Vila trikatëshe në rrugën Kont Urani që shërbeu si godina e ish-Radio Tiranës do të restaurohet! Pas kërcënimeve serioze që i kanoseshin nga rikonceptimi i zonës, Këshilli Kombëtar i Trashëgimisë Kulturore Materiale ka miratuar projektin për restaurimin e këtij objekti, monument kulture i kategorisë II, duke parandaluar çdo përpjekje për shembjen e saj. Rudina Papavasili nga Instituti i Trashegimise jep detaje nga projekti.

“Paraqitet në gjendje shumë te keqe, nuk ka dritare dhe çdo gjë është e degraduar meqë ka mbi 20 vite që nuk funksionon. Parashikon të gjitha ndërhyrjet për ta rikthyer në funksion objektin. Ruhen të gjithë elementet arkitektonikë, të fasadës, dhe të brendshëm. Shkallët, shtrimet dhe çdo element që ka pak interes arkitektonik do të ruhet”, tha ajo.

E ndërtuar midis viteve 1928-1930, ndërtesa e dikurshme e Radio Tiranës dhe më pas e Institutit të Kulturës Popullore, njëherësh, është një nga vilat e para moderne në qytet. E vënë në mbrojtje për vlera historike e arkitektonike, godina tashmë private, do të ruhet, por funksioni i saj nuk do të jetë muzeal.

“Godina do funksionojë si zyra. Parashikohen të gjitha ndërhyrje restauruese. Dritaret, shtrimet dhe vendosja e një ashensori të ri për personat me aftësi ndryshe. Godina ka pasur disa funksione, është ndërtuar që në vitet 1930 dhe ka qenë banesë, më pas si Radio Tirana, radiostacioni i parë shqiptar më 1938 deri më 1965 dhe më vonë ka qenë instituti kombëtar i kulturës popullore” tha Papavasili.

Nga çatia te kapitelet, kangjellat dhe sistemi hidraulik e elektrik, godina e ish radio Tiranës do të ruhet por tashmë duke pasur tjetër funksion. Me kujtesën e qytetit, atë, do ta lidhë fasada.bw

Ish-ministrja e Financave, Anila Denaj është paraqitur sot në SPAK. Denaj është paraqitur sot e vetme në Prokurorinë e Posaçme, ndërsa nuk dihen arsyet se pse është thirrur në SPAK.

Prej disa ditësh në qendër të vëmendjes së diskutimeve të politikës është afera e inceneratorëve, ndërsa ish-paraardhësi i saj, Arben Ahmetaj është shpallur në kërkim ndërkombëtar.bw

Dritan Goxhaj, i cili u arrestua dy ditë më parë në Tiranë me urdhër të Gjykatës Speciale, është njohur këtë të mërkurë nga Gjykata e Tiranës më masën e sigurisë dhe me akuzat që rëndojnë ndaj tij.

Ndaj Dritan Goxhajt, Gjykata Speciale e Kosovës ka lëshuar një urdhër-arrest, pasi akuzohet se ka nxjerrë emrat e dëshmitarëve në disa çështje të hapura më parë nga Prokuroria Speciale e Kosovës. Përmes një letër porosie, autoritetet kosovare informuan palën shqiptare se ndaj tij ka nisur një procedim penal, për kryerjen e veprave penale “Frikësimi gjatë procedurës penale” dhe “Pengimi i personit zyrtar në kryerjen e detyrave zyrtare”, parashikuar nga legjislacioni penal i Republikës së Kosovës. Sipas Gjykatës Speciale Goxhaj do të mbahet i paraburgosur në Shqipëri në pritje të vendimit të autoriteteve shqiptare lidhur me transferimin e Goxhaj në Hagë.

Avokati i Dritan Goxhajt tha për News24 se klienti i tij do të apelojë masën e sigurisë. Teksa u njoh me masën e sigurisë arrest me burg për 40 ditë, në sallën e gjyqit Dritan Goxhaj deklaroi se nuk ka shkelur asnjë ligj dhe nuk ka bërë asnjë krim. Goxhaj kërkoi që t’i rikthehet dinjiteti si shqiptar.

Dritan Goxhaj është djali i ish-zv.shefit të Shtabit të UÇK dhe kolonelit të njohur Dilaver Goxhaj. Kolonel Goxhaj iu bashkua vullnetarisht luftës në Kosovë, ku si një ushtarak me eksperiencë ndihmoi në Ushtrinë Çlirimtare të Kosovës. Gjatë luftës së Kosovës, edhe i biri Dritan Goxhaj iu bashkua UÇK-së si oficer i Ushtrisë Shqiptare në shkollën e Aviacionit dhe ka pasur autorizimin e Shtabit të Përgjithshëm që të mbante kontakte me komandën e forcave amerikane në Shqipëri.bw

Keqadministrimi ka çuar në faliment Ndërmarrjen e Ujësjellësit Durrës (UKD), një nga më të mbështeturat me hua dhe grante nga donatorët.

Vendimi për likuidimin e shoqërisë u mor më 18 maj të këtij viti pasi ndërmarrja e qytetit bregdetar ishte zhytur në borxhe dhe nuk kishte me asete, thuhet në vendimin që Asambleja e Aksionareve të Shoqërisë ka bërë për falimentimin. Punëtorët dhe aktiviteti i kompanisë transferohen në një tjetër shoqëri ujësjellës kanalizimesh të regjistruar vitit që shkoi. Ajo qe bie në sy është se shoqëria e re e ujësjellës kanalizime e Durrësit ka të njëjtin administrator Spartak Kovaçin, i cili ka udhëhequr kompaninë tashmë të falimentuar të ujësjellësit të Durrësit.

Edhe pse çmimi i ujit të pijshëm në Durrës është nga më të lartit në vend, të dhënat nga bilanci tregojnë se humbjet UKD-së u dyfishuan gjatë vitit të kaluar duke arritur në mbi 1 miliardë lekë afërsisht 10 milionë euro, nga 535 milionë lekë (5 mln euro) që ishin në vitin 2021, sipas të dhënave të raportuara në bilancin zyrtar të dorëzuar në Qendrën Kombëtare të biznesit.bw

Keqadministrimi ka çuar në faliment Ndërmarrjen e Ujësjellësit Durrës (UKD), një nga më të mbështeturat me hua dhe grante nga donatorët. Vendimi për likuidimin e shoqërisë u mor me 15 maj të këtij viti pasi ndërmarrja e qytetit bregdetar ishte zhytur në borxhe dhe nuk kishte me asete, thuhet në raportin që Asambleja e Aksionareve të Shoqërisë ka bërë për falimentin. Të dhënat nga bilanci tregojnë se humbjet UKD-së u dyfishuan gjatë vitit të kaluar duke arritur në mbi 1 miliardë lekë afërsisht 10 milionë euro, nga 535 milionë lekë (5 mln euro) që ishin në vitin 2021, sipas të dhënave të raportuara në bilancin zyrtar të dorëzuar në Qendrën Kombëtare të biznesit.

Performanca e kompanisë është rënduar se tepërmi gjatë vitit të kaluar kur detyrimet totale arritën në 16 miliardë lekë më shumë se 150 milionë euro me rritje 11 për qind ndaj vitit 2021, ndërkohë që kapitali ishte negative prej 2.8 miliardë lekësh, duke treguar një gjendje tepër të rënduar financiare. Raporti i Audituesve tregon si situata është më rëndë se sa të dhënat në bilanc për shkak se kompania nuk ka mbajtur provigjione. Bashkia e Durrësit ishte aksionari kryesor dhe tashmë, përgjegjësia për furnizimin me ujë të qytetit të Durrësit do ti kalojë Shoqërisë Rajonale të Ujësjellës Kanalizime Durrës, ku aksionere të saj janë Bashkia e Durrësit, Krujës, Kurbinit e Shijakut dhe Vorës.

Të gjitha detyrimet e ujësjellësit të Durrësit do ti kalojnë SHRUKD-së, por ndërkohë ndërmarrja e ujësjellësit të Durrësit ka rëndësi sistemime me efekte negative në ndërmarrjet e tjetra të shtetërore. Ministria e Financave raportoi më herët se UKD i detyrohet OSSHE me 4,3 miliardë (40 mln euro) fatura të papaguara deri në maj 2023. Të dhënat nga bilanci tregojnë se detyrimet në formën e huamarrjes janë mbi 308 milionë lekë, ndërsa detyrimet të tjera të kompanisë janë rreth 7.9 miliardë lekë.

“Në vijim pasi u shqyrtua bilanci i vitit 2022 u arrit në përfundimin se UKD nuk disponon më asete”, thuhet ne raportin për likuidimin e shoqërisë të publikuar në QKB.

Opinioni i audituesve për bilancin e vitit 2022 lëshoi kritika në drejtim të administrimit të UKD-së. Adituesit vunë në dukje se nuk rakordojnë të dhënat e programit të kontabilitetit për gjendjen e klientëve në fund të vitit dhe gjendjen e klientëve që rezulton nga sistemi i faturimit. Gjithashtu shoqëria nuk ka parashikuar zhvlerësime me vitin 2022 e për rrjedhojë ka pasaktësi në bilanc. Audituesit vërejtën se gjendja e detyrimeve të mbajtura nga Ujësjellësi i Durrësit nuk përkonin më të dhënat e Drejtorisë së Përgjithshme të Tatimeve.

Ujësjellësi i Durrësit është nga ndërmarrjet me të financuara nga donatorët për shkak të rëndësisë që ka ndër të tjera për zhvillimin e turizmit. Në vitin 2013 Banka Botërore e miratoi një kredi prej 85.3 milionë dollarë amerikanë Shqipërisë, për investime në Ujësjellës kanalizimin e Durrësit. Huaja e IBRD-së prej 85.3 milionë dollarësh amerikanë për Projektin e investimeve për Sektorin e Ujit në Shqipëri, kishte për qëllim të përmirësojë rrjetin ekzistues të ujësjellës-kanalizimeve në rajonin e Durrësit, qyteti i dytë më të madh i vendit dhe njëri prej destinacioneve kryesore turistike të vendit, si dhe porti kryesor i Shqipërisë.

Ndërsa në vjeshtën e vitit të kaluar u firmos marrëveshja 60 mln euro për financimin e rrjetit të Ujësjellësit Durrës, mes Qeverisë Shqiptare dhe Agjencisë Franceze të Zhvillimit. Pas nënshkrimit të marrëveshjes, kryeministri Edi Rama u shpreh se ky investim do arrijë të mundësojë transformimin e qytetit.

Monitor

Deputetja e Partisë Demokratike Ina Zhupa ka reaguar pas vendimit të SPAK për sekuestrimin e inceneratorit të Tiranës.

Në një postim  në Facebook, Zhupa shkruan se SPAK sekuestroi vetëm letra dhe se peshqit e mëdhenj janë ende duke notuar.

Postimi i plotë:

SPAK sekuenstron inceneratorin e Tiranës!

Lajm i mirë por në fakt incenerator nuk ka. SPAK ka sekustruar letra dhe rrethon skenën e krimit sepse asnjë tullë nuk u vu për incenerator.

Vite denoncime, nga Sharra, nga selia, nga kuvendi, ne gjykatë përballe Mirel Mërtirit dhe më fund u morr një masë për inceneratorin fantazëm.

Peshqit e mëdhenj ende notojnë në paratë që i japin çdo ditë inceneratorit që nuk ekziston!

Asgjë nuk do bëhej pa vullnetin dhe firmën e Ramës dhe Veliajt.

Prokuroria e Tiranës tregon procedurën se si do të veprohet me arrestimin e ish-anëtarit të UÇK-së, Dritan Goxhaj.

NJOFTIMI

Sot më datë 31.07.2023, në kuadër të “Kërkesës se Zyrës së Prokurorit të Specializuar të Kosovës”, u realizua ekzekutimi i letërporosisë për dhënien e ndihmës juridike Zyrës së Prokurorit të Specializuar të Kosovës, për llogari të procedimit penal në ngarkim të shtetasit D.G., për kryerjen e veprave penale “Frikësimi gjatë procedurës penale” dhe “Pengimi i personit zyrtar në kryerjen e detyrave zyrtare”, parashikuar nga legjislacioni penal i Republikës së Kosovës.
Është ekzekutuar vendimi i Gjykatës së Shkallës së Parë të Juridiksionit të Përgjithshëm Tiranë për caktimin e masës së sigurimit personal me karakter shtrëgues “Arrest në burg” e parashikuar nga neni 238 i Kodit të Procedurës Penale ndaj shtetasit D. G., me qëllim ekstradimin, si dhe është ushtruar kontroll në vendin e banimit të tij.
Këto veprime procedurale janë kryer në përmbushje të dhënies së ndihmës juridike, për shkak se Gjykatësi i Vetëm kishte lëshuar fletëarrestin dhe urdhëroi transferimin e tij në paraburgimin e Dhomave të Specializuara të Kosovës në Mbretërinë e Vendeve të Uleta (‘shteti prites’). Gjithashtu, Gjykatesi i Vetem autorizoi kontrollimin e z. D.G., të vendit të arrestimit dhe të vendit të banimit te tij, si edhe sekuestrimin e materialeve gjate kontrollimit të tyre (‘Urdhri për Autorizimin e Kontrollimit dhe Sekuestrimit’).
Gjykatesi i Vetem ka konstatuar se ekziston dyshim i bazuar se shtetasi D.G., mban përgjëgjesi penale për vepra penale që përfshihen në juridiksionin e Dhomave të Specializuara të Kosovës, konkretisht për frikësim gjate procedurës penale dhe pengim të personave zyrtare në kryerjen e detyrave zyrtare, përkatësisht në bazë të nenit 387 dhe nenit 401 të Kodit Penal të Kosovës të vitit 2019 (Ligji nr. 06/L-074), sikurse përcaktohet në nenin 15(2) te Ligjit.

Në vijim do të realizohet procedurat për ekstradimin e këtij shtetasi për në Republikën e Kosovës.

Arrestohet djali i Dilaver Goxhaj, Dritan Goxhaj. Gazetari Igli Celmeta raporton për BalkanWeb se ky i fundit ndodhet ne drejtorinë e policisë së Tiranes.

Mësohet se arrestimi i ish-anëtarit të UÇK-së, është bërë me urdhër të Gjykatës Speciale të Kosovës.

Dritan Goxhaj ka qene shoqërues i trupave amerikane gjatë Luftës në Kosovë më 1999. Ai i është bashkuar UÇK-së si oficer i Ushtrisë Shqiptare në shkollën e aviacionit dhe ka pasur autorizimin e Shtabit të Përgjithshëm që të mbante kontakte me komandën e forcave amerikane në Shqipëri.

Orlando, një menaxher projektesh nga Durrësi thotë se e pëndjek “fati i keq” me ashensorët. Gjatë viteve të punës në Tiranë, 28-vjeçari thotë se ka ngecur i bllokuar tre herë në ashensorë të pallateve të ndryshme.

“Hera e fundit ka qenë në ashensorin e punës, në një pallat në zonën e ish-Bllokut, rreth 4 muaj më parë,” tregon ai, duke shtuar se kishte qenë së bashku me dy banorë të tjerë.

“Tentuam që të lajmëronim banorët e tjerë duke i rënë alarmit, por askush nuk dëgjonte. Duke qenë se askush nuk po na vinte në ndihmë, arritëm që me forcë të hapnim dyert,” shtoi ai.

Orlando është vetëm një nga shumë banorë të Tiranës, që ka përjetuar frikën e bllokimit në ashensor. Bledar Bajrami, kreu i Sindikatës së Zjarrfikëseve dhe pjesmarrës në qindra operacione shpëtimi thotë se çdo javë regjistrohen aksidente për shkak të problemeve me ashensorët.

“Në shumicën e rasteve, qytetarët bllokohen në ashensor për shkak të shkëputjes së energjisë elektrike dhe duke mos mbajtur të karikuar baterinë e ashensorit. Por ka pasur dhe raste që kjo bateri nuk ka qenë fare ose ka qenë jashtë funksionit dhe nuk është ndërruar,” tha Bajrami për BIRN.

Të dhënat e siguruara nga BIRN përmes një kërkese për të drejtë informimi tregojnë se nga rreth 10 mijë ashensorë aktivë në vend, vetëm 18% e tyre janë të regjistruar dhe të koaluduar – ndërsa pjesa tjetër funksionon në kushte paligjshmërie.

Sipas Inspektoriatit Shtetëror për Mbrojtjen e Tregut, i cili është përgjegjës edhe për garantimin e sigurisë së ashensorëve dhe regjistrimin e tyre, vetëm 1804 ashensorë janë të regjistruar pranë këtij institucioni. Rreth 82% e ashensorëve në vend mbeten jashtë radarëve të kontrollit.

Inspektoriati shtoi gjithashtu se ankesat për problemet me ashensorët kanë qenë të shumta, veçanërisht në qytetin e Tiranës.

“Nga viti 2019 deri në fund të vitit 2022 janë kryer 1344 inspektime të planifikuara dhe nga këto kontrolle janë vërejtur problematika të shumta,” tha Inspektoriati në një përgjigje me shkrim.

ISHMT ka vendosur 467 masa administrative, duke nisur nga gjobat e deri tek ndalimi i përdorimit të ashensorit.

Legjislacioni shqiptar përcakton si persona përgjegjës për funksionimin e ashensorit ndërtuesin ose administratorin e pallatit, të cilët mbartin edhe detyrimin ligjor për të bërë regjistrimin e tij.

Të njëjtët persona duhet gjithashtu që të kujdesen për të bërë vlerësimin e konformitetit nga një organ i miratuar – çka për më shumë se 80% e ashensorëve në vend nuk ka ndodhur. Sipas Inspektoriatit Shtetëror për Mbrojtjen e Tregut, personat përgjegjës sipas ligjit nuk i kryejnë detyrimet e tyre.

“Personat përgjegjës për kryerjen e ekzaminimit teknik dhe regjistrimin e ashensorit nuk janë të ndërgjegjësuar,” tha ISHMT.

Inspektorati ka kërkuar ndryshime ligjore për sigurinë e ashensorëve, duke propozuar zgjerimin e rrethit të personave përgjegjës.

“…Parashikimin e detyrimeve ligjore për instaluesit dhe mirëmbajtësit e ashensorëve, pasi janë hallka kryesore për sa i përket instalimit dhe mirëmbajtjes së ashensorëve,” shtoi ISHMT.

Kreu i Sindikatës së Zjarrfikësve, Bledar Bajrami i tha BIRN se shkaqet kryesore të avarive në ashensorë janë konsumimi i tyre dhe mungesa e kontrolleve.

“Ka disa lloj ashensorësh që janë me presion vaji. Nga orët e punës që bën presioni i vajit bie dhe pompa sforcohet. Mbipesha luan një rol negativ, pasi nga sforcimi, vaji nis dhe rrjedh mbi kabinë. Dhe në rastin më të parë që ka një shkëndijë elektrike për shkaqe nga më të ndryshme, mund të kthehet në katastrofë për personat që janë brenda,” tha Bajrami për BIRN.

“Ka pasur edhe këputje kavosh, pasi nuk është bërë kolaudimi i duhur. Përveç amortizimit nga përdorimi, problemet mund të vijnë edhe nga faktorë të jashtëm, siç mund të jetë lagështira,” përfundoi ai.

Unioni i Transportit Publik ka paralajmëruar për reduktimin e autobusëve në qarkun e Tiranës. Në një njoftim të shpërndarë për mediat, Unioni i Transportit Publik deklaron se po përballen me shqetësime financiare.

Sipas tij, pavarësisht përpjekjeve, operatorët e linjave urbane qytetase hasur në vështirësi të konsiderueshme në mbajtjen e funksionimit të shërbimeve të transportit publik me kapacitet të plotë.

Unioni deklaron se me gjithë ngritjen e shqetësimeve nuk ka asnjë reagim për të zbutur situatën.

“Mungesa e mbështetjes adekuate dhe e bashkëpunimit të nevojshëm e ka bërë të pamundur që në kushtet aktuale të vazhdojmë punën tonë të rregullt me resurse të plota. Si rrjedhojë, ne jemi detyruar të marrim vendimin e vështirë për të reduktuar mjetet e transportit publik në dispozicion në qarkun Tiranë”, deklaron Unioni.

DEKLARATA E PLOTË
Të nderuar,
Unioni Transportit Publik njofton me keqardhje se duke nisur nga dita e hënë shërbimet e transportit publik në qarkun e Tiranës për të gjitha linjat urbane qytetase do të funksionojnë me mjete të reduktuara. Ky vendim vjen si pasojë e sfidave dhe shqetësimeve të shumta financiare me të cilat operatorët e këtij shërbimi janë përballur këto kohët e fundit.
Pavarësisht përpjekjeve tona më të mira, operatorët e linjave urbane qytetase hasur në vështirësi të konsiderueshme në mbajtjen e funksionimit të shërbimeve të transportit publik me kapacitet të plotë. Ne jemi përpjekur me zell t’i adresojmë këto çështje duke kërkuar mundësi të shumta për dialog konstruktiv me organet përgjegjëse. Ne kemi ngritur shqetësimet tona, kemi diskutuar problemet me të cilat përballen shërbimet tona dhe kemi paraqitur zgjidhje të mundshme, por për fat të keq, asnjë masë parandaluese apo reagim nuk është marrë për të zbutur situatën.
Mungesa e mbështetjes adekuate dhe e bashkëpunimit të nevojshëm e ka bërë të pamundur që në kushtet aktuale të vazhdojmë punën tonë të rregullt me resurse të plota. Si rrjedhojë, ne jemi detyruar të marrim vendimin e vështirë për
të reduktuar mjetet e transportit publik në dispozicion në qarkun Tiranë.
Mjetet e reduktuara të transportit publik padyshim do të ndikojë në lëvizjen e përditshme të udhëtarëve. Ne kërkojmë ndjesë sinqerisht për çdo shqetësim që mund të shkaktojë kjo dhe ju sigurojmë se jemi të përkushtuar për të gjetur një zgjidhje për këto sfida.
Unioni i Transportit Publik u kërkon organeve përgjegjëse që urgjentisht të nisin një dialog konstruktiv dhe kuptimplotë për të adresuar shqetësimet financiare dhe sfidat operacionale që po prekin shërbimet tona. Vetëm përmes përpjekjeve bashkëpunuese dhe një qasjeje të unifikuar mund të sigurojmë funksionimin e qetë të transportit publik në Tiranë.
Kërkojmë me mirësjellje mbështetjen e medias për ndërgjegjësimin për situatën aktuale me të cilën përballen shërbimet tona të transportit publik. Duke theksuar urgjencën e çështjes, shpresojmë të tërheqim vëmendjen e autoriteteve përkatëse për t’u përfshirë në diskutime produktive dhe për të ndërmarrë hapat e nevojshëm për zgjidhjen e çështjeve në fjalë.
Ne mbetemi me shprese se me veprime të shpejta dhe përpjekje kolektive, ne mund t’i kapërcejmë këto pengesa dhe të rivendosim funksionimin e plotë të transportit publik për të mirën e qytetarëve tanë.

Ministrja për Mbrojtjen e Sipërmarrjes, Edona Bilali ka lëshuar kritika në drejtim të kreut të Dhomës Amerikane të Tregtisë, Enio Jaço sa i takon qëndrimit të tij për raportin e DASH për klimën e biznesit në vend.
Përmes një reagimi në ‘Facebook’, Bilali shkruan se Jaço është kontradiktor në qëndrimet e tij në raport me investimet amerikane në vend.

Ministrja mes të tjerash sqaron se nuk ka dëgjuar për ndonjë kompani amerikane apo europiane, që e ka penguar klima e biznesit në Shqipëri të investojë.

POSTIMI I PLOTË:
Drejtuesi i AmCham para 4 ditësh (vetëm pasi u publikuan statistika me shifra) pohon dhe shprehet i kënaqur që janë 3-fishuar investimet amerikane ne vend.
3 ditë më vonë pas publikimit raportit të Departamentit të Tregtisë (i parifreskuar prej 2 vjetësh), rimarrë nga DASH me disa ndryshime, shprehet që problem është klima jo miqësore e biznesit. Pyetja që të vjen menjëherë në mendje është, si e shpjegon drejtuesi shqiptar i AmCham (normalisht ai duhet të kontribuoje në leximin objektiv të aktualitetit në terren) faktin se amerikanet investuan 3 herë më shumë në Shqipëri për 4 vitet e fundit, ndërkohë që një seri investimesh të tjera të mëdha amerikane janë ne proces përgatitjeje?!
Askush nuk i mohon këto probleme, po qyshse jam në këtë detyrë as e kam hasur dhe as kam dëgjuar për ndonjë kompani amerikane apo europiane, që e ka penguar klima e biznesit në Shqipëri të investojë! Madje përkundrazi, kam pasur vetëm reagime shume pozitive prej tyre për mikpritjen dhe trajtimin në Shqipëri. Njëjtë kam dëgjuar edhe nga koleget e mi!
Sa gjynah kur bashkëqytetarë tanët, aq me tepër në funksione të tilla ndikojnë për keq, pa asnjë fakt apo shifër, në ushqimin e perceptimeve të deformuara prej vitesh qoftë tek opinioni publik, qoftë tek miqtë dhe partnerët e huaj!
Por shyqyr në fund mbetet si gjithnjë puna me faktet e punës, për të cilat flet sot edhe Shqipëria turistike, me të dhënat e saj mbresëlënëse!bw

Përgjimet fundosin grupin kriminal që u godit dje nga SPAK dhe u arrestuar ish-shefi i Forcave Operacionale, Oltion Bistri, drejtuesi i Prokurorisë së Kukësit, Xhevahir Lita, dhe ish-polici Ardit Hasannega dhe biznesmeni Pëllumb Gjoka, por edhe të tjerë.

Gazetarja Klodiana Lala raporton për BalkanWeb se biznesmeni Gjoka del në përgjime duke bërë plane me Behar Bajrin për të kryer vrasje. Behari i shpjegon se kishte kontaktuar persona të ndryshëm jo shqiptarë, por kombësi te tjera për të realizuar vrasjen, por me vonë rezulton se vrasjet i kryejnë shtetas shqiptare.

Ndërkohë, në biseda flitet për shumat që do të paguheshin për realizimin e vrasjeve.
Lala sqaron se në biseda Pëllumb Gjoka thotë që të jepen sa para kërkohen vetëm vrasja të kryhet. Pas vrasjes së Gjin Ndojit në 2020 të dyshuarit i kanë shkuar edhe në varrim.bw

Ish-kryeministri Sali Berisha ka deklaruar se ish-shefi i Forcave Operacionale, Oltion Bistri, i cili u arrestua me urdhër të SPAK, se njihej me pseudonimin ‘Çami’ në botën e krimit.

“Tani le t’u kthehemi pak dy eksponentëve kryesorë të krimit të arrestuar dje. Oltion Bistri, drejtor i Forcës Operacionale, drejtorisë më nevralgjike antikrim. Ky është posti që kishte deri para një jave, Olti Bistri.
Olti Bistri njihet në botën e krimit me pseudonimin Çami. Ish-shefi i komisariatit në Pogradec, dhe më pas në Forcat Operacionale, dhe i kërkuar në Maqedoni për trafik të lëndëve narkotike në Maqedoni. I kërkohen shenjat e gishtave. Jahti luksoz i kapur në Greqi është i Olti Bistrit dhe çantat e hashashit janë me mbishkrimin Çami.
Mjetet e komunikimit që përdor janë telefonat e dekriptuar. Pas arrestimit të gjeneral Lisit, panik i madh te Don Agaçi dhe vetë kreu i Meduzës.

Lexoni denoncimin e vitit 2022: “Arrestimi i fundit në Itali i mikut të Agaçit i ka futur frikën të gjatit nga Antimafia Italiane dhe ‘Guardia di Finanza’. Të kapur gafil nga lekët që kanë vjedhë te inceneratorët, për të mbrojtur veten, ministrat dhe Lali plehun e bashkisë, i gjati po bën lëvizje të shumta në strukturat e policisë.
Pritet që në drejtim të Forcave Operacionale të vendoset Olti Bistri, një ushtar i Saimir Tahirit në bizneset me drogën, që do dekonspirojë operacionet kundër këtyre mafiozëve të Ramës. E kanë pajisur këto dite me certifikatë sigurie, me lobim të fortë të Tom Doshit, Belinda Ballukut, Tan Leprit, Aranit Arapit, që tani dini ju se është këshilltar i ministrit të familjes Çuçi dhe që ka qenë baloz i zi i drogës gjatë Tahirit. Gradën e ka marrë.
Pritet që do shtrëngohen radhët brenda policisë, dhe Rama do të kalojë një ligj që do vendosë në spiunim të gjithë familjet e policëve që t’i mbajë në kontroll mos e arrestojnë”.

“Përshëndetje Doktor. Në Tiranën në zonën numër 2, kërcet bixhozi në katër anët. Natyrisht gjobat i merr Bistri”. “Narkopolicia, pronë e Ardi Veliut. Se ky është një nga zarët kryesorë edhe të Ardi Veliut. Ky është përdorur për fotografime. Ky i ka nxjerrë Veliut atë videon të asaj nënës që lozte në një film dhe Veliu e paraqiti në parlament si të tillë dhe si të atillë, në një kohë kur e punësuan për t’ia mbyllur gojën. Narkodrejtori Veliu e emëroi në kundërshtim me ligjin në Durrës. Bistri mblidhte gjobat në zonën e ish-Bllokut në Tiranë dhe ishte lidhje me Shullazin”.

“Ky Oltion Bistri merrte 10 mijë euro për çdo person në kërkim, ndryshe e merrte në arrest. Rasti i dy shtetasve nga Fieri, mbase i kujton diçka kur ta lexojë. Gjatë pandemisë dhe fushatës, ky dhe Ermal Kapllani i Lal Djegësit, kanë bërë 500 mijë euro duke favorizuar ndërtimet pa leje dhe lejuar lokalet. Bistri paguan për shtëpinë që Ardi Veliaj ka blerë te Kodra e Diellit, por që për çudi nuk i doli gjatë vetingut. Ju garantoj me jetë për këto që u them”.bw

Presidenti i Republikës, Bajram Begaj, ka uruar 101 vjetori e vendosjes së marrëdhënieve diplomatike të Shqipërisë me Shtetet e Bashkuara të Amerikës. Në një postim të bërë në Facebook, Begaj shkruan se sot shohim me krenari se si këto marrëdhënie janë gjithnjë e më të forta.

Reagimi i plotë:

Në këtë 101 vjetor të vendosjes së marrëdhënieve diplomatike me Shtetet e Bashkuara, shohim me krenari se si këto marrëdhënie janë gjithnjë e më të forta!

Përgjatë historisë, Shtetet e Bashkuara kanë qenë gjithmonë në krahun tonë, duke na mbështetur në të gjitha projektet dhe sukseset tona madhore, ndaj për këtë do i jemi përherë mirënjohës.

Gëzuar 101 vjetorin e miqësisë me SHBA-në, partnerin strategjik më të madh të Shqipërisë dhe shqiptarëve!

SPAK ka dalë në një njoftim për megaoperacinin e djeshëm ku lëshoi 15 urdhër-arreste, ku mes të arrestuarve janë zyrtarë të lartë policie, por dhe një biznesmen dhe një drejtues prokurorie. Prokuroria e Posaçme raporton se është ushtruar kontrolle në 14 ambiente të ndryshme.

NJOFTIMI I SPAK
Më datë 16.01.2023 Prokuroria e Posaçme, ka regjistruar procedimin penal Nr.9 i vitit 2023, për veprat penale “Vrasja me paramendim”, “Korrupsioni pasiv i gjyqtarëve, prokurorëve dhe funksionarëve të tjerë të organeve të drejtësisë”, “Korrupsion aktiv i gjyqtarit, prokurorit dhe i funksionarëve të tjerë të drejtësisë”, “Heqja e paligjshme e lirisë”, “Shpërdorimi i detyrës”, “Ekspertimi i rremë”, “Falsifikimi i dokumenteve”, “Trafikimit të narkotikëve”, “Mbajtja pa leje dhe prodhimi i armëve, armëve shpërthyese dhe municionit”, në bashkëpunim në formën e “Grupit të strukturuar kriminal”, “Kryerja e veprave penale nga organizata kriminale dhe grupi i strukturuar kriminal”, “Pastrimi i produkteve të veprës penale ose veprimtarisë kriminale”, vepra këto të parashikuara nga nenet 78, 319/ç, 319, 110, 248, 309, 278, 283/a, 333/a, 334 dhe 287 të Kodit Penal.
Në kuadër të këtij procedimi, Struktura e Posaçme Kundër Korrupsionit dhe Krimit të Organizuar, në bashkëpunim intensiv me Eurojust, Europol dhe agjencitë ligjzbatuese belge, hollandeze dhe franceze, ka zhvilluar hetime lidhur me disa shtetas shqiptarë të përfshirë në aktivitet kriminal në Shqipëri dhe në disa vende europiane. Po ashtu është hetuar edhe lidhur me disa ngjarje kriminale të mëparshme të ndodhura në Shqipëri në vitet 2019 – 2022.
Gjatë hetimeve intensive të kryera nga hetuesit e B.K.H.-së, nën drejtimin e prokurorëve të posaçëm, është bërë e mundur dokumentimi i aktivitetit kriminal të personave të dyshuar, si dhe identifikimi i disa prej autorëve të ngjarjeve kriminale të ndodhura si më poshtë:

• Identifikimi i autorëve të dyshuar të vrasjes së shtetasit Gj. B., ndodhur në Shkodër në muajin gusht të vitit 2020.
• Identifikimi i autorëve të dyshuar të vrasjes së mbetur në tentativë të shtetasit T. P., ndodhur në Shkodër në muajin shkurt 2021.
• Identifikimi i autorëve të dyshuar në lidhje me sigurimin e kushteve për vrasjen e shtetasit K.M., ndodhur në Tiranë gjatë vitit 2020.
• Identifikimi i autorëve të dyshuar në lidhje me sigurimin e kushteve për vrasjen e shtetasve D. D., I. L. dhe G. T., ndodhur gjatë vitit 2020.

Gjatë hetimeve të kryera nga SPAK, është bërë e mundur të dokumentohet se persona me precedent kriminal, të dënuar për vepra të rënda penale, kanë kryer edhe ngjarje të tjera kriminale për të cilat vijojnë hetimet.
Janë dokumentuar gjithashtu vepra penale të kryera nga zyrtarë publik, punonjës të policisë së shtetit të nivelit drejtues, punonjës të policisë të shtetit të nivelit të lartë drejtues, si dhe prokuror, të cilët cënonin funksionimin e rregullt të shtetit ligjor dhe sundimin e ligjit.
Bazuar në kërkesën e Prokurorisë së Posaçme, Gjykata e Posaçme e Shkallës Parë për Korrupsionion dhe Krimin e Organizuar, me vendimin nr.94, datë 23.07.2023 ka miratuar masat e sigurisë personale “arrest në burg”, për 15 shtetas të dyshuar si autorë të kryerjes së veprave penale. Konkretisht për shtetasit B.B., E.M., P.Gj., D.B., E.P., K.H., P.K., A.B., A.N., B.M., E.H., A.B., A.H., O.B. dhe Xh.L.
Gjithashtu me vendimin nr.314, date 24.07.2023 ka miratuar kërkesën për lejimin e kontrollit të 14 ambjenteve të ndryshme.
Më datë 27.07.2023 Drejtoria e Përgjithshme e Policisë së Shtetit dhe Byroja Kombëtare e Hetimit, nën drejtimin e Prokurorisë së Posaçme kanë ekzekutuar urdhërat për ekzekutimin e vendimit penal nr.94, date 23.07.2023, për 6 shtetas, konkretisht shtetasit P.Gj., E.P., A.B., A.H., O.B. dhe Xh.L. Gjithashtu janë arrestuar në flagrance 2 shtetas të tjerë, S.T. dhe N.F., si të dyshuar për veprën penale të parashikuar nga neni 278 i Kodit Penal.
Gjatë ekzekutimit të vendimeve të gjykatës është ushtruar kontroll në 26 banesa dhe ambjente ku janë gjetur dhe sekuestruar në cilësinë e provës materiale shuma monetare, automjete të ndryshme, telefona, armë zjarri të ndryshme, maska, pajisje elektronike, pajisje elektronike monitorimi (servere dhe kamera) me të cilat monitoreshin ambjente të jashtme në zona të ndryshme të qytetit të Shkodrës:
Falenderojmë Policinë e Shtetit për profesionalizmin e treguar dhe bashkëpunimin e ngushtë gjatë fazës së ekzekutimit të vendimeve të gjykatës.
Falenderim i veçantë për Eurojust, Europol, Autoritetet Gjyqësore Franceze dhe agjencitë ligjzbatuese belge, hollandeze dhe franceze, për bashkëpunimin intensiv dhe kontributin e dhënë në kuadër të hetimeve të këtij procedimi penal.

Sekretari i Përgjithshëm i PD-së Gazment Bardhi, ka reaguar pak para mbledhjes së Këshillit Kombëtar. Nëpërmjet një statusi në Twitter, shoqëruar edhe me një foto, Bardhi thekson se e ardhmja e Partisë Demokratike është mbi gjithçka.

Zbardhen emrat e personave të përshirë në bandën shqiptarë që mashtronin shtetasit italianë, në lidhje me operacionin mes autoriteteve shqiptare dhe atyre italiane, për të investuar në bursa.

Janë ekzekutuar masat e sigurimit personal “Arrest në burg”, për shtetasit Hamit Dobi, Erion Kastrati, Aldo Pasku, Gjin Shelnishta, dhe Mojsi Zuna.

Sakaq janë ekzekutuar masat e sigurimit personal “Arrest në shtëpi”, për shtetasit Greta Gjoci, Olta Toci, Rezarta Ibrahimi dhe Silvana Veliu.

Njoftimi i policisë:

Ekzekutohen 14 masa sigurie për shtetas të implikuar në veprimtarinë kriminale në fushën e mashtrimeve kompjuterike.

Sekuestrohen pajisje të ndryshme kompjuterike, aparate celulare, USB dhe pajisje të tjera për prodhimin e bitcoin, të gjetura gjatë kontrolleve të ushtruara në disa banesa.

Gjatë operacionit u angazhuan 60 forca Policore të DVP Tiranë, të komisariateve në varësi të saj dhe të DVP Fier.

Në kuadër të procedimit penal nr.121/2021 të Prokurorisë Kundër Korupsionit dhe Krimit të Organizuar, Drejtoria Vendore e Policisë Tiranë është përfshirë në hetime në bazë të autorizimeve të Prokurorisë, ku gjatë këtyre hetimeve janë aplikuar metoda speciale të hetimit.

Nga veprimet hetimore të kryera është bërë i mundur identifikimi i plotë i të gjitha subjekteve të hetimit.

Më konkretisht, më datë 25 tetor 2022, është bërë identifikimi i subjektit dhe pas autorizimit të marrë për lejimin e ushtrimit të kontrolleve të vendit, së bashku me Njësinë “C” të Krimit Kibernetik të Drejtorisë së Përgjithshme të Policisë së Shtetit, dhe partnerët e Policisë italiane, është ndërhyrë në subjektin call center, në rrugën “Dritan Hoxha”, ku janë kryer të gjitha veprimet hetimore procedurale.

Në vijimësi të këtij procedimi, pas ekpertimit të pajisjeve elektronike të sekuestruara, ka rezultuar se në këtë veprimtari kriminale janë të implikuar disa shtetas.

Më datë 26.07.2023, nga Seksioni për Hetimin e Krimeve Ekonomiko-Fiananciare, në bashkëpunim me Prokurorinë e Posaçme Kundër Korrupsionit dhe Krimit të Organizuar, në funksion të vendimit nr. 92 të datës 21.07.2023 të Gjykatës së Shkallës së Parë për Korrupsion dhe Krimin e Organizuar, janë ekzekutuar 9 masa sigurie, nga të cilat 5 “Arrest në burg”, dhe 4 “Arrest në shtëpi”.

Janë ekzekutuar masat e sigurimit personal “Arrest në burg”, për shtetasit Hamit Dobi, Erion Kastrati, Aldo Pasku, Gjin Shelnishta, dhe Mojsi Zuna.

Janë ekzekutuar masat e sigurimit personal “Arrest në shtëpi”, për shtetasit Greta Gjoci, Olta Toci, Rezarta Ibrahimi dhe Silvana Veliu.

Gjithashtu janë shpallur në kërkim shtetasit B. Ç., O. C., B. GJ., A. M., dhe F. B.

Nga verifikimet e kryera ka rezultuar se shtetasi B. Ç., ka dalë jashtë territorit të Republikës së Shqipërisë më datë 23.07.2023 nga Pika e Kalimit Kufitar Kakavijë, ndërsa shtetasja A. M., më datë 27.10.2022, nga Pika e Kalimit Kufitar Rinas.

Në kuadër të këtij procedimi janë kontrolluar 12 banesa dhe janë sekuestruar pajisje të ndryshme kompjuterike (telefona, laptopë, USB dhe pajisje për prodhimin e Bitcoin), të cilat kanë kaluar për ekspertim kompjuterik në laboratorin pranë Sektorit të Ekzaminimeve Kompjuterike në Prokurorinë e Posaçme.bw

Akademiku Artan Fuga i ka dërguar një letër presidentit të vendit, Bajram Begaj në lidhje me vendimin e shtyrjes së mandatit të Skënder Gjinushit, kryetarit të Akademisë së Shkencave, të cilën e ka quajtur nënshkelje të ligjit.

Në letrën drejtuar presidentit, Fuga shkruan se pa ndarjen e vërtetë të pushteteve, Shqipëria rrezikon të vidhet bashkë me kombin. Sakaq i ka bërë thirrje presidentit Begaj për mos miratimin e projektligjit, pasi sipas tij po merret nëpër këmbë Kuvendi dhe ndyhet Kushtetuta e Shqipërisë.

Letra e Artan Fugës drejtuar presidentit Bajram Begaj:

Zotit Bajram Begaj

President i Republikës
Tiranë, 27 korrik 2023

Pa ndarjen e vërtetë të pushteteve Shqipëria rrezikon të vidhiset, bashkë me kombin, zoti President !

I nderuar zoti President i Republikës,

Po ju drejtohem si Profesor, anëtar i Akademisë së Shkencave, si studiues, dhe si qytetar.
Sipas procedurave kushtetuese Kuvendi i Shqipërisë ka detyrë dhe detyrim të dërgojë për miratimin Tuaj të projekt-ligjit me bashkautor deputetët I. Beqiraj dhe P. Koçi Lidhur me disa ndryshime të ligjit në fuqi për Akademinë e Shkencave në Republikën e Shqipërisë.

Pikërisht këtë projektligj dëshiroj me shqetësim qytetar të denoncoj përpara Jush publikisht, duke pasur nderin dhe detyrën t’Ju informoj sa vijon :

Sigurisht nuk do të prek çështjen se sa i dobishëm ose shkatërrues është ky projektligj i kaluar aty nga ora 5 e mëngjesit, jashtë rendit të ditës të parashikuar sipas Rregullores të Kuvendit, në seancën e fundit të tij për këtë sezon, së bashku me atë që quhet ligji për kanabisin dhe për diplomat e studentëve të mjekësisë. Nisem vetëm nga aspekte proceduriale të shkelura me të dy këmbët në votimin e këtij ligji sikurse edhe në të gjithë procesin e ndërtimit legjislativ të tij. Sidomos mbetem i shqetësuar për shkeljet kushtetuese dhe të logjikës minimale juridike që çdo jurist i paanshëm do ta kishin bërë të zinte kokën me duar! Drejtohet te Ju sepse vlerësoj rolin Tuaj si garant i shtetit ligjor në Shqipëri, si edhe me detyra dhe kompetenca të mëdha si Kryetar i Shtetit për të mbrojtur Kushtetutën.

Pa hyrë në hollësi që besoj se ata që kanë kompetencën do t’ua bëjnë me dije, theksoj se projektligji Beqiraj – Koçi karakterizohet nga tre anë thelbësore që e nxjerrin në dritë faktin që ai shkel me të dy këmbët atë që quhet “vello e ligjit”, pra, që ligji nuk bëhet të përfitojnë një ose pesë vetë, nuk bëhet i drejtuar te një ose disa individë që legjislatori i di se kush janë, por ka karakter universal, pra sikurse drejtësia, është dhe duhet të jetë i verbër.

Ky projektligji i votuar në 5 të mëngjesit kërkon : a. Anëtarët e Kryesisë së Akademisë së Shkencave të kenë të drejtë, në kundërshtim me ligjin në fuqi të marrin mandate njëri pas tjetrit, pra përkeqëson rrotacionin në institucion, që dihet se është vlerë bazë e demokracisë. Monopoli i pushtetit është karakteristikë e institucioneve dogmatike, të ngurta, autoritariste, dhe në shkencë është krejtësisht i dëmshëm. b. Kryetari i Akademisë së Shkencave mund të qëndrojë në post edhe 75 vjeç, edhe 80 vjeç, në kundërshtim me ligjin sot në fuqi që i ndërpret mandatin, si kudo tjetër në institucionet publike kur arrihet një moshë e caktuar, pas mbush të 75 vjetët. c. Ky projektligj duhej votuar në 5 të mëngjesit, sepse duhej të hynte sa më shpejt në fuqi, urgjentisht, në kohën që Akademia e Shkencave do të duhej të ishte në proces zgjedhjesh. Pra, duhej të hynte në fuqi pikërisht para zgjedhjeve duke ndryshuar “rregullat e lojës”. Kuptohet, sikurse e ka kuptuar i gjithë opinioni publik se projektligji Beqiraj – Koçi, jo vetëm i mungon “velloja e ligjit”, por është krejt i zhveshur, është lakuriq, nga paanësia, nga karakteri universal që një ligj duhet të përmbajë.

Pa hyrë në hollësi, më lejoni zoti President t’Ju informoj që ky projektligj shkel rëndë Kushtetutën e Shqipërisë, konkretisht nenin 18 të saj që garanton barazinë e qytetarëve para ligjit. Ndërsa ligja për Akademinë e Shkencave detyron që të gjithë anëtarët e asamblesë së saj shpallen “Emeritus”, pra nuk mund të zgjidhen në detyra drejtuese, përkundrazi çlirohen nga të drejta dhe detyrime, vetëm kryetari, “mbinjeriu”, kushdo që të zgjidhet, privilegjohet, dhe nuk preket nga kufizimet që ligja parashikon për të gjithë bashkëmoshatarët e tij.
Ky projektligj u votua ndërkohë që në procesin ligjbërës u morën nëpër këmbë të gjitha procedurat që Rregullorja e Kuvendit parashikon, urdhëron të zbatohen, për votimin e ndryshimeve ligjore. Mbi të gjitha zoti Petro Koçi, në konflikt të rëndë interesi, autor i projektligjit, si zëvendëskryetar i Komisionit të medias dhe të edukimit në Kuvend, organizoi një mbledhje të komisionit, në dijeninë time, jashtë çdo rregulli institucional. Mjafton që juristët Tuaj, zoti President, të ndjekin ecurinë e ngjarjes në Kuvend për të konstatuar lehtësisht se në këtë rast zotëria ka ushtruar ndikime dhe ka ushtruar kompetenca të uzurpuara legjislative për të bërë të kalojë projektligji që mban edhe nënshkrimin e Tij.

Gjithçka del qartë në dritë po të lexohet me kujdes deklarata e dorëheqjes të z. P. Koçi në media, ku ai zi mbi të bardhë ka pohuar se e bën këtë akt për të qetësuar ndërgjegjen e tij politike, dhe dorëhiqet sepse kolegët e tij, si edhe opozita, nuk pranonin ta kalonin projektligjin e tij me procedurat në fuqi!!!

Zoti President, është hera e dytë që ligje që vijnë si ndryshime dhe arnime për ligjin në fuqi për Akademinë e Shkencave, marrin nëpër këmbë institucionet e Republikës. Katër vite më parë ligji në fuqi u ndryshua për të nxjerrë jashtë loje Presidentin e Republikës në emërimin e Kryetarit të ASH, sikurse e parashikon Kushtetuta. Çudia e radhës, marrja nëpër këmbë e Presidentit në përgjithësi, konsiston në atë që vullneti i Tij për dekretet e emërimeve, i cili kufizohet vetëm nga Kushtetuta, pra ka vlerë të pakthyeshme edhe nga vetë Kuvendi, në rastin e ASH hidhet në kosh edhe nga gjysma e anëtarëve të asamblesë të ASH. Praktikisht ligja për ASH e bën Kushtetutën një letër pa vlerë, e cila i jep Presidentit të Republikës atë që ja merr një ligj i veçantë, pra që duhet të nën-vendosej ndaj Kushtetutës.
Katër vite më vonë, përsëri për një projektligj që çimenton pushtetin e kryesimit në ASH po merren nëpër këmbë Rregullorja e Kuvendit, Kushtetuta, pra Kuvendi si institucion i shtetit. Mbi të gjitha po merret nëpër këmbë logjika njerëzore, sepse ligji i ASH tani me projektligjin Beqiraj – Koçi është bërë krejt kontradiktor, mohon atë që pohon, dhe pohon atë që mohon. Pas 75 vjetëve akademiku del në pension, por edhe bëhet Kryetar i ASH !!! Po bëhet si me thënë qesharak!

Këtë natyrë qesharake, unë e mirëkuptoj, mund të mos e vësh re nëse je pa gjumë, në ora 5 të mëngjesit, por gjithsesi e vërteta mbetet. Shkarazi mendoj që pas orës maksimumi 24 e darkës, asnjë ligj të mos votohet në Kuvendin e Shqipërisë. Po ashtu, ky projektligj bën që në mënyrën më alogjike të jetë kryetar i ASH dikush që nuk është anëtar i Asamblesë me të drejta të plota. Është njësoj sikur dikush që nuk është qytetar shqiptar, të pretendonte të zgjidhej kryetar i shtetit tonë!

I nderuar zoti President, problemi është bërë thelbësor, sepse marrja nëpër këmbë e Kuvendit, uzurpimi i kompetencave të Presidentit të Republikës, tani po bëhet duke u justifikuar me koncepte të rrezikshme për demokracinë shqiptare. Po thuhet se vota është më e fuqishme se ligji. Që do të thotë se me votë mund të merret nëpër këmbë çdo normë ligjore, proçeduriale, çdo përcaktueshmëri ligjore, afate zgjedhjesh, kufizime pushtetore që jep ligji, etj. Këtë koncept po e shprehin hapur institucione të interesuara, si edhe deputetë që shkeljet proceduriale i justifikojnë gjoja me “stabilitetin e institucioneve”!

I nderuar zoti President, unë Ju drejtohem me këtë parashtresë duke shpresuar se Ju nuk do ta miratoni këtë projektligj sepse ai veçse është qesharak, merr nëpër këmbë Kuvendin e Shqipërisë, ndyn Kushtetutën e Shqipërisë, bie ndesh me logjikën juridike më elementare që do ta kishte bërë çdo jurist të paanshëm të vinte duart në kokë, është në vazhdën e ndryshimeve ligjore që morën nëpër këmbë kompetencat e Presidentit të Republikës, si edhe sepse Shqipëria ka nevojë për një ndarje reale pushtetesh. Përndryshe rrezikon të vidhiset, bashkë me kombin.
Ndihet nevoja urgjente që kur Kuvendi i Shqipërisë nxitohet, vihet nën presion, kur deputetë të caktuar e manipulojnë atë duke shkelur me të dy këmbët procedura ligjore, nuk ka kërkush tjetër, veç Jush, sikurse Kushtetuta e parashikon, të kërkoni që të rikthehet ligjshmëria! Përndryshe, ndarja e pushteteve në Shqipëri do të ishte vetëm një fasadë, dhe nga kjo asnjë shqiptar, e ritheksoj, asnjë, nuk do të shihte dot një të ardhme të mirë për kombin dhe vendin e vet!

Me konsiderata të veçanta,

Artan Fuga

Sekretari i Përgjithshëm i PD, Gazment Bardhi në një reagim të bërë në Twitter deklaroi se ‘akti i përjashtimit të mbi 50 mijë anëtarëve me të drejtë vote, është damkë turpi mbi ata që po urdhërojnë zvogëlimin e PD për ta shndërruar atë në një parti private’.

Duke iu referuar zgjedhjeve të 29 korrikut për kreun e ri të Partisë Demokratike, Bardhit thotë se  PD ka nevojë të forcohet dhe jo të zvogëlohet.

“PD ka nevojë të forcohet dhe jo të zvogëlohet. Ka nevojë për të afruar anëtarë dhe jo për të përjashtuar. Akti i përjashtimit të mbi 50 mijë anëtarëve me të drejtë vote është një damkë turpi mbi ata që po urdhërojnë zvogëlimin e PD për ta shndërruar atë në një parti private! Kjo është një rrugë e gabuar dhe nuk është garanci për të ardhmen. Është dëm me pasoja të rënda për PD nga sjellje të së shkuarës së saj”, shprehet ai.bw

Mbytet një 20-vjeçar nga Shkodra në plazhin e Velipojës. Bëhet me dije se viktima është shtetasi Arlind Sylja.

Sipas informacioneve të para, i riu ka dalë nga uji në një gjendje të rënduar shëndetësore.

Menjëherë ka mbërritur ambulanca e qendrës shëndetësore të Velipojës duke i dhënë ndihmën e parë, por 20-vjeçari nuk ka mundur të mbijetojë.

Policia ka nisur hetimet për zbardhjen e plotë të ngjarjes, e përsëritur në disa raste në plazhet shqiptare.

Dyshohet se i riu ka pasur komplikacione shëndetësore ndërsa do të jetë ekspertiza mjeko-ligjore që do të përcaktojë shkakun e vdekjes.

Ky vit ka shënuar dhjetëra raste të mbyturish në det e liqene, ku jo më larg se në fundjavë u mbytën 4 persona në liqenin e Banjës në Gramsh.

Deputeti socialist Petro Koçi, ka dhënë dorëheqjen nga posti i nënkryetarit të Komisionit të Edukimit.

Lajmi  e ka bërë vetë të ditur në një postim në ‘Facebook’. Ai gjithashtu është shprehur i zhgënjyer edhe nga qëndrimi i disa deputetëve të mazhorancës gjatë kalimit të ligjit për Akademinë e Shkencave në Komision.

REAGIMI I PLOTË:

Zoti Koçi, ne ambientin parlamentar perflitet se ju kini dhene doreheqjen para disa kohesh nga pozicioni i nekryetarit te Komisionit te Edukimit dhe Mjeteve te Informimit Publik. I mbeteni akoma te njejtit qendrim pasi projektligji juaj tashme kaloi ne seancen parlamentare?

Sigurisht qe po. Ne daten 11 Korrik ne mbledhjen e Komisionit u shqyrtua projektligji i iniciuar prej meje dhe zotit Beqiraj. Nje projekt qe gezonte mbeshtetjen e shumices se komunitetit akademik. Ne perfundim te mbledhjes une deklarova doreheqjen per dy arsye. E para sepse projektligji nuk u hodh ne votim me manovren e largimit te deputeteve te opozites dhe reduktimt te prezences deri ne mungese kuorumi. E dyta sepse disa kolege te maxhorances mbajten qendrime me ekuivok duke e mundesuar taktiken e opozites per te rrezuar kuorumin. E konsiderova fyerje si sjelljen e opozites ashtu edhe ate te kolegeve te mi. Une nuk pres vota pro nga opozita, sepse as nuk dua te ndihen te kompromentuar. Por moslejimin e votimit nuk e pranoj. Kjo eshte kunder rregullores dhe normalitetit. Marrja e pushkeve politike kunder Gjinushit nuk mund te cenoje proceduren parlamentare. Prandaj deklarova doreheqjen. Mendoj se ndodhi te tilla nuk mund te kalojne pa pasoja. Dhe terheqja ime nuk ka lidhje me fatin e nje projektligji por me fatin e procedures dhe rregullit parlamentar.
Ne pozicionin e anetarit te thjeshte neper komisione do kem serish te njejtin angazhim parimor.
Edhe nese per kete doreheqje nuk e vret njeri derrin ne ate komision, per mua ka rendesi qetesia e ndergjegjies time politike.
Faleminderit!bw

Është mbyllur procesi i votimit për kreun e Bashkisë në Rrogozhinë. Gazetari Osman Stafa tha për ‘BalkanWeb’ se në këto zgjedhje ka pasur rreth 1100 votues më shumë se në zgjedhjet e 14 majit.

“Mund të themi se kemi surprizë nga Rrogozhina pasi janë rreth 1100 votues më shumë se në zgjedhjet e 14 majit. Pritet për t’u parë edhe se si do të shkojë numërimi”, tha gazetari Osman Stafa.

Gjithashtu gazetari Osman Stafa theksoi se janë raportuar tre katër raste që kanë tentuar të fotografojnë votën dhe se këta persona rrezikojnë të penalizohen.