Lideri historik i PS Fatos Nano, ndodhet në gjendje të rëndë shëndetësore.

Burime për BalkanWeb bëjnë me dije se ish-kryeministri, 70-vjeç, i vendit është shtruar në një spital privat në kryeqytet.

Ai ndodhet nën kujdesin e mjekëve në reanimacion, por ende nuk dihen shkaqet shëndetësore dhe arsyeja e komplikacioneve.

Postimi i plote i myftiut të Tiranës:

Të dashur motra dhe vëllezër të komunitetit tirons
Qazim Mulleti do të prehet më në fund në dheun që e lindi dhe rriti, në Tiranë.
Qyteti për të cilin dha gjithë kontributin e tij intelektual e shoqëror deri kur hijet e regjimit komunist e detyruan të largohet nga vendi, do të mirëpresë të hënën, më 28 gusht 2023, eshtrat e birit të vet, ish prefektit e intelektualit të shquar Qazim Mulleti.
Në orën 13:00 të ditës së hënë në xhaminë e “Kokonozit”, Pazari i Ri do të falet namazi i xhenazes së të ndjerit.
Është një privilegj për mua që të jem në faljen e namazit të xhenazes së Qazim Mulletit.
Më vjen mirë që familjarët dhe shoqatat tiranase arritën realizojnë amanetin e kthimit të eshtrave të Qazimit në Tiranë.
Kush ishte Qazim Mulleti
Qazim Mulleti lindi në lagjen “Sulejman Pasha” në Tiranë, më 20 dhjetor 1893 – 28 gusht 1956 Vicolo delle Grotte Romë. Ka qenë prefekt i Tiranës gjatë pushtimit fashist. Studimet e para i kreu në Manastir, i vazhdoi në gjimnazin “Zosimea” të Janinës dhe së fundmi kreu studimet e larta në kolegjin perandorak “Gallata Saraj” të Stambollit, me medalje ari. Ai ishte poliglot. Dinte turqisht, osmanissht, arabisht, gjermanisht, frëngjisht, italisht, latinisht, serbo-kroatisht dhe greqisht. Në 1912-ën, bashkë me shumë studentë të tjerë shqiptarë merr pjesë në ngritjen e flamurit në Tiranë dhe Vlorë. Në 1914-ën është një ndër katër adjutantët e Princ Vidit. Largohen së bashku në Vjenë, ku jetoi aty deri në vitin 1920. Aty, me ndërhyrjen direkte të mareshalit austriak Trolman, i cili mbulonte rajonin e Ballkanit, Qazim Mulleti vijoi studime specializimi shtesë në fushën e diplomacisë ushtarake të luftës. Në vitin 1920 merr pjesë në Kongresin e Lushnjës. Qeveria e dalë nga Kongresi i Lushnjës u pengua të hynte në Durrës, ku kishte destinacionin për të ushtruar funksionet e saj, pasi Kongresi e kishte zgjedhur Kryeqytet. Me ndërhyrjen e dajës së Qazimit, Mytesim Këlliçit, Abdi Toptanit dhe Qazim Mulletit, si dhe të delegatëve të tjerë të Tiranës në kongres, qeveria u vendos provizorisht në Tiranë. Shumë patriotë të Tiranës hapën shtëpitë e tyre në dispozicion të qeverisë së re. (Një shtëpi e Mulletëve u bë Ministria e parë e Bujqësisë). Më vonë, në bisedat e Kuvendit Kombëtar, Qazimi mbron dhe argumenton pse Tirana duhet të ishte Kryeqytet i Shqipërisë. Pozita gjeografike, strategjike dhe klimaterike ishin më të favorshme se ato të qytetit të Durrësit. (Tirana, de jure u bë Kryeqytet i Shqipërisë në vitin 1925). Në shtator të vitit 1920, është Komandant i Forcave Vullnetare kundër Serbisë. Më 25 Prill – 3 maj 1921, ai merr pjesë në Kongresin për Bashkimin Kombëtar në Vlorë, si përfaqësues i Tiranës, në të cilën funksiononte shoqëria patriotike “Vllaznia–Zgjimi”, së bashku me z.Hafiz Ibrahim Dalliu dhe z.Musa Maçi, si përfaqësues të shoqërisë “Lidhja Kombëtare” dhe z.Avni Rustemi të shoqërisë “Bashkimi”. Në Qeverinë e Sulejman Delvinës dhe Fan Nolit, pati një detyrë të rëndësishme, si prefekt në Dibër. Mbas dështimit të Revolucionit largohet nga Shqipëria.
Familja e Qazim Mulletit vuajti persekutimin e përndjekjen më të egër nga regjimi komunist vetëm për shkak të bindjeve dhe idaleve të tyre të lirisë e besimit.

Deputeti i Partisë Demokratike Dashnor Sula përmes një komunikimi të drejtpërdrejtë në Neës24 ka folur në lidhje me zbulimin e naftës në Shpirag dhe deklaratat e Ramës.

Sula u shpreh se zbulimi i naftës do ishte një zhvillim shumë pozitiv për vendin, por ai shprehu dyshimet e tij duke thënë se vetë kompania SHELL nuk ka lëshuar asnjë deklaratë lidhur me Shpiragun.

Sipas tij situata e vështirë politike e mazhorancës dhe zhvillimet me koncesionin e sterilizimit mund të ketë bërë që këta të fundit të lajmërojnë se është gjetur një burim nafte.Sakaq, ai deklaroi më tej se flitet se do publikohet një listë e re me persona të shpallur non-grata në Shqipëri, ku në mesin e tyre janë edhe emra “të mëdhenj” nga mazhoranca.

“Në momentin që do kishim një rezultat definitiv do ishte një lajm jashtëzakonisht i mirë për vendin. Nga viti 2019 nuk ka pasur asnjë deklaratë nga SHELL për Shpiragun. Gjithsesi më bën të dyshoj se situata politike e mazhorancës ka bërë që mazhoranca të bëjë gjëra jashtë imagjinatës për të krijuar përshtypjen te qytetarët se situata është ndryshe.

Në këtë mënyrë ai thotë mos e çani kokën për 100 milionë euro që ikin me koncesionin e sterilizimit, pasi ka para këtu. Kjo më duket shumë fyese për qytetarët shqiptarë.

Nëse testimet do bëhen në tetor, përse e thonë që në gusht dhe nuk thuhet në tetor? Cila është arsyeja? Kjo është e dyshimtë sidomos kur kompania nuk ka një deklaratë zyrtare. Flitet për një listë non-gratash që ka emra të mëdhenj nga mazhoranca, ministra, etj. Shoh një vjeshtë shumë të nxehtë”, deklaroi ai.bw

Ndërtesa në Mitrovicë të Veriut që autoritetet lokale pretendojnë se shfrytëzohet nga disa institucione të Serbisë.

Kontrata origjinale e koncesionit të sterilizimit është zhdukur dhe nuk gjendet as në arkivat e Ministrisë së Shëndetësisë, sipas Prokurorisë së Posaçme e Antikorrupsionit.

Pritet që ky skandal të zgjerojë edhe më tej hetimet për aferën me koncesionin e sterilizimit. Kujtojmë se deri më tani 8 zyrtarë dhe biznesmenë janë akuzuar zyrtarisht nga SPAK për veprat penale korrupsion, falsifikim dhe mashtrim.

Gazetarja Klodiana Lala raporton për BalkanWeb se Ministria e Shëndetësisë nuk gjen dot kontratën origjinale të sterilizimit.

SPAK më herët kishte marrë vendimin për sekuestrimin e praktikës së plotë dokumentare origjinale të procedurës së koncesionit të sterilizimit por janë gjendur përpara një situate të papritur.

“Në zbatim të këtij vendimi, oficerët e policisë gjyqësore kanë sekuestruar dosjen e koncesionit pranë Ministrisë së Shëndetësisë. Gjithashtu duhet theksuar se me gjithë kërkimet në institucion dhe arkivën e ministrisë së Shëndetësisë, zyrtarët e këtij institucioni nuk gjetën dhe nuk venë në dispozicion kontratën origjinale të koncesionit dhe as anekset përkatëse. Dokumentacioni i sekuestruar është origjinal i kopjes së njehsuar të dërguar nga ministria e Shëndetësisë për sa i përket procedurës së dhënies së koncesionit me shkresën numër 910/ 1 datë 19 shkurt 2020”, thuhet në dosje.

Ky koncesion është gjetur me shkelje për veprat penale korrupsion, falsifikim dhe mashtrim, ku deri më sot dëmi ekonomik përllogaritet në 76 milionë euro. Masat e arresteve për 8 të akuzuarit janë dhënë që më 23 qershor por zbatimi i tyre është zvarritur deri më sot duke hedhur edhe më tepër mjegull rreth kësaj afere.

Kujtojmë se pas hekurave për këtë aferë është ish-zëvendësministri i Shëndetësisë, Klodian Rjepaj dhe biznesmeni Ilir Rrapaj si dhe është dhënë masa ‘arrest shtëpie’ dhe ‘detyrim paraqitje’ për 6 zyrtarë të MSH-së.

Udhëtime dhe njohje të mëparshme deri në dhënien e një koncesioni me vlerë 100 milionë euro janë në brendësi të dosjes së Prokurorisë së Posaçme për koncesionin e sterilizimit të pajisjeve kirurgjikale.

Në dosjen e siguruar nga gazetarja Klodiana Lala për “BalkanWeb” thuhet se Ilir Beqaj, atë kohë ministër i Shëndetësisë dhe biznesmeni Ilir Rrapaj, si dhe administratori i shoqërisë koncesionare Sani Service kanë kryer udhëtime së bashku. Ashtu siç zbulohen edhe udhëtimet e ish-zv.ministrit të Shëndetësisë Klodian Rjepaj me biznesmenin Rrapaj.

Gjatë hetimeve paraprake, më datë 15 nëntor 2021 është bërë këqyrje e sistemit TIMS për të dhënat e shtetasve Ilir Rrapaj, administrator i Investal, Klodian Rjepaj, kryetar i Komisionit të procedurës së komisionit të dhënies së Koncesionit, Umbro Staccini, shtetas italian, administrator i Tecnosanimed dhe një nga aktorët kryesorë të Koncesionarit Sani Service, Ilir Beqaj, titullari i Autoritetit kontraktor dhe Admir Daca, administrator i Sani Service. Nga procesverbali, u vërejtën edhe hyrjet dhe daljet e këtyre personave nga territori i Republikës së Shqipërisë ku rezultoi se:

Shtetasit Ilir Rrapaj, Ilir Beqaj dhe Klodian Rjepaj kanë hyrë në Shqipëri në pikën e kalimit kufitar Rinas, nga Italia, më datë 15 qershor 2014 përkatësisht në orën 21:12, 21:14 dhe 21:10.

Nga këqyrja e të dhënave nga faqja zyrtare e Ministrisë së Shëndetësisë dhe Mbrojtjes Sociale rezulton se më datë 15 qershor 2014 është bërë postim mbi takimet e kryera nga Ministri i Shëndetësisë Ilir Beqaj dhe Klodian Rjepaj më datë 13 qershor 2014. Kjo periudhë përkon me veprimet përgatitore të Koncesionit.

– Shtetasit Ilir Rrapaj dhe Klodian Rjepaj kanë dalje nga Shqipëria në pikën e kalimit kufitar Rinas, me linjë ajrore Romë, në datë 26 mars 2015, përkatësisht në orën 16:34 dhe 16:25 (kjo periudhë përkon me shpalljen e njoftimit të tenderit brenda afatit të dorëzimit të ofertave). Për këtë udhëtim Klodian Rjepaj, ka marrë “autorizim për shërbimin jashtë vendit”, datë 18 mars 2015 për të marrë pjesë në një vizitë pune në rajonin e Umbrias, Itali, për takime zyrtare me autoritetet e larta shëndetësore të rajonit në zbatim të marrëveshjes midis rajonit të Umbrias dhe Ministrisë së Shëndetësisë.

Ilir Rrapaj është një nga aktorët kryesorë si pjesë e Confimi Umbria, në bashkëpunimin e Rajonit Umbria me Ministrinë e Shëndetësisë.

– Shtetasit Ilir Rrapaj, Umbro Staccini dhe Klodian Rjepaj kanë dalje nga Shqipëria në pikën e kalimit kufitar Rinas, Peruxhia më datë 13 prill 2016, përkatësisht në orën 13:14, 13:07 dhe 13:10.

– Shtetasit Ilir Rrapaj dhe Klodian Rjepaj kanë dalje nga Shqipëria në pikën e kalimit kufitar Rinas, me linjë ajrore në datë24 nëntor 2016 përkatësisht në orën 11:33 dhe 11:34.

– Shtetasi Admir Daca, administrator i shoqërisë koncesionare Sani Service që prej datës 1 dhjetor 2015 që fitoi koncesionin objekt hetimi dhe shtetasi Ilir Beqaj me detyrë Ministër i Shëndetësisë në këtë kohë, kanë dalje nga Shqipëria në pikën e kalimit kufitar Rinas, me linjë ajrore Vjena më datë 25 shtator 2016, përkatësisht në orën 14:15 dhe 14:06.

Zbardhen emrat e ish-zyrtarëve të përfshirë në aferën e koncesionit të sterilizimit, që çoi pas hekurave ish-zëvendësministrin e Shëndetësisë, Klodjan Rjepaj dhe biznesmenin Ilir Rrapaj.

Gazetarja Klodiana Lala ka siguruar emrat për të cilët SPAK ka caktuar masat për zyrtarët e MSH-së, të cilët akuzohen për ‘Falsifikim’ dhe ‘shpërdorim detyre’.

Arrest me burg
Klodjan Rjepaj, ish-zëvendësministri i Shëndetësisë
Ilir Rrapaj, ka akuzën e mashtrimit

Arrest shtëpie
Saimir Kadiu drejtor ekonomik
M. S., drejtoreshe juridike

Detyrim paraqitje
Arben Gjata
Pertef Mersini
Genc Burazeri
Naile Ajazi

Deputetja Ina Zhupa në një komunikim për mediat ka komentuar shkarkimet e gazetarëve në RTSH.

“Klima e krijuar në RTSH me pushimet masive, punësimin e njerëzve që kanë punuar si vartës të Pezes në Alpeneës apo në Ora, njerëz me lidhje familjare dhe shoqërore me të, e bëjnë edhe dramatike situatën. Një televizion që mbahet me taksat e shqiptarëve, po kthehet në një televizion privat për qokat e Pezës, duke cënuar gazetarinë edhe profesionalizmin”, shprehet Zhupa.

Sipas Zhupës shkarkimet masive tregojnë fobinë e Alfred Pezës dhe dëshirën e tij për të kthyer RTSH-në në një kazermë.

REAGIMI I PLOTË:

Që nga zgjedhja e paligjshme në krye të RTSH, në emër të Partisë Demokratike, kam denoncuar të gjitha shkeljet ligjore për caktimin me porosi të Alfred Pezës si drejtor i RTSH-së. Qendrimin e tij si drejtor i paligjshëm, po e shoqëron edhe me vendime të paligjshme për shkarkimin e gazetarëve dhe stafit pa asnjë arsye, vetëm e vetëm për ta kthyer atë në një kazermë që i bindet urdhrave absurde të tij.

Unioni i Gazetarëve Shqiptarë vendime të tilla ekstreme i konsideron arbitrare dhe që përbëjnë një klimë tensioni, presioni dhe ndëshkimesh ndaj gazetarëve, aq më tepër në kushtet kur në këtë institucion nuk ekzistojnë përfaqësime sindikale dhe struktura dialoguese mes administratorëve dhe entiteteve profesionale apo punonjësve që largohen.

Ricardo Gutierrez, Sekretari i Përgjithshëm i Federatës Evropiane të Gazetarëve, EFJ, shkruajti ne Tëitter se keto shkarkime ishin “të alarmuar” për shkarkimet “arbitrare”

Shqetësimi që ka ngritur BIRN, Safe Journalist, shoqatat e gazetarëve, vetë gazetarët e prekur kanë gjithë mbështetjen tonë.

Klima e krijuar në RTSH me pushimet masive, punësimin e njerëzve që kanë punuar si vartës të Pezes në Alpeneës apo në Ora, njerëz me lidhje familjare dhe shoqërore me të, e bëjnë edhe dramatike situatën. Një televizion që mbahet me taksat e shqiptarëve, po kthehet në një televizion privat për qokat e Pezës, duke cënuar gazetarinë edhe profesionalizmin.

Drejtori që merret nga karriget, te skaleta e lajmeve, te festivali dhe te koshat e plehrave, që vendos kamera përgjimi dhe numëron gotat e ujit, nuk është modeli i drejtorit profesonist që i përgjigjet nevojave për ta kthyer RTSH-në në një televizion të shikueshëm.

Në emër të Partisë Demokratike dhe opozitës i bëj thirrje Keshillit Drejtues, si organ qëmonitorohet nga Kuvendi, të rikthejë ligjshmërinë brenda RTSH, të ndalë shkarkimet e padrejta dhe të hapë garën për drejtor tëRTSH-së.

Gjithashtu, i bashkohemi thirrjes së Unionit të Gazetareve që OSBE të monitorojë situatën.

Shqipëria po vjen me rënie sa i perket indeksit të lirisë së medias dhe këto ngjarje vetëm e përkeqesojnë situatën dhe tregojnë qartë vullnetin politik për të shkaterruar median dhe për të kontrolluar çdo gjë politikisht.bw

Kryetari i Bashkisë së Athinës, Kostas Bakoyannis, i cili njihet si mik i afërt i Erion Veliajt i është bashkuar protestës së banorëve të Himarës për lirimin e Fredi Belerit nga burgu.

Beleri u arrestua nga policia një ditë pasi Edi Rama e kërcënoi publikisht dhe tha se do merrej me të personalisht.

Mediat dhe politika greke e quajnë arrestimin e Belerit si arrestim politik dhe kanë paralajmëruar Shqipërinë për pengesa në proceset integruese nëse Fredi Beleri nuk lirohet nga burgu.

Për këtë qëllim është mbajtur edhe protesta në Himarë ku i pranishëm ka qenë edhe kryetari i Athinës.

A nuk ka mundur Veliaj ta ndalojë mikun e tij që mos i bashkohet një proteste të qartë kundër Edi Ramës apo thjeshtë i vjen mirë për këtë?!

“Përshëndetje nga Athina!

Kam kënaqësinë të përcjell këtë mesazh dhe të mbështes mikun tim të mirë dhe të shtrenjtë Erion Veliaj. Të gjithë ju e njihni Erionin!

Ai është ambicioz dhe i kompletuar. Ai është i talentuar, shumë punëtor dhe karizmatik. Kam kaluar orë të tëra duke diskutuar me Erionin dhe duke ndarë dashurinë dhe entuziazmin e tij për Tiranën. Në një kohë relativisht të shkurtër, Tirana u bë kryeqyteti i rinisë, kulturës dhe sportit. Në një kohë shumë të shkurtër, kushdo që viziton Tiranën, ka mundësinë të shikojë transformimin e Tiranës moderne, të gjallëruar, dinamike, metropolitane. Ndaj është mirë të shkoni ta vizitoni.

Erion, të uroj shumë fat dhe suksese!”, kështu shprehej kreu i Bashkisë së Athinës, Kostas Bakoyannis në një vidomesazh mbështetës për Veliajn pikërisht në zgjedhjet e 14 majit ku Fredi Beleri fitoi Himarën nga burgu. syri.net

Një protestë është mbajtur pasditen e djeshme në qytetin e Himarës ku disa qytetarë kanë kërkuar lirimin nga qelia të Fredi Belerit, i cili fitoi zgjedhjet e 14 majit, por mbahet në burg nën akuzën e shit-blerjes së votave.

Gjatë tubimit ka folur edhe kryetari i PBDNJ, Vangjel Dule, i cili ka deklaruar se ka një indinjatë të thellë mes protestuesve dhe mbështetësve të Belerit, pasi sipas tij po shkelen të drejtat themelore të njeriut.

Ai shtoi se burgosja e Belerit është nje veprim regjimi, duke e krahasuar atë me burgosjen e Alexei Navalnyt në Rusi nga Vladimir Putin.

Sakaq, Dule i është drejtuar kryeministrit Rama duke thënë se ai “nuk di me kë është ngatërruar” dhe se çdo moment që zgjatet burgosja e Belerit, po kaq zvogëlohet qëndrimi i kryeministrit në pushtet.

“Të dashur himariotë, më lejoni të falënderoj kolegët e mi të parlamentit grek që ndodhen këtu mes nesh. Të gjithë do donim që situata të ishte ndryshe. Festa do ishte shumë e madhe, por kemi një protestë të madhe në vend të kësaj. Kemi indinjatë të thellë, sepse po shkelen të drejtat themelore.

Është metoda e sistemeve totalitare të mos funksionojnë ndryshe, të burgosin. Ashtu si në sistemet e tjera totalitare ka të burgosur, Edi Rama mban Fredin tonë. Ai donte dinjitetin e qytetarëve të tij dhe e burgosën. Ky është motivi i regjimeve që nuk funksionojnë dot pa të burgosur politikë. Putini mban të burgosur Navalnyn, ndërsa Rama mban Fredin tonë.

I drejtohem sërish kryeministrit të vendit, dëshiroj që sërish t’i kujtoj se çdo moment që zgjatet burgosja e tij, po kaq zvogëlohet qëndrimi i tij në pushtet. Edi Rama nuk e di më kë është ngatërruar”, u shpreh ai.bw

Kryebashkiaku i Selanikut, Kostantinos Zervas i pranishëm në protestën e zhvilluar në Himarë për lirimin e Belerit, nuk i ka kursyer thirrjet nacionaliste.

Ai theksoi se Fredi Belerit po i shkelen të drejtat ndërsa ndodhej në Himarë u shpreh: “ Këto troje janë të mbushura me dashuri për helenizëm”.

“Qëndroj këtu para jush dhe ul kokën me respekt, guximin dhe luftën për të mos pranuar asgjë me pak se vetëm lirinë. Këtë betejë do e kemi së bashku për sa kohë dhe kudo që të jetë e nevojshme. Sjell zërin e Selanikut, që gjithmonë ishte qendër helenizmi në Ballkan në Mesdhe, është atdheu i refugjatëve dhe një fanar i drejtësisë. Përpjekja për të eliminuar Fredi Belerin ngjall pengesa për në rrugën europiane”, tha ai.bw

Një i dënuar në burgun e Rrogozhinës ka vdekur mbrëmjen e djeshme. Sipas Drejtorisë së Burgjeve, bëhet fjalë për shtetasin Mariglen Alterziu, i dënuar me 1 vit e 4 muaj burgim.

Referuar deklarimeve të banorëve të dhomës si dhe të punonjësit të shërbimit, rreth orës 20.30, i dënuari është futur në ambientet sanitare dhe pas disa minutash është konstatuar pa ndjenja i rënë në dysheme.

Menjëherë është thirrur stafi shëndetësor i turnit, i cili ka shkuar tek pacienti në orën 20.38, për një kohë më pak se 3 minuta dhe i ka dhënë ndihmën e parë.

Nga vlerësimi paraprak, si dhe deklarimet e stafit shëndetësor, dyshohet për arrest kardiak.

Njoftimi:

Drejtoria e Përgjithshme e Burgjeve ju informon se me datën 12 gusht 2023 ka ndërruar jetë shtetasi Mariglen Qani Alterziu, i datëlindjes 03.04.1986, i dënuar me 1 vit e 4 muaj burgim. I ndjeri ka qenë i vendosur në IEVP Rrogozhinë që prej datës 13.01.2023.

Referuar deklarimeve të banorëve të dhomës si dhe të punonjësit të shërbimit, rreth orës 20.30, i dënuari është futur në ambientet sanitare dhe pas disa minutash është konstatuar pa ndjenja i rënë në dysheme. Menjëherë është thirrur stafi shëndetësor i turnit, i cili ka shkuar tek pacienti në orën 20.38, për një kohë më pak se 3 minuta dhe i ka dhënë ndihmën e parë.

Është urdhëruar shoqërimin i tij për në Qëndrën Shëndetesore Rrogozhinë nëpërmjet punojësve të policisë të grupit të sigurisë dhe stafit shëndetësor, të cilët ishin me shërbim. Në orën 21.15 konfirmohet nga mjekja e shërbimit e Qendrës Shëndetësore Rrogozhinë vdekja e tij.

Një ekip i Drejtorisë së Përgjithshme dhe specialistët e SHKBB kanë shkuar në vendngjarje dhe kanë nisur hetimin lidhur me rrethanat e vdekjes. Nga vlerësimi paraprak – si dhe deklarimet e stafit shëndetësor – dyshohet për arrest kardiak, por kjo pritet të konfirmohet nga ekspertët e mjekësisë ligjore.

Nga të dhënat e përgjithshme, ky i burgosur është klasifikuar si person i qetë dhe pa asnjë problematikë të veçantë, – nuk ka asnjë evidencë që të ketë pasur konflikte apo hasmëri me persona të tjerë brenda regjimit, si dhe nuk ka të dhëna si përdorues i lëndëve narkotike apo psikotrope. Gjithashtu, që nga nisja e dënimit nuk ka pasur asnjë kërkesë nga i ndjeri apo stafi mjekësor për probleme të mundshme shëndetësore.

Drejtoria e Përgjithshme e Burgjeve i shpreh ngushëllime familjarëve dhe të afërmve të të ndjerit.bw

Tashmë kutia e Pandorës është hapur dhe të gjithë duhet të ndërgjegjësohemi dhe përgatitemi për t’u mësuar me një realitetit të ri, që po rrit produktivitetin në punën tonë – pohon Merjan Shushollari, përdorues i ChatGPT dhe teknologjive të tjera të Inteligjencës Artificiale (IA), gjatë punës së tij si inxhinier të dhënash në kompaninë “Lufthansa Industry Solutions”.

ChatGPT, si një motor kërkimi, i cili është shumë i avancuar sipas inxhinierit Merjan Shushollari ka rritur produktivitetin në veprimtarinë e tij për zhvillimin e programeve software.

“Një ndikim që kam hasur te puna ime dhe e kolegëve të mi është rritja e produktivitetit. Kërkimi që më duhej të bëja nëpër motorë kërkimi është përshpejtuar ndjeshëm me ChatGPT.

Situata optimiste është rritja e produktivitetit të zhvilluesve. ChatGPT, për sa e kam përdorur, e ka kuptuar thuajse gjithmonë kontekstin e pyetjeve të mia. Mban mend dhe pyetjet e mëparshme që i është bërë dhe bazohet mbi to për të nxjerrë kontekstin e pyetjes në vijim.

Për sa i përket rrezikut në përdorim, duhet pasur gjithmonë kujdes të mos zbulosh të dhëna sensitive kur bën pyetje, pasi ruhen në servera të cilat nuk menaxhohen nga përdoruesi.

Ky përbën një rrezik për të dhënat të një kompanie. Si një industri e re që po zhvillohet, ka sjellë me të dhe nevojën për role të reja. Një rol i ri i cili po shikon një rritje në kërkesë është Prompt Engineer/AI Whisperer”.

Pavarësisht kushtëzimeve kur punohet për të dhëna sensitive dhe rezultatet ndonjëherë të pasakta ose të cunguara, ChatGPT ka treguar që është një mjet i domosdoshëm në punën e tij.

Përveç ChatGPT, Merjani thotë se ka filluar të përdorë edhe forma të tjera të Inteligjencës Artificiale, siç është GitHub Copilot. Ndërsa një realiteti i ri i Inteligjencës Artificiale në disa industri janë makinat vetëdrejtuese të cilat përdorin “computer vision” për të dalluar objekte. “Ky është një shembull i mirë që tashmë IA merr vetë edhe vendime”, thekson Shushollari.

Për këtë arsye, ai thekson se tashmë ka ardhur koha që edhe shoqëria shqiptare të ndërgjegjësohet dhe të përgatitet për të investuar në Inteligjencën Artificiale, pasi gradualisht pritet të ketë ndikim në tregun e punës me zëvendësimin e punonjësve.

“Madje kjo duhet të nisë që në shkollë fillore dhe më tej deri në studimet universitare. Nuk mund të kthehemi në luditë (shkatërrues së makinerive) të kohës moderne. Duhet të shohim përpara dhe me optimizëm për mundësitë dhe industritë e reja që do të sjellë IA”, pohon inxhinieri i IT-së.

Nga ana tjetër, skenar pesimist është automatizimi i industrive. Shumë pozicione në sektorin bankar dhe ligjor në SHBA kanë filluar të automatizohen. “Në rast se një vend, nuk është i përgatitur për këtë shkallë automatizimi, do të sjellë probleme të mëdha sociale”, përfundon inxhinieri i IT-së.

Në Shqipëri, sipërmarrjet e rreshtuara të parat në përdorimin e makinës inteligjente, madje duke përditësuar versione të reja janë kompanitë e shërbimit të teknologjisë së informacionit.

Administratori i kompanisë së teknologjisë së informacionit, “Ritech Solutions”, Aleksandër Risilia, parashikon ndryshime drastike në tregun e punës nga përdorimi i makinës inteligjente në një kohë kur përdorimi i saj ka rritur me 50% produktivitetin.

“Duke qenë se në fusha të caktuara, përdorimi i IA ka krijuar përmirësim në produktivitet prej më shumë se 50%, patjetër që do të ketë ndryshime deri diku drastike dhe të shpejta në tregun e punës.

Nëse në të shkuarën, avancimet teknologjike kanë pasur një shtrirje kohore pak më të gjatë, duke lejuar një adoptim më normal, tani gjendemi në një situatë ku ndryshimet dhe progresi ka një ritëm gati eksponencial në disa pjesë, gjë që krijon një problematikë në kohën që duhet për riaftësimin e shpejtë të njerëzve për tregun e punës”.

“Ritech Solutions”, sipas z. Risilia, ka sjellë risi në përdorimin e Inteligjencës Artificiale, produkte të cilat tashmë janë adoptuar në punën e përditshme të kompanisë. Z. Risilia tha se përdorimi i IA gjeneruese (Generative AI) po arrin një adoptim gati të përditshëm në punën aktuale të të gjithë zhvilluesve të softit në këtë kompani.

“Aktualisht, kompania ‘Ritech Solutions’ zotëron një produkt i cili është i orientuar në vizionin kompjuterik dhe Inteligjencën

Artificiale, me qëllim zgjidhjen e problemeve logjistike të një prej kompanive më të mëdha të anijeve në botë. Përveç këtij produkti jemi në zhvillim të një produkti të ri në pjesën e Borxhit Teknik (tech debt) që është një nga problemet më madhore në fushën software. Produkti bën një përdorim mjaft të gjerë të teknologjive të reja në IA gjeneruese ku bën pjesë dhe GPT-4 (mekanizmi nën ChatGPT).

Në fushën e programimit, ndikimi i IA gjeneruese do të jetë i konsiderueshëm. Stafi ynë ka qenë në një adoptim të vazhdueshëm të këtyre teknologjive në punën e përditshme”.

Sipas z. Risilia, efekti i përdorimit të ChatGPT në sektorin e teknologjisë së informacionit është shumë i gjerë, pasi IA gjeneruese po prek dhe vetë punën që bëjnë programuesit IT.

Drejtuesi i kompanisë “Ritech Solutions” nuk e përjashton mundësinë e skenarëve pesimistë sesi kjo teknologji mund të shkojë në drejtimin e gabuar.

Por ai thekson se është optimist fakti që vetëdija kolektive në persona që janë në rreshtin e parë të këtyre zhvillimeve është e madhe dhe po bëhet një shtyrje e madhe drejt te pasurit kujdes që kjo teknologji të qëndrojë brenda barrierave etike dhe të mos kthehet në një rrezik për njerëzimin.

Po a është IA e përsosur dhe a mund të kuptojë situata komplekse që mund të japin vendime të sakta? Administratori i kompanisë “Ritech Solutions”, Aleksandër Risilia, thekson se normalisht Inteligjenca Artificiale është larg përsosmërisë dhe si çdo teknologji që mund të ketë shumë përfitime ka dhe problemet e saj apo dhe rreziqet.

“Problemet lidhen më shumë me pasaktësinë analitike në raste të përcaktuara, gjë që kërkon një kujdes për t’u menaxhuar sidomos kur përdorimi i IA është në fusha me rrezik të lartë në sektorin e transaksioneve (p.sh. si në banking)”, nënvizon ai.

Të njëjtën pyetje ne i drejtuam edhe vetë ChatGPT-së, i cili u përgjigj: “IA nuk është perfekt dhe nuk mund të kuptojë situata komplekse në mënyrë që të japin vendime të sakta në çdo rast. IA mund të jetë shumë i dobishëm në disa raste, si p.sh. në analizën e të dhënave, në klasifikimin e informacionit dhe në automatizimin e disa proceseve.

Megjithatë, IA nuk mund të zëvendësojë plotësisht njeriun në situata komplekse, sepse njeriu ka aftësinë për të kuptuar kontekstin dhe për të marrë vendime të bazuara në përvojën dhe në njohuritë e tij.

Në fund të fundit, IA nuk mund të ketë aftësinë për të kuptuar emocionet dhe ndjenjat e njeriut dhe për të marrë vendime të bazuara në këtë njohuri”.

Marketingu, drejt shkurtimeve të vendeve të punës, për pozicione që do të mbulohen nga Inteligjenca Artificiale

Pas sektorit IT, në rreshtin e parë të përdorimit të makinës inteligjente është edhe sektori i marketingut. Kompanitë e marketingut pohojnë se përdorimi i ChatGPT ka shtuar përmirësimin e shërbimeve në marketingun dixhital dhe ka ulur kostot.

Pavarësisht se roli i fuqisë njerëzore konsiderohet i pazëvendësueshëm, paralajmërojnë se ky revolucion teknologjik do të shoqërohet me shkurtime të vendeve të punës, për pozicione që do të mbulohen tërësisht nga Inteligjenca Artificiale.

Ndërsa për role të caktuara në marketing, bashkëpunimi i punëtorëve me Inteligjencën Artificiale është i pashmangshëm.

Yiannis Dimos, Drejtor kreativ i Spot Communication, në agjencinë e marketingut dhe PR, “Le Spot Group” tha për “Monitor” se krahas teknologjive të tjera të ngjashme të IA, ChatGPT po bëhet një mjet shumë i dobishëm për disa fusha të marketingut dhe të komunikimit, për shkak të rritjes së produktivitetit.

“Në ‘Spot Communications’, ne përpiqemi të përqafojmë të gjitha risitë më të fundit që mundësojnë përmirësimin e shërbimeve tona dhe nuk përjashtohet as ChatGPT.

Nga automatizimi i krijimit të përmbajtjes dixhitale deri te nxjerrja e njohurive nëpërmjet analizës së të dhënave, ai lehtëson proceset e agjencisë sonë, duke përmirësuar kohën tonë të përgjigjes dhe duke u dhënë mundësinë ekipeve tona të përqendrohen në zhvillimin e strategjive më të mira të marketingut për klientët tanë dhe në përmirësimin e produktit tonë krijues dhe menaxhimit të llogarisë”, thotë ai.

Z.Dimos shprehet se teknologjitë e Inteligjencës Artificiale po përmirësohen me shpejtësi dhe sektori i marketingut është në ballë të adoptimit të tyre për aktivitetet e përditshme.

Sipas tij, kjo në mënyrë të pashmangshme do të ndryshojë mënyrën se si bëhet marketingu, e shoqëruar me efekte pozitive që nisin me rritjen e produktivitetit dhe uljen e kostos. Ndërsa janë të pashmangshme edhe kostot negative,
siç është shkurtimi i vendeve të punës.

“Rritja e efikasitetit, lehtësia në krijimin e përmbajtjes së personalizuar, analiza e thelluar e të dhënave, kostot e reduktuara do të arrihen dhe do të funksionojnë në favor të industrisë sonë.

Por në të njëjtën kohë, automatizimi i aspekteve specifike të punës sonë mund të rezultojë me reduktim të mundshëm të vendeve të punës, ose në uljen e kërkesës për role të caktuara brenda kompanive të reklamimit, medias dhe të komunikimit.

Por besoj fort se për shkak të natyrës së punës sonë, roli i njeriut do të jetë gjithmonë më i rëndësishmi. Kreativiteti, intuita, sjellja njerëzore ose marrëdhëniet njerëzore nuk mund të përsëriten plotësisht nga një teknologji IA.

Kështu që ChatGPT dhe mjete të ngjashme mund të punojnë së bashku me profesionistët e marketingut, duke u bërë një zgjidhje e vlefshme për rezultate komunikimi më cilësore dhe të jashtëzakonshme”, nënvizon z. Dimos.

Gledis Bozo, CEO i “Dope Studios Tirana”, pjesë e “Le Spot Group”, pohon se tashmë ChatGPT është bërë një mjet i domosdoshëm në marketingun dixhital. Ndërsa thekson se është e rëndësishme të pranohet se ChatGPT nuk mund të zëvendësojë ekspertizën njerëzore, ai ofron burime të vlefshme për çdo biznes që operon online.

“Në ‘Dope Studios’, ChatGPT e kemi përdorur për projekte të ndryshme. Së pari, ka lehtësuar dhe përshpejtuar procesin e shkrimit për fushata marketingu.

Pavarësisht nëse bëhet fjalë për krijimin e postimeve tërheqëse në blogje, në krijimin e newsletters ose captions për media sociale, aftësitë e përpunimit të gjuhës të ChatGPT na kanë mundësuar që të komunikojmë me audiencën tonë në mënyrë efektive.

Së dyti, ChatGPT ka luajtur një rol vendimtar në strategjitë për angazhimin e klientëve (customer engagement strategies).

Për shembull, duke e integruar në chatbots të website-ve të ndryshme që kemi prodhuar për disa marka (brande), mund të ofrojmë përgjigje edhe më të shpejta dhe të sakta ndaj pyetjeve të vizitorëve të këtyre website-ve, duke përmirësuar përvojën e tyre.

Për më tepër, integrimi i ChatGPT në mjetet e analizimit të të dhënave na ka ofruar njohuri të vlefshme për sjelljen, preferencat dhe tendencat e konsumatorëve. Këto njohuri na kanë ndihmuar për të fuqizuar hartimin e strategjive të fushatave për marketingun digjital.

Ndërsa përdorimi i Inteligjencës Artificiale, duke përfshirë ChatGPT, pritet të ketë ndikim të rëndësishëm në industrinë e marketingut, përdorimi i tij paraqet skenarë optimistë dhe pesimistë.

Nga ana pozitive, Inteligjenca Artificiale mund të përmirësojë personalizimin, të thjeshtojë operacionet dhe të përmirësojë efektivitetin e fushatave të marketingut.

Ai automatizon detyrat rutinë, duke i lejuar agjencive të përqendrohen tek nismat strategjike dhe të marrin vendime bazuar në të dhënat analitike.

Megjithatë, ka shqetësime për ndikimin e mundshëm në tregun e punës, pasi Inteligjenca Artificiale mund të sjellë zhvendosje të vendeve të punës, por edhe krijimin e profesioneve të reja.

Është e rëndësishme të pranohet se Inteligjenca Artificiale nuk mund të zëvendësojë krijimtarinë njerëzore, mendimin kritik dhe emocional. Në vend që Inteligjenca Artificiale të shihet si kërcënim, do ta konsideroja si një mjet që u mundëson bizneseve rritjen e produktivitetit”.

Z. Bozo tha se pavarësisht kufizimeve, përdorimi i kujdesshëm do të rrisë ndjeshëm potencialin e përdoruesve të tij në marketing dhe rrjete sociale.

“Përqafimi i zhvillimeve të Inteligjencës Artificiale, duke përfshirë ChatGPT, mund të ofrojë një avantazh konkurrues dhe t’u mundësojë zhvillim të mëtejshëm bizneseve të marketingut dhe jo vetëm.

Për më tepër, Inteligjenca Artificiale po transformon gjithashtu edhe në multimedia, duke mundësuar gjenerimin e imazheve dhe muzikës, pa u shqetësuar për të drejtat e autorit. I gjithë ky përparim shton mundësitë e reja dhe liri krijuese për content creators.

Në përgjithësi, besoj se IA, duke përfshirë ChatGPT dhe forma të tjera të Inteligjencës Artificiale, do të shërbejnë si asistencë inteligjente në përparimin e aftësive njerëzore dhe nxitjen e inovacionit në industri të ndryshme.

Nuk e di kush e mban mend sa është frikësuar bota kur CERN në vitin 1993 bëri konin e web protocol të aksesueshëm nga kushdo. Tashmë fëmijët mësojnë të bëjnë scroll dhe tap para se të mësojnë të flasin.

Open AI bëri të aksesueshëm për të gjithë një copëz shumë të vogël të Inteligjencës Artificiale. Do të mësohemi dhe do të jetojmë të lumtur”, thekson z. Bozo.

Së fundmi, një raport i Organizatës për Zhvillim dhe Bashkëpunim Ekonomik (OECD) me qendër në Paris merr në konsideratë të dhënat aktuale mbi ndikimin e Inteligjencës Artificiale (AI) në tregun e punës.

Aktualisht, përdorimi i IA-së është përhapur ende pak. Prandaj deri në këto momente nuk ka pasur humbje të mëdha të numrit të vendeve të punës.

“Fuqia punëtore e specializuar mirë është ndihmuar deri tani nga IA dhe nuk është zëvendësuar prej saj” – thuhet në raport. Deri tani ka pasur pak dëshmi për rënien e kërkesave për punonjës për shkak të IA-së”.

Por përparimi në IA ka qenë i tillë që, në shumë fusha, rezultatet e tij janë bërë pothuajse të padallueshme nga ato të njerëzve dhe tabloja vazhdon të ndryshojë me shpejtësi, siç kanë treguar zhvillimet e fundit në modelet e mëdha gjuhësore.

Kjo, e kombinuar me kostot në rënie të zhvillimit dhe adoptimit të sistemeve të IA. Raporti sugjeron që vendet e OECD mund të jenë në prag të një revolucioni teknologjik që mund të ndryshojë rrënjësisht vendin e punës.

Agjentët call center dhe imobiliarë, profesionet që i kanë shpëtuar ChatGPT

Për kompanitë call center, kryesisht ato që përdorin fushatën e shitjeve të produkteve, burimi njerëzor shihet ende i pazëvendësueshëm nga chat machine.

Ervin Gogo, administrator i kompanisë call center “Alba Contact” thotë se “përdorimi i ChatGPT është në varësi të projekteve që kanë kompanitë call center. Në përgjithësi, call center-at inbound prej vitesh kanë sistem suporti të automatizuar, që punonjësit i përdorin.

Pra një miks makineri/punonjës dhe për momentin nuk ka risi. Ndërsa në call center-at që operojnë me shitjet, faktori njerëzor për momentin është i pazëvendësueshëm. Një klient të painteresuar nuk e bind dot me chat machine”, theksoi ai.

Për sa i përket domosdoshmërisë së përdorimit të ChatGPT nga punonjësit për situata të paqarta, z. Gogo shton se kompanitë call center kanë të miratuara prej vitesh manualet e brendshme të konsultimit për punonjësit. “Produktet e trajtuara janë të personalizuara, nuk janë publike. ChatGPT nuk ka nga t’i dijë ato”.

Z.Gogo parashikon se nisur nga mungesa e fuqisë punëtore që vuajnë shumë sektorë, Shqipëria mund ta përqafojë shumë shpejt përdorimin e ChatGPT, pavarësisht se për zgjidhjen e shumë situatave, roli i njeriut është i domosdoshëm.

Nga ana tjetër, përdorimi masivisht, sipas tij, i ChatGPT te bizneset do të ishte më tepër i orientuar nëse konsumatorët do të kishin aftësi njohje mbi teknologjinë, gjë e cila nuk ndodh në Shqipëri.

Ndërkohë, tkurrja e numrit të të punësuarve vitet e fundit po ndihet edhe në sektorin call center, dikur oaz për punësimin e të rinjve. Sipas të dhënave të DPT, deri në shtator 2022, në ndërmarrjet call center ishin të punësuar 12,404 punonjës, me një rënie prej 18% në krahasim me fundin e vitit 2021.

Shkak i rënies së numrit të të punësuarve është emigrimi i të rinjve dhe mungesa e atyre që flasin gjuhën italiane. Kompanitë e sektorit pohojnë se problematika e mungesës së fuqisë punëtore që nisi pas 2017-s, këtë vit është kthyer në shqetësimin kryesor të tyre.

Sektori tjetër ku nuk po përdoret ChatGPT është ai në shitjen e pasurive të paluajtshme. Jonian Antoni, CEO i real estate “Century 21” theksoi se për këtë sektor është më tepër i domosdoshëm interpretimi njerëzor.

Përdorimi i Inteligjencës Artificiale ka rritur produktivitetin te prodhuesit

Sektorët prodhues apo mjekësia në vend ende nuk e kanë përfshirë ChatGPT në punën e tyre, por investimet në Inteligjencën Artificiale janë shtrirë në forma të tjera zhvilluese, me qëllim rritjen e produktivitetit.

Edvin Prençe, kryetar i ProEksport Albania, thotë se Inteligjenca Artificiale po shihet dhe përdoret në menaxhimin, gjetjen e zgjidhjeve të problemeve të ndryshme në jetën e njerëzve, por është ende në gjenezë përfshirja plotësisht e IA në industritë prodhuese.

“Patjetër janë makinat 4.0 (makina inteligjente që përmirësojnë produktivitetin) që drejtohen e monitorohen në distancë, por deri këtu kemi arritur. Në industrinë e prodhimit të veshjeve dhe këpucëve ka nisur përdorimi i çipave që monitorojnë se në çfarë faze është prodhimi dhe a ka përfunduar.

Kostoja për blerjen e një çipi inteligjent që futet në veshje është 0,03 cent euro”. Për sa i përket ChatGPT, z. Prençe tha se në këtë sektor nuk mund të përdoret te linjat prodhuese për shkak të specifikës së punës.

“Duke pasur një mungesë të theksuar në 20,000 vende pune, Inteligjenca Artificiale dhe automatizimi ka sjellë rritje të produktivitetit, duke thyer pak mungesën e theksuar të punëtorëve. Pavarësisht kësaj, përdorimi i Inteligjencës Artificiale nuk e rrezikon zëvendësimin e kapitalit njerëzor për sektorin fason”, pohoi ai.

Edhe Arben Shkodra, sekretar i përgjithshëm i Bashkimit të Prodhuesve Shqiptarë tha se përdorimi i Inteligjencës Artificiale nga disa sektorë, siç janë marketingu dixhital apo sistemet e menaxhimit të kompanive, ka shtuar produktivitetin.

“Inteligjenca Artificiale në sistemet e menaxhimit të kompanive, që po përdorin algoritmet e IA rezulton se po jep zgjidhje racionale. Si p.sh., në zëvendësimin e proceseve të rekrutimit.

Vendimin për zgjedhjen e punonjësve e merr njeriu, por IA lehtëson punën në përzgjedhjen e dosjeve që duhet të shqyrtohen për punësim. Në sektorin e marketingut dixhital, ndihmon nëpërmjet dëgjimit të mjeteve sociale, apo pozicionimit në treg të produktive. Gjithashtu në proceset operacionale të prodhimit ofron mundësinë e standardizimit të tyre dhe rritjen e produktivitetit”.

Pavarësisht se përdorimi i Inteligjencës Artificiale priret të rrisë efikasitetin e bizneseve, Arben Shkodra thekson domosdoshmërinë e hartimit të një strategjie nga qeveria se në cilët sektorë duhet të nisë përdorimi i Inteligjencës Artificiale, punonjësit e cilëve sektorë parashikohen të zëvendësojë dhe çfarë do të bëhet me punësimin e punonjësve të zëvendësuar.

“Përpara se të përqafohet përdorimi i Inteligjencës Artificiale duhet të ketë një strategji në përdorimin dhe një legjislacion rregullator për veprimtarinë e Inteligjencës Artificiale.

Të dyja këto janë të domosdoshme që të përcaktohen sektorët prioritare ku do të përdoret IA dhe se çfarë masash do të merren për fuqinë punëtore që do të zëvendësohet nga Inteligjenca.

Gjithashtu duhet të përmirësohen edhe rrethanat në funksion të përdorimit të Inteligjencës Artificiale.

Nëse një fabrikë synon të robotizojë të gjithë procesin e saj, fuqia e rrjetit energjetik për funksionin e sistemit të automatizuar në Shqipëri nuk është cilësore, sidomos në zonat malore, ku shkëputjet apo goditjet e tensionit të energjisë do t’i shkaktonin dëme të pariparueshme këtyre bizneseve”, nënvizon përfaqësuesi i Bashkimit të Prodhuesve.

Si po përdoret Inteligjenca Artificiale në mjekësi

Inteligjenca Artificiale po sjell risi të rëndësishme edhe në mjekësi. Bianka Agaraj, mjeke në degën shqiptare të laboratorit gjerman Dr.Limbach Heidelberg, thotë se Inteligjenca Artificiale po përdoret për rritjen e saktësisë në metodat diagnostikuese, ndërsa paraqet perspektiva shumë interesante për të ndihmuar në trajtimin e sëmundjeve, sidomos të atyre gjenetike.

“Inteligjenca Artificiale (AI) përdoret prej kohësh në shëndetësi. Në Europën perëndimore dhe Shtetet e Bashkuara, ajo është inkorporuar në fusha si diagnoza me imazhe (radiologjia), dermatologjia, citologjia e deri te gjenetika dhe kirurgjia e asistuar nga robotët.

Nëse marrim në shembull citologjinë: Inteligjenca Artificiale është e programuar e tillë që të identifikojë ndryshime në raportet bërthamë-citoplazmë, të cilat mund t’i humbasin syrit të lirë të mjekut në mikroskopi. Përveç se i identifikon, IA mund të japë suspektin e dyshuar të diagnozës, si dhe stadin.

Ne kemi një përvojë shumë të mirë me IA në punën e përditshme, na ndihmon të ofrojmë më tepër siguri dhe kualitet në gjenerimin e rezultateve dhe të minimizohet maksimalisht rreziku për gabime njerëzore, të cilat pa IA janë thuajse të pashmangshme.

Trajtimi është një tjetër pikë kyçe, tashmë me kirurgjinë e asistuar robotike mund të korrigjohen probleme që ndoshta më parë nuk ishin të mundura me bisturitë tradicionale. Sigurisht kanë nevojë për eksperiencën dhe mjekun e specializuar për t’i kontrolluar.

Lajm i mirë është dhe se një ditë, ndoshta do të arrijmë të korrigjojmë sëmundje gjenetike që deri më sot kemi mësuar si të bashkëjetojmë me to.

Mund të përmendim këtu Gërshërët Gjenetike CRISPR/Cas9 që morën ‘Nobelin’ në mjekësi në 2020, ato janë të programuara të ‘rregullojnë’ pjesën mutante në lokusin e gjenit të α-globin-ës në qelizat hemopoetike të njeriut, duke kështu β-Talaseminë, nga e cila vuajnë shumë individë në shtetin tonë”.

Përdorimi i Inteligjencës Artificiale ka rritur produktivitetin edhe në mjekësi, veçanërisht në lëmin e kërkimeve dhe hulumtimeve, sipas mjekes Agaraj.

“Sigurisht që nga përdorimi i IA, cilësia shtohet dhe ulet ngarkesa e personelit shëndetësor, mjafton të krahasosh sistemet e brendshme kompjuterike të dokumentimit dhe ruajtjes së të dhënave të pacientëve dhe dosjeve apo regjistrave manualë.

Përpos kësaj, ndërthurja e specialistit të mjekësisë me Inteligjencën Artificiale vetëm mund të rrisë sigurinë e analizimit, testimit e në fund diagnostikimit dhe trajtimit. Inteligjenca Artificiale dhe automatizimi në mjekësi rrisin sensitivitetin apo aftësinë e një metode për të detektuar një çrregullim të caktuar.

Pavarësisht formave nga më të ndryshmet të Inteligjencës Artificiale që po përdor mjekësia, që te robotët që marrin gjak te pacientët dhe asistimi në kirurgji, detyra e mjekut mbetet ende e pazëvendësuar nga teknologjia.

“Ka gjithmonë dy anë të së njëjtës medalje. Në panairet ndërkombëtare të mjekësisë kemi parë robotë që punojnë të paasistuar për të marrë gjakun te pacientët e sigurisht lind pyetja nëse një ditë do të arrijnë të na zëvendësojnë, por mjekësia është shumë më shumë se një punë manuale.

Të qenët mjek nuk janë vetëm manipulimet që ne bëjmë apo konsulta me pacientët, janë buzëqeshjet, fjalët e ngrohta dhe një vesh që dëgjon të gjitha ankesat e pacientit që ka përballë. Mendoj që për sa kohë mjeku është human, nuk do arrijë kurrë të zëvendësohet nga Inteligjenca Artificiale.

Megjithatë, ajo mund të jetë një komponent tepër i rëndësishëm që rrit edhe më tepër kualitetin e shërbimit tonë”. Ndërsa për sa i përket ChatGPT, znj. Agaraj pohon se nuk përdoret, pasi nuk të ndihmon në punën si mjek, përveç rasteve për lehtësimin e kërkimit në gjetjen e literaturave.

Studentët e brezit të ChatGPT-së

Për disa pedagogë, përdorimi i ChatGPT nga studentët është përhapur gjerësisht, kryesisht për punimet e diplomave dhe detyrave të kursit. Disa të tjerë pohojnë se përdorimi i tij mbetet në nivele të ulëta.

Pavarësisht shkallës së përdorimit të ChatGPT, për pedagogët mbetet shqetësues fakti se përveç shtimit të rasteve të plagjiaturës, edhe pse disa universitete private kanë shtuar masat për kontrollin e punimeve të dorëzuara nga studentët, përdorimi i IA po dëmton krijimtarinë te brezi i ri.

“Një nga pasojat negative që mund të sjellë përdorimi i Inteligjencës Artificiale, sidomos në sistemin arsimor, është ulja e interesit të nxënësve dhe studentëve për të zhvilluar aftësi analitike dhe kritike në raport me informacionin.

Ne e dimë që të shkruarit është një mënyrë për të mësuar se si të mendosh. Nisur nga ky fakt, atëherë frika qëndron në faktin se nxënës dhe studentë që nuk shkruajnë, mund të dëmtohen në zhvillimin e të menduarit kritik.

Në njëfarë mënyrë, këto aplikacione mund t’i bëjnë studentët më sipërfaqësorë dhe më pak kritikë. Po kështu, mungesa e njohurive rreth Inteligjencës Artificiale mund të ndikojë negativisht në kreativitetin e të rinjve”, thotë për “Monitor”, Erlis Hoxha, përgjegjës i Departamentit të Shkencave të Komunikimit në Universitetin Bedër.

Nora Malaj, ish-zv.ministre e Arsimit, thotë se rastet e përdorimit të ChatGPT nga studentët nuk janë të shumta. Znj. Malaj nuk e vlerëson pozitiv përdorimin e makinës inteligjente në arsim, pasi jo vetëm që do të krijonte qëndrim pasiv të të krijuarit, por edhe varësi, çka do të sillte humbjen e komunikimit te brezi i ri.

“Sigurisht që përdorimi i ChatGPT nuk është pozitiv, në një kohë kur ne vuajmë fenomenin e ‘copy paste’, por gjithashtu do të shkaktojë pasivitet te krijimi.

Një nga problemet më madhore do të jetë prekja e fantazisë. Nëse do të kesh një mekanizëm inteligjent, përdorimi i tij do të bënte të varur, nuk do të nxiste krijimin, motivimin, duke sjellë dorëzimin para gjithë vështirësive”.

Blogerat

ChatGPT, apo siç njihet ndryshe Inteligjenca Artificiale gjeneruese në Shqipëri po përdoret më së shumti nga individët për zgjidhjen e vendeve për pushime, ndërsa pritet të përqafohet përdorimi edhe për krijimin e statuseve apo zgjedhjen e vendeve që kërkojnë të vizitojnë blogerët e rrjeteve sociale të Instagram.

Blogerja Estela Ujka tha se nuk e përdor makinën inteligjente në punën e saj, por nuk e përjashtoi mundësinë për ta provuar./Monitor

Për të dytën ditë radhazi në fushgropën e Korçës është regjistruar fenomeni “Erozion eror”.

Erërat e forta që shoqërojnë fenomenin “Erozion eror” të japin përshtypjen e një tornadoje, e cila dallohet me sy të lirë.

Përveç pluhurit që ka mbuluar zonën, stuhia e rërës ka sjellë dëmtimin e tokave e sidomos ato torfikeve.

Banorët vijojnë të shprehin shqetësim. Kujtojmë se ky fenomen u regjistrua edhe ditën e djeshme në fushgropën e Korçës./ CNA

Lavdije Nela, bashkëshortja e të poetit të ekzekutuar Havzi Nela ka marrë fjalën e para sot në takimin përkujtimor që Partia Demokratike ka organizuar në përkujtim të 35-vjetorit të ekzekutimit të Nelës nga regjimi diktatorial.

Në takimin që u zhvillua nën pakujdesjen e z. Sali Berisha, znj. Neta ngriti problemet që ende nuk kanë reshtur për familjen e saj pavarësisht këtyre tri dekadave demokraci, te mungesa e mbështetjes, tek dhënia e drejtësisë dhe sidomos, ajo e vuri theksin tek fjala se në krye të shtetit, qeverisë, në parlament, sot vazhdojnë të qeverisin bijtë e bllokmenëve të dikurshëm. “Babai i tij, kryexhelat” tha znj. Nela për kryeministrin që qeveris vendin, Edi Ramën.

“Diktatura enveriste, staliniste, marksiste leniniste, – tha zn. Nela, – gjakpirëse e pamëshirshme për jetën e poetit, për fatin e poetit, për vuajtjet e mia që vazhdojnë akoma edhe kësaj dite sot, që sot jam edhe pa shtëpi, pa rrogë, pa asgjë.

Vetëm falënderoj Zotin që kam jetën që më ka dhënë që t’i dëshmoj sot se asnjëherë nuk jam shprehur, se e kam dashur shumë lirinë, demokracinë, kam sakrifikuar rininë time, jetën time dhe sot, 35 vite, jam duke jetuar në vetmi.

Asnjë ndihmë nuk kemi nga askush! Shteti ynë nuk e hap derën! Nuk na pranon. Ne të burgosurit politikë, të përndjekurit, nuk na duan ata. Ne e kemi “damkën e zezë” mu në ballë sepse drejtësia nuk vazhdon ndaj nesh. Kur nuk shkuan kriminelët para drejtësisë, mua, plaga ime, m’u bë e rëndë; të lehtësohej pak sikur të shkonin ata.

Dha urdhër Ramiz Alia, Fehmi Avdiu, Liri Robo, Halim Hoxha kryetar i Gjykatës së Kukësit, Hekuran Isai dhe shumë të tjerë janë me emra e mbiemra e mbi të gjitha ata vazhdojnë, djemtë e tyre…Nuk e di si i lejon parlamenti ynë që është në dorë të Nikollës dhe paraardhësit e saj, si kanë qenë?!

Si i lejon djemtë e kriminelit, të bllokmenëvë, të punojnë sot në parlament, në qeveri, ministra, kudo?! Në ushtri, shëndetësi, polici e sidomos drejtësinë e kanë kapur djemtë e kriminelëve, ata janë djemtë e kriminelëve prandaj i mban Edi Rama në drejtësi.

Pse nuk na japin drejtësi neve?! Pse nuk i çojnë kriminelët? Pse nuk ua hapin dosjet që djemtë e tyre të mos jenë në parlament, në asnjë vend?! Sidomos për Edi Ramën, kryeministrin tonë shqiptar që e di. Babai i tij kryexhelat dhe shumë të tjerë, djemtë e tyre sot na sundojnë Shqipërinë. Pse, nuk ka Shqipëria djem e vajza, nuk ka burra të mençur?!

Unë nuk e di si e keni ju që jeni në parlament që bëni ligjet e Ramës, ai duhet të japë dorëheqjen! Ai duhet të japë dorëheqjen nga skena publike dhe politike!”

SPAK përfundon hetimet, në bashkëpunim me Hetuesit e Byrosë Kombëtare të Hetimit dhe Drejtorinë e Përgjithshme të Policisë së Shtetit dhe dërgon për gjykim pranë Gjykatës së Posaçme të Shkallës së Parë për Korrupsionin dhe Krimin e Organizuar, Nuredin Dumanin dhe 19 të pandehur të tjerë, të cilët vepronin si një grup i strukturuar kriminal.

Prokuroria e Posaçme kundër Korrupsionit dhe Krimit të Organizuar, në bashkëpunim me Hetuesit e Byrosë Kombëtare të Hetimit dhe Drejtorinë e Përgjithshme të Policisë së Shtetit, ka përfunduar hetimet dhe dërguar për gjykim pranë Gjykatës së Posaçme të Shkallës së Parë për Korrupsionin dhe Krimin e Organizuar, procedimin penal me Nr.75 të vitit 2022, në ngarkim të 20 personave, e më konkretisht të pandehurve:

Nuredin Dumani, Henrik Hoxha, Skerdi Tasi, Enver Diva, Besian Xhixha, Erion Alibej, Florenc Çekrezi, Elvis Koçi (Çaushllari), Ilirian Feci, Asllan Plaku, Ardian Uzuni, Altin Ndoci, Gentian Sharra, Agron Qoli, Petrit Qoli, Fatos Gosa, Agron Qafa, Agim Gjini, Xhulian Hoxha dhe Albert Pashaj, me akuzat e parashtruara në kërkesë për vepra penale të kryera në formën e bashkëpunimit të veçantë të grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale” dhe të parashikuara nga nenet 78, 79 pika “d”, 79 pika “dh”, 22, 80, 279, 278/1, 130/a, 139, 140, 152, 28/4, 244, 333/a dhe 334 të Kodit Penal, për faktet penale poshtëcituar:

1. Sigurimi i mjeteve dhe i kushteve për të vrarë Kastriot (Elton) Kilen më datë 29.03.2022, në Elbasan;
2. Vrasja me paramendim e Filip Gjeloshaj më datë 05.02.2011 rreth orës 22’’, në rrugën ’’Siri Kodra” Tiranë, e mbetur në tentativë;
3. Vjedhje me dhunë e pasurisë së Lirak Bajraktari më datë 22.02.2011 rreth orës 08’’ në qytet Elbasan;
4. Vjedhja me dhunë e pasurisë së Skënder Rroshi më datë 28.04.2011 në lagjen nr.4, Kavajë;
5. Vrasja me paramendim e Elvis Dedaj më datë 05.06.2012 rreth orës 17:58’’ në lagje nr.13, Durrës, tek hyrja e Restorant “Xhenova”;
6. Vjedhja me armë e pasurisë së Xhemali Liçi më datë 19.12.2012 në lagjen “Kala” të qytetit të Elbasanit;
7. Vjedhja me dhunë e banesës së Hamit Haxhiut më datë 11 Shkurt 2013 rreth orës 04:45’’ në lagjen Popullore (Shijak);
8. Vjedhja me dhunë e pasurisë së Astrit Ademit më datë 31.05.2013 rreth orës 15:10’’ në fshatin Marikaj (Vorë);
9. Vrasja me paramendim e Fatmira (Habili) Dedaj më datë 14.09.2013 rreth orës 13:30’’ në lagjen nr. 4, në Durrës, në garazhdin e një pallati;
10. Vrasja me paramendim e Arben Islam Çeta, më 14.11.2013, rreth orës 22, në shesh parkimin e bar restorant ‘’Balla’’, në Labinot- Fushë (Elbasan), e mbetur në tentativë;
11. Vjedhja me dhunë e banesës së Hamdi Sharka më datë 20.04.2017 në fshatin Polizhan (Berat);
12. Vrasja me paramendim e Aredin Beharit më 05.11.2017, rreth orës 19’’, në lagjen “1 Maji”, tek kryqëzimi i ish Parkut (Fier), e mbetur në tentativë;
13. Vrasja me paramendim e Aredin Beharit më datë 03.04.2019, përballë magazinës “Autopassion”, në kryqëzim të parkut, rrugës në drejtim të QTU (Fier), e mbetur në tentativë;
14. Vrasja në rrethana cilësuese ndaj Agim Boriçit e Ilir Boriçit më datë 11.04.2018, rreth orës 11:30, në lagjen “8 Shkurti” të qytetit të Fierit, e mbetur në tentativë;
15. Vrasja në rrethana cilësuese e Andi Zylyfit dhe plagosja e Ardit Uruçit më datë 13.12.2019, rreth orës 18:36, në rrugën nacionale Peqin-Elbasan;
16. Shkatërrim me eksploziv i pronës së Mustafa Subashi më datë 29.01.2020, rreth orës 20:45, kati i parë i një ndërtese të banuar në afërsi të disko “Colombo”, (sektori Teuta), Durrës;
17. Dhuna në familje, ndaj bashkëshortes Blerta Bengasi, ndodhur më datë 30.01.2020, rreth orës 11:30’, në rrugën Mihal Grameno, Tiranë;
18. Vrasja në rrethana cilësuese e shtetasve Dorian Shkoza e Anxhelo Avdia, më datë 02.03.2020, ora 19:00, në lagjen 14, Durrës;
19. Vrasja në rrethana cilësuese e vëllezërve Besmir Haxhia e Viktor Haxhia më datë 27.04.2020, rreth orës 16.35, në vendin tregu i mjeteve në Shën Vlash, Durrës;
20. Vrasja me paramendim e Emiljano Ramazanit më datë 20 Korrik 2020, në lagje 28 Nëntori, Elbasan;
21. Vrasja me paramendim e Regis Runaj më datë 29 Korrik 2020, rreth orës 22:00, në lagjen “Emin Matraxhiu”, në vendin e njohur ‘’Belebej’’, në afërsi të varrezave të qytetit Elbasan;
22. Sigurimi i kushteve dhe i mjeteve materiale për të kryer vrasjen e shtetasit Sokol Sanxhaktari, para datës 30 Korrik 2020, në Elbasan;
23. Vrasja me paramendim e Bujar Çelës, më datë 17.09.2020, rreth orës 05:40, në afërsi të rrethrrotullimit të Bradasheshit (Elbasan);
24. Shkatërrim me eksploziv i pronës së Talo Çelës më datë 05.11.2020, rreth orës 04:20, në fshatin “Katund i Ri”, Njësia Administrative Bradashesh, Elbasan;
25. Sigurimi i kushteve dhe i mjeteve materiale për të kryer vrasjen e Indrit Dokles në muajt Prill\Maj të vitit 2022, në Tiranë;
26. Vrasje me paramendim e shtetasit Lulzim Masha, më datë 18.01.2022, rreth orës 09:40, në rrugën “Hiqmet Buzi”, pranë Liqenit Artificial (Tiranë), e mbetur në tentativë;
27. Korrupsioni aktiv i personave që ushtrojnë funksione publike\ oficerit të policisë gjyqësore Leonard Palushi;
Gjithashtu, Prokuroria e Posaçme ka proceduar me ndarjen e akteve të procedimit penal nr.75 dhe numërtimin e tyre me nr.75/1 të vitit 2023, në kuadër të të cilit vazhdojnë hetimet në ngarkim të bashkëpunëtorëve të tjerë (emri i të cilëve është regjistruar në regjistrin e procedimeve penale) si dhe për fakte të tjera penale.

Ditën e hënë në Himarë do të zhvillohet një protestë për lirimin e Fredi Belerit, i cili u arrestua dy ditë para zgjedhjeve të 14 majit për blerje votash.

Mediat në Greqi raportojnë se në këtë protestë do të marrë pjesë edhe kryetari i bashkisë së Athinës, Kostas Bakojanis.

Protesta organizohet me iniciativën e organizatës “Omonoia”, në ora 18:00, në Pedonalen Qendrore të qytetit.

Siç thuhet në njoftimin e organizatës, tubimi organizohet pasi përfundon afati tre mujor i përcaktuar me Ligjin Zgjedhor për betimin e Fredi Belerit si kryebashkiak.

Kryebashkiaku i Athinës do të jetë ndër folësit në këtë aktivitet, në mbështetje të kryebashkiakut të zgjedhur që mbetet në paraburgim, thuhet në njoftim.

“Ne qëndrojmë pranë kandidatit për kryetar të Bashkisë Himarë, Fredi Beleri. Demokracia nuk burgoset” , ishte reagimi i parë i Bakojanis.

Disa ditë më vonë, kryetari i bashkisë së Athinës i propozoi Këshillit Bashkiak të Athinës një rezolutë mbështetëse, e cila vinte në dukje nevojën që Shqipëria të respektonte standardet evropiane dhe theksonte se “minoriteti kombëtar grek ka të drejtë të gëzojë lirinë e tij”.gsh

Shpërthime të fuqishme janë dëgjuar nga guroret që ndodhen sipër fshatit Borizanë të Fushë- Krujës.

Ngjarja ka ndodhur pasditen e kësaj të enjteje (10 gusht) në orën 17:45, ndërsa banorët të lagjes “Hima”, të cilët jetojnë pranë gurores kanë njoftuar policinë duke thënë se po u dëmtohen banesat.

News24 raporton se policia u ka kërkuar që të shkojnë dhe të bëjnë denoncim në komisariat.

Banorët nuk kanë pranuar me arsyetimin se nuk kanë besim tek insitucionet.gsh

Një ngjarje ka ndodhur mbrëmë në Fushë Arrëz. Mësohet se në rezervuarin e fshatit Iballë, ku 6-vjeçari me iniciale O.K, ka rrëshqitur në rezervuar teksa po mblidhte manaferra bashkë me prindërit.

Përpjekjet e familjarëve të tij për ta shpëtuar duke i dhënë ndihmën e parë kanë dështuar dhe për pasojë fëmija ka humbur jetën.

Policia mbërriti menjëherë në vendin e ngjarjes dhe po punon për të zbardhur rrethanat e ngjarjes së rëndë.

Njoftimi i policisë:

Fushë Arrëz/Informacion paraprak

Rreth orës 21:25, në sallën operative të stacionit të Policisë Fushë Arrëz, ka mbërritur një telefonatë se një i mitur i moshës 6 vjeç, dyshohet se aksidentalisht ka rrëshkitur në rezervuarin e Iballës, Fushë Arrëz.

I mituri është nxjerrë nga uji nga familjarët dhe i është dhënë ndihma e parë, por nuk ka arritur të mbijetojë.

Grupi hetimor ndodhet në vendngjarje dhe vijon punën për dokumentimin e plotë të rrethanave të ngjarjes.bw

Prof. Apollon Baçe, anëtar i Këshillit Kombëtar të PD mbajti një fjalim të fortë dhe me kërkesa specifike për lidershipin e PD-së në kuadër të mbledhjes që u zhvillua pak ditë më parë të forumit të lartë të demokratëve. Në Këshill, Baçe tha se Edi Rama i zgjedhjeve të pritshme, është po Edi Rama i zgjedhjeve të viteve 2013, 2017 dhe 2021 dhe se nuk pritej ndryshim për 2023-in.

Ndaj ai propozoi që  të nisë sa më parë prenotimi i një kompanie lobimi të nivelit të BGR të ‘2005; kristalizimi i strukturave me menaxherë vizionarë dhe jo burokratë partiakë;  apelimi i një “think tanku” cilësor; krijimi i një qendre centrale koordinative si edhe mbulimi logjistik i territorit deri në nivel familjar. Sipas Baçes, Berisha është një shpatar brilant, por betejat fitohen nga ushtritë që i lëvizin shtabet.

Përgjegjësia ndaj Kombit

Mirë a keq, sot opozitë e vetme është PD-ja. Laje-thaje, s’ka tjetër. Si e tillë përgjegjësia e saj ndaj zhbërjes së Kombit: Shqipërisë, Kosovës dhe diasporës, është e pamasë. Kjo pasi zhbërja etnike, kulturore dhe gjuhësore e një kombi ngjason me gropat e zeza, të cilat kozmosi i krijon pas zhbërjes së yjeve. Në ilustrim të këtij procesi të tatëpjetë, po rreshtoj disa nga të vërtetat:

Pas Serbisë, shteti europian më agresiv dhe destruktiv ndaj Kosovës është Shqipëria,

Kalbëzimi moral i organeve dhe organizmave, nga individi tek krimi i organizuar (me a pa jaka të bardha), nga delinkuenti tek ministri dhe nga gjyqësori tek policia, së fundmi deri tek ushtria, vijon me ngritje eksponenciale,
I varfëri absolut shqiptar është dy herë më i varfër se çdo varfanjak tjetër i ballkanit,

Pas pushtimit osman nga Shqipëria emigroj 1/5 e popullsisë, dekadën e fundit prej saj ka emigruar 1/3 e popullsisë, më cilësorja dhe dinamikja,
Në këtë det në furtunë, timonin e anijes e ka një sociopat, përbuzës i shqiptarëve, urryes i Kombit të tij.

Edi Rama i zgjedhjeve të pritshme, është po Edi Rama i zgjedhjeve të viteve 2013, 2017 dhe 2021: inteligjent dhe i paskrupull, dinamik dhe i pamëshirë, ekstravagant dhe kloun (në kuptimin hokatar i mbretit është mbreti vetë).

PD-ja nuk ka as tagrin dhe as mundësinë e riparimit moralo-cerebral të Ramës. Tagër i saji është riparimi i vetvetes. Si e tillë, analiza 600 faqëshe e dredhive dhe mashtrimeve të 14 majit, nuk ka  dobi si “send në vete për vetveten”. I njeh a nuk i njeh PD rezultate e këtyre zgjedhjeve, lejet dhe shkresat në Bashkinë e Shkodrës do firmosen nga Bahri Beci, jo nga Bardh Spahia. Dobishmëria publike e analizës është evidentimi i teknologjisë së mashtrimit, në mënyrë që më 2025, asaj ti paradilet me masa neutralizuese.

Partitë janë si blloqet e betonit: punojnë mirë në shtypje dhe keq në përkulje. Për të përballur përkuljen dhe çdo lloj deformimi tjetër, ato armohen me shufra çeliku, duke i kthyer në beton-arme. Ndonëse bërthamë metalike e bllokut PD është Berisha dhe të devotshmit e tij, Topalli, Ristani, Patozi, Harxhi, Balliu dhe elementë të tjerë cilësorë ishin shufrat e çelikta që i jepnin fleksibilitet dhe qëndresë partisë. Çuditërisht PD i flaku tej për ti zëvendësuar me specie “noname/nobody”, në mos qesharakë të paktën absurdë. Me një optikë të tillë edhe e justifikoj largimin emocional nga parlamenti, por nuk arrij dot të kuptoj mospjesëmarrjen në reformën territoriale dhe në zgjedhjet vendore të vitit 2019.

A ishin këto thjesht aksione të një Bashe që ka vështirësi me tabelën e shumëzimit? Dikur në TV pata thënë “Domatja normalisht zvarritet në pluhur dhe kur ajo synon qiellin, merita nuk është e saja, por e shkopit ku është lidhur”. Dhe këtu do pyesja se kush nga ish kryesia, e cila sot mbijeton si kryesi e ngushtë, u çua kundër këtyre akteve. Të cilët influencuan ndijshëm në humbjen e 14 majit? Nuk kuptoj as përse deri në 10 korrikun e shkuar foltoret, takimet dhe demonstratat ishin perfekte dhe në ngritje, ndërkohë që në shtator u platitën për toke.

Berisha është një shpatar brilant, por betejat fitohen nga ushtritë që i lëvizin shtabet. Ndërkohë këta shtabe hartuan skema të mefshta strukturale, menaxhuan keq dhe kryesorja nuk arritën të krijojnë frymë. Zgjedhjet e ‘2005 i njoh nga afër dhe në to kishte sa të duash rrengje dhe mashtrime, por ato u fituan pikërisht nga fryma, nga besueshmëria tek PD, duke i falur asaj deri dhe pasojat e skemave piramidale. Nuk ka ndodhur kund tjetër, që presidenti i dëbuar me armë, të kthehet me votë. Krejt ndryshe nga 14 maji, kur nuk dolën për të votuar deri të afërtit e PD.
Ndërkohë krupierët kanë filluar të thërrasin “loja po fillon” dhe ruleta ka nisur rrotullimin.

Kjo e vë PD para një sërë kërkesash të ngutshme racionale: prenotimin e një kompanie lobimi të nivelit të BGR të ‘2005; kristalizimin e strukturave me menaxherë vizionarë dhe jo burokratë partiakë; apelimin e një “think tanku” cilësor; krijimin e një qendre centrale koordinative; mbulimin logjistik të territorit deri në nivel familjar.

“Po humbëm, hapim krahun” thotë Kryetari i Këshillit Kombëtar. Kujt? Ramës, Bashës, Ramë/Bashës? Por, nëse PD vendos që të shkundet mirë, të organizohet dhe të heqë dorë nga ankimet, edhe ja dilet. Veçanërisht falë varganit të skandaleve ditore të PS, pasi çarapes nejlon, po ti ikte një fije, i iknin tërë fijet.

Prof. Apollon Baçe

Anëtar i Këshillit Kombëtar të PD

(Standard.al)

Pas emërimit të një drejtori të ri, i cili më parë ka qenë deputet i partisë në pushtet, gazetarët dhe punonjësit e tjerë të medias të shkarkuar nga RTSH i thanë BIRN se do të ngrenë padi për shkarkim të padrejtë nga puna.

Shkarkimet në televizionin publik të Shqipërisë kanë ngritur frikë të re për ndërhyrje politike pas zgjedhjes së një drejtori të ri, me disa prej atyre që humbën punën që i thanë BIRN se u pushuan në mënyrë të padrejtë pas shqyrtimit të nxituar nga komisionet ad hoc.

Sindikatat e medias në Shqipëri dhe Evropë kanë kritikuar një valë shkarkimesh në RTSH që kur Alfred Peza, ish-deputet i Partisë Socialiste në pushtet, u zgjodh drejtor në qershor.

Disa prej atyre që humbën punën kanë folur që atëherë me BIRN në kushte anonimiteti, nga frika e hakmarrjeve ligjore ose e rrezikut për të mos gjetur një punë të re.

Njëra, e cila u pushua nga puna për mungesë, tha se komisioni në rastin e saj nuk kishte marrë në konsideratë dokumentet që kishte siguruar për të justifikuar mungesën e saj në punë.

Një tjetër tha për BIRN se ditën që u bënë kontrollet, ajo e kishte pushim nga puna për të kompensuar turnet e punës gjatë fundjavës dhe pushimet e mëparshme. Shefi i saj i tha komisionit arsyen pse ajo mungonte, por pa asnjë dobi, tha ajo. “Më pas shkova në komision dhe disa ditë më vonë më njoftuan për shkarkimin përfundimtar. Pas 11 vitesh punë, kjo ishte arsyeja.”

Avokatët e disa prej të shkarkuarve nga puna e vunë në dyshim procedurën.

“Për mua, komisioni ishte i paligjshëm sepse nuk kishte autorizim se si ishte ngritur, kush e legjitimoi, kush ishin personat e emëruar”, tha Margarita Kola, juriste dhe ish-eksperte ligjore në radio RTSH.

“Kushdo që drejton televizionin publik dhe kryen këto lloj shkarkimesh duhet të japë llogari para taksapaguesve shqiptarë, sepse këta njerëz do të shkojnë në gjykatë dhe shumica e tyre do të fitojnë”, tha Kola për BIRN. “Dhe një njeri që shkon në një institucion dhe abuzon me paratë e shqiptarëve, e ka të paktën detyrim të shpjegohet.”

Avokati Besnik Dervishaj përmendi “shkelje shumë të rënda” të Kodit të Punës, duke përfshirë mungesën e shpjegimit, mosrespektimin e afateve kohore të njoftimit dhe mospërdorimin e masave disiplinore përpara se të kalohej të pushimi nga puna.

Dervishaj tha për BIRN se nëse rastet e tjera janë si dy rastet që ai kishte shqyrtuar, “jemi përballë një vepre penale të shpërdorimit të detyrës me pasoja të shumëfishta dhe në shumë episode kriminale”.

“Marrja” e RTSH-s nga Partia Socialiste

Një punonjës i tretë, një kameraman, tha se edhe ai e kishte humbur vendin e punës për shkak të mungesës kur, në fakt, po filmonte jashtë. Ai tha se supervizori i tij kishte folur në favor të rij në seancën e komisionit, por se edhe ai ishte shkarkuar nga puna.

Në një rast, dokumentet zyrtare të para nga BIRN thonë se punonjësi me dashje “shmangte detyrat që i ishin ngarkuar”, “duke i shkaktuar dëm ekonomik institucionit”.

Një tjetër, duke cituar kontrollet e kryera, ka vendosur se punonjësi nuk ka respektuar “detyrimet” dhe “përgjegjësitë” sipas kontratës së tyre me RTSH-në.

Të gjithë ish-punonjësit e kontaktuar nga BIRN thanë se kishin në plan të ngrinin padi për largim të padrejtë nga puna.

RTSH dhe drejtori i saj, Peza, nuk iu përgjigjën kërkesave për koment.

Sekretari i Përgjithshëm i Federatës Evropiane të Gazetarëve, EFJ, Ricardo Gutierrez, i tha BIRN se “marrja” e RTSH-s nga Partia Socialiste ishte një “skandal serioz”.

“Televizioni publik duhet t’i përkasë të gjithë qytetarëve shqiptarë”, tha ai. “Por ajo që ne po shohim qartë këtu është kapja e televizionit publik për ta vënë atë në shërbim të interesave vetëm të partisë në pushtet.”

Gutierrez i bëri thirrje Bashkimit Evropian të Transmetuesve, EBU, “të vërë në pikëpyetje përkatësinë e RTSH-së, e cila nuk ofron më garancitë e nevojshme të pavarësisë”.

Emërimi i Pezës pasoi atë të Armela Krasniqit, ish-zëdhënëses së Partisë Socialiste, si kryetare e Autoritetit të Mediave Audiovizive në vitin 2021.

Shqipëria ra me 20 vende në indeksin e lirisë së shtypit të përpiluar nga Reporterët pa Kufij në vitin 2022, duke rënë nga vendi 83 në vendin e 103-të.

Në raportin e tij më të fundit mbi progresin e Shqipërisë drejt anëtarësimit në BE, Komisioni Evropian tha se “asnjë progres” nuk ishte bërë përsa i përket lirisë së medias./reportel.al

Një ngjarje e rëndë tronditi Vlorën mesditën e së hënës, ku djali i anëtares së Këshillit të Lartë të Prokurorisë, Nurihan Meta, goditi për vdekje me grushte 55-vjeçarin, Armando Meshau.

Raportohet se viktima kishte dalë nga një zyrë noterie afër Gjykatës së Vlorës dhe ka hyrë brenda një qendre internet për të printuar disa dokumente.

Aty ka shkuar edhe punonjësi i Doganave, 33-vjeçari Rei Meta, i cili fillimisht ka replikuar me viktimën për konflikin që kishin për një pronë dhe më pas e ka goditur me 2 grushte që kanë rezultuar fatale për 55-vjeçarin.

“Nuk ka pasur përleshje mes tyre. Ishin vetëm dy goditje”, tha punonjësi i qendrës së internetit për Neës24.

I riu e ka qëlluar me një grusht në fytyrë dhe një në pjesën e pasme të kokës Armando Meshaun, i cili ka rënë në tokë, dhe Rei Meta më pas është larguar nga vendngjarja.

Ai është arrestuar rreth 4 orë më vonë në zonën e Lungomares nga uniformat blu.

Ish-kryeministri Sali Berisha i është përgjigjur akuzave lidhur me ndërtimin e kullës në qendër të Tiranës.

I pyetur se në lidhje me këtë është përfshirë edhe një biznesmen që ka financuar Foltoren, Berisha tha se nuk është aspak e vërtetë duke shtuar se gjitha kjo po bëhet për të hequr vëmendjen nga afera e inceneratorëve.

Pyetje: Kulla në pranë Pallatit të Kulturës , një nga pronarët ka financuar Foltoren çfarë mund të thoni?

Berisha: Shpifje nga kuzhina Fuga-Veliaj. E gjithë përpjekja është të krijojë një zhurmë për të shuar flakët e djegësit të Tiranës që nuk ekzistojnë. Gjatë qeverisjes së PD, Sali Berisha nuk ka dhënë asnjë leje për asnjë kullë. Plani që ka miratuar Këshilli Kombëtar ka qenë për ndërtimin e ndërtesave 6-8 kate në të gjithë territorin e Tiranës. Janë shpifarakë të mjerë.

Pjesë nga fjala e Berishës:

Ky mashtrim i Erion Veliajt ka së pari aspektin penal se është marrë, është paraqitur si vendim i Këshillit Bashkiak, në një kohë kur ky vendim nuk ka ekzistuar kurrë.
Së dyti, Erion Velia ka dërguar shkresë mikut të vet, Alqi Bllako me të cilën koordinonte. A e keni parë ju një video që qarkullon, ku Erioni dhe Alqi i thurin lavde vjedhjes së tyre njëri tjetrit në mënyrë të shpifur. Pra, Alqi Bllako ku i thotë se është marrë vendimi i Këshillit të Qarkut, në një kohë kur bashkitë e tjera nuk ishin pyetur asnjëherë.
Por, thellohet edhe më tej.
Ka një moment në Komisionin e Miratimit dhe dhe Shpalljes së Koncensionit. Në këtë komision kryetarja e saj Ballgjini, që duket duket se ishte një titullare në Ministrinë e Mjedisit kërkon që të mos miratohet koncensioni, meqënëse nuk ekziston vendimi i Këshillit Bashkiak, por vetëm firma e Erion Veliaj, e cila nuk përfaqësonte Këshillin Bashkiak për financimin.
Dy të deleguarit e Erion Veliajt nën diktatin e tij garantojnë komisionin se është tërësisht mendimi i këshillit, dhe firma e Veliajt është dhënë pasi është marrë vendimi i këshillit.
Pra, përveç kësaj, duke patur për ndërmarrje të vetën djegësin e Tiranës, Erion Veliaj lejon fillimin e punimeve, madje edhe të pagesave për djegësin e Tiranës pa u firmosur leja e ndërtimit nga Këshilli Kombëtar i Rregullimit të Territorit.Pra, ky e tejkalon dhe Edi Ramën në veprime.
Këshilli Kombëtar i Rregullimit të Territorit është mbledhur më 17 maj, në një kohë kur Erion Veliaj ka fillua rpunimet në djegësin e tij më datën 6 prill, dhe ka filluar njëkohësisht disbursimin e fondeve po në këtë periudhë.
E vërteta, se duhet të themi të vërtetën këtu, Këshilli i Rregullimit të Territorit, Këshilli Kombëtar, madje ka vendosur nja dy tri kushte këtu për fillimin e punimeve këtu, siç është rregulli, rregulli është strandart, ka vendosur kushte standarte. Anjëri nga kushtet nuk është përfillur, dhe punimet kishin filluar një muaj e gjysmë më parë nga Lal Djegësi në sipërmarrjen e tij. Të gjitha këto faktojnë se Erion Veliaj dhe Edi Rama me Engjëll Agaçin, Artur Metanin janë katër përgjegjësit më kryesorë dhe pronarët e djegësit të Tiranës.
Pse unë përfshij këtu Agaçion dhe Metanin? Po, janë përgjegjës plotësisht, sepse ata kishin detyrë kushtetuese dhe ligjore të bllokonin këto procedura, të bllokonin dhënien e 8 pikëve kompanisë në letra Zoto-Mërtiri, në realitet Veliaj- Rama –Agaçi, sepse ajo kompani nuk ishte e regjistruar dhe nuk ekzistonte, sepse duhej të mbetej në sekret të plotë kompania e Veliajt dhe Ramës.

Theksoj edhe njëherë, koncensioni prej 128 milionë eurosh, pra koncensioni i madh nuk mund kurrë të mbyllej pa një shpallje sipas ligjit shqiptar dhe ligjit ndërkombëtar në organet e mëdha botërore të mediave. Si rregull, Financial Times, portalin e Bankës Botërore dhe media të tjera. Kurse Erion Veliaj ka bërë çdo hap me falsitet vetëm e vetëm për të vrapuar drejt këtij krimi të shëmtuar. Unë në këtë rast do shtroj një pyetje: midis atij që vepron, midis atij që insiston dhe firmos në mënyrë të përsëritur dhe kriminale për këtë vepër, dhe atij që reziston, por në fund pas gjashtë përpjekjesh dorëzohet, cili është kryefajtori? Nuk e them këtë për të mbrojtur absolutisht Arben Ahmetajn, jo. E them këtë, se askush nuk mund ti hedhë hi syve kujt të paraqesë përgjegjës atë që refuzoi gjashtë herë, dhe jo atë që insistoi gjashtë herë atë që mashtroi, firmosi në emër të Këshillit Bashkiak, dha garanci për 91 milionë euro pa patur asnjë tagër, përveç mashtrimit, firmosi në emër të bashkive të qarkut, pa u pyetur asnjëherë bashkitë e tjera.

Pra, çfarë po vlon këtu? Këtu po vlon jë luftë brenda llojit, dhe kjo nuk mund të pranohet. PD i ka denoncuar të gjithë ëta, këtu i kam prej vitesh. Prej një viti e gjysmë janë dërguar të gjithë në SPAK, Arben Ahmetaj, Erion Veliaj, Edi Rama, Engjëll Agaçi e me rradhë me rradhë. Janë dërguar, janë paditur në SPAK. Po, po.
Por nuk mund të pranojmë që të lëshohen urdhërarreste për bashkëshorten dhe partneren e Arben Ahmetajt, në mënyrë që të katandiset kjo aferë në një aferë familajre të Arben Ahmetajt. Qëllimi i Erion Veliajt dhe i të tjerëve këtu. Jo vetëm i Erion Veliajt ç’është e vërteta, po e kam zbërthyer edhe herë tjetër këtë punë.
Nuk është aferë familjare, afera e djegësave, vjedhja e shekullit, secili ka përgjegjësinë e vet, dhe ata që thonë se ky po mbron këtë , nuk prombroj asnjëri. Që të gjithë janë dërguar nga PD pranë institucionit të akuzës, por ndërhyrjet në këtë institucion bëjnë pastaj që kjo aferë të përdoret për luftë klanesh brenda partisë. Këtë PD e ka denoncuar, do ta denoncojë, nuk e pranon dhe nuk do ta pranojë.

Presidenti Bajram Begaj nëpërmjet një statusi në “Facebook”, ka përkujtuar dëshmorin e Atdheut, komisar Gani Malushin.

Begaj shprehet se Malushi do të nderohet gjithmonë si shembull frymëzimi për Policinë e Shtetit.

REAGIMI:

Dëshmori i Atdheut, Komisar Gani Malushi do të nderohet gjithmonë si shembull frymëzimi për Policinë e Shtetit.

Do të kujtohet me respekt për luftën pa kompromis me bandat e krimin. Profesionistë si ai lartësojnë figurën e Policisë së Shtetit dhe rrisin besimin tek ajo.

Siç duket kthimit të tyre në parcela kanabisi nuk i kanë shpëtuar as repartet ushtarake. Një rast i tillë është zbuluar në një reparti ushtarak në Zall Herr të Tiranës, që çoi në arrestimin e ka tre ushtarakëve, ndërsa nën hetim janë vënë 4 persona, mes tyre komandanti i repartit.

Ndërkohë, mësohet se në këtë repart u zbuluan dhe asgjësuan 125 bimë kanabis.

Në vijim të këtij operacioni u arrestuan në flagrancë për shpërdorim të detyrës, 3 punonjës të repartit ushtarak, shtetasit:
– Gramoz Mullai, 52 vjeç, me detyrë Shef Seksioni i Sigurisë;
– Rustem Koçi, 25 vjeç, me detyrë Specialist për Zbulimin;
– Gentian Zhurda, 45 vjeç, me detyrë Specialist Sigurie.
Gjithashtu u proceduan penalisht dhe 4 shtetas të tjerë:
– A. J., 41 vjeç, me detyrë Specialist Infrasktrukture;
– P. H., 52 vjeç, me detyrë Zv/Komandant toge;
– I. D., 47 vjeç, me detyrë magazinier;
– P. D., 57 vjeç, me detyrë Komandant Reparti.bw

Zbardhet roli i drejtuesit të prokurorisë së Kukësit, Xhevahir Lita, që akuzohet se bashkëpunonte shumë ngushtë me Behar Bajrin, duke i mbyllur çështje dhe duke e informuar për gjithçka ndodhte në prokurori.

BalkanWeb ka siguruar përgjime që i përkojnë kohës kur Lita ishte ende prokuror në Shkodër dhe nuk ishte transferuar. Në një moment të dosjes, Lita njofton Bajrin se Astmer Bilali ishte shpallur në kërkim; “Ka dalë në kërkim, me Shehu….se po ta kapin…deri në tetor kryn punë…”. Ndërkohë më datë 28.07.2020, prokurori njofton Bajrin që të shkojë te një lokal ku kishin drekuar së bashku: Kam lënë syzet aty…ku hëngra buk poshtë…”.

Po ashtu një tjetër përgjim që e implikon prokurorin është ai i datës 13.10.2020, ku flet me Bajrin për një dosje të ‘Drinit’ që do ta mbyllë ai. “Desha ta mbyll unë se mund të transferohem dhe ngel pastaj e nuk ta bën kush. Problemi është më shumë te ai që është në Itali se ai ka bërë aplikimin…se ty po ta kaloj…nuk është punë telefoni…duhet me dhënë deklarim…të shikojë mundësinë që të vij…”. Ndërkohë Bajri ia kthen; Nesër do e marri në telefon dikush dhe po ja pret biletën ‘Drinit’.

Sakaq në dosje, konkretisht më datë 17.10.202 Prokurorit Lita i ka ardhur një dosje ne emër të ‘Gent Vaso’, ndërsa pyeste Bajrin për faktin nëse e njihte apo jo. Ky i fundit i kthen përgjigje, ndërsa i sugjeron dhe se si të veprojë, duke ia kthyer masën e sigurimit ‘arrest me burg’ në ‘detyrim paraqitje’. Dyshohet se biseda e bërë nga Behar Bajri (Brajoviq) nënkupton që ofrohen para në rast të caktimit të masës së sigurimit ‘detyrim paraqitje’, ndërsa i sugjeron prokurorit që të takohet me vëllain e Vasos. Më pas prokurori i dërgon një mesazh Bajrit për rastin e ‘Drinit’. “Edhe këtë të atij përtej mos ta lë mbas dore t’i vihemi e ta bëjmë se nuk është e lehtë….ti pyesim njerëzit dhe të bëjmë siç duhet..se mund të lëviz pz dhe nuk e bën kush…”.

Më datë 19.10.2020 Bajri i dërgon një mesazh Litës, ku i kujton se do të marrë para për rastin e ‘Vasos’; “Kena me të dhan për pun të tij meja kry detyrim paraqitje. Më tha ky shoku si ike thon me dit caktohet gjyqi”. Ndërkohë, Lita i kthen përgjigje; “Ej mos i bëj këto gabime me mua…mos më thuaj ca këna me të dhënë se më ofendon…miku jotë është edhe miku im…”.BW