kundërinteligjencës së Neë York-ut në kohën kur ai ishte në detyrë. Shtoj këtu se, javë më parë dosja shqiptare e McGonigal me personazhë kryesorë Ramën dhe bashkëpuntorët e tij u bashkua për shkak të lidhjeve me dosjen ruse.

Dënoj me ashpërsinë më të madhe aktin e ndërhyrjes brutale të Edi Ramës në punët e brendshme të Kosovës dhe i bëjë thirrje komunitetit ndërkombëtar të mos harrojë se Edi Rama në këtë sherr më qeverinë e Kosovës mbron interesa personale dhe se, që nga ardhja e tij në pushtet ai është protagonist kryesor i projekteve të Serbisë së Madhe dhe ndarjes së Kosovës me Aleksandër Vuçiç.

Së fundi ju bëjë thirrje autoriteteve të Kosovës të bëjnë çdp përpjekje për ç’tensionimin e situatës dhe rikthinin në axhendën e Marrëveshjes së Ohrit dhe zbatimin e saj si interesi më i mirë i Kosovës, por edhe paqes dhe stabilitetit në rajon.” syri.net

Ka reaguar Ricardo Gutiérrez, Sekretari i Përgjithshëm i EFJ pas lajmit se ish deputeti & ish zëdhënësi i PS zgjidhet drejtor i RTSH-së në shkelje të hapur të ligjit

Pas lajmit se ish-zëdhënësi dhe deputeti i PS Alfred Peza zgjidhet drejtor i RTSH-së në shkelje të hapur të ligjit ka reaguar Ricardo GutiérrezSekretari i Përgjithshëm i EFJ (Secrétaire Général në European Federation of Journalists – EFJ) – si më poshtë:

” #Albania: we are alarmed by the wave of arbitrary dismissals ordered by the new director of Albanian public television #RTSH, Mr Peza. We invite all the journalists targeted to inform the European Federation of Journalists – EFJ.

Alfred Peza is a media executive who has been both a former MP and Secretary of Media Relations for the Albanian Socialist Party until September 2021.

#MediaFreedomCrackdown”

Përkthimi në shqip:

#Shqipëri: Jemi të alarmuar nga vala e shkarkimeve arbitrare të urdhëruara nga drejtori i ri i televizionit publik shqiptar #RTSH, zoti Peza.

Ftojmë të gjithë gazetarët e prekur të informojnë Federatën Evropiane të Gazetarëve – EFJ.

Alfred Peza është një drejtues mediash, i cili ka qenë edhe ish-deputet dhe Sekretar i Marrëdhënieve me Median për Partinë Socialiste Shqiptare deri në shtator 2021.

#MediaFreedomCrackdown”

Më poshtë Voal.ch po sjell lajmin e marrë nga BIRN:

“Këshilli Drejtues i Radiotelevizionit Shqiptar, RTSH, zgjodhi të martën Alfred Pezën si drejtorin e ri të Përgjithshëm, një ish-deputet dhe ish-zëdhënës politik i Partisë Socialiste.

Edhe pse votimi ishte i fshehtë, Peza u zgjodh me votat unanime të nëntë anëtarëve të pranishëm në mbledhjen me dyer të mbyllura, ku u votua mes katër kandidaturave për këtë post drejtues. Kandidatët e tjerë në garë ishin Laureta Roshi, Enrik Mehmeti dhe Helidon Haliti.

Ligji për Median Audiovizive i pengon funksionarët politikë që të kandidojnë për kreun e televizionit publik, duke mos lejuar kandidimin e atyre që kanë qenë deputetë apo kandidatë për deputetë në dy legjislaturat e fundit, anëtarë partish apo organizatash politike, apo të zgjedhur në pushtetin vendor.

Këshilli Drejtues pretendon se Peza i plotësonte këto kritere, ndonëse më parë ai është angazhuar si deputet dhe më pas si sekretar i Marrëdhënieve me Mediat dhe Shoqërinë Civile deri në shtator 2021.

‘Nuk ka qenë deputet në dy legjislaturat e fundit,’ tha Leka Bungo, kryetar i Këshillit Drejtues të Radiotelevizionit Shqiptar. I pyetur nga BIRN për angazhimin e Pezës në PS, Bungo tha: ‘ka sjellë dokument që vërteton se nuk është anëtar i PS-së’.

Peza e nisi karrierën si gazetar dhe drejtues mediash në fillim të viteve ’90, për t’u angazhuar politikisht në vitin 2013 me Partinë Socialiste, kur u zgjodh deputet i saj në zonën e Peqinit.

Gjatë legjislaturës 2013-2017 ai mbajti poste politike në parti si zëdhënës dhe më pas sekretar dixhital i votuar nga Asambleja e partisë. Në vitin 2017, Peza nuk u rikandidua në listën e PS-së, por vazhdoi të ushtronte poste politike.

Gara për drejtorin e ri u hap në fund të majit, pas dorëheqjes së drejtorit të mëparshëm, Enkelejd Joti.”

Alizoti: Rikthimi në skenë i Bashës, i turpshëm. Në politikë e ka mbajtur Berisha

Në emisionin “Kjo Javë” në News24 me gazetaren Nsida Tufa, po diskutohet në lidhje me situatën politike në vend dhe ngjarjet e fundit në Partinë Demokratike.

I ftuar në studio, deputeti Tomor Alizoti ka deklaruar se në kushtet që ndodhet momentalisht opozita e ka të pamundur që të vijë në pushtet, ndërsa ka renditur edhe arsyet që sipas tij çuan në një rezultat të tillë të opozitës në “Lokalet 2023”.

Ai u shpreh se situata në PD, mungesa e alternativës nga opozita dhe përdorja e administratës nga pushteti si armatë për qëllimet vetjake e përdorimi i parave të krimit, kanë sjellë rezultatin në zgjedhjet e 14 majit.

Alizoti ka folur edhe në lidhje me situatën në PD dhe rikthimin në skenën politike të ish- kreut të PD Lulzim Basha.

Ai u shpreh se një akt i tillë nuk ka logjikë politike, por se shtoi se beson që me “mënyra hileqare” ai do të arrijë të jetë sërish në krye të PD.

Pjesë nga diskutimi në studio:

Nisida Tufa: Çfarë treguan zgjedhjet?

Tomor Alizoti: Shqipëria ka 30 vite me problemin themelor të demokracisë, zgjedhjet.
Sa kalon koha, zgjedhjet në vend po bëhen të pamundura.

Ky sistem të mundet me zgjedhje normale është e pamundur. Duhet që opozita dhe shoqëria të prodhojë një numër votash maksimal. Duhet një numër maksimal votash që të prodhojë ndryshimin, ndryshe është e pamundur përballë makinacioneve të qeverisë dhe mafias.

Në qarkun tim, Ministria e Brendshme ka qenë e gjitha në Berat.

Nëse nuk prodhohet një lëvizje e madhe popullore opozita nuk mund të fitojë dot në Shqipëri.
Problemi në vend është ndërhyrja në zgjedhje, dikur ishe amatoreske sot është një industri.

Nuk mund të përdorësh administratën si një armatë për interesat e tua.

Nëse përdor paranë e pisët, po të shohësh edherënien e monedhave, sillet monedhë e huaj me shumicë, që bëri rënien e valutës. Kjo ndodh çdo herë për zgjedhje. Ky është një element shumë i rëndësishëm e problematik.

Një tjetër arsye për rezultatin e zgjedhjeve është situata në PD dhe fakti që opozita nuk po arrin të nxjerrë një alternativë.

Nisida Tufa: Pas zgjedhjeve patëm rishfaqje të ish kreut të PD Basha. Si e patë këtë rikthim të tij?

Tomor Alizoti: Dalja në skenë e një njeriu që nuk ka prodhuar gjë gjatë karrierës së tij, e priti që të arrinte partia e tij një rezultat e të vijë tani si shpëtimtar…
Zoti Basha është totalisht produkt i Berishës, nuk ka bërë një minuta në jetën e tij jetë partiake. Erdhi e u bë ministër.
Provoi të gjitha postet e nuk kishte sukses. Kjo nuk ka më logjikë politike, është marrëzi.

Nisida Tufa: Mund të sjelli diçka të re ai?

Tomor Alizoti: Bashën e ka mbajtur në politikë vetëm Sali Berisha.
Në sytë e mi Basha nuk është politikan. Riardhja në këtë skenë është e turpshme. Njeriu duhet të ketë një lloj karakteri dhe kufiri tek vetja.

Po të shihni edhe mbledhje në PD. Të fusësh njerëz në një mbledhje, kjo është fyese për të gjithë, qofshin demokratë apo jo. Të fyhen deputetët se përse mendojnë ndryshe? Basha kërkon të rikthehet me metodat e tij hileqare e të marrë dyqanin e tij. Unë mendoj që do ja arrijë.

Nisida Tufa: Mbështesni sprapsjen e Berishës?

Tomor Alizoti: Mbështes çdo opozitar që ka një aksion politik për të kundërshtuar pushtetin. Berisha ka ende aksion politik. Berisha duke i pasur të gjithë kundër solli një rezultat që gjithsesi nuk ishte i mjaftueshëm. Pra ai ka aksion politike por jo mjaftueshëm.
Opozita sot me ato vota që ka që janë të alokuara tek Berisha, janë një bazë e madhe opozitare.
Ky grupim është aksioni më i madh i opozitës shqiptare.
Beteja Basha-Berisha nuk sjell asgjë të mirë për opozitën.

Nisida Tufa: Keni folur për krijimin e një konfederate të opozitës.

Tomor Alizoti: Krijimi i konfederatës, sjell që të gjithë ta që mendojnë ndryshe nga Berisha e Basha te bëjnë opozitë përballë pushtetit.

Nisida Tufa: Berisha ka deklaruar se mund të ulet me çdo deputet të PD veç Bashës e Alibeajt

Tomor Alizoti: Demokratët i kanë dhënë kësaj force koha nga koha e tyre.

Berisha i bën thirrje komunitetit ndërkombëtar: Mos e rëndoni krizën në Kosovë me Edi Ramën

Kryetari demokrat, Sali Berisha, komentoi gjatë bashkëbisedimit me qytetarët në rrjetet sociale edhe situatën në Kosovë.

Berisha përsëriti se propozimi i Edi Ramës për Asociacionin ka ardhur nga Beogradi.

“Edi Rama propozoi, jashtë çdo lloj kodi, në një ndërhyrje flagrante në punët e një vendi, projektin e të ashtuquajturit Asociacion. Pa asnjë tagër, pa asnjë autoritet. Ky projekt sigurisht u hodh poshtë nga të gjitha forcat politike të Kosovës.

Pasi Kosova nuk e pranoi atë, u detyrua dhe padroni i Ramës të thotë se ai nuk na përshtatet. Por, Edi Rama atë projekt e mori nga sivëllai i tij, padroni i tij Vuçiçi.

Përveç projektit, ai përdori një gjuhë ndaj Kosovës, që Putini do ia kishte lakmi. Kosova do kthehet në kohën e bronzit, tha.

Ne kemi mbajtur qëndrimet tona, por shfrytëzoj rastin t’i bëj thirrje komunitetit ndërkombëtar të mos rëndojë krizën me Edi Ramën sepse angazhimi i tij, jo që nuk lehtëson, por rëndon krizën në veriun e Kosovës, të krijuar para se gjithash nga projekti i Serbisë së Madhe të Aleksandër Vuçiç.

Ai kërkon me çdo kusht që ato komuna, pasi dështoi me ndryshimin e kufijve, t’i ketë të qeverisura prej tij.

Sikundër u bëj thirrje autoriteteve të Kosovës që të bëjnë çdo gjë që kanë në dorë për bashkërendim dhe bashkëpunim me KFOR-in, BE-në dhe SHBA,” tha Berisha. syri.net

Berisha: Kryetari i ri i PD do të zgjidhet përmes statutit

Ish-kryeministri Sali Berisha deklaroi se statuti është ai që do të ndiqet për zgjedhjen e kreut të PD-së. Në një bashkëbisedim me qytetarët në ‘Facebook’, duke iu përgjigjur pyetjeve të tyre, Berisha nënvizoi rëndësinë e statutit. Sipas tij, analiza e zgjedhjeve do të bëhet në bazë të këtij statuti, përmes proceseve demokratike të partisë.

“Problemet madhore të PD u bë nga shkelmimi i statutit. Kryetari i ri i PD do të zgjidhet përmes statutit Jam i betuar dhe i vendosur të zbatoj statutin, i cili në të gjitha momentet kyçe jap pushtetin anëtarëve të PD-së. Kur them kryetar i PD-së humbet zgjedhjet lokale, dhe unë e quaj humbje, ndonëse zgjedhjet janë këto që janë. Analiza e zgjedhjeve do të behën në përputhjeje me statutin e PD-së. Paralel me ridimensionimin e lirisë dhe zbatimit të ligjit, Rama ka stisur një proces me dy pengjet e tij. Unë mund të them që pengun nuk ka forcë që e çliron nga pengmarrësi përveç se vullnetit të tij.”, u shpreh Berisha.bw

Berisha: Rusmali është kriminel elektoral, ka urrejtje sepse është shkarkuar për korrupsion

Kryetari demokrat, Sali Berisha, vazhdoi akuzat ndaj Ilir Rusmalit duke e quajtur kriminel elektoral. Ai iu referua vendimeve të KAS për Elbasanin.

“Në një seancë që ka vazhduar gjer në 6 të pasdites, provat filmike të pakundërshtueshme janë paraqitur përpara KAS-it, i cili siç del, kryesohet nga një kriminel i vërtetë elektoral.

Pra, një proces antiligjor i faktuar me dokumente zyrtare, të marrë nga kamerat e qendrave të votimit, faktohet se është zhvilluar në shkelje flagrante të ligjit dhe të fshehtësisë së votës, injorohet nga një person që ka urrejtje në çdo qelizë të trupit të tij sepse është shkarkuar nga zëvendëskryeministër dhe ministër i Drejtësisë për shkak të korrupsionit.

Ai nuk meriton, ai e ka vendin aty ku duhet të jetë çdo kriminel elektoral.

Ju i keni ndjekur ndoshta dje, nga salla e KAS-it, në çdo qendër votimi, gjatë gjithë ditës, operatorët shkelnin ligjin elektoral, kontrollonin votën e zgjedhësve. Votimi në Elbasan ka kulmuar kur janë lejuar të votojnë edhe fëmijë në moshën 10-vjeçare dhe kjo është e filmuar. Pra, në qendrën e dytë më të madhe të vendit, de facto nuk është votuar,” tha Berisha.

Ai premtoi se opozita do vazhdojë analizën e farsës elektorale dhe më pas do ketë protesta.

“Analiza në PD nuk ka filluar sepse siç po konstatoni, ne jemi çdo ditë në analizë të procesit elektoral. Jo çdo gjë është në duart tona. Nuk është në duart tona, materialet që na duhen, janë në duart e institucioneve të shkatërrimit të zgjedhjeve, janë në duar të afateve të gjykatave. Janë një seri procesesh që kërkojnë durim dhe kohë. Por ne do i shkojmë gjer në fund.

Ne sot ju informuam se kemi paraqitur me video se si në Elbasan, në të paktën 70 përqind të qendrave, operatori ka shkatërruar votimin. Me video. Ky është rezultati kur e bën komisionin 7 me 0, kur voton fëmija 10 vjeç.

Me të mbaruar kjo analizë që e kemi detyrim absolut, përndryshe ne bëhemi bashkëfajtorë në farsën elektorale, ne legjitimojmë farsën elektorale. Ne nuk e bëjmë kurrë, nuk pajtohemi.

Në mbyllje të kësaj, do jetë analiza. Me kaq seriozitet do bëjmë edhe analizën në PD dhe do ndërmarrim protestat e fuqishme për rikthimin e votës së lirë,” tha Berisha. syri.net

Berisha: Rama në sintoni me Vuçiçin, synon ndarjen e Kosovës, por kjo gjë nuk do ndodhë kurrë!

Kryetari demokrat, Sali Berisha, përsëriti sot se drafti i Edi Ramës për Asociacionin në Kosovë është shkruar nga Aleksandër Vuçiç. Berisha tha se Rama dhe Vuçiç duan ndarjen e Kosovës, por shtoi se kjo gjë nuk do ndodhë.

“As që e kam lexuar dhe nuk kam asnjë interes. Unë u them atyre që përpiqen të përdorin Ramën, vetëm sa komplikoni zgjidhjen e problemit.

Çështja e Asociacionit nuk është çështje drafti. Draftin e Ramës, sigurisht e ka shkruar Vuçiçi. Kjo është për t’i thënë Albin Kurtit, që ti as këtë që ka hartuar Tirana, nuk e pranon.

Kjo është një thikë pas shpine, që Aleksandër Vuçiç, doktrinari i gjenocidit, arrin t’i fusë Kosovës përmes vasalit të vet, Edi Rama.

Nuk është asgjë tjetër, Brukseli, Uashingtoni, Londra, Parisi, Berlini kanë grupet më të shkëlqyera të ekspertëve, por për hir të së vërtetës, ai draft duhet të hartohet nga ata që do e zbatojnë.

Futja e Edi Ramës në mes, ishte vetëm për t’i futur një thikë, siç bëri me hartat. Kush vraponte me hartat e ndarjes së Kosovës dhe kufijve? Iniciatori i atij projekti, rezulton sipas burimeve shumë serioze të jetë Edi Rama, pra të jetë Vuçiçi përmes argatit të tij.

Me këtë rast, mund të them se nëse procesi i negociatave midis Kosovës dhe Serbisë eci brenda dy vitesh me një kurs të pandalshëm, që nga viti 2013 është shndërruar në pëlhurë të Penelopës.

Ky, në sintoni me Vuçiçin, synon ndarjen e Kosovës. Por ndarja e Kosovës nuk është opsion kurrë.

Ndaj Edi Ramës i ra maska, Kosova bëri reagimin e vet në union,” tha Berisha. syri.net

Berisha: Zhvillimet dramatike në dosjen McGonigal detyruan Ramën të bënte draftin për Kosovën, i ka orët e numëruara

Kryetari i Partisë Demokratike të Shqipërisë, Sali Berisha tha se drafi i prezantuar sot nga kryeministri Edi Rama është i hartuar nga Beogradi, madje ai shkon edhe më tej, duke bërë një lidhje mes këtij vendimi të kreut të qeverisë dhe dosjes së “McGonigal”.

I ftuar në A2 CNN në “Debat” Nga Alba Alishani, Berisha tha se përfshirja e Ramës është një përpjekje e tij për të shpëtuar nga afera McGonigal. Kjo sepse sipas Berishës, dy dosjet e McGonigal, ajo në Nju Jork dhe Uashington janë bashkuar në një të vetme, duke rënduar pozitën e shefit të ekzekutivit.

“Ky është një propozim i ardhur nga Beogradi, i cili e nxori në një moment kritik për Kosovën, nxori letrën e tij dhe i tha tani “do lexosh këto”. Në këtë mes hyn dhe çështja McGonigal, ju garantoj që forcë në botë nuk ka që të mund ta shpëtojë Ramën për korruptimin e McGonigal, unë sipas miqve të mi në SHBA, as presidenti nuk paska autoritet për të falë gjatë procesit gjyqësor, përveç kësaj ka edhe një zhvillim dramatik në këtë proces.

Deri para 3 javësh, çështja shqiptare me çështjen ruse, ishin të ndara njëra në Nju Jork, tjetra në Uashington dhe pa lidhje me njëra tjetrën , por dolën të dhëna të tjera që treguan se çështjet nuk janë të ndara, Tirana një qendër në nivele kaq të larta, ka një lidhje kjo histori, McGonigal, Moska dhe Tirana, pse Tirana është me këto 2 metropole të mëdha, prandaj prokuroria e SHBA i kërkoi gjykatësit në Uashington të bashkojë çështjet, Rama është në një mobilizim të tmerrshëm, po mobilizon miq të tij kudo, edhe Soros. Rama nuk është më vetja e tij, i ka kohët e numëruara dhe është i aftë të bëjë çdo gjë për mbijetesë”, tha Berisha.

Rama draft për asociacionin, reagon Berisha: Teksti është shkruar në Beograd. Akt i shëmtuar, po ndërhyn në punët e brendshme të Kosovës

Ish-kryeministri Sali Berisha ka reaguar në lidhje me deklaratën e kryeministrit Edi Rama pak më parë, si dhe për draftin që ky i fundit pohoi se kishte dorëzuar dje aleatëve.

Berisha tha se sot Rama në detyrim, doli dhe informoi shqiptarët se ka hartuar dhe dorëzuar tekstin e marrëveshjes së asosacionit të komunave me shumicë serbe. Berisha tha se Rama po ndërhyn në punët e brendshme të Kosovës.

“Maskat ranë! Argati i Vuçiçit në detyrim ekstrem shpalosi veten si një vasal i shpifur i doktrinarit dhe një prej autorëve të gjenocidit serb në Bosnjë dhe Kosovë! Sot Rama në detyrim, doli dhe informoi shqiptarët se ka hartuar dhe dorëzuar tekstin e asociacionit së komunave me shumicë serbe. Teksti është shkruar në Beograd dhe më pas rishkruar në Tiranë. Ky akt përbën ndërhyrje flagrante në punët e brendshme të Kosovës, në emër të Beogradit, akt më i shëmtuari në historinë e marrëdhënieve të dy vende, që nxit dhe nuk qetëson konfliktin. Akt me të cilin Rama tenton të zgjidhe problemin ne tij me McGonigal.

S’do të dilja për këtë problem, por kur pash vasalin e Vuçiçit në këtë histeri kundër shqiptarëve, ndaj dola. Gjykoj se është në detyrën e çdo qeveritari që realitetit t’i marrë parasysh. në rast se zgjedhjet u bënë dhe ato prodhuan një produkt të votuar nga vetëm 3 ose 5% e popullatës të etnisë jo serbe, vetëkuptohet se ky nuk mund të pranohet si një produkt i suksesshëm. Ky është një dështim.

Këto hapa gjykoj se janë përcaktuar drejtë dhe nga autoritetet e Kosovës dhe ato ndërkombëtare, që kërkojnë kushte të reja. Në zonat e nxehta duhet të koordinohet me trupat ndërkombëtare. Sa i përket asociacionit, do ta mbështes si një të drejtë themelore dhe derviat të lirisë. Asociacioni nuk mund të jetë kurrë jashtë prerogativave kushtetuese të Republikës së Kosovës. Çdo hap tjetër, është rrezik madhor për paqen dhe stabilitetin në gadishullin e Ballkanit.

As Uashingtoni, as Parisi nuk janë pa dijeni. Ata i dinë qëndrimet e Ramës me Kosovën. Është ky kryeministër që ka paditur Haradinajn apo ka ofenduar Mustafën. Rama ka zero influencë në qeverinë e Kosovës. Ai ndenji në Bratislavë me zotin Vuçiç dhe jo Vjosa Osmanin”, tha Berisha.bw

Faqja 27 prej 246« Fillimi ‹ Prapa 23 24 25 262728 29 30 31 Para ›Fundi »

Pse Mali i Zi po heq dorë nga marrëveshja?

Çfarë do të ndodhë me autostradën?

Përgatiti: Mimoza Sadiku

Situatë e qetë në kampin e Manzës

Çfarë u sekuestrua?

Lajmet me interesante

Lajmet e fundit

ARKIVA E LAJMEVE

RRETH NESH

NEWS LETTER

SOCIAL